រដ្ឋលេខាធិការទាំងពីរ បានលើកឡើងអំពីតួនាទីដ៏សារៈសំខាន់នៃកិច្ចពិគ្រោះយោបល់ទ្វេភាគីនេះ ដែលជាយន្តការពង្រីកកិច្ចសហប្រតិបត្តិការលើគ្រប់វិស័យរវាងកម្ពុជា និងប៉ូឡូញូ បន្ទាប់ពីចំណងទាក់ទងដ៏ល្អរវាងប្រទេសទាំងពីរ រយៈពេលជិត៧ទសវត្សរ៍ ហើយបច្ចុប្បន្ន បាននិងកំពុងរីកចម្រើនក្នុងវិស័យនានា។

ចំណងមិត្តភាព និងកិច្ចសហប្រតិបត្តិការល្អប្រសើរនេះ ភាគីទាំងពីរ គូសបញ្ជាក់ថា បានឆ្លុះបញ្ចាំងឱ្យឃើញតាមរយៈការរៀបចំដោយជោគជ័យនៃកិច្ចប្រជុំពិគ្រោះយោបល់ទ្វេភាគីកន្លងមក ការបើកស្ថានកុងស៊ុលកិត្តិយសប៉ូឡូញនៅភ្នំពេញ ក៏ដូចជាការចុះហត្ថលេខាលើកិច្ចព្រមព្រៀងលើកលែងទិដ្ឋាការសម្រាប់អ្នកកាន់លិខិតឆ្លងដែនការទូត។

សម្រាប់កិច្ចប្រជុំពិគ្រោះយោបល់ ដែលបានធ្វើឡើងកាលថ្ងៃទី២៤ ខែវិច្ឆិកា ឆ្នាំ២០២៥ នៅប្រទេសប៉ូឡូញ សហប្រធានទាំងពីរ បានពិនិត្យឡើងវិញដោយក្តីសោមនស្សរីករាយលើកិច្ចសហប្រតិបត្តិការដែលកំពុងមានស្រាប់ និងបានកំណត់នូវកាលានុវត្តភាពបន្ថែមទៀតក្នុងវិស័យសំខាន់ៗ ដូចជា ពាណិជ្ជកម្ម វិនិយោគ សុខាភិបាល ទេសចរណ៍ អប់រំ កសិកម្ម និងកសិឧស្សហកម្ម វប្បធម៌ ឌីជីថលនីយកម្ម ទំនាក់ទំនងរវាងប្រជាជននិងប្រជាជន និងកិច្ចសហប្រតិបត្តិការរវាងសភានៃប្រទេសទាំងពីរ។

ភាគីទាំងពីរ ក៏បានគូសបញ្ជាក់អំពីការគាំទ្របេក្ខភាពគ្នាទៅវិញទៅមកសម្រាប់តំណែងនានាក្នុងអង្គការអន្តរជាតិ។ លោកស្រី ជ្រឹង បុទុមរង្សី រដ្ឋលេខាធិការក្រសួងការបរទេសកម្ពុជាបានអរគុណចំពោះរដ្ឋាភិបាលប៉ូឡូញ ដែលបន្តគាំទ្រក្នុងការអភិវឌ្ឍធនធានមនុស្ស តាមរយៈកម្មវិធីអាហារូបករណ៍ផ្សេងៗ។

ភាគីទាំងពីរបានពិភាក្សាអំពីបញ្ហាតំបន់ និងអន្តរជាតិ ដែលជាក្តីកង្វល់រួម រួមទាំងបច្ចុប្បន្នភាពនៃស្ថានភាពព្រំដែនកម្ពុជា-ថៃ និងបានគូសបញ្ជាក់ឡើងវិញនូវការតាំងចិត្តរួមគ្នាចំពោះសន្តិភាព ស្ថិរភាព និងការគោរពនូវច្បាប់អន្តរជាតិ៕

The post កម្ពុជា និងប៉ូឡូញ បើកកិច្ចពិគ្រោះយោបល់នយោបាយថ្នាក់ក្រសួងការបរទេស ដើម្បីពង្រឹងទំនាក់ទំនង appeared first on Kampuchea Thmey Daily.

ភាគីទាំងពីរបានគូសបញ្ជាក់នូវចំណងមិត្តភាពយូរអង្វែង និងកិច្ចសហប្រតិបត្តិការដ៏ល្អ ដែលបាននិងកំពុងរីកចម្រើនលើវិស័យជាច្រើនដែលជាប្រយោជន៍រួម ដូចបានឆ្លុះបញ្ចាំងតាមរយៈជំនួបជាញឹកញាប់ និងប្រកបដោយផ្លែផ្ការវាងថ្នាក់ដឹកនាំជាន់ខ្ពស់នៃប្រទេសទាំងពីរ។

ភាគីទាំងពីរទន្ទឹងរង់ចាំប្រារព្វខួបលើកទី៧០ឆ្នាំ នៃការបង្កើតទំនាក់ទំនងការទូតរវាងកម្ពុជានិងហុងគ្រីនៅក្នុងឆ្នាំ២០២៦។ រដ្ឋលេខាធិការទាំងពីរបានគូសបញ្ជាក់អំពីសារៈសំខាន់នៃយន្តការកិច្ចពិគ្រោះយោបល់នយោបាយ និងការផ្លាស់ប្តូរកម្រិតខ្ពស់ ក្នុងការពង្រឹងកិច្ចសហប្រតិបត្តិការនយោបាយ សេដ្ឋកិច្ច និងអភិវឌ្ឍន៍។

សហប្រធានទាំងពីរបានផ្លាស់ប្តូរទស្សនៈ និងលើកឡើងពីជំហានជាក់ស្តែងក្នុងការពង្រីកកិច្ចសហប្រតិបត្តិការលើវិស័យសំខាន់ៗ ដូចជាពាណិជ្ជកម្ម និងការវិនិយោគ ការគ្រប់គ្រងធនធានទឹក កសិកម្ម និងកសិឧស្សាហកម្ម ថាមពល អប់រំ សុខាភិបាល និងទេសចរណ៍។

ថ្នាក់ដឹកនាំទាំងពីរ ក៏បានពិភាក្សាអំពីបញ្ហាតំបន់ និងអន្តរជាតិ ដែលជាការព្រួយបារម្ភរួម រួមទាំងបច្ចុប្បន្នភាពនៃស្ថានភាពព្រំដែនកម្ពុជា-ថៃ និងបានបញ្ជាក់ឡើងវិញនូវការប្តេជ្ញាចិត្តរួមគ្នាក្នុងការលើកកម្ពស់សន្តិភាព និងស្ថិរភាព៕

The post ក្រសួងការបរទេសកម្ពុជា និងហុងគ្រី បើកកិច្ចពិគ្រោះយោបល់នយោបាយ​ ដើម្បីពង្រឹងទំនាក់ទំនង appeared first on Kampuchea Thmey Daily.

ជម្លោះ​ព្រំដែន​កម្ពុជា-ថៃ បាន​ផ្ទុះ​ឡើង​នៅ​តំបន់​មុំ​បី ខេត្ត​ព្រះវិហារ កាលពី​ថ្ងៃទី​២៨ ខែ​ឧសភា ឆ្នាំ​២០២៥ ហើយ​បាន​បន្ត​រាលដាល​ពេញ​ព្រំដែន​រវាង​ប្រទេស​ទាំង​ពីរ រហូត​​ក្លាយ​ទៅ​ជា​សង្គ្រាម​ដោយ​​ប្រដាប់​អាវុធ​ អស់​រយៈពេល៥​ថ្ងៃ កាលពី​ចុង​ខែ​កក្កដា។ តែយ៉ាងណា ក្រោយពី​មាន​កិច្ច​អន្តរាគមន៍​ពី​ប្រធានាធិបតី​សហរដ្ឋ​អាមេរិក លោក ដូណាល់ ត្រាំ និងនាយករដ្ឋមន្ត្រីម៉ាឡេស៊ី លោក អាន់វ៉ា អ៊ីប្រាហ៊ីម ដែលជា​ប្រធាន​អាស៊ាន​ប្តូរ​វេន ប្រទេស​ទាំង​ពីរ​បាន​ទទួល​យក​​កិច្ចព្រមព្រៀង​ឈប់​បាញ់​ កាលពី​យប់​ថ្ងៃទី​២៨ ខែ​កក្កដា ឆ្នាំ​២០២៥។

ទោះជា​បទ​ឈប់​បាញ់​ចូល​ជា​ធរមានក៏ពិតមែន តែគេមើលឃើញថា ថៃនៅតែបន្តសកម្មភាពរំលោភបំពានបទឈប់បាញ់ ដោយថៃតែងតែបង្កហេតុនៅតាមខ្សែបន្ទាត់ព្រំដែន​ជាបន្តបន្ទាប់។

នៅចំពោះមុខឯកអគ្គរាជទូតន័រវេស លោកស្រី ជ្រឹង បុទុមរង្សី បានបញ្ជាក់ជាថ្មីនូវជំហរ និងការប្តេជ្ញាចិត្តយ៉ាងម៉ឺងម៉ាត់របស់កម្ពុជាចំពោះកិច្ចខិតខំប្រឹងប្រែង ដើម្បីបន្ធូរបន្ថយភាពតានតឹង ការកសាងឡើងវិញនូវទំនុកចិត្ត ក៏ដូចជាអនុវត្តឱ្យបានពេញលេញ និងដោយសុទ្ធចិត្តចំពោះកិច្ចព្រមព្រៀងនានា ដើម្បីឈានទៅរកប្រក្រតីភាពឡើងវិញនៃទំនាក់ទំនងទ្វេភាគីរវាងកម្ពុជា-ថៃ។

ការបញ្ជាក់របស់មន្ត្រីជាន់ខ្ពស់ក្រសួងការបរទេសកម្ពុជាខាងលើ គឺបានធ្វើឡើងក្នុងជំនួបពិភាក្សាការងារជាមួយលោកស្រី Astrid Emilie Helle ឯកអគ្គរាជទូតន័រវែសប្រចាំកម្ពុជា ដែលមាននិវេសនដ្ឋាននៅទីក្រុងបាងកក។ ជំនួបដែលបានធ្វើឡើងកាលពីថ្ងៃទី៧ ខែតុលា ឆ្នាំ២០២៥ នៅទីស្ដីការក្រសួងការបរទេស រាជធានីភ្នំពេញ ភាគីទាំងពីរ ក៏បានបញ្ជាក់ពីទំនាក់ទំនងមិត្តភាព និងកិច្ចសហប្រតិបត្តិការយ៉ាងជិតស្និទ្ធ ព្រមទាំងបានអះអាងនូវការប្តេជ្ញាចិត្តរួមគ្នាពង្រឹងទំនាក់ទំនងទ្វេភាគីកម្ពុជា-ន័រវែស និងកិច្ចសហប្រតិបត្តិការក្នុងក្របខណ្ឌពហុភាគីបន្ថែមទៀត៕

The post មន្រ្តីជាន់ខ្ពស់ក្រសួងការបរទេសកម្ពុជាប្រាប់ឯកអគ្គរាជទូតន័រវេសពីស្ថានភាពបច្ចុប្បន្ននៃជម្លោះព្រំដែនកម្ពុជា-ថៃ appeared first on Kampuchea Thmey Daily.

ក្នុងឱកាសនោះ លោកស្រីបានថ្លែងសុន្ទរកថាអបអរសាទរ និងបានលើកឡើងពីសារៈសំខាន់នៃកម្មវិធីជួបជុំនាថ្ងៃនេះ។ ព្រមទាំងបានចាត់ទុកព្រឹត្តិការណ៍បែបនេះ ជាព្រិត្តការណ៍ដែលបើកចំហឱ្យមានការសន្ទនាផ្នែកគោលនយោបាយកាន់តែប្រសើរជាងមុន និងជាការបង្កើតមិត្តភាព ដែលអាចកំណត់អនាគតនៃការអភិវឌ្ឍន៍សហគមន៍ និងការងារដល់ប្រជាពលរដ្ឋពីបណ្តាប្រទេសនានានៅក្នុងសាធារណរដ្ឋកូរ៉េ។ បន្ថែមពីនេះ លោកស្រី ក៏បានស្នើឱ្យមានការប្តេជ្ញាចិត្តជាថ្មីចំពោះការជំរុញគោលនយោបាយដែលគាំទ្រការធ្វើចំណាកស្រុកប្រកបដោយមនុស្សធម៌ និងការផ្តល់ឱកាសស្មើគ្នា។

សូមជម្រាបដែរថា កម្មវិធីនេះធ្វើឡើងក្រោមអធិបតីភាព​លោក ឆុង ហ្គូវ៉ុន អភិបាលរងក្រុងហ្វាសង់ និងមានការចូលរួមពីឯកអគ្គរាជ/រដ្ឋទូតប្រចាំសាធារណរដ្ឋកូរ៉េមួយចំនួន ព្រមទាំងបងប្អូនសហគមន៍ខ្មែរ និងសហគមន៍បរទេសនៅក្រុងហ្វាសង់ប្រមាណជា ៥ ០០០នាក់។ កម្មវិធីនេះ មានប្រទេសចំនួន១៤ ចូលរួមបង្ហាញវប្បធម៍រៀងៗខ្លួន ហើយក្នុងឱកាសនោះ សហគមន៍ខ្មែរក៏បានចូលរួមផ្សព្វផ្សាយវប្បធម៌ តាមរយៈការសម្តែងរបាំក្រមាផងដែរ៕

The post ឯកអគ្គរាជទូតកម្ពុជាប្រចាំកូរ៉េ ចាត់ទុកកម្មវិធីបុណ្យវប្បធម៌ពិភពលោកក្រុងហ្វាសង់ ជាការបង្កើតមិត្តភាព appeared first on Kampuchea Thmey Daily.

តាមរយៈឃ្លីបវីដេអូ នៅថ្ងៃទី២៣ ខែសីហា ឆ្នាំ២០២៤ លោកស្រី ជ្រឹង បុទុមរង្សី បានឱ្យដឹងថា ដោយពិនិត្យឃើញថា ប្រជាពលរដ្ឋខ្មែរមួយចំនួនមិនទាន់បានមកដាក់ពាក្យស្នើសុំនៅឡើយ, សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអនុញ្ញាតជាគោលការណ៍ឱ្យស្ថានឯកអគ្គរាជទូតកម្ពុជាប្រចាំកូរ៉េខាងត្បូង ​និងក្រុមការងារក្រសួងមហាផ្ទៃ បន្តនីតិវិធីស្នើសុំលិខិតឆ្លងដែនសម្រាប់វគ្គ៣ ដល់ប្រជាពលរដ្ឋបន្តទៀត។ បើតាមលោកស្រីឯកអគ្គរាជទូត គឺវគ្គទី៣នេះ នឹងចាប់ពីថ្ងៃទី៤ ខែកញ្ញា ដល់ថ្ងៃទី២​ ខែវិច្ឆិកា ឆ្នាំ២០២៤ ។

លោកស្រីឯកអគ្គរាជទូត បានទទូចដល់ប្រជាពលរដ្ឋខ្មែរឱ្យរួសរាន់មកដាក់ពាក្យស្នើសុំលិខិតឆ្លងដែនធម្មតាថ្មីឱ្យបានគ្រប់ៗគ្នា ដើម្បីឆ្លើយតបនឹងសេចក្ដីត្រូវការរបស់ខ្លួន។

ជាការកត់សម្គាល់ កន្លងមក ប្រមុខរាជរដ្ឋាភិបាល សម្ដេចធិបតី ហ៊ុន ម៉ាណែត បានសម្រេចអនុញ្ញាតឱ្យក្រសួង-ស្ថាប័ន ក៏ដូចជាភាគីពាក់ព័ន្ធ រៀបចំទីតាំងធ្វើលិខិតឆ្លងដែននៅក្រៅប្រទេសតែម្ដង ដោយចាប់ផ្ដើមពីប្រទេសកូរ៉េមុនគេ ដើម្បីកុំឱ្យប្រជាពលរដ្ឋខ្មែរដែលកំពុងរស់នៅ និងធ្វើការនៅក្រៅប្រទេសមានការលំបាកធ្វើដំណើរមកកម្ពុជាក្នុងការធ្វើលិខិតឆ្លងដែន ដែលបានចាប់ដំណើរការ ពីថ្ងៃទី១០ ខែមករា ឆ្នាំ២០២៤ ដល់ថ្ងៃទី៣០ ខែមេសា ឆ្នាំ២០២៤។

នៅក្នុងឱកាសអញ្ជើញជួបសំណេះសំណាលជាមួយប្រជាពលរដ្ឋ ពលករ និងនិស្សិតកម្ពុជានៅក្នុងប្រទេសកូរ៉េខាងត្បូង កន្លងមក សម្ដេចធិបតី ហ៊ុន ម៉ាណែត ក៏បានប្រកាសពន្យារការធ្វើលិខិតឆ្លងដែននេះ សម្រាប់វគ្គទី២ ចាប់ផ្ដើមថ្ងៃទី២០ ខែឧសភា ដល់ថ្ងៃទី២៥ ខែសីហា ឆ្នាំ២០២៤​ ដែលនឹងត្រូវផុតកាលកំណត់ចុងសប្ដាហ៍នេះតែម្ដង។ ក៏ប៉ុន្តែ ដោយមានសំណើ និងពិនិត្យឃើញថា នៅមានប្រជាពលរដ្ឋ និស្សិត ពិសេសពលករមួយចំនួនមិនបានស្នើធ្វើលិខិតឆ្លងដែនថ្មីនេះ សម្ដេចធិបតី បានអនុញ្ញាតឱ្យស្ថានទូតកម្ពុជាប្រចាំកូរ៉េខាងត្បូង ពន្យារពេលបន្ថែមទៀត ដែលជាវគ្គទី៣ រហូតដល់ដើម ខែវិច្ឆិកា ឆ្នាំ២០២៤។

បើតាមលោកស្រីឯកអគ្គរាជទូត គិតមកដល់ពេលនេះ ស្ថានទូតទទួលបានពាក្យស្នើសុំខ្ទង់ ៤ ៣៦៥ពាក្យហើយ ខណៈស្ថានទូត ក៏បានផ្ដល់នូវលិខិតឆ្លងដែនទៅកាន់ប្រជាពលរដ្ឋជាបន្តបន្ទាប់ផងដែរ៕

អត្ថបទ៖ ធឿន វ៉ាន់សុង  

The post រាជរដ្ឋាភិបាល អនុញ្ញាតឱ្យបន្តផ្ដល់សេវាធ្វើលិខិតឆ្លងដែនជូនពលរដ្ឋខ្មែរនៅកូរ៉េ​ ដល់ដើមខែវិច្ឆិកា appeared first on Kampuchea Thmey Daily.

ឯកអគ្គរាជទូតកម្ពុជាប្រចាំកូរ៉េខាងត្បូង លោកស្រី ជ្រឹង បុទុមរង្សី បានសរសេរលើបណ្ដាញទំនាក់ទំនងសង្គមហ្វេសប៊ុករបស់លោកស្រី នៅថ្ងៃទី២១ ខែសីហា ឆ្នាំ២០២៤នេះ ថា៖ «សូមបងប្អូនប្រជាពលរដ្ឋខ្មែរដែលកំពុងរស់នៅ និងធ្វើការនៅសាធារណរដ្ឋកូរ៉េ សូមមេត្តារួសរាន់មកស្នើសុំលិខិតឆ្លងដែនថ្មី ដោយសារសេវានេះ នឹងបិទបញ្ចប់នៅថ្ងៃអាទិត្យ ទី២៥ ខែសីហា ឆ្នាំ២០២៤ សប្តាហ៍នេះហើយ»។

លោកស្រីឯកអគ្គរាជទូត បានបញ្ជាក់ឱ្យដែរថា សេវាស្នើធ្វើលិខិតឆ្លងដែនថ្មីនេះនឹងមិនមានធ្វើទៀតទេនៅថ្ងៃមុខ ប្រសិន​បើប្រជាពលរដ្ឋដែលមានបំណងធ្វើលិខិតឆ្លងដែនថ្មី នៅថ្ងៃអនាគត ត្រូវទៅធ្វើនៅនាយកដ្ឋានអត្តសញ្ញាណកម្ម ឬសាខានានានៅប្រទេសកម្ពុជាដោយផ្ទាល់ ព្រោះតម្រូវឱ្យមានការថតរូប និងផ្តិតខ្ចៅដៃដោយផ្ទាល់។

ជាការកត់សម្គាល់ កន្លងមក ប្រមុខរាជរដ្ឋាភិបាល សម្ដេចធិបតី ហ៊ុន ម៉ាណែត បានសម្រេចអនុញ្ញាតឱ្យក្រសួង-ស្ថាប័ន ក៏ដូចជាភាគីពាក់ព័ន្ធ រៀបចំទីតាំងធ្វើលិខិតឆ្លងដែននៅក្រៅប្រទេសតែម្ដង ដោយចាប់ផ្ដើមពីប្រទេសកូរ៉េមុនគេ ដើម្បីកុំឱ្យប្រជាពលរដ្ឋខ្មែរដែលកំពុងរស់នៅ និងធ្វើការនៅក្រៅប្រទេសមានការលំបាកធ្វើដំណើរមកកម្ពុជាក្នុងការធ្វើលិខិតឆ្លងដែន ដែលសេវានេះ បានបើកឱ្យដំណើរការ កាលពីថ្ងៃទី១ ខែមករា ឆ្នាំ២០២៤ ដែលមានរយៈពេល ៨ខែ។

ជាថ្មីម្តងទៀត តាងនាមប្រជាពលរដ្ឋខ្មែរទាំងអស់ដែលកំពុងរស់នៅ និងធ្វើការនៅកូរ៉េខាងត្បូង លោកស្រីឯកអគ្គរាជទូត ជ្រឹង បុទុមរង្សី បានគោរពថ្លែងអំណរគុណចំពោះសម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ដែលតែងតែយកចិត្តទុកដាក់ និងរៀបចំឱ្យមានសេវាស្នើសុំលិខិតឆ្លងដែនថ្មីជូនប្រជាពលរដ្ឋនៅកូរ៉េ អស់រយៈពេល៨ខែនេះ ដើម្បីសម្រួលដល់ការលំបាករបស់ប្រជាពលរដ្ឋ៕  អត្ថបទ៖ ធឿន វ៉ាន់សុង

The post អគ្គរាជទូត ប្រាប់ពលរដ្ឋខ្មែរនៅកូរ៉េ ប្រញាប់មកធ្វើលិខិតឆ្លងដែនថ្មី ខណៈជិតផុតថ្ងៃកំណត់ appeared first on Kampuchea Thmey Daily.

ការទទួលបាន​ពានរង្វាន់ជាឯកអគ្គរាជទូតឆ្នើមនេះគឺ​ជា​ឆ្នាំ​ទី ៣ ជាប់គ្នា។ ​លោកជំទាវ​បានបង្ហាញ​មោទនភាពដែលបានទទួលពានរង្វាន់​ជា​ឯកអគ្គរាជទូតឆ្នើមជាលើក​ទី​ ៣ ពីស្ថាប័​ន​របស់​កូរ៉េ។

លោកជំទាវបញ្ជាក់ថា «ពានរង្វាន់នេះ​គឺជាការលើកទឹកចិត្ត មិនត្រឹមតែសម្រាប់​នាងខ្ញុំផ្ទាល់​នោះទេ តែក៏សម្រាប់​មន្ត្រីនិងបុគ្គលិកស្ថានទូតទាំង​អស់ ក៏ដូចជាបងប្អូនប្រជាពលរដ្ឋខ្មែរដែលរស់នៅសាធារណរដ្ឋកូរ៉េ ចំពោះកិច្ចខិតខំប្រឹងប្រែង​ក្នុងការ​តស៊ូប្រកបដោយ​ភាពអត់ធ្មត់ខ្ពស់ ដើម្បី​បម្រើ​ដល់ផលប្រយោជន៍ជាតិ និងមាតុភូមិ សំដៅលើកកម្ពស់កិត្យានុភាពរបស់កម្ពុជានៅ​លើឆាកអន្តរជាតិ»។

លោកជំទាវ​បន្តថា ភាពជោគជ័យ និងសមិទ្ធផលដ៏ត្រចះត្រចង់ទាំងអស់នេះ​ ក៏មិនអាចសម្រេច​ទៅបាន​​ដោយ​គ្មាន​ការ​ចង្អុល​បង្ហាញ និងការលើកទឹកចិត្តពីប្រមុខរដ្ឋនិងថ្នាក់ដឹកនាំនៃបណ្តាក្រសួង ស្ថាប័ននានា ដែលចូលរួមសហការ និងគាំទ្រ​យ៉ាងពេញទំហឹងដល់កិច្ចការងាររបស់ស្ថានទូត។

លោកជំទាវ ជ្រឹង បុទុមរង្សី ត្រូវបានតែងតាំងមុខដំណែងជាឯកអគ្គរាជទូតកម្ពុជាប្រចាំនៅកូរ៉េខាងត្បូង កាលពីថ្ងៃទី០១ ខែមិថុនា ឆ្នាំ២០២១ ជំនួសលោក ឡុង​ ឌីម៉ង់ ដែលបានចប់អាណត្តិការងារ។ មុននឹងក្លាយជាឯកអគ្គរាជទូត លោកជំទាវ​ ធ្លាប់បម្រើការងារជាច្រើនឆ្នាំនៅក្នុងវិស័យឯកជន និងជា​មន្ត្រីក្នុងជួររាជរដ្ឋាភិបាលកម្ពុជា៕

ចុចទីនេះ៖ មកដឹងពីប្រវត្តិការសិក្សា និងបទពិសោធការងាររបស់លោកស្រី ជ្រឹង បុទុមរង្សី មុនក្លាយ​ជាទូតកម្ពុជាប្រចាំនៅកូរ៉េខាងត្បូង

អត្ថបទ៖សំអឿន

The post ទូតខ្មែរ​ទទួលពានរង្វាន់ ជាឯកអគ្គរាជទូតឆ្នើម ៣ ឆ្នាំ​ជាប់គ្នា​ពីស្ថាប័នកូរ៉េ appeared first on Kampuchea Thmey Daily.

ការលើកឡើងរបស់ឯកអគ្គរាជទូតកម្ពុជាប្រចាំនៅកូរ៉េខាងត្បូងបែបនេះ ក្រោយមានការរិះគន់អំពីបញ្ហាផ្ដល់សេវាឯកសារនានានៅស្ថានទូតកម្ពុជាប្រចាំនៅប្រទេសកូរ៉េ មានភាពយឺតយ៉ាវ និងខ្ជះខ្ជាយពេលវេលារបស់ពលករ។ តាមរយៈគណនីហ្វេសប៊ុកមួយ មានឈ្មោះ «Boomer Love» បានចូលមកសរសេរក្នុង Comment លើទំព័រហ្វេសប៊ុករបស់លោកស្រី ជ្រឹង បុទុមរង្សី ឯកអគ្គរាជទូតកម្ពុជាប្រចាំនៅកូរ៉េខាងត្បូង ដូច្នេះថា៖ «សំណូមពរលោកជំទាវ ជួយកែសម្រួលគ្រប់បញ្ហាសេវាកម្មឯកសារទូទៅ មិនចំពោះតែលិខិតឆ្លងដែននោះទេ។ ជាក់ស្តែង កន្លងមក ខ្ញុំ (Boomer Love) បានលឺប្រជាពលករជាច្រើន បានរិះគន់រអ៊ូរទាំអំពីបញ្ហារឯកសារនានា ដែលតម្រូវសុំសិទ្ធិឆ្លងកាត់ពីស្ថានទូត គឺមានការយឺតយ៉ាវ និងខ្ជះខ្ជាយពេលវេលារបស់ពួកគាត់ជាពន់ពេក»។

ឆ្លើយតបនឹងការលើកឡើងនេះ ត្រូវបានលោកស្រី ជ្រឹង បុទុមរង្សី ចោទជាសំណួរទៅកាន់ម្ចាស់គណីហ្វេសប៊ុក ឈ្មោះ «Boomer Love» ថា ពិតមែនឬ? តើអាចឧទាហរណ៍ជាក់ស្តែងបានទេ? ដោយលោកស្រី គូសបញ្ជាក់ថា ជាទូទៅ គឺរាល់លំហូឯកសារទាំងអស់ មានបោះត្រាចេញ-ចូលត្រឹមត្រូវ។ ដូច្នេះ បើមានភាពយឺតយ៉ាវ គឺលោកស្រី អាចមើលឃើញហើយ។ ប៉ុន្តែ លោកស្រីឯកអគ្គរាជទូត មិនបានបដិសេធចំពោះការិះគន់នេះឡើយ ដោយលោកស្រី ថែមទាំងបានលើកទឹកចិត្តឱ្យបុគ្គលនេះដាក់លិខិតមកលោកស្រី តាមរយៈប្រអប់បញ្ចេញមតិដែលមានដាក់នៅមុខកន្លែងផ្ដល់សេវា ហើយលោកស្រីធានារក្សាការសម្ងាត់ជូន។

តែយ៉ាងណាមិញ តាមរយៈសំណេរនៅទំព័រហ្វេសប៊ុក នាថ្ងៃទី៣០ ខែមករា ឆ្នាំ២០២៤នេះ លោកស្រី ឯកអគ្គរាជទូត បានបញ្ជាក់ថា ការរិះគន់ដើម្បីស្ថាបនា លោកស្រីរីករាយទទួល តែកុំយកព័ត៌មានក្លែងក្លាយមកបំពុលស្ថានភាព ជាពិសេសនៅពេលដែលស្ថានទូតកំពុងតែរៀបចំវិធានការ ដើម្បីសម្រួលដល់ពលកររាប់ពាន់នាក់។ លោកស្រី សង្កត់ធ្ងន់ដូច្នេះថា «សូមកុំយកផេកខ្ញុំជាកន្លែងត្រូល និងចែកចាយព័ត៌មានក្លែងក្លាយ»។

សូមជម្រាបថា អនុវត្តតាមអនុសាសន៍ណែនាំរបស់សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានសម្រេចអនុញ្ញាតឱ្យដាក់ដំណើរការសេវាផ្តល់លិខិតឆ្លងដែនធម្មតាជូនប្រជាពលរដ្ឋ និងពលករកម្ពុជា ដែលកំពុងស្នាក់នៅ និងធ្វើការនៅប្រទេសកូរ៉េខាងត្បូង ចាប់ពីថ្ងៃទី១០ ខែមករា ឆ្នាំ២០២៤ តទៅនៅទីតាំងស្ថានទូតកម្ពុជាតែម្ដង ដើម្បីជាការបង្កភាពងាយស្រួលដល់ប្រជាពលរដ្ឋ និងពលករនៅទីនោះ៕

The post ទូតខ្មែរនៅកូរ៉េ ប្រាប់បុគ្គលខ្លះកុំបំពុលព័ត៌មាននៅពេលអាជ្ញាធរកំពុងតែខិតខំសម្រួលការផ្ដល់សេវាដល់ពលករ appeared first on Kampuchea Thmey Daily.