លោកអភិបាលខេត្ត បានមានប្រសាសន៍ក្នុងពិធីនេះថា ដើម្បីឆ្លើយតបទៅនឹងប្រសាសន៍ដ៏ខ្ពង់ខ្ពស់របស់ ហ៊ុន ម៉ាណែត សម្តេចមហាបវរធិបតី នាយករដ្ឋមន្ត្រីនៃព្រះរាជាណាចក្រកម្ពុជា ដែលបានថ្លែងក្នុងពិធីអបអរសាទរខួបលើកទី១៩ ទិវាអតីតយុទ្ធជន និងនិវត្តជនកម្ពុជា កាលពីថ្ងៃទី១៥ ខែឧសភា ឆ្នាំ២០២៦ ដោយជំរុញឱ្យមានការដាំដើមឈើឡើងវិញតាមបន្ទាត់ព្រំដែន ដើម្បីរក្សាតុល្យភាពធម្មជាតិ និងធានានិរន្តរភាពបរិស្ថាន។

ការដាំដើមឈើនេះ ត្រូវបានចាប់ផ្តើមជំហានដំបូងពីចំណុចគល់ស្ពានជ័យជម្នះ ស្ថិតនៅក្នុង ឃុំថ្មដា ដែលជាតំបន់មានសារៈសំខាន់ជាប់ព្រំដែន និងមានសក្តានុពលក្នុងការអភិវឌ្ឍទេសចរណ៍ធម្មជាតិ និងបរិស្ថានបៃតង។

ថ្នាក់ដឹកនាំខេត្តបានលើកឡើងបន្ត ការដាំដើមឈើមិនត្រឹមតែជួយបង្កើនគម្របព្រៃឈើប៉ុណ្ណោះទេ ប៉ុន្តែថែមទាំងជួយកាត់បន្ថយការប្រែប្រួលអាកាសធាតុ ទប់ស្កាត់ការបាក់ដី និងបង្កើនគុណភាពខ្យល់បរិសុទ្ធដែលជាជម្រកសម្រាប់មនុស្សនិងសត្វផងដែរ។ ជាមួយគ្នានេះ អាជ្ញាធរខេត្តក៏បានអំពាវនាវដល់ប្រជាពលរដ្ឋគ្រប់មជ្ឈដ្ឋាន ចូលរួមថែរក្សា និងការពារធនធានធម្មជាតិឱ្យបានគង់វង្ស សម្រាប់ជាប្រយោជន៍ដល់មនុស្សជំនាន់ក្រោយ។

លោក ខូយ រីដា  បន្ថែមថា ការចុះអនុវត្តសកម្មភាពដោយផ្ទាល់នៅតំបន់ព្រំដែន ក៏បានបង្ហាញពីការយកចិត្តទុកដាក់របស់ថ្នាក់ដឹកនាំខេត្ត ចំពោះសុខទុក្ខ និងជីវភាពរស់នៅរបស់កងកម្លាំងនៅជួរមុខ។ វាបានបង្កើតទំនាក់ទំនងកាន់តែជិតស្និទ្ធ រវាងអាជ្ញាធរមូលដ្ឋាន និងកងទ័ព ដែលជាកម្លាំងស្នូលក្នុងការការពារសន្តិភាព និងស្ថិរភាពសង្គម។

ជារួម សកម្មភាពដាំកូនឈើ ៤.៥០០ដើមនេះ គឺជាគំរូដ៏ល្អមួយនៃការរួមបញ្ចូលគ្នារវាង “ការអភិរក្សបរិស្ថាន” និង “ការពង្រឹងសាមគ្គីភាពជាតិ”។ វាមិនត្រឹមតែបង្កើតតំបន់បៃតង និងបរិស្ថានល្អប្រសើរប៉ុណ្ណោះទេ ប៉ុន្តែថែមទាំងបង្ហាញពីស្មារតីស្រឡាញ់ជាតិ ហើយរដ្ឋបាលខេត្តនិងបន្តសកម្មភាពដាំកូនឈើនេះបន្តថែមទៀត។ នេះការទទួលខុសត្រូវ និងការរួបរួមគ្នារបស់គ្រប់ភាគី ក្នុងការកសាង និងការពារមាតុភូមិកម្ពុជា ឱ្យកាន់តែរីកចម្រើន៕

អត្ថបទ ៖ លាន គ្រន

The post កូនឈើជិត ៥ ពាន់ដើម ដាំនៅតំបន់ទិសថ្មដា ដើម្បីស្ដារគម្របព្រៃឈើបៃតង appeared first on Kampuchea Thmey Daily.

លោកបានលើកឡើងបែបនេះ ក្នុងឱកាសជួបសំណេះសំណាល ជាមួយលោកគ្រូ អ្នកគ្រូ ទូទាំងក្រុងពោធិ៍សាត់ និងបោះឆ្នោតជ្រើសរើសគណៈកម្មការគ្រប់គ្រងក្លឹបគ្រូបង្រៀនប្រចាំក្រុងពោធិ៍សាត់ កាលពីរសៀលថ្ងៃទី០១ ខែមីនា ឆ្នាំ២០២៦ នៅសាលប្រជុំធំអូរចំបក់។

ថ្លែងនាឱកាសនោះ លោកអភិបាលខេត្ត បានជម្រាបជូនថា ការបង្កើត “ក្លឹបគ្រូបង្រៀន” នេះឡើង គឺជាគំនិតផ្តួចផ្តើមដ៏ខ្ពង់ខ្ពស់ និងប្រកបដោយចក្ខុវិស័យវែងឆ្ងាយរបស់ ឯកឧត្តម កែវ រតនៈ រដ្ឋមន្ត្រីក្រក្រសួងរ៉ែ និងថាមពល និងជាប្រធានក្រុមការងាររាជរដ្ឋាភិបាល ចុះជួយមូលដ្ឋានខេត្តពោធិ៍សាត់។

ជាមួយគ្នានោះ លោក ខូយ រីដា ក៏បានផ្តាំផ្ញើ ដល់លោកគ្រូ អ្នកគ្រូ រក្សាសាមគ្គីភាពផ្ទៃក្នុង និងត្រូវធ្វើជាគំរូនៃសាមគ្គីភាព ទាំងក្នុងសាលា និងក្នុងក្លិប, រៀបចំសោភណ្ឌភាព និងបរិស្ថាន ទាំងក្នុងនិងក្រៅសាលាឱ្យបានស្អាតល្អ, បន្តការអភិវឌ្ឍសមត្ថភាព ស្របតាមយុគសម័យឌីជីថល ដើម្បីបណ្ដុះកូនចៅអ្នកពោធិ៍សាត់ឱ្យកាន់តែខ្លាំង, គណៈកម្មការថ្មី ត្រូវរៀបចំផែនការសកម្មភាពឱ្យច្បាស់លាស់ និងបម្រើសមាជិកដោយភាពស្មោះត្រង់។

កិច្ចសំណេះសំណាលនាឱកាសនោះ មិនត្រឹមតែជាការជួបជុំតាមផ្លូវការប៉ុណ្ណោះទេ ប៉ុន្តែគឺជាការបង្ហាញពីមនោសញ្ចេតនា ការយកចិត្តទុកដាក់ និងការផ្តល់តម្លៃខ្ពស់បំផុតចំពោះ “វិស្វករព្រលឹង” ដែលបាននិងកំពុងបណ្តុះបណ្តាលធនធានមនុស្ស សម្រាប់ខេត្តពោធិ៍សាត់ ក៏ដូចជាសម្រាប់ប្រទេសជាតិទាំងមូល៕

The post អភិបាលខេត្តពោធិ៍សាត់ ស្នើថ្នាក់ដឹកនាំ និងបុគ្គលិកអប់រំយកចិត្តទុកដាក់អនុវត្តតួនាទីខ្លួនប្រកបដោយព្រហ្មវិហារធម៌ appeared first on Kampuchea Thmey Daily.

លោក​ ខូយ រីដា បានបញ្ជាក់ថា ការ​រៀបចំ​តម្លើងបង្គោលភ្លើងប្រើពន្លឺព្រះអាទិត្យប្រភេទអំពូល Solar LED ដំណាក់កាលទី១ ពីចំណុចនិមិត្តសញ្ញារដ្ឋបាលខេត្ត រូបលោកឧកញ៉ាឃ្លាំងមឿងជិះសេះខាងកើតផ្តិលតាមផ្លូវជាតិលេខ៥ រហូតដល់ទីរួមស្រុកក្រគរបានដំឡើងរួចរាល់ ហើយសម្រាប់ដំណាក់កាលទី២ ពីក្រុងពោធិ៍សាត់ឆ្ពោះទៅកាន់ទីរួមស្រុកបាកាន និងដំណាក់កាលទី៣ ពីទីរួមស្រុកក្រគរទៅព្រំប្រទល់ខេត្តកំពង់ឆ្នាំង បានកំពុងដំណើរការបន្ត​ទៅ​តាមផែនការ។

នៅ​លើចម្ងាយ​ផ្លូវ​ ៩០ គីឡូម៉ែត្រ​ចាប់ពីព្រំប្រទល់ខេត្តកំពង់ឆ្នាំង​ដល់ព្រំប្រទល់ខេត្តបាត់ដំបង​ក្នុង​ភូមិសាស្រ្ត​ខេត្ត​ពោធិ៍សាត់ ត្រូវ​ដំឡើង​បង្គោល​ភ្លើង​ចំនួន​ ១ ៨០០ ដើម ស្មើ ៣ ៦០០ អំពូល ដោយ​រៀបចំគម្លាត​ ៥០ ម៉ែត្រ​មួយ​។

លោកអភិបាល​ខេត្ត​បានចាត់ទុក​កិច្ចការ​នេះ ពិតជាមានសារៈសំខាន់ណាស់សម្រាប់ការកាត់បន្ថយគ្រោះថ្នាក់ចរាចរណ៍ ដោយធានាបាននូវសន្តិសុខ សុវត្ថិភាព និងភាពងាយស្រួល ក្នុងការធ្វើដំណើរជូនបងប្អូនប្រជាពលរដ្ឋ នាពេលយប់។

ជាមួយ​គ្នានេះ លោក​ក៏​​ថ្លែង​អំណរគុណ​ចំពោះសប្បុរសជនដែលបានចូលរួមនិងបន្តគាំទ្រថវិកាជាបន្តបន្ទាប់ សម្រាប់កិច្ចការងារផ្សារ​តម្លើងបង្គោលភ្លើងបំភ្លឺផ្លូវ ជាពិសេសសូមថ្លែងអរគុណដល់ ឯកឧត្តមបណ្ឌិត ប្រាំង ជលសា ប្រតិភូរាជរដ្ឋាភិបាល ទទួលបន្ទុកជាអគ្គនាយកអគ្គិសនីកម្ពុជា ដែលបានឧបត្ថម្ភអំពូល Solar LED ទាំងស្រុងតាមការស្នើសុំរបស់រដ្ឋបាលខេត្ត៕

The post ខេត្ត​ពោធិ៍សាត់ ជំរុញ​បញ្ចប់​ការ​​ដំឡើង​​បង្គោល​ភ្លើង​បំភ្លឺ​តាម​ផ្លូវជាតិលេខ ៥ ពីព្រំប្រទល់​ខេត្តកំពង់ឆ្នាំងដល់ខេត្តបាត់ដំបង ​ឲ្យ​​​រួច​​មុន​ចូលឆ្នាំខ្មែរ​ appeared first on Kampuchea Thmey Daily.

លោក ខូយ រីដា អភិបាល​ខេត្ត​ពោធិ៍សាត់​ បាន​ឲ្យ​ដឹង​ថា​ ក្រៅ​ពីប្រភព​វារីអគ្គិសនី​ដែល​ផ្តល់​ថាមពល​សម្រាប់​បម្រើការប្រើប្រាស់​ដល់ប្រជាពលរដ្ឋ ខេត្ត​ពោធិ៍សាត់ក៏​មានស្ថានីយដើរ​ដោយ​ថាមពល​ពន្លឺព្រះអាទិត្យ​ជា​ថាមពលស្អាត ដែល​មាន​អានុភាព ៩០ មេហ្គាវ៉ាត់ និងកំពុងសាងសង់បន្ថែម ១ កន្លែង​ទៀត ដែលមានអានុភាព ១៥០ ​មេហ្គាវ៉ាត់។

ពាក់ព័ន្ធ​វិស័យ​ឧស្សាហកម្ម ​អភិបាល​ខេត្ត​ពោធិ៍សាត់​បាន​ឲ្យ​ដឹង​ថា ក្នុង​ខេត្ត​ពោធិ៍សាត់​មាន​រោងចក្រ​កាត់ដេរសម្លៀកបំពាក់​​សម្រាប់​បម្រើឱ្យ​ការ​នាំចេញ, ក្រុមហ៊ុន​រៀបចំ​គ្រឿងបង្គុំ និង​ដំឡើង​រថយន្ត​សម្រាប់​ផ្គត់ផ្គង់ទីផ្សារ​រថយន្តក្នុងស្រុក, កន្លែង​​ផលិតទឹកស្អាត និង​រោងចក្រ​សម្រាប់​ផលិត​ឧបករណ៍​ត្រង់ស្វ័រ និង បរិក្ខាអគ្គិសនីផងដែរ ព្រមទាំងមានរោងចក្រ​ធុនធំ សហគ្រាស​ជាច្រើន​កន្លែង​ទៀត ដែលបានបង្កើតការងារ​ជូនប្រជាពលរដ្ឋ​រាប់​ម៉ឺន​កន្លែង។

លើ​​វិស័យកសិកម្មធនធានទឹក ខេត្តមានទំនប់ស្ទាក់ទឹក ដែលមាន​ទំនប់ទី៣ និង​ទំនប់ទី៥ ដែលអាចស្តុកទឹកបានប្រមាណ ៥០ លានម៉ែត្រគូប និងមានទំនប់ទឹកដំណាក់ឈើក្រំ ទំនប់មេក្បាលហុងដំណាក់អំពិល និងទំនប់ ប្រឡាយមេក្បាលហុងចារឹក ដែលអាចធានាស្រោចស្រព និងផ្គត់ផ្គង់ការធ្វើផលិតកម្មកសិកម្មលើផ្ទៃដីប្រមាណ ៣០ ០០០ ហិកតា និងសម្រាប់ជីវិតមនុស្ស សត្វ។

លើស​ពីនេះ រដ្ឋបាលខេត្តក៏​កំពុងសហការជាមួយក្រសួងធនធានទឹក និងឧតុនិយម សិក្សា​ធ្វើ​ទំនប់ទឹក ១ កន្លែងទៀត ដែលអាចមានសមត្ថភាព ស្តុកទឹកបានប្រមាណ ៩០០ លានម៉ែត្រគូប និងប្រព័ន្ធធារាសាស្ត្រក្បាលហុង ស្ថិតនៅក្នុងឃុំវាល ស្រុកកណ្តៀង ព្រមទាំងទំនប់តាណៃ ស្ថិតក្នុងឃុំអូតាប៉ោង ស្រុកបាកាន ដើម្បីធានាការផ្គត់ផ្គង់ ទឹកជូនប្រជា​ពលរដ្ឋ​ឱ្យបាន​កាន់តែឆ្លើយតបនឹងតម្រូវការរបស់មូលដ្ឋាន។

ខេត្ត​ពោធិ៍សាត់​បាន​ក្លាយ​ជា​ដែក​ឆក់​ទាក់ទាញ​ភ្ញៀវ​ទេសចរ​ ជាមួយ​រមណីយដ្ឋាននិង​តំបន់​ទេសចរណ៍​ជាច្រើន​​កន្លែង​សម្រាប់បម្រើការសម្រាក​លំហែ​របស់ភ្ញៀវទេសចរជាតិ អន្តរជាតិ ជាពិសេស​នៅ​តំបន់ភ្នំ ១៥០០, តំបន់អូរសោមដែលមានអាកាសធាតុ​ត្រជាក់ និងមានទេសភាពស្រស់បំព្រង។

ទន្ទឹមនេះ រដ្ឋបាល​ខេត្ត​បាន​ធ្វើការ​រៀបចំ​ទីប្រជុំជន​ក្រុង​ ដោយ​បាន​កែ​លម្អ​ច្រាំងស្ទឹង​ពោធិ៍សាត់​ទាំង​សង​ខាង ​រៀបចំ​​ជា​សួនច្បារ​សាធារណៈជាបណ្ដើរៗ។ ជាមួយគ្នានេះ ដើម្បី​បង្កើន​ការចាប់​អារម្មណ៍​ពីភ្ញៀវ​ទេសចរ រដ្ឋបាលខេត្ត​បាន​តុបតែងភ្លើងលម្អ និងបំពាក់​បន្ថែម​បង្គោល​ភ្លើង​នៅ​តាម​ដងផ្លូវក្នុងក្រុង និង​នៅផ្លូវវាង​ក្រុង​ឱ្យកាន់តែមានសោភណភាព និង​​សុវត្ថិភាព​​ដល់​អ្នក​ដំណើរ​ក្នុង​ពេល​រាត្រី៕

The post ខេត្ត​ពោធិ៍សាត់ មាន​វារីអគ្គិសនី ៣ កន្លែង ១ កន្លែង​ដាក់​ឲ្យ​ប្រើប្រាស់ ២ កន្លែង​បន្ត​សាងសង់ appeared first on Kampuchea Thmey Daily.

លោក ខូយ រីដា អភិបាលខេត្តពោធិ៍សាត់ លើកឡើងថា ក្រោមម្លប់នៃសន្តិភាព និងតាមរយៈគោលនយោបាយពង្រីកប្រព័ន្ធធារាសាស្ត្រខ្វាត់ខ្វែង ខេត្តពោធិ៍សាត់ ស្ថិតនៅភាគខាងលិចនៃប្រទេស អាចផលិតស្រូវបានចំនួនជាង៧០ម៉ឺនតោនក្នុងមួយឆ្នាំ ហើយតំបន់ខ្លះកសិករ អាចធ្វើស្រែបានរយៈពេល៣ដងក្នុងមួយឆ្នាំ ខណៈកាលពីពេលគ្មានប្រឡាយកសិករធ្វើស្រែបានតែម្ដងប៉ុណ្ណោះ។ 

លោកអភិបាលខេត្ត លើកឡើងដូច្នេះ ក្នុងពេលផ្ដល់បទសម្ភាសដល់ក្រុមអ្នកសារព័ត៌មានកាលពីពេលថ្មីៗនេះ នៅលើប្រឡាយដំណាក់អម្ពិលផ្ទៃទំហំបាត១៤ម៉ែត្រ ជម្រៅ៣ម៉ែត្រ  និងមានចម្ងាយប្រវែង២១គីឡូម៉ែត្រ៕

The post ក្រោមម្លប់សន្តិភាព និងនយោបាយទឹករបស់រដ្ឋ ខេត្តពោធិ៍សាត់ អាចផលិតស្រូវបានជាង៧០ម៉ឺនតោនក្នុង១ឆ្នាំ appeared first on Kampuchea Thmey Daily.

ឆ្លើយតបនឹងសំណួររបស់ «កម្ពុជាថ្មី» លោក ខូយ រីដា លើកឡើងដូច្នេះ៖“ជាក់ស្ដែងគឺទៅតាមទំហំផ្ទៃទឹកនេះ យើងបានសួរទៅខាងក្រុមហើយមិញនេះ  គឺទឹកនៅខែប្រាំង គឺប្រឈម(ខ្វះទឹកសម្រាប់ផលិតអគ្គិសនី)៣ខែ ក្នុង៣ខែហ្នឹងគឺ ខែទី១ ទី២ ទី៣ យើងបើកបានតែ១០ថ្ងៃទេ ចឹង២០គឺ អត់ដំណើរការទេ។ ចឹងគឺទឹកនេះ អត់ទាន់បានផ្គត់ផ្គង់(ការផលិតអគ្គិសនី)ពី១ឆ្នាំទៅ១ឆ្នាំពេញទេ ចឹងមានបញ្ហារយៈពេល៣ខែហ្នឹងគឺ ១ខែបានតែ១០ថ្ងៃទេ”។

គួរឱ្យដឹងថា ស្ថានីយ៍វារីអគ្គិសនីស្ទឹងអាតៃ តម្លៃ ២៥៥ លានដុល្លារអាមេរិក វិនិយោគដោយក្រុមហ៊ុនចិន the China Datang Corporation  គឺស្ថិតនៅក្នុងភូមិសាស្ត្រស្រុកវាលវែង ខេត្តពោធិ៍សាត់ ភាគខាងលិចនៃប្រទេសកម្ពុជា ទំនប់វារីអគ្គិសនី ផ្តើមសាងសង់តាំងតែពីឆ្នាំ ២០០៨ ហើយបានបញ្ចប់ការសាងសង់នៅខែឧសភា ឆ្នាំ ២០១៣។ ទំនប់វារីអគ្គិសនីនេះ គឺជាការវិនិយោគក្នុងទម្រង់ BOT (សាងសង់ ដំណើរការ និងផ្ទេរមកវិញ) ក្នុងរយៈពេល៣០ឆ្នាំ។ តាមលោក ខូយ រីដា អាយុកាលនៃសំណង់ទំនប់វារីអគ្គីសនីនេះ គឺអាចប្រើប្រាស់បានក្នុងរយៈពេល១០០ឆ្នាំ។

ក្នុងពេលបច្ចុប្បន្ន លោកអភិបាលខេត្ត ឱ្យដឹងថាទំនប់វារីក្នុងខេត្តពោធិ៍សាត់ គឺមានចំនួន៣កន្លែងដូចជា ទំនប់វារីស្ទឹងអាតៃមានអានុភាព១២០មេហ្គាវ៉ាត់ ទំនប់វារីអគ្គិសនីស្ទឹងពោធិ៍សាត់១មានអានុភាព៨០មេហ្គាវ៉ាត់ ស្ថិតក្នុងដំណាក់កាលកំពុងសាងសង់ គ្រោងនឹងដំណើរការនៅឆ្នាំ២០២៦ និងទំនប់វារីស្ទឹងមេទឹកមានអានុភាព១៥០មេហ្គាវ៉ាត់ ស្ថិតក្នុងដំណាក់កាលសម្អាតបាតអាង។

លោក ខូយ រីដា បានឱ្យដឹងទៀតថា ថាមពលនៅក្នុងខេត្តពោធិ៍សាត់ បែងចែកជា២ប្រភេពគឺ វារីអគ្គិសនី និងថាមពលពន្លឺព្រះអាទិត្យ។

ខេត្តភាគលិចប្រទេសកម្ពុជាមួយនេះ មាន​ប្រភព​អគ្គិសនី​ពី​ពន្លឺ​ព្រះអាទិត្យ​ជាច្រើន​កន្លែង រួម​ទាំង​ប្រភព​ថាមពល​ផ្សេង​ទៀត។ ក្នុង​នោះ​ស្ថានីយ​​អគ្គិសនី​ដើរ​ដោយ​ថាមពល​ពន្លឺ​ព្រះអាទិត្យ​មាន​អនុភាព ៩០ មេហ្គាវ៉ាត់ (MW) ០១ កន្លែង, ស្ថានីយ​អគ្គិសនី​ដើរ​ដោយ​ថាមពល​ពន្លឺ​ព្រះអាទិត្យ​មាន​អនុភាព ១០ គីឡូវ៉ាត់​ម៉ោង (KWH) ០១ កន្លែង, ស្ថានីយ​អគ្គិសនី​ដើរ​ដោយ​ថាមពល​​ពន្លឺ​ព្រះអាទិត្យ​មាន​អនុភាព ០៧ គីឡូវ៉ាត់ម៉ោង (KWH) ០១​ កន្លែង និង​ស្ថានីយសាកអាគុយដើរដោយពន្លឺព្រះអាទិត្យ ថាមពលខ្យល់ និងប្រេងខ្មៅ មានអនុភាព ៥១៩ គីឡូវ៉ាត់ម៉ោង (KWH) ០១កន្លែង។

តាមរយៈទំនប់វារីអគ្គិសនី និងរោងចក្រផលិតអគ្គិសនីដើរដោយថាមពលព្រះអាទិត្យ បង្កើតបានអានុភាពអគ្គិសនីច្រើនសន្ធឹក លោក ខូយ រីដា អះអាងថា អគ្គិសនីដែលផលិតបានគឺសម្រាប់​បម្រើឱ្យការប្រើប្រាស់ទៅតាមខេត្តផ្សេងៗនៃប្រទេសកម្ពុជា។ លោក ខូយ រីដា លើកឡើងថា តាមរយៈការបង្កើតអគ្គិសនីសម្រាប់​ប្រើប្រាស់តាមខេត្តផ្សេងៗក្នុងប្រទេស ខេត្តពោធិ៍សាត់ ត្រូវបានរាជរដ្ឋាភិបាលប្រសិទ្ធនាមថាជា “ធុងអាគុយនៃព្រះរាជាណាចក្រកម្ពុជា” ៕

The post ទំនប់វារីអគ្គិសនីស្ទឹងអាតៃខេត្តពោធិ៍សាត់ជួបបញ្ហាខ្វះទឹករយៈពេល៣ខែនៅរដូវប្រាំង appeared first on Kampuchea Thmey Daily.

ខេត្តពោធិ៍សាត់ គឺជាខេត្តមួយក្នុងចំណោមរាជធានីខេត្តទាំង២៥ ដែល​មានសក្តានុពល​​សំខាន់ៗលើផ្នែក​កសិកម្ម រួមទាំំង​ឧស្សាហកម្ម។

ទាក់ទង​វិស័យ​ថាមពល លោក ខូយ រីដា បាន​បញ្ជាក់ថា ខេត្តភាគ​ពា័ព្យ​នេះ​មាន​ប្រភព​វារីអគ្គិសនីចំនួន ៣ កន្លែង មានអនុភាព ២៥៧ មេហ្កាវ៉ាត់ ក្នុងនោះមួយកន្លែងកំពុងដំណើរការប្រើប្រាស់ គឺវារីអគ្គិសនីស្ទឹងអាតៃ ដែលមានអានុភាពផលិត អគ្គិសនី​១២០​មេហ្កាវ៉ាត់ និងពីរកន្លែងកំពុងសាងសង់ គឺវារីអគ្គិសនី ស្ទឹងពោធិ៍សាត់១ មាន​អានុភាព​៨០ មេហ្កាវ៉ាត់ ស្ថិតនៅក្នុង ភូមិតាំងយ៉ ឃុំប្រម៉ោយ ស្រុកវាលវែង និង វារីអគ្គិសនីស្ទឹងមេទឹកមានអានុភាព ១៥០មេហ្កាវ៉ាត់ ស្ថិតនៅ ភូមិសង្គមថ្មី ឃុំថ្មដា ស្រុកវាលវែង។

ជាមួយគ្នានេះ ខេត្តពោធិ៍សាត់មានស្ថានីយ៍ថាមពលដើរដោយពន្លឺព្រះអាទិត្យជាថាមពលស្អាតនៅស្រុកក្រគរ ដែលមានអានុភាពផលិតអគ្គិសនីបាន ៩០ មេហ្កាវ៉ាត់ផងដែរ។

មានចម្ងាយ ១៨៦គីឡូម៉ែត្រ ពីរាជធានីភ្នំពេញ ខេត្តពោធិ៍សាត់​បែងចែក​រដ្ឋបាលដែនដីគ្រប់គ្រង មាន ១ រដ្ឋបាលក្រុង ៦ រដ្ឋបាលស្រុក ៧ សង្កាត់ ៤២ឃុំ និង៥២៦ភូមិ។ មានប្រជាជនសរុបចំនួន ៥៣២.៨៨៦នាក់ ស្រី២៧០.០៦០នាក់ ស្មើនឹង ១៣៥.៤១២គ្រួសារ។ មានផ្ទៃដីសរុបចំនួន ១២.៦៩២ គ.ម២ សណ្ឋានដី ត្រូវបានបែងចែកជា ៤ប្រភេទ មានដូចជា៖ តំបន់ភ្នំ, តំបន់ខ្ពង់រាប, តំបន់​ទំនាប​កណ្ដាល និងតំបន់បឹង ទន្លេសាប។

ភូមិសាស្រ្ត​ព្រំប្រទល់ខេត្ត ​ខាងកើតជាប់នឹងខេត្តកំពង់ឆ្នាំង ខាងលិចជាប់នឹងខេត្តបាត់ដំបង និងប្រទេសថៃ ខាងជើងជាប់នឹង​បឹងទន្លេសាប និងខាងត្បូងជាប់នឹងខេត្តកំពង់ស្ពឺ និងខេត្តកោះកុង។

សក្តានុពលសំខាន់ៗរបស់ ខេត្តពោធិ៍សាត់ រួមមានដូចជា៖

១- វិស័យធនធានទឹក : មានទំនប់ស្ទាក់ទឹក ដែលជាចំណងដៃដ៏ថ្លៃថ្លា របស់សម្តេចតេជោ ហ៊ុន សែន អតីតនាយករដ្ឋមន្ត្រី នៃព្រះរាជាណាចក្រកម្ពុជា នៃយើងជូន​បងប្អូនប្រជាពលរដ្ឋ​ខេត្ត​ពោធិ៍សាត់ គឺទំនប់ទី៣ ទំនប់ទី៥ ដែលអាចស្តុកទឹកបានប្រមាណ ៥០លានម៉ែត្រគូប និងទំនប់ទី១ ដំណាក់ឈើ​ក្រំ អាចស្តុកទឹកបានប្រមាណ ១០លានម៉ែត្រគូប ជាប្រភពទឹករស់សម្រាប់ ស្រោច​ស្រព លើវិស័យកសិកម្ម និងការប្រើប្រាស់ប្រចាំថ្ងៃ។

ក្រៅពីនេះមាន ទំនប់ និងប្រឡាយមេក្បាលហុងដំណាក់អំពិល និង​ទំនប់និងប្រឡាយមេក្បាលហុងចារឹក ដែលជាសមិទ្ធផលសំខាន់ សម្រាប់វិស័យកសិកម្ម។

វិស័យទេសចរណ៍ មានសក្ដានុពលទេសចរណ៍ធម្មជាតិជាច្រើនដូចជា រមណីយដ្ឋាន ធម្មជាតិ វប្បធម៌ប្រវត្តិសាស្ត្រ ប្រាសាទបុរាណ និងតំបន់ជាច្រើនទៀត ដែលអាចផ្តល់នូវ សក្តានុពល សម្រាប់​ឱ្យយើងកែច្នៃទៅជាកន្លែងទេសចរណ៍កំសាន្តបានជាច្រើនកន្លែង។

វិស័យឧស្សាហកម្ម ខេត្ត​មានរោងចក្រសហគ្រាសជាច្រើនកន្លែងដូចជា៖ រោងចក្រដំឡើងរថយន្តហ្វ័ត (Ford) រោងចក្រ កាត់ដេរសម្លៀកបំពាក់ រោងចក្រផលិតទឹកស្អាត ដែលអាចស្រូបយកកម្លាំង​ពលកម្ម​ប្រមាណ១០ ៧៨២ នាក់ ស្រី ៦ ៧៤៩ នាក់ បានជួយឱ្យប្រជាពលរដ្ឋយើងមានការងារធ្វើ ដើម្បីកាត់បន្ថយការធ្វើចំណាកស្រុក​ផងដែរ៕

The post ​​ខេត្ត​ពោធិ៍សាត់​​​​មាន​ប្រភព​វារីអគ្គិសនី ៣ កន្លែង មានអនុភាព ២៥៧ មេហ្កាវ៉ាត់ ក្នុងនោះមួយកន្លែងកំពុងដំណើរការប្រើប្រាស់ appeared first on Kampuchea Thmey Daily.

ជាក់ស្តែងកាលពីពេលថ្មីៗនេះ លោក​ ខូយ រីដា អភិបាល​នៃ​គណៈ អភិបាល​ខេត្ត​ពោធិ៍សាត់​បាន​បង្ហាញ​ពី​ចក្ខុវិស័យ​​ក្នុង​ការ​​ប្រែក្លាយ​​ឃុំ​ចំនួន ៣ ​ក្នុង​ស្រុក​វាលវែង ជាគោលដៅ​អភិវឌ្ឍ​ទីក្រុងដ៏ទំនើប​នាពេល​អនាគត។ ថ្លែងនៅក្នុង​សន្និសីទ​សារព័ត៌មាន​ស្តី​ពី​ «ភាព​ជោគជ័យ​រយៈ​ពេល​ ៥​ ឆ្នាំ​» របស់​រដ្ឋបាល​ខេត្ត​ពោធិ៍សាត់ លោក ខួយ រីដា បានលើកឡើងថា អាជ្ញាធរ​បាននិងកំពុង​រៀប​ចំ​ក្រុម​ការងារ គ្រប់​អង្គភាព​​ចម្រុះ​ពាក់​ព័ន្ធ​ចុះ​ទៅ​សិក្សា​លម្អិត​ និង​គូស​ប្លង់​​នៅ​​តាម​តំបន់​គោលដៅ​នីមួយ​ៗ។ ​រដ្ឋបាល​ខេត្ត​ពោធិ៍សាត់បាន​ដាក់អាទិភាព​ឃុំចំនួន ៣ ក្នុងចំណោម​ឃុំ​ចំនួន ៥ ក្នុង​ស្រុក​វាលវែង​សម្រាប់​អភិវឌ្ឍ​​ប្រែក្លាយទី​ក្រុង​ទេសចរណ៍ ទី​ក្រុង​សេដ្ឋកិច្ច​ និង​ទី​ក្រុង​រដ្ឋបាល។ ឃុំទាំងបីនោះ រួមមាន៖ ឃុំ​ថ្មដា៖ នឹង​រៀប​ចំ​ឱ្យ​ក្លាយ​ទៅ​ជា​តំបន់​អភិវឌ្ឍន៍​​សេដ្ឋកិច្ច​ពិសេស​ និង​ទំនាក់​ទំនង​អន្តរជាតិ​, ឃុំ​ប្រមោយ​៖ រៀបចំ​​ឱ្យ​ក្លាយ​ទៅ​ជា​តំបន់​​ទី​ប្រជុំ​ជន​រដ្ឋបាល និង ឃុំ​អូរសោម ៖ ប្រែ​ក្លាយ​ជា​ទីតាំង​ទេសចរណ៍​ធនធាន​ធម្មជាតិ។

បើតាម​លោក ខូយ រីដា ក្រោម​ការ​ខិតខំ​របស់​ខេត្ត​ នា​ពេល​អនាគតតំបន់​ទាំង ៣ នឹង​ប្រែក្លាយ​​ទៅ​ជា​ទី​ក្រុង​ដ៏​ស្អាត​​មួយ​​សម្រាប់​ខេត្ត​ពោធិ៍សាត់ ហើយ​ក៏​​ស្ថិត​នៅ​ក្នុង​ក្របខណ្ឌ​សមាហរណកម្ម​ខេត្ត​ពោធិ៍សាត់​ចូល​​ក្នុង​ប៉ូល​សេដ្ឋកិច្ច​ទី ១ តាម​ចក្ខុវិស័យ​របស់​រដ្ឋាភិបាល​។

លោក ចាន់ ដាវុធ សហស្ថាបនិករីសត Domeland ស្ថិតក្នុងភូមិសាស្រ្តស្រុកវាលវែង ខេត្តពោធិ៍សាត់ មើលឃើញថា នៅក្នុងតំបន់ទាំងបីខាងលើនេះ ពិតជាមានការអភិវឌ្ឍខ្លាំង ជាពិសេសការរីកលូតលាស់ផ្នែករីសត។ លោកកត់​សម្គាល់​ឃើញថា តំបន់អូសោម មានការរីកចម្រើនខ្លាំង មានភ្ញៀវទេសចរទៅកម្សាន្តច្រើន។

ជាមួយគ្នានេះ តំបន់ទេសចរណ៍ថ្មដាតូច ចន្លោះភ្នំ ១៥០០ (ភ្នំកម្ពស់១៥០០ម៉ែត្រ) នៅស្រុកវាលវែង កំពុងទាក់ទាញ​ភ្ញៀវទេសចរ ទូទាំងប្រទេស ដោយផ្លូវទៅកាន់តំបន់ទេសចរណ៍មួយនេះ ជាផ្លូវប្រវត្តិសាស្ត្រ និងជាផ្លូវសេដ្ឋកិច្ចមួយ ដ៏ពិសេសផងដែរ។

ដោយឡែក តំបន់ទេសចរណ៍ធម្មជាតិ ភ្នំ១៥០០ ដែលស្ថិតនៅក្នុងស្រុកវាលវែងនេះដែរ បាននិងកំពុងទាក់ទាញ​ភ្ញៀវទេសចរ​ជាបន្តបន្ទាប់ និងកាន់តែច្រើនឡើងៗពីមួយថ្ងៃទៅមួយថ្ងៃ ជាមួយនឹងទេសភាពធម្មជាតិដ៏ល្អឯក ជាពិសេស គឺបន្ទាប់ពីការសម្ពោធដាក់ឱ្យប្រើប្រាស់ជាផ្លូវការនូវផ្លូវជាតិលេខ៥៥ ដែលមានប្រវែងជាង ១៧០គីឡូម៉ែត្រ ដោយបំបែក​ពីផ្លូវជាតិលេខ៥ ទៅកាន់ច្រកព្រំដែនថ្មដា កម្ពុជា-ថៃ៕

The post វាលវែងប្រែពីតំបន់សង្គ្រាម ក្លាយជាតំបន់ទេសចរណ៍​សម្បូរដោយរីសត appeared first on Kampuchea Thmey Daily.