វត្ថុស័ក្តិសិទ្ធិ Archives - Kampuchea Thmey Daily

ក្បួនតម្កល់វត្ថុស័ក្តិសិទ្ធិក្នុងគេហដ្ឋាន ពោរពេញដោយសិរីសួស្ដី

Sonya — Sat, 31 Dec 2022 14:11:32 +0000

នៅតាមគេហដ្ឋានរបស់ប្រជាជនខ្មែរយើងភាគច្រើន តែងតែងមានវត្ថុស័ក្តិសិទ្ធិសម្រាប់តម្កល់ទុកគោរពបូជា មិនថាជាព្រះភូមិ ចេតិយ អដ្ឋិធាតុដូនតា ឬព្រះពុទ្ធរូបជាដើម។ ដូច្នេះដើម្បីរៀបចំវត្ថុស័ក្តិសិទ្ធិឱ្យបានត្រឹមត្រូវ ចូរធ្វើតាមណែនាំទាំង ៤ ខាងក្រោម។

១. ពេលវេលា៖ ចូរនាំយកវត្ថុស័ក្តិសិទ្ធិចូលទីលំនៅទៅតាមថ្ងៃដែលត្រូវធាតុនឹងម្ចាស់ផ្ទះ។ ជាការល្អ ចូរពិគ្រោះជាមួយលោកអាចារ្យ ព្រះសង្ឃ ឬគ្រូហោរ។

២. ទីតាំង៖ ការរៀបចំវត្ថុស័ក្តិសិទ្ធិ គួរតែជ្រើសរើសកន្លែងណាដែលអាចនាំនូវសេចក្តីសុខ សេចក្តីចម្រើនដល់គ្រួសារទាំងមូល ដែលកន្លេងនោះគឺនៅទល់មុខទ្វារធំ។ ចូរចៀសវាងដាក់វត្ថុស័ក្តិសិទ្ធិនៅក្បែរប្រភពទឹកដូចជា អាងចិញ្ចឹមត្រី ឬទល់នឹងជញ្ជាំងបន្ទប់ទឹក។ល។ រីឯធុងសំរាម ក៏មិនគួរយកមកទុកក្បែរដែរ។

ក្រៅពីនោះ កុំដាក់វត្ថុពិសិដ្ឋទល់មុខកញ្ចក់ ដោយសារតែវាអាចបណ្តាលឱ្យមានការឆ្លុះបញ្ចាំង ធ្វើឱ្យថាមពលនៅក្នុងផ្ទះមានភាពច្របូកច្របល់នាំឱ្យទ្រព្យសម្បត្តិមិនមានស្ថេរភាព។

៣. ការគោរពបូជា៖ គប្បីបូជាវត្ថុស័ក្តិសិទ្ធិជាទៀងទាត់ ឬថ្វាយបង្គំឱ្យបានរាល់ថ្ងៃ ពីព្រោះការអុជធូបបូជា ឬថ្វាយបង្គំអាចជំរុញថាមពលវិជ្ជមានចូលក្នុងគេហដ្ឋាន ប្រកបដោយសិរីសួស្ដី។

៤. ការថែទាំ៖ ចូរកុំទុកឲ្យវត្ថុបរិសុទ្ធកខ្វក់ ដោយសារតែធូលី សម្បុកពីងពាង ឬអាចម៍សត្វ ព្រោះតាមជំនឿគេចាត់ទុកវាជាថាមពលអាក្រក់។ ដូច្នេះចូរសម្អាតឱ្យបានទៀងទាត់ជានិច្ច៕

អត្ថបទ៖ សន្យា

ចុចអាន៖ ១០ ចំណុច គួរធ្វើមុន និងអ្វីដែលត្រូវធ្វើ ក្នុងថ្ងៃចូលឆ្នាំ ២០២៣

ចុចអាន៖ រុក្ខជាតិ ៣ប្រភេទ តាមជំនឿហុងស៊ុយ មិនគួរដាំក្បែរផ្ទះ ព្រោះអាចនាំចង្រៃ

The post ក្បួនតម្កល់វត្ថុស័ក្តិសិទ្ធិក្នុងគេហដ្ឋាន ពោរពេញដោយសិរីសួស្ដី appeared first on Kampuchea Thmey Daily.

វត្ថុ ៤ យ៉ាង គេជឿថា ជាស្នេហ៍មុខ ឲ្យគេអាណិតស្រលាញ់ អ្នកនៅលីវយូរឆ្នាំ នឹងជួបគូព្រេង

សាង ស្រីល័ក្ខ — Thu, 10 Feb 2022 04:59:13 +0000

ខណៈបុណ្យនៃក្តីស្រលាញ់ កាន់តែខិតជិតមកដល់ ថ្ងៃនេះ គ្រូ ណុប សូមណែនាំ របស់ ៤ យ៉ាង សម្រាប់បុរស-នារី ដែលនៅលីវ និងកំពុងស្វែងរកដៃគូជីវិតមកជាយូរ។

ទន្ទឹមនោះ វត្ថុ ៤ យ៉ាងនេះ មិនមែនសំដៅដល់តែរឿងស្នេហានោះទេ វាក៏ជួយឲ្យអាជីវកម្មរីកចម្រើនទៅមុខ ជាស្នេហ៍មុខ មានអតិថិជនជាប់ចិត្ត មិនជិនណាយផងដែរ។

១ រូបសំណាក់ជាគូ

រូបសំណាក់មនុស្សឱបគ្នានេះ ត្រូវបានគេជឿថា ជួយហៅស្នេហា ហៅគូស្នេហ៍ដែលឃ្លាតគ្នាណាយចិត្តវិលមកវិញ ជួយបង្កើនភាពទាក់ទាញ ជួយក្នុងជំនួញហៅលុយ ហៅមាស ឲ្យចូលមកក្នុងផ្ទះ ។

២ ខ្សែដៃគជ់ថ្មឬថ្មនាំសំណាង

-Rose Quartz ដែលជាថ្មពណ៌ផ្កាឈូក ហើយគេមានជំនឿថា បើអ្នកណាមានថ្មនេះ នឹងនាំនូវភាពមេត្តាករុណាដល់មនុស្សទូទៅ ជាពិសេស គេនឹងទទួលបានជំនួយពីមនុស្សពេញវ័យ តាមចាំជួយជានិច្ច។ ចំណែកឯរឿងស្នេហាវិញ ថ្មប្រភេទនេះ នឹងជួយឲ្យគូស្នេហ៍កាន់តែស្អិតល្មួត យូរអង្វែង ស្រលាញ់គ្នាដល់ចាស់រៀងៗខ្លួន ។

-ថ្ម Moonstone ឬ ថ្មដាហាន ជាថ្មពណ៌សទន់ មានពន្លឺពណ៌ខៀវដ៏ស្រស់ស្អាត ចេញពីខាងក្នុង។ វាត្រូវបានគេជឿថា នឹងជួយបង្កើតថាមពលសម្រាប់គូស្នេហ៍ដែលមានទំនាស់ឲ្យត្រូវរ៉ូវគ្នាវិញ។ សម្រាប់អ្នកនៅលីវ បើមានថ្មនេះជាប់ខ្លួននឹងមានគេអាណិតស្រលាញ់ចូលចិត្ត ទាក់ទាញភេទផ្ទុយមកជិតខ្លួន។

-ថ្ម Kunzite ជាថ្មពណ៌ផ្កាឈូកស្រាល ស័ក្ដិសមណាស់សម្រាប់មនុស្សដែលមិនពូកែបញ្ចេញអារម្មណ៍ ទៅកាន់អ្នកជុំវិញ ។ ថ្មប្រភេទនេះ នឹងជួយកសាងទំនុកចិត្ត ហ៊ានបញ្ចេញមតិ វាអាចនឹងជួយយើងឲ្យចែករំលែកអារម្មណ៍របស់យើងជាមួយនឹង Crush ហ៊ានសារភាព ក្លាហាន និងមានទំនុកចិត្តជាងមុន។

៣ ខ្សែដៃពណ៌ក្រហម

ខ្សែដៃនេះគេមានជំនឿថា វាទាក់ទងនឹងស្នេហា។ ដោយសារតែខ្សែពណ៌ក្រហម បានក្លាយជានិមិត្តរូបនៃសេចក្ដីស្រឡាញ់ នឹងជួយអ្នកនៅលីវបានជួបគូពិត។ ចំណែកប្ដីប្រពន្ធឬសង្សារ ជឿថា នឹងជួយឲ្យអ្នកមានជីវិតស្នេហាកាន់តែស្អិតល្មួតនិងរលូនទៅមុខ។

៤ ក្រមួនទឹកឃ្មុំ

ក្រមួនទឹកឃ្មុំ ត្រូវបានគេជឿថា នឹងបង្កើនភាពទាក់ទាញ បន្ថែមសេចក្ដីសប្បុរស ជួយមនុស្សឲ្យធ្លាក់ក្នុងអន្លង់ស្នេហ៍ វាក៏ជួយក្នុងការដោះស្រាយ ការចរចាអាជីវកម្មផងដែរ ប្រសិនបើបានពេលលាបលើបបូរមាត់៕

គ្រូ ណុប

ចុចអាន៖ផ្ទះទុកចោល អាចមានវិញ្ញាណអាក្រក់រស់នៅ ប្រើក្បួននេះ ពពួកអមនុស្សចាកឆ្ងាយ

ចុចអាន៖វេទមន្តផ្លូវងងឹតស័ក្តិសិទ្ធិអន្ទងឱ្យគូស្នេហ៍ត្រឡប់មកវិញ

The post វត្ថុ ៤ យ៉ាង គេជឿថា ជាស្នេហ៍មុខ ឲ្យគេអាណិតស្រលាញ់ អ្នកនៅលីវយូរឆ្នាំ នឹងជួបគូព្រេង appeared first on Kampuchea Thmey Daily.

វត្ថុស័ក្ដិសិទ្ធិ ៣ យ៉ាង ជួយបញ្ចៀសអំពើអាក្រក់គ្រប់ច្រកល្ហក

Sonya — Wed, 14 Jul 2021 05:14:26 +0000

ទាំងនេះជាវត្ថុ ៣ យ៉ាង គួរយកតាមខ្លួនឬទុកតាំងលម្អក្នុងគេហដ្ឋាន ការិយាល័យ ហាង និងក្រុមហ៊ុន ដើម្បីស្រូបទាញសំណាងល្អ៖

១. ព្រះពុទ្ធរូប

ក្នុងផ្ទះរបស់ពុទ្ធសាសនិក មិនគួរអត់រូបសំណាកព្រះពុទ្ធអង្គឡើយ។ រូបព្រះពុទ្ធ ជាវត្ថុស័ក្ដិសិទ្ធិ នឹងនាំសំណាងគ្រប់ពេល ជាពិសេសគេជឿថា អាចការពារវិញ្ញាណអាក្រក់ទាំងឡាយមិនឱ្យចូលមកក្បែរខ្លួន។

២. ដើមឬស្សី

កូនឬស្សីដែលគេនិយមដាំក្នុងផើង គឺជារុក្ខជាតិបញ្ចៀសសំណាងមិនល្អ ព្រមទាំងអាចផ្ដល់ភាពត្រជាក់ត្រជុំគ្រប់ច្រកល្ហក។ អ្នកមានជំនឿលើហុងស៊ុយ មិនដែលខកខាននឹងដាំដើមឬស្សីនៅផ្ទះ ឬក្រុមហ៊ុនរបស់ពួកគេនោះឡើយ ព្រោះវាតែងតែផ្ដល់សេចក្ដីសុខសប្បាយ។

៣. កាក់សំណាង

ឮតែឈ្មោះ ក៏ដឹងថាមានសំណាងបាត់ទៅហើយ! កាក់នាំសំណាង ជាវត្ថុពិសិដ្ឋដើម្បីនាំយកថាមពលល្អៗចូលមកនៅជាមួយ។ មានកាក់នេះជាប់តាមខ្លួន គេជឿថា អាចបង្កើនរាសីឱ្យខ្ពស់ត្រដែត រីឯអំពើអាក្រក់នានានឹងរលាយបាត់បង់៕

ប្រែសម្រួល៖ សន្យា

ប្រភព៖ the spurce

ចុចអាន៖ ត្បូង៧ប្រភេទនេះ គួរមានជាប់ខ្លួនក្នុងឆាកជីវិត

ចុចអាន៖ តាំងរូបសត្វ ៥ ប្រភេទក្នុងផ្ទះឬការិយាល័យ អាចជួយការពារសំណាងអាក្រក់បាន

The post វត្ថុស័ក្ដិសិទ្ធិ ៣ យ៉ាង ជួយបញ្ចៀសអំពើអាក្រក់គ្រប់ច្រកល្ហក appeared first on Kampuchea Thmey Daily.