ជីវិតកម្សាន្ដ
ជី ដេវីត សន្យាជួយលើកស្ទួយផ្នែកសិល្បៈ បុរាណ សម័យ សហសម័យ ដោយក្តីរីករាយបំផុត
តារាចម្រៀងរ៉េបលោក ងួន ចាន់ដេវីត ហៅ G-Devith និងភរិយា អ្នកនាង ទេព្យ បូព្រឹក្ស បានប្រកាសថា ក្នុងនាមខ្លួនជាសិល្បករសម័យ និងសហសម័យ សូមប្រកាសចូលខ្លួនជួយ និងសហការបន្ថែមទៀតទៅលើផ្នែកសិល្បៈបុរាណ សម័យ សហសម័យ ដោយក្តីរីករាយបំផុត ដើម្បីរួមចំណែកជួយឲ្យកាន់តែរីកសុសសាយបន្តទៀត។ ការឲ្យដឹងបែបនេះ ស្របពេលដែល លោក ងួន ចាន់ដេវីត និងភរិយា បានចូលជួបសម្តែងការគូរសម និងសុំអនុសាសន៍បន្ថែមពី លោកស្រីបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ កាលពីថ្ងៃទី ០៥ ខែឆ្នូ ឆ្នាំ ២០២៣ នេះ។
នៅលើបណ្តាញសង្គមផ្លូវការ លោក ងួន ចាន់ដេវីត បានឲ្យដឹងថា រូបលោក និងភរិយា ពិតជាមានកិត្តិយសបំផុត ដែលអាចទទួលបានការអនុញ្ញាតចូលជួបសម្តែងការគួរសម និងសុំអនុសាសន៍ដោយផ្ទាល់បន្ថែមពីលោកស្រីបណ្ឌិតសភាចារ្យ ភឿង សកុណា។
លោក G-Devith បានលើកឡើងថា «ថ្ងៃនេះខ្ញុំ និងបូព្រឹក្សមានកិត្តយសបានចូលជួបសម្តែងការគួរសម និងសុំអនុសាសន៍បន្ថែមពី លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ»។
បន្ថែមជាមួយគ្នានេះ នៅចំពោះមុខលោកស្រីបណ្ឌិតសភាចារ្យ តារាចម្រៀងរ៉េប រូបនេះ បានអះអាងថា «យើងខ្ញុំជាសិល្បករ សម័យ សហសម័យ ពិតជាសូមថ្លែងអំណរគុណ និង សូមប្រកាសខ្លួនចូលខ្លួនជួយ និងសហការបន្ថែមទៅលើផ្នែក សិល្បៈ បុរាណ សម័យ សហសម័យ ដោយក្តីរីករាយ និងកិត្តិយសជាទីបំផុត»។
យ៉ាងណាមិញ មហាជន និងអ្នកគាំទ្រ បានដឹងហើយថា តារាចម្រៀងរ៉េបលោក G-Devith និងអ្នកនាង ទេព្យ បូព្រឹក្ស ដែលជាសិល្បករសម័យ និងសហសម័យ ទាំងពីររូបនេះ កន្លងមកតែងតែស្វែងរកអ្វីដែលថ្មីបម្រើដល់អារម្មណ៍អ្នកគាំទ្រ មិនថាបែបបទចម្រៀងសម័យ និងបែបបុរាណ ឡើយ។ ជាក់ស្តែងដូចជាបទ «មហានគរ» របស់អ្នកទាំងពីរ ពិតជាទទួលបានគាំទ្រ និងកោតសរសើរពីសំណាក់មហាជនស្ទើរគ្រប់វ័យផងដែរ៕
អត្ថបទ៖ ថារី
-
ព័ត៌មានអន្ដរជាតិ១៣ ម៉ោង agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
សេដ្ឋកិច្ច២ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
ព័ត៌មានជាតិ១ សប្តាហ៍ agoរដ្ឋបាលខណ្ឌកំបូល សហការជាមួយក្រុមហ៊ុនមីនេបៀ ប្រើប្រាស់កម្លាំងជាង ៨០០នាក់ សម្អាតអនាម័យនៅតាមដងផ្លូវ
-
កីឡា៤ ថ្ងៃ agoមូលហេតុកីឡាករអាមេរិ Penrose ធ្វើមិនបានល្អជាមួយក្រុមស្នងការខេត្តស្វាយរៀង
-
ព័ត៌មានអន្ដរជាតិ៦ ថ្ងៃ agoអ៊ីរ៉ង់ បើកច្រកចូលរូងភ្នំ ផ្ទុកមីស៊ីលសម្ងាត់របស់ខ្លួនឡើងវិញ ទោះរងការវាយប្រហារយ៉ាងដំណំ
-
សេចក្ដីជូនដំណឹង២ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ១ សប្តាហ៍ agoរដ្ឋមន្ត្រីការពារជាតិជប៉ុន បដិសេធការចោទប្រកាន់របស់ចិន អំពីការវិលទៅរកយោធានិយម
-
សេដ្ឋកិច្ច៥ ថ្ងៃ agoតម្លៃប្រេងលក់រាយធ្លាក់ចុះក្រោម ៥០០០ រៀល មួយលីត្រ