តាមប្រភពព័ត៍មានពីប្រជាពលរដ្ឋបានអោយដឹងថា ជនរងគ្រោះតែងតែជិះម៉ូតូមួយគ្រឿង ម៉ាក ស៊ុយសូគី ឡេត ពណ៍ស ពាក់ស្លាកលេខ ភ្នំពេញ 1CW-3948 ខាងលើមករាយម៉ងដាក់យកត្រី នៅក្រោយវត្តព្រែកលាបជាប្រចាំ ខណៈនាវេលាកើតហេតុ សង្ស័យបុរសខាងលើរអិលជើងស្រាប់តែលង់ទឹកលិចបាត់តែម្តង ។ ភ្លាមៗប្រជាពលរដ្ឋនៅក្បែរ នោះបានឃើញហើយនាំគ្នាទៅជួយសង្រ្គោះនិងជួយរាវរកឃើញតែបុរសរូបនោះបានស្លាប់បាត់ទៅហើយ។

បច្ចុប្បន្ន សមត្ថកិច្ចកោសល្យវិច័យ នៃស្នងការដ្ឋាននគរបាលរាជធានីភ្នំពេញ បានត្រួតពិនិត្យសាកសពខាងលើ រួចប្រគល់កំណត់ជូនមន្រ្តីមូលដ្ឋាន និងតម្កល់សពនៅវត្តព្រែកលាប រងចាំសាច់ញ្ញាត្តិយកទៅធ្វើបុណ្យ ៕ អត្ថបទ ៖ រដ្ឋា

The post បុរសវ័យជាង៤០ឆ្នាំ ចុះដាក់ម៉ងយកត្រីចិញ្ចឹមក្រពះ សង្ស័យរអិលជើងធ្លាក់ចូលទឹកទន្លេលង់ស្លាប់ appeared first on Kampuchea Thmey Daily.

ហេតុការណ៍នេះបង្កការភ្ញាក់ផ្អើលកាលពីវេលាម៉ោង ៨ យប់ ថ្ងៃទី ១៦ ខែមិថុនា ឆ្នាំ ២០២៦ នៅចំណុចស្រះទឹក ក្នុងតំបន់អភិវឌ្ឍន៍បឹងកក់ សង្កាត់ស្រះចក ខណ្ឌដូនពេញ រាជធានីភ្នំពេញ។

តាមការបញ្ជាក់ពីមិត្តភ័ក្តិកុមារារងគ្រោះ បានឲ្យដឹងថា ខ្លួន និង គ្នីគ្នាចំនួន ៤-៥ នាក់ បានបបួលកុមារារងគ្រោះមកដើរលេងនៅចំណុចស្រះទឹកខាងលើ ចាប់តាំងពីម៉ោង ២ រសៀល មកម៉្លេះ។ លុះពេល មកដល់ស្រះទឹក កុមារារងគ្រោះ ក៏បានដោះខោអាវ និង យកក្តារឈើ ដើម្បីហែលលេងទឹកតែម្នាក់ឯង។ មួយសន្ទុះក្រោយមក កុមារារងគ្រោះ បានហែលទៅបុកបង្គោលសសរ ច្រាំងម្ខាងទៀត បណ្តាលឲ្យធ្លាក់ចូលទឹកលិចបាត់តែម្តង។

ដោយឡែកបើតាមប្រភពពីម្តាយកុមារារងគ្រោះ បានឲ្យដឹងថា គាត់មិនបានដឹងថាកូនរបស់គាត់លួចមកលេងទឹកស្រះនៅក្នុងតំបន់បឹងកក់តាំងពីពេលណានោះឡើយ។ កាលពីវេលាម៉ោង ៥ ល្ងាច ទើបមានមិត្តភ័ក្តិរបស់កូនគាត់ដែលមកលេងជាមួយគ្នាប្រាប់ថា កូនគាត់លង់ទឹកលិចបាត់ខ្លួនហើយ។ ទើបគាត់ប្រញាប់ប្រញាល់ទាក់ទងទៅបងប្អូន និង រាយការណ៍ជូនសមត្ថកិច្ច ឲ្យជួយអន្តរាគមន៍ជុំវិញទីតាំងកើតហេតុ។

ក្រោយកើតហេតុ សមត្ថកិច្ចបានចុះមកដល់ទីតាំងខាងលើ រួចបានចុះទៅរាវរកជាមួយប្រជាពលរដ្ឋអស់រយៈពេលជាច្រើនម៉ោងហើយ ប៉ុន្តែនៅតែពុំទាន់រកឃើញ៕
អត្ថបទ ៖ រដ្ឋា

The post កុមារាម្នាក់ លង់ទឹកស្រះក្នុងតំបន់បឹងកក់ appeared first on Kampuchea Thmey Daily.

ការក្រើនរំលឹកនេះ ស្របពេលដែលភៀសសឹកកម្ពុជាកើនដល់ជិត ៤៥ម៉ឺននាក់ហើយ ក្នុងនោះមានកុមាររាប់ម៉ឺននាក់ដែលកំពុងរស់នៅជាមួយឪពុកម្តាយនៅតាមជំរុំភៀសសឹក ហើយជំរុំខ្លះស្ថិតនៅក្បែរស្រះ ឬស្ទឹង អូរ ជាដើម។
បើតាម យូនីសេហ្វ សព្វថ្ងៃមានកុមាររាប់ម៉ឺននាក់កំពុងស្នាក់នៅតាមជំរំភៀសសឹក ហើយពួកគេអាចប្រឈមនឹងហានិភ័យនៃការលង់ទឹកប្រសិនបើមិនមានការមើលថែដិតដល់ពីមនុស្សពេញវ័យ។ យូនីសេហ្វ ក្រើនរំលឹកថា៖«សូមឪពុកម្តាយ អាណាព្យាបាល និងអាជ្ញាធរមានសមត្ថកិច្ចនៅតាមជំរុំ បង្កើនការប្រុងប្រយ័ត្នខ្ពស់ដើម្បីបង្ការ និងទប់ស្កាត់គ្រោះថ្នាក់ជាយថាហេតុនេះ។ សូមក្រុមការងារចម្រុះដែលចុះជួយនៅតាមជំរុំវជួយក្រើនរំលឹកអំពីហានិភ័យនេះដល់កុមារ និងអាណាព្យាបាលផង»។

ជារៀងរាល់ឆ្នាំ ការលង់ទឹកនៅកម្ពុជាបានសម្លាប់មនុស្សជាង ១ ៣០០ នាក់ ក្នុងនោះកុមាររងគ្រោះខ្លាំងបំផុត។ ស្ថិតិដ៏សោកសៅនេះធ្វើឱ្យកម្ពុជាស្ថិតនៅក្នុងចំណោមប្រជាជាតិដែលមានអត្រាលង់ទឹកខ្ពស់បំផុតនៅតំបន់ប៉ាស៊ីហ្វិកខាងលិច។ អត្រាលង់ទឹករបស់ប្រទេសកម្ពុជាស្ថិតក្នុងកម្រិត ៧,៦ នាក់ ក្នុងចំណោម ១០០.០០០នាក់ ដែលជាចំនួនស្ទើរតែទ្វេដងនៃចំនួនមធ្យមថ្នាក់តំបន់ (៤,៣នាក់ក្នុងចំណោម ១០០.០០០នាក់) និងច្រើនជាងពីរដងនៃអត្រាសកល (៣,៨នាក់ក្នុងចំណោម ១០០.០០០នាក់)។ ការលង់ទឹក គឺជាមូលហេតុនាំមុខនៃការស្លាប់របស់កុមារអាយុ៥ទៅ១៤ឆ្នាំនៅកម្ពុជា។ នេះបើតាមរបាយការណ៍យូនីសេហ្វ។

នៅកម្រិតគោលនយោបាយ រាជរដ្ឋាភិបាលកំពុងដាក់ដំណើរការផែនការយុទ្ធសាស្រ្តជាតិទីមួយស្ដីពីការបង្ការទប់ស្កាត់ការលង់ទឹក (ឆ្នាំ២០២៥-២០៣០) និងផ្ដល់សិទ្ធិអំណាចជូនអាជ្ញាធរមូលដ្ឋានដើម្បីធ្វើសមាហរណកម្មសុវត្ថិភាពផ្លូវទឹកទៅក្នុងការរៀបចំផែនការ និងថវិការបស់ខ្លួន។ យុទ្ធនាការលើកកម្ពស់ការយល់ដឹងជាសាធារណៈក៏កំពុងជួយគ្រួសារឱ្យយល់អំពីរបៀបរក្សាសុវត្ថិភាពរបស់កុមារនៅជិតទន្លេ ស្រះទឹក និងតំបន់ទឹកជំនន់ផងដែរ។

ដោយមានកិច្ចគាំទ្រពីយូនីសេហ្វ និងដៃគូ រាជរដ្ឋាភិបាលកម្ពុជាកំពុងដាក់ដំណើរការយុទ្ធនាការជាតិ ដើម្បីទប់ស្កាត់ការស្លាប់របស់កុមារពីការលង់ទឹក ដែលជាមូលហេតុមួយក្នុងចំណោមមូលហេតុផ្សេងទៀតនៃការស្លាប់របស់កុមារ៕

The post យូនីសេហ្វ ក្រើនរំលឹកមាតាបិតាមើលថែកុមារឱ្យដិតដល់ប្រយ័ត្នលង់ទឹកអំឡុងពេលស្នាក់នៅជំរុំភៀសសឹក appeared first on Kampuchea Thmey Daily.

ហេតុការណ៍​នេះ​បង្ក​ការ​ភ្ញាក់ផ្អើល​កាលពី​វេលា​ម៉ោង ៥ ល្ងាច ថ្ងៃ​ទី ១២ ខែ​តុលា ឆ្នាំ ២០២៥ ក្រោម​ស្តុ​ប​លូ ៣ សង្កាត់ស្ទឹងមានជ័យ ៣ ខណ្ឌមានជ័យ រាជធានី​ភ្នំពេញ។

យោង​តាម​វីដេអូ​សុវត្ថិភាព​ថត​ជាប់​នៅ​ម៉ោង ៤ និង ៣៤ នាទី ទៀបភ្លឺ​ថ្ងៃ​ទី ១១ ខែ​តុលា ឆ្នាំ ២០២៥ អំឡុង​ពេល​ភ្លៀង​ធ្លាក់ បាន​ឃើញ​រថយន្ត Toyota Prius ពណ៌​ទឹកប្រាក់ មិន​ចាំ​ផ្លាក​លេខ ឈប់​នៅ​ជិត​ស្តុ​ប​លូ ៣។ ឃើញ​បុរស​ម្នាក់ ពាក់អាវ​យឺត​ពណ៌​ស ចេញពី​រថយន្ត ហើយ​ដើរ​ទៅ​ក្បែរ​បង្គោល​ភ្លើង ធ្វើ​សកម្មភាព​ដូច​ជា​ក្អួត។ ប៉ុន្មាន​វិនាទី​ក្រោយ នារី​ម្នាក់​ស្លៀក​រ៉ូប​ពណ៌​ខ្មៅ បាន​ចេញ​តាម​ក្រោយ ដើរ​ទៅ​ឱប​បុរស​នោះ​ក្នុង​ស្ថានភាព​ស្និទ្ធស្នាល​ដូចជា​មនុស្ស​ស្រវឹង។ បន្ទាប់មក អ្នក​ទាំង​ពីរ បាន​ដើរ​ទៅ​ក្បែរ​មាត់​ប្រឡាយ​លូ។ ខាង​ស្រី ឡើង​ឈរ​លើ​បង្កាន់ដៃ​បេតុង ខណៈ​ដែល​ខាង​ប្រុស​នៅ​លើ​ផ្លូវ។ ពេលនោះ នារី​បាន​ដើរ​បន្ត​ប្រហែល ៩ ដល់ ១០ ជំហាន ប៉ុន្តែ​ភ្លាមៗ នោះ បាន​ធ្លាក់ទឹក។ បុរស​ដែល​ឃើញ​ហេតុការណ៍ ក៏​លោត​ចូល​ទៅ​ជួយ ប៉ុន្តែ​ទាំងពីរ​បាន​លិច​បាត់​ទៅ​មិន​ចេញ​មក​វិញ។

លុះ​នៅ​វេលា​ម៉ោង ៤ ទៀបភ្លឺ ថ្ងៃ​ទី ១២ តុលា គេ​បាន​ឃើញ​សព​នារី​រងគ្រោះ​អណ្ដែត​នៅ​ប្រឡាយ​លូ​ស្ទឹងមានជ័យ ខណ្ឌ​មានជ័យ។ សមត្ថកិច្ច និង​ប្រជាពលរដ្ឋ បាន​ជួយ​ស្រង់​សព​ឡើង និង​ទាក់ទង​ទៅ​ក្រុម​គ្រួសារ​មក​ទទួលយក។

ទោះ​យ៉ាងណា បុរស​ដែល​លោត​ទៅ​ជួយ​នោះ ត្រូវ​បាន​រាយការណ៍​ថា មិន​ទាន់​រក​ឃើញ រហូត​ដល់​ម៉ោង ៦ ល្ងាច ថ្ងៃ​ទី ១២ តុលា អ្នកស្ម័គ្រចិត្ត​ដែល​ចុះ​រាវរក បង្ហាញ​អារម្មណ៍​ភ័យខ្លាច​ថា ពេល​ចុះ​ទៅ​ក្នុង​លូ មាន​អារម្មណ៍​ដូចជា​អ្វីមួយ​ត្រជាក់​ចាប់​ជើង ដូច​ដៃ​មនុស្ស ធ្វើ​ឲ្យ​គាត់​ស្ទុះ​ឡើង​ភ្លាមៗ ហើយ​មិន​ហ៊ាន​ចុះ​វិញទៀត។

ម្តាយ​របស់​បុរស​រងគ្រោះ​បាន​មក​អុជ​ធូប​បួងសួង​នៅ​កន្លែង​កើតហេតុ ដោយ​សង្ឃឹមថា​កូនប្រុស​នឹង​ត្រឡប់​មក​ឲ្យ​ឃើញ​សព​បាន​ឆាប់។ ក្រុម​គ្រួសារ បាន​ប្រកាស​ថា ប្រសិនបើ​មាន​អ្នកណា​រក​ឃើញ​សព​កូនប្រុស​បាន មិន​ថា​ជា​ក្រុម​ជំនាញ ឬ​ប្រជាពលរដ្ឋ​ធម្មតា ក៏​នឹង​ទទួល​បាន​ការ​លើកទឹកចិត្ត​ជា​សគុណ​ផង​ដែរ៕

អត្ថបទ ៖ សំណាង

The post ម្តាយអុជធូបបួងសួង ក្រោយកូនប្រុសលោតទឹកប្រឡាយលូជួយនារីម្នាក់ បាត់ដំណឹង មិនទាន់ឃើញសព appeared first on Kampuchea Thmey Daily.

បើ​តាម​ប្រភព​ពី​ប្រជាពលរដ្ឋ​បាន​ឲ្យ​ដឹង​ថា បុរស​រងគ្រោះ​មាន​ឈ្មោះ គាម ដោះ អាយុ ៤៣ ឆ្នាំ រស់នៅ​ភូមិ​ព្រះអង្គ​កែវ ឃុំ​ដង​ពែង ស្រុក​ស្រែ​អំបិល ខេត្ត​កោះកុង បាន​បាត់​ខ្លួន​កាលពី​វេលា​ម៉ោង ៣ រសៀល (មេឃ​កំពុង​ភ្លៀង​ខ្លាំង) ថ្ងៃ​ទី ៣០ ខែ​កញ្ញា ឆ្នាំ ២០២៥ ខណៈ​គាត់​ប្រឹង​ជួយ​ចម្លង​កូនស្រី​អាយុ ១៣ ឆ្នាំ ដែល​ទៅ​ឃ្វាល​ក្របី​នៅ​ឯ​ត្រើយម្ខាង នៃ​ទឹក​ប្រឡាយ​ស្ទឹង​ពង្រូល។ ពេល​ជួយសង្គ្រោះ​កូន​បាន​ហើយ បែរជា​ជនរងគ្រោះ​បាត់បង់​ស្មារតី ត្រូវ​ទឹក​ហូរ​កួច​ទៅ​ជ្រៅ​លង់​ទឹក​ស្លាប់។

ប្រភព​ដដែល​បាន​បន្ត​ថា នៅ​ថ្ងៃ​ទី ១ តុលា គិត​មកទល់​ម៉ោង​នេះ សព​នៅ​មិន​ទាន់​រក​ឃើញ​នៅ​ឡើយ​ទេ។ បច្ចុប្បន្ន អាជ្ញាធរ សមត្ថកិច្ច និង​ពលរដ្ឋ​ក្នុង​មូលដ្ឋាន កំពុង​ជួយ​ស្វែងរក​សព ដើម្បី​យក​ទៅ​ធ្វើបុណ្យ​តាម​ប្រពៃណី។

កន្លងទៅ អាជ្ញាធរ និង​សមត្ថកិច្ច​នៅ​ស្រុក​ស្រែអំបិល ធ្លាប់​អំពាវនាវ​ដល់​ប្រជាពលរដ្ឋ​បង្កើន​ការ​ប្រុង​ប្រយ័ត្ន​ចំពោះ​ការ​ប្រែប្រួល​អាកាសធាតុ ករណី​មាន​គ្រោះ​មហន្តរាយ​ណាមួយ សូម​ប្រញាប់​ផ្តល់​ព័ត៌មាន​ឲ្យ​បាន​ឆាប់រហ័ស​មក​កាន់​អាជ្ញាធរ​ជំនាញ ដើម្បី​ចុះ​ជួយ​សង្គ្រោះ​បាន​ទាន់​ពេលវេលា៕

អត្ថបទ ៖ សិរីវឌ្ឍនៈ

The post មកទល់ម៉ោងនេះ បុរសដែលបាត់ខ្លួនពេលជួយចម្លងកូនស្រីឆ្លងទឹកប្រឡាយ ស្ទឹងពង្រូល មិនទាន់រកឃើញនៅឡើយទេ appeared first on Kampuchea Thmey Daily.

លោកអភិបាលរងស្រុក បានអះអាងថា មូលហេតុដែលនាំឱ្យលោក ជីប សារិទ្ធ បាត់ខ្លួនអំឡុងពេលប្រឹងហែលឆ្លងកាត់កន្លែងដែលទឹកហូរកួចខ្លាំង ដើម្បីគោលបំណងចង់ជួយជួសជុលស្ពានអោយប្រជាពលរដ្ឋបានឆ្លងអាចឆ្លងកាត់ជាបណ្តោះអាសន្ន។ ប៉ុន្តែជាអកុសលជាអកុសល លោក ជីប សារិទ្ធ ហែលឆ្លងមិនរួចដោយសារតែកម្លាំងទឹកហូរកួចរូបលោកចូលក្នុងលូបាត់ដំណឹងសូន្យតែម្តង។

លោក ទួន ឱទី បន្តថា គិតមកទល់ម៉ោងនេះ ក្រុមការងារកំពុងបន្តស្វែងលោក ជីប សារិទ្ធ ដោយបន្តរកអ្នកជំនាញខាងមុជទឹកជួយរុករកបន្ថែមទៀត។

កំណាត់ផ្លូវ១ខ្សែស្ថិតនៅក្នុងឃុំភ្ញីមាស កំពុងរងផលខូចខាតទាំងស្រុងដោយសារតែជំនន់ទឹកភ្លៀង២ទៅ៣មកថ្ងៃនេះ បានបង្កផលប៉ះពាល់ច្រើនដល់មូលដ្ឋានស្រុកគិរីសាគរ ក្នុងនោះមានឃុំកោះស្តេច ផ្លូវរងការជំនន់លិចមិនអាចធ្វើដំណើរបាន ករណីនេះដែលអាជ្ញាធរស្រុក បានណែនាំដល់ប្រជាពលរដ្ឋអំពីទីតាំងទួលសុវត្ថិភាព ប្រសិនបើមានទឹកជំនន់ខ្លាំង គឺពួកគាត់អាចមកស្នាក់នៅបណ្តោះអាសន្ននៅវត្តគិរីតេជោ ហៅវត្តនាងកុក។

បច្ចុប្បន្ន អាជ្ញាធរសមត្ថកិច្ចពាក់ព័ន្ធរបស់ស្រុកគិរីសាគរ កំពុងបន្តតាមដានសភាពការណ៍អំឡុងពេលមានភ្លៀងធ្លាក់ខ្លាំងជាបន្តបន្ទាប់ផងដែរ៕

អត្ថបទ៖ សិរីវឌ្ឍនៈ

The post ជំនន់ទឹកភ្លៀង ហូរកួចប្រធានការិយាល័យអប់រំម្នាក់បាត់ខ្លួនរកមិនទាន់ឃើញ appeared first on Kampuchea Thmey Daily.

ក្មេង​ប្រុស​រងគ្រោះ​ឈ្មោះ ង ដ វ អាយុ ៦ ឆ្នាំ ជា​សិស្ស​ថ្នាក់​ទី ១ នៅ​សាលាបឋមសិក្សា​វត្ត​អង្គ​ត្រគៀត​ (​ក្នុង​បរិវេណ​វត្ត​អង្គ​ត្រគៀត​) មាន​ឪពុក​ជា​សន្តិសុខ និង​ម្ដាយ​ជា​កម្មការិនី​រោងចក្រ មាន​ស្រុក​កំណើត​នៅ​ភូមិ​ដើម​គរ ឃុំ​ក្អែក​យំ ស្រុក​បុរី​ជលសារ ខេត្ត​តាកែវ និង​ស្នាក់នៅ​ផ្ទះ​ជួល​ក្នុង​ភូមិ​កើត​ហេតុ​ខាងលើ។

តាម​ប្រភព​កន្លែង​កើតហេតុ​បាន​ឲ្យ​ដឹង​ថា នៅ​មុន​ពេល​កើតហេតុ​ឪពុកម្ដាយ​បាន​ចេញ​ទៅ​ធ្វើការ ចំណែក​ក្មេង​ប្រុស​រងគ្រោះ និង​បងស្រី​ម្នាក់ទៀត បាន​នាំ​គ្នា​ទៅ​រៀន ប៉ុន្តែ​រៀន​ថ្នាក់​ខុសគ្នា។ ក្រោយ​មក ក្មេង​ប្រុស​រូប​នោះ ចេញ​ពី​រៀន​មុន​បងស្រី ប៉ុន្តែ​អត់​ទៅ​ផ្ទះ​ទេ រង់ចាំ​បងស្រី​ចេញពី​រៀន​នៅ​វេលា​ម៉ោង ១១ ព្រឹក ទើប​ទៅ​ផ្ទះ​ទាំងអស់​គ្នា។

ប្រភព​ដដែល​បាន​ឲ្យ​ដឹង​បន្ត​ថា ពេលនោះ​ក្មេង​ប្រុស​ខាងលើ​បាន​ដើរ​ទៅ​លេង​នៅ​ស្រះ​ទឹក​នោះ ហើយ​លោកគ្រូ​បង្រៀន ហាម​មិន​ឲ្យ​លេង​ទឹក​ទេ និង​ហៅ​ឲ្យ​ដើរ​ចេញ​ដែរ ប៉ុន្តែ​ក្មេង​ប្រុស​នេះ​អត់​ព្រម​ចេញ​ឡើយ។ ក្រោយមក​ក៏បាន​ចុះ​លេង​ទឹកស្រះ​ខាងលើ​ដែល​មាន​ជម្រៅ​ប្រហែល ១០ ម៉ែត្រ ក៏​លង់​លិច​បាត់​ទៅ​ក្នុង​ទឹក​តែម្ដង ដោយ​គ្មាន​នរណា​ជួយ​ទាន់​ឡើយ។

ប្រភព​ខាងលើ​បាន​ឲ្យ​ដឹង​ទៀត​ថា ក្រោយពេល​ក្មេង​ប្រុស​នោះ​លង់ទឹក មាន​ក្មេងៗ ១ ក្រុម​ទៀត បាន​រត់​ទៅ​ប្រាប់​ជាង​ដែល​កំពុង​សាងសង់​ចេតិយ​ក្នុង​វត្ត​នោះ​ឲ្យ​ជួយ ទើប​បង្ក​ការ​ភ្ញាក់ផ្អើល ហើយ​ក្រុម​ជាង​បាននាំគ្នា​ចុះ​រាវ​ក៏​រកឃើញ​ក្មេងប្រុស​រងគ្រោះ​ទើរ​នៅ​លើ​កាំជណ្ដើរ​ស្រះ​ទឹក។ បន្ទាប់មក​បាន​ជួយសង្គ្រោះ​បឋម ឪពុកម្ដាយ​ក៏បាន​នាំទៅ​កាន់​មន្ទីរពេទ្យ ប៉ុន្តែ​ពេលទៅដល់​ត្រូវ​គ្រូពេទ្យ​ប្រាប់​ថា ក្មេង​ប្រុស​នោះ​ស្លាប់​បាត់​ទៅ​ហើយ ទើប​ដឹក​សព​ត្រលប់​ទៅ​កន្លែង​កើតហេតុ​វិញ ដើម្បី​ឲ្យ​នគរបាល​ធ្វើ​កោសល្យវិច័យ ហើយ​ត្រៀម​យក​សព​ទៅ​ធ្វើ​បុណ្យ​នៅ​វត្ត​ជន្លង់ម្លូ សង្កាត់​ភ្លើង​ឆេះ​រទេះ ខណ្ឌ​កំបូល៕

អត្ថបទ ៖សំណាង

The post ក្មេងប្រុសម្នាក់ ចុះលេងទឹកស្រះវត្ត លង់ស្លាប់ បង្កការភ្ញាក់ផ្អើល appeared first on Kampuchea Thmey Daily.

សពជនរងគ្រោះទាំង៣មានឈ្មោះ ភោ ចាន់នាង អាយុ១៧ឆ្នាំមុខរបរសិស្ស។ ទី២ឈ្មោះ ងួន កក្កដា អាយុ១៧ឆ្នាំមុខរបរសិស្ស និងទី៣ឈ្មោះ ហាន ជី វ៉ា អាយុ១៩ឆ្នាំ មុខរបរលក់ស្លាបមាន់អាំងមុខផ្សារច្បារអំពៅ។

តាមប្រភពពីលោក ជូ វ៉ាន់នី ជំនួយការសង្កាត់ច្បារអំពៅទី២បានឲ្យដឹងថា ជនរងគ្រោះទាំង៣បានលង់ទឹកស្លាប់នៅព្រឹកថ្ងៃទី៣ ខែតុលា ស្ថិតក្នុងឃុំព្រែកជ្រៃ ស្រុកពារាំង ខេត្តព្រៃវែង ខណៈដែលពួកគេជិះទូកលេងក្នុងព្រែក។ តាងនាមអាជ្ញាធរសង្កាត់ច្បារអំពៅទី២ បានចាត់តាំងប្រជាការពារចូលរួមការពារក្នុងពិធីបុណ្យសព និងបានចូលរួមរំលែកទុក្ខជាមួយគ្រួសារសពទៀតផង។ សពបានដង្ហែទៅបូជានៅវត្តច្បារអំពៅនារសៀលថ្ងៃទី៤ខែតុលានេះ៕

អត្ថបទ៖ នរា

The post យុវជន៣នាក់លង់ទឹកស្លាប់ថ្ងៃបុណ្យភ្ជុំបិណ្ឌ ពេលជិះទូកលេងក្នុងព្រែក appeared first on Kampuchea Thmey Daily.