ការចេញបញ្ជានេះ ធ្វើឡើងបន្ទាប់ពីមានពលរដ្ឋរាយការណ៍ពីករណីចោទប្រកាន់មកលើមន្ត្រីនគរបាលប៉ុស្ដិ៍នគរបាលរដ្ឋបាលព្រះបាទជាន់ជុំ នៃអធិការដ្ឋាននគរបាលស្រុកគិរិវង់ ថាបានធ្វើទារុណកម្មលើជនសង្ស័យម្នាក់រហូតបាត់បង់ជីវិត ក្រោយប្រជាពលរដ្ឋចាប់ និងវាយបណ្ដាលឲ្យរងរបួសក្រោមការចោទប្រកាន់ថា បានប៉ុនប៉ងចូលរំលោភកូនស្រីរបស់អ្នកស្រុក និងត្រូវបានបញ្ជូនមកប៉ុស្ដិ៍នគរបាលរដ្ឋបាលព្រះបាទជាន់ជុំ ហើយក៏ត្រូវបានមន្ត្រីនគរបាលប៉ុស្ដិ៍ធ្វើទារុណ ប្រើហិង្សាបន្ថែមទៀតដើម្បីសួរចម្លើយរហូតដាច់ខ្យល់ស្លាប់ពេលបញ្ជូនមកផ្ទះវិញ។

លោក វ៉ី សំណាង សង្កត់ធ្ងន់ថា ករណីនេះត្រូវស្រាវជ្រាវឲ្យដល់ឬសគល់ មិនត្រូវអនុញ្ញាតឲ្យបុគ្គលណាធ្វើអំពើហិង្សានោះទេ ព្រោះនេះជាអំពើខុសច្បាប់ ដែលនាំឲ្យស្រុកគ្មានច្បាប់គ្មានទម្លាប់។ លោកអភិបាលខេត្តតាកែវ ក៏បញ្ជាឲ្យនាយប៉ុស្ដិ៍នគរបាករដ្ឋបាលព្រះបាទជាន់ជុំ ត្រូវធ្វើរបាយការណ៍ឲ្យបានត្រឹមត្រូវ និងរាយការណ៍ទៅគណបញ្ជាការឯកភាពស្រុកតាមឋាណានុក្រម។

សូមជម្រាបថា តាមរយៈគណនីតេឡេក្រាមឈ្មោះ Si Na ដោយស្រង់យកប្រភពពីបងស្រីជនរងគ្រោះបានឲ្យដឹងថា ប្អូនប្រុសរបស់គាត់(ជនសង្ស័យ) បានទៅដល់ភូមិព្រះបាទជាន់ជុំ ឃុំព្រះបាទជាន់ជុំ ហើយត្រូវបានគេចោទប្រកាន់ថា ចូលទៅរំលោភកូនស្រីរបស់អ្នកស្រុក ទើបធ្វើឲ្យប្រជាពលរដ្ឋចាប់បាន និងព្រួតគ្នាវាយបណ្ដាលឲ្យរងរបួស និងចាប់ចងដៃចងជើងបញ្ជូនមកប៉ុស្ដិ៍នគរបាលរដ្ឋបាលប្រះបាទជាន់ជុំ ស្រុកគិរីវង់ ខេត្តតាកែវ ដើម្បីអនុវត្តនិតិវិធី។

តាមប្រភពដដែល នៅពេលជនសង្ស័យត្រូវបញ្ជូនមកដល់ប៉ុស្ដិ៍នគរបាល ជនសង្ស័យនៅមិនទាន់មានបញ្ហាអ្វីនោះទេ ហើយក៏បានលឺពីការវាយធ្វើទារុណកម្មពីសំណាក់មន្ត្រីនគរបាលប៉ុស្ដិ៍ ដែលបង្កជារបួសស្នាមជាំពេញខ្លួន និងត្រូវស្លាប់បាត់បង់ជីវិតនៅពេលបញ្ជូនមកដល់ផ្ទះវិញ។

ជុំវិញករណីនេះ សាច់ញាតិជនរងគ្រោះដែលមានទីលំនៅនៅភូមិអានខ្មៅ ឃុំកំពែង ស្រុកគិរីវង់ បានស្នើឲ្យអាជ្ញាធរពាក់ព័ន្ធជួយរកយុត្តិធម៌ដល់ជនរងគ្រោះផង៕

អត្ថបទ៖ សុខុម

The post អភិបាលខេត្តតាកែវ បញ្ជាឲ្យស្រាវជ្រាវករណីចោទប្រកាន់មន្ត្រីនគរបាលប៉ុស្ដិ៍ព្រះបាទជាន់ជុំធ្វើទារុណកម្មលើជនសង្ស័យម្នាក់រហូតបាត់បង់ជីវិត appeared first on Kampuchea Thmey Daily.

បើតាមអង្គភាពការពារកុមារ ក្រោយការស៊ើបអង្កេតរបស់ក្រុមការងារចម្រុះ FOXTROT25 ដែលមានសមាសភាពពីកម្លាំងនគរបាលជាតិ ការិយាល័យសន្តិសុខមាតុភូមិ (HSI) នៃស្ថានទូតសហរដ្ឋអាមេរិក និងអង្គភាពការពារកុមារ បានរកឃើញរូបភាពអាសអាភាសលើកុមារកម្ពុជា ត្រូវបានផលិត និងបង្ហោះទៅលើប្រព័ន្ធអនឡាញដោយបុរសជាជនសង្ស័យខាងលើ ដែលរស់នៅក្រុងប៉ោយប៉ែត។

បច្ចុប្បន្ន បុរសជាជនសង្ស័យត្រូវបានសមត្ថកិច្ចឃាត់ខ្លួន និងបញ្ជូនទៅផ្តន្ទាទោសតាមច្បាប់នៅសាលាដំបូងខេត្តបន្ទាយមានជ័យ ពីបទរំលោភសេពសន្ថវៈ និងពីបទផលិតចែកចាយរូបភាពអាសអាភាសលើកុមារ។ ខណៈជនរងគ្រោះជាច្រើនរូបក៏ត្រូវបានសមត្ថកិច្ចកំណត់អត្តសញ្ញាណ។

ក្រុមការងារចម្រុះ FOXTROT25 ក៏បានព្រមានចំពោះការផលិតរូបភាពអាសអាភាសលើកុមារកម្ពុជា ហើយចែកចាយតាមប្រព័ន្ធអនឡាញ សមត្ថកិច្ចនឹងឆ្លើយតបដោយបើកការស៊ើបអង្កេត និងឃាត់ខ្លួនបុគ្គលដែលប្រព្រឹត្តនោះ៕

The post សមត្ថកិច្ចឃាត់ខ្លួនបុរសម្នាក់ដែលផលិត និងចែកចាយរូបភាពអាសអាភាសរបស់កុមារ   appeared first on Kampuchea Thmey Daily.

ពាក់ព័ន្ធនឹងទង្វើរបស់ទាហានឈុតខ្មៅថៃ ដែលបានវាយដំ ជំរិតទារប្រាក់ និងរំលោភបំពានលើពលករខ្មែរនេះ ក្រសួងកិច្ចការនារី បានចាត់ទុកជាទង្វើអមនុស្សធម៌ ជាទង្វើគួរឱ្យស្អប់ខ្ពើមដែលមិនអាចទទួលយកបាន។ ក្រសួងលើកឡើងថា៖ “នេះជាទង្វើគួរឱ្យស្អប់ខ្ពើម អមនុស្សធម៌ ព្រៃផ្សៃមិនអាចទទួលយកបាន ហើយជាបទឧក្រិដ្ឋ និងជាការរំលោភបំពានយ៉ាងធ្ងន់ធ្ងរលើសិទ្ធិមនុស្ស សិទ្ធិស្ត្រី និងសិទ្ធិពលករទេសន្តរប្រវេសន៍ ដែលមានចែងក្នុងច្បាប់ជាតិ និងលិខិតុបករណ៍ របស់អង្គការសហប្រជាជាតិ (UN) អនុសញ្ញាស្ដីពីការលុបបំបាត់រាល់ទម្រង់នៃការរើសអើងប្រឆាំងនឹងស្ត្រីភេទ(CEDAW) អង្គការអន្តរជាតិទេសន្តរប្រវេសន៍ (IOM) និងសមាគមប្រជាជាតិអាស៊ីអាគ្នេយ៍ (ASEAN)”។

បន្ថែមពីនេះ ក្រសួងកិច្ចការនារី បានអំពាវនាវដល់សហគមន៍អន្តរជាតិ ការិយាល័យឧត្តមស្នងការអង្គការសហ ប្រជាជាតិទទួលបន្ទុកសិទ្ធិមនុស្ស (OHCHR) ភ្នាក់ងារសហប្រជាជាតិលើកកម្ពស់សមភាពយេនឌ័រ និងបង្កើនភាពអង់អាចដល់ស្ត្រី (UN Women) និងអង្គការអន្តរជាតិពាក់ព័ន្ធក្នុងការតាមដាន និងជំរុញឱ្យអាជ្ញាធរមានសមត្ថកិច្ចថៃ ធ្វើការស៊ើបអង្កេត និងចាត់វិធានការជាបន្ទាន់ ដើម្បីយកឧក្រិដ្ឋជនមកផ្តន្ទាទោសតាមច្បាប់ និងផ្តល់យុត្តិធម៌ជូនជនរងគ្រោះ ដោយគ្មានការលើកលែងនោះទេ។

ក្រសួងកិច្ចការនារី បញ្ជាក់ដែលថា បច្ចុប្បន្ន ក្រសួងបាននិងកំពុងសហការ តាមដាន យ៉ាងយកចិត្តទុកដាក់ ជាមួយក្រសួង ស្ថាប័នពាក់ព័ន្ធ និងអាជ្ញាធរមានសមត្ថកិច្ចគ្រប់លំដាប់ថ្នាក់ ក្នុងការចាត់វិធានការតាមផ្លូវច្បាប់ដើម្បីផ្ដល់យុត្តិធម៌ជូនជនរងគ្រោះ។ ជាមួយគ្នានេះ ក្រសួងក៏បានសហការជាមួយអាជ្ញាធរពាក់ព័ន្ធ សម្របសម្រួលផ្តល់ការថែទាំសុខភាពផ្លូវកាយ និងផ្លូវចិត្តជូនដល់ស្រ្តីរងគ្រោះនៅមន្ទីរពេទ្យបង្អែកខេត្តផងដែរ។

សូមជម្រាបថា កាលពីថ្ងៃទី១៥ ខែវិច្ឆិកា ឆ្នាំ២០២៥ ក្រុមទាហានឈុតខ្មៅថៃ បានប្រើប្រាស់អំពើហិង្សាព្រៃផ្សៃ វាយដំ ទាត់ធាក់ និងជំរិតទារប្រាក់ លើក្រុមពលករទេសន្តរប្រវេសន៍ខ្មែរចំនួន១៣នាក់ ក្នុងនោះ ទាហានឈុតខ្មៅ៧នាក់ ក៏បានប្រព្រឹត្តអំពើថោកទាប ស្មោកគ្រោក ដោយរំលោភសេពសន្ថវៈ ទៅលើពលករខ្មែរជាស្ត្រី១នាក់ អាយុ១៨ឆ្នាំ នៅក្នុងខេត្តចាន់បុរី ប្រទេសថៃ ជាប់ព្រំប្រទល់ស្រុកកំរៀង ខេត្តបាត់ដំបង ប្រទេសកម្ពុជា ខណៈដែលពលករខ្មែរទាំង១៣នាក់ ធ្វើដំណើរចេញពីប្រទេសថៃត្រឡប់មកប្រទេសកម្ពុជាវិញ៕

The post ក្រសួងកិច្ចការនារី ថ្កោលទោស និងអំពាវនាវឱ្យអន្តរជាតិជំរុញអាជ្ញាធរថៃចាត់វិធានការលើទាហានខ្លួនដែលរំលោភនារីពលករខ្មែរ appeared first on Kampuchea Thmey Daily.

នាយកដ្ឋានព្រហ្មទណ្ឌនៃតុលាការស្រុក Uijeongbu បានកាត់ទោសបុរសនេះឲ្យជាប់ពន្ធនាគាររយៈពេល ៤ ឆ្នាំ ក្រោមការចោទប្រកាន់ពីបទរំលោភសេពសន្ថវៈ បើយោងតាមប្រភពច្បាប់កាលពីថ្ងៃអង្គារ។ ទន្ទឹម​នឹង​នេះ តុលាការ​បាន​ចេញ​បញ្ជា​ដាក់​កម្រិត​ការងារ​រយៈពេល ៥ ឆ្នាំ​នៅ​ស្ថាប័ន​ពាក់ព័ន្ធ​នឹង​កុមារ ក្មេង​ជំទង់ និង​ជន​ពិការ។

នៅក្រោមច្បាប់ព្រហ្មទណ្ឌរបស់ប្រទេសកូរ៉េ ការចាប់រំលោភមួយផ្នែកគឺសំដៅលើការរួមរ័ក្សផ្លូវភេទ ឬប្រព្រឹត្តអំពើមិនសមរម្យជាមួយបុគ្គលណាម្នាក់ដែលសន្លប់ ឬមិនអាចយល់ស្រប ឬទប់ទល់បាន។ តុលាការ​បាន​ឲ្យ​ដឹង​ថា ឧក្រិដ្ឋកម្ម​នេះ​មាន​លក្ខណៈ​ធ្ងន់ធ្ងរ​ ព្រោះ​វា​កើត​ឡើង​នៅ​មុខ​ផ្ទះ​ជន​រង​គ្រោះ។ ដូច្នេះ គឺមិន​មាន​ការ​សោកស្ដាយ និង​មិន​ត្រូវ​លើក​លែង​ទោស​ឲ្យ​ជនបង្កឡើយ។

កំណត់ត្រារបស់តុលាការបង្ហាញថា ជនសង្ស័យបានជួបជនរងគ្រោះ កាលពីយប់ខែកញ្ញាឆ្នាំមុននៅ Pocheon, Gyeonggi ។ ជនសង្ស័យ​បាន​ដើរ​ទៅ​ជិត​បុរស​នោះ ខណៈ​កំពុង​ដើរ​តាម​ផ្លូវ ហើយ​សួរនាំ​ថា ខ្លួន​ទៅ​ណា មុន​នឹង​ប្រាប់​ថា​ផឹក​ស្រា​បៀរ​ជាមួយ​គ្នា ។ ក្រោយ​ពី​ផឹកស៊ីរួច ​ទាំង​២​នាក់ជន​រង​គ្រោះ​បាន​ចាកចេញ​ទៅ​ផ្ទះ ។ ពេលនោះជនសង្ស័យបានថើបគាត់។ ដោយ​មានការ​ភ្ញាក់ផ្អើល ជនរងគ្រោះ​បាន​ដួល​ទៅលើ​ដី ហើយ​ជនសង្ស័យ​បាន​ឡើងលើ ហើយ​ចោទថា​បាន​រំលោភ​ផ្លូវភេទ​។

ក្នុង​សវនាការ​ជន​សង្ស័យ​បាន​បដិសេធ​ចំពោះ​ការ​ចោទ​ប្រកាន់​ដោយ​លើក​ហេតុផល​ថា ទោះ​បី​ជា​ពួក​គេ​បាន​ថើប​គ្នា​ដោយ​ការ​ព្រមព្រៀង​គ្នា​ក៏​ដោយ ក៏​មិន​មាន​សកម្មភាព​អ្វី​កើត​ឡើង​ទៀត​ដែរ។ ទោះបីជាយ៉ាងណាក៏ដោយ អ្នកស៊ើបអង្កេតបានរកឃើញ DNA របស់ជនសង្ស័យនៅលើខោក្នុងរបស់ជនរងគ្រោះ ហើយវីដេអូពីកាមេរ៉ាឃ្លាំមើលនៅក្បែរនោះបានគាំទ្រគណនីរបស់ជនរងគ្រោះ។

ជនសង្ស័យបានចូលប្រទេសកូរ៉េក្នុងឆ្នាំ ២០២២ តាមទិដ្ឋាការរយៈពេលខ្លី ហើយក្រោយមកបានដាក់ពាក្យសុំឋានៈជាជនភៀសខ្លួន ដែលអនុញ្ញាតឲ្យគាត់ស្នាក់នៅក្នុងប្រទេសដោយស្របច្បាប់រហូតដល់ខែមេសាឆ្នាំនេះ។ នៅក្រោមច្បាប់ជនភៀសខ្លួនកូរ៉េ អ្នកដាក់ពាក្យសុំត្រូវបានអនុញ្ញាតឲ្យស្នាក់នៅបណ្តោះអាសន្ន ខណៈពេលដែលករណីរបស់ពួកគេកំពុងស្ថិតក្រោមការត្រួតពិនិត្យ។

ដោយឡែក សម្រាប់ជនជាតិឥណ្ឌាជាច្រើនដែលស្វែងរកឋានៈជាជនភៀសខ្លួននៅក្នុងប្រទេសកូរ៉េ ជាធម្មតាលើកឡើងពីហេតុផលសេដ្ឋកិច្ច ឬការគំរាមកំហែងពីបុគ្គលឯកជន៕

អត្ថបទ៖ សាង ស្រីល័ក្ខ

ចុចអាន៖​Kim Ho Joong សរសេរ​សំបុត្រ​​សច្ចា​ពីក្នុង​គុក សុំកែខ្លួនជាថ្មី

The post បុរស ឥណ្ឌា ជាប់ពន្ធនាគារនៅកូរ៉េ ៤ ឆ្នាំ ដោយសាររំលោភភេទដូចគ្នា appeared first on Kampuchea Thmey Daily.

អាជ្ញាធរសង្កាត់ភ្នំពេញថ្មី នៃខណ្ឌសែនសុខ រាជធានីភ្នំពេញ អះអាងថាមិនចង់ឃើញអំពើជួយដូរផ្លូវភេទលើកកុមារកើតមាននៅក្នុងសហគមន៍របស់ខ្លួនឡើយ។ឆ្លើយតបនឹងក្ដីបារម្ភក្នុងសហគមន៍ និងដើម្បីចូលរួមទប់បង្ការទប់ស្កាត់អំពើជួញដូរផ្លូវភេទលើកុមារ អាជ្ញាធរសង្កាត់ភ្នំពេញថ្មី នៃខណ្ឌសែនសុខ បានរៀបចំឲ្យមានយុទ្ធនាការផ្សព្វផ្សាយសាររំឭកដល់សាធារណជន ឲ្យយល់ដឹង និងចូលរួមសហការជាមួយអាជ្ញាក្នុងការប្រយុទ្ធប្រឆាំងនឹងបទល្មើសនេះ។

” ការធ្វើអាជីវកម្មផ្លូវភេទលើកុមារ គឺជាឧក្រិដ្ឋកម្មដ៏ធ្ងន់ធ្ងរ ហើយយើងមិនចង់ឃើញវាកើតឡើងនៅក្នុងសហគមន៍របស់យើងឡើយ។ រាជរដ្ឋាភិបាលនឹងមិនអត់ឱនឲ្យជនណាម្នាក់ ឬអាជីវកម្មណាមួយ ដែលហ៊ានធ្វើឲ្យប៉ះពាល់ដល់សុវត្ថិភាព និងអនាគតរបស់កូនៗយើងនោះទេ។ យើងនឹងអនុវត្តច្បាប់យ៉ាងតឹងរ៉ឹងបំផុត។ “។ នេះជាសារដែលអាជ្ញាធរសង្កាត់ភ្នំពេញថ្មី ប្រកាស តាមរយៈឧបករណ៍រំពងសំឡេង ជាមួយនឹងការបិតខិត្តប័ណ្ណនៅតាមទីសាធារណៈ ជាពិសេសកន្លែងកម្សាន្តសប្បាយរបស់មនុស្សពេញវ័យ។

លោក លក្ខ័ណ្ឌ ដូរ ចៅសង្កាត់រងទី១ នៃសង្កាត់ភ្នំពេញថ្មី ខណ្ឌសែនសុខ  អះអាងថា យុទ្ធនាការនេះ ធ្វើឡើងដើម្បីរំឭកសាធារណជនឱ្យមានស្មារតីចូលរួមទប់ស្កាត់បទល្មើសធ្វើអាជីវកម្មផ្លូវភេទលើកុមារ។ ហើយតាមរយៈសារទាំងអស់នេះ វាអាចនឹងជួយបំភ័យ និងបន្ទច់បង្អាក់ជនល្មើស និងអ្នកដែលមានបំណងប្រព្រឹត្តបទល្មើស ឲ្យបញ្ឈប់សកម្មភាពរបស់ខ្លួនផងដែរ។

ចៅសង្កាត់រងរូបនេះបន្តថា ការបង្ក្រាបទ្រង់ទ្រាយធំកាលពីពេលកន្លងទៅ បានបង្ហាញពីកិច្ចខិតខំប្រឹងប្រែងយកចិត្តទុកដាក់របស់កម្លាំងសមត្ថកិច្ចក្នុងការអនុវត្តច្បាប់យ៉ាងម៉ឺងម៉ាត់ ប៉ុន្តែករណីនេះបានអង្រួនចិត្តប្រជាពលរដ្ឋក្នុងសហគមន៍ឲ្យព្រួយបារម្ភពីសុវត្ថិភាពកូនចៅរបស់ពួកគាត់។ ដូច្នេះអាជ្ញាធរសង្កាត់ ដែលនៅកៀកជិតនឹងសហគមន៍បំផុត ត្រូវតែធ្វើយុទ្ធនាការអំពាវនាវឲ្យប្រជាពលរដ្ឋគ្រប់មជ្ឈដ្ឋាន ជាពិសេសអ្នកធ្វើអាជីវកម្មផ្នែកកម្សាន្តសប្បាយសម្រាប់មនុស្សពេញវ័យ ឲ្យចូលរួមបង្ការទប់ស្កាត់ទាំងអស់គ្នា។

សូមជម្រាបថា អាជ្ញាធរសង្កាត់ភ្នំពេញថ្មី នៃខណ្ឌសែនសុខ បានធ្វើយុទ្ធនាការផ្សព្វផ្សាយពីការបង្ការទប់ស្កាត់អំពើជួញដូរមនុស្ស និងការកេងប្រវ័ញ្ចផ្លូវភេទលើកុមារ នារសៀលថ្ងៃទី ១៧ ខែមិថុនា ឆ្នាំ ២០២៥ ដោយមានការចូលរួមពីក្រុមប្រឹក្សាសង្កាត់ និងសហការី ព្រមទាំងកងកម្លាំងក្នុងមូលដ្ឋាន៕

The post អាជ្ញាធរសង្កាត់ភ្នំពេញថ្មី ថាមិនចង់ឃើញអំពើជួញដូរផ្លូវភេទលើកុមារ កើតឡើងក្នុងសហគមន៍ខ្លួនឡើយ appeared first on Kampuchea Thmey Daily.

តាមពាក្យបណ្ដឹង​របស់​ម្តាយ​ជន​រងគ្រោះ បាន​រៀបរាប់​ថា ជនរងគ្រោះ​ជា​កូនរបស់ខ្លួនមានឈ្មោះ អាយុ៣៤ឆ្នាំ រស់នៅភូមិបាលិលេយ្យ១ សង្កាត់ប៉ោយប៉ែត ក្រុងប៉ោយប៉ែត ដោយ​មុន​ពេល​កើត​ហេតុ​នោះ ជនសង្ស័យ​មានឈ្មោះ ជ័យ ចាន់តារា ភេទប្រុស អាយុ៣៥ឆ្នាំ រស់​នៅ​ភូមិផ្សារកណ្ដាល សង្កាត់ផ្សារកណ្ដាល ក្រុងប៉ោយប៉ែត បាន​ស្គាល់​គ្នា​អស់​រយៈពេល១ខែមកហេីយ នៅ​ថ្ងៃ​កេីតហេតុ​នោះ​ជន​រងគ្រោះ​បាន​មក​លេង​ផ្ទះ​ជន​សង្ស័យ ឈ្មោះ ជ័យចាន់តារា ក្រោយ​មក​ទៀត​ខ្លួន​បាន​ចូល​បន្ទប់​ទឹក​ ស្រាប់តែជនសង្ស័យឆ្លៀត​ឱកាស​ចូល​ក្នុងបន្ទប់ទឹកដែរ ហើយ​បាន​ចាប់​បង្ខំ​រួមរក្ស​ក្នុង​បន្ទប់​ទឹក​តែ​ម្តង ដោយសារ​តែ​ខ្លួន​ភ័យ​ខ្លាច​ក៏​មិន​ហ៊ាន​រក​រឿង​ជនសង្ស័យ​ រឿង​នេះ​ក៏​ស្ងប់ស្ងាត់​ទៅ។

ក្រោយ​មក​ទៀត​មាន​កម្មវិធី​មិត្តភក្តិខ្លួនបានចូលក្នុងនោះ

ជនសង្ស័យ​ក៏​បាន​ចូលរួម​ក្នុងកម្មវិធីនោះដែរ ស្រប​ពេល​នោះ​ជនរងគ្រោះ​បាន​ជិះម៉ូតូជាមួយគ្នា​បាន​សម្រុះសម្រួល​គ្នា​ដើម្បី​បញ្ចប់​រឿង តែ​ត្រូវ​ជន​សង្ស័យយកលេសថា​ម៉ូតូ​ខូច ហេីយបានបបួលនាង ស្នាក់​នៅផ្ទះសំណាក់មួយយប់ ជនសង្ស័យ​ល្បួងរួមរក្ស​ម្តង​ទៀត ពេល​នោះ​ជន​សង្ស័យ​ក៏​បាន​ធ្វើ​សកម្មភាព​លួច​ថត​រូប​ដែល​ខ្លួន​បាន​រួមរក្ស​ជា​មួយ​គ្នា​ទុក​ធ្វើ​ការ​គំរាម ក្រោយ​មក​ដោយសារ​តែជនសង្ស័យ​ដូច​ជា​មនុស្សអន្ធពាល​ ទើបស្ត្រីជនរងគ្រោះ បានប្លុកហេ្វសបុក និងតេឡេក្រាម​របស់​ជនសង្ស័យ​ចោលទាំងអស់ ដេីម្បី​បញ្ចប់​ទំនាក់ទំនង​គ្នា ស្រាប់​តែ​ជនសង្ស័យ​ខឹង​ហើយ​គំរាម​ថា នឹង​បង្ហោះវីឌីអូ រូប​រួមរក្ស​គ្នា​តាម​បណ្ដាញសង្គម facebook ព្រម​ទាំង​គំរាម​ធ្វេី​បាប​ទៀត​ផង ទេីប​ម្តាយ​ជនរងគ្រោះ​ដាក់​ពាក្យប្តឹងសមត្ថកិច្ចតែម្តង។

ក្រោយពី​ទទួល​បាន​ពាក្យ​បណ្ដឹង​ហើយ កម្លាំង​ជំនាញ​របស់​មូលដ្ឋាន​កងរាជអាវុធហត្ថ​ក្រុងប៉ោយប៉ែត បាន​ចុះស្រាវជ្រាវកំណត់មុខសញ្ញា រហូតឈានដល់ការឃាត់ខ្លួនជនសង្ស័យឈ្មោះ ជ័យ ចាន់តារា ភេទប្រុស អាយុ៣៧ឆ្នាំ នៅចំណុចមុខផ្ទះសំណាក់ ពៅ ពិសី ស្ថិតក្នុងភូមិគីឡូម៉ែត្រ៤ សង្កាត់ផ្សារកណ្ដាល ក្រុងប៉ោយប៉ែត រួមនឹងវត្ថុតាងទូរសព្ទ​ដៃ ចំនួន​មួយ​គ្រឿង​មាន​រូប​រួមរក្ស ហើយ​នាំ​មក​កាន់មូលដ្ឋានកងរាជអាវុធហត្ថក្រុងប៉ោយប៉ែត ដើម្បី​សួរនាំ​ទៅ​តាម​នីតិវិធី។

លោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុងបាន​ឱ្យ​ដឹង​ថា ជន​រងគ្រោះ​បាន​សារភាព​ថា​ ខ្លួនពិតជាបានប្រព្រឹត្យដូចពាក្យបណ្តឹងពិតប្រាកដ។

ជនសង្ស័យ ត្រូវបានកម្លាំងមូលដ្ឋានកងរាជអាវុធហត្ថក្រុង ប៉ោយប៉ែត កសាង​សំណុំ​រឿង​បញ្ជូន​មក​កាន់​បញ្ជាការដ្ឋានកងរាជអាវុធហត្ថខេត្ត ចាត់ការ​បន្តតាមនីតិវិធី។

លោកវរសេនីយ៍ទោ ព្រហ្ម ថេង ប្រធានមន្ទីរស្រាវជ្រាវនិងបង្ក្រាបបទល្មេីសបាន​ឱ្យ​ដឹង​ថា ការ​បង្ក្រាប​ករណី​ខាងលើ​នេះ ទទួល​បាន​ការ​អនុញ្ញាត ពី​លោក​ឧត្តមសេនីយ៍ត្រី បោន ប៊ិន មេបញ្ជាការកងរាជអាវុធហត្ថខេត្ត និងមានការសម្របសម្រួលនីតិវិធី​ពី លោក កើត វណ្ណារ៉េត ព្រះរាជអាជ្ញា អមសាលាដំបូងខេត្ត ជនសង្ស័យត្រូវបានកម្លាំងការិយាល័យព្រហ្មទណ្ឌ កងរាជអាវុធហត្ថ​ខេត្ត​បញ្ជូន​ទៅ​សាលា​ដំបូង​ខេត្ត​ហើយ នៅព្រឹក​ថ្ងៃចន្ទ ទី៥ ខែឧសភា ឆ្នាំ​២០២៥​នេះ ដើម្បី​អនុវត្ត​តាម​នីតិវិធី​ច្បាប់៕

ដោយ ៖ វ៉ាន់ ណាង

The post ជនសង្ស័យ​ម្នាក់​ល្បួង​រំលោភ​នារី​ម្នាក់​បាន​សម្រេច​ ហើយ​លួច​ថត​រូប​គំរាម​ត្រូវ​អាវុធហត្ថ​ឃាត់​ខ្លួន appeared first on Kampuchea Thmey Daily.

ហេតុការណ៍នេះបានកេីតឡេីងកាលពីវេលាម៉ោង៤និង៥៥នាទីព្រឹក ថ្ងៃទី២៣ ខែមេសា ឆ្នាំ២០២៥ នៅភូមិគោកខ្សាច់ សង្កាត់ប្រទះឡាង​ ខណ្ឌកំបូល រាជធានីភ្នំពេញ។

ជនរងគ្រោះមានឈ្មោះ ឌ​ ច រ​ អាយុ២០ឆ្នាំ​ មានទីលំនៅស្រុកសាមគ្គីមានជ័យ​ ខេត្តកំពង់ឆ្នាំង​។ តាមប្រភពព័ត៌មានបានឲ្យដឹងថា​ មុនពេលកេីតហេតុ ជនរងគ្រោះ និងបងស្រី ត្រូវបានសង្សារបងស្រី និងមិត្តភក្ដិម្នាក់ទៀតណាត់ជួបផឹកស៊ីនៅម្តុំផ្លូវចោមចៅ​។ ក្រោយផឹកស៊ីចប់​ បងស្រីជនរងគ្រោះ និងសង្សារ បានដឹកគ្នាតាមម៉ូតូទៅមុនបាត់​ ចំណែកជនរងគ្រោះត្រូវបានជនសង្ស័យដែលត្រូវជាមិត្តភក្តិសង្សារបងស្រីដឹកទៅតាមក្រោយ។

ប្រភពដដែលបានបន្តថា​ ខណៈដឹកតាមផ្លូវជនសង្ស័យបានលួងលោមបបួលជនរងគ្រោះចូលដេកផ្ទះសំណាក់តែជនរងគ្រោះមិនព្រម​ ទេីបធ្វេីឲ្យជនសង្ស័យផ្ទុះកំហឹងដឹកចូលព្រៃស្ងាត់ចាប់វាយទ្រមខ្លួនរួចរំលោភបានសម្រេច និងប្លន់យកទូរស័ព្ទមួយគ្រឿងគេចខ្លួនបាត់។

ក្រោយកេីតហេតុជនរងគ្រោះត្រូវបានរថយន្តសង្គ្រោះរបស់អង្គភាព៧១១ កងពលតូចលេខ៧០ ដឹកបញ្ជូនទៅមន្ទីរពេទ្យព្រះកុសុមៈ ដេីម្បីព្យាបាលចំណែកជនសង្ស័យសមត្ថកិច្ចកំពុងធ្វេីការស្រាវជ្រាវតាមចាប់យកមកដាក់ទោសតាមច្បាប់៕

អត្ថបទ៖ សុខា

The post លួងលោមចូលផ្ទះសំណាក់មិនបាន ដឹកចូលព្រៃស្ងាត់ចាប់រំលោភបានសម្រេច រួចវាយប្លន់យកទ្រព្យសម្បត្តិអស់ appeared first on Kampuchea Thmey Daily.

ប៉ូលិស​បាន​បង្ហើបឲ្យដឹង​ថា នៅ​ថ្ងៃ​ទី ២៨ ខែ​មីនា វេលា​ម៉ោង​ប្រហែល ២ ទៀប​ភ្លឺ Atari ត្រូវ​​គេ​សង្ស័យ​ថា ​បាន​ប្រព្រឹត្ត​អំពើ​ទុច្ចរិត​លើ​យុវជន​រង​គ្រោះ​ដែល​កំពុង​ងងុយដេក​លើ​កៅអី​ក្នុង​បន្ទប់​សម្រាក​នៃ​បន្ទប់ទឹក​ក្នុង​សង្កាត់ Shinagawa ។ ភ្លាមៗនោះដែរ ជនរងគ្រោះបានឃាត់ខ្លួន Atari ហើយបុគ្គលិកបន្ទប់ទឹកបានទូរស័ព្ទទៅសមត្ថកិច្ច ដែលនាំទៅដល់ការចាប់ខ្លួនលោកនៅនឹងកន្លែង។

ទោះបីជាយ៉ាងណាក៏ដោយ ទីភ្នាក់ងាររបស់ Atari បានបង្ហោះការសុំទោសជាផ្លូវការនៅលើគេហទំព័ររបស់ពួកគេដោយបញ្ជាក់ថា ពួកគេនឹងពិចារណាលើសកម្មភាពកម្សាន្តនាពេលអនាគតបន្ទាប់ពីការស៊ើបអង្កេតការពិត ។ ក្នុងអំឡុងពេលសាកសួររបស់ប៉ូលិស Atari បានបដិសេធការចោទប្រកាន់នេះ ដោយអះអាងថាគាត់ គ្មានការចងចាំអ្វីទាំងអស់ នៃការចោទប្រកាន់ពីបទរំលោភផ្លូវភេទលើភេទដូចគ្នា។

បន្ទាប់ពីដំណឹងនេះបានសាយភាយលើបណ្ដាញសង្គម អ្នកគាំទ្រ និងមហាជនបានប្រតិកម្មខ្លាំងៗ ដោយមនុស្សជាច្រើនបានសម្តែងការភ្ញាក់ផ្អើល និងខកចិត្តចំពោះការចោទប្រកាន់មកលើតារារូបនេះយ៉ាងភ្លូកទឹកភ្លូកដី។

Atari បានបង្ហាញខ្លួនជាលើកដំបូងក្នុងឆ្នាំ ២០០៦ ហើយទទួលបានប្រជាប្រិយភាពជាមួយនឹងបទចម្រៀងដូចជា «Sansara» និង «Hana» ដែលត្រូវបានបង្ហាញជាប្រធានបទបើកសម្រាប់ស៊េរីភាពយន្តឯកសាររបស់ Fuji TV «The Nonfiction» ។ គាត់ត្រូវបានគេស្គាល់ផងដែរសម្រាប់ការសម្តែង «Tane wo Maku Hibi» ដែលជាប្រធានបទបញ្ចប់ទី១៣ សម្រាប់ “BLEACH” និង “Natsu Yuuzora” ដែលជាប្រធានបទបញ្ចប់សម្រាប់ “សៀវភៅ Natsume’s Book of Friends»៕

អត្ថបទ៖ សាង ស្រីល័ក្ខ

ចុចអាន៖ស្ដេចចម្រៀងហុងកុង Jacky ថា វ័យគាត់កាន់តែខ្សោយ សុខភាពក៏ទ្រុឌទ្រោមដែរ

The post តារា​ចម្រៀង​ល្បី​ម្នាក់នៅជប៉ុន ​ត្រូវ​ចាប់​ខ្លួន​ពី​បទ​រំលោភ​ភេទ​ដូច​គ្នា​ appeared first on Kampuchea Thmey Daily.