ធនាគារអេស៊ីលីដាដែលជាធនារគារក្នុងស្រុកឈានមុខគេមួយ កំពុងត្រៀមធ្វើការបោះផ្សាយសញ្ញាបណ្ណបន្ទាប់បន្សំ (Subordinated-Bond) ដើម្បីកៀករគទុនចំនួន​១០០​លានដុល្លារជាលើកទី២ បន្ទាប់ពីការបោះផ្សាយសញ្ញាបណ្ណលើកទី១កាលពីខែមិនា ដោយជោគជ័យជាមួយទឹក​ប្រាក់ចំនួន១០០លានដុល្លារ។​

ថ្លែងក្នុងកិច្ចសម្ភាសន៍ពិសេសជាមួយកម្ពុជាថ្មី កាលពីថ្ងៃទី ១ ខែកញ្ញា លោកបណ្ឌិត អ៊ិន ចាន់នី ប្រធានអគ្គនាយនៃធនាគារអេស៊ីលីដា បានបញ្ជាក់ថា ធនាគារបានទទួលការអនុម័តពីធនាគារជាតិ និងនិយ័តករមូលបត្រកម្ពុជាសម្រាប់ការបោះផ្សាយសញ្ញាបណ្ណបន្ទាប់បន្សំជាលើកទីពីរនាខែកញ្ញានេះ ដែលការធ្វើបរិវិស្សកម្មបានចាប់ផ្តើមកាលពីថ្ងៃទី៨ខែកញ្ញាថ្មីៗកន្លងទៅនេះ។

លោកបានថ្លែងថា៖«អាជ្ញាធរបានពិនិត្យយ៉ាងម៉ត់ចត់លើការគ្រប់គ្រង ឯកសារព័ត៌មានជាសាធារណៈ និងភាពថ្លៃថ្នូរនិងត្រឹមត្រូវរបស់ធនាគារ មុននឹងធ្វើការអនុញ្ញាតដល់យើងការកៀរគទុនតាមរយៈការបោះផ្សាយសញ្ញាបណ្ណនេះ»។

លោក ស៊ូ សុជាតិ អគ្គនាយនៃនិយ័តករមូលបត្រកម្ពុជាបានថ្លែងប្រាប់កម្ពុជាថ្មី ក្នុងរយៈពេលប៉ុន្មានឆ្នាំចុងក្រោយនេះ បណ្តាក្រុមហ៊ុនក្នុងស្រុកមានការចាប់អារម្មណ៍ខ្លាំងក្នុងការធ្វើការកៀរគទុន តាមរយៈការបោះផ្សាយសញ្ញាបណ្ណនៅលើផ្សារមូលបត្រកម្ពុជា ដែលវាបានក្លាយជាប្រភពទុនក្នុងស្រុកមួយដ៏សំខាន់។

លោកបានថ្លែងថា៖«ភាពជោគជ័យរបស់បណ្តាក្រុមហ៊ុនមួយចំនួនដែលបានកៀរគទុនតាមរយៈការបោះផ្សាយសញ្ញាបណ្ណឆ្លុះបញ្ចាំងអំពីភាពខ្លាំងរបស់ផ្សារយើង ដោយវាបានក្លាយជាកំលាំងចលករថ្មីនៃប្រភពទុនសម្រាប់បណ្តាក្រុមហ៊ុននានា អាចកៀរគទុនពីក្នុងស្រុកបាន។ ការបោះផ្សាយសញ្ញាបណ្ណបន្ទាប់បន្សំរបស់ធនាគារអេស៊ីលីដា ក៏បង្ហាញឱ្យឃើញអំពីទំនុកចិត្តរបស់បណ្តាវិនិយោគិន ជាពិសេសការទទួលបាននូវប្រភពទុនក្នុងស្រុក»។

លោកបានលើកឡើងថា ជាយុទ្ធសាស្ត្រអាជីវកម្មរយៈពេលវែងរបស់ធនាគារត្រូវបានរៀបចំដើម្បីធានាបាននូវប្រាក់ចំណេញ និងសមត្ថភាពធន់ទៅនឹងការប្រឈមនឹងបញ្ហានានាដែលបានកំពុង និងអាចកើតមានឡើងដោយប្រការណាមួយនោះ។

លោកបណ្ឌិតបានថ្លែងយ៉ាងដូច្នេះថា៖«ធនាគារអេស៊ីលីដាតែងតែមានយុទ្ធសាស្ត្រអាជីវកម្មរយៈពេលវែង ដើម្បីទស្សន៍ទាយអនាគត និងមានវិធានការដែលរឹងមាំក្នុងការធានាបាននូវប្រាក់ចំណេញដូចដែលបានគ្រោង និងការប្រែប្រួលដើម្បីប្រឈមនឹងបញ្ហាដើម្បីរក្សាបាននូវប្រាក់ចំណូល»។ លោកថា«ការបោះផ្សាយសញ្ញាបណ្ណបំណុលនេះនឹងផ្តល់អត្ថប្រយោជន៍ទាំងស្ថាប័ន និងវិនិយោគិន ខណៈវាក៏នឹងជួយដល់ការអភិវឌ្ឍសេដ្ឋកិច្ចជាតិ​ផងដែរ»។​

ធនាគារអេស៊ីលីដា ជាធនាគារពាណិជ្ជដំបូងគេដែលបានចុះបញ្ជីបោះផ្សាយមូលបត្រកម្មសិទ្ធិនៅលើផ្សាមូលបត្រកម្ពុជាកាលពីខែ មិថុនាឆ្នាំ២០២០  លុះដល់ដើមឆ្នាំ២០២៥ ធនាគារនេះបានធ្វើការបោះផ្សាយនូវសញ្ញាបណ្ណបន្ទាប់បន្សំដោយប្រមូលទុនបាន១០០លានដុល្លារដោយជោគជ័យ៕

​

The post ​អេស៊ីលីដានឹងប្រមូលទុនប្រមាណ១០០លានដុល្លារពីការបោះផ្សាយសញ្ញាបណ្ណបន្ទាប់បន្សំក្នុងខែកញ្ញានេះ appeared first on Kampuchea Thmey Daily.

ការសហការរវាងស្ថាប័នទាំងពីរធ្វើឡើងក្នុងពិធីចុះអនុស្សរណៈនៃការយោគយល់គ្នាលើគម្រោងនេះត្រូវបានធ្វើឡើងនៅថ្ងៃទី៧ ខែមេសា ឆ្នាំ២០២៥ទៅស្នាក់ការកណ្តាលរបស់ធនាគារអេស៊ីលីដា។

លោកបណ្ឌិត អ៊ិន ចាន់នី ប្រធាននាយកប្រតិបត្តិ ធនាគារ អេស៊ីលីដា បានមានប្រសាសន៍ថា ​​អនុស្សរណៈនៃការយោគយល់គ្នា​ជា​មួយសមាគមអាម៉ាណះតាកាហ្វុលកម្ពុជា ​ គឺស្របតាមទស្សនៈ និងបេសកកម្មរបស់ធនាគារ អេស៊ីលីដា ” ជាធនាគារពាណិជ្ជនាំមុខដែលលោកអ្នកជឿទុកចិត្តបំផុតនៅប្រទេសកម្ពុជា ក្នុងការផ្តល់ និងបម្រើសេវាកម្មហិរញ្ញវត្ថុជូនដល់សាធារណជនគ្រប់មជ្ឈដ្ឋានក្នុងសហគមន៍។ ធនាគារ អេស៊ីលីដា ផ្តល់ជូនអតិថិជននូវផលិតផល និងសេវាកម្មប្រកបដោយនវានុវត្តន៍ និងសុវត្ថិភាព ដើម្បីជាមធ្យោបាយក្នុងការគ្រប់គ្រង ចាត់ចែងធនធានហិរញ្ញវត្ថុឱ្យមានប្រសិទ្ធភាពខ្ពស់។

លោកបណ្ឌិតបានថ្លែងថា៖«យើងប្រកាន់ខ្ជាប់ជានិច្ចនូវ   គោលការណ៍សីលធម៌ វិជ្ជាជីវៈ សង្គម ច្បាប់ និងបរិស្ថានប្រកបដោយកម្រិតខ្ពស់បំផុត ក្នុងគោលបំណងលើកស្ទួយជីវភាពរស់នៅឱ្យប្រសើរឡើង និងបង្កើនអត្ថប្រយោជន៍ជូនដល់គ្រប់ភាគីពាក់ព័ន្ធ​ ព្រមទាំងគាំទ្រដល់ការអភិវឌ្ឍសេដ្ឋកិច្ចជាតិទាំងមូលប្រកបដោយនិរន្តរភាព»។

អ្នកឧកញ៉ា ដាតុ បណ្ឌិត អូស្មាន ហាស្សាន់ ទេសរដ្ឋមន្ត្រីទទួលបន្ទុកបេសកកម្មពិសេស និងជាប្រធានក្រុមប្រឹក្សាសមាគមអាម៉ាណះតាកាហ្វុលកម្ពុជាបានលើកទឹកចិត្តដល់បងប្អូន​ឥស្លាមចូលរួមគាំទ្រនូវគម្រោងនេះ សំដៅពង្រឹងនិងប្រើប្រាស់នូវសេវាហិរញ្ញវត្ថុនានារបស់អេស៊ីលីដាក្នុងការប្រើប្រាស់ការទូទាត់ឬប្រកបធុរកិច្ចនានា។

អ្នកឧកញ៉ាបានថ្លែងថា៖«ការប្រើប្រាស់នូវសេវាហិរញ្ញវត្ថុតាមរយៈប្រព័ន្ធធនាគារ​ ជាពិសេសធនាគារធំ និងសាខាច្រើនបានផ្តល់អត្ថប្រយោជន៍ច្រើនដល់យើងងាយស្រួលទូទាត់ និងប្រើប្រាស់នូវប្រព័ន្ធបច្ចេកវិទ្យាដែលរហ័ស និងមានសុវត្ថិភាព»។

លោកបណ្ឌិត អ៊ិន ចាន់នី បានគូសបញ្ជាក់បន្ថែមទៀតថា​ អនុស្សរណៈនៃការយោគយល់គ្នានេះ ជាកា​​​​​រឆ្លុះបញ្ចាំងនៃការប្ដេជ្ញាចិត្តរបស់ភាគីទាំងពីរ ដើម្បីផ្ដល់ជូននូវសេវាកម្មហិរញ្ញវត្ថុ ស្របតាមច្បាប់ និងបទបទប្បញ្ញត្តិពាក់ព័ន្ធ នៃធនាគារ និងហិរញ្ញវត្ថុ ដែលគោលការណ៍ច្បាប់ឥស្លាម(ច្បាប់សារីអះ) អាចអនុលោមតាមបាន ព្រមទាំងអាចគ្រប់គ្រងហិរញ្ញវត្ថុរបស់សមាជិក CATA ទាំងអស់ដោយគ្មានបន្ទុកការប្រាក់ RIBA។

លោកបណ្ឌិតថ្លែងថា៖«ភាពជាដៃគូនេះ ក៏បានផ្តល់ជូននូវមធ្យោបាយហិរញ្ញវត្ថុប្រកបដោយតម្លាភាព និងសុវត្ថិភាព ទៅតាមគោលការណ៍នៃកម្មវិធីគម្រោង “លុយខ្ញុំស្អាត” ឬ RIBA Clearance (Wealth Purification Program) របស់សមាគមអាម៉ាណះតាកាហ្វុលកម្ពុជា (CATA) ដែលអនុញ្ញាតឱ្យបងប្អូនខ្មែរឥស្លាមអាចដាក់ប្រាក់សន្សំ គម្រោង “លុយខ្ញុំស្អាត” ឬ RIBA ការប្រាក់ត្រូវទទួលបាននឹងបរិច្ចាគដោយស្ម័គ្រចិត្ត នឹងកាត់ចេញដោយស្វ័យប្រវត្តិចូលទៅគណនី CATA ដែលមាននៅ ធនាគារ អេស៊ីលីដា សម្រាប់    កម្មវិធីគម្រោង “លុយខ្ញុំស្អាត” សម្រាប់ប្រើប្រាស់នៅក្នុងគម្រោងសហគមន៍ និងសកម្មភាពសប្បុរសធម៌នានា»។

​គិតត្រឹមដំណាច់ខែធ្នូ ឆ្នាំ២០២៤ នេះ ធនាគារ អេស៊ីលីដា មានទ្រព្យសកម្មសរុបចំនួនជាង ១០,៨៣ប៊ីលានដុល្លារអាមេរិក ប្រាក់បញ្ញើសន្សំសរុបចំនួន ៨,៣៦ប៊ីលានដុល្លារអាមេរិក និងមានអតិថិជនប្រមាណជាង ៥,៥២លាននាក់។ ធនាគារ អេស៊ីលីដា មានដៃគូអាជីវកម្ម សរុបច្រើងជាង ០,៥៥លានដៃគូ និងមានអ្នកប្រើប្រាស់អេស៊ីលីដា ស៊ូភើអេប សរុបចំនួនជាង ៤,៥៤ លាននាក់៕

The post អេស៊ីលីដាពង្រីកសេវាហិរញ្ញវត្ថុរបស់ខ្លួនទៅកាន់សហគមខ្មែរ​ឥស្លាម appeared first on Kampuchea Thmey Daily.

​កាលពីថ្ងៃទី២២ ខែមករា ឆ្នាំ២០២៥ ធនាគារ អេស៊ីលីដា ដែលជាធនាគារពាណិជ្ជទីមួយដែលបានបោះផ្សាយលក់មូលបត្រកម្មសិទ្ធិជាសាធារណៈនៅផ្សារមូលបត្រកម្ពុជា (CSX) បានធ្វើបរិវិសកម្មដំណាក់កាលទី១ ប្រកបដោយភាពជោគជ័យ ដែលមានវិនិយោគិនគុណវុឌ្ឍបញ្ជាទិញសញ្ញាបណ្ណរហូតដល់ ​ ៨៥,៨៣៧ លានដុល្លារអាមេរិក។

លុះនៅថ្ងៃទី ២៤ ខែកុម្ភៈ ធនាគារ អេស៊ីលីដា​​ បានធ្វើការបោះផ្សាយសញ្ញាបណ្ណបន្ទាប់បន្សំជាផ្លូវការនៅ CSX ​ដោយបានប្រមូលទុនជាង៨៥លានដុល្លារដើម្បីយកទៅពង្រីកអាជីវកម្មរបស់ខ្លួន។​

កាលពីថ្ងៃទី៣ និងថ្ងៃទី៤ ខែមីនាថ្មីៗនេះ ​អេស៊ីលីដា ក៏នៅតែបានបន្តទទួលបានភាពជោគជ័យក្នុងការ ធ្វើបរិវិសកម្មដំណាក់កាលទី២ លើចំនួនសញ្ញាបណ្ណដែលនៅសល់ ដោយមានវិនិយោគិនគុណវុឌ្ឍបញ្ជាទិញសញ្ញាបណ្ណ រហូតដល់ ៥៦ ​៦៥០ លានរៀល ឬជាង ១៤​លានដុល្លារអា​។ ដូច្នេះ ការធ្វើ បរិវិសកម្មទាំងពីរដំណាក់កាលមានទឹកប្រាក់សរុបចំនួន ៤០០ពាន់លានរៀល ប្រមាណជា ១០០លានដុល្លារអាមេរិក។

បើយោងតាមលោក ហុង សុហ៊ួរ ការណ៍ដែលធនាគារអេស៊ីលីដាអាចកៀរគរទុនបានប្រមាណ១០០លានដុល្លារនាដើមឆ្នាំ២០២៥នេះ បើទោះបីជាធ្វើការបោះផ្សាយលក់ចំនួនពីរដង ប៉ុន្តែការបោះផ្សាយម្តងៗតែមួយថ្ងៃគឺទទួលបានការគាំទ្រយ៉ាងច្រើនពីវិនិយោគិន។

លោកថា៖«ការណ៍នេះបញ្ចាក់ឱ្យឃើញថាវិនិយោគិនក្នុងស្រុកយើងនៅមានសាច់ប្រាក់ទំនេរច្រើនដែលអាចវិនិយោគបាន។ អ្វីដែលសំខាន់នោះគឺការវិនិយោគនេះបានផ្តល់ផលចំណេញគ្រប់គ្រាន់ និងពួកគាត់មានទំនុកចិត្តលើការវិនិយោគជាពិសេសនៅលើទីផ្សារមូលបត្រកាន់តែច្រើន»។

«នេះហើយគឺជាក្តីស្រម៉ៃរបស់យើងក្នុងការបង្កើតទីផ្សារមូលបត្រតាំងពី២០១២មក ដែលយើងអាចអនុញ្ញាតិឱ្យវិនិយោគិនអាចធ្វើការកៀរគរទុនពីទីផ្សារនេះបាន និងកាន់តែច្រើនឡើងៗដើម្បីយកទៅពង្រីកអាជីវកម្ម និងទទួលបានផលយកមកបែងចែកដល់វិនិយោគិនទៅតាមប្រភេទមូលបត្រដែលពួកគាត់បានបោះផ្សាយ»។ នេះបើតាមការថ្លែងបញ្ជាក់ពីលោក ហុង សុហ៊ួរ។

បណ្ឌិត អ៊ិន ចាន់នី ប្រធាន​នាយក​ប្រតិបត្តិ​ធនាគារ អេស៊ីលីដា ភីអិលស៊ី បាន​មាន​ប្រសាសន៍​នៅក្នុងកម្មវិធីនោះថា សញ្ញាបណ្ណបន្ទាប់បន្សំនេះ គឺជាឧបករណ៍ហិរញ្ញវត្ថុទូទៅ ដែលធនាគារជុំវិញពិភពលោក រួមទាំងធនាគារ អេស៊ីលីដា បាននិងកំពុងប្រើប្រាស់ ព្រមទាំងបានចូលរួមចំណែកក្នុងការពង្រឹង និងការពង្រីកវិសាលភាព ព្រមទាំងការបង្កើនសក្តានុពលអាជីវកម្មរបស់ធនាគារ ឱ្យកាន់តែរីកចម្រើន​ប្រកបដោយចីរភាព និងប្រសិទ្ធភាពប្រកបដោយទំនុកចិត្តពីអតិថិជន និងសាធារណជន។

លោកបានថ្លែងថា៖«ខ្ញុំបាទជឿជាក់ថា ការបោះផ្សាយសញ្ញាបណ្ណបន្ទាប់បន្សំនេះ ​និងផ្តល់ឱ្យវិនិយោគិន​ និងអតិថិជនរបស់ធនាគារនូវជម្រើសវិនិយោគមួយបន្ថែមទៀត​ជាមួយធនាគារ អេស៊ីលីដា»។

បើយោងតាមនិយ័តករមូលបត្រ​កម្ពុជា ​គិតត្រឹមថ្ងៃទី៤ខែមិនាឆ្នាំ២០២៥នេះ CSX មានក្រុមហ៊ុនចុះបញ្ជីចំនួន ២៤ ដែលមានមូលនិធិសរុបជាង ៤៧២ លានដុល្លារ។ ក្នុងចំណោមក្រុមហ៊ុនទាំង ២៤ នេះ មានក្រុមហ៊ុនចំនួន ៣ ដែលបានចុះបញ្ជីសញ្ញាប័ណ្ណបៃតង និងនិរន្តរភាព៕

The post មេ CSX​៖ ជោគជ័យនៃការកៀរគរទុនប្រមាណ​១០០លានដុល្លារពីផ្សារហ៊ុន​របស់​ធនាគារ​អេស៊ីលីដាបង្ហាញពីទំនុកចិត្ត​របស់វិនិយោគិន​មកលើទីផ្សារមូលបត្រកម្ពុជា appeared first on Kampuchea Thmey Daily.

ថ្លែងនៅក្នុងពិធីប្រកាសជាផ្លូវការនៃការទទួលបានការអនុញ្ញាតធ្វើជាអន្តរការីមូលបត្ររដ្ឋរបស់ ធនាគារ អេស៊ីលីដា ភីអិលស៊ីកាលពីនៅថ្ងៃទី២៨ ខែកុម្ភៈ ឆ្នាំ២០២៥ លោក ស៊ូ សុជាតិ  ​ថា ការទទទួលស្គាល់ធនាគារ អេស៊ីលីដា ភីអិលស៊ី ​ឱ្យធ្វើជាអន្តរការីមូលបត្ររដ្ឋគឺបង្ហាញអំពីការសហការវាងរដ្ឋនិងឯកជនក្នុងការអភវិឌ្ឍន៍ផលិតផលមូលបត្រនៅកម្ពុជាឱ្យកាន់តែមានភាពសម្បូរបែប។លោកក៏លើកទឹកចិត្តដល់សាធារណៈវិនិយោគលើមូលបត្ររដ្ឋ ព្រោះមានសុវត្ថិភាព និងមានការទូទាត់សង់ទៀងទាត់ ហើយរដ្ឋក៏ទទួលបានថវិកាសម្រាប់វិនិយោគសាធារណៈផ្សេងៗ។

លោកបានថ្លែងថា៖«មូលបត្ររដ្ឋគឺជាឧបករណ៍ហិរញ្ញវត្ថុមួយដែលមានសារៈសម្រាប់បម្រើដល់គោលនយោបាយរបស់រាជរដ្ឋាភិបាល ក្នុងការកៀរគរហិរញ្ញប្បទានទាំងក្នុងស្រុក ក្រៅស្រុក និងពីវិស័យឯកជនសម្រាប់ការអភិវឌ្ឍន៍សេដ្ឋកិច្ចនិងសង្គម។

លោកបណ្ឌិត អ៊ិន ចាន់នី ប្រធាន​នាយក​ប្រតិបត្តិ​ធនាគារ អេស៊ីលីដា ភីអិលស៊ី បាន​មាន​ប្រសាសន៍​ថា ធនាគារអេស៊ីលីដាបានចូលរួមចំណែកក្នុងការអភិវឌ្ឍន៍វិស័យមូលបត្រនៅកម្ពុជាអស់រយៈជាច្រើនឆ្នាំ។ ជាមួយនឹងការទទួលបានការអនុញ្ញាតពីនិយ័តករមូលបត្រកម្ពុជា ធ្វើជាអន្តរការីមូលបត្ររដ្ឋក្នុងវិស័យមូលបត្របង្ហាញអំពីការផ្តល់ទំនុកចិត្តនិងភាពជឿជាក់មកលើស្ថាប័នខ្លួន។

លោកបណ្ឌិតបានថ្លែងថា៖«ការទទួលការអនុញ្ញាត ធ្វើជាអន្តរការីមូលបត្ររដ្ឋក្នុង     វិស័យមូលបត្រ ដើម្បីផ្តល់សេវាកម្មនេះជូនដល់វិនិយោគិន ទាំងក្នុង និងក្រៅប្រទេសដែលមានបំណងវិនិយោគ និង/ឬជួញដូរ      មូលបត្ររដ្ឋនៅកម្ពុជា តាមរយៈធនាគារ អេស៊ីលី​ដា ដែលជាជម្រើសនៃការវិនិយោគមួយបន្ថែមទៀតប្រកបដោយ       សុវត្ថិភាព និងទទួលបានអត្ថប្រយោជន៍ និងក៏ជា ​ការចូលរួមចំណែក​ដល់ការអភិវឌ្ឍន៍នៃសេដ្ឋកិច្ចជាតិ»។

ក្រសួងសេដ្ឋកិច្ច និងហិរញ្ញវត្ថុបានឱ្យដឹងថា រដ្ឋាភិបាលនឹងធ្វើការកៀរគរទុនក្នុងស្រុកចំនួន ១២៣,៦៨៧ លានដុល្លារតាមរយៈការបោះផ្សាយលក់មូលបត្រ​រដ្ឋ​ក្នុងឆ្នាំ២០២៥នេះ ដើម្បីយកមចូលរួមគាំទ្រដល់កម្រោងវិនិយោគសាធារណៈនានា ក្នុងការជំរុញដល់សកម្ម​ភាពសេដ្ឋកិច្ច ក៏ដូចជាធ្វើការទូរទាត់សងការប្រាក់និងប្រាក់ដើមនៃ​ការបោះផ្សាយមូលបត្រ​រដ្ឋ​មុនៗ។

យោងតាមសេចក្តីប្រកាសព័ត៌មានស្តីពី ផែនការបោះផ្សាយលក់មូលបត្ររដ្ឋឆ្នាំ២០២៥ចេញផ្សាយកាលពីថ្ងៃទី១៣ខែមករា ក្រសួងសេដ្ឋកិច្ច និងហិរញ្ញវត្ថុថា ដោយអនុលោមតាមច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០២៥ និងក្របខ័ណ្ឌគោលនយោបាយស្តីពីការអភិវឌ្ឍមូលបត្ររដ្ឋ ២០២៣-២០២៨ របស់រាជរដ្ឋាភិបាល សម្រាប់ឆ្នាំ២០២៥នេះ ក្រសួងសេដ្ឋកិច្ច និងហិរញ្ញវត្ថុនឹងធ្វើការបោះផ្សាយលក់មូលបត្ររដ្ឋ តាមរយៈការដេញថ្លៃនៅលើថ្នាលរបស់ធនាគារជាតិនៃកម្ពុជា (National Bank of Cambodia Platform-NBCP) ក្នុងទំហំ ៥០០ ប៊ីលានរៀល (ឬជាង១២៣,៦៨៧ លានដុល្លារ)។

បើតាមក្រសួងសម្រាប់ការបោះផ្សាយនេះនឹងមានតម្លៃចារឹកក្នុងមួយប័ណ្ណ១លានរៀល ដែលមានឥណទានប្រតិទាន ១ឆ្នាំ ២ឆ្នាំ ៣ឆ្នាំ ៥ឆ្នាំ ១០ឆ្នាំ និង ១៥ឆ្នាំ ជាមួយអត្រាគូប៉ុងថេរ និងការទូទាត់គូប៉ុងរៀងរាល់៦ខែម្តង ដោយគិតចាប់ពីថ្ងៃបោះផ្សាយ។

​គិតត្រឹមដំណាច់ខែធ្នូ ឆ្នាំ២០២៤ នេះ ធនាគារ អេស៊ីលីដា មានទ្រព្យសកម្មសរុបចំនួនជាង ១០,៨៣ប៊ីលានដុល្លារអាមេរិក ប្រាក់បញ្ញើសន្សំសរុបចំនួន ៨,៣៦ប៊ីលានដុល្លារអាមេរិក និងមានអតិថិជនប្រមាណជាង ៥,៥២លាននាក់។ ធនាគារ អេស៊ីលីដា មានដៃគូអាជីវកម្ម សរុបច្រើងជាង ០,៥២លានដៃគូ និងមានអ្នកប្រើប្រាស់ អេស៊ីលីដា ស៊ូភើអេប សរុបចំនួនជាង ៤,៤២លាននាក់៕

The post រដ្ឋ៖ ការចូលរួមពីវិស័យឯកជនលើមូលបត្ររដ្ឋ​ជួយអភិវឌ្ឍន៍វិស័យនេះនៅកម្ពុជា appeared first on Kampuchea Thmey Daily.

ធនាគារ អេស៊ីលីដា​នៅថ្ងៃទី២៤ ខែកម្ភៈនេះ បានធ្វើការបោះផ្សាយសញ្ញាបណ្ណបន្ទាប់បន្សំជាផ្លូវការនៅផ្សារមូលបត្រកម្ពុជា​ដោយបានប្រមូលទុនជាង៨៥លានដុល្លារដើម្បីយកទៅពង្រីកអាជីវកម្ម ជាពិសេសគឺបញ្ចេញកម្ចីបន្ថែម។

កាលពីថ្ងៃទី២៥ខែមករា ធនាគារ អេស៊ីលីដា បានទទួលការអនុញ្ញាតពីធនាគារជាតិ នៃ កម្ពុជា និងនិយ័តករមូលបត្រកម្ពុជា ក្នុងការបោះផ្សាយលក់សញ្ញាបណ្ណបន្ទាប់បន្សំក្នុងទំហំទឹកប្រាក់រហូតដល់ ៤០០ពាន់លានរៀល ប្រមាណជា ១០០លានដុល្លារអាមេរិក ស្របតាមច្បាប់ និងបទប្បញ្ញត្តិពាក់ព័ន្ធ។ ទន្ទឹមនឹងនេះ ធនាគារ អេស៊ីលីដា នឹងជូនដំណឹងដល់វិនិយោគិន និងសាធារណជន អំពីការធ្វើបរិវិសកម្មទៅលើចំនួនសញ្ញាបណ្ណបន្ទាប់បន្សំដំណាក់កាលទីពីរ ​នាពេលបន្ទាប់។

​នៅថ្ងៃទី២៤ ខែកុម្ភៈ ​​ជាថ្ងៃចុះបញ្ជីលក់សញ្ញាបណ្ណបន្ទាប់បន្សំនៅផ្សារមូលបត្រកម្ពុជាជាផ្លូវការ ​តាមរយៈការធ្វើបរិវិសកម្មលើកទីមួយរបស់វិនិយោគិនគុណវុឌ្ឍិ កាលពីថ្ងៃទី២២ ខែមករា ឆ្នាំ២០២៥ ដែលទទួលបានទឹកប្រាក់រហូតដល់ ៣៤៣​ ៣៥០ លានរៀល សមមូលជាប្រាក់ដុល្លារស្មើនឹង ៨៥,៨៣៧ លានដុល្លារអាមេរិក ដែលបង្ហាញពីការផ្តល់ទំនុកចិត្ត និងការជឿជាក់ពីសំណាក់វិនិយោគិន​។

បណ្ឌិត អ៊ិន ចាន់នី ប្រធាន​នាយក​ប្រតិបត្តិ​ធនាគារ អេស៊ីលីដា ភីអិលស៊ី បាន​មាន​ប្រសាសន៍​នៅក្នុងកម្មវិធីនោះថា សញ្ញាបណ្ណបន្ទាប់បន្សំនេះផងដែរ គឺជាឧបករណ៍ហិរញ្ញវត្ថុទូទៅ ដែលធនាគារជុំវិញពិភពលោក រួមទាំងធនាគារ អេស៊ីលីដា បាននិងកំពុងប្រើប្រាស់ ព្រមទាំងបានចូលរួមចំណែកក្នុងការពង្រឹង និងការពង្រីកវិសាលភាព ព្រមទាំងការបង្កើនសក្តានុពលអាជីវកម្មរបស់ធនាគារ ឱ្យកាន់តែរីកចម្រើន​ប្រកបដោយចីរភាព និងប្រសិទ្ធភាពប្រកបដោយទំនុកចិត្តពីអតិថិជន និងសាធារណជន។

លោកបានថ្លែងថា៖«ខ្ញុំបាទជឿជាក់ថា ការបោះផ្សាយសញ្ញាបណ្ណបន្ទាប់បន្សំនេះ ​និងផ្តល់ឱ្យវិនិយោគិន​ និងអតិថិជនរបស់ធនាគារនូវជម្រើសវិនិយោគមួយបន្ថែមទៀត​ជាមួយធនាគារ អេស៊ីលីដា។ បន្ថែមពីនេះ ការបោះផ្សាយសញ្ញាបណ្ណបន្ទាប់បន្សំនេះ ជាការចូលរួមចំណែកដ៏សំខាន់ក្នុងការជំរុញកំណើន និងអភិវឌ្ឍទីផ្សារមូលធននៅព្រះរាជាណាចក្រកម្ពុជា និងជាយន្តការថ្មី សម្រាប់​ការកៀរគរប្រភពទុនក្នុងស្រុក ​សម្រាប់គាំទ្រអតិថិជន និងចូលរួមចំណែកដល់ការអភិវឌ្ឍសេដ្ឋកិច្ចជាតិ និងសង្គម»។

​លោក ហុង សុហួរ អគ្គនាយកផ្សារមូលបត្រកម្ពុជា បានថ្លែងនៅក្នុងកម្មវិធីបោះផ្សាយនោះថា ជាមួយការបោះផ្សាយរបស់ធនាគារអេស៊ីលីដានៅដើមឆ្នាំនេះ បង្ហាញឱ្យឃើញអំពីវឌ្ឍនភាពនៃវិស័យមូលបត្រកម្ពុជា។

លោកបានថ្លែងថា៖«ចំពោះការកៀរគរទុននូវទឹកប្រាក់ជាង៨៥លានដុល្លាររបស់ធនាគារអេសីលីដានេះ បង្ហាញឱ្យឃើញអំពីទំនុកចិត្តរបស់វិនិយោគិនមកលើធនាគារអេស៊ីលីដា។ យើងសង្ឃឹមថាធនាគារនឹងអាចកៀរគរទុនបាន១០០លានដុល្លារនាខែមិនាខាងមុខនេះ តាមការគ្រោងទុករបស់ធនាគារដើម្បីយកទុនពីការបោះផ្សាយសញ្ញាបណ្ណបន្ទាប់បន្សំនេះទៅពង្រីកអាជីវកម្មក៏ជាផ្តល់កម្ចីដល់អតិថិជនរបស់ខ្លួនបន្ថែមទៀត»។

លោក ស៊ូ សុជាតិ អគ្គនាយកនៃនិយ័តករមូលបត្រកម្ពុជា បានថ្លែងមកកាន់កម្ពុជាថ្មីកាលពីពេលថ្មីៗនេះថា ការអនុញ្ញាតរបស់ NBC គឺជាការបើកផ្លូវដល់អេស៊ីលីដាក្នុងការរៀបចំនីតិវិធីបន្តដើម្បីធ្វើការបោះផ្សាយនូវសញ្ញាបណ្ណបន្ទាប់បន្សំនេះជាផ្លូវការ។

លោកបានថ្លែងថា៖«សម្រាប់សញ្ញាបណ្ណបន្ទាប់បន្សំនេះគឺប្រភេទមួយនៃសញ្ញាបណ្ណទូទៅ ដែលជាធម្មតាដែលភាគច្រើនត្រូវបានបោះផ្សាយដោយគ្រឹះស្ថានធនាគារដែលជាការកំណត់អាទិភាពនៃស្ថាប័នទាំងនោះក្នុងការបោះផ្សាយ»។

គិតត្រឹមដំណាច់ខែធ្នូ ឆ្នាំ២០២៤ នេះ ធនាគារ អេស៊ីលីដា មានទ្រព្យសកម្មសរុបចំនួនជាង ១០,៨៣ប៊ីលានដុល្លារអាមេរិក ប្រាក់បញ្ញើសន្សំសរុបចំនួន ៨,៣៦ប៊ីលានដុល្លារអាមេរិក និងមានអតិថិជនប្រមាណជាង ៥,៥២លាននាក់។ ធនាគារ អេស៊ីលីដា មានដៃគូអាជីវកម្ម សរុបច្រើងជាង ០,៤៩លានដៃគូ និងមានអ្នកប្រើប្រាស់អេស៊ីលីដាម៉ូបាលសរុបចំនួនជាង ៤,២២ លាននាក់៕

​​

The post អេស៊ីលីដាប្រមូលទុនជាង​៨៥លានដុល្លារពីការបោះផ្សាយសញ្ញាបណ្ណបន្ទាប់បន្សំ appeared first on Kampuchea Thmey Daily.

ធនាគារអេស៊ីលីដា ដែលជាធនាគារពាណិជ្ជក្នុងស្រុកទី១ ដែលបានចុះបញ្ជីបោះផ្សាយមូលបត្រកម្មសិទ្ធិលើផ្សារមូលបត្រកម្ពុជា បានរាយការណ៍ថា សម្រាប់ត្រីមាសទី៤ ឆ្នាំ២០២៤  សម្ព័ន្ធធនាគារទទួលបានចំណូលសរុបចំនួន ៨៩៧,០៧ ប៊ីលានរៀល (ឬជាង ២២៣លានដុល្លារ) កើនឡើងចំនួន ២២,៩៧ ប៊ីលានរៀល (ឬជាង ៥,៧លានដុល្លារ) ស្មើនឹង ២,៦៣%។

ជាមួយគ្នានេះដែរ សម្ព័ន្ធធនាគារដែលឈានមុខគេមួយនេះក៏រកប្រាក់ចំណេញដែលផ្តល់ជូនដល់ភាគហ៊ុនិករបស់ធនាគារចំនួន ១៩២,៤១ ប៊ីលានរៀល(ឬជិត ៤៩លានដុល្លារ)  កើនឡើងចំនួន ៤១,៨៩ ប៊ីលានរៀល (ឬជាង ១០,៤២លានដុល្លារ) ស្មើនឹង ២៧,៨៣% ធៀបទៅនឹងត្រីមាសទី៤ ឆ្នាំ២០២៣។

គិតត្រឹមដំណាច់ការិយបរិច្ឆេទថ្ងៃទី៣១ ខែធ្នូ ឆ្នាំ២០២៤ ទ្រព្យសកម្មសរុបរបស់សម្ព័ន្ធធនាគារមានចំនួន ៤៣,៦១ ទ្រីលានរៀល (ឬជាង​១០,៨៥៨ពាន់លានដុល្លារ) ដែលកើនឡើងចំនួន កើនឡោះង ៩,៥៥% និងមូលធនផ្តល់ជូនភាគហ៊ុនិករបស់ធនាគារចំនួន ៥,៩៧ ទ្រីលានរៀល (ឬជាង១,៤៨៦ពាន់លានដុល្លារ) កើនឡើង ៦,២៧% ធៀបទៅនឹងដំណាច់ឆ្នាំ២០២៣៕

The post សម្ព័ន្ធអេស៊ីលីដា រកប្រាក់ចំណូលបានជាង​២២៣លានដុល្លារ ក្នុងត្រីមាសទី៤ ឆ្នាំមុន appeared first on Kampuchea Thmey Daily.

ការ​ចុះ​ហត្ថលេខា​លើ​អនុស្សរណៈ​នេះ​បាន​ធ្វើឡើង​បន្ទាប់ពី​ទទួលបាន​ការ​ឯកភាព​របស់ ឯកឧត្តម​ឧបនាយករដ្ឋមន្ត្រី រដ្ឋមន្ត្រី​ក្រសួងយុត្តិធម៌ សម្រេច​ជ្រើសរើស​យក​ធនាគារ អេស៊ីលីដា ភីអិលស៊ី ជា​ធនាគារ​ដៃគូ​សម្រាប់​ប្រតិបត្តិការ​ទូទាត់​សេវា​ស្នើសុំ​​ព្រឹត្តិបត្រ​ថ្កោលទោស តាម​ប្រព័ន្ធ​អេឡិចត្រូនិក (E-payment)។

អនុស្សរណៈ​នេះ ពិត​ជាមាន​សារៈសំខាន់​ណាស់ ដើម្បី​បន្ត​អភិវឌ្ឍន៍​យន្តការ​ព្រឹត្តិបត្រ​ថ្កោលទោស តាម​ការណែនាំ​ដ៏​ខ្ពង់ខ្ពស់​របស់ ឯកឧត្តម​ឧបនាយករដ្ឋមន្ត្រី រដ្ឋមន្ត្រី​ក្រសួងយុត្តិធម៌ ក្នុងការ​ប្រើប្រាស់​ប្រព័ន្ធ​ឌីជីថល​ជា​យន្តការ​សម្រាប់​បម្រើសេវា​សាធារណៈ ឱ្យមាន​លក្ខណៈ​កាន់តែ​ល្អ​ប្រសើរ ផ្តល់​ភាពងាយស្រួល ឆាប់រហ័ស និង​កាត់បន្ថយ​ការចំណាយ​ថវិកា​សម្រាប់​បម្រើ​សេចក្តី​ត្រូវការ​របស់​សាធារណជន ដែលមាន​តម្រូវការ​ព្រឹត្តិបត្រ​ថ្កោលទោស ស្របតាម​គតិបណ្ឌិត​ណែនាំ​ដ៏​ប្រពៃ​ថ្លៃថ្លា​របស់ សម្តេច​មហា​បវរ​ធិបតី ហ៊ុន ម៉ាណែត នាយករដ្ឋមន្ត្រី នៃ​ព្រះរាជាណាចក្រ​កម្ពុជា ជា​ទី​គោរព​ដ៏​ខ្ពង់ខ្ពស់​បំផុត នៃ​ប្រជាជន​កម្ពុជា​ទូទៅ។

ពិធី​ចុះ​អនុស្សរណៈ​នេះ មាន​ការ​អញ្ជើញ​ចូលរួម​ពី​ថ្នាក់ដឹកនាំ​ក្រសួងយុត្តិធម៌​រួមមាន ឯកឧត្តម សុន ពិសិដ្ឋ អនុរដ្ឋលេខាធិការ​ក្រសួងយុត្តិធម៌ ឯកឧត្តម ជាម សត្យា ប្រតិភូ​រាជរដ្ឋាភិបាល និង​ជា​អគ្គនាយក នៃ​អគ្គនាយកដ្ឋាន​កិច្ចការ​ទោស ព្រមទាំង​មន្ត្រី​ជំនាញ​មួយចំនួនទៀត​របស់​ក្រសួង​យុត្តិធម៌ និង​ធនាគារ អេស៊ីលីដា ផង​ដែរ៕

The post ក្រសួងយុត្តិធម៌ និង ធនាគារអេស៊ីលីដា ចុះអនុស្សរណៈស្ដីពីការ​ប្រើប្រាស់សេវាកម្មធនាគារ អេស៊ីលីដា សម្រាប់កិច្ចប្រតិបត្តិការទូទាត់សេវាស្នើសុំ​ព្រឹត្តិបត្រថ្កោលទោសតាមប្រព័ន្ធអេឡិចត្រូនិក appeared first on Kampuchea Thmey Daily.

លោក​បានលើកយោបល់​បែប​នេះ​​នៅក្នុងសិក្ខាសាលាផ្សព្វផ្សាយសៀវភៅ «ដុល្លាររូបនីយកម្មនៅកម្ពុជា៖ ទំនាក់ទំនងផ្នែកគោលនយោបាយក្នុងការអភិវឌ្ឍវិស័យហិរញ្ញវត្ថុសម្រាប់ប្រទេសអភិវឌ្ឍន៍តិចតួច» កាលពី​ថ្ងៃទី១០ ខែវិច្ឆិកា ឆ្នាំ​២០២៣ ដែលមានការ​ចូលរួម​ពី​លោក​ ជា ចាន់តូ ទេសាភិបាលកិត្តិយសធនាគារជាតិនៃកម្ពុជា និងថ្នាក់ដឹកនាំធនាគារជាតិនៃកម្ពុជា ព្រមទាំងភ្ញៀវជាតិ និងអន្តរជាតិ​ជាច្រើន​រូប​ទៀត។

លោក អ៊ិន ចាន់នី ប្រធាននាយកប្រតិបត្តិធនាគារអេស៊ីលីដាភីអិលស៊ី

លោក អ៊ិន ចាន់នី បានលើកឡើង​ថា ប្រទេសជឿនលឿន​ខ្លះ​បាន​ប្រើប្រាស់ក្រដាសប្រាក់ប្លាស្ទីកពេលត្រូវទឹកមិនផុយរលួយនិងស្វិត ដែលនឹង​​ធ្វើឱ្យពលរដ្ឋកាន់តែស្រលាញ់និងចូលចិត្តប្រើប្រាស់រូបិយណ្ណរបស់ជាតិ​។

បន្ថែមពីការពង្រឹង​គុណភាព​ក្រដាសប្រាក់រៀល លោកក៏​ចង់​ឲ្យ​ក្រដាសប្រាក់រៀលមានទំហំប៉ុនៗគ្នាព្រោះបច្ចុប្បន្នលោក​​​សង្កេត​​ឃើញ​ក្រដាសប្រាក់​រៀល​មានទំហំធំតូចដាក់ចូលហោប៉ាវអាចចេញឬលៀនចេញមកក្រៅ ប្រសិនបើបានទំហំប៉ុនៗ​​គ្នាជាការល្អ។

ទាក់ទង​ការ​ជំរុញ​ប្រើប្រាស់​ប្រាក់​រៀល​ក្នុង​ទីផ្សារ​កម្ពុជា លោក អ៊ិន ចាន់នី បានគាំទ្រចំពោះការផ្សព្វផ្សាយប្រាក់រៀលរបស់​ធនាគារជាតិដោយ​សហការជាមួយសមាគមគ្រឹះស្ថានមីក្រូហិរញ្ញវត្ថុកម្ពុជា ដែល​បានធ្វើឱ្យមហាជនបានយល់ដឹងពីសារសំខាន់នៃការប្រើប្រាក់រៀលកាន់តែច្រើនថែមទៀត។ ពិសេសប្រកាសរបស់ធនាគារជាតិស្តីពីឥណទានប្រាក់រៀលដែលតម្រូវឱ្យធនាគារនិងគ្រឹះស្ថានមីក្រូហិរញ្ញវត្ថុផ្តល់កម្ចីប្រាក់រៀល ១០ ភាគរយបច្ចុប្បន្ននេះមានការកើនឡើងលើស ១០ ភាគរយទៅទៀតដោយសារប្រជាពលរដ្ឋតម្រូការកើនឡើង។

ដោយ​ឡែក​ការ​ដាក់​ឲ្យ​ប្រើប្រាស់​ប្រព័ន្ធបាគងរបស់ធនាគារជាតិ ដែលជាមជ្ឈមណ្ឌលកណ្តាលដែលធនាគារនានាបានតភ្ជាប់ក្នុងការសម្រួលក្នុងការទូទាត់ ក៏ជាកត្តា​មួយជំរុញឱ្យការទូទាត់ប្រាក់រៀល។ ​​លោក អ៊ិន ចាន់នី បានគូសបញ្ជាក់ថា ធនាគារ​ជាតិបានបង្កើតហេដ្ឋរចនាសម្ព័ន្ធតភ្ជាប់ប្រព័ន្ធបាគងឆ្លងដែន ជាមួយបណ្តាប្រទេសមួយចំនួនដូចជាវៀតណាម ថៃ ឡាវចិនក៏បានរួមចំណែកក្នុងការទូទាត់ប្រាក់រៀលកើនឡើងផងដែរ។

​ជុំវិញ​បញ្ហា​ដុល្លាររូបនីយកម្ម​នៅ​កម្ពុជា លោក បណ្ឌិត អ៊ិន ចាន់នី លើកឡើង​ថា ប្រសិនបើចង់ដូរពីប្រាក់ដុល្លារមកប្រើប្រាក់រូបបិយបណ្ណជាតិវិញគួរតែធ្វើសន្សឹមៗដើម្បីចៀសវាងប៉ះពាល់ច្រើន ព្រោះថាការដូរពីដុល្លារទៅជារូបិយបណ្ណជាតិទាំងគំហុកបង្កឱ្យមានការប៉ះពាល់ច្រើនដល់ស្ថាប័ននិងអតិថិជន ព្រោះអតិថិជនប្រើដុល្លារមិនមែនជាប្រាក់រៀលទេ។ ដូចនេះគួរតែដូរពីដុល្លារទៅរូបិយបណ្ណជាតិដោយសន្សឹមៗ។

លោកបានលើកដោយ​យោង​របាយការណ៍របស់​ធនាគារ​ជាតិ​មកបញ្ជាក់ថា តាមរបាយការណ៍ធនាគារជាតិពីឆ្នាំ​២០១៦ ដល់ឆ្នាំ ២០២២ ការប្រើប្រាស់រូបិបណ្ណជាតិមានការបំរែបំរួលខ្លាំងដូចជាឆ្នាំ២០១៧ ប្រាក់ឥណទានដុល្លារមាន ៩៨% លុះដល់ឆ្នាំ២០២២ បានធ្លាក់ចុះនៅសល់តែ ៨៩% ខណៈប្រាក់រៀលមាន ១១% ។ ចំណែកប្រាក់សន្សំជាដុល្លារក្នុង​ឆ្នាំ​២០១៧ មាន ៩៣% ដល់ឆ្នាំ២០២២ នៅសល់ ៩០,៤%៕

អត្ថបទ៖ សំអឿន

The post មេធំ​ធនាគារអេស៊ីលីដា លើកយោបល់​ឲ្យ​​ផលិត​ក្រដាសប្រាក់រៀលជាប្លាស្ទីក​ដូចប្រទេស​ជឿនលឿន appeared first on Kampuchea Thmey Daily.