វប្បធម៌ ជំនឿ

១០ ចំណុច គួរធ្វើមុន និងអ្វីដែលត្រូវធ្វើ ក្នុងថ្ងៃចូលឆ្នាំ ២០២៣

បានផុស

១ year មុន

នៅ

ថ្ងៃអាទិត្យ ២៥ ធ្នូ ២០២២

ដោយ

ជិតដាច់ឆ្នាំចាស់២០២២ហើយ ដើម្បីស្វាគមន៍ឆ្នាំថ្មី ចូរចាប់ផ្ដើមឆ្នាំថ្មីដោយធ្វើរឿងទាំងនេះ ដើម្បីទទួលលាភសំណាង លើករាសី និងទទួលសុភមង្គលក្នុងឆ្នាំ២០២៣ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មុនដំណាច់ឆ្នាំ គួរធ្វើរឿងដូចខាងក្រោមនេះ

១ ពិនិត្យឡើងវិញនូវកិច្ចការដែលបានធ្វើពេញមួយឆ្នាំ។ អ្វីដែលបានធ្វើកន្លងមកតើមានអ្វីខុស ដើម្បីងាយស្រួលកែលំអ និងអភិវឌ្ឍខ្លួនឯងឲ្យកាន់តែខ្លាំងជាងមុន។ ប្រសិនបើមាននរណាម្នាក់សាងកំហុស បើអាចអត់ទោសបាន ក៏អត់ទោសទៅ បើមិនអាចអត់ទោសបាន ត្រូវព្យាយាមយល់ពីទស្សនៈរបស់គាត់វិញ។

២ ធ្វើបុណ្យតាមសទ្ធាជ្រះថ្លា តាមជំនឿ កាន់សិក្ខាបទ ឧទ្ទិសកុសលកម្មផល ដល់អ្នកដែលយើងធ្លាប់ធ្វើរឿងមិនល្អណាមួយដាក់គេ ដើម្បីផ្ដល់ថាមពលឲ្យខ្លួនឯងវិញ។

៣ កំណត់គោលដៅច្បាស់លាស់សម្រាប់ឆ្នាំបន្ទាប់។ តើខ្ញុំគួរធ្វើដូចម្ដេចខ្លះ?

៤ សម្អាតផ្ទះ បោសសម្អាតធូលីដី កខ្វក់ រួចដុតចោលនៅខាងក្រៅ ដោយមិនឲ្យផ្សែងចូលមកក្នុងផ្ទះ រក្សាផ្ទះឲ្យស្អាត របស់របរខូចមិនអាចជួសជុលបានទេ គួរបោះចោលវាចុះ។ ប៉ុន្តែប្រសិនបើផ្នែកណាមួយនៅតែអាចជួសជុលបានចូរប្រញាប់បញ្ចប់មុនចូលឆ្នាំ២០២៣។ ដើម្បីត្រៀមទទួលនូវរឿងល្អៗដែលចូលមកដល់ព្រោះទេវតាសំណាង និងជោគជ័យ នឹងជ្រើសរើសឲ្យនៅក្នុងទីសមគួរ ។

អ្វីដែលត្រូវធ្វើនៅថ្ងៃចូលឆ្នាំសកល

៥ ក្រោកឡើងមុនពេលព្រះអាទិត្យរះ ជាមួយនឹងភាពស្រស់ស្រាយ មានសកម្មភាព ព្យាយាមធ្វើអ្វីគ្រប់យ៉ាងដើម្បីធ្វើឲ្យថ្ងៃនេះជាថ្ងៃល្អបំផុត។ ធ្វើវាដោយកម្លាំង ប៉ុន្តែមិនត្រូវបណ្ដោយឲ្យខ្លួនឯងលំបាកពេកទេ ។

៦ ប្រសិនបើអ្នកកាន់ពុទ្ធសាសនាចូរសូត្រធម៌ ថ្វាយបង្គំព្រះសម្មាសម្ពុទ្ធ ធ្វើទាន ធ្វើប្រគេនចង្ហាន់ព្រះសង្ឃ ធ្វើកុសលឲ្យខ្លួនឯងប្រកាន់នូវអរិយសច្ចធម៌ ជាការប្រតិបត្តិដើម្បីសម្រេចបានលទ្ធផលដូចប្រាថ្នា។

៧ ឈរនៅកន្លែងព្រះអាទិត្យរះដំបូងនៃឆ្នាំថ្មីនៅពេលព្រឹករយៈពេល ១០-១៥ នាទី ដើម្បីស្រូបយកថាមពលពីព្រះអាទិត្យដោយស្រមៃថា ថាមពលពីព្រះអាទិត្យហូរចូលមកយើង។

៨ ញ៉ាំអាហារមានជីវជាតិឲ្យបាន ៣ ពេល ចំណែកពាងទឹកត្រូវចាក់ទឹកពេញៗធុង អង្ករក៏ត្រូវពេញដែរ ដាក់លុយក្នុងកាបូបឲ្យច្រើនៗជាងធម្មតា ដើម្បីក្លាយជាល្បិចនៃឆ្នាំថ្មី វាជាឆ្នាំនៃភាពសម្បូរបែបហូរទ្រព្យសម្បត្តិចូលមកដល់ខ្លួនយើង។

៩ នាំគ្រួសារធ្វើដំណើរទៅលេងផ្ទះសាច់ញាតិដែលមានវ័យចំណាស់ ដើម្បីទទួលពរជ័យ នាំសុភមង្គលត្រលប់មកវិញ។

១០ ចូរធ្វើអំពើល្អជានិច្ច ត្រូវមានស្មារតីប្រយ័ត្នប្រយែង ធ្វើឲ្យខ្លួនមានសេចក្ដីសុខដើម្បីនាំមកនូវសំណាងល្អនៅក្នុងហិរញ្ញវត្ថុនិងស្នេហា។ មិនត្រូវធ្វើអ្វីដែលមានគ្រោះថ្នាក់ដល់ខ្លួនឯង និងអ្នកដទៃឡើយ។

ចូរចងចាំថា មិនថាឆ្នាំចាស់ឬថ្មីប្រសិនបើអ្នកប្រកាន់ខ្ចាប់អំពើល្អសុចរិតទៀងត្រង់ មិនលោភលន់ មិនចង់បានរបស់គេហួសហេតុ មិនចេះដឹងរឿងគេ មិនស៊ីត្រាវរឿងគេ ហើយគិតតែក្ដីសុខខ្លួនឯង គ្រូ ណុប ហ៊ានធានាថា ពេញមួយឆ្នាំថ្មីនេះអ្នកប្រាកដជាជួបតែស្នាមសើចលើបបូរមាត់របស់អ្នកមិនខាន។ កុំធ្វើឲ្យឆ្នាំថ្មីប្រែជាឥតន័យ ចូរសន្សំតែបុណ្យនិងអំពើល្អអ្នកណាមើលមិនឃើញភាពល្អរបស់យើង គឺជារឿងគេ សំខាន់ត្រូវរកស្នាមសើចឲ្យខ្លួនឯងឲ្យបានពេញមួយឆ្នាំ៕