Connect with us

ព័ត៌មានជាតិ

ទូតខ្មែរ​ទទួលពានរង្វាន់ ជាឯកអគ្គរាជទូតឆ្នើម ៣ ឆ្នាំ​ជាប់គ្នា​ពីស្ថាប័នកូរ៉េ

បានផុស

នៅ

លោកជំទាវ ជ្រឹង បុទុមរង្សី ឯកអគ្គរាជទូតកម្ពុជាប្រចាំនៅ​សាធារណរដ្ឋកូរ៉េ ទទួលបានពានរង្វាន់​ជាឯកអគ្គរាជទូតឆ្នើម​ប្រចាំឆ្នាំ២០២៤ (2024 Best Ambassador Award ) ពីស្ថាប័ន Korea Consumer Brand Awards 2024។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការទទួលបាន​ពានរង្វាន់ជាឯកអគ្គរាជទូតឆ្នើមនេះគឺ​ជា​ឆ្នាំ​ទី ៣ ជាប់គ្នា។ ​លោកជំទាវ​បានបង្ហាញ​មោទនភាពដែលបានទទួលពានរង្វាន់​ជា​ឯកអគ្គរាជទូតឆ្នើមជាលើក​ទី​ ៣ ពីស្ថាប័​ន​របស់​កូរ៉េ។

លោកជំទាវបញ្ជាក់ថា «ពានរង្វាន់នេះ​គឺជាការលើកទឹកចិត្ត មិនត្រឹមតែសម្រាប់​នាងខ្ញុំផ្ទាល់​នោះទេ តែក៏សម្រាប់​មន្ត្រីនិងបុគ្គលិកស្ថានទូតទាំង​អស់ ក៏ដូចជាបងប្អូនប្រជាពលរដ្ឋខ្មែរដែលរស់នៅសាធារណរដ្ឋកូរ៉េ ចំពោះកិច្ចខិតខំប្រឹងប្រែង​ក្នុងការ​តស៊ូប្រកបដោយ​ភាពអត់ធ្មត់ខ្ពស់ ដើម្បី​បម្រើ​ដល់ផលប្រយោជន៍ជាតិ និងមាតុភូមិ សំដៅលើកកម្ពស់កិត្យានុភាពរបស់កម្ពុជានៅ​លើឆាកអន្តរជាតិ»។

លោកជំទាវ​បន្តថា ភាពជោគជ័យ និងសមិទ្ធផលដ៏ត្រចះត្រចង់ទាំងអស់នេះ​ ក៏មិនអាចសម្រេច​ទៅបាន​​ដោយ​គ្មាន​ការ​ចង្អុល​បង្ហាញ និងការលើកទឹកចិត្តពីប្រមុខរដ្ឋនិងថ្នាក់ដឹកនាំនៃបណ្តាក្រសួង ស្ថាប័ននានា ដែលចូលរួមសហការ និងគាំទ្រ​យ៉ាងពេញទំហឹងដល់កិច្ចការងាររបស់ស្ថានទូត។

លោកជំទាវ ជ្រឹង បុទុមរង្សី ត្រូវបានតែងតាំងមុខដំណែងជាឯកអគ្គរាជទូតកម្ពុជាប្រចាំនៅកូរ៉េខាងត្បូង កាលពីថ្ងៃទី០១ ខែមិថុនា ឆ្នាំ២០២១ ជំនួសលោក ឡុង​ ឌីម៉ង់ ដែលបានចប់អាណត្តិការងារ។ មុននឹងក្លាយជាឯកអគ្គរាជទូត លោកជំទាវ​ ធ្លាប់បម្រើការងារជាច្រើនឆ្នាំនៅក្នុងវិស័យឯកជន និងជា​មន្ត្រីក្នុងជួររាជរដ្ឋាភិបាលកម្ពុជា៕

ចុចទីនេះ៖ មកដឹងពីប្រវត្តិការសិក្សា និងបទពិសោធការងាររបស់លោកស្រី ជ្រឹង បុទុមរង្សី មុនក្លាយ​ជាទូតកម្ពុជាប្រចាំនៅកូរ៉េខាងត្បូង

អត្ថបទ៖សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេដ្ឋកិច្ច២០ ម៉ោង មុន

កម្ពុជាគួរត្រៀមខ្លួនបែបណា ​មុនពេលប្ដូរឋានៈ ទៅជាប្រទេសមានចំណូល​មធ្យមក​ម្រិតខ្ពស់

សន្តិសុខសង្គម១៥ ម៉ោង មុន

ឃើញអាការៈកូនស្រីមិនស្រួលខ្លួនក៏នាំទៅពិនិត្យ ទើបបែករឿងមានគេចាប់រំលោភ

ព័ត៌មានជាតិ១៣ ម៉ោង មុន

លោក ស៊ុន ចាន់ថុល៖ «ទោះយើងកើតពុំទាន់ការកសាងអង្គរវត្ត ប៉ុន្តែយើងមានមោទនភាពដែលកើតទាន់ការជីកព្រែកហ្វូណនតេជោ»

ព័ត៌មានជាតិ១៣ ម៉ោង មុន

ជើងទី១ Air Asia Malaysia ដឹកភ្ញៀវ១៤០នាក់ ពីកូឡាឡាំពួរ មកចុះចតនៅព្រលានយន្តហោះអន្តរជាតិព្រះសីហនុ

ព័ត៌មានជាតិ២៣ ម៉ោង មុន

ព្រលានសៀមរាប ទទួលជើងហោះហើរមួយថ្ងៃ ១៤-១៩ ជេីង ខណៈជើងហោះហើរមក​ពីថៃច្រើនជាងគេ

Sokha Hotels

ព័ត៌មានពេញនិយម