ការអំពាវនាវនេះ ក្នុងឱកាស លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត បានអញ្ជើញជាអធិបតីបើកសន្និសីទទន្តសាស្ត្រប្រចាំឆ្នាំលើកទី ២ ឆ្នាំ ២០២៦ ក្រោមប្រធានបទ «ការលើកកម្ពស់ការអនុវត្តបច្ចេកទេសទន្តសាស្ត្រឈានមុខ» កាលពីព្រឹកថ្ងៃទី ៤ ខែកក្កដា ឆ្នាំ ២០២៦។

នាឱកាសនោះ លោកជំទាវបណ្ឌិត បានកោតសរសើរចំពោះថ្នាក់ដឹកនាំ និង ក្រុមការងារ TYDA ដែលបានខិតខំរៀបចំសន្និសីទនេះឡើងដោយជោគជ័យ និង បន្តវេទិកាសម្រាប់ការផ្លាស់ប្តូរចំណេះដឹង បទពិសោធ និង ពង្រឹងសមត្ថភាពវិជ្ជាជីវៈ ដើម្បីលើកកម្ពស់គុណភាពសេវាសុខាភិបាលជូនប្រជាពលរដ្ឋ។

លោកជំទាវបណ្ឌិត ក៏បានជំរុញឱ្យមានការប្រើប្រាស់បច្ចេកវិទ្យាបញ្ញាសិប្បនិម្មិត (AI) ក្នុងការធ្វើរោគវិនិច្ឆ័យ និង ព្យាបាលជំងឺមាត់ធ្មេញ និង ជំងឺផ្សេងៗ ដើម្បីបង្កើនប្រសិទ្ធភាពការព្យាបាល។ ទន្ទឹមនឹងនេះ លោកជំទាវបណ្ឌិត បានសង្កត់ធ្ងន់ថា AI មិនអាចជំនួសមនសិការ វិជ្ជាជីវៈ សីលធម៌ និង ក្តីមេត្តាករុណារបស់គ្រូពេទ្យចំពោះអ្នកជំងឺបានឡើយ។

ជាមួយគ្នានេះ លោកជំទាវបណ្ឌិត បានផ្តល់អនុសាសន៍សំខាន់ៗ ដោយលើកទឹកចិត្តឱ្យអ្នកជំនាញចាត់ទុកសន្និសីទជាវេទិកាសិក្សាពិតប្រាកដ បន្តចែករំលែកចំណេះដឹងដល់អ្នកជំនាន់ក្រោយ អភិវឌ្ឍន៍ជំនាញឱ្យស្របនឹងបច្ចេកវិទ្យា ដោយរក្សាសីលធម៌វិជ្ជាជីវៈ តម្កល់អ្នកជំងឺជាចំណុចកណ្តាល នៃការព្យាបាល និង បន្តថែរក្សាស្មារតីស្ម័គ្រចិត្ត និង មនុស្សធម៌របស់សមាគម TYDA។

លោកជំទាវបណ្ឌិត បានបង្ហាញជំនឿថា ការរួមបញ្ចូលគ្នារវាងបច្ចេកវិទ្យាទំនើប និង គុណតម្លៃវិជ្ជាជីវៈ នឹងរួមចំណែកលើកកម្ពស់គុណភាព សុវត្ថិភាព និង ប្រសិទ្ធភាព នៃសេវាទន្តសាស្ត្រ និង ការថែទាំសុខភាពនៅកម្ពុជា៕

The post លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត អំពាវនាវឱ្យប្រើ AI ក្នុងវិស័យទន្តសាស្ត្រ ប្រកបដោយមនសិការ និង ក្តីមេត្តា appeared first on Kampuchea Thmey Daily.

ក្នុងពិធីបើកការតាំងពិព័រណ៍ នៅថ្ងៃទី ២៨ ខែមិថុនា ឆ្នាំ ២០២៦ លោកស្រី ស៊ូ ហ្សូលីដា ប្រធានសមាគមអតីតនិស្សិតអាហារូបករណ៍ហ៊្វុលប្រាយ និង អាហារូបករណ៍សហរដ្ឋអាមេរិក បានឲ្យដឹងថា ពិព័រណ៍នេះ ប្រព្រឹត្តិឡើងក្នុងប្រធានបទ “អាជីពក្នុងអន្តរកាល” ដោយប្រធានបទនេះ គឺមានសារសំខាន់យ៉ាងខ្លាំង ស្របពេលដែលប្រទេសកម្ពុជា និង ពិភពលោក កំពុងស្ថិតនៅក្នុងភាពមិនច្បាស់លាស់ នៃបម្រែបម្រួលយ៉ាងគំហុក របស់សេដ្ឋកិច្ច សង្គម និង បច្ចេកវិទ្យា។

លោកស្រី បានបន្តថា ការតាំងពិព័រណ៍នេះ មានចំនួន ៣៣ ស្ដង់ ថ្នាក់តម្រង់ទិសចំនួន ១៦ ថ្នាក់ កិច្ចពិភាក្សាតុមូលចំនួន ២ ជាមួយនឹងវាគ្មិនធ្វើបទបង្ហាញ ដែលពិព័រណ៍នេះ នឹងប្រព្រឹត្តិទៅតែមួយថ្ងៃ គឺនៅថ្ងៃទី ២៨ ខែមិថុនា នេះ។

ក្នុងឱកាសនោះ លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត បានលើកទឹកចិត្តដល់យុវជន ក៏ដូចជាសិស្សនិស្សិត ត្រូវចាប់យកឱកាសពីការតាំងពិព័រណ៍ ស្ដាប់ការពន្យល់ ស្ដាប់បទពិសោធពីអតីតនិស្សិត ឬ ការតម្រង់ទិសការសិក្សា ពីអ្នកធ្វើបទបង្ហាញតាមស្ដង់ និង សួរសំណួរបន្ថែម ដើម្បីជាមាគ៌ាជីវិត សម្រាប់ជួយដល់អនាគតខ្លួនឯង។

ក្រោមប្រធានបទ “អាជីពក្នុងអន្តរកាល” លោកជំទាវបណ្ឌិត បានពន្យល់ថា អន្តរកាល សំដៅដល់ការផ្លាស់ប្តូរឥតឈប់ឈរមានដូចជា ការរីកចម្រើនផ្នែកបច្ចេកវិទ្យា ទីផ្សារការងារជាដើម ហើយមិនមែនជាពេលវេលាដែលយើងត្រូវខ្លាចនោះទេ គឺជាពេលដែលយើងត្រូវរៀបចំខ្លួនឲ្យបានល្អ។ អ្នកដែលមានចំណេះដឹង ប៉ុន្តែមិនបន្តការរៀនសូត្រ គឺអាចនឹងត្រូវបានបោះបង់ចោលដោយការផ្លាស់ប្តូរនេះ។ ប៉ុន្តែអ្នកដែលមានចំណេះដឹង មានជំនាញ មានសីលធម៌ មានការបត់បែន និង មានស្មារតីរៀនរហូត គឺអាចប្រែក្លាយការផ្លាស់ប្តូរនេះ ទៅជាឱកាសថ្មី ដើម្បីរីកចម្រើនទៅមុខ។ លោកជំទាវបណ្ឌិត ក៏បានជំរុញបន្ថែមដល់សិស្សដែលមានសញ្ញាបត្រ ឬ រៀនចប់ ត្រូវតែមានការធ្វើបច្ចុប្បន្នភាពជាប់ជាប្រចាំ និង ត្រូវមានជំនាញអនុវត្ត ជំនាញឌីជីថល ជំនាញបច្ចេកទេស ជំនាញវិភាគ ការគិត និង ការដោះស្រាយជាប្រចាំ ដើម្បីសម្របខ្លួននៅក្នុងអន្តរកាលដែលចេះតែផ្លាស់ប្តូរយ៉ាងឆាប់រហ័សនេះ។ ក្នុងវេលានេះដែរ លោកជំទាវបណ្ឌិត ក៏បានលើកទឹកចិត្តឲ្យយុវតីទាំងអស់ ត្រូវមានភាពក្លាហាន ជ្រើសរើសមុខជំនាញដែលខ្លួនស្រឡាញ់ ព្រោះថា ស្ត្រី ក៏មានសមត្ថភាពធ្វើបានដូចបុរសដែរ ហើយពេលខ្លះធ្វើបានល្អជាងបុរសទៅទៀត។

បន្ថែមសម្រាប់ លោកជំទាវបណ្ឌិត ការអភិវឌ្ឍធនធានមនុស្សគឺមិនមែនពេលដែលយុវជនចូលធ្វើការនោះទេ គឺនៅពេលដែលយុវជនចេះចាប់ជំនាញដែលឆ្លើយតបទៅនឹងតម្រូវការបច្ចុប្បន្នរបស់សង្គមជាតិដោយការសួរខ្លួនឯងថា ខ្ញុំចង់រៀនអ្វី? តើខ្ញុំត្រូវធ្វើអ្វីទៅទើបខ្លួនឯងបានលទ្ធផលល្អ? តើសង្គមត្រូវការអ្វី? ហើយតើខ្ញុំអាចរួមចំណែកធ្វើអី្វខ្លះដើម្បីជួយដល់គ្រួសារ សហគមន៍ និង ប្រទេសជាតិរបស់ខ្ញុំ?

ជាមួយនេះ លោកជំទាវបណ្ឌិត បានផ្តល់អនុសាសន៍ចំនួន ៥ ដ៏មានតម្លៃសម្រាប់អ្នកជំនាន់ក្រោយរួមមាន ៖ ១.ការជ្រើសរើសជំនាញសិក្សាដោយការយល់ដឹងរបស់ខ្លួនឯង មិនមែនតាមគេតាមឯង។ ២. ការដែលមិនមើលរំលងនូវតម្លៃរបស់មុខជំនាញណាមួយ។ ៣.ការរៀនឲ្យចេះ និង បន្តរៀនសូត្រជាប់ជាប្រចាំ។ ៤.ការរក្សាសីលធម៌ សុជីវធម៌ គុណធម៌នៅក្នុងខ្លួនជានិច្ច។ ៥.ការរក្សាស្មារតីដឹងគុណ និង ការតបស្នង ពោលគឺជា កតញ្ញូជន៕

The post លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត អញ្ជើញបើកពិព័រណ៍ជំនាញសិក្សា និង ការងារ នៅសាលាតិចណូ appeared first on Kampuchea Thmey Daily.

ប្រធានកិត្តិយសមូលនិធិគន្ធបុប្ផាកម្ពុជា លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត គូសបញ្ជាក់ថា ការផ្ដល់សេវាសុខាភិបាល របស់មន្ទីរពេទ្យគន្ធបុប្ផា គឺគ្មានការរើសអើង មិនថាកូនអ្នកមាន ឬកូនអ្នក្រ ដោយក្រុមវេជ្ជបណ្ឌិត និងគ្រូពេទ្យប្រើប្រាស់ថ្នាំព្យាបាល និងការថែទាំដូចៗគ្នា។ លោកជំទាវថ្លែងដូច្នេះ នាថ្ងៃទី២៣ ខែមិថុនា ឆ្នាំ២០២៦ ក្នុងពិធីប្រគល់-ទទួលថវិកាបរិច្ចាគ ពីគណៈសង្ឃនាយក នៃព្រះរាជាណាចក្រកម្ពុជាជូនមូលនិធិគន្ធបុប្ផាកម្ពុជា។

លោកជំទាវបណ្ឌិត ពេជ ចន្ទមុន្នី គូសបញ្ជាក់បែបនេះ៖”
មន្ទីរពេទ្យគន្ធបុប្ផាផ្ទះនៅរាជធានីភ្នំពេញនិងនៅសៀមរាប
ប្រជុំទៅដោយក្រុមគ្រូពេទ្យជំនាញឯកទេសកុមារ ព្យាបាលកុមារមកពីគ្រប់ស្រទាប់វណ្ណៈ ទាំងកូនអ្នកមាន ទាំងកូនអ្នកក្រ ប្រើប្រាស់ឱសថដូចៗគ្នា គ្មានការបែងចែក និងថែទាំដោយយកចិត្តទុកដាក់ គ្មានការរើសអើងឡើយ។”។

លោកជំទាវបណ្ឌិតបន្ថែមថា នៅពេលកុមារឈឺ អាណាព្យាបាលបានបញ្ជូនកូនមកកាន់មន្ទីរពេទ្យគន្ធបុប្ផា ព្រោះមានជំនឿជាក់និងទំនុកចិត្តលើមន្ទីរពេទ្យមួយនេះ។

គូរគូសបញ្ជាក់ថា ក្នុងមួយឆ្នាំៗ មន្ទីរពេទ្យគន្ធបុប្ផា ទាំងនៅរាជធានីភ្នំពេញ និងនៅខេត្តសៀមរាប ត្រូវការថវិកាចំនួនប្រមាណ ៤៥ លានដុល្លារអាម៉េរិក ឬ ជាង ១២ ម៉ឺនដុល្លារអារម៉េរិក ក្នុងមួយថ្ងៃៗ ដើម្បីបំពេញបេសកកម្មសង្រ្គោះជីវិតទារក និងកុមារ ក៏ដូចជាការផ្ដល់សេវាសម្ភពនេះ។

ប្រធានកិត្តិយសនៃមូលនិធិគន្ធបុប្ផាកម្ពុជា ចាត់ទុកការបរិច្ចាគរបស់សប្បុរសជនចូលមូលនិធិគន្ធបុប្ផាកម្ពុជា ការពិតជាមានតម្លៃខ្លាំងណាស់ក្នុងការធានានិរន្តរភាពរបស់មន្ទីរពេទ្យ ដើម្បីបន្តបេសកកម្មសង្គ្រោះជីវិតកុមារកម្ពុជា៕

The post ស្រ្តីទីមួយ៖មន្ទីរពេទ្យគន្ធបុប្ផាព្យាបាល ថែទាំកុមារដោយគ្មានការរើសអើង ប្រើឱសថដូចៗគ្នា ទោះបីកូនអ្នកមាន ឬកូនអ្នកក្រ appeared first on Kampuchea Thmey Daily.

ថ្លែងក្នុងពិធីប្រគល់-ទទួលថវិកា លោកជំទាវបណ្ឌិត ពេជ ចន្ទមុន្ទី សូមអរព្រះគុណ «សម្តេចព្រះមហាសុមេធាធិបតី អំ លីមហេង សម្តេចព្រះសង្ឃនាយកគណៈមហានិកាយ នៃព្រះរាជាណាចក្រកម្ពុជា» ព្រមទាំងសម្តេច ព្រះរាជាគណៈ ព្រះមេគណ ព្រះអនុគណ ព្រះមន្ត្រីសង្ឃ ព្រះចៅអធិការ ព្រះថេរានុត្ថេរៈគ្រប់ព្រះអង្គ នៃគណៈសង្ឃនាយកនៃព្រះរាជាណាចក្រកម្ពុជា ចំពោះព្រះរាជអំណោយដ៏ខ្ពង់ខ្ពស់ជាបច្ច័យចំនួន ១៦០លានរៀល ប្រគល់ជូនមូលនិធិគន្ធបុប្ផាកម្ពុជា ដើម្បីឱ្យមន្ទីរពេទ្យគន្ធបុប្ផាបន្តបេសកកម្មជួយសង្គ្រោះអាយុជីវិត រួមទាំងផ្តល់នូវក្តីសង្ឃឹមវិជ្ជមាន ស្នាមញញឹម និងអនាគតយ៉ាងត្រចះត្រចង់ដល់កុមារកម្ពុជា ព្រមទាំងមហាគ្រួសារខ្មែរទាំងអស់។

បន្ថែមពីនេះ លោកជំទាវបណ្ឌិត ក៏បានអំពាវនាវដល់សប្បុរសជនទាំងអស់មេត្តាបន្តគាំទ្រ ចូលរួម និងបរិច្ចាគដល់មូលនិធិគន្ធបុប្ផាកម្ពុជា ពិសេស យុទ្ធនាការ «១ម៉ឺនរៀល ១ម៉ឺននាក់» ឆ្នាំ២០២៦ ដែលជាចលនាកៀរគរមូលនិធិដើម្បីទ្រទ្រង់ដល់បេសកកម្មពិនិត្យព្យាបាលរបស់មន្ទីរពេទ្យគន្ធបុប្ផាភ្នំពេញ និងមន្ទីរពេទ្យគន្ធបុប្ផាសៀមរាប ជូនដល់ទារក កុមារ ស្ត្រីមានផ្ទៃពោះ ហើយក៏ជាព្រឹត្តិការណ៍ប្រចាំឆ្នាំដ៏ធំមួយ ក្នុងចំណោមព្រឹត្តិការណ៍សំខាន់ៗដទៃទៀត ក្នុងស្មារតីខ្មែរជួយខ្មែរដើម្បីអនាគតប្រទេសកម្ពុជាទាំងមូលផងដែរ។​

គូរគូសបញ្ជាក់ថា ក្នុងមួយឆ្នាំៗ មន្ទីរពេទ្យគន្ធបុប្ផា ទាំងនៅរាជធានីភ្នំពេញ និងនៅខេត្តសៀមរាប ត្រូវការថវិកាចំនួនប្រមាណ ៤៥ លានដុល្លារអាម៉េរិក ឬ ជាង ១២ ម៉ឺនដុល្លារអារម៉េរិក ក្នុងមួយថ្ងៃៗ ដើម្បីបំពេញបេសកកម្មសង្រ្គោះជីវិតទារក និងកុមារ ក៏ដូចជាការផ្ដល់សេវាសម្ភពជាង១លានករណីក្នុង១ឆ្នាំ៕

The post លោកជំទាវ ពេជ ចន្ទមុន្នី អញ្ជើញទទួលបច្ច័យបរិច្ចាគចំនួន១៦០លានរៀលពីគណៈសង្ឃនាយកនៃកម្ពុជាជូនមូលនិធិគន្ធបុប្ផាកម្ពុជា appeared first on Kampuchea Thmey Daily.

តាមលិខិតអបអរសាទររបស់ លោកស្រី Kaela Sáenz Oriti ប្រធានសហគមន៍ OB-PS ចុះថ្ងៃទី១១ ខែមិថុនា ឆ្នាំ២០២៦ ការតែងតាំងនេះ ឆ្លុះបញ្ចាំងពីការគោរព និងការទទួលស្គាល់ចំពោះការប្តេជ្ញាចិត្តយូរអង្វែងរបស់លោកជំទាវបណ្ឌិត ក្នុងការអភិវឌ្ឍ និងលើកកម្ពស់យុវជន កុមារី និងយុវតី ព្រមទាំងការគាំទ្រដល់ចលនាកាយឫទ្ធិនារីនៅកម្ពុជា និងលើឆាកអន្តរជាតិ។

ទន្ទឹមនឹងនេះ សហគមន៍ OB-PS ក្រោមព្រះរាជឧបត្ថម្ភរបស់ ព្រះអង្គម្ចាស់ក្សត្រី Benedikte នៃព្រះរាជាណាចក្រដាណឺម៉ាក ក៏បានផ្តល់ “ពានសមាជិកភាពកិត្តិយសព្រះអង្គម្ចាស់ក្សត្រី បេណេឌិកតេ” ជូនលោកជំទាវបណ្ឌិត ដើម្បីទទួលស្គាល់ការគាំទ្រផ្នែកហិរញ្ញវត្ថុ និងការចូលរួមរបស់លោកជំទាវបណ្ឌិត ក្នុងការគាំទ្របេសកកម្មរបស់ សមាគមកាយឫទ្ធិនារីពិភពលោក (WAGGGS) សម្រាប់កុមារី និងយុវតី។

ការតែងតាំង និងការទទួលបានពានកិត្តិយសអន្តរជាតិនេះ គឺជាសក្ខីភាពនៃការទទួលស្គាល់ចំពោះតួនាទីកម្ពុជា ក្នុងចលនាកាយឫទ្ធិនារីពិភពលោក និងជាការលើកទឹកចិត្តដ៏ធំធេងសម្រាប់កុមារី និងយុវតីកម្ពុជា ក្នុងការបន្តកសាងចំណេះដឹង ទំនុកចិត្ត សមត្ថភាព វិន័យ ស្មារតីស្ម័គ្រចិត្ត និងភាពជាអ្នកដឹកនាំ។

សហគមន៍ OB-PS បានបង្ហាញក្តីជឿជាក់ថា ការដឹកនាំ និងការលើកទឹកចិត្តរបស់លោកជំទាវបណ្ឌិត នឹងរួមចំណែកបង្កើតឱកាសថ្មីៗសម្រាប់កិច្ចសហការ មិត្តភាព និងសកម្មភាពប្រកបដោយអត្ថន័យ ដើម្បីគាំទ្រដល់កុមារី និងយុវតី ទាំងនៅកម្ពុជា និងក្នុងចលនាកាយឫទ្ធិនារីអន្តរជាតិ។

សូមជម្រាបថា The Olave Baden-Powell Society (OB-PS) គឺជាបណ្តាញអ្នកគាំទ្រសកល ដែលរួមចំណែកគាំទ្របេសកកម្មរបស់ WAGGGS ក្នុងការផ្តល់ឱកាសដល់កុមារី និងយុវតី ឱ្យអភិវឌ្ឍសមត្ថភាព ការទទួលខុសត្រូវ ស្មារតីបម្រើសង្គម និងភាពជាអ្នកដឹកនាំសម្រាប់អនាគត៕

The post លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ត្រូវបានតែងតាំងជា ប្រធានថ្នាក់ជាតិនៃសហគមន៍ OB-PS ប្រចាំកម្ពុជា និងទទួលបាន “ពានសមាជិកភាពកិត្តិយសព្រះអង្គម្ចាស់ក្សត្រី បេណេឌិកតេ” ពីសហគមន៍ The Olave Baden-Powell Society appeared first on Kampuchea Thmey Daily.

ក្នុងលិខិតនេះ លោកជំទាវបណ្ឌិត បានសម្តែងនូវមោទនភាព និងសេចក្តីគោរពដ៏ជ្រាលជ្រៅចំពោះព្រះរាជសកម្មភាពដ៏ឧត្តុង្គឧត្តម និងព្រះរាជហឫទ័យដ៏ថ្លៃថ្លារបស់ សម្តេចព្រះវររាជមាតាជាតិខ្មែរ ដែលតែងតែយកព្រះទ័យទុកដាក់ ជ្រោមជ្រែង និងគាំទ្រដល់ចលនាកាយឫទ្ធិនារីកម្ពុជា ក៏ដូចជាការលើកកម្ពស់កុមារី យុវតី និងស្ត្រីវ័យក្មេង។

ការថ្វាយពាននេះ ត្រូវបានចាត់ទុកជាការទទួលស្គាល់ដ៏មានកិត្តិយសបំផុតលើឆាកអន្តរជាតិ ចំពោះព្រះរាជបេសកកម្ម និងការចូលរួមដ៏ថ្លៃថ្លារបស់ សម្តេចព្រះវររាជមាតាជាតិខ្មែរ ក្នុងការគាំទ្រការអភិវឌ្ឍសមត្ថភាព វិន័យ និងភាពជាអ្នកដឹកនាំរបស់កុមារី និងយុវនារី តាមរយៈចលនាកាយឫទ្ធិនារី។

សមាគមកាយឫទ្ធិនារីកម្ពុជា ក្រោមព្រះរាជឧបត្ថម្ភដ៏ខ្ពង់ខ្ពស់បំផុតរបស់ សម្តេចព្រះវររាជមាតាជាតិខ្មែរ សូមបួងសួងថ្វាយព្រះពរ សម្តេចព្រះមហាក្សត្រី សូមទ្រង់ប្រកបដោយព្រះរាជសុខភាពល្អបរិបូរណ៍ ព្រះកាយពលមាំមួន និងព្រះជន្មាយុយឺនយូរ ដើម្បីបន្តជាម្លប់ដ៏ត្រជាក់ត្រជុំ និងជាទីគោរពសក្ការៈដ៏ខ្ពង់ខ្ពស់បំផុត សម្រាប់ប្រជារាស្ត្រខ្មែរ៕

The post លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ផ្ញើលិខិតអបអរសាទរថ្វាយ សម្តេចព្រះមហាក្សត្រី ព្រះវររាជមាតាជាតិខ្មែរ ក្នុងឱកាសដែលទ្រង់ត្រូវបានថ្វាយ “ពានសមាជិកភាពជើងឯក” ពីសហគមន៍ OB-PS appeared first on Kampuchea Thmey Daily.

សម្រាប់ពិធីបញ្ចុះបឋមសិលា ដែលប្រព្រឹត្តិទៅនៅព្រឹកថ្ងៃទី ៦ ខែមិថុនា ឆ្នាំ ២០២៦ គឺមានវិធីប្រុងពាលី , នមស្ការថ្វាយបង្គំព្រះ សមាទានសីល និមន្តព្រះសង្ឃចម្រើនព្រះបរិត្ត ,ការថ្វាយដង្គំព្រះសម្មាសម្ពុទ្ធ , ការថ្វាយ-ប្រគេនចង្ហាន់ និង ទេយ្យទានដល់ព្រះសង្ឃ រួមមាន សម្ដេចជាអម្ចាស់ជាសង្ឃធិបតី ។ កម្មវិធីបន្ទាប់ លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត អញ្ជើញដង្ហែ និង អញ្ជើញបញ្ចុះបឋមសិលាជានិមិត្តរូប នៃការកសាងសារមន្ទីរឧដុង្គ។ ព្រះសង្ឃជយន្តោ ដឹកនាំដោយ សម្ដេចព្រះមហាសុមេធាធិបតី អំ លឹមហេង សម្ដេចព្រះសង្ឃនាយក គណៈមហានិកាយ នៃព្រះរាជាណាចក្រកម្ពុជា , ការផ្សាយមេត្តាធម៌ ហើយលោកជំទាវបណ្ឌិត អញ្ជើញប្រគេនជូនចង្ហាន់ដល់ព្រះសង្ឃ សីលវន្ត សីលវតី។

គួរបញ្ជាក់ថា “រតនមន្ទីរពុទ្ធមណ្ឌលវិបស្សនាឧដុង្គ” ត្រូវបានកសាងឡើងនៅក្នុងភូមិភ្នំ ឃុំផ្សារដែក ស្រុកពញាឮ ខេត្តកណ្តាល ដើម្បីជាសារមន្ទីរសម្រាប់តម្កល់នូវព្រះបដិមា ចម្លាក់ព្រះពុទ្ធប្បដិមាសិល្បៈខ្មែរគ្រប់សម័យកាល រូបព្រះពុទ្ធបាត និង ការពិពណ៌នា ព្រះបរមរូបសម្តេចព្រះមហាសង្ឃរាជ ព្រះបរមរូបសម្តេចព្រះសង្ឃនាយក អ្នកប្រាជ្ញពុទ្ធសាសនាខ្មែរ (មានព្រះសង្ឃ និង គ្រហស្ថ) ការតាំងបង្ហាញវត្ថុសក្ការៈ និង គ្រឿងប្រដាប់ប្រដាក្នុងព្រះពុទ្ធសាសនា គ្រឿងយសសម្រាប់សមណសក្តិគ្រប់ឋានានុក្រម គ្រឿងបរិក្ខារសម្រាប់សមណៈ គម្ពីរសាស្ត្រាក្បួនច្បាប់ខ្មែរ ឯកសារស្តីពីព្រះពុទ្ធសាសនា និង គ្រឿងប្រដាប់ជាច្រើនដូចដែលជាធម្មមរតកក្នុងព្រះពុទ្ធសាសនាខ្មែរ។

លើសពីនេះ សារមន្ទីរនេះ ក៏ជាសំណង់សិល្បៈស្ថាបត្យកម្មតាមរចនាបថខ្មែរ ដែលអនុញ្ញាតឲ្យកូនចៅខ្មែរបានឃើញ និង សិក្សាស្វែងយល់អំពីវិចិត្រកម្មដ៏ល្អឯក ប្រណិតភាព នៃប្រវត្តិសាស្ត្រជាតិ ដួងព្រលឹងជាតិ ជាពិសេសគឺរចនាបថសំណង់ស្ថាបត្យកម្មដ៏អស្ចារ្យរបស់ខ្មែរនៅសម័យឧដុង្គ។

ការកសាងសារមន្ទីរនេះ មិនត្រឹមតែអនុញ្ញាតឲ្យកូនចៅខ្មែរបានឃើញ និង សិក្សាស្វែងយល់ពីរចនាបថសំណង់ស្ថាបត្យកម្មដ៏អស្ចារ្យនៅអតីតរាជធានីឧដុង្គប៉ុណ្ណោះទេ ថែមទាំងជាកន្លែងថែរក្សាមរតកវប្បធម៌ព្រះពុទ្ធសាសនា និង ផ្សព្វផ្សាយធម្មកេរមរតកបុរាណខ្មែររាប់ជំនាន់ ព្រះសង្ឃខ្មែរគ្រប់ជំនាន់ បានបន្សល់ទុកមកយ៉ាងច្រើន គួរជាទីមោទនភាព នៃប្រជាជាតិយើងទៅកាន់ពិភពលោក តម្កល់ជាឧត្តមប្រយោជន៍ដល់សាធារណជនជាតិ និង អន្តរជាតិ សិក្សាស្រាវជ្រាវស្វែងយល់ពីគុណតម្លៃព្រះពុទ្ធសាសនានៅកម្ពុជា និង ដើម្បីចូលរួមចំណែក អភិវឌ្ឍន៍វិស័យទេសចរណ៍វប្បធម៌ព្រះពុទ្ធសាសនានៅកម្ពុជា ឲ្យកាន់តែមានភាពសំបូរបែបជាទីមនោរម្យ ប្រកបដោយចិត្តជ្រះថ្លា សោមនស្សរីករាយក្រោមបារមី នៃម្លប់ដ៏ត្រជាក់ត្រជុំ នៃព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា នាសម័យមហាបវរធិបតី។

ជាការពិតណាស់ រាជរដ្ឋាភិបាលកម្ពុជា ក្រោមការដឹកនាំប្រកបដោយគតិបណ្ឌិតយ៉ាងឈ្លាសវៃរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី តែងលើកកម្ពស់វិស័យព្រះពុទ្ធសាសនា ដោយបានកំណត់ថា សាសនាព្រះពុទ្ធជាសាសនារបស់រដ្ឋ។ ជាក់ស្តែង សម្តេចធិបតី រួមជាមួយ លោកជំទាវបណ្ឌិត តែងចូលរួមពិធីបុណ្យពុទ្ធសាសនា បរិច្ចាគទាំងទាន និង ថវិកា សម្រាប់គាំទ្រ និង ទ្រទ្រង់ពុទ្ធសាសនានៅគ្រប់ទីកន្លែងទូទាំងប្រទេស។ ជាទិដ្ឋភាពរួមវិញ សម្តេចធិបតីនាយករដ្ឋមន្ត្រី និង លោកជំទាវបណ្ឌិត ស្ត្រីទីមួយកម្ពុជា ពិតឲ្យតម្លៃយ៉ាងធំធេងដល់សាសនាផ្សេងៗ ដោយធានាយ៉ាងម៉ឺងម៉ាត់ចំពោះសុខុដុមនីយកម្មសាសនាក្នុងប្រទេសកម្ពុជា៕

The post លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត អញ្ជើញចូលរួមកម្មវិធីបញ្ចុះបឋមសិលា កសាង «រតនមន្ទីរពុទ្ធមណ្ឌលវិបស្សនាឧដុង្គ» ពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា appeared first on Kampuchea Thmey Daily.

លោក ចន ណារិទ្ធ រាយការណ៍ដូច្នេះ៖«លទ្ធផលនៃ “យុទ្ធនាការ ១ម៉ឺនរៀល ១ម៉ឺននាក់” ឆ្នាំ២០២៦ ដោយគិតត្រឹមព្រឹកថ្ងៃទី៤ ខែមិថុនា ឆ្នាំ២០២៦ នេះ មានអ្នកចូលរួមបរិច្ចាគចំនួនជាង ៧ម៉ឺននាក់ ដោយទទួលបានថវិកាបរិច្ចាគសរុបសមមូលជាដុល្លារអាម៉េរិកចំនួនប្រមាណ ៣,៥ លានដុល្លារ ដោយមិនទាត់គិតបញ្ចូលនូវថវិកាបរិច្ចាគក្នុង “ដើរ ២ ៧០០ ជំហាន ដើម្បីទារក និងកុមារកម្ពុជា” ចំនួនប្រមាណជាង ២ ១០០ លានរៀល ពីសប្បុរសជនចំនួនជាង ១០ ០០០ នាក់ នៅឡើយ។»។

គូរគូសបញ្ជាក់ថា ក្នុងមួយឆ្នាំៗ មន្ទីរពេទ្យគន្ធបុប្ផា ទាំងនៅរាជធានីភ្នំពេញ និងនៅខេត្តសៀមរាប ត្រូវការថវិកាចំនួនប្រមាណ ៤៥​ លានដុល្លារអាម៉េរិក ឬ ជាង ១២ ម៉ឺនដុល្លារអារម៉េរិក ក្នុងមួយថ្ងៃៗ ដើម្បីបំពេញបេសកកម្មសង្រ្គោះជីវិតទារក និងកុមារ​ ក៏ដូចជាការផ្ដល់សេវាសម្ភពនេះ។

លោកជំទាវបណ្ឌិត ពេជ ចន្ទមុន្នី ហ៊ុន ម៉ាណែត ប្រធានកិត្តិយសមូលនិធិគន្ធបុប្ផាកម្ពុជា ធ្លាប់បានថ្លែងថា ១ម៉ឺនរៀល អាចមើលទៅជាចំនួនតូចមួយ ប៉ុន្តែសម្រាប់កុមារ ដែលកំពុងស្រែកហៅរកការសង្គ្រោះ ១ម៉ឺនរៀលនេះ អាចក្លាយជាក្តីសង្ឃឹមមួយ អាចក្លាយជាឱសថ ជាឈាម ជាឧបករណ៍ពេទ្យ ឬជាកម្លាំងមួយ ដែលជួយឱ្យក្រុមគ្រូពេទ្យបន្តសង្គ្រោះជីវិតកុមារបានទាន់ពេលវេលា។ លោកជំទាវបន្ថែមថា នៅពេលការចូលរួមរបស់ពលរដ្ឋខ្មែរម្នាក់ៗរួបរួមគ្នា ១ម៉ឺនរៀល នឹងក្លាយជាកម្លាំងដ៏ធំមួយ សម្រាប់បន្តនាំស្នាមញញឹម ក្តីសង្ឃឹម និងជីវិតថ្មីដល់កុមារកម្ពុជា។

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អំពាវនាវដល់សប្បុរសជនទាំងអស់ បន្តចូលរួមគាំទ្រយុទ្ធនាការ “១ម៉ឺនរៀល ១ម៉ឺននាក់” ឆ្នាំ២០២៦ ទៅតាមលទ្ធភាពរៀងៗខ្លួន ដើម្បីកុមារម្នាក់អាចមានឱកាសរស់រានមានជីវិត ដើម្បីម្តាយឪពុកមួយគ្រួសារអាចមានស្នាមញញឹមវិញ និងដើម្បីបន្តនិរន្តរភាពនៃមន្ទីរពេទ្យគន្ធបុប្ផា ដែលជាដង្ហើមនៃក្តីសង្ឃឹមរបស់កុមារកម្ពុជា។ 

លោកជំទាវ ពេជ ចន្ទមុន្នី ហ៊ុនម៉ាណែត គូសបញ្ជាក់ថា ការបរិច្ចាគជូនមូលនិធិគន្ធបុប្ផាកម្ពុជា មិនមែនគ្រាន់តែជាការបរិច្ចាគថវិកាប៉ុណ្ណោះទេ ប៉ុន្តែគឺជាការចូលរួមសង្គ្រោះជីវិតកុមារ, ជាការចូលរួមជួយដល់ម្តាយឪពុកមួយគ្រួសារ ហើយក៏ជាការចូលរួមវិនិយោគលើអនាគតរបស់ប្រទេសជាតិផងដែរ។

ជាង៣០ឆ្នាំមកហើយ មន្ទីរពេទ្យគន្ធបុប្ផា បានក្លាយជាទីកន្លែងនៃក្តីសង្ឃឹម សម្រាប់ទារក កុមារ និងស្ត្រីមានផ្ទៃពោះជាច្រើនលាននាក់នៅកម្ពុជា។ ចាប់តាំងពីឆ្នាំ១៩៩២ មក មន្ទីរពេទ្យគន្ធបុប្ផា បានពិនិត្យ និងព្យាបាលទារក កុមារ និងស្ត្រីមានផ្ទៃពោះ ជាង ២៧,៥ លាននាក់ ដោយឥតគិតថ្លៃ ប្រកបដោយគុណភាព និងមិនមានការរើសអើង៕

ដោយ៖ ង៉ិល ណារ៉ាត់

The post ត្រឹមព្រឹកថ្ងៃទី៤ ខែមិថុនា “យុទ្ធនាការ ១ម៉ឺនរៀល ១ម៉ឺននាក់” ទទួលបានថវិកាបរិច្ចាគប្រមាណ៣,៥ លានដុល្លារ appeared first on Kampuchea Thmey Daily.