Connect with us

ជីវិតកម្សាន្ដ

លោក ដួង សុខគា ៖ ល្បែងបាញ់ទឹក និងប៉ាតម្សៅ ជាល្បែងជាន់ពន្លិចហូលផាមួងខ្មែរ

បានផុស

នៅ

អំឡុង​ប៉ុន្មាន​ឆ្នាំ​ចុង​ក្រោយ​នេះ ដោយ​សង្កេត​ឃើញ​យុវជន​ខ្មែរ​មួយ​ចំនួន​ធំ នាំ​គ្នា​ផុស​ផុល​លេង​ល្បែង​បាញ់​ទឹក និង​ប៉ាត​ម្សៅ ផ្ទុយ​ពី​ប្រពៃណី​ខ្មែរ នា​ឱកាស នៃ​ពិធី​បុណ្យ​ចូល​ឆ្នាំ​ថ្មី ប្រពៃណី​ជាតិ​ខ្មែរ​នោះ តារា​ពហុ​ជំនាញ លោក ដួង សុគា កន្លង​មក បាន​ដាស់តឿន​ស្មារតី​យុវជន​ខ្មែរ​ងាក​មក​លេង​ល្បែង​ប្រជាប្រិយ​ខ្មែរ​វិញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើ​តាម​ការ​បញ្ជាក់​ពី​លោក ដួង សុខគា បាន​ចាត់​ទុក​ថា ចំពោះ​ការ​លេង​ល្បែង​បាញ់​ទឹក និង​ប៉ាត​ម្សៅ គឺជា​ល្បែង​ជាន់​ពន្លិច​ហូល​ផាមួង​ខ្មែរ។ ក្នុង​នោះ លោក ដួង សុខគា ក៏បាន​សម្ដែង​អារម្មណ៍​មិន​សប្បាយ​ចិត្ត​ជុំវិញ​ការ​ផ្លាស់ប្ដូរ​នូវ​ផ្នត់គំនិត​ពី​សំណាក់​យុវជន​ខ្មែរ​នា​ពេល​បច្ចុប្បន្ន​ចំពោះ​ការ​លេង​ល្បែង​ដែល​ពុំមែន​ជា​ប្រពៃណី​ជាតិ​សាសន៍​ខ្លួនឯង។

តាមរយៈ​នេះ លោក ដួង សុខគា បាន​ចោទ​ជា​សំនួរ​ថា «ល្បែង​បាញ់​ទឹក និង​ប៉ាត​ម្សៅ ជា​ល្បែង​ជាន់​ពន្លិច​ហូល​ផាមួង​ខ្មែរ! ហេតុអ្វី? បងប្អូន​សាក​ជួយ​ឆ្លើយ»។ ជាមួយ​គ្នា​នេះ មាន​ការ​បញ្ចេញ​មតិ​ពី​អ្នក​គាំទ្រ​មួយ​ចំនួន​ថា «ព្រោះ​ហួល​ផាមួង​ខ្មែរ មិន​អាច​ឲ្យ​ត្រូវ​ទឹក​បាន​ទេ វា​នឹង​ខូច​គុណភាព។ គួរ​តែ​ដាក់​ល្បែង​ប្រជាប្រិយ និង​រាំ​ក្បាច់​បូរាណ រាំវង់ រាំក្បាច់ សារ៉ាវ៉ាន់ បូ​រ៉េ​រ៉ូ និង​ម៉ា​ឌី​ស៊ុន មក​ដាក់​តាម​គោលដៅ​រាំ​វិញ បើ​មិន​ចង់​ឲ្យ​បាត់បង់»។ ចំណែក​ខ្លះ​ទៀត​លើក​ឡើង​ថា «ប៉ះពាល់​ខ្លាំង​លោកគ្រូ ចូល​ឆ្នាំ​អត់​ហ៊ាន​ស្លៀក​ហូល​ផាមួង ខ្លាច​គេ​បាញ់​ទឹក​ត្រូវ​ខូច​អស់ និយាយ​មិន​ស្ដាប់​យើង​ទេ ដល់​យើង​ខឹង ថា​មួយ​ឆ្នាំ​ម្ដង ហើយ​បាញ់​ចំ​ក្មេង​ស្រី​មក​ថ្ងៃ​ខែ​ទៀត ចប់​ហើយ គ្រោះថ្នាក់​ច្រើន​ទៀត យើង​គួរ​តែ​នាំ​គ្នា​បញ្ឈប់ បើ​ស្រង់​ទឹក​ព្រះ​ក្នុង​ផ្ទះ ឬ នៅ​វត្ត គឺ​ល្អ​ណាស់។ មាន​ន័យ​ថា ល្បែង​បាញ់​ទឹក​ប៉ាត​ម្សៅ​កាន់តែ​ផុស​ផុល​កក្រើក គឺ​វា​ពិតជា​ជាន់​ពន្លិច​ល្បែង​ប្រជាប្រិយ​ខ្មែរ​យើង​ឲ្យ​បាត់​បន្តិច​ម្តងៗ ហើយ បើ​កូន​ខ្មែរ​មិន​ខំ​បំផុស​ឡើងវិញ​ទេ គេ​នឹង​នៅ​ពី​លើ​យើង​ហើយ ដោយ​យើង​ចេះ​តែ​ភ្លេច​អ្វី​ជា​ខ្លួន​ឯង ប្រៀប​ដូច​ពាក្យ​លោកគ្រូ ល្បែង​បាញ់​ទឹក ប៉ាត​ម្សៅ ជា​ល្បែង​ជាន់​ពន្លិច​ហូល​ផាមួង អញ្ចឹង​ដែរ»។

ជា​ការ​ពិត​ណាស់ ដោយសារ​សង្កេតឃើញ​រយៈពេល​ប៉ុន្មាន​ឆ្នាំ​ចុង​ក្រោយនេះ​មាន​យុវជន​ខ្មែរ​មួយ​ចំនួន​ធំ​ងាក​ពី​ការ​លេង​ល្បែង​ប្រជាប្រិយ​របស់​ខ្មែរ​ទៅ​នាំ​គ្នា​ទិញ​របស់​គេ​យក​មក​លេង​ដូចជា ការ​លេង​បាញ់​ទឹក ប៉ាត​ម្សៅ ឬ ជះ​ទឹក​ជាដើម​នោះ ស្រាប់តែ​តារា​ពហុ​ជំនាញ ដួង សុខគា កាលពី​ថ្មីៗ នេះ ក៏បាន​បង្ហោះ​សារ​ដាស់តឿន​ឲ្យ​យុវជន​ខ្មែរ​មក​លេង​ល្បែង​ប្រជាប្រិយ​ដែល​ខ្មែរ​មាន​តាំងពី​បុរាណ៕

អត្ថបទ ៖ ចាន់រ៉ា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម