បើតាមលោក អ៊ុន ចាន់ដា ក្នុងដំណាក់កាលទី១នេះ រដ្ឋបាលខេត្តកំពង់ចាម គ្រោងរៀបចំបំពាក់អំពូលថ្មីបំភ្លឺសាធារណៈ ដោយចាប់ផ្ដើម ពីមុខភោជនីយដ្ឋាន ហាវអាន រហូតដល់ វេទិកាអ៊ុំទូក និងចាប់ពី វេទិកាអ៊ុំទូក រហូតដល់មុខ វត្តដីក្រុងកំពង់ចាម។ លោកបានណែនាំ ដល់ក្រុមហ៊ុន មេគង្គអេមើជេទីខបភើរេសិន (MAC) ត្រូវចុះសិក្សាពីការត្រៀមបំពាក់អំពូលបំភ្លឺផ្លូវ ចាប់ពីរង្វង់មូលសេះហោះ ដល់រង្វង់មូលស្ពានគីហ្សូណា និងបំពាក់អំពូលភ្លើងដែលខូចៗ ឡើងវិញនៅវិមានឯករាជ្យ រហូតដល់ សាលាខេត្តកំពង់ចាម។

លោកអភិបាលខេត្ត ក៏បានចាត់លោកនាយករងរដ្ឋបាលសាលាខេត្ត ចុះសិក្សាជាមួយ ក្រុមហ៊ុន ធ្វើការវាយតម្លៃ ចំនួនដែលត្រូវបំពាក់អំពូលថ្មីចំនួនប៉ុន្មាន ជួលជុលឡើងចំនួនប៉ុន្មាន និងតំលៃនៃការធ្វើថ្មី និងជួសជុលអស់ចំនួនប៉ុន្មាន ដើម្បីឲ្យរដ្ឋបាលធ្វើការអនុម័ត ទូទាត់ឲ្យក្រុមហ៊ុន។ ជាមួយគ្នានេះ លោកបានណែនាំដល់ក្រុមហ៊ុនត្រូវធ្វើការបំពាក់អំពូលបំភ្លឺសាធារណៈថ្មី និងជួសជុលឡើងវិញឲ្យបានរួចរាល់នៅត្រឹមដំណាច់ខែមិនា ឆ្នាំ២០២៦ ដើម្បីរដ្ឋបាលខេត្តត្រៀមរៀបចំពិធីចូលឆ្នាំខ្មែរប្រពៃណីជាតិខាងមុខ ឲ្យកាន់តែស្រស់ស្អាតសម្រាប់ប្រជាពលរដ្ឋខេត្តកំពង់ចាមផង និងភ្លៀវទេសចរណ៍ជាតិ ព្រមទាំង អរន្តជាតិ។

បើតាមការឲ្យដឹងពីក្រុមហ៊ុនមេគង្គអេមើជេទីខបភើរេសិន (MAC) ធ្វើការផ្លាស់ប្តូរអំពូលអគ្គិសនីបំភ្លឺ សាធារណៈពីការផ្ញើខ្លួនតាមបង្គោលបេតុងនានា មកបំពាក់លើបង្គោលដែក ជារបស់ក្រុមហ៊ុន ហើយអំពូលភ្លើងបំភ្លឺសាធារណៈសរុបមានចំនួន១.៧៣៨អំពូល ក្នុងនោះអំពូលបំពាក់តាមបង្គោលបេតុង នានាមានចំនួន ១.១៣១បង្គោល និងបំពាក់លើបង្គោលដែក ជារបស់ក្រុមហ៊ុនមានចំនួន ៤១០បង្គោល៕

The post អភិបាលខេត្តកំពង់ចាម គ្រោងបំពាក់អំពូលភ្លើងបំភ្លឺសាធារណៈថ្មី ក្នុងក្រុងកំពង់ចាម appeared first on Kampuchea Thmey Daily.

លោក​ ជុំ លីនដា ប្រធាន​វិស្វករនៃក្រុមហ៊ុនប៉ៃជីងអឺប៊េនខន់ស្ត្រាក់សិនគ្រុប​ បាន​​បង្ហាញ​ពី​លទ្ធផល​ការងារ​ដែលបានអនុវត្តរួចរាល់ និងកំពុងបន្តរួមមាន៖

-ការងារប្រព័ន្ធរំដោះទឹកភ្លៀងក្នុងក្រុងបានបញ្ចប់ ១០០%
-ការងារស្ថានីយបូមរំដោះទឹកភ្លៀងទឹកជំនន់ក្នុងក្រុងបានបញ្ចប់ ១០០%
-ការងារសាងសង់ស្ថានីយបូមបឋមទី១ ទី២ និងស្ថានីយមេគឺបានបញ្ចប់ ១០០%
-ការសាងសង់ស្ថានីយប្រព្រឹត្តកម្មទឹកកខ្វក់ទាំងមូលបានបញ្ចប់ ២០%
-ការងារដំឡើងបំពង់ទុយោទឹកស្អុយទាំងបីប្រភេទបានបញ្ចប់ចំនួន ៦២ គីឡូម៉ែត្រ
-ការងារជួសជុលផ្លូវកៅស៊ូ AC បានចំនួនចំនួន ២៧ គីឡូម៉ែត្រ

បើតាម​ប្រធាន​វិស្វករនៃក្រុមហ៊ុនប៉ៃជីងអឺប៊េនខន់ស្ត្រាក់សិនគ្រុប គម្រោងការងារ​ទាំងមូលគ្រោងនឹងបញ្ចប់ទាំងស្រុងតាមកុងត្រានៃកិច្ចសន្យានៅថ្ងៃទី ៣១ ខែ​ឧសភា ឆ្នាំ​២០២៦ ខាងមុខ។

ខណៈ​ដឹកនាំមន្ទីរសាធារ​ណការ និងដឹកជញ្ជូន និងមន្ត្រីពាក់ព័ន្ធចុះពិនិត្យដំណើរការសាងសង់​កាលពីម្សិលមិញនេះ លោក អ៊ុន ចាន់ដា អភិបាលខេត្ត​កំពង់ចាម​រំពឹង​ទុកថា នៅពេលគម្រោងបញ្ចប់ជាស្ថាពរ ក្រុងកំពង់ចាមនឹងមិនមានការលិច​លង់ដោយសារកត្តាទឹកភ្លៀងទៀត​នោះទេ។ ជាមួយគ្នានេះ ទឹកកខ្វក់នៅក្នុងក្រុងកំពង់ចាមទាំងមូលក៏​នឹង​ត្រូវបានគ្រប់គ្រង ដោយមិនឲ្យហូរពាស​វាល​ពាស​កាល​ចូលទៅ​ក្នុងទន្លេទៀតដែរ ពោលគឺត្រូវហូរចូលទៅក្នុងអាងប្រព្រឹត្តកម្មជាមុនសិន មុននឹងបង្ហូរទៅកាន់ប្រភពទឹក​ធម្មជាតិ។

គម្រោងសាងសង់ប្រព័ន្ធលូ និងស្ថានីយប្រព្រឹត្តកម្មទឹកកខ្វក់ក្រុងកំពង់ចាម ជាគម្រោងអភិវឌ្ឍន៍ក្រុងរបៀងមហាអនុតំបន់ទន្លេមគង្គជំហានទី៤ អនុវត្តដោយក្រសួងសាធារណការ និងដឹកជញ្ជូន ក្រោមកម្ចីហិរញ្ញប្បទានសម្បទានរបស់ធនាគារអភិវឌ្ឍអាស៊ី ADB ដែល​អនុវត្ត​ដោយក្រុមហ៊ុន ប៉េកាំង អឺបឺន ខនស្ត្រាក់សិនគ្រុប ខូអិលធីឌី Beijing Urban Constructions Group ដែលមានទំហំទឹកប្រាក់ក្នុងកិច្ចសន្យាប្រមាណជាង ២២លានដុល្លារអាមេរិក។

ផ្អែកតាមកិច្ចសន្យា គម្រោងនេះអនុវត្តការសាងសង់រយៈពេល ៣៦ ខែ ឬបីឆ្នាំ ដោយចាប់អនុវត្តពីខែធ្នូ ឆ្នាំ២០២២ រហូតដល់បំណាច់ខែឧសភា ២០២៦៕

The post ក្រុងកំពង់ចាម​នឹង​​លែង​លិច​លង់​​ ក្រោយ​ប្រព័ន្ធលូ​ស្ថាបនាបញ្ចប់ទាំង​ស្រុង​នៅ​ពេល​ខាងមុខ appeared first on Kampuchea Thmey Daily.

ការណែនាំនេះ ធ្វើឡើងក្នុងកិច្ចប្រជុំ ពិនិត្យ វាយតម្លៃវឌ្ឍនភាព យុទ្ធនាការបោសសម្អាតការឆបោកតាមប្រព័ន្ធបច្ចេកវិទ្យា (ONLINE SCAMS) នៅសាលប្រជុំតូចសាលាខេត្ត នាព្រឹកថ្ងៃទី២៣ ខែកក្កដា ឆ្នាំ២០២៥។ កិច្ចប្រជុំនេះ មានការចូលរួមពី អភិបាលរងខេត្ត, នាយក នាយករងរដ្ឋបាល, កងកម្លាំងទាំងបី, អភិបាលក្រុង/ស្រុក, ប្រធានមន្ទីរអង្គភាពជំនាញ និងមន្ត្រីពាក់ព័ន្ធមួយចំនួន។

ក្នុងឱកាសនោះ លោកអភិបាលខេត្តបានលើកឡើង អំពីយុទ្ធនាការបោសសម្អាតការឆបោកតាមប្រព័ន្ធបច្ចេកវិទ្យា ដែលរាជរដ្ឋាភិបាលបានសង្កេតឃើញថា បច្ចុប្បន្ន សកម្មភាពឆបោកតាមប្រព័ន្ធបច្ចេកវិទ្យា (ONLINE SCAMS) នៅព្រះរាជាណាចក្រកម្ពុជា បាននិងកំពុងបង្កការគំរាមកំហែង អសន្តិសុខនៅក្នុងតំបន់ និងពិភពលោក ហើយក៏ជាឱកាសដល់ក្រុមឧក្រិដ្ឋជនឆ្លៀតជ្រៀតចូលធ្វើសកម្មភាពឆបោកតាមប្រព័ន្ធបច្ចេកវិទ្យាផងដែរ។

លោក អ៊ុន ចាន់ដា បានប្រាប់ទៅអជ្ញាធរ និងសមត្ថកិច្ចពាក់ព័ន្ធទាំងអស់ ត្រូវម្ចាស់ការទទួលខុសត្រូវក្នុងការបោសសម្អាតគ្រប់ទីតាំងធ្វើសកម្មភាព ឆរបោកតាមប្រព័ន្ធបច្ចេកវិទ្យា ឱ្យអស់ពីក្នុងភូមិសាស្ត្រ និងដែនសមត្ថកិច្ចរបស់ខ្លួន ដោយត្រូវរៀបចំនីតិវិធីបណ្ដេញចេញស្របតាមច្បាប់ និងលិខិតបទដ្ឋានគតិយុត្តជាធរមាន ចំពោះជនបរទេសដែលបានចូលមកខុសច្បាប់ ឬស្នាក់នៅខុសច្បាប់ ឬធ្វើសកម្មភាពខុសច្បាប់។

បន្ថែមពីនេះ លោកអភិបាលខេត្ត ក៏បានផ្តាំផ្ញើដល់អាជ្ញាធរមានសមត្ថកិច្ចទាំងអស់ ត្រូវតែរក្សាភាពស្មោះត្រង់ ត្រឹមត្រូវ គុណធម៌ និងការទទួលខុសត្រូវខ្ពស់ ដើម្បីតម្រង់ទិសក្នុងការអនុវត្តកិច្ចការឱ្យទទួលលទ្ធផលល្អប្រសើរ៕

The post អភិបាលខេត្តកំពង់ចាម ណែនាំដល់សមត្ថកិច្ចពាក់ព័ន្ធ បង្កើនកិច្ចសហការទប់ស្កាត់ការឆបោកតាមប្រព័ន្ធបច្ចេកវិទ្យា appeared first on Kampuchea Thmey Daily.

លោក អ៊ុន ចាន់ដា បានបញ្ជាក់ថា រថយន្តពន្លត់អគ្គីភ័យ ចំនួន ៣គ្រឿងនេះ ជាអំណោយរបស់លោក នេត សាវឿន ឧបនាយករដ្ឋមន្ត្រី ប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ចាម តាមរយៈលោក ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ ក្នុងនោះ ២គ្រឿង ប្រគល់ជូនប៉ុស្តិ៍នគរបាលរដ្ឋបាលកោះរការ និងប៉ុស្តិ៍ រដ្ឋបាលកោះសំរោង នៃអធិការដ្ឋាននគរបាលស្រុកកំពង់សៀម និង ១គ្រឿងទៀត ប្រគល់ជូនប៉ុស្តិ៍ នគរបាលរដ្ឋបាលកោះសូទិន នៃអធិការដ្ឋាននគរបាលស្រុកកោះសូទិន​។

បើតាមលោក វរៈសេនីយ៍ឯក យ៉ន ឌីន នាយការិយាល័យនគរបាលបង្ការពន្លត់អគ្គីភ័យ និងសង្គ្រោះនៃស្នងការដ្ឋាននគរបាលខេត្តកំពង់ចាម បានឱ្យដឹងថា ខេត្តកំពង់ចាម មានរថយន្តពន្លត់ អគ្គីភ័យ សរុប ១៧គ្រឿង (រថយន្តស្ទូច ១គ្រឿង)។ ក្នុងនោះស្នងការដ្ឋាននគបាលខេត្ត មាន ៤គ្រឿង អធិការដ្ឋាននគរបាលស្រុកបាធាយ មាន ២គ្រឿង ស្រុកស្រីសន្ធរ មាន ២គ្រឿង ស្រុកព្រៃឈរ មាន ២គ្រឿង និងនៅតាមបណ្តាក្រុងស្រុកទាំង ៧ទៀត មានរថយន្តពន្លត់អគ្គីភ័យ ១គ្រឿងៗដូចគ្នា ដោយឡែកថ្ងៃនេះបានទទួលអំណោយរថយន្តពន្លត់អគ្គីភ័យ ចំនួន ៣គ្រឿងផងដែរ៕

The post អភិបាលខេត្តកំពង់ចាម ប្រគល់រថយន្តពន្លត់អគ្គីភ័យ ៣គ្រឿង ដល់ស្រុកចំនួន២ ដើម្បីជួយអន្តរាគមន៍បញ្ហានានាជូនពលរដ្ឋ​ appeared first on Kampuchea Thmey Daily.

ក្នុងឱកាសនោះ លោក អ៊ុន ចាន់ដា បានបញ្ជាក់ថា ដោយសារពេលកន្លងមកប្រជាពលរដ្ឋមានការត្អូញត្អែរពីផលលំបាកក្នុងការផ្គត់ផ្គងទឹកស្អាតនៅក្នុងឃុំព្រែកដំបូក ស្រុកស្រីសន្ធរ លោកក៏បានរាយការណ៍ទៅក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ក្រសួងក៏បានចាត់ឱ្យមន្ត្រីជំនាញ សហការជាមួយមន្ទីរឧស្សាហកម្មខេត្តកំពង់ចាមដែលមានតួនាទីគ្រប់គ្រងសេវាករទឹកស្អាត ឱ្យពិនិត្យមើលករណីខ្វះខាត់ទឹកស្អាតប្រើប្រាស់នៅក្នុងឃុំព្រែកដំបូក ក៏សង្កេតឃើញថាមានបញ្ហាបច្ចេកដែលនាំការផ្គត់ផ្គង់ទឹកមិនគ្រប់គ្រាន់។ ស្របពេលនោះក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ក៏បានណែនាំឱ្យសេវាករទឹកស្អាត រៀបចំបណ្ដាញចែកចាយផ្គត់ផ្គង់ទឹកថ្មីបន្ថែម ដែលបច្ចុប្បន្នសម្រេចបាន​ ៩ភូមិ​ ​/៩​ ភូមិ​ ស្មើនឹង​ ១០០​ %​ ហើយ នៅតែការ​ងារ​ជួសជុលបណ្តាញខូចខាតតែប៉ុណ្ណោះ​។

លោកបន្តថា ទន្ទឹមនឹងនេះ សេវាករទឹកស្អាតកំពុងសិក្សាផ្លាស់ប្តូរប្រព័ន្ធបណ្តាញខែ្សភ្លើងប្រវែង​ ២ ៥០០​ ម​ (រយ:ពេល​ ៦​ ខែ​ )​ និងសិក្សាពង្រីកអាងស្តុកទឹកស្អាតបន្ថែមទៀត​ ដើម្បីត្រៀមនៅពេលបន្ទុកប្រើប្រាស់ខ្លាំង​ ដោប្រើ​ (រយ:ពេល​ ៥​ ខែ)​ បន្ទាប់មកជំរុញឱ្យប្រជាពលរដ្ឋនៅក្នុងភូមិអំពិលចំនួន​ ១៣២ខ្នងផ្ទះ​/៣៨៧​ ខ្នងផ្ទះស្មើនឹង​ ៣៤.១០%​ ងៀកមក​ប្រើប្រាស់ទឹកស្អាតវិញ។

លោកអភិបាល បានបញ្ជាក់បន្ថែមថា​ បច្ចុប្បន្ន​ នៅតាមភូមិមានខ្នងផ្ទះបានប្រើប្រាស់ទឹកស្អាតចាប់ពី​ ៧០%​ ឡើងទៅបើគិតនៅ​ក្នុង​ឃុំព្រែកដំបូកទាំងមូលចំនួនខ្នងផ្ទះ(តំណ)​ដែលបានប្រើប្រាស់ទឹកស្អាត​ ១,៨៦១%/២,៣៦៣​ ខ្នងផ្ទះស្មើនឹង​ ៧៨.៧៥%​ ។ ដូច្នេះនៅសល់​ ៥០២​ ខ្នងផ្ទះ​ ស្មើនឹង​ ២១.២៤%​ទៀតនៅប្រើប្រាស់ប្រភពទឹកទន្លេខ្ពប​ ទឹកអណ្តូង​ ទឹកស្រ:​ ទឹកព្រែក​ និងទឹកភ្លៀង​ ដោយមិនបានឆ្លងកាត់ប្រព័ន្ធប្រព្រឹត្តកម្មសម្អាតទឹក​ និងការត្រួតពិនិត្យគុណភាពទឹកឡើយ​៕

The post អភិបាលខេត្តកំពង់ចាម៖ ៦ខែក្រោយ ពលរដ្ឋនៅឃុំព្រែកដំបូក ស្រុកស្រីសន្ធរ នឹងទទួលបានទឹកស្អាតប្រើប្រាស់គ្រប់គ្រាន់ appeared first on Kampuchea Thmey Daily.

លោកអភិបាលខេត្ត បានមានប្រសាសន៍ ណែនាំសមត្ថកិច្ចនគរបាល និងអ្នកពាក់ព័ន្ធ ចុះណែនាំ និងធ្វើកិច្ចសន្យាម្ចាស់មណ្ឌលកម្សាន្តនានា ដោយមិនអនុញ្ញាតឱ្យប្រើឧបករណ៍បំពងសំឡេងលើសពីម៉ោង ១០យប់នោះទេ។ ប៉ុន្តែប្រសិនបើម្ចាស់អាជីវកម្ម ដែលមានបន្ទប់បិទជិត ធ្វើឱ្យគ្មានសំឡេងបង្កការរំខានដល់ប្រជាពលរដ្ឋទេនោះ អាចបន្តលើសពីម៉ោង ១០ យប់បាន។ ដូច្នេះចំពោះម្ចាស់អាជីវកម្មណា ដែលមិនអនុវត្តទៅតាមការណែនាំរបស់សមត្ថកិច្ច ឬអាជ្ញាធរពាក់ព័ន្ធទេនោះ សមត្ថកិច្ចធ្វើការបិទអាជីវកម្មចោលតែម្ដង។

ជាមួយគ្នានោះ លោកអភិបាលខេត្ត ក៏បានជំរុញឱ្យកម្លាំងសមត្ថកិច្ច ពង្រឹងការរក្សាសន្តិសុខ និងក្តាប់មុខសញ្ញាក្មេងអាណាថា និងទប់ស្កាត់បទល្មើសចោរកម្មផ្សេងៗ ឱ្យបានម៉ឺងម៉ាត់ ដើម្បីរក្សាសេចក្តីសុខ និងសុវត្ថិភាពជូនប្រជាពលរដ្ឋ និងភ្ញៀវទេសចរណ៍ ដែលមកកម្សាន្តនៅក្នុងខេត្តកំពង់ចាម៕

The post អភិបាលខេត្តកំពង់ចាម ព្រមានបិទអាជីវកម្មមណ្ឌលកម្សាន្ត ដែលបំពងសម្លេងឮខ្លាំង ចេញក្រៅលើសពីម៉ោង ១០យប់ appeared first on Kampuchea Thmey Daily.

លោកអភិបាលខេត្ត បានមានប្រសាសន៍ថា សម្រាប់ការធ្វើស្រែប្រាំងរបស់ប្រជាកសិករដែលនៅជិតប្រភពទឹកគ្រប់គ្រាន់ អាជ្ញាធរពុំមានការហាមឃាត់នោះទេ មានតែលើកទឹកចិត្តដល់ប្រជាកសិករឱ្យស្រែប្រាំង ២ដងទៅ ៣ដង តាមលទ្ធភាព និងទៅតាមស្ថានភាពជាក់ស្តែងនៃប្រភពនៅទីនោះ។ ប៉ុន្តែ អាជ្ញាធរ សូមលើកទឹកចិត្ត និងអំពាវនាវ ដល់ប្រជាកសិករ ដែលនៅឆ្ងាយពីប្រភពទឹក ដែលធ្វើស្រែពឹងផ្អែកពីទឹកភ្លៀង សុំកុំនាំគ្នាធ្វើស្រែប្រាំងក្នុងខណៈពេលនេះ ព្រោះអាចប្រឈមខ្វះទឹកដាក់ស្រែ បណ្តាលឱ្យស្រូវស្កកឬខូចទៅវិញ។ លោកថា ការធ្វើស្រែប្រាំងក្នុងពេលនេះប្រឈមការខ្វះខាតទឹកចំពោះអ្នកនៅឆ្ងាយពីប្រភពទឹក ជាហេតុធ្វើឱ្យស្រូវស្កក ពិបាកក្នុងការដោះស្រាយទឹកដាក់ស្រែជូនប្រជាកសិករ ដើម្បីការពារកុំឱ្យប្រជាកសិករខាតបង់ថវិកា និងកម្លាំងពលកម្ម។

បន្ថែមពីនេះ លោកក៏បានជំរុញទៅដល់មន្ទីរកសិកម្ម សហការជាមួយមន្ទីរពាណិជ្ជកម្ម ស្វែងរកដៃគូសហការ ព្រមទាំងសហគ្រាសរោងចក្រកិនស្រូវ ចុះប្រមូលទិញស្រូវរបស់ប្រជាកសិករដែលពួកគាត់ផលិតបាន ដើម្បីចូលរួមលើកកម្ពស់ជីវភាពរបស់ប្រជាពលរដ្ឋឱ្យកាន់តែធូរធារ ហើយឱ្យពួកគាត់មានកម្លាំងចិត្តក្នុងការធ្វើស្រែបន្តទៅទៀត៕

The post លោក អ៊ុន ចាន់ដា អំពាវនាវប្រជាកសិករកុំនាំគ្នាធ្វើស្រែប្រាំងក្នុងពេលនេះ ព្រោះអាចប្រឈមខ្វះទឹកដាក់ស្រែ appeared first on Kampuchea Thmey Daily.

លោក អ៊ុន ចាន់ដា អភិបាលខេត្តមានប្រសាសន៍ឲ្យដឹងថា ផ្លូវក្រៅកៅស៊ូមួយខ្សែដែលមានប្រវែង ៥,៥០០ ម៉ែត្រ បានស្ថាបនារួចរាល់ជាស្ថាពរពីទីប្រជុំជន ឃុំតាំងក្រសាំងភ្ជាប់ទៅវត្តភ្នំព្រះវិហារ និងភូមិក្រដាស<ក> ភូមិក្រដាស​<ខ>​។

ក្រៅពីការចុះពិនិត្យផ្លូវនៅ​ស្រុក​បាធាយ​ លោក អ៊ុន ចាន់ដា អភិបាល​ខេត្តកំពង់ចាម ក៏បានចុះពិនិត្យមើល​សមទ្ធិផលនៅ​ក្នុងវត្តភ្នំព្រះវិហារ ដើម្បីត្រៀមរៀបចំសម្ពោធដាក់ឲ្យប្រើប្រាស់ជាផ្លូវការ នៅថ្ងៃទី ៩ ខែមីនាឆ្នាំ ២០២៥ ខាងមុខនេះ​ដែរ

អត្ថបទ​និង​រូបភាព​៖​ឡេក​ ចាន់ពេជ្រ​

The post ផ្លូវក្រាលកៅស៊ូមួយខ្សែ​ប្រវែង​ជាង ៥ គីឡូម៉ែត្រ នៅ​ស្រុក​បាធាយ​ ត្រៀមសម្ពោធ​​ដាក់​​ឲ្យ​ប្រើប្រាស់​នៅខែមីនា​នេះ appeared first on Kampuchea Thmey Daily.