លោក អួន បឋម ដែលមហាជនស្គាល់ថា SAI នៅថ្ងៃអង្គារ៍ ទី០៧ ខែមេសា ឆ្នាំ២០២៦ បានចេញសារណែនាំទៅកាន់សាធារណជន ដោយលើកឡើងអំពីសារៈសំខាន់នៃសិទ្ធិបញ្ចេញមតិ និងសេរីភាពក្នុងការជ្រើសរើសទស្សនាមាតិកានៅលើបណ្តាញសង្គម។

ក្នុងសារដែលបានចែករំលែកនេះ លោកបានបញ្ជាក់ថា បណ្តាញសង្គមគួរត្រូវបានមើលឃើញជាកន្លែងសម្បូរបែបនៃការផ្សព្វផ្សាយមាតិកា ដែលអនុញ្ញាតឱ្យមនុស្សគ្រប់រូបបង្ហាញអត្តសញ្ញាណ និងស្ទីលផ្ទាល់ខ្លួនដោយសេរី ដែលគ្រាន់តែប្រាកដថាស្ថិតនៅក្រោមច្បាប់ និងក្រមសីលធម៌។

ហេតុនេះ លោកបានណែនាំដល់អ្នកប្រើប្រាស់ថា ប្រសិនបើជួបប្រទះមាតិកាណាដែលមិនសមស្រប ឬមិនយល់ច្បាស់ គួរជ្រើសរើស “អូសរំលង” ជាជម្រើសល្អប្រសើរជាងការរិះគន់ដោយអវិជ្ជមាន។

លោកថា “មាតិកាណាដែលយើងមើលមិនយល់ យើងអូសរំលងទៅបងប្អូនអើយ social media វាគួតែជាកន្លែងសំបូរបែប យើងគ្រប់គ្នាគួមានសិទ្ធិក្នុងការបង្ហាញ style យើង និងមានសេរីភាពក្នុងការនិយាយដែលមិនផ្ទុយពីច្បាប់”។

សាររបស់ SAI ត្រូវបានមើលឃើញថា ជាការរំលឹកដល់សាធារណជនឱ្យប្រើប្រាស់បណ្តាញសង្គមដោយមានការយល់ដឹង ការគោរពគ្នាទៅវិញទៅមក និងការទទួលខុសត្រូវក្នុងការបញ្ចេញមតិ៕

The post សាយ បង្ហាញការយល់ឃើញ រវាងសេរីភាពនៃផ្សាយមាតិកាផ្ទាល់ខ្លួន និងការបញ្ចេញមតិដែលមិនផ្ទុយពីច្បាប់ appeared first on Kampuchea Thmey Daily.

តារាចម្រៀងប្រុសរូបនេះ បានបញ្ជាក់ឲ្យដឹងដូច្នេះថា “ជូនចំពោះអ្នកស្ម័គ្រចិត្ត ត្រឹមពាក្យសម្តីយើងគឺទ័ពជួរក្រោយត្រូវតែទ្រាំអោយបាន ព្រោះបងៗជួរមុខទ្រាំគ្រាប់ផ្លោងគ្រាប់បែកបានកម្ពុជា គឺត្រូវតែរឹងមាំកម្ពុជាគឺធ្លុងតែមួយសូមបន្តកិច្ចការដែ លយើងធ្វើត្រូវហើយបន្តទៀត”។

លោក សាយ និយាយបន្តថា “គេបាញ់យើងមិនទាន់ឈប់ទេ ដូច្នេះហើយយើងក៏កុំឈប់ជួយគ្នាហើយក្នុងកាលៈទេសៈនេះសូមមេត្តាបងប្អូនកុំ post កុំshare វីរកងទ័ពដែលពលីអីចាំshareចេញពីpageក្រសួង ជាផ្លូវការវិញដើម្បីជៀសវាងព័ត៌មាន មិនត្រឹមត្រូវនាំឱ្យបំបាក់ស្មារតីកងទ័ពនិងជនរួមជាតិយើង”។

ជាមួយគ្នានេះ ក៏មានការបញ្ចេញមតិគាំទ្រមួយចំនួនដល់តារាចម្រៀងលោក សាយ ផងដែរ ខណ:មានខ្លះទៀតបានជូនពរដល់វីរ:កងទ័ពដ៏អង់អាចក្លាហានរបស់កម្ពុជាឱ្យទទួលបានជ័យជំនះនិងឈ្នះខ្មាំងសត្រូវឈ្លានពានពីសំំណាក់ចោរសៀមផងដែរ។

កត់សម្គាល់មកដល់ពេលនេះតារាចម្រៀងលោក សាយ ត្រូវបានមហាជនអ្នកគាំទ្រចាត់ទុកថា លោកជាសិ ល្បករខ្មែរមួយរូបដែលលេចធ្លោតាមរយ: កិច្ចការងារចូលរួមសង្គមពិសេសកន្លងមកលោក សាយ បានបង្កើតកម្មវិធីរត់ដើម្បីប្រមូលថវិការជួនដល់មន្ទីពេទ្យគន្ធបុប្ផានិងមន្ទីពេទ្យកុមារអង្គរជាដើម ។ គិតមកដល់ ពេលនេះ សាយ បានបង្កើតកម្មវិធីរត់មានរយៈពេលប្រមាណជាង៥ឆ្នាំមកហើយដែរ៕ ដោយ ៖ ចាន់រ៉ា

The post សាយ ៖ ត្រឹមពាក្យសម្តី ទ័ពជួរក្រោយត្រូវទ្រាំឱ្យបាន ព្រោះទ័ពជួរមុខកំពុងតតាំងនឹងសត្រូវ appeared first on Kampuchea Thmey Daily.

សាយ ជាសិល្បករខ្មែរមួយរូបដែលផុសផុលក្នុងសកម្មភាពមនុស្សធម៌ និងកិច្ចការសង្គមច្រើន ពិសេសតាមរយៈការផ្តួចផ្តើមគំនិតបង្កើតមូលនិធិនានា គាំទ្រដល់មន្ទីរពេទ្យ ក៏ដូចជាផ្នែកផ្សេងទៀតដែលមានតម្រូវការផងដែរ ដែលរួមមាន កម្មវិធីរត់ដោយបេះដូង ដើម្បីបរិច្ចាគជួយអនាគតកុមារអូទីហ្សឹម, កម្មវិធីរត់ឡើងប្រាសាទព្រះវិហារ អបអរខួបនៃការចុះបញ្ជីបេតិកភណ្ឌ (២០២៣ និង ២០២៥), យុទ្ធនាការ​ “​រត់​ដើម្បី​សប្បុរសធម៌​ជាមួយ សាយ​” (២០២១) ជាដើម។ល។

ខណៈកាលពីដើមខែសីហាកន្លងទៅថ្មីៗ លោកក៏បានស្ម័គ្រចិត្តចូលរួមជាមួយមន្ទីរពេទ្យកុមារអង្គរ ក្នុងកិច្ចការពិគ្រោះជំងឺ និងពិនិត្យសុខភាពជូនកុមារ-មនុស្សចាស់ នៅតំបន់ភៀសសឹកផងដែរ។

ដោយឡែក នៅថ្ងៃអង្គារ៍ទី ៣០ ខែកញ្ញានេះ ទំព័រហ្វេសប៊ុកផ្លូវការអគ្គនាយកដ្ឋានយុវជន (Directorate General of Youth) បានណែនាំលោកជាផ្លូវការ ជាមួយនឹងសមាសភាពប្រធានប្រតិភូដឹកនាំយុវជនតំណាងកម្ពុជា ដើម្បីចូលរួមក្នុងកម្មវិធីនាវាយុវជនអាស៊ីអាគ្នេយ៍ និងជប៉ុន លើកទី៤៩ ។

ទន្ទឹមនឹងការណែនាំផ្លូវការនេះ សាយ ក៏បានបង្ហាញក្តីសោមន្យរបស់ខ្លួនផងដែរ ក្នុងការចូលរួមម្មវិធីនាវាយុវជនអាស៊ីអាគ្នេយ៍ និងជប៉ុន លើកទី៤៩ ដោយចាត់ទុកថានេះ ជាបេសកកម្មថ្មីមួយទៀតរបស់ខ្លួន ក្នុងការរួមចំណែកនឹងសង្គមជាតិកម្ពុជា។

គួរជម្រាបដែរថា The Ship for Southeast Asian and Japanese Youth Program-SSEAYP នឹងធ្វើឡើងរយៈពេល៣២ថ្ងៃ ដោយចាប់ផ្ដើមពីថ្ងៃទី១៥ ខែមករា ដល់ថ្ងៃទី១៧ ខែកុម្ភៈ ឆ្នាំ២០២៦ ដោយ​តាមការគ្រោងទុកមានទិសដៅចូលចតនៅប្រទេសជប៉ុន សិង្ហបុរី និងប្រទេសថៃ៕

The post សាយ ជាសមាសភាពប្រធានប្រតិភូដឹកនាំយុវជនតំណាងកម្ពុជា ចូលរួមកម្មវិធីនាវាយុវជនអាស៊ីអាគ្នេយ៍ និងជប៉ុន លើកទី៤៩ appeared first on Kampuchea Thmey Daily.

មិនខុសពីមហាជននិងសិល្បករសិល្បការិនីខ្មែរឯទៀតទេ អំឡុងពេលផ្ទុះសង្គ្រាមឈ្លានពានរបស់កងទ័ពចោរសៀមរយៈពេលប៉ុន្មានថ្ងៃមកនេះ កត់សម្គាល់ឃើញថា លោក សាយ បានបង្ហាញឆន្ទៈ ស្រែករកយុត្តិធម៌សម្រាប់កម្ពុជា ជាពិសេសនោះ គឺការខូចខាតប្រាសាទព្រះវិហារដែលជាបេតិកភណ្ឌពិភពលោក។ មិនតែប៉ុណ្ណោះ លោកក៏បានចូលរួមជាមួយមន្ទីរពេទ្យកុមារអង្គរ ពិគ្រោះជំងឺ និងពិនិត្យសុខភាពជូនកុមារ-មនុស្សចាស់ នៅតំបន់ភៀសសឹកផងដែរ។

បើតាមការឲ្យដឹង លោកនិងក្រុមការងារ Sai Force ក៏បានធ្វើការជាអ្នកស្ម័គ្រចិត្តជាមួយមន្ទីរពេទ្យកុមារអង្គរក្នុងការពិគ្រោះជំងឺ និងពិនិត្យ(កម្រិតស្រា ល) ជូនដល់ពុកម៉ែបងប្អូនភាសសឹក ជាពិសេសគឺកុមារ និង មនុស្សចាស់ជរាផងដែរ។ លោកថា “SAI Force បានចូលរួមជាអ្នកស្ម័គ្រចិត្តជាមួយ មន្ទីរពេទ្យកុមារអង្គរ ក្នុងការពិគ្រោះជំងឺនិងពិនិត្យ (កំរិតស្រាល) ជូនដល់ពុ កម៉ែបងប្អូនភៀសសឹក ជាពិសេសគឺកុមារ និងមនុស្សចាស់ជរា”។

សាយ ត្រូវបានមហាជនអ្នកគាំទ្រចាត់ទុកជាសិល្បករខ្មែរមួយរូបដែលលេចធ្លោ តាមរយ:កិច្ចការងារចូលរួមសង្គម ពិសេ សកន្លងមក សាយ បានបង្កើតកម្មវិធីរត់ដើម្បីប្រមូលថវិកាជួនដល់មន្ទីពេទ្យគន្ធបុប្ផានិងមន្ទីពេទ្យកុមារអង្គរជាដើម។

សូមបញ្ជាក់ដែរថា កងទ័ពថៃបានបើកការឈ្លានពានកម្ពុជានៅថ្ងៃទី២៤ ខែកក្កដាឆ្នាំ២០២៥ ដែលបណ្តាលឲ្យមានមនុស្សស្លាប់និងរងរបួស ខណៈពលរដ្ឋភៀសសឹកកម្ពុជាជាង ១៧មុឺននាក់ ត្រូវឃ្លាតឆ្ងាយពីផ្ទះសម្បែង មិនអាចប្រកបរបរចិញ្ចឹមជីវិត។

ថៃបានប្រព្រឹត្តិឧក្រិដ្ឋកម្មសង្គ្រាមតាមរយៈការប្រើប្រាស់គ្រាប់បែកចង្កោម និងផ្សែងពុលរំលោភច្បាប់អន្តរជាតិ ហើយថែម ទាំងបង្កការខូចខាតធ្ងន់ធ្ងរដល់ប្រាសាទព្រះវិហារ ដែលត្រូវបានដាក់បញ្ចូលក្នុងសម្បត្តិបេតិកភណ្ឌរបស់អង្គការយូណេស្កូផងដែរ៕ ចាន់រ៉ា

The post សាយ ចូលរួមជាមួយមន្ទីរពេទ្យកុមារអង្គរ ពិគ្រោះជំងឺ និងពិនិត្យសុខភាពជូនកុមារ-មនុស្សចាស់ នៅតំបន់ភៀសសឹក appeared first on Kampuchea Thmey Daily.

សាយ បញ្ជាក់ ឱ្យដឹងថា រាល់ថវិកាដែលអ្នកទាំងអស់ គ្នាចុះឈ្មោះមកទាំងអស់ (១០០%) បរិច្ចាគទៅកាន់អង្គការសាលាទន្សាយ។ ចូលរួមរត់ដោយបេះដូងជាមួយពួកយើងដើម្បីអនាគតកុមារអូទីហ្សឹម នឹងដើម្បីកិច្ចការងារមនុស្សធម៌។

ជាមួយគ្នានៃការប្រកាសត្រៀមរៀបចំព្រឹត្តិការណ៍ “រត់ដោយបេះដូង” ជាលើកទី២នេះដែរ លោកសាយ បានបញ្ជាក់ និង អំពាវនាវទៅកាន់សប្បុរសជនជាថ្មីថា សម្រាប់ថវិការដែលបានមកពីការបរិច្ចាគទាំងអស់ គឺត្រូវឧបត្ថម្ភផ្តល់ជូនដល់សាលារៀនទន្សាយ (កុមារអូទីហ្សឹម) ដើម្បីអនាគតកុមារ។

លោក សាយ បានឱ្យដឹងថាព្រឹត្តិការណ៍ “រត់ដោយបេះដូងលើកទី២ ឆ្នាំ២០២៥” រៀបចំឡើងក្នុងគោលបំណងរៃអង្គាសថវិកាសប្បុរសធម៌សម្រាប់អង្គការសាលារៀនទន្សាយ ក្នុងបេសកម្មថែទាំ និងបង្ហាត់បង្រៀនទៅដល់កុមារអូទីហ្សឹម (Autism) និងលើកកម្ពស់ការថែទាំសុខភាពតាមរយ:ការរត់។

តារាចម្រៀង សាយ បាននិយាយទៀតថាកម្មវិធីរត់ពីចម្ងាយចាប់ពីថ្ងៃទី១ ខែឧសភា ឆ្នាំ២០២៥ រហូតដល់ថ្ងៃទី៣១ខែឧសភា ឆ្នាំ២០២៥ ។ កម្មវិធីពិសេសរត់ដោយបេះដូងជាមួយកុមារអូទីហ្សឹម ថ្ងៃទី ៣១ ខែឧសភា ឆ្នាំ២០២៥ នៅពហុកីឡដ្ឋានជាតិអូឡាំពិក។

បន្ថែមពីនេះលោក សាយ លើកឡើងដោយអំពាវនាវដែរថា ពួកយើងចូលរួមទាំងអស់គ្នាបរិច្ចាគទៅកាន់អង្គការសាលារៀនទន្សាយ ដើម្បីអនាគតកុមារអូទីហ្សឹម។ ការចូលរួមសហការនេះគឺជំរុញឱ្យមានការយល់ដឹងបន្ថែមពីស្ថានភាព អូទីហ្សឹម ដែលកំពុងកើតមាននៅក្នុងព្រះរាជាណាចក្រកម្ពុជាហើយនឹងបានស្វែងយល់ពីភាពលះបង់របស់អ្នកគ្រូ លោកគ្រូ ដែលបានតស៊ូព្យាយាមក្នុងការថែទាំ និងបង្ហាត់បង្រៀនកុមារអូទីហ្សឹម ជាពិសេសឪពុកម្តាយរបស់កុមារអូទីហ្សឹមផ្ទាល់ ដែលជាកត្តាជំរុញទឹកចិត្តទៅដល់មហាជនឱ្យមានការគាំទ្រ៕ អត្ថបទ៖ ចាន់រ៉ា

The post សាយ អះអាងថា ថវិកាទាំងអស់ប្រមូលបានពីការ “រត់ដោយបេះដូង” ត្រូវប្រគល់ជូនសាលាកុមារអូទីហ្សឹម appeared first on Kampuchea Thmey Daily.

តារាចម្រៀង សាយ បានបញ្ជាក់ឱ្យដឹងថា សម្រាប់កម្មវិធី” រត់ជាមួយគ្នាដើម្បីបង្កើតមិត្តភាព” (TWO KIN GDOMS RUN 2025 គឺរៀបចំឡើងក្នុងគោលបំណងអបអរខួបអនុស្សាវរីយ៍លើកទី៧៥ នៃចំណងមិត្តភាពកម្ពុជា- ថៃ។ កម្មវិធីរត់ឆ្លងប្រទេសកម្ពុជាទៅថៃ នេះនឹងរៀបចំរត់ឆ្លងកាត់ពីស្ពានមិត្តភាពស្ទឹងបត់-បានណងអៀន។

សាយ និយាយទៀតថានេះឱកាសពិសេសដែលអ្នកទាំងអស់គ្នា នឹងក្លាយជាចំណែកមួយនៃចំណងមិត្ត ភាពកម្ពុជា-ថៃ តាមរយៈការរត់នៅលើស្ពានមិត្តភាពកម្ពុជា-ថៃដែលពោរពេញទៅដោយអត្ថន័យនិងអនុស្សាវរីយ៍។

លោក សាយ បន្ថែមថា ចំពោះបមហាជនចង់ចូលរួមកម្មវិធីនេះ អាចចូលរួមចុះឈ្មោះរត់ដើម្បីជាបទពិសោធដោយកម្មវិធីនឹងប្រព្រឹត្តិទៅនៅថ្ងៃទី១៦ ខែមីនា ឆ្នាំ២០២៥ ឆាប់ៗខាងមុខ។ ក្នុងនោះយើងអាចជ្រើសរើសរយៈចម្ងាយដែលពេញចិត្តរត់ ១១.៣ គីឡូម៉ែត្រ ៧.៤ គីឡូម៉ែត្រ និង ៤គីឡូម៉ែត្រ។ សម្រាប់រយៈចម្ងាយ ៤គីឡូម៉ែត្រ ចេញដំណើរពីប្រទេសកម្ពុជាតែម្តង។

តារាប្រុសលោក សាយ ត្រូវបានមហាជនអ្នកគាំទ្រចាត់ទុកថា លោកជាសិល្បករខ្មែរមួយរូបដែលលេចធ្លោតាមរយ:កិច្ចការងារចូលរួមសង្គម ពិសេសកន្លងមក សាយបានបង្កើតកម្មវិធីរត់ដើម្បីប្រមូលថវិកាជូនដល់មន្ទីពេទ្យគន្ធបុប្ផា និងមន្ទីពេទ្យកុមារអង្គរជាដើម។ គិតមកដល់ពេលនេះ សាយ បានបង្កើតកម្មវិធីរត់មានរយៈពេលប្រមាណ ៥ឆ្នាំ មកហើយដែរ៕ អត្ថបទ៖ ចាន់រ៉ា

The post សាយ ត្រៀមរត់ដើម្បីអបអរចំណងការទូតកម្ពុជា-ថៃ រយៈពេល ៧៥ឆ្នាំ appeared first on Kampuchea Thmey Daily.

ចំពោះ​ហេតុការណ៍​ដ៏​អាក្រក់ និង​សែន​ឈឺចាប់​ដែល​ធ្វើ​ឲ្យ​លោក សាយ នៅតែ​បន្ត​ចងចាំ​មិន​អាច​បំភ្លេច​បាន​កាលពី​អំឡុង​ដើម​ឆ្នាំ ២០១៣ នោះ ដោយសារ​ទីកន្លែង​ជម្រក​(​ផ្ទះ​)​របស់ សាយ ត្រូវ​បាន​បំផ្លិចបំផ្លាញ​ក្រោម​ចង្កូម​ព្រះអគ្គី​(​ភ្លើង​) ដោយ​កាលណោះ​លោក​ក៏​ស្ថិត​ក្នុង​ហេតុការណ៍​ដ៏​គ្រោះថ្នាក់​នោះ​ផង​ដែរ។

រម្លឹក​ដល់​រឿង​អតីតកាល​ខាងលើ តារា​ចម្រៀង លោក សាយ បាន​រៀបរាប់​ថា “​ជីវិត​ខ្ញុំ​ដូចជា​ឆ្លងកាត់​គ្រោះថ្នាក់​ច្រើន​ដល់​ហើយ សាយ នឹក​ស្រណោះ​កាលនោះ​ភ្លើង​ឆេះ​ផ្ទះ​ខ្ញុំ​នៅ​រតនគិរី ខ្ញុំ​ទើប​ដល់​ផ្ទះ​ប្រហែល​ម៉ោង ១១ យប់ ងូតទឹក ហើយ​រៀប​ចូល​ដេក មិន​ទាន់​បាន​ដេក​ផង ស្រាប់តែ​ឆេះ​រាល​ពីមុខ​ផ្ទះ​មក​រត់​ចែក​ជើង​គ្នា ជញ្ជូន​អីវ៉ាន់​ចេញ​ទាំង​កណ្តាល​យប់ ទាំង​គ្មាន​ស្បែកជើង សំណាង​ហើយ​អត់​មុត​អី​ពេលនោះ​”។

លោក សាយ បន្ត​ទៀត​ថា មិន​ត្រឹមតែ​ឆេះ​ផ្ទះ​ទេ ឆេះ​ឡាន pick up Toyota Hilux tiger មួយ​ទៀត។ សំណាង​ដែល​អត់​មាន​អ្នកណា​គ្រោះថ្នាក់​អ្វី តែ​ដល់​ពេល​លោក​ឃើញ​គេ​ឆេះ​ផ្ទះ ឬ ឆេះ​អ្វី​ធ្ងន់ៗ ម្តងៗ ដូច​រៀង​នឹកឃើញ​ភ័យៗ ដល់​ហេតុការណ៍​កាល​ផ្ទះ​ខ្លួន។

ជាមួយ​គ្នា​នេះ លោក​បន្ថែម​ថា សង្ឃឹម​ថា​ហេតុការណ៍​បែបនេះ នឹង​មិន​កើតឡើង​ចំពោះ​អ្នក​ទាំងអស់ និង​សូម​ឲ្យ​ប្រុងប្រយ័ត្ន​ទាំងអស់​គ្នា។

យ៉ាណាមិញ​គេ​ឃើញ​មាន​មហាជន និង​អ្នកគាំទ្រ​មួយ​ចំនួន សម្តែង​ការ​ស្លុតចិត្ត​គ្រប់គ្នា បន្ទាប់ពី​បាន​ដឹង​ជុំវិញ​បញ្ហា​ដែល​លោក សាយ បាន​បង្ហើប​នូវ​រឿងរ៉ាវ​អតីតកាល​របស់​ខ្លួន កាលពី​អំឡុង​ឆ្នាំ ២០១៣ នៅ​ឯ​ស្រុក​កំណើត នា​ទឹកដី​ខេត្ត​រតនគិរី៕

អត្ថបទ ៖ ចាន់រ៉ា

The post សាយ រំលឹករឿងជាង ១០ ឆ្នាំមុន ជីវិតឆ្លងកាត់គ្រោះថ្នាក់ច្រើន និងហេតុការណ៍ដ៏អាក្រក់បំផុត appeared first on Kampuchea Thmey Daily.

សាយ បានឱ្យដឹងទៀតថា “បេះដូងអច្ឆរិយ” គឺជាកម្មវិធីបង្ហាញក្ដីស្រលាញ់ជូនកុមារនៅកម្ពុជា ដោយការជិះកង់ចេញដំណើរពីរាជធានីភ្នំពេញទៅកាន់ខេត្តកំពង់ឆ្នាំង។ លោកថា “ពួកយើងក្រុមការងារ RUN WITH SAI ស្វាគមន៍ការចូលរួមពីពុកម៉ែបងប្អូនទាំងអស់ មកចូលរួមជិះកង់ជូនដំណើរជាមួយគ្នាព្រមទាំងបរិច្ចាគជាមួយយើង ដើម្បីបង្ហាញក្ដីស្រលាញ់ជូនកុមារនៅកម្ពុជា”។

សាយ បន្ថែមទៀតថា “បេះដូងអច្ឆរិយ” បង្ហាញក្ដីស្រលាញ់ជូនកុមារនៅកម្ពុជា ខ្ញុំបាទសាយ នឹងជិះកង់ ,រត់ ,និងហែលទឹកជុំវិញបឹងទន្លេសាប ចាប់ពីថ្ងៃទី១៩ ដល់ ថ្ងៃទី ២៧ខែធ្នូ ឆ្នាំ២០២៤ ដើម្បីរៃអង្គាសថវិកាជួយដល់មន្ទីរពេទ្យគន្ធបុប្ផានិង មន្ទីរពេទ្យកុមារអង្គរខេត្តសៀមរាប ខណៈនេះក៏ជាកម្មវិធីអមព្រឹត្តិការណ៍សាទរកម្ពុជា Celebrating Cambodia ក្នុងមោទនភាពជាតិ អត្តសញ្ញាណជាតិ និងការរួបរួមក្រោមទង់ជាតិតែមួយផងដែរ។

ទន្ទឹមនេះ លោកក៏បានអំពាវនាវដល់បងប្អូនមហាជន និងសប្បុរសជន ដើម្បីចូលរួមបរិច្ចាគទាំងអស់គ្នា ដើម្បីបង្ហាញក្ដីស្រលាញ់ជូនកុមារនៅកម្ពុជា។ តារាចម្រៀង Original Song លោក អ៊ួន បឋម ហៅ សាយ ត្រូវបានមហាជនអ្នកគាំទ្រចាត់ទុកថា លោកគឺជាសិល្បករខ្មែរមួយរូប ដែលលេចធ្លោតាមរយ:កិច្ចការងារចូលរួមសង្គម ពិសេស កន្លងមក លោកក៏បានបង្កើតកម្មវិធីរត់ដើម្បីប្រមូលថវិកាជួនដល់មន្ទីពេទ្យគន្ធបុប្ផា និងមន្ទីពេទ្យកុមារអង្គរជាដើម៕ អត្ថបទ៖ ចាន់រ៉ា

The post សាយ ចាប់ផ្តើមកម្មវិធី “បេះដូងអច្ឆរិយ” ដើម្បីបង្ហាញក្តីស្រលាញ់ជូនកុមារកម្ពុជា appeared first on Kampuchea Thmey Daily.