ផ្លូវក្រាលកៅស៊ូមួយខ្សែ​ប្រវែង​ជាង ៥ គីឡូម៉ែត្រ នៅ​ស្រុក​បាធាយ​ ត្រៀមសម្ពោធ​​ដាក់​​ឲ្យ​ប្រើប្រាស់​នៅខែមីនា​នេះ

អភិបាលខេត្តកំពង់ចាម កាលពីថ្ងៃ​នៅថ្ងៃទី ១ ខែកុម្ភៈ ឆ្នាំ ២០២៥ បានដឹកនាំក្រុមការងារចុះពិនិត្យផ្លូវក្រាលកៅស៊ូមួយខ្សែប្រវែងជាង ៥,០០០ ម៉ែត្រ និងសមិទ្ធផលនានា​ក្នុងវត្តព្រះវិហារ ស្ថិតក្នុងឃុំតាំងក្រសាំង ស្រុកបាធាយ ដើម្បីត្រៀម​សម្ពោធដាក់ឲ្យប្រើប្រាស់ជាផ្លូវការនៅក្នុងខែមីនា ឆ្នាំ២០២៥ ខាងមុខនេះ។

លោក អ៊ុន ចាន់ដា អភិបាលខេត្តមានប្រសាសន៍ឲ្យដឹងថា ផ្លូវក្រៅកៅស៊ូមួយខ្សែដែលមានប្រវែង ៥,៥០០ ម៉ែត្រ បានស្ថាបនារួចរាល់ជាស្ថាពរពីទីប្រជុំជន ឃុំតាំងក្រសាំងភ្ជាប់ទៅវត្តភ្នំព្រះវិហារ និងភូមិក្រដាស<ក> ភូមិក្រដាស​<ខ>​។

ក្រៅពីការចុះពិនិត្យផ្លូវនៅ​ស្រុក​បាធាយ​ លោក អ៊ុន ចាន់ដា អភិបាល​ខេត្តកំពង់ចាម ក៏បានចុះពិនិត្យមើល​សមទ្ធិផលនៅ​ក្នុងវត្តភ្នំព្រះវិហារ ដើម្បីត្រៀមរៀបចំសម្ពោធដាក់ឲ្យប្រើប្រាស់ជាផ្លូវការ នៅថ្ងៃទី ៩ ខែមីនាឆ្នាំ ២០២៥ ខាងមុខនេះ​ដែរ

អត្ថបទ​និង​រូបភាព​៖​ឡេក​ ចាន់ពេជ្រ​