ក្រោយម្ចាស់ផេកនេះ បានបញ្ចេញវីដេអូឌឺដងផ្លែផ្លាក្រុមគ្រួសារខ្លួនជារឿយៗ និងធ្វើឱ្យប៉ះពាល់ដល់អារម្មណ៍ភរិយា ព្រមនឹងសម្តីអសីលធម៌ចំពោះកូនប្រុស លោក​ ងួន​ ចាន់ដាវិត​ បានប្រកាសថា លោកប្តេជ្ញានឹងយកឱ្យបាន​នូវ​យុត្តិធម៌​ជូនក្រុមគ្រួសារនិងកូនប្រុសជាកែវភ្នែក​។

ក្នុងសេចក្តីជូនដំណឹង បញ្ជាក់ថា ក្នុងរយៈពេលកន្លងមកនេះ លោកបាទសង្កេតឃើញថា គេហទំព័រហ្វេសប៊ុក (FACEBOOK PAGE) ដែលមានឈ្មោះជា ភាសាខ្មែរថា «អាក្លូ» តែងតែបង្ហោះឃ្លីបវីដេអូក្នុងគោលបំណងឌឺដងផ្លែផ្កាដល់រូបលោក ព្រមនិងក្រុមគ្រួសារជារឿយៗ។

ជាក់ស្តែង ថ្ងៃទី០៩ ខែកុម្ភៈ ឆ្នាំ២០២៥ គេហទំព័រហ្វេសប៊ុក (FACEBOOK PAGE) ខាងលើបានបង្ហោះឃ្លីបវីដេអូមួយទៀតដោយមានចំណងជើងថា «Diss រាក់កំភែល» ដោយក្នុងវីដេអូនោះទៀតសោត បានបង្ហាញពីចេតនាដោយផ្ទាល់ ទៅកាន់ក្រុមគ្រួសារលោក ជាពិសេសគឺកូនប្រុសរបស់លោកតែម្តង ដោយខ្លឹមសារក្នុងវីដេអូនោះបានប្រើពាក្យសម្តីអសីលធម៌ថា «មិនដូចអាអ្នកខ្លះ កូនកើតមកទាន់ម៉ែឪការ»។

លោកចាត់ទុកថា ខ្លឹមសារនៃវីដេអូនេះ បានបង្កឥទ្ធិពលអាក្រក់ដល់កេរ្តិ៍ឈ្មោះ កិត្តិយសរបស់លោកជាមួយក្រុមគ្រួសារដែលជាសិល្បករ និងសិល្បការិនីយ៉ាងខ្លាំង ជាពិសេសកូនប្រុសរបស់លោកផ្ទាល់តែម្តង។ ដោយហេតុនេះ លោកបានធ្វើការពិភាក្សាជាមួយមេធាវីផ្ទាល់ខ្លួនរបស់លោកជុំវិញបញ្ហាទាំងនេះ និងបានត្រៀមនូវរាល់ចំណាត់ការបន្តចំពោះករណីខាងលើនេះ ក្នុងដែនកំណត់នៃច្បាប់រួចរាល់ហើយផងដែរ។

ឆ្លៀតក្នុងឱកាសនេះ លោកក៏បង្ហាញការអរគុណដល់អ្នកគាំទ្រលោក ដែលសម្តែងនូវការខ្វល់ខ្វាយ និងឈឺឆ្អាលចំពោះករណីនេះ ហើយតែងតែបន្តការគាំទ្រ ផ្ដល់តម្លៃ ផ្ដល់ការគោរពស្រឡាញ់ទៅកាន់លោក និងក្រុមគ្រួសារ។ ដោយហេតុនេះ ដើម្បីសម្តែងនូវការដឹងគុណ លោកសន្យានឹងព្យាយាមបង្កើតសមិទ្ធផលថ្មីៗ នៅក្រោមស្មារតីជាសិល្បករមួយរូប ដើម្បីផ្ដល់ការកំសាន្តអារម្មណ៍ដល់អ្នកគាំទ្រ និងមហាជនទាំងអស់តាមរយៈតន្ត្រីរបស់ខ្ញុំបាទជាបន្តទៅទៀត។

គួរជម្រាបថា G-Devith និងអ្នកនាង ទេព បូព្រឹក្ស ជាគូស្នេហ៍តារាចម្រៀងរ៉េបល្បីឈ្មោះរបស់កម្ពុជា ដែលមានសមត្ថភាពទាំងការច្រៀង និងនិពន្ធ។ ក្នុងនោះ ស្នាដៃនិពន្ធដែលទទួលការចាប់អារម្មណ៍ខ្លាំងបំផុត គឺរ៉េបបែបសហសម័យ ហើយមានបញ្ចូលនូវរឿងរ៉ាវប្រវត្តិសាស្ត្រគួចងចាំនៃជាតិ ដូចជាបទ មហានគរ ទេវរាជ វីរនារី ចតុរង្គគុនខ្មែរ ជាដើម ដែលសុទ្ធសឹងនិពន្ធផ្ទាល់ដោយលោក ងួត ចាន់ដាវិត និងទទួលបានការគាំទ្រខ្លាំង។

កាលពី២០២៤ កន្លងទៅ តារារ៉េបគូស្នេហ៍មួយគូនេះ ក៏បានធ្វើព្រឹត្តិការណ៍បែបវប្បធម៎មួយ ក្នុងឱកាសពិធីសម្ពោធជាផ្លូវការវីដេអូបទចម្រៀង «ទេវរាជ» របស់អ្នកនាង ទេព បូព្រឹក្ស ដែលត្រូវបានរៀបចំធ្វើឡើងនៅសាលមហោស្រពកោះពេជ្រ ដោយមានលោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ រួមជាមួយសម្តេចព្រះរាជបុត្រី ព្រះអនុជ នរោត្តមអរុណរស្មី សមាជិកព្រឹទ្ធសភា និងជាឧត្តមប្រឹក្សាផ្ទាល់ព្រះមហាក្សត្រ បានយាង និងអញ្ជើញជាអធិបតី ក៏ដូចជាវត្តមាន ឯកឧត្តម លោកជំទាវ អ្នកឧកញ៉ា លោក លោកស្រី សិល្បករ សិល្បការិនី និងទស្សនិជនប្រហែល ៣០០០នាក់ ដោយចំណាយថវិកាផ្ទាល់ខ្លួនផងដែរ៕

The post G-Devith ប្តេជ្ញារកយុត្តិធម៌​ឱ្យគ្រួសារ ក្រោយម្ចាស់ផេក «អាក្លូ» ផ្លែផ្កាគ្រួសារខ្លួនជារឿយៗ ពិសេសទាញកូនប្រុសទៅពាក់ព័ន្ធ appeared first on Kampuchea Thmey Daily.

តាមរយៈចម្រៀងរ៉េប ដែលរំលេចនូវប្រវត្តិសាស្ត្រ និងអរិយធម៌ខ្មែរពេញដោយអត្ថន័យជាច្រើនបទ លោក ងួន ចាន់ដេវីត ទទួលបានការចាប់អារម្មណ៍កាន់តែខ្លាំងពីសំណាក់មហាជន និងស្ងើចសរសើរចំពោះសមត្ថភាពរបស់តារាចម្រៀងរូបនេះ ដែលមិនត្រឹមអាចនិពន្ធ និងច្រៀងប៉ុណ្ណោះទេ លោកនៅអាចចាប់យកពីគុណតម្លៃនៃវប្បធម៌ជាតិកាន់តែជ្រៅ យកមកបង្ហាញតាមបទចម្រៀងទៀតផង។

ស្របពេលដែលអាជីពសិល្ប: កាន់តែមានភាពរីកចម្រើននិងទទួលបានផ្លែផ្កាគួរជាទីមោទន: លោក ងួន ចាន់ដេវីត ស្រាប់តែទម្លាយអារម្មណ៍ខ្លួនថា អំឡុងឆ្នាំ២០២៤ លោកបានគ្រប់យ៉ាង ប៉ុន្តែបាត់របស់មួយគឺទំនុកចិត្ត។

G-Devith បានបញ្ជាក់ខ្លីថា “ឆ្នាំ២០២៤ បានគ្រប់យ៉ាង តែបាត់របស់មួយគឺទំនុកចិត្ត តែរឿងនេះ ខ្ញុំមិនមែនអ្នកខាតទេប្រហែលអាចជាគេអ្នកខាតច្រើនជាង ជូនពរសំណាងល្អ។ ទោះបីយ៉ាងណា លោកមិនបានបង្ហើបឱ្យដឹងទេថា លោកមានការខកបំណង ឬអន់ចិត្តនឹងរឿងអ្វីនោះឡើយ”។

សូមជម្រាបថា លោក ងួន ចាន់ដេវីដ និងភរិយា ត្រូវបានគេស្គាល់ថា ជាតារាចម្រៀងគូស្នេហ៍ ដែលនៅតែមានប្រជាប្រិយភាពក្នុងបេះដូងអ្នកគាំទ្រ បន្ទាប់ពីចាប់ដៃគ្នាដើរលើវិថីចម្រៀងរ៉េប លែងជ្រកក្រោមផលិតកម្ម្ម និងទោះបីជាក្លាយជាឪពុកម្តាយគេហើយក៏ដោយ ការងារសិល្បៈរបស់ប្តីប្រពន្ធមួយគូនេះ នៅតែមមារញឹកដដែល៕ អត្ថបទ៖ ចាន់រ៉ា

The post តារារ៉េប G-Devith ថា ឆ្នាំ២០២៤ បានគ្រប់យ៉ាង ប៉ុន្តែបាត់របស់មួយ គឺទំនុកចិត្ត appeared first on Kampuchea Thmey Daily.

ប្រាកដ​ណាស់​ស្រប​ពេល​អាជីព​សិល្បៈ​ បោះ​ជំហ៊ាន​ទៅ​មុខ​​ដោយ​ភាព​រលូន​គួរ​ជាទី​មោទនៈ​នេះ​ដែរ​តារា ចម្រៀង​ខ្ពស់​ស្រលះ​លោក ជី ដេវីត បាន​ទម្លាយ​ឲ្យ​ដឹងថា ការ​សម្រេច​ចិត្ត​របស់​លោក​កាល​ពី ១៣ឆ្នាំមុនជា​ការ​សម្រេច​ចិត្តដ៏​អស្ចារ្យ​បំផុត​ក្នុង​ជីវិត ដែល​​ថ្មីៗ​នេះ​លោក​ក៏​បាន​បង្ហាញ​ក្តីរំភើបក្រោយប្អូន​ស្រី​បង្កើត​ទទួល​បាន​ឱកាស​ទៅ​សិក្សា​បន្ត​ថ្នាក់​អនុបណ្ឌិត​នៅ​សហរដ្ឋអាមេរិក។

ជាថ្មីម្តងទៀត​ នា​ឱកាស​ជូន​ដំណើរ​ប្អូន​ស្រី​ឡើង​យន្ត​ហោះ​ទៅសិក្សានៅ​អាមេរិក G-Devith បានលើក​ឡើង​ថា
“ខ្ញុំរីករាយ​ចំពោះ​ដំណើរ​ផ្សងព្រេង​ជីវិត បងប្អូន​យើង​ទាំងពីរ​​ដូចរឿង​ប្រលោម​លោក​យ៉ាង​ហោចណាស់​អ្នកបានធ្វើ​ឲ្យខ្ញុំស្រក់ទឹកភ្នែកដោយ​មោទនភាព​អរគុណ​សម្រាប់​ពាក្យសន្យា ខ្ញុំសូមជូនពរ​ឲ្យដំណើរ​ផ្សងព្រេង​លើដែន​ដីថ្មី​របស់​អ្នកប្រកបដោយជោគជ័យ“។

តារា​ចម្រៀង​រ៉េប​លោក G-Devith បាន​បញ្ជាក់ទៀតថា ដុះខាត់​​ចំណេះ​វិជ្ជា​របស់​អ្នកហើយ​វិល​ត្រលប់​​មក​ជួយ​មាតុភូមិយើងវិញ។ គេចាំបានថា កន្លងមក​ G-devith លើកឡើថា “អបអរសាទរNgounChan Dariya ចាប់​ឱកាស​បន្ត​យក​បណ្ឌិត​ហើយ​ត្រឡប់​មក​បម្រើ​មាតុភូមិយើងវិញ”។

លោក​និយាយ​បន្ថែម​ថា​​ អ្នក​បាន​ធ្វើ​ឲ្យការម្រេច​ចិត្តរបស់ខ្ញុំកាលពី ១៣ឆ្នាំមុនជា​ការ​​សម្រេច​ចិត្ត​ដ៏​អស្ចារ្យ​បំផុត​ក្នុង​ជីវិត​ខ្ញុំនេះ​បង​ប្រុស​មាន​មោទកភាព​ណាស់​អរគុណ​ដែល​គោរព​ពាក្យ​សន្យា​ដោយ​ឆន្ទៈ​ដ៏ខ្ពង់ខ្ពស់បំផុត៕

អត្ថបទ៖ ចាន់រ៉ា

The post G-Devith ស្រក់ទឹកភ្នែកមោទនភាពចំពោះប្អូនស្រី ជោគជ័យចេញទៅបន្តការសិក្សាក្រៅប្រទេស appeared first on Kampuchea Thmey Daily.

យ៉ាងណា​មិញ​ ស្របពេលដែល​អាជីពសិល្បៈ​របស់​លោក​បានបោះជំហ៊ានទៅមុខ​ដោយភាពរលូនគួរ​ជាទីមោទនៈ​នេះដែរ តារាចម្រៀង​ខ្ពស់​ស្រលះ​លោក ជី ដេវីត បាន​ទម្លាយ​ឲ្យ​ដឹង​ថា ការសម្រេចចិត្តរបស់លោកកាលពី ១៣ឆ្នាំ​មុន ជាការសម្រេចចិត្ត​ដ៏​អស្ចារ្យបំផុតក្នុងជីវិត ខណៈ​ដែលថ្មីៗនេះលោក​ក៏បានបង្ហាញ​ក្តីរំភើប ក្រោយប្អូនស្រីបង្កើតទទួលបាន​ឱកាសទៅសិក្សា​បន្ត​ថ្នាក់​អនុបណ្ឌិត​នៅ​សហរដ្ឋអាមេរិក។

តារាចម្រៀងរ៉េប G-devith លើក​ឡើងថា “អបអរសាទរ Ngoun Chan Dariya ចាប់ឱកាស​បន្ត​យក​បណ្ឌិត​ហើយ​ត្រឡប់មកបម្រើមាតុភូមិយើងវិញ។ អ្នកបានធ្វើ​ឲ្យការម្រេចចិត្តរបស់ខ្ញុំកាលពី ១៣ឆ្នាំមុនជាការសម្រេចចិត្តដ៏អស្ចារ្យបំផុតក្នុងជីវិតខ្ញុំ នេះបង​ប្រុស​មានមោទកភាព​ណាស់​អរគុណដែល​គោរពពាក្យ​សន្យាដោយឆន្ទៈដ៏ខ្ពង់ខ្ពស់បំផុត”។

គួររម្លឹកដែរថា កាលពីអំឡុងពាក់​កណ្តាល​​ឆ្នាំ២០២៣ កន្លង​ទៅ​លោក ងួន ចាន់ដេវីដ ក្នុងនាម​ជាបង​ប្រុស​ក៏ធ្លាប់​បង្ហាញ​អារម្មណ៍​រំភើប​​អបអរ​ដល់​ប្អូន​ស្រីភ្ជាប់​នឹងភាពជោគជ័យរបស់ខ្លួនបានលើកឡើងថា ក្នុងថ្ងៃប្អូនស្រីរបស់​ខ្ញុំបានទទួលសញ្ញាបត្រ​បញ្ចប់ថ្នាក់បរិញ្ញាបត្រនៅ​មហាវិទ្យាល័យបុរាណវិទ្យាឯកទេសបុរាណវិទ្យា នៃ​សាកលវិទ្យាល័យភូមិន្ទវិចិត្រសិល្បៈ៕

អត្ថបទ៖ ចាន់រ៉ា

The post G-Devith ចាត់ទុកការសម្រេចចិត្ត កាលពី ១៣ ឆ្នាំមុន អស្ចារ្យបំផុតក្នុងជីវិត appeared first on Kampuchea Thmey Daily.

នៅ​លើ​បណ្តាញ​សង្គម​ផ្លូវ​ការ លោក​ ងួន ចាន់​ដេវីត បាន​ឲ្យ​ដឹង​ថា រូប​លោក និង​ភរិយា ពិត​ជា​មាន​កិត្តិយស​​បំផុត ដែល​អាច​ទទួល​បានការ​អនុញ្ញាត​ចូល​ជួប​សម្តែង​​ការ​គួរ​សម​ និង​សុំ​អនុសាសន៍​ដោយ​ផ្ទាល់​បន្ថែម​ពី​លោក​ស្រី​បណ្ឌិត​​សភាចារ្យ ភឿង សកុណា។

លោក G-Devith បាន​លើកឡើងថា «ថ្ងៃ​នេះ​ខ្ញុំ ​និង​បូព្រឹក្ស​មាន​កិត្តយស​បាន​ចូលជួប​សម្តែង​ការ​គួរសម​ និង​សុំ​អនុសាសន៍​បន្ថែម​ពី លោក​ជំទាវ​បណ្ឌិត​សភាចារ្យ ភឿង សកុណា រដ្ឋមន្ត្រី​ក្រសួង​វប្បធម៌ និង​វិចិត្រ​សិល្បៈ»។

បន្ថែម​ជា​មួយ​គ្នានេះ នៅ​ចំពោះ​មុខ​លោក​ស្រី​បណ្ឌិត​សភាចារ្យ តារា​ចម្រៀង​រ៉េប រូប​នេះ​ បាន​អះអាង​ថា «យើង​ខ្ញុំ​ជា​សិល្បករ សម័យ សហសម័យ ពិតជា​សូម​ថ្លែង​អំណរ​គុណ និង សូម​ប្រកាស​ខ្លួន​ចូល​ខ្លួន​ជួយ និង​សហការ​បន្ថែម​​ទៅ​លើ​ផ្នែក សិល្បៈ បុរាណ សម័យ សហសម័យ ដោយ​ក្តី​រីករាយ និង​កិត្តិយស​ជាទី​បំផុត»។

យ៉ាង​ណា​មិញ មហាជន និង​អ្នក​គាំ​ទ្រ បាន​ដឹង​ហើយ​ថា តារា​ចម្រៀង​រ៉េប​លោក G-Devith និង​អ្នក​នាង​ ទេព្យ បូព្រឹក្ស ដែលជា​សិល្ប​ករ​សម័យ និង​សហសម័យ​ ទាំង​ពីរ​រូប​នេះ ​កន្លង​មក​តែង​តែ​ស្វែង​រក​អ្វី​ដែល​ថ្មី​បម្រើ​ដល់​អារម្មណ៍​អ្នក​គាំ​ទ្រ មិន​ថា​បែប​បទ​ចម្រៀង​សម័យ និង​បែប​បុរាណ​ ឡើយ​។ ជាក់ស្តែង​ដូច​ជា​បទ​ «មហានគរ​» របស់​អ្នក​ទាំង​ពីរ​ ពិត​ជា​ទទួល​បាន​គាំ​ទ្រ និង​កោតសរសើរ​ពី​សំណាក់​មហាជន​ស្ទើរ​គ្រប់​វ័យ​ផង​ដែរ​៕

អត្ថបទ៖ ថារី

The post ជី ដេវីត សន្យាជួយលើកស្ទួយផ្នែកសិល្បៈ បុរាណ សម័យ សហសម័យ ដោយក្តីរីករាយបំផុត appeared first on Kampuchea Thmey Daily.

អ្នកចម្រៀង​ទាំងនោះ រង​ការ​ប្រមាថ​កិត្តិយស​យ៉ាង​ធ្ងន់ធ្ងរ​ពី​សំណាក់​ភ្ញៀវ ឬ បុគ្គល​ដែល​ស្រវឹង​ស្រា បង្ក​ទៅ​ជា​ហិង្សា និង​រឿង​ជេរប្រមាថ​មក​លើ​ពួកគេ។

កត់សម្គាល់​មកដល់ពេលនេះ មាន​តារា​ចម្រៀង​ប្រុស​-​ស្រី ៣ ដួង មក​ហើយ ធ្លាប់​រង​អំពើ​ប្រមាថ​ខាង លើ​នេះ។ តារា​ចម្រៀង ៣ រូប​នោះ រួមមាន ៖

១.តារា​ចម្រៀង​អ្នកនាង ទេព បូព្រឹក្ស ត្រូវ​បាន​បុរស​ម្នាក់​ជះ​ស្រាបៀ​ទៅ​លើ​នាង ខណៈ​កំពុង​ចម្រៀង​លើ​ឆាក ចំណុច​ភោជនីយដ្ឋាន​មួយ យីហោ«សមុទ្រ​» ស្ថិត​នៅ​ជិត​មន្ទីរពេទ្យ​កុមារ​ជាតិ សង្កាត់​ទឹក​ល្អក់​ទី ១ ខណ្ឌ​ទួលគោក រាជធានី​ភ្នំពេញ បង្ក​ឲ្យ​មាន​ការ​ភ្ញាក់ផ្អើល​អស់​មហាជន​ស្ទើរ​ពេញ​ផ្ទៃ​ប្រទេស។

២.លោក ងួន ចាន់ដេវីត ហៅ ជី ដេវីត ក៏​ត្រូវ​បាន​បុរស​ស្រវឹង​ស្រា​ម្នាក់ គប់​ទឹកកក​ទៅ​លោក​ពេល​កំពុង​ច្រៀង​លើ​ឆាក​ក្នុង​ផាប់​មួយ​កន្លែង នៅ​ទឹកដី​ខេត្ត​ព្រះសីហនុ កាលពី​យប់​ថ្ងៃ​ទី ២៩ ឈាន​ចូល​ថ្ងៃ​ទី ៣០ ខែ​កក្កដា ឆ្នាំ ២០២៣ កន្លងទៅ បង្ក​ការ​ភ្ញាក់ផ្អើល។

៣.តារា​ចម្រៀង ស៊ឹម ថៃណា បាន​រង​ការ​ជេរប្រមាថ​ធ្ងន់ៗ ពី​សំណាក់​បុគ្គល​ម្នាក់​ដែល​ស្រវឹង​ស្រា ស្ថិត​ក្នុង​ហាង​រាត្រី​មួយ​កន្លែង កាលពី​យប់​ថ្ងៃ​ទី ០៦ ខែ​សីហា ឆ្នាំ ២០២៣ ថ្មីៗ​នេះ​ផង​ដែរ។ បន្ទាប់ពី​រង​ការ​ប្រមាថ មក​ដល់​ពេលនេះ​នាង​នៅ​មិនទាន់​ទទួល​បាន​ការ​សុំទោស​ពី​បុគ្គល​នោះ​នៅឡើយ​ទេ។

ជុំវិញ​ករណី​តារា​ចម្រៀង ស៊ឹម ថៃណា រង​ការ​ជេរប្រមាថ​ធ្ងន់ៗ ពី​សំណាក់​បុគ្គល​ម្នាក់ ត្រូវ​ប្រធាន​សមាគម​សិល្បករ​ខ្មែរ អ្នកនាង ចន ច័ន្ទលក្ខិណា ចេញ​មក​អះអាង​ដោយ​បញ្ជាក់​ថា បើ​បុគ្គល​នោះ​មិន​មក​សុំទោស ថៃណា ទេ​នោះ អ្នកនាង នឹង​ស្នើ​ទៅ​ក្រសួង​កិច្ចការ​នារី ដើម្បី​សុំ​ជំនួយ​ផ្នែក​ច្បាប់៕

អត្ថបទ ៖ ចាន់រ៉ា

The post តារាចម្រៀង ៣ ដួង រងការប្រមាថមាក់ងាយកិត្តិយសពីសំណាក់បុគ្គលផឹកស៊ីស្រវឹង ក្នុងហាងរាត្រី appeared first on Kampuchea Thmey Daily.