ជីវិតកម្សាន្ដ

តារាចម្រៀងល្បីម្នាក់នៅជប៉ុន ត្រូវចាប់ខ្លួនពីបទរំលោភភេទដូចគ្នា

បានផុស

៨ ខែ មុន

នៅ

ថ្ងៃចន្ទ ៣១ មីនា ២០២៥

ដោយ

តារាចម្រៀងជនជាតិជប៉ុន Kousuke Atari ដែលល្បីល្បាញដោយសារការរួមចំណែករបស់គាត់ ក្នុងបទចម្រៀងបែប Anime ដូចជា BLEACH និង Natsume’s Book of Friends ត្រូវប៉ូលិសចាប់ខ្លួនដោយសង្ស័យថា បានរំលោភផ្លូវភេទបុរសអាយុ ២០ ឆ្នាំនៅឯផ្ទះងូតទឹកតូក្យូ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប៉ូលិសបានបង្ហើបឲ្យដឹងថា នៅថ្ងៃទី ២៨ ខែមីនា វេលាម៉ោងប្រហែល ២ ទៀបភ្លឺ Atari ត្រូវគេសង្ស័យថា បានប្រព្រឹត្តអំពើទុច្ចរិតលើយុវជនរងគ្រោះដែលកំពុងងងុយដេកលើកៅអីក្នុងបន្ទប់សម្រាកនៃបន្ទប់ទឹកក្នុងសង្កាត់ Shinagawa ។ ភ្លាមៗនោះដែរ ជនរងគ្រោះបានឃាត់ខ្លួន Atari ហើយបុគ្គលិកបន្ទប់ទឹកបានទូរស័ព្ទទៅសមត្ថកិច្ច ដែលនាំទៅដល់ការចាប់ខ្លួនលោកនៅនឹងកន្លែង។

ទោះបីជាយ៉ាងណាក៏ដោយ ទីភ្នាក់ងាររបស់ Atari បានបង្ហោះការសុំទោសជាផ្លូវការនៅលើគេហទំព័ររបស់ពួកគេដោយបញ្ជាក់ថា ពួកគេនឹងពិចារណាលើសកម្មភាពកម្សាន្តនាពេលអនាគតបន្ទាប់ពីការស៊ើបអង្កេតការពិត ។ ក្នុងអំឡុងពេលសាកសួររបស់ប៉ូលិស Atari បានបដិសេធការចោទប្រកាន់នេះ ដោយអះអាងថាគាត់ គ្មានការចងចាំអ្វីទាំងអស់ នៃការចោទប្រកាន់ពីបទរំលោភផ្លូវភេទលើភេទដូចគ្នា។

បន្ទាប់ពីដំណឹងនេះបានសាយភាយលើបណ្ដាញសង្គម អ្នកគាំទ្រ និងមហាជនបានប្រតិកម្មខ្លាំងៗ ដោយមនុស្សជាច្រើនបានសម្តែងការភ្ញាក់ផ្អើល និងខកចិត្តចំពោះការចោទប្រកាន់មកលើតារារូបនេះយ៉ាងភ្លូកទឹកភ្លូកដី។

Atari បានបង្ហាញខ្លួនជាលើកដំបូងក្នុងឆ្នាំ ២០០៦ ហើយទទួលបានប្រជាប្រិយភាពជាមួយនឹងបទចម្រៀងដូចជា «Sansara» និង «Hana» ដែលត្រូវបានបង្ហាញជាប្រធានបទបើកសម្រាប់ស៊េរីភាពយន្តឯកសាររបស់ Fuji TV «The Nonfiction» ។ គាត់ត្រូវបានគេស្គាល់ផងដែរសម្រាប់ការសម្តែង «Tane wo Maku Hibi» ដែលជាប្រធានបទបញ្ចប់ទី១៣ សម្រាប់ “BLEACH” និង “Natsu Yuuzora” ដែលជាប្រធានបទបញ្ចប់សម្រាប់ “សៀវភៅ Natsume’s Book of Friends»៕