ជីវិតកម្សាន្ដ

G-Devith ចាត់ទុកការសម្រេចចិត្ត កាលពី ១៣ ឆ្នាំមុន អស្ចារ្យបំផុតក្នុងជីវិត

បានផុស

២ years មុន

នៅ

ថ្ងៃសុក្រ ១២ កក្កដា ២០២៤

ដោយ

មកដល់ពេលនេះគេសង្កេតឃើញថា តារាចម្រៀងរ៉េបលោក ងួន ចាន់ដេវីត ឬមហាជនហៅថា G-Devith ទីផ្សារសិល្បៈរបស់លោកបច្ចុប្បន្នកាន់តែមានសន្ទុះគាំទ្រច្រើន មិនចាញ់តារារួមជំនាន់ឡើយ។ មិនតែប៉ុណ្ណោះ លោកតែងបានបញ្ចេញស្នាដៃបទចម្រៀងថ្មីៗ ជាបន្តបន្ទាប់ ដើម្បីប្រជែងទីផ្សារសិល្ប:។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យ៉ាងណាមិញ ស្របពេលដែលអាជីពសិល្បៈរបស់លោកបានបោះជំហ៊ានទៅមុខដោយភាពរលូនគួរជាទីមោទនៈនេះដែរ តារាចម្រៀងខ្ពស់ស្រលះលោក ជី ដេវីត បានទម្លាយឲ្យដឹងថា ការសម្រេចចិត្តរបស់លោកកាលពី ១៣ឆ្នាំមុន ជាការសម្រេចចិត្តដ៏អស្ចារ្យបំផុតក្នុងជីវិត ខណៈដែលថ្មីៗនេះលោកក៏បានបង្ហាញក្តីរំភើប ក្រោយប្អូនស្រីបង្កើតទទួលបានឱកាសទៅសិក្សាបន្តថ្នាក់អនុបណ្ឌិតនៅសហរដ្ឋអាមេរិក។

តារាចម្រៀងរ៉េប G-devith លើកឡើងថា “អបអរសាទរ Ngoun Chan Dariya ចាប់ឱកាសបន្តយកបណ្ឌិតហើយត្រឡប់មកបម្រើមាតុភូមិយើងវិញ។ អ្នកបានធ្វើឲ្យការម្រេចចិត្តរបស់ខ្ញុំកាលពី ១៣ឆ្នាំមុនជាការសម្រេចចិត្តដ៏អស្ចារ្យបំផុតក្នុងជីវិតខ្ញុំ នេះបងប្រុសមានមោទកភាពណាស់អរគុណដែលគោរពពាក្យសន្យាដោយឆន្ទៈដ៏ខ្ពង់ខ្ពស់បំផុត”។

គួររម្លឹកដែរថា កាលពីអំឡុងពាក់កណ្តាលឆ្នាំ២០២៣ កន្លងទៅលោក ងួន ចាន់ដេវីដ ក្នុងនាមជាបងប្រុសក៏ធ្លាប់បង្ហាញអារម្មណ៍រំភើបអបអរដល់ប្អូនស្រីភ្ជាប់នឹងភាពជោគជ័យរបស់ខ្លួនបានលើកឡើងថា ក្នុងថ្ងៃប្អូនស្រីរបស់ខ្ញុំបានទទួលសញ្ញាបត្របញ្ចប់ថ្នាក់បរិញ្ញាបត្រនៅមហាវិទ្យាល័យបុរាណវិទ្យាឯកទេសបុរាណវិទ្យា នៃសាកលវិទ្យាល័យភូមិន្ទវិចិត្រសិល្បៈ៕

អត្ថបទ៖ ចាន់រ៉ា