លោក ដួង សុខគា Archives - Kampuchea Thmey Daily

លោក ដួង សុខគា ឆ្ងល់នឹងមនុស្សឥឡូវ! មិនថាខ្មែរឬបរទេស ខ្លះមាត់ផុយណាស់ ចូលចិត្តដៀលថាអ្នកដទៃដូចគុំគ្នាពីណា

Chan Sotheavy — Thu, 06 Feb 2025 09:01:29 +0000

លោក ដួង សុខគា បានបង្ហាញការហួសចិត្តទៅលើអត្តចរិតរបស់បុគ្គលមួយចំនួន មិនថាខ្មែរមិនថាបរទេស ងាយខ្ជាក់សម្តីណាស់ មិនចេះក្រែងរអែងចិត្តអ្នកណាសោះឡើយ។

តារាប្រុសលោក ដួង សុខគា បានរៀបរាប់ថា “មានឆ្ងល់ដូចពូមោកទេបងប្អូន? មនុស្សឥឡូវនេះ មិនថាខ្មែរយើងខ្លះមិនថាបរទេសខ្លះមាត់អ្វីក៏ផុយម៉្លេះ? ត្រូវជេរក៏ជេរ ត្រូវថាក៏មកទាំងកាក ដូចសត្រូវនឹងគ្នាពីពេលណា? រឿងអ្វីមួយ បើហ៊ានមើល comment គឺឈឺចាប់ឈឺចិត្តឈឺក្បាលតែម្តង! ដូចជាលែងចេះកោតក្រែងរអែងចិត្តគ្នាហើយ?”។

លោក ដួង សុខគា បន្តថា ឱសីលធម៌! ឱការស្រលាញ់!? រឿងអ្វីក៏មិនចេះត្រូវចិត្តដែរដូចចែកបក្សចែកក្រុមគ្នា ដុតកម្តៅឱ្យខឹងគុំកួនយ៉ាងម៉េច? ឬជាសញ្ញានៃការបែកពិភពលោកឆាប់ៗ? ទេបើថាធ្លាប់ឈ្លោះទាស់ ឬធ្លាប់ជេរទៅជេរមក អាហ្នឹងមិនដឹងថាម្តេចទេ ? មនុស្សឈ្លោះគ្នាយើងពិបាកហាមតែអ្នកខ្លះឱ្យតែទាស់ ចិត្តដូចគុំពីពេលណា? ជេរមិនរើសមុខ ដៀលមិនរើសរឿង?? កប់ៗ មាត់?។

តារាប្រុសលោក ដួង សុខគា និយាយទៀតថា បើថាទាស់ចិត្តក៏និយាយឱ្យស្រួលទៅវាថី? មើលទៅបែបឃើញគ្នាលែងបានហើយ? លេងមិនដឹងលេងមែនមិនដឹងមែន!? អ៊ីចឹងទេតើ ទើបជួបមុខគ្នាមិនសូវបានយូរ ដេញចាក់ ដេញកាប់គ្នាមិនញញើតសោះ? បុរាណលោកដៀលសត្វម៉្យាង ព្រោះបើវាឃើញគ្នាគឺវាខាំបំបាក់ មិនដឹងគួរ មិនដឹងសម មិនដឹងខុស មិនដឹងត្រូវពូជឯងសោះ។

បន្ថែមពីនេះលោក ដួង សុខគា លើកឡើងថា បើនិយាយពីរឿងចំអេសចំអាសវិញ ដូចជាលែងចេះខ្មាសអៀ នអស់ហើយចំៗ។ ពូមោក សុំទោសចុះណាបងប្អូន! ក្រែងពូមោកគិតខុសទៀត តែទង្វើណាដែលនាំឱ្យឈ្លោះនាំឱ្យបែកបាក់ល្មមគិតឡើងវិញហើយ ហើយជួយទប់គ្នាផងរឿងខ្លះនិយាយស្រួលៗ គ្នាអាចស្តាប់យល់ ហើយព្រមកែដោយមិនមានកំហឹង៕ អត្ថបទ៖ ចាន់រ៉ា

The post លោក ដួង សុខគា ឆ្ងល់នឹងមនុស្សឥឡូវ! មិនថាខ្មែរឬបរទេស ខ្លះមាត់ផុយណាស់ ចូលចិត្តដៀលថាអ្នកដទៃដូចគុំគ្នាពីណា appeared first on Kampuchea Thmey Daily.

លោក ដួង សុខគា ស្នើបែងចែកឱ្យដាច់រវាងពាក្យ «បងប្អូន» និងពាក្យ «បងអូន» បែបទំយើតាមបរទេស

Chan Sotheavy — Mon, 03 Feb 2025 09:33:43 +0000

តារាប្រុសពហុជំនាញលោក ដួង សុខគា បានបង្ហាញការខកចិត្តក្រោយឃើញយុវជន និងបងប្អូនខ្មែរមួយចំនួនដែលប្រើប្រាស់នូវភាសានិយាយរបស់ជាតិខ្លួនមិនចំតួអក្សរ ឬត្រឹមត្រូវតាមក្បួនខ្នាតដោយទំយើតាមបរទេស ដូចជាពាក្យ «បងប្អូន» បែរទៅជា «បងអូន» ទៅវិញ។

ដោយសង្កេតឃើញការនិយាយ ឬសរសេរមិនត្រឹមត្រូវតាមពាក្យអក្សរដែលខ្មែរយើងតែហៅគ្នាថា «បងប្អូន» នៅតាមបណ្តាញសង្គម ពិសេសអ្នកលក់អនឡាញជាដើម លោក ដួង សុខគា បានលើកឡើងថា យើងជាម្ចាស់ភាសាគឺមិនគួរណាបែរជាប្រើប្រាស់ខុសពាក្យនោះទេ «បងប្អូន» ។

លោក ដួង សុខគា បានបញ្ជាក់ថាពាក្យថា «បងប្អូន» បើបរទេសរៀនខ្មែរគេនិយាយមិនច្បាស់គេថា (បងអូន) ក៏តាមហ្នឹងទៅ…ចុះយើងម្ចាស់ភាសាម្តេចក៏ទៅនិយាយបែបទំយើធ្វើអ្វីនឹងគេដែរ។ ក្នុងនោះ ក៏មានការបញ្ចេញមតិថា ឃើញយូរហើយតែមិននិយាយ ១០/១០នាក់ អ្នកលក់អនឡាញនិយាយបងអូននឹងទើសចិត្តតែមិនប្រាប់។

អ្នកលេងបណ្តាញសង្គមបាននិយាយទៀតថា “ខ្ញុំឃើញសរសេរ និងឭនិយាយពាក្យហ្នឹងច្រើនណាស់ សម្រាប់ប្តីប្រពន្ធ ឬសង្សារ គេហៅបងអូនត្រូវតែសម្រាប់បងឬប្អូនហៅអ៊ីចឹងខុស។ ជាមួយគ្នានេះ ក៏មានការសួរថា ចុះប្តីប្រពន្ធនិយាយពាក្យបងអូនដាក់គ្នាត្រូវអត់?

ឆ្លើយតបនឹងសំនួរនេះ តារាពហុជំនាញលោក ដួង សុខគា បានពន្យល់ថាប្រពន្ធហៅប្តីបង ប្តីហៅប្រពន្ធអូន តែក៏មិននិយាយជាប់គ្នាថា បងអូនៗដែរ! បង! អូនទៅផ្សារហើយ! អូន! បងទៅធ្វើការហើយ!។ នេះជាការលើកឧទាហរណ៍បញ្ជាក់របស់លោក ដួង សុខគា ៕ អត្ថបទ៖ ចាន់រ៉ា

The post លោក ដួង សុខគា ស្នើបែងចែកឱ្យដាច់រវាងពាក្យ «បងប្អូន» និងពាក្យ «បងអូន» បែបទំយើតាមបរទេស appeared first on Kampuchea Thmey Daily.

លោក ដួង សុខគា ដាស់តឿន ៤ ចំណុច ដល់អ្នកបើកបរតាមដងផ្លូវ ចៀសវាងគ្រោះថ្នាក់ចរាចរណ៍

អ៊ិន ពិសី — Fri, 08 Nov 2024 06:39:54 +0000

តារាប្រុសពហុជំនាញ លោក ដួង សុខគា បានលើកឡើងជាសារដាស់តឿន និងអប់រំផ្តល់នូវយោបល់ចំនួន ៤ ចំណុច សម្រាប់ការពិចារណា ឬ ជាការប្រុងប្រយ័ត្នចំពោះអ្នកបើកបរម៉ូតូនៅលើដងផ្លូវ ដើម្បីចៀសផុតអំពីបញ្ហាគ្រោះថ្នាក់ចរាចរណ៍ដែលអាចកើតឡើងគ្រប់ពេលវេលា។

ការបញ្ចេញមតិរបស់តារាប្រុស លោក ដួង សុខគា ដោយសារកត់សម្គាល់ឃើញថា រាល់ថ្ងៃបញ្ហាគ្រោះថ្នាក់ចរាចរណ៍នៅបន្តកើតមានជាបន្តបន្ទាប់ ខណៈការបើកបរមួយចំនួនហាក់នៅមានការធ្វេសប្រហែស និងមិនចូលរួមគោរពច្បាប់ចរាចរណ៍ទាំងអ្នកធ្វើដំណើរតាមម៉ូតូ និងរថយន្តជាដើម។

លោក ដួង សុខគា បានលើកឡើងខ្លឹមសារភ្ជាប់សំណេរដាស់តឿន ៤ ចំណុច ដូច្នេះថា «បងប្អូនអ្នកជិះពេញៗ ផ្លូវ(ម៉ូតូ) ចូលមកគន្លងឡាន ចូរគិតឡើងវិញ ចូលកុំទុកចិត្តពេក។ ១-បើចៃដន្យដួល ឡានអាចជាន់ហ្វ្រាំងទាន់ឬអត់?។ ២-អ្នកបើកឡានខ្លះអាចស្រវឹង។ ៣-ឡានខ្លះអាចមានបញ្ហាបច្ចេកទេស និង ៤-អ្នកបើកបរខ្លះអាចឆេវឆាវចែកគ្នាគិត»។

ដោយឡែកក៏មានការបញ្ចេញមតិពីអ្នកលេងបណ្ដាញសង្គមដែរថា «មិនដៀលខ្មែរទេ តែខ្មែរខ្លះអត់របៀបតែយ៉ាងនេះ មិនថាពេលបើកបរ មិនថាពេលហូបចុកចោលសំរាមទេ តែងតែអត់គំនិត ដូចនេះពេលគេថាឲ្យខឹងគេ ថាគេដៀលខ្មែរគ្នាឯង ប៉ុន្តែជនមួយចំនួនបើកបរអត់របៀបដូចក្នុងវីដេអូនេះជាគំរូស្រាប់។ ឃើញតែញយនៅតាមផ្លូវបើកបរអត់របៀប»។

ប្រាកដណាស់បញ្ហាគ្រោះថ្នាក់ចរាចរណ៍ ខ្លះគ្រាន់តែរងការខូចខាត ឬ រងរបួស។ ដោយឡែកមួយ ចំនួនទៀត គឺជីវិតត្រូវបានផ្លាស់ប្ដូរទាំងស្រុង មានអ្នកខ្លះបាត់បង់សមាជិកគ្រួសារដ៏សំខាន់ រីឯអ្នកខ្លះបាត់បង់មនុស្សជាទីស្រលាញ់ ឬត្រូវពិការជាដើម។

សូមជម្រាបដែរថា ដើម្បីចូលរួមការងារជួយសង្គម ពិសេសការផ្សព្វផ្សាយអប់រំបញ្ហាច្បាប់ចរាចរណ៍ផ្លូវគោក និងរបៀប នៃការបើកបរនាំមកនូវសុវត្ថិភាព តារាពហុជំនាញ លោក ដួង សុខគា កន្លងមក ធ្លាប់បានបង្ហាញពីគោលបំណងបង្កើតផេកមួយក្នុងការផលិតវីដេអូអប់រំដាស់តឿនពីច្បាប់ចរាចរណ៍ផងដែរ៕

អត្ថបទ ៖ ចាន់រ៉ា

The post លោក ដួង សុខគា ដាស់តឿន ៤ ចំណុច ដល់អ្នកបើកបរតាមដងផ្លូវ ចៀសវាងគ្រោះថ្នាក់ចរាចរណ៍ appeared first on Kampuchea Thmey Daily.

ដួង សុខគា ថា អ្នកជិះបំពានភ្លើងសញ្ញា ឬ បញ្ច្រាសទិស គួរប្រើធម៌ក្ដៅខ្លះទើបរាងចាល

អ៊ិន ពិសី — Thu, 01 Aug 2024 06:35:08 +0000

បន្ទាប់ឃើញមានការចែករំលែកវីដេអូបង្ហាញពីគ្រោះថ្នាក់ចរាចរណ៍មួយ ដែលបង្កឡើងដោយអ្នក បើកបរម៉ូតូ ១ គ្រឿង ជិះបញ្ច្រាសទិសទៅបុកជាមួយម៉ូតូផ្សេងទៀតបណ្ដាលឲ្យមានគ្រោះថ្នាក់ដល់អ្នកដទៃនោះ តារាប្រុសពហុជំនាញលោក ដួង សុខគា បង្ហាញការហួសចិត្តជាខ្លាំង។

ទន្ទឹមគ្នានេះដែរ តារាប្រុសលោក សួង សុខគា បានបញ្ចេញជាមតិយោបល់ដោយលើកឡើងថា ក្រុមអ្នកជិះបំពានភ្លើងសញ្ញា ឬ ជិះបញ្ច្រាសទិសបំពានចរាចរណ៍បែបនេះ គួរតែធ្វើដូចប្រទេសគេខ្លះទើបខ្លាច ឬ រាងចាល។ យ៉ាងណាមិញ នេះគ្រាន់តែការបញ្ចេញគំនិតមួយផ្នែករបស់លោក ដួង សុខគា ក្រោយឃើញរឿងដ៏ហួសចិត្តចំពោះបុគ្គលបើកបរមិនគោរពច្បាប់។

លោក ដួង សុខគា បានចែករំលែកភ្ជាប់វីដេអូ នៃគ្រោះថ្នាក់ចរាចរណ៍នោះថា «ប្រហែលទាល់តែដូចប្រទេសខ្លះ! ទាញដំបងចាំវ័ធឲ្យខ្លោចខ្នង ក្រុមជិះទៅមុនភ្លើងសញ្ញាពណ៌ខៀវ ភ្លើងក្រហម ហើយមិនឈប់ ជិះបញ្ច្រាសទិស ជិះជ្រេពេញផ្លូវ។ល។»។

ដោយឡែកក៏មានការបញ្ចេញមតិមួយចំនួនជុំវិញការលើកឡើងរបស់លោក ដួង សុខគា ខណៈមានការគាំទ្រគួរតែប្រើធម៌ក្តៅសម្រាប់អ្នកបំពានលើច្បាប់ចរាចរណ៍បង្កគ្រោះថ្នាក់ដល់អ្នកដទៃ ពិសេសអ្នកជិះបំពានភ្លើងសញ្ញា ឬ ជិះបញ្ច្រាសទិស ជិះជ្រេពេញផ្លូវតែម្ដង។

សូមជម្រាបថា ក្នុងគោលបំណងដើម្បីចូលរួមការងារជួយសង្គម ពិសេសការផ្សព្វផ្សាយអប់រំអំពីបញ្ហាច្បាប់ចរាចរណ៍ផ្លូវគោក និងរបៀប នៃការបើកបរនាំមកនូវសុវត្ថិភាព តារាពហុជំនាញលោក ដួង សុខគា ធ្លាប់បានបង្ហាញពីគោលបំណងបង្កើតផេកមួយក្នុងការផលិតវីដេអូអប់រំដាស់តឿនពីច្បាប់ចរាចរណ៍។

ការបង្ហាញគោលបំណងពីសំណាក់តារាប្រុសលោក ដួង សុខគា នេះ ស្របពេលលោកមើលឃើញ ថា បច្ចុប្បន្ននៅមានប្រជាពលរដ្ឋមួយចំនួនហាក់នៅមានការខ្វះខាតការយល់ដឹង និងបើកបរដោយមិនសូវមានការប្រុងប្រយ័ត្នដែលអាចនាំឲ្យកើតមានបញ្ហាគ្រោះថ្នាក់ចរាចរណ៍លើដងផ្លូវបណ្ដាលឲ្យស្លាប់ ឬ របួស ជាដើម…៕

អត្ថបទ ៖ ចាន់រ៉ា

The post ដួង សុខគា ថា អ្នកជិះបំពានភ្លើងសញ្ញា ឬ បញ្ច្រាសទិស គួរប្រើធម៌ក្ដៅខ្លះទើបរាងចាល appeared first on Kampuchea Thmey Daily.

ដួង សុខគា ហួសចិត្ត ក្រោយឃើញមនុស្សស្រីនិយាយរៀបរាប់រឿងលើគ្រែពេញៗមាត់ផ្សាយជាសាធារណៈ

Din Thary — Mon, 15 Jul 2024 03:12:49 +0000

លោក ដួង សុខគា ដែលជាតារាពហុជំនាញមួយរូប បានបង្ហាញអារម្មណ៍ហួសចិត្តយ៉ាងខ្លាំងទៅលើរឿងរ៉ាវមួយ ដែលឃើញមនុស្សស្រីលើកយកប្រធានបទពាក់ព័ន្ធបញ្ហាលើគ្រែមកនិយាយដោយគ្មានការខ្មាស់អៀននៅចំពោះមុខសាធារណៈជន។

តារាជើងចាស់លោក ដួង សុខគា បានចាត់ទុកដោយឲ្យតម្លៃលើមនុស្សស្រីថា “ស្ត្រីមានតម្លៃណាស់” ជាពាក្យដែលឱ្យតម្លៃទៅលើស្ត្រី ទោះជាអ្នកមិនទាន់ផ្ដល់តម្លៃ និងមិនទាន់ទទួលតម្លៃ តែអ្នករាល់គ្នាត្រូវតែដឹងជានិច្ចថា ស្រ្តីមានតម្លៃ”។

តារាពហុជំនាញរូបនេះបានលើកឡើងថា មិនមែនរិះគន់ទេ តែជាការគិតរឿងគួរមិនគួរ។ ឃើញមនុស្សស្រីនិយាយរៀបរាប់រឿងលើគ្រែពេញៗមាត់(និយាយរឿងកំប្លែង)ហើយផ្សាយជាសាធារណៈទៀត ខ្ញុំគិតថា មិនគួរ “ស្ត្រីមានតម្លៃណាស់” ទោះជាធម្មជាតិក៏មិនដែលឃើញមាន់ញីរត់ទៅរកមាន់ឈ្មោលមុនដែរ។

មានការបញ្ចេញមតិគាំទ្រថា លោក ដួង សុខគា ការពន្យល់ច្បាស់លាស់ល្អ មានអត្ថន័យសុំកោដសរសើរលោកគ្រូ។ “ស្ត្រីមានតម្លៃណាស់” ពាក្យនេះមានតែក្នុងប្រធានបទសម្រាប់សរសេរជាក់ស្តែង ស្រី្តគឺជាភាពអយុត្តិធម៌។ ចំណែកឯខ្លះទៀតថា ពិតណាស់ស្រ្តីមានតម្លៃ មនុស្សគ្រប់គ្នាគួរសមនឹងឲ្យតម្លៃនាង តែសោកស្តាយណាស់លើសកលលោកនេះឆ្នាំ២០២៤ ទៅហើយស្រ្តីនៅតែជាផ្ទាំងស៊ីប ស្ត្រីនៅតែរងអំពើហិង្សា បៀតបៀន គឺមានតែស្រ្តីប៉ុណ្ណោះតែជាជនរងគ្រោះហើយត្រូវបានគេជេរស្តីបន្ទោសនាងថែមទៀត៕

អត្ថបទ៖ ចាន់រ៉ា

Oplus_0

The post ដួង សុខគា ហួសចិត្ត ក្រោយឃើញមនុស្សស្រីនិយាយរៀបរាប់រឿងលើគ្រែពេញៗមាត់ផ្សាយជាសាធារណៈ appeared first on Kampuchea Thmey Daily.

លោក ដួង សុខគា អំពាវនាវរួមគ្នាផ្សព្វផ្សាយពីសីលធម៌ សុជីវធម៌ ដើម្បីសេចក្ដីសុខក្នុងសង្គម

អ៊ិន ពិសី — Mon, 01 Jul 2024 01:55:23 +0000

តារាប្រុសពហុជំនាញលោក ដួង សុខគា ទោះបច្ចុប្បន្នមមាញឹកក្នុងការងារសិល្បៈផ្នែកភ្លេងបុរាណយ៉ាងណាក្តី តែជាការកត់សម្គាល់ លោកមិនភ្លេចបំផុសមហាជនខ្មែរ ពាក់ព័ន្ធនឹងរឿងសង្គមនោះទេ។

ប្រាកដណាស់ តាមរយៈផ្នត់គំនិតរបស់លោក ដួង សុខគា កន្លងមក លោកតែងចេញសារដាស់តឿនល្អៗ ដែលជាគំនិតវិជ្ជមានសម្រាប់សង្គម ពិសេសយុវជនខ្មែរជំនាន់ក្រោយឲ្យបានយល់ដឹងពីតម្លៃវប្បធម៌ អរិយធម៌ សិល្បៈ និងអក្សរសាស្ត្រជាតិជាដើម…។

តួយ៉ាងថ្មីៗ នេះ លោក ដួង សុខគា បានចេញមកអំពាវនាវ ដោយស្នើឲ្យប្រជាពលរដ្ឋ និងអ្នកគាំទ្រ រួមគ្នាផ្សព្វផ្សាយពីសីលធម៌ សុជីវធម៌ ដើម្បីសេចក្ដីសុខរួមក្នុងសង្គម។ ជាមួយគ្នានោះ លោក សុខគា បានលើកឡើងដែរថា សុជីវធម៌ សីលធម៌ មាននៅទីណា ទីនោះមានក្តីស្រលាញ់ សាមគ្គីភាព ក្តីមេត្តា និងភាពស្រស់បំព្រង។

លោកក៏បានបញ្ជាក់បន្ថែមថា «យើងមិនគាំទ្រដាច់ខាត វីដេអូទាំងឡាយណាដែលបំផ្លាញនូវ សីលធម៌សង្គម ព្រោះវាជាមេរោគបំផ្លាញសេចក្តីសុខរបស់យើងទាំងអស់គ្នា»។ ទន្ទឹមគ្នានេះ មានការបញ្ចេញមតិថា «យើងរួមគ្នាផ្សព្វផ្សាយពីសីលធម៌ សុជីវធម៌ ដើម្បីឲ្យសង្គមយើងមានមនុស្សមានសុជីវធម៌ច្រើនបន្តិច»។

យ៉ាងណាក៏មានការបង្ហាញការគាំទ្រ និងក្តីបារម្ភផងដែរ ចំពោះយុវជនជំនាន់ក្រោយ ដោយទស្សនៈថា «ល្អណាស់បង ព្រោះមនុស្សក្នុងសង្គមយើងឥឡូវ សីលធម៌ និងសុជីវធម៌ ធ្លាក់ចុះខ្លាំងណាស់។ តើមានមនុស្សប៉ុន្មាននាក់ ដែលមើលឃើញដូចខ្ញុំ ខ្ញុំបារម្ភពីក្មេងៗ ជំនាន់ក្រោយដែលទទួលបានឥទ្ធិពលមិនល្អ។ នេះគ្រាន់តែជាមតិ និងការយល់ឃើញរបស់ខ្ញុំប៉ុណ្ណោះ»។

កត់សម្គាល់ដែរថា តារាពហុជំនាញអាចលេងបានគ្រប់ទម្រង់ទាំងសម័យ និងបុរាណ លោក ដួង សុខគា ជារឿយៗ លោកតែងបង្ហាញពីឆន្ទៈបំផុសស្មារតីដល់យុវជនដែលជាកូនខ្មែរគ្រប់រូប ត្រូវនាំគ្នាចូលរួមថែរក្សាតម្លៃវប្បធម៌ អរិយធម៌ និងភាសាជាតិ អក្សរជាតិ ដែលជាកេរដំណែលមរតកដូនតាដ៏ល្អផូរផង់របស់ខ្មែរ៕

អត្ថបទ ៖ ចាន់រ៉ា

The post លោក ដួង សុខគា អំពាវនាវរួមគ្នាផ្សព្វផ្សាយពីសីលធម៌ សុជីវធម៌ ដើម្បីសេចក្ដីសុខក្នុងសង្គម appeared first on Kampuchea Thmey Daily.

លោក ដួង សុខគា ៖ ល្បែងបាញ់ទឹក និងប៉ាតម្សៅ ជាល្បែងជាន់ពន្លិចហូលផាមួងខ្មែរ

អ៊ិន ពិសី — Fri, 29 Mar 2024 06:53:39 +0000

អំឡុងប៉ុន្មានឆ្នាំចុងក្រោយនេះ ដោយសង្កេតឃើញយុវជនខ្មែរមួយចំនួនធំ នាំគ្នាផុសផុលលេងល្បែងបាញ់ទឹក និងប៉ាតម្សៅ ផ្ទុយពីប្រពៃណីខ្មែរ នាឱកាស នៃពិធីបុណ្យចូលឆ្នាំថ្មី ប្រពៃណីជាតិខ្មែរនោះ តារាពហុជំនាញ លោក ដួង សុគា កន្លងមក បានដាស់តឿនស្មារតីយុវជនខ្មែរងាកមកលេងល្បែងប្រជាប្រិយខ្មែរវិញ។

បើតាមការបញ្ជាក់ពីលោក ដួង សុខគា បានចាត់ទុកថា ចំពោះការលេងល្បែងបាញ់ទឹក និងប៉ាតម្សៅ គឺជាល្បែងជាន់ពន្លិចហូលផាមួងខ្មែរ។ ក្នុងនោះ លោក ដួង សុខគា ក៏បានសម្ដែងអារម្មណ៍មិនសប្បាយចិត្តជុំវិញការផ្លាស់ប្ដូរនូវផ្នត់គំនិតពីសំណាក់យុវជនខ្មែរនាពេលបច្ចុប្បន្នចំពោះការលេងល្បែងដែលពុំមែនជាប្រពៃណីជាតិសាសន៍ខ្លួនឯង។

តាមរយៈនេះ លោក ដួង សុខគា បានចោទជាសំនួរថា «ល្បែងបាញ់ទឹក និងប៉ាតម្សៅ ជាល្បែងជាន់ពន្លិចហូលផាមួងខ្មែរ! ហេតុអ្វី? បងប្អូនសាកជួយឆ្លើយ»។ ជាមួយគ្នានេះ មានការបញ្ចេញមតិពីអ្នកគាំទ្រមួយចំនួនថា «ព្រោះហួលផាមួងខ្មែរ មិនអាចឲ្យត្រូវទឹកបានទេ វានឹងខូចគុណភាព។ គួរតែដាក់ល្បែងប្រជាប្រិយ និងរាំក្បាច់បូរាណ រាំវង់ រាំក្បាច់ សារ៉ាវ៉ាន់ បូរ៉េរ៉ូ និងម៉ាឌីស៊ុន មកដាក់តាមគោលដៅរាំវិញ បើមិនចង់ឲ្យបាត់បង់»។ ចំណែកខ្លះទៀតលើកឡើងថា «ប៉ះពាល់ខ្លាំងលោកគ្រូ ចូលឆ្នាំអត់ហ៊ានស្លៀកហូលផាមួង ខ្លាចគេបាញ់ទឹកត្រូវខូចអស់ និយាយមិនស្ដាប់យើងទេ ដល់យើងខឹង ថាមួយឆ្នាំម្ដង ហើយបាញ់ចំក្មេងស្រីមកថ្ងៃខែទៀត ចប់ហើយ គ្រោះថ្នាក់ច្រើនទៀត យើងគួរតែនាំគ្នាបញ្ឈប់ បើស្រង់ទឹកព្រះក្នុងផ្ទះ ឬ នៅវត្ត គឺល្អណាស់។ មានន័យថា ល្បែងបាញ់ទឹកប៉ាតម្សៅកាន់តែផុសផុលកក្រើក គឺវាពិតជាជាន់ពន្លិចល្បែងប្រជាប្រិយខ្មែរយើងឲ្យបាត់បន្តិចម្តងៗ ហើយ បើកូនខ្មែរមិនខំបំផុសឡើងវិញទេ គេនឹងនៅពីលើយើងហើយ ដោយយើងចេះតែភ្លេចអ្វីជាខ្លួនឯង ប្រៀបដូចពាក្យលោកគ្រូ ល្បែងបាញ់ទឹក ប៉ាតម្សៅ ជាល្បែងជាន់ពន្លិចហូលផាមួង អញ្ចឹងដែរ»។

ជាការពិតណាស់ ដោយសារសង្កេតឃើញរយៈពេលប៉ុន្មានឆ្នាំចុងក្រោយនេះមានយុវជនខ្មែរមួយចំនួនធំងាកពីការលេងល្បែងប្រជាប្រិយរបស់ខ្មែរទៅនាំគ្នាទិញរបស់គេយកមកលេងដូចជា ការលេងបាញ់ទឹក ប៉ាតម្សៅ ឬ ជះទឹកជាដើមនោះ ស្រាប់តែតារាពហុជំនាញ ដួង សុខគា កាលពីថ្មីៗ នេះ ក៏បានបង្ហោះសារដាស់តឿនឲ្យយុវជនខ្មែរមកលេងល្បែងប្រជាប្រិយដែលខ្មែរមានតាំងពីបុរាណ៕

អត្ថបទ ៖ ចាន់រ៉ា

The post លោក ដួង សុខគា ៖ ល្បែងបាញ់ទឹក និងប៉ាតម្សៅ ជាល្បែងជាន់ពន្លិចហូលផាមួងខ្មែរ appeared first on Kampuchea Thmey Daily.

ដួង សុខគា ៖ ចំណេះវិជ្ជា ជាដើមទុនយ៉ាងសំខាន់ប្រៀបបានភ្នំមាសជីវិត

Sous Sith — Thu, 14 Mar 2024 08:22:01 +0000

តារាពហុជំនាញ លោក ដួង សុខគា បានចេញសារដាស់តឿនដល់យុវវ័យដែលកំពុងតែស្ថិតក្នុងវ័យសិក្សាក្រេបយកចំណេះវិជ្ជាថា ការរៀនសូត្រគ្រប់មុខវិជ្ជា ជាដើមទុនយ៉ាងសំខាន់សម្រាប់ជូនក្មួយៗទៅដល់ក្តីស្រមៃ។ ម្យ៉ាងទៀតលោក បានអំពាវនាវដល់ម្តាយ-ឪពុក ក៏ត្រូវគួរយកចិត្តទុកដាក់លើការអប់រំបន្ថែមចំពោះកូនៗ ផងដែរ។

លោក ដួង សុខគា បានបង្ហាញគន្លឹះផ្ទាល់ខ្លួនថា លោកលើកដៃសំពះសូមការអភ័យពីបងប្អូនទុកជាមុនសំ ណេរនេះគឺវែងបន្តិចហើយ ម្យ៉ាងលោកក៏ដឹងដែរថាវានឹងមិនត្រូវទាំងអស់នោះទេ វាជាបំណងល្អរបស់ លោក តែជាការប្រាកដការសរសេរពិតណាស់ថានឹងមានកន្លែងមិនល្អជាក់ជាមិនខាន នេះក៏ព្រោះលោកមិនមែនជាព្រះឯណា?។ លោកបញ្ជាក់ថា «រឿងដែលខ្ញុំចង់និយាយគឺ៖ ម្តាយឪពុកដែលមិនសូវមានពេលណែនាំទូន្មានកូនគប្បីស្វែងរកឃ្លីបវីដេអូអប់រំ ណាល្អៗយកមកឱ្យកូនមើលចៀសវាងគ្រាំទ្រ តាមដានឃ្លីបបែបពាលាអាវាសែប្រយ័ត្នមានមេរោគឆ្លងតាមអារម្មណ៍ គួរចម្លងពាក្យខ្ញុំត្រឹមខាងក្រោមនេះ ហើយឱ្យកូនអាន រួចសួរកូនផងថាយល់យ៉ាងណាដែរ? ចង់ឡើងភ្នំមាសជីវិត ឬចង់អង្គុយត្រាំក្នុងភក់បាតត្រពាំង?»។

លោក ដួង សុខគា លើកឡើងបន្តថា «ក្មួយៗយុវជនជាទីស្រលាញ់ពូសូមអរគុណដែលក្មួយៗព្រមអានសំណេររបស់ពូ ក្មួយដឹងទេដំណើរជីវិតប្រៀបដូចជាដំណើរឡើងភ្នំ អ៊ីចឹងដែរ ក្មួយត្រូវត្រៀមគ្រប់យ៉ាងដើម្បីឡើង សេចក្តីសុខ សុភមង្គល មិនធ្លាក់មករកយើងឯងៗទេ គឺក្មួយៗត្រូវប្រឹងឡើងទៅរកវា។ ហ៊ឺ…! ឪពុកម្តាយរបស់យើងលោកមិននៅជាមួយយើង រ៉ាប់រងផ្គត់ផ្គង់ផ្តល់ឱ្យយើ ងគ្រប់ យ៉ាងដូចឥឡូវនេះទេបន្តិចទៀតគាត់នឹងជរា ឬទៅចោលយើងហើយ»។

លោក ដួង សុខគា ក៏និយាយបន្តថា អានមកដល់នេះក្មួយធ្លាប់ស្រមៃទេថា ថ្ងៃខាងមុខក្មួយនឹងក្លាយជាអ្វី? តើក្មួយចង់ក្លាយជាអ្វីដែរ? ក្មួយពិតជាចង់មាន ចង់បាន មានកិត្តិយស មានរបស់ល្អៗប្រើ ចូលទៅកាន់កន្លែងទំនើបៗ។ តើក្មួយទៅដល់ទេបើក្មួយមិនប្រឹងពីឥឡូវ? ក្មួយនឹងសួរពូថាប្រឹងដូចម្តេច? ការរៀនសូត្រគ្រប់មុខវិជ្ជា ជាដើមទុនយ៉ាងសំខាន់សម្រាប់ជូនក្មួយទៅដល់ក្តីស្រមៃទាំងនោះ។ វ័យរបស់ក្មួយជាវ័យស្វែងរកវិជ្ជា (បញ្ចូលថ្មឱ្យពេញ download all app ដែលក្មួយត្រូវការប្រើ)។

លោកថា វ័យនេះមិនមែនជាវ័យសប្បាយភ្លេចខ្លួនទេ តែវ័យនេះក៏មិនមែនជាវ័យអួតសម្ភារៈផ្សេងៗ ដែលជារបស់ម៉ែឪនោះដែរ បើក្មួយចង់អួតចាំអួតរបស់ដែលក្មួយរកបានដោយខ្លួនឯងទើបវាមានន័យ។ ចំណេះដឹងចំណេះធ្វើពិតជាសំខាន់ណាស់បន្តិចទៀតក្មួយត្រូវឡើងប្រកួតហើយ ត្រូវដណ្តើមខ្សែក្រវាត់ជីវិតបើក្មួយគិតតែសប្បាយក្មួយគិតទៅមើលប្រកួតឈ្នះទេ? កីឡាករ ដែលមិនហាត់តើនឹងប្រកួតយ៉ាងដូចម្តេច? ពូដឹងថារៀន សូត្រវាលំបាកបន្តិចមែន តែក្មួយអើយបើក្មួយរាប់អានគេអ្នករៀនសូត្រ រៀនមើលរបៀបគេ ក្មួយទ្រាំតែបន្តិច ក្មួយរៀនពូកែ ក្មួយនឹងសប្បាយវិញហើយ! 180⁰ ប្តូរ។

លោកគ្រូរបស់ពូប្រាប់ពូថា “ក្រដាស១០ដុល្លារ រហែកហើយប្រឡាក់ទៀត តើនឹងរំពឹងចង់ទិញអ្វីបាន!”។ ក្មួយក៏មិនចង់ក្លាយជាក្រដាស១០ដុល្លារ រហែកនោះដែរមែនទេ? បើក្រដាសប្រាក់ក្មួយល្អក្រដាសធំមិនក្លែងក្លាយ ភាគច្រើនក្មួយចង់ទិញអ្វីក៏បានដែរ។ ហេតុអ្វី បានជាឧកញ៉ាលោកចូលចិត្តធ្វើដន្លងជាមួយឧកញ៉ាដូចគ្នា? លោកព្រមរៀបចំកូនចៅពួកគាត់ឱ្យទៅនឹងមនុស្សដែលមានសមត្ថភាពគុណភាព? នេះឯងហើយណាក្មួយៗជាប្រស្នាក្រដាស១០ដុល្លាររហែក!

លោក ដួង សុខគា លើកឡើងថា ចូរក្មួយៗរៀនបង្កើតបទបញ្ជាផ្ទៃក្នុងឱ្យខ្លួនឯងជារៀងរាល់ថ្ងៃដូចជា ថាបើខ្លួនមិនខំរៀនខ្លួចគេចមេរៀនខ្លួននឹងក្លាយជាលាមក ជាដើម។ អរគុណក្មួយៗដែលអានសំណេរពូ ពេលក្មួយឡើងដល់លើភ្នំមាសជីវិតសូមក្មួយនឹកឃើញពូផងណា ហោចណាស់ពេលរៀបការពូទៅច្រៀងកាត់សក់ឱ្យ។

បន្ថែមពីនេះលោក សុខគា ផ្តាំថា កុំភ្លេចភ្នំមាសជីវិត នៅទីនោះមានមនុស្សល្អៗ ស្អាតៗច្រើន មានផ្លែឈើឆ្ងាញ់ៗច្រើន មានមាសពេជ្រ និងរបស់ទំនើបច្រើនហើយ ក៏ជាទីសប្បាយមិនចេះរីងស្ងួតចង់ឡើងទៅទេ?បើក្មួយមិនចង់ឡើងក៏មានមិត្តក្មួយគេឡើងដែរ។ នៅពេលមិត្តក្មួយគេប្រសើរជាងក្មួយចូរ ក្មួយកុំនិយាយ ថាស្តាយក្រោយហើយក៏កុំអៀនខ្មាស់៕

អត្ថបទ ៖ ចាន់រ៉ា

The post ដួង សុខគា ៖ ចំណេះវិជ្ជា ជាដើមទុនយ៉ាងសំខាន់ប្រៀបបានភ្នំមាសជីវិត appeared first on Kampuchea Thmey Daily.