ការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំនេះ គឺមានរយៈពេល២៦ថ្ងៃ ចាប់ផ្តើមពីថ្ងៃទី០១ រហូតដល់ថ្ងៃទី២៦ ខែឧសភា ឆ្នាំ២០២៥ រៀងរាល់ថ្ងៃ រួមទាំងថ្ងៃសៅរ៍ និងថ្ងៃអាទិត្យ ពេលព្រឹកចាប់ពីម៉ោង ៧:០០ ដល់ម៉ោង ១១:៣០នាទីថ្ងៃត្រង់ និងពេលរសៀលចាប់ពីម៉ោង ២:០០ ដល់ម៉ោង ៥:៣០នាទីល្ងាច។

លោក ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត ឬហៅកាត់ថា គ.ជ.ប បានប្រាប់កម្ពុជាថ្មី នៅថ្ងៃទី២៣ ខែឧសភានេះ ថា ក្នុងរយៈពេលជាង២០ថ្ងៃមកនេះ ដំណើរការនៃការពិនិត្យឈ្មោះ និងចុះឈ្មោះបោះឆ្នោត បាននិងកំពុងប្រព្រឹត្តទៅយ៉ាងរលូន។

បើតាមលោក ហង្ស ពុទ្ធា គិតដល់ពេលនេះ មានអ្នកមកចុះឈ្មោះក្នុងបញ្ជីបោះឆ្នោតថ្មីប្រមាណជិត ១៨ម៉ឺននាក់ហើយ ខណៈតាមការប៉ាន់ប្រមាណរបស់ គ.ជ.ប គឺប្រជាពលរដ្ឋជាង២២ម៉ឺននាក់ ដែលត្រូវបំពេញកាតព្វកិច្ចក្នុងការចុះឈ្មោះបោះឆ្នោត ក្នុងឆ្នាំ២០២៥នេះ។ ដោយឡែក ការធ្វើបច្ចុប្បន្នភាពទិន្នន័យជីវមាត្រលើរូបថត និងខ្ចៅដៃ លោក អះអាងថា សម្រេចលទ្ធផលស្ទើរ១០០% ដូចការប៉ាន់ប្រមាណ ពោលគឺមានអ្នកមកធ្វើបច្ចុប្បន្នភាពទិន្នន័យជីវមាត្រលើរូបថត និងខ្ចៅដៃជាង២លាននាក់ហើយ។

អ្នកនាំពាក្យ គ.ជ.ប សង្ឃឹមថា ក្នុងប៉ុន្មានថ្ងៃទៀតនេះ ប្រជាពលរដ្ឋ ពិសេសយុវជនដែលទើបគ្រប់អាយុ១៨ឆ្នាំ នឹងទៅចុះឈ្មោះបោះឆ្នោតថ្មីបន្ថែមទៀត ក៏ដូចជាធ្វើបច្ចុប្បន្នភាពទិន្នន័យជីវមាត្រ នៅតាមការិយាល័យចុះឈ្មោះបោះឆ្នោតស្ថិតនៅក្នុងឃុំសង្កត់ ដែលសាម៉ីខ្លួនកំពុងរស់នៅ។

នៅក្នុងការអនុវត្តតួនាទីរបស់គ.ជ.ប លោក ហង្ស ពុទ្ធា ក៏បានបញ្ជាក់ពីការជួបការលំបាកមួយចំនួន ដូចជាបញ្ហាសេវាអ៊ីនធរណេត គួបផ្សំនឹងរដូវភ្លៀងធ្លាក់មកដល់ ក៏បានធ្វើឱ្យប៉ះពាល់ ហើយមួយទៀត កុំព្យូទ័របម្រើឱ្យការងារនេះ ក៏មានភាពចាស់ និងខូចខាតមួយចំនួន។ ប៉ុន្តែលោក ថា ឧបសគ្គនេះ មិនបានរាំស្ទះដល់ដំណើរការពិនិត្យបញ្ជីឈ្មោះ និងចុះឈ្មោះបោះឆ្នោត ឆ្នាំ២០២៥នេះទេ៕

ដោយ៖ ធឿន វ៉ាន់សុង

The post ខណៈការចុះឈ្មោះបោះឆ្នោតនឹងបញ្ចប់នៅថ្ងៃ២៦ឧសភា អ្នកនាំពាក្យទទូចឱ្យពលរដ្ឋគ្រប់អាយុរួសរាន់ទៅចុះឈ្មោះ appeared first on Kampuchea Thmey Daily.

ជាមួយគ្នានេះ អ្នកនាំពាក្យគណៈកម្មាធិការជាតិរៀបចំការបោះឆ្នោត(គ.ជ.ប) ក៏បានអះអាងដែរថា ដំណើរការរលូននៃយុទ្ធនាការឃោសនាបោះឆ្នោត គឺមានការចូលរួមសហការពីសំណាក់គណបក្សទាំង១៨ផងដែរ​។ បើតាមលោក ហង្ស ពុទ្ធា ការឃោសនាបោះឆ្នោតនៅក្នុងរយៈពេល២១ថ្ងៃនេះ គឺគណបក្សនយោបាយបានធ្វើផ្សព្វផ្សាយ និងឃោសនាបានដោយស្មើភាព និងតម្លាភាព។

សូមបញ្ជាក់ថា ថ្ងៃទី២១ ខែកក្តដានេះ គឺជាថ្ងៃចុងក្រោយនៃយុទ្ធនាការឃោសនាបោះឆ្នោតជ្រើសតាំងតំណា​ងរាស្រ្ត នីតិកាលទី៧។ ដូច្នេះហើយ គណៈកម្មាធិការជាតិរៀបចំការបោះឆ្នោត(គ.ជ.ប) បានតម្រូវឲ្យគ្រប់គណបក្សនយោបាយទាំងអស់ បញ្ឈប់រាល់សកម្មភាពទាំងអស់នៅត្រឹមម៉ោង១០យប់ថ្ងៃសុក្រនេះ។ ជាមួយគ្នានេះ ប្រព័ន្ធផ្សព្វផ្សាយនានាក៏ត្រូវបញ្ឈប់ការផ្សព្វផ្សាយពាក់ព័ន្ធនឹងគណបក្សនយោបាយ និងគោលនយោបាយគណបក្សទាំង១៨ ត្រឹមម៉ោង១០យប់នេះដូចគ្នាផងដែរ៕

The post លោក ហង្ស ពុទ្ធា ៖ ការឃោសនាបោះឆ្នោតរយៈពេល២១ថ្ងៃ ប្រព្រឹត្តទៅដោយរលូន និងមានការយោគយល់គ្នាល្អ appeared first on Kampuchea Thmey Daily.

នៅក្នុងសន្និសីទសារព័ត៌មាន ក្រោយកិច្ចប្រជុំផ្សព្វផ្សាយស្ដីពីការបង្ហាញ និងសាកល្បងគុណភាពទឹកខ្មៅលុបមិនជ្រះ នៅថ្ងៃទី៦ ខែកក្កដា ឆ្នាំ២០២៣នេះ លោក ហង្ស ពុទ្ធា បានថ្លែងឱ្យដឹងថា បណ្ដឹងទី១ គឺគណបក្សប្រជាជនកម្ពុជា ប្ដឹងបុរសម្នាក់ឈ្មោះ កង សារ៉ាត់ ទាក់ទងការបង្ហោះសារនៅលើបណ្ដាញសង្គមហ្វេសប៊ុក ដែលធ្វើឱ្យប៉ះពាល់ដល់កិត្តិយស និងសេចក្ដីថ្លៃថ្នូររបស់ថ្នាក់ដឹកនាំគណបក្សប្រជាជន។ ចំណែកបណ្ដឹងទី២ ត្រូវបានលោក ហង្ស ពុទ្ធា ប្រាប់ថា ជាករណី ជនអនាមិកបានយកស្លាកសញ្ញាគណបក្សប្រជាធិបតេយ្យមូលដ្ឋានទៅបិតលើរូបថ្នាក់ដឹកនាំគណបក្សប្រជាជនកម្ពុជា។

អ្នកនាំពាក្យ គ.ជ.ប រូបនេះ បានបញ្ជាក់ថា ក្រោយទទួលបានពាក្យបណ្ដឹងជាផ្លូវការទាំងពីរនេះ ក្រុមការងាររបស់ គ.ជ.ប បានកំពុងស៊ើបអង្កេត ដើម្បីចាត់ការតាមនីតិវិធីច្បាប់ជាធរមាន។ ទន្ទឹមនេះ ពាក់ព័ន្ធនឹងជនឆ្លៀតឱកាស តាំងខ្លួនក្លាយជាមន្ត្រីតំណាងរបស់គណបក្សប្រជាជនកម្ពុជា ហើយធ្វើឱ្យប្រជាពលរដ្ឋមានការភ័ន្តច្រឡំព័ត៌មានមួយចំនួនទាក់ទងការគូសសន្លឹកឆ្នោត នាពេលកន្លងមកនេះ គ.ជ.ប ក៏កំពុងស៊ើបអង្កេតផងដែរ បើទោះបីជាមិនមានបណ្ដឹងផ្លូវការក៏ដោយ។ នេះជាការបញ្ជាក់បន្ថែមរបស់លោក ហង្ស ពុទ្ធា។

តែយ៉ាងណាមិញ លោក ហង្ស ពុទ្ធា បានអះអាងថា ជារួមក្នុងរយៈពេលនៃយុទ្ធនាការឃោសនារកសំឡេងឆ្នោតប៉ុន្មានថ្ងៃមកនេះ គឺមានសន្តិសុខ សណ្ដាប់ធ្នាប់ របៀបរៀបរយល្អប្រសើរ ក្រោមកិច្ចសហការល្អរវាងស្ថាប័ន គ.ជ.ប អាជ្ញាធរមានសមត្ថកិច្ច និងបណ្ដាគណបក្សទាំង១៨។

លោក ចាត់ទុកថា នេះជាភាពចាស់ទុំមួយទាំងគណបក្សនយោបាយ ទាំងអ្នកគាំទ្រ បើទោះបីមាននិន្នាការនយោបាយផ្ទុយគ្នាក៏ដោយ ខណៈការរៀបចំរបស់គណៈកម្មាធិការជាតិរៀបចំការបោះឆ្នោតកាន់តែមានបទពិសោធន៍ពីមួយអាណត្តិទៅមួយអាណត្តិ៕

ដោយ៖ ធឿន វ៉ាន់សុង  

The post គ.ជ.ប ទទួលបានពាក្យបណ្ដឹង២ករណីសម្រាប់យុទ្ធនាការឃោសនាបោះឆ្នោត appeared first on Kampuchea Thmey Daily.

ការឆ្លើយតបបែបនេះរបស់អ្នកនាំពាក្យ គ.ជ.ប ក្រោយអង្គការឃ្លាំមើលសិទ្ធិមនុស្ស Human Right Watch បានចេញរបាយការណ៍មួយ ដោយបានវិនិច្ឆ័យជាមុនថា ការបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣ ខាងមុខនេះ នឹងបន្តមានការលួចបន្លំសន្លឹកឆ្នោត និងមានភាពមិនប្រក្រតីដូចការបោះឆ្នោតអាណត្តិមុនៗ។

ថ្លែងប្រាប់ «កម្ពុជាថ្មី» នៅរសៀលថ្ងៃទី៥ ខែកក្កដានេះ លោក ហង្ស ពុទ្ធា សមាជិក និងជាអ្នកនាំពាក្យ គ.ជ.ប បានលើកឡើងដូច្នេះថា៖ «អង្គការ Human Right Watch ចេញរបាយការណ៍នៅពេលនេះ សរសេរបែបនេះ ហាក់កំពុងមានបំណងឱ្យមានកករល្អក់នៅក្នុងដំណើរការបោះឆ្នោតនៅកម្ពុជា»។ លោក ហង្ស ពុទ្ធា បានបញ្ជាក់ថា របាយការណ៍ដែលចោទថា មានការលួចសន្លឹកនេះ គឺមិនបានឆ្លុះបញ្ចាំងនូវទិដ្ឋភាព និងមិនបានលើកស្ទួយចំពោះដំណើរការបោះឆ្នោត ដើម្បីពង្រឹងលទ្ធិប្រជាធិបតេយ្យនៅកម្ពុជានោះទេ។ តែផ្ទុយទៅវិញ របាយការណ៍នេះបានបង្កើតឱ្យមានភាពច្របូកច្របល់ និងខុសស្រឡះពីការពិត។

ប៉ុន្តែយ៉ាងណាក៏ដោយ អ្នកនាំពាក្យរូបនេះ បានអះអាងថា គ.ជ.ប នៅតែបំពេញតួនាទីរបស់ខ្លួនស្របទៅតាមច្បាប់ដែលកំណត់ជាធរមាន ខណៈដែលប្រជាពលរដ្ឋក៏បានត្រៀមខ្លួន ដើម្បីចេញទៅចូលរួមការបោះឆ្នោតជ្រើសតាំងតំណាងរាស្ត្រ នៅពេលខាងមុខនេះ ព្រោះជោគវាសនារបស់ប្រទេសជាតិមួយនេះ ជាសិទ្ធិសម្រេចរបស់ប្រជាពលរដ្ឋខ្មែរ។

លោក បានសង្កត់ធ្ងន់ថា ទាំងប្រជាពលរដ្ឋ ទាំងស្ថាប័នរៀបចំការបោះឆ្នោត រួមទាំងគណបក្សនយោបាយ១៨ ដែលបានចុះឈ្មោះប្រកួតប្រជែង កំពុងតែធ្វើដំណើរឆ្ពោះទៅរកការបោះឆ្នោត នៅថ្ងៃទី២៣ ខែកក្កដា ឆ្នាំ២០២៣ ហើយតាមរយៈលទ្ធផលនៃការបោះឆ្នោតនឹងបង្កើតបានជារាជរដ្ឋាភិបាលមួយ ដែលជួយគាំទ្រដល់ជីវភាព និងការរស់នៅរបស់ប្រជាពលរដ្ឋខ្មែរ៕

ដោយ៖ ធឿន វ៉ាន់សុង

The post អ្នកនាំពាក្យ គ.ជ.ប ចាត់ទុករបាយការណ៍អង្គការ HRW ថា មិនបានលើកស្ទួយការបោះឆ្នោតនៅកម្ពុជាឡើយ appeared first on Kampuchea Thmey Daily.

បើតាមលោក ហង្ស ពុទ្ធា នៅក្នុងជំនួបនេះ ភាគីតំណាងគណបក្សនយោបាយទាំង៤ ដែលមានគណបក្សភ្លើងទៀន គណបក្សឆន្ទៈខ្មែរ គណបក្សប្រជាធិបតេយ្យមូលដ្ឋាន និងគណបក្សកែទម្រង់កម្ពុជា បានលើកសំណើមកកាន់ គ.ជ.ប ១៧ចំណុច ដើម្បីកែលម្អប្រព័ន្ធបោះឆ្នោតនៅកម្ពុជា។ លោក លើកឡើងថា តំណាងគណបក្សបានពន្យល់នូវចំណុចនីមួយៗដល់ក្រុមការងារ គ.ជ.ប ហើយមានចំណុចខ្លះ ត្រូវបានតំណាងគណបក្សស្នើឲ្យមានការធ្វើវិសោធនកម្មច្បាប់ទៀតផង។

ជាការឆ្លើយតប អ្នកនាំពាក្យ គ.ជ.ប រូបនេះ បានប្រាប់ភាគីគណបក្សនយោបាយវិញថា ចំណុចខ្លះមិនជាប់ពាក់ព័ន្ធនឹងសមត្ថកិច្ចរបស់ស្ថាប័ន គ.ជ.ប នោះទេ។  លោកបញ្ជាក់ថា ចំណុចខ្លះដែលតំណាងគណបក្សស្នើឡើងនេះ គឺទាក់ទងនឹងស្ថាប័នរដ្ឋសភាដែលជាស្ថាប័នរៀបចំតាក់តែងច្បាប់ និងជាកិច្ចការរបស់ក្រសួងមហាផ្ទៃ។ លោកសង្កត់ធ្ងន់ថា គ.ជ.ប គ្រាន់តែជាស្ថាប័នដែលបំពេញការងារបច្ចេកទេសនៅក្នុងការអនុវត្តច្បាប់តែប៉ុណ្ណោះ មិនមានលទ្ធភាពណា ដើម្បីកែប្រែច្បាប់ ឬស្នើឲ្យមានការធ្វើវិសោធនកម្មច្បាប់ឡើយ។

តែយ៉ាងណាក្ដី ភាគីទាំងពីរ បានទទួលស្គាល់ថា ក្នុងជំនួបរវាងស្ថាប័ន គ.ជ.ប និងតំណាងគណបក្សនយោបាយទាំង៤ គឺមានលក្ខណៈល្អប្រសើរ មានការយោគយល់គ្នា ជជែកគ្នាត្រង់ទៅត្រង់មក។  ភាគីទាំងពីរ ចាត់ទុកថា ជំនួបនេះ គឺជាយន្តការល្អអាចយកបញ្ហាមកដាក់លើតុហើយជជែកពិភាក្សាគ្នា ដើម្បីរិះរកវិធានការដោះស្រាយបញ្ហាប្រឈមដែលអាចកើតមានឡើង ជាពិសេសធ្វើយ៉ាងណាដើម្បីធានាឲ្យដំណើរការរៀបចំការបោះឆ្នោតដែលនឹងប្រព្រឹត្តទៅនៅថ្ងៃទី២៣ ខែកក្កដា ឆ្នាំ២០២៣ ខាងមុខ មានលក្ខណៈកាន់តែល្អប្រសើរឡើង៕

ដោយ ៖ ធឿន វ៉ាន់សុង

The post លោក ហង្ស ពុទ្ធា៖គ.ជ.ប នឹងពិនិត្យសំណើបក្សនយោបាយដែលស្នើសុំកែប្រព័ន្ធបោះឆ្នោតនៅកម្ពុជា appeared first on Kampuchea Thmey Daily.

លោក ហង្ស ពុទ្ធា បានថ្លែងប្រាប់អ្នកសារព័ត៌មាន នៅថ្ងៃទី១៤ ខែមិថុនា នេះថា បន្ទាប់ពីលទ្ធផលបឋម និងការបិទផ្សាយលទ្ធផលបណ្តោះអាសន្ននៃការបោះឆ្នោតឃុំ-សង្កាត់ជាសាធារណៈតាមបណ្តា គណៈកម្មការឃុំ-សង្កាត់រៀបចំការបោះឆ្នោត នៅទូទាំងប្រទេស បានបញ្ចប់ គ.ជ.ប ក៏បន្តការងារផ្ទៀងផ្ទាត់សន្លឹកឆ្នោតក្នុងការបោះឆ្នោតជ្រើសរើសក្រុមប្រឹក្សាឃុំ-សង្កាត់ រយៈពេលពីរថ្ងៃ។

លោក ហង្ស ពុទ្ធា លើកឡើងថា រយៈពេល២ថ្ងៃ នៃការផ្ទៀងផ្ទាត់សន្លឹកឆ្នោត ពីការិយាល័យបោះឆ្នោតនីមួយៗ មិនឃើញមានភាពប្រក្រតីណាមួយបានកើតឡើងទេ ដូច្នេះ គ.ជ.ប នឹងប្រកាសលទ្ធផលផ្លូវការតាមការគ្រោងទុក នៅថ្ងៃទី២៦ ខែមិថុនា ខាងមុខ។

បើតាមលោក ហង្ស ពុទ្ធា សម្រាប់គណបក្សនយោបាយ ការបោះឆ្នោតក្រុមប្រឹក្សា ឃុំ សង្កាត់ គឺដើម្បីប្រជែងយកតំណែងគ្រប់គ្រង ឬបម្រើសេវាសាធារណៈ ដល់ប្រជាពលរដ្ឋនៅមូលដ្ឋាន បើខុសគ្នាតែមួយសំឡេង ឬពីរសំឡេង ក៏ពាក់ព័ន្ធទៅដល់ការចែកអាសនៈបានដែរ។ លោកថា ភាពពិតប្រាកដដែល គ.ជ.ប បានធ្វើ រួមទាំងការប្រកាសលទ្ធផលនានា គឺជាសកម្មភាពមួយដែលត្រូវតែសុក្រិតៗ ដើម្បីធានាថា ទោះបីជាមួយសំឡេង ឬពីរសំឡេងរបស់ប្រជាពលរដ្ឋ ក៏ត្រូវបានយកមកគណនាត្រឹមត្រូវ ជូនយុត្តិធម៌ដល់គណបក្សនយោបាយ ដែលបានដាក់ឯកជនចូលប្រកួតប្រជែង។

សូមបញ្ជាក់ថា ការផ្ទៀងផ្ទាត់សន្លឹកឆ្នោតមានរយៈពេល២ថ្ងៃ គឺចាប់ពីថ្ងៃទី១៣ ដល់ថ្ងៃទី១៤ ខែមិថុនា ឆ្នាំ២០២២។ សម្រាប់ការបោះឆ្នោតឃុំ-សង្កាត់ អាណត្តិទី៥នេះ ក្នុងចំណោមប្រជាពលរដ្ឋសរុបជាង ៩ លាននាក់ មានប្រជាពលរដ្ឋចូលរួមបោះឆ្នោតចំនួនជាង ៧លាន ៣សែននាក់ បានចូលរួមបោះឆ្នោតឃុំ-សង្កាត់ អាណត្តិទី៥៕

អត្ថបទ៖ កោះកែវ

The post លោក ហង្ស ពុទ្ធា៖ ការផ្ទៀងផ្ទាត់សន្លឹកឆ្នោតរយៈពេល ២ថ្ងៃ មិនមានភាពមិនប្រក្រតី appeared first on Kampuchea Thmey Daily.

ថ្លែងនៅក្នុងឱកាសនោះ លោក ហង្ស ពុទ្ធា សមាជិក និងជាអ្នកពាក្យគណៈកម្មាធិការជាតិរៀបចំការបោះឆ្នោត (គ.ជ.ប) បានឱ្យដឹងថា នៅក្នុងការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ នេះ មានគណបក្សនយោបាយចំនួន១៧ បានចូលរួម ហើយក្នុងចំណោមគណបក្សនយោបាយទាំងនោះ មានគណបក្សខ្លះបានដាក់បេក្ខជនឈរឈ្មោះគ្រប់ឃុំ សង្កាត់ ទាំងអស់ទូទាំងប្រទេស តែគណបក្សខ្លះឈរបានត្រឹមតែ ៤ ឃុំ សង្កាត់ប៉ុណ្ណោះ។ 

បើតាមលោក ហង្ស ពុទ្ធា បានឱ្យដឹងថា ទម្រង់សន្លឹកឆ្នោតដែលត្រូវបោះពុម្ពនាពេលនេះមានប្រមាណ ១ ៦៥២ ប្រភេទ ហើយទម្រង់សន្លឹកឆ្នោតនេះ គឺផ្អែកទៅតាមលទ្ធផល នៃការចាប់ឆ្នោតលំដាប់លេខ រៀងគណបក្សនយោបាយនៅតាម ឃុំ សង្កាត់ នីមួយៗ ហើយលំដាប់លេខរៀងនេះ គ.ជ.ប យកមកដាក់នៅលើសន្លឹកឆ្នោត ដើម្បីធ្វើការបោះពុម្ព។

លោក ហង្ស ពុទ្ធា មានប្រសាសន៍ថា សន្លឹកឆ្នោតដែលត្រូវប្រើប្រាស់នៅក្នុងការបោះឆ្នោតក្រុមប្រឹក្សាឃុំសង្កាត់នេះ មានប្រមាណ ១១ ៦១១ ៤០០ សន្លឹក ហើយសន្លឹកឆ្នោតត្រៀម មានចំនួន ១២ ៣៩០ ០០ សន្លឹក។ សន្លឹកឆ្នោតនេះ ក៏មានដាក់ចំណុចពិសេស ដើម្បីធានាបានថា មិនអាចយកទៅបោះពុម្ពក្លែងក្លាយបានឡើយ។ 

លោក ហង្ស ពុទ្ធា អះអាងថា សន្លឹកឆ្នោតនេះ បានចាប់ផ្ដើមដំណើរការបោះពុម្ពតាំងពីថ្ងៃទី០៦ ខែមេសា ឆ្នាំ២០២២ មកម្លេះ ដែលមកដល់ពេលនេះ បានរួចរាល់ចំនួន១៨ ខេត្តហើយ។ 

ចំណែកលោក សោម សូរីដា អគ្គលេខាធិការរង និងជាអ្នកនាំពាក្យ គ.ជ.ប បានឱ្យដឹងដែរថា ការបោះពុម្ពសន្លឹកឆ្នោតទាំងអស់ ដែលត្រូវប្រើប្រាស់ សម្រាប់ការបោះឆ្នោតក្រុមប្រឹក្សា ឃុំ សង្កាត់ នេះ ទាំងសន្លឹកឆ្នោតបម្រុងផង អស់ទឹកប្រាក់ប្រមាណ ១០ ពាន់លានរៀល៕

អត្ថបទ៖ កោះកែវ

The post គ.ជ.ប បោះពុម្ពសន្លឹកឆ្នោត ជាង ១២,៨ លាន សន្លឹក ចំណាយប្រាក់ប្រមាណ ១០ ពាន់លានរៀល appeared first on Kampuchea Thmey Daily.

លោក ហង្ស ពុទ្ធា ​បាន​​ថ្លែង​​​ប្រាប់​​​​អ្នក​​សារ​​​ព័ត៌​​មាន​​នាព្រឹក​ថ្ងៃទី ១៨ ខែមេសានេះ​​​​ថា​ បេក្ខជន​គណ​បក្ស​​នយោ​បាយ​​ចំនួន​ ៨៦​​នាក់ ត្រូវ​​​បាន​​​​លុប​​ចេញ​ពី​បញ្ជីបោះឆ្នោត ហើយ​បញ្ជីបេក្ខជន​គណបក្ស​នយោ​បាយ​​ឈរឈ្មោះ​បោះឆ្នោត​ចំនួន ១៣ ត្រូវ​បានលុបចេញផងដែរ ក្រោយពី គ.ជ.ប​ បានបើកសវនាការ​ជាសាធារណៈ ដើម្បីសម្រេចតាមបណ្តឹងតវ៉ា។

​​បើ​​តាម​លោក ហង្ស ពុទ្ធា ​បច្ចុប្បន្ន​នេះ នៅទូទាំងប្រទេសតាមឃុំ-សង្កាត់ បាន​ចាប់ឆ្នោតយកលេខរៀង របស់គណបក្សនយោបាយ នៅលើសន្លឹកឆ្នោតរួចរាល់ហើយ​។ លោកបញ្ជាក់ថា «ការប្ដឹងតវ៉ា ការដោះស្រាយ ការឆ្លើយតប គឺ​បានចប់សព្វគ្រប់អស់ហើយ មិនមានបណ្ដឹងតវ៉ាទៀតនោះទេ ដូច្នេះ​សម្រាប់ គ.ជ.ប​ គឺត្រៀមលក្ខណៈ​ចូល​ទៅ​រកដំណាក់កាលទី ៣ គឺការឃោសនាបោះឆ្នោត»។​

សូមបញ្ជាក់ថា ការឃោសនា​បោះឆ្នោតក្រុមប្រឹក្សាឃុំ-សង្កាត់ ឆ្នាំ ២០២២​ មានរយៈពេល ១៤​ថ្ងៃ ដោយចាប់ពី​ថ្ងៃទី ២១ ខែឧសភា រហូតដល់ថ្ងៃទី ៣ ខែមិថុនា ហើយការបោះឆ្នោត នឹង​ប្រព្រឹត្តិ​ទៅ​នៅ​​ថ្ងៃទី ៥ ខែមិថុនា ឆ្នាំ ​២០២២។ ក្នុងនោះ មានគណបក្សនយោបាយ​ចំនួន ១៧ បាន​ចុះ​ឈ្មោះ​ប្រកួត​ប្រជែង​​នៅ​ក្នុងការបោះឆ្នោតនេះ។

ជាមួយគ្នានេះ ថ្នាក់ដឹកនាំ​ គ.ជ.ប​ ធ្លាប់​បានអំពាវនាវឲ្យ​ប្រជាពល​រដ្ឋ ដែលមានឈ្មោះនៅក្នុងបញ្ជីបោះឆ្នោតឆ្នាំ​ ២០២១​ ត្រៀមឯកសារសម្រាប់ប្រើប្រាស់ នៅក្នុងការបោះឆ្នោត​ ដែល​ឯកសារទាំងនោះ មានអត្តសញ្ញាណប័ណ្ណសញ្ជាតិខ្មែរ ហើយក្នុងករណីដែលមិនទាន់មាន ឬបាត់ ឬខូច ត្រូវអញ្ជើញទៅគណៈកម្មការរៀបចំការបោះឆ្នោតឃុំ-សង្កាត់ ដើម្បីបំពេញបែបបទចូលរួមបោះឆ្នោត ដែលដំណើរការនេះ នឹងត្រូវធ្វើរយៈពេលមួយខែ មុនថ្ងៃបោះឆ្នោត​៕

អត្ថបទ៖ កោះកែវ​​

The post អ្នកនាំពាក្យ ៖ ដំណើរការប្ដឹងតវ៉ា និងដោះស្រាយបណ្ដឹង ពាក់ព័ន្ធនឹងបញ្ជីបេក្ខជនឈរឈ្មោះបោះឆ្នោត បានបញ្ចប់ហើយ   appeared first on Kampuchea Thmey Daily.