ការបង្ក្រាបនេះដែលត្រូវបានចាប់ផ្តើមធើ្វប្រតិបត្តិការចាប់ពីថ្ងៃទី១៩ខែឧសភាឆ្នាំ២០២៦ ដែលស្ថិតក្នុងឃុំចុង ស្រុកកែវសីមា ខេត្តមណ្ឌលគិរី។ លោក ឈិត សុផល បានឲ្យដឹងថា ប្រតិបត្តិការបង្ក្រាបទីតាំងរ៉ែមាសអនាធិបតេយ្យស្ថិតនៅតំបន់មេសំនេះ ក្នុងនាមមន្ត្រីជំនាញនិងបន្តសហការជាកងកម្លាំង អនុវត្តបង្រ្កាបដូចភ្លៀងរលឹមបោសសម្អាតឲ្យ អស់រាល់សង្វាក់ផលិតកម្មរ៉ែមាសអនាធិបតេយ្យ។

លោកបានបន្តថា៖ «ការបោសសម្អាតសកម្មភាពរុករករ៉ែដោយខុសច្បាប់ ទោះបីជាការបង្រ្កាបនេះ ប្រើរយៈពេល១ ដល់៣ខែ យ៉ាងណាងក៏ដោយ អាជ្ញាធរនិងសមត្ថកិច្ចគ្រប់ជំនាញនឹងបន្តបង្ក្រាបឲ្យអស់ពីលទ្ធភាព ដើម្បីធានាថានៅតំបន់មេសំនេះត្រូវបានបោសសម្អាតគ្មានការរុករករ៉ែមាសអនាធិបតេយ្យបន្តទៅទៀត ៕ អត្ថបទ៖រៀម សុខហេង

The post កម្លាំងសមត្ថកិច្ចចម្រុះ ចុះបង្ក្រាបទីតាំងរុករករ៉ែមាសអនាធិបតេយ្យនៅតំបន់មេសំ ស្រុកកែវសីមា appeared first on Kampuchea Thmey Daily.

​លោក កែវ រតនៈ ​រដ្ឋមន្ត្រីក្រសួងរ៉ែ ​និង​ថាមពល ​មានប្រសាសន៍នៅថ្ងៃទី ០៧ ឧសភា ២០២៦ថា ​​ដោយសារ​ការអនុវត្ត​បាន​ល្អ ​រាជ​រដ្ឋា​ភិបាល​បាន​ប្រគល់អាជ្ញាបណ្ណទី២ ​ឱ្យ​ក្រុម​ហ៊ុន​ ​Renaissance Minerals​ ​ធ្វើអាជីវកម្មបន្ថែមទៀត​ដែល​គ្មាន​ផល​ប៉ះ​ពាល់​អ្វី​ ទៅ​ដល់​បរិស្ថាន​នោះ​ទេ​។​

​លោក កែវ រតនៈ ​បញ្ជាក់ថា៖ «​​ប្រសិន​បើអត្រាថ្លៃមាស​បច្ចុប្បន្ន ​នៅ​ប្រហាក់ប្រហែល​ ហើយ​រ៉ែនេះចេញក្នុងរយៈពេលឆ្នាំទៀត​ ដូច្នេះបើបូករ៉ែទី១ រ៉ែទី២ ​ឯកឧត្តម គង់ វិបុល​ អាចបាន ​១៥០ ​លានដុល្លារ ​ជាពន្ធដោយផ្ទាល់ពីគម្រោង ​​Renaissance ​ប្រសិន​បើ​មានក្រុមហ៊ុនល្អៗ ​រដ្ឋាភិបាល​មិន​ខ្លាច​នឹង​ប្រគល់​អាជ្ញាបណ្ណឱ្យធ្វើ​អាជីវកម្ម​នោះ​ទេ»។

​ផលិតកម្មរ៉ែមាសកំពុងដើរតួនាទីជាប្រភពចំណូលជាតិថ្មី ដែលគិតចាប់ពីឆ្នាំ២០២១ដល់ឆ្នាំ២០២៥ កម្ពុជាផលិតដុំមាសបានប្រមាណ១៨តោន តាមការដ្ឋានរ៉ែដែលស្ថិតនៅក្នុងខេត្តព្រះវិហារ កំពង់ធំ មណ្ឌលគិរី រតនគិរី ក្រចេះ និងខេត្តបាត់ដំបង៕

The post កម្ពុជា​ រំពឹង​បាន​ចំណូល​ពន្ធ​​ពី​ក្រុមហ៊ុន ​ចម្រាញ់​រ៉ែ​មាស ​Renaissance ១៥០ ​លាន​ដុល្លារ appeared first on Kampuchea Thmey Daily.

លោក ​កែវ រតនៈ ​រដ្ឋមន្ត្រីក្រសួងរ៉ែ ​និងថាមពល ​មានប្រសាសន៍ថា​ គម្រោងវិនិយោគរ៉ែមាស​នៅព្រំប្រទល់ខេត្តកំពង់ធំ ​និងក្រចេះបានចាប់ផ្តើមដំណើរការ ខណៈរយៈពេលជាង៥ឆ្នាំមក​នេះ ចំណូល​ពីរ៉ែមាស​ជាង ​២០០លានដុល្លារ ត្រូវបានបង់ជូនរដ្ឋរួចហើយ។​ គម្រោងថ្មីចុងក្រោយនេះផ្តល់​ការងារ​ជូនខ្មែរ​យើងចំនួន៣៧៥នាក់។ ​

​​ដំណើរការប្រតិបត្តិការ​ធនធានរ៉ែ​នៅការដ្ឋាន ​និង​រោងចក្រចម្រាញ់រ៉ែមាសនេះ កំពុងអនុវត្ត​គោលការណ៍សុខភាព សុវត្ថិភាព និងបរិស្ថាន ព្រមទាំងយកចិត្តទុកដាក់​ខ្ពស់ដល់សហគមន៍​មូលដ្ឋាន។​

​លោកថា នេះគឺជាសមិទ្ធផលថ្មីមួយបន្ថែមទៀត ​ដែលកើតចេញពីនយោបាយឈ្នះ-ឈ្នះ​ ដែលបាននាំ​មកនូវ​សន្តិ​ភាព ស្ថិរភាពនយោបាយ និងឯកភាពជាតិ ដែលជាកត្តាចាំបាច់​ក្នុងការទាក់ទាញ​ការវិនិយោគ។ ហើយ​សមិទ្ធផលនេះបាននាំមកនូវលំហូរទុនវិនិយោគពីក្រៅប្រទេសមកកម្ពុជា បង្កើតឱកាសការងារ និងពង្រីកខឿនឧស្សាហកម្មក្នុងស្រុក និងផលប្រយោជន៍សេដ្ឋកិច្ច-សង្គមផ្សេងៗទៀត សម្រាប់កម្ពុជា។

ក្រុមហ៊ុន ខេមបូឌាន ខេ88 អ៊ិនដាសស្រ្ទី ​ជាក្រុមហ៊ុនវិនិយោគមកពីប្រទេសចិន​ បានចាប់ផ្តើម​សិក្សា​ស្រាវ​ជ្រាវរ៉ែនៅឆ្នាំ២០២០​ រហូតឈានទៅដល់ការប្រកាស​រកឃើញជម្រករ៉ែមាស​ដែល​មាន​លក្ខណៈ​សេដ្ឋកិច្ចនៅឆ្នាំ២០២៣ ​និង​បានឈានដល់ការរៀបចំសាងសង់ ​និង​ដំណើរ​ការ​រោង​ចក្រចម្រាញ់រ៉ែមាស ​ជាមួយនឹងទុនវិនិយោគ ​សរុបប្រមាណ ៤០លានដុល្លារ ដោយ​បង្កើត​ការ​ងារ​ដោយផ្ទាល់ជូនប្រជាពលរដ្ឋខ្មែរចំនួន ៣៧៥ នាក់៕

​

The post ​រោងចក្រស្លមាស តម្លៃ ៤០ លានដុល្លារ ​បើកដំណើរការ​ នៅកម្ពុជា​ appeared first on Kampuchea Thmey Daily.

យោង​តាម​ភ្នាក់​ងារ AP ផ្សាយ​ថ្ងៃ​ទី​៣០ ខែមីនា ឆ្នាំ​២០២៦ វីដេអូ​នៃសាកសពរាប់​សិបនាក់ដេកលើដី​ត្រូវបានចែករំ​លែក​តាម​ប្រព័ន្ធ​អ៊ីនធឺណិត ហើយ​អ្នកកាសែតក្នុងស្រុកម្នាក់ បាន​និយាយថា ជន​រង​គ្រោះជា​ច្រើនទៀតរត់គេច​ខ្លួន​ចូល​ក្នុង​ព្រៃ។

ទីតាំង​រ៉ែមាសនៅ​ទី​ក្រុង​​ Jebel Iraq ក្នុង​រដ្ឋ Central Equatoria ប្រទេស​ស៊ូដង់​កាល​ពីអតីតកាល គឺជា​ទីតាំងនៃការប៉ះទង្គិច​គ្នា​ដោយ​ហិង្សា​ពាក់ព័ន្ធ​នឹង​អ្នករុករក​រ៉ែខុសច្បាប់។ ការជីកយករ៉ែមាស​នៅស៊ូដង់​ខាងត្បូង​ភាគច្រើន​មិនមាន​ការគ្រប់គ្រងដោយ​រដ្ឋាភិបាល​ទេ តែ​ពល​រដ្ឋ​​ជីក​រក​​​​ដោយផ្ទាល់​​​ដែល​អនុញ្ញាត​អាជ្ញាធរ​ជាតិ​។ ​

យ៉ាង​ណាអ្នក​នាំពាក្យ​អាជ្ញាធរ​មូល​ដ្ឋាន​​ ​លោក Kwacijwok Dominic Amondoc ​និយាយ​​ថាខ្លួន​​​នឹង​ចែករំលែក​ព័ត៌មាន​បន្ថែម​​ពី​ការ​វាយប្រហារ​​នេះពេល​​​ទទួល​​​ព័ត៌មាន​លម្អិត​។

លោក​បន្ត​​ថា៖ « អ្វី​ដែល​ខ្ញុំ​ដឹង​គឺថាខ្មាន់កាំភ្លើង​​មិន​ស្គាល់​​អត្ត​សញ្ញាណ​​បាន​វាយប្រហារ​​ទីក្រុង Jebel Iraq នៅ​​អណ្តូង​រ៉ែ​មាស ហើយ​មាន​​មនុស្ស​ស្លាប់​ជាង ៧០នាក់ និង​របួស​ជាច្រើន​នាក់​ទៀត»។

សេច​ក្តីថ្លែងការណ៍មួយ​ពីក្រុម​ប្រឆាំង​លើក​ឡើង​ថា៖ « ទីក្រុង Jebel Iraq ស្ថិត​នៅ​ក្នុង​តំបន់មួយ​ដែលស្ថិតនៅក្រោមការគ្រប់គ្រង​ផ្តាច់​មុខ​ទាំងស្រុង​របស់កងកម្លាំងរដ្ឋាភិបាលឬ SSPDF ។ ជាលទ្ធផល ការ​ទទួលខុស​ត្រូវ​ពេញ​លេញ​ចំពោះ​ការ​សម្លាប់រង្គាលនេះស្ថិតនៅលើកងកម្លាំង SSPDF ដែលគ្រប់គ្រងតំបន់នោះ»។

ចំណែក​ក្រុមសិទ្ធិ​មនុស្ស​ក្នុងស្រុកមួយថ្កោល​ទោសការវាយប្រហារ​ ព្រម​ទាំង​និយាយ​ក្នុង​សេចក្តី​ថ្លែង​ការណ៍​មួយ​ថា៖ «ទង្វើ​ដ៏គួរឱ្យរន្ធត់នេះ​តំណាងឱ្យការរំលោភបំពានយ៉ាងធ្ងន់ធ្ងរ​លើសិទ្ធិ​ជាមូលដ្ឋាន​នៃការរស់​រានមានជីវិត បង្ហាញពីភាពងាយរងគ្រោះ​ជាបន្តបន្ទាប់របស់​ជន​ស៊ី​វិល​ក្នុងតំបន់និង​អសន្តិសុខ ជា​ពិសេស​ការកេងប្រវ័ញ្ចធនធានដែល​មិន​មាន​ការគ្រប់គ្រង»៕

ប្រែសម្រួល៖​ ណឺ មិនា

The post ខ្មាន់​កាំ​ភ្លើង​សម្លាប់​ពល​រដ្ឋ​ស៊ូដង់​ជាង​៧០​នាក់ ​ក្នុង​​ជម្លោះ​រ៉ែ​មាស​ appeared first on Kampuchea Thmey Daily.

ក្រសួងបញ្ជាក់ថា៖«ផលិតផលរ៉ែដែលបានដាក់តាំងបង្ហាញនៅពេលនេះ បានបញ្ជាក់ឱ្យឃើញថា កម្ពុជាមានផលិតផលរ៉ែជាច្រើនមុខដែលមានគុណភាពល្អនិងតម្លៃសមរម្យអាចបំពេញតម្រូវការក្នុងស្រុកបានគ្រប់គ្រាន់។ ក្រសួងរ៉ែនិងថាមពលសូមអំពាវនាវដល់បងប្អូនប្រជាពលរដ្ឋចូលរួមគាំទ្រ និងប្រើប្រាស់ផលិតផលខ្មែរជំនួសឱ្យផលិតផលនាំចូល ដើម្បីចូលរួមលើកស្ទួយសេដ្ឋកិច្ចជាតិ»។

បើតាមក្រសួងរ៉ែ រហូតមកទល់នឹងបច្ចុប្បន្ននេះទុនវិនិយោគសរុបក្នុងវិស័យរ៉ែមានប្រមាណ ២ ៨៩០ លានដុល្លារអាម៉េរិក ហើយបានបង្កើតការងារដោយផ្ទាល់ប្រមាណ ១២ ១៣០ នាក់ ក្នុងនោះប្រជាពលរដ្ឋខ្មែរ ប្រមាណ ១១ ៥៤៧ នាក់ ស្មើនឹង ៩៥%។ ចំណូលមិនមែនសារពើពន្ធពីវិស័យរ៉ែនៅក្នុងរយៈពេល១០ឆ្នាំចុងក្រោយនេះ មានការកើនឡើងគួរឱ្យកត់សម្គាល់ដោយមានកំណើនពី ១៣,១០ លានដុល្លារអាម៉េរិកនៅក្នុងឆ្នាំ ២០១៦ ទៅ ១៣៥,៥៥ លានដុល្លារអាម៉េរិកនៅក្នុងឆ្នាំ២០២៥។

លើសពីនេះទៀត ប្រតិបត្តិការធនធានរ៉ែក៏បានចូលរួមចំណែកអភិវឌ្ឍន៍សហគមន៍មូលដ្ឋានតាមរយៈ មូលនិធិរ៉ែសម្រាប់ទ្រទ្រង់កិច្ចអភិវឌ្ឍន៍សហគមន៍មូលដ្ឋាន ដែលផ្តួចផ្តើមបង្កើតឡើងដោយក្រសួងរ៉ែនិងថាមពល ក្នុងគោលបំណងបង្កើតឱ្យមានសុខដុមនីយកម្មក្នុងតំបន់ប្រតិបត្តិការធនធានរ៉ែ។ ចាប់ពីឆ្នាំ២០១៥ រហូតដល់ ឆ្នាំ២០២៥ មានគម្រោងអភិវឌ្ឍន៍សហគមន៍មូលដ្ឋានចំនួន១១៧គម្រោង (រួមមានសាលារៀន ផ្លូវដីក្រហម ផ្លូវបេតុង ស្ពាន ប្រព័ន្ធធារាសាស្ត្រ អំពូលសូឡា ស្រះទឹកសហគមន៍ អណ្តូងទឹក ។ល។) ត្រូវបានអនុវត្តបញ្ចប់ តាមបណ្តាឃុំ/សង្កាត់ដែលមានប្រតិបត្តិការធនធានរ៉ែទូទាំងប្រទេស និងគម្រោងចំនួន២០កំពុងបន្តអនុវត្តដែល ប្រើប្រាស់ថវិកាមូលនិធិរ៉ែប្រមាណ១០លានដុល្លារអាម៉េរិក។

សូមជម្រាបជូនថា ពិព័រណ៍ផលិតផលរ៉ែលើកទី១នេះ មានរយៈពេល២ថ្ងៃ ចាប់ពីថ្ងៃទី១៤ដល់ថ្ងៃទី១៥ ខែកុម្ភៈ ឆ្នាំ២០២៦ នៅទីវាល រូបសំណាកតេជោមាស តេជោយ៉ត ដោយមានការចូលរួមពីបណ្តាក្រសួង ស្ថាប័ន សមាគម ក្រុមហ៊ុន និងសហគ្រាសអាជីវកម្មរ៉ែ សរុបចំនួន២១ ចែកចេញជា ៣១ស្តង់៕

The post រ៉ែមាសក្លាយជាប្រភពចំណូលជាតិថ្មី! កម្ពុជាផលិតដុំមាសបានប្រមាណ ១៨ តោនក្នុង ៥ ឆ្នាំ appeared first on Kampuchea Thmey Daily.

គិតតែក្នុងខែវិច្ឆិកា​ អាជ្ញាធរមូលដ្ឋានបានបិទទីតាំងរ៉ែជិត ៣០០ កន្លែង។

នាយកអនុវត្តច្បាប់បទល្មើសព្រៃឈើនៃក្រសួងព្រៃឈើឥណ្ឌូណេស៊ី លោក Rudianto Saragih Napitu បាននិយាយថា សកម្មភាពរ៉ែខុសច្បាប់ទាំងនេះមានប្រយោជន៍សម្រាប់តែអ្នកវិនិយោគប៉ុណ្ណោះ មិនមែនសម្រាប់ប្រជាជនក្នុងតំបន់ ដែលធ្វើការនៅក្នុងអណ្តូងរ៉ែទាំងនោះទេ។

លោកបានបន្ថែមថា រដ្ឋាភិបាល​គាំទ្រភាពជាដៃគូវិជ្ជមាន ​មិន​មែនគាំទ្រការបំផ្លាញ និងការកេងប្រវ័ញ្ចធម្មជាតិទេ។

គួរគូសបញ្ជាក់ថា ការជីកយករ៉ែមាសខុសច្បាប់គឺជារឿងធម្មតាទៅហើយ​នៅ​ឥណ្ឌូណេស៊ី ដែលបណ្តាលឱ្យមានការកាប់បំផ្លាញព្រៃឈើ ការបំពុលទន្លេ និងការបាត់បង់ធនធានជាតិជាដើម។ ចំណុចក្តៅសម្រាប់ការជីកយករ៉ែមាសខុសច្បាប់​ភាគច្រើននៅខេត្ត Jambi, ស៊ូម៉ាត្រាខាងលិច កាលីម៉ាន់តាន់ខាងលិច ស៊ូឡាវេស៊ីកណ្តាល តំបន់មួយចំនួននៅខេត្តម៉ាលូគូ និងឧទ្យានជាតិ​ផ្សេងៗដូចជា ភ្នំ Halimun Salak ជាដើម៕

The post ឥណ្ឌូណេស៊ីគ្រោងបិទអណ្ដូងរ៉ែមាសខុសច្បាប់ជាង ១ ៤០០ កន្លែង appeared first on Kampuchea Thmey Daily.

​កិច្ចព្រមព្រៀងកែសម្រួលបន្ថែមទៅលើកិច្ចព្រមព្រៀងលើកទី១ នៅតំបន់អូរខ្វាវ ស្រុកកែវសីម៉ា ខេត្តមណ្ឌលគិរី ដោយបញ្ចូលបន្ថែមគម្រោង អណ្តូងរ៉ែក្រោមដី ដែលអាចផ្តល់ផលិតផល​មាស​បានប្រមាណ ១០ តោន បន្ថែមទៅលើគម្រោងរ៉ែមាសចាស់ចំនួនប្រមាណ ៣៤ តោន។

គម្រោងនេះ នឹងផ្តល់ចំណូលដល់រដ្ឋសរុបប្រមាណ ១០០០ លានដុល្លារ ដែលរួមមាន​សួយសារ និងសារពើពន្ធផ្សេងៗ និង គម្រោងទី២ កិច្ចព្រមព្រៀងវិនិយោគលើរ៉ែមាស នៅតំបន់​ជាំតាម៉ៅ ស្រុកមេមត់ ខេត្តត្បូងឃ្មុំ ដែលមានលក្ខណៈសេដ្ឋកិច្ច ដែលអាចទាញយកមាស​សរុប​ប្រមាណ ២៦តោន ក្នុងអាយុកាល៧ឆ្នាំ នៃអណ្ដូងរ៉ែបើក។

គម្រោងបន្ថែមនេះជាសក្ខីភាពបញ្ជាក់ពីការរីកចម្រើនរវាងរាជរដ្ឋាភិបាល និងវិស័យឯកជន​ក្នុងការ​អភិវិឌ្ឍសង្គម និងសេដ្ឋកិច្ចជាតិ ដោយគម្រោងនេះនឹងផ្តល់ចំណូលជូនរដ្ឋសរុបប្រមាណ ៥៨៣ លាន​ដុល្លារ ដែលរួមមានសួយសារ សារពើពន្ធផ្សេងៗ និងបង្កើតការងារប្រមាណ ៥០០ កន្លែង។

​លោក ​កែវ រតនៈ ​រដ្ឋមន្រ្តីក្រសួងរ៉ែ និងថាមពល មានប្រសាសន៍ថា ​អភិបាលកិច្ច ភាពជាដៃគូ​សហ​គមន៍ និងការទទួលខុសត្រូវបរិស្ថាន គឺជាប្រព័ន្ធអេកូឡូស៊ីតែមួយ។ នៅក្នុងវិស័យរុករករ៉ែនាសម័យ​ទំនើប ក្រុមហ៊ុនរីកចម្រើន ​ឬអន់ថយរួមគ្នា ​ខណៈលោកជឿជាក់ថា ​វិធីសាស្រ្តនេះនឹង​ពង្រឹងទាំង​សេដ្ឋកិច្ចកម្ពុជានៅឆ្នាំខាងមុខ៕

The post ​ក្រុមហ៊ុន​អូស្ត្រាលី​ចុះ​កិច្ច​ព្រម​ព្រៀង​វិនិយោគ​លើ​អាជី​វកម្មរ៉ែមាស​ចំនួន ២ បន្ថែម​ទៀត​ ផ្ដល់ចំណូលចូលរដ្ឋប្រមាណ $១,៥ ពាន់លាន appeared first on Kampuchea Thmey Daily.

លោក ទាយុ ជី ជនជាតិដលមភាគតិចឡាវ រស់នៅភូមិកាឡាន់ធំ ឃុំវើនសៃ ស្រុកវើនសៃ ខេត្តរតនគិរី បានប្រាប់ថា លោកបានចេះចាំពីរបៀបរែងមាសតាំងពីដូនតាមក ហើយក៏ប្រកបមុខរបររែងរ៉ែនេះមកដល់បច្ចុប្បន្ន។ លោកនិយាយថា៖« ការងារនេះបែបផ្សងព្រេង មិនទៀងទាត់ ជួនកាលបាន ជួនកាលមិនបាន ជាក់ស្តែងនៅពេលនេះអញ្ចឹង លោកនិងក្រុមគ្រួសារ បានមករែង៣ ដងហើយ រកពុំឃើញកម្ទេចមាសនោះទេ»។ យ៉ាងណាមិញ លោកថាបញ្ជាក់ថា បើថ្ងៃណាហេងរកបានកម្ទេចមាសនោះ លក់ចេញបានតម្លៃសមរម្យ ដូច្នេះបានជាព្យាយាមរករ៉ែកម្រ។ បើតាមលោក ទាយុ ជី កាលពីលោកអាយុប្រហែល ១៧ឆ្នាំ តំបន់នេះមានមាសច្រើនគួរសម្យ ប៉ុន្តែបច្ចុប្បន្នមិនសូរសម្បូរនោះទេ។

ចំណែកអ្នកស្រី មុត វ៉ាត់ ជាជនជាតិដើមភាគតិច បានប្រាប់ថា អ្នកស្រី និងស្វាមីបានមករករ៉ែមាស ៥ថ្ងៃហើយ ទើបរកមាសបានចំនួន ២ ហ៊ុន។ អ្នកស្រីថា៖«ឥឡូវពិបាករែងដោយសារខែនេះជារដូវវស្សា មានទឹកច្រើនហូរខ្លាំងនៅត្រង់កន្លែងរែងនោះ។ អ្នកស្រីបន្តទៀតថា ការងារនេះហត់ណាស់ ថែមទាំងទឹកស៊ីជើងទៀតផង»។ អ្នកស្រី រួមទាំងអ្នកភូមិ ធ្លាប់ធ្វើមុខរបរតាំងពីនៅក្មេង និងបោះតង់សម្រាកនៅតាមមាត់ទន្លេនេះ រែងរករ៉ែកម្រដើម្បីបានប្រាក់បន្តិចបន្តួចផ្គត់ផ្គង់គ្រួសារ។ បើតាមអ្នកស្រី មុត វ៉ាត់ ការរែងរករ៉ែមាសនេះ ថ្ងៃខ្លះមានអ្នកភូមិចូលរួមប្រមាណ ៥០ នាក់ ហើយអ្នកខ្លះរែងបានមាសត្រឡប់ទៅផ្ទះវិញ ប៉ុន្តែអ្នកខ្លះរែងអត់បានបន្តរែងដល់ព្រលប់ក៏មាន។

ខេត្តរតនគិរី ល្បីល្បាញដោយសារធនធានធម្មជាតិដ៏សម្បូរបែប រួមទាំងត្បូង និងរ៉ែដ៏មានតម្លៃ។ តាមដងទន្លេសេសាន នៅពេលរដូវវស្សានាំមកដីល្បាប់រាយឡំរ៉ែដ៏មានតម្លៃហើយនៅពេលទឹកស្រកទៅវិញក៏បានបន្សល់ទូកនូវរ៉ែកម្រទាំងនោះ។

លោក សាន់ តៃពូម មេភូមិកាចូនលើ បានប្រាប់ពីប្រវត្តិទីកន្លែងឆ្នេរខ្សាច់នេះ អ្នករស់នៅក្នុងភូមិផ្ទាល់ និងអ្នកភូមិផ្សេង តែងតែមករែងមាសនៅតំបន់នេះ។ លោកបន្តទៀតថា នៅសម័យបារាំង អ្នកភូមិធ្លាប់ប្រកបមុខរបរនេះ ប៉ុន្តែអាក់ខាន់ទៅវិញនៅសម័យខ្មែរក្រហម។ យ៉ាងណាមិញ នៅក្រោយសង្គ្រាម ឆ្នាំ ១៩៨១ ទៅឆ្នាំ ១៩៨២ អ្នកភូមិប្រកបរបរនេះឡើងវិញរហូតមកដល់សព្វថ្ងៃនេះ។ លោកថ្លែងថា៖«បើទោះបីមុខររបរនេះជាការផ្សងព្រេង ជួនកាលរកបាន ជួនកាលរកមិនបានក៏មាន ប៉ុន្តែអ្នកភូមិនៅតែព្យាយាមរក ដើម្បីសន្សំកម្ទេសរួចលក់ឱ្យឈ្មួញ ដើម្បីយកថវិកាចិញ្ចឹមគ្រួសារ»៕

The post ខេត្តរតនគិរី៖ ជនជាតិដើមភាគតិច បន្តប្រើឧបករណ៍បុរាណរែងរ៉ែមាស ដើម្បីផ្គត់ផ្គង់គ្រួសារ appeared first on Kampuchea Thmey Daily.