នេះ​បើតាម​ការចុះផ្សាយ​ព្រឹត្តិបត្រ​ព័ត៌មាន​ទីផ្សារការងារ សម្រាប់​ឆមាស​ទី​១ ឆ្នាំ​២០២៤ របស់​ក្រសួង​ការងារ កាលពី​ថ្ងៃទី​០៩ ខែកុម្ភៈ ឆ្នាំ​២០២៤​។

បើតាម​ការ​ព្យាករ​បាន​បញ្ជាក់ថា ចន្លោះ​ឆ្នាំ​២០២៤-២០២៦​ខាងមុខ កម្ពុជា​អាច​បឹង​បង្កើត​ការងារ​បន្ថែម​ជូន​ប្រជាពលរដ្ឋ​ប្រមាណ​២៣,៥​ម៉ឺន​នាក់​ក្នុង​មួយឆ្នាំ​។ កំណើន​ការងារ​ជា​មធ្យម​ប្រមាណ​២,៥%​ក្នុង​មួយឆ្នាំ​នឹងធ្វើ​ឱ្យចំ​នួន​អ្នកមាន​ការងារ​សរុប​កើន​ឡើងដល់​ប្រមាណ​១០,២​លាន​នាក់​នៅ​ឆ្នាំ​២០២៦​។

គួរ​កត់សម្គាល់​ដែរ​ថា វិស័យ​ឧស្សាហកម្ម​ដែល​ជា​ក្បាលម៉ាស៊ីន​បង្កើត​ការងារ​ត្រូវបាន​ព្យាករ​ថា នឹង​បង្កើត​ការងារ​ប្រមាណ​១៦,៥​ម៉ឺន​នាក់​ក្នុង​មួយឆ្នាំ ឬ​ស្មើនឹង​អត្រាកំណើន​ការងារ​៥,៧%​។ រីឯ​វិស័យ​សេវាកម្ម​វិញ ត្រូវបាន​រំពឹងថា​នឹង​បង្កើត​ការងារ​ប្រមាណ​១៦,៧​ម៉ឺន​នាក់​ក្នុង​មួយឆ្នាំ ស្មើនឹង​អត្រាកំណើន​ការងារ​៤,៤%​។ និន្នាការ​កំណើន​ការងារ​នៅក្នុង​វិស័យ​ទាំង​២​នេះ គឺ​ដោយសារ​ការកើនឡើង​នៃ​តម្រូវការ​ក្នុងការ​ពង្រីក​ផលិតកម្ម​និង​អាជីវកម្ម ព្រមទាំង​ការផ្លាស់ប្តូរ​ការងារ​ពី​វិស័យ​កសិកម្ម ដែល​ត្រូវបាន​ព្យាករ​ថា​ចំនួន​ការងារ​នឹង​ថយ​ចុះ​ប្រមាណ​៩,៨​ម៉ឺន​នាក់​ក្នុង​មួយឆ្នាំ​ស្មើនឹង​អត្រា​ថយចុះ​ការងារ​៣,៥%​ក្នុង​មួយឆ្នាំ​៕

The post នៅ​ឆ្នាំ​២០២៥! វិស័យ​សេវាកម្ម និង​ឧស្សាហកម្ម​នឹង​មាន​កំណើន​ការងារ​ខ្ពស់ ខណៈ​វិស័យ​កសិកម្ម​ធ្លាក់ចុះ appeared first on Kampuchea Thmey Daily.

ប្រភពដដែលបញ្ជាក់ថា ដើម្បីពង្រឹងផលិតកម្មក្នុងស្រុក និងជៀសផុតពីសេដ្ឋកិច្ចដែលមានរចនាសម្ព័ន្ធ​ចំណាយ​តម្លៃខ្ពស់នោះ ប្រទេសកម្ពុជាគួរតែលើកបញ្ហានេះជាសកម្មភាពអាទិភាពដ៏សំខាន់មួយសម្រាប់​ការអភិវឌ្ឍស៊ីជម្រៅ​ក្នុងវិស័យសេដ្ឋកិច្ច និងសង្គមក្នុងពេលអនាគត។

ផ្អែកតាមទិន្នន័យជំរឿនសេដ្ឋកិច្ចឆ្នាំ២០២២ បានបង្ហាញថា សរុបចំណូលពីការលក់ប្រចាំឆ្នាំមានប្រមាណ៥០,៧ ប៊ីលានដុល្លារអាមេរិក ខណៈដែលការចំណាយប្រចាំឆ្នាំមានប្រមាណ ៣៨,៦ ប៊ីលានដុល្លារ ហើយនិងចំណេញ-(ខាត)ជាមធ្យមប្រចាំឆ្នាំ មានចំនួនប្រមាណ ១២,១ ប៊ីលានដុល្លារអាមេរិក។ លទ្ធផលទិន្នន័យជំរឿននេះ បានបង្ហាញទៀតថា ការចំណាយប្រចាំឆ្នាំ មានភាគចំណែកប្រមាណ ៧៦% នៃចំណូលបានពីការលក់ប្រចាំឆ្នាំ ខណៈដែលចំណេញ និង ខាត មានត្រឹមចំនួនប្រមាណ ២៣%តែប៉ុណ្ណោះ។

ក្នុងមួយឆ្នាំៗ កម្ពុជាទទួលបានចំណូលច្រើនពីនាំចេញកសិផលច្រើនមុខទៅកាន់ទីផ្សារអន្តរជាតិ ដែលបានរួម​ចំណែកជួយទ្រទង់កំណើនសេដ្ឋកិច្ច តែបញ្ហាប្រឈមសម្រាប់ខ្សែច្រវាក់ផលិតកម្មកនៅកម្ពុជា ជាពិសេស​តម្លៃនាំចេញកសិតផលទាប តែថ្លៃដើមផលិតខ្ពស់។

ប្រមុខរាជរដ្ឋាភិបាល បានជំរុញខ្សែច្រវាក់ផលិតកម្មនៅកម្ពុជា សំដៅជួយបង្កើនតម្លៃនៃការផលិតក្នុងស្រុក កាត់បន្ថយថ្លៃដើម ដើម្បីជួយដល់អ្នកផលិតឱ្យទទួលបានផលចំណេញខ្ពស់។

វិស័យឧស្សាហកម្ម និងវិស័យសេវាកម្ម បានជួយជំរុញកំណើនសេដ្ឋកិច្ចឱ្យមានសន្ទុះងើបឡើង និងបានបង្កើត​ការងារយ៉ាងច្រើនសម្រាប់ពលរដ្ឋកម្ពុជា ផងដែរ។

វិស័យឧស្សាហកម្ម ត្រូវបានព្យាករថា នឹងបន្តនិន្នាការកើនឡើងក្នុងរង្វង់ ៨,៥% ក្នុងឆ្នាំ ២០២៤ ពីប្រមាណ ៥,០% ក្នុងឆ្នាំ ២០២៣ ដោយសារការរំពឹងទុកពីការងើបឡើងវិញ អនុវិស័យកាត់ដេរ ស្របពេលដែលអនុវិស័យ​កម្មន្តសាល​មិនមែនកាត់ដេរនៅបន្តរក្សាបានកំណើនរឹងមាំ ខណៈដែលអនុវិស័យសំណង់នៅបន្តមានកំណើនទាប។ ចំណែក វិស័យសេវាកម្ម ត្រូវបានព្យាករថានឹងបន្តនិន្នាការល្អ ក្នុងអត្រាកំណើន ៦,៥% ក្នុងឆ្នាំ ២០២៤ ពីមូលដ្ឋាន​ក្នុងរង្វង់ ៨,១% ក្នុងឆ្នាំ ២០២៣ ដោយសារការបន្តងើបឡើងវិញនូវសកម្មភាពសេដ្ឋកិច្ចក្នុងស្រុក ជាពិសេស​អនុវិស័យសណ្ឋាគារ និងភោជនីយដ្ឋាន ដែលក៏នឹងមានផលជះជាវិជ្ជមានដល់អនុវិស័យគាំទ្រផ្សេងៗទៀត រួមមាន អនុវិស័យលក់ដុំ‐រាយ និង ដឹកជញ្ជូនជាដើម។ នេះបើយោង​តាមច្បាប់ស្តីពីហិរញ្ញវត្ថុសម្រាប់គ្រប់គ្រងឆ្នាំ ២០២៤៕

The post ថ្លៃដើមខ្ពស់ ធ្វើឱ្យសេដ្ឋកិច្ចកម្ពុជា ចំណាយច្រើនជាងចំណេញ​លើវិស័យឧស្សាហកម្ម និងសេវាកម្ម appeared first on Kampuchea Thmey Daily.

ប្រភពដដែលបញ្ជាក់ថា អនុវិស័យកាត់ដេរ រំពឹងថា នឹងមាននិន្នាការងើបឡើងវិញ ដោយសារការងើបឡើង នៃតម្រូវការ​សកល ជាពិសេសបណ្ដាប្រទេសជាដៃគួពាណិជ្ជកម្មរបស់កម្ពុជា រួមមាន សហរដ្ឋអាមេរិក និងសហភាពអឺរ៉ុប ជាដើម។ ជាមួយគ្នានេះ, ការដាក់ចេញនូវ ” យុទ្ធសាស្ត្រអភិវឌ្ឍន៍វិស័យកាត់ដេរ, ផលិតស្បែកជើង និងកាបូបកម្ពុជា ២០២២-​២០២៧ ក៏ត្រូវបានរំពឹងថា នឹងជួយជំរុញបរិយាកាសវិនិយោគ និងការប្រកួតប្រជែងបន្ថែមក្នុងអនុវិស័យនេះផងដែរ។

យ៉ាងណាមិញ, ភាពមិនប្រាកដប្រជាខ្ពស់នៃ ស្ថានភាពសេដ្ឋកិច្ចសកល ដែលនាំឱ្យមានភាពរង្គោះរង្គើដល់​តម្រូវការខាង​ក្រៅ ជាពិសេសទីផ្សារសំខាន់ៗរបស់កម្ពុជា រួមមាន សហរដ្ឋអាមេរិក និងសហភាពអឺរ៉ុប អាចនឹងបង្កជាបច្ច័យអវិជ្ជមាន​ដល់អនុវិស័យនេះផងដែរ។ អនុវិស័យកម្មន្តសាលមិនមែនកាត់ដេរនៅបន្តរក្សាបានភាពល្អ ដែលមួយផ្នែក​នឹងបន្តជំរុញ​ដោយការរក្សាបានតុល្យភាពនៃផលិតកម្មដែលបម្រើឱ្យតម្រូវការក្នុងស្រុក និងមួយផ្នែកទៀត គាំទ្រដោយ​ការរំពឹង​ទុកកំណើនល្អប្រសើរនៃផលិតកម្មបម្រើឱ្យការនាំចេញ។

និន្នាការល្អនៃតម្រូវការខាងក្រៅ និងកិច្ចព្រមព្រៀង​ពាណិជ្ជ​កម្មសេរី នឹងបន្តជំរុញកំណើននៃអនុវិស័យនេះ លើផ្នែកផលិត​កម្មបម្រើការនាំចេញ ជាពិសេសទៅលើផលិត​ផល​សំខាន់ៗ មួយចំនួនរួមមាន ដូចជា បន្ទះសូឡា, សំបកកង់, និងស្បែក​សត្វមានរោម ជាដើម។ ទន្ទឹមនេះ, ការដាក់​ចេញនូវ “ច្បាប់ស្ដីពីវិនិយោគនៃព្រះរាជាណាចក្រកម្ពុជា នឹងអាចរួមចំណែក​បង្កើន​បរិយាកាស​វិនិយោគ​ឱ្យកាន់តែ​មានភាពទាក់ទាញ និងប្រសើរជាងមុន។ ដោយឡែកអនុវិស័យសំណង់ ត្រូវបាន​រំពឹងថា នឹងបន្តកំណើន​ទាបជាង​និន្នាការធម្មតា ដោយសារការរំពឹងទុកងើបឡើងវិញយឺតនៃរំហូរទុនវិនិយោគពីបរទេស ជាពិសេសសម្រាប់​សំណង់​ថ្លៃខ្ពស់ ក៏ដូចជា សំណង់បម្រើឱ្យវិស័យទេសចរណ៍ និងពាណិជ្ជកម្ម ស្របពេលដែល​សកម្មភាព​សំណង់​លំនៅឋាន​ក៏ត្រូវបានរំពឹងថា នៅបន្តរក្សាកំណើន ប៉ុន្តែស្ថិតក្នុងកម្រិតទាប។

ចំណែក វិស័យសេវាកម្ម ត្រូវបានព្យាករថានឹងបន្តនិន្នាការល្អ ក្នុងអត្រាកំណើន ៦,៥% ក្នុងឆ្នាំ ២០២៤ ពីមូលដ្ឋាន​ក្នុងរង្វង់ ៨,១% ក្នុងឆ្នាំ ២០២៣ ដោយសារការបន្តងើបឡើងវិញនូវសកម្មភាពសេដ្ឋកិច្ចក្នុងស្រុក ជាពិសេស​អនុវិស័យសណ្ឋាគារ និងភោជនីយដ្ឋាន ដែលក៏នឹងមានផលជះជាវិជ្ជមានដល់អនុវិស័យគាំទ្រផ្សេងៗទៀត រួមមាន អនុវិស័យលក់ដុំ‐រាយ និង ដឹកជញ្ជូនជាដើម។ អនុវិស័យសណ្ឋាគារ និងភោជនីយដ្ឋាន បន្តនិន្នាការប្រសើរ ដោយសារការ រំពឹងទុកការងើបឡើងវិញនៃភ្ញៀវទេសចរអន្តរជាតិ ស្របពេលដែលមានភ្ញៀវ​ទេសចរជាតិក៏រំពឹងថា​នឹងបន្តកើនឡើង។ ការដាក់ចេញ និងអនុវត្តនូវ “ ក្របខ័ណ្ឌគោលនយោបាយសេដ្ឋកិច្ច និងសង្គមឌីជីថលកម្ពុជា ២០២១-២០៣៥” នឹងបង្កើនការវិនិយោគលើហេដ្ឋារចនាសម្ព័ន្ធឌីជីថល និងលើកកម្ពស់ការប្រើប្រាស់ឌីជីថល​នៅកម្ពុជា។ ជាមួយគ្នានេះ អនុវិស័យអចលនទ្រព្យ រំពឹងថានឹងបន្តនិន្នាការកើនឡើង ប៉ុន្តែក្នុងល្បឿនទាប ដោយសារការរំពឹងទុកការបន្តងើបឡើងវិញយឺតនៃរំហូរទុនវិនិយោគពីបរទេស និងកំណើនទាបនៃសកម្មភាព​ទិញ-លក់អចលនទ្រព្យ ជារួម។

ចំពោះវិស័យកសិកម្ម រំពឹងថា នឹងបន្តសម្រេចបានកំណើនល្អ ក្នុងរង្វង់ ១,១% ក្នុងឆ្នាំ២០២៤ ធៀបនឹង ០,៩% ក្នុងឆ្នាំ ២០២៣ ដោយសារការបន្តនិន្នាការល្អនៃអនុវិស័យដំណាំ និងការបន្តងើបឡើងវិញនៃអនុវិស័យនេសាទ ខណៈដែល​អនុវិស័យចិញ្ចឹមសត្វនៅបន្តមានស្ថិរភាព។ អនុវិស័យដំណាំបន្តនិន្នាការល្អ ដោយសារការរំពឹងទុកនូវកំណើន​នៃផលិត​កម្មដែលជំរុញដោយកិច្ចព្រមព្រៀងពាណិជ្ជកម្មសេរីផ្សេងៗ រួមមាន “កិច្ចព្រមព្រៀងពាណិជ្ជកម្មសេរីកម្ពុជា-ចិន”, “កិច្ចព្រមព្រៀងពាណិជ្ជកម្មសេរីកម្ពុជា-កូរ៉េ” និង “កិច្ចព្រមព្រៀងភាពជាដៃគូសេដ្ឋកិច្ចគ្រប់ ជ្រុងជ្រោយតំបន់ (RCEP)” ជាដើម គួបផ្សំនឹងការបង្កើនការវិនិយោគរបស់រាជរដ្ឋាភិបាលតាមរយៈការបន្តផ្តល់ការលើក​ទឹកចិត្តផ្នែកពន្ធសម្រាប់ការនាំ​ចូលវត្ថុធាតុដើមកសិកម្ម និងការផ្ដល់ហិរញ្ញប្បទានក្នុងការជំរុញផលិតកម្មក្នុងស្រុក។

សេដ្ឋកិច្ចកម្ពុជា ត្រូវបានព្យាករនឹងងើបឡើងវិញ ដោយរំពឹងថា នឹងសម្រេចបាន ៦,៦% ក្នុងឆ្នាំ ២០២៤ ដែលធ្វើឱ្យផលិតផលក្នុងស្រុកសរុប (ផសស) ថ្លៃបច្ចុប្បន្ន ស្ថិតក្នុងសមមូលប្រមាណ ៣៥ពាន់លានដុល្លារ ស្របពេលដែល ផសស សម្រាប់មនុស្សម្នាក់ត្រូវបានរំពឹងថា កើនឡើងដល់ ២០៧១ ដុល្លារ ប្រៀបធៀបនឹងឆ្នាំ ២០២៣ មានចំនួន ១៩១៧ ដុល្លារ៕

The post វិស័យឧស្សាហកម្ម សេវាកម្ម និងកសិកម្ម​ រំពឹងថានឹងមានកំណើន ខណៈអតិផរណា​រក្សារង្វង់ ២,៥% ក្នុងឆ្នាំ ២០២៤ appeared first on Kampuchea Thmey Daily.

កំណើននៃការព្យាករនេះ ពឹងផ្អែកលើការងើបឡើងវិញនៃសកម្មភាពសេដ្ឋកិច្ចក្នុងស្រុក ជាពិសេសអនុវិស័យផ្នែក សណ្ឋាគារ និងភោជនីយដ្ឋាន ដែលនឹងមានផលជះជាវិជ្ជមានដល់វិស័យ-អនុវិស័យគាំទ្រផ្សេងៗទៀត រួមមានអនុ វិស័យលក់ដុំ-រាយ និងដឹកជញ្ចូន ជាដើម។​

យោងតាមសេចក្ដីព្រាងច្បាប់ស្ដីពីហិរញ្ញវត្ថុសម្រាប់ការគ្រាប់គ្រងឆ្នាំ ២០២៤ បានឱ្យដឹងថា សម្រាប់អនុវិស័យផ្នែក សណ្ឋាគារ និងភោជនីយដ្ឋាន បន្តនិន្នាការប្រសើរ ដោយសារការរំពឹងទុកការងើបឡើងវិញនៃភ្ញៀវទេសចរអន្តរជាតិ ស្របពេលដែលមានភ្ញៀវទេសចរជាតិក៏រំពឹងថានឹងបន្តកើនឡើងដែរនោះ។

ដោយឡែកចំពោះ អនុវិស័យលក់ដុំ-រាយវិញ រំពឹងថានឹងបន្តនិន្នាការ កើនឡើង ដោយសារ ការរំពឹងទុកនូវការបន្តងើបឡើងវិញនូវចំណូលរបស់ប្រជាជន និងសកម្មភាពចាយវាយក្នុងស្រុក គួបផ្សំ និងការផ្លាស់ប្ដូរ ឥរិយាបថនៃអាជីវកម្ម ក៏ដូច ជាសកម្មភាពទិញ-លក់ពីបែបប្រពៃណី (Brick-And-Morta) ដោយជំនួសមកវិញនូវការប្រើប្រាស់ថ្នាលឌីជីថល ដែលការណ៍នេះនឹងបន្តជំរុញបន្ថែមទៀតដល់សកម្មភាពប្រើប្រាស់ក្នុងស្រុកជារួម។

តាមប្រភពដដែលបញ្ជាក់ថា អនុវិស័យដឹកជញ្ជូន និងគមនាគមន៍​ ត្រូវបានរំពឹងថានឹងបន្តកើនឡើង ដែលគាំទ្រដោយ ការបន្តងើបឡើងនៃសកម្មភាព​ដឹកជញ្ជូនបម្រើឱ្យវិស័យទេសចរណ៍ និងពាណិជ្ជកម្ម ស្របពេលដែលសកម្មភាព គមនាគមន៍ក៏នៅបន្តរក្សានិន្នាការល្អប្រសើរ ដោយសារការបន្តកើន​ឡើងនូវការប្រើប្រាស់អ៊ីនធឺណិត និងឌីជីថលក្នុង អាជីវកម្ម និងជីវភាពប្រចាំថ្ងៃក្នុងគន្លងប្រក្រតីភាពថ្មី។

ទន្ទឹមនេះ ការដាក់ចេញ និងអនុវត្តនូវ «ក្របខ័ណ្ឌគោលនយោបាយសេដ្ឋកិច្ច និងសង្គមឌីជីថលកម្ពុជា ២០២១ -២០៣៥» នឹងបង្កើនការវិនិយោគ​លើហេដ្ឋារចនាសម្ព័ន្ធឌីជីថល និងលើកកម្ពស់ការប្រើប្រាស់ឌីជីថលនៅកម្ពុជាផងដែរ។

យ៉ាងណាមិញ អនុវិស័យអចលនទ្រព្យ រំពឹងថានឹងបន្តនិន្នាការកើនឡើង ប៉ុន្តែក្នុងល្បឿនទាប ដោយសារការរំពឹងទុកការ បន្តងើបឡើងវិញយឺត​នៃរំហូរទុនវិនិយោគពីបរទេស និងកំណើនទាបនៃសកម្មភាពទិញ-លក់ អចលនទ្រព្យ៕

អត្ថបទ៖ ផល ធារិត

The post វិស័យសេវាកម្មកម្ពុជា រំពឹងកំណើនជិត ៧ ភាគរយ ឆ្នាំ ២០២៤ appeared first on Kampuchea Thmey Daily.

លោក ទៀង សូលី ម្ចាស់កាណូតដឹកភ្ញៀវទេសចរចុងឃ្នៀស បានប្រាប់មកសារព័ត៌មានកម្ពុជាថ្មី នៅថ្ងៃទី ៩ ខែសីហា ឆ្នាំ ២០២៣នេះថា សេវាកម្មដឹកភ្ញៀវតាមកាណូតរបស់លោកបច្ចុប្បន្ន គឺទទួលបានភ្ញៀវទេសចរអន្តរជាតិមានចំនួនច្រើនជាងភ្ញៀវជាតិ។ លោកបន្ថែមថា សេវាកម្មរបស់លោក មានលក់សំបុត្រជាកញ្ចប់ ដោយចាប់ពីកញ្ចប់ ៥នាក់ឡើងទៅ ត្រូវបង់ប្រាក់ចាប់ពី ២៥ដុល្លារ ដល់ ៩០ដុល្លារ អាស្រ័យទៅតាមចំនួនម​នុស្សតិច ឬច្រើន។ ក្រៅពីនេះ ភ្ញៀវទេសចរ ក៏អាចអាចទិញសំបុត្រដើម្បីជិះកាណូតទេសចរលក្ខណៈគ្រួសារបានដែរ តែត្រូវបង់ប្រាក់ជាកញ្ចប់ដូចភ្លៀវទេសចរបរទេសទូទៅដែរ។

លោក ទៀង សូលី បានសំណូមពរដល់ក្រសួង-ស្ថាប័នពាក់ព័ន្ធ ជួយគិតគូរដល់ថ្លៃសំបុត្រសម្រាប់ភ្ញៀវទេសចរជាតិ ឲ្យមកនៅត្រឹមតម្លៃសមរម្យមួយ ដែលខុសពីតម្លៃសំបុត្ររបស់ភ្ញៀវបរទេស។ លោកមើលឃើញថា ភ្ញៀវទេសចរជាតិក្នុងស្រុក ពួកគាត់មិនសូវសម្បូរប្រាក់ក្នុងការចាយវាយ ដូចទៅនឹងភ្ញៀវបរទេសនោះឡើយ។ លោកបន្តថា កត្តាទាំងនេះហើយទើបធ្វើឲ្យសេវាកម្មរបស់លោក ​បាត់បង់ភ្ញៀវជាតិច្រើន ក្នុងមួយរយៈកន្លងមកនេះ។  

ចំណែកលោក កែវ សុផុន ម្ចាស់កាណូតដឹកភ្ញៀវទេសចរណ៍ធម្មជាតិកំពង់ឃ្លាំង ក៏បានប្រាប់កម្ពុជាថ្មីថា សេវាកម្មរបស់លោកមួយរយៈពេលនេះ សម្បូរទៅដោយភ្ញៀវអន្តរជាតិដែរ ដោយមួយថ្ងៃទទួលបានភ្ញៀវចំនួន ១០ក្រុម។ ចំណែកតម្លៃសំបុត្រគឺ ១ក្រុម ត្រូវចំណាយ ១០ ម៉ឺនរៀល ស្មើនឹង ២៥ដុល្លារ អាស្រ័យទៅនឹងចំនួនភ្ញៀវតិច ឬច្រើន នៃក្រុមភ្ញៀវទេសចរទាំងនោះ។

លោកបន្តទៀតថា ចំពោះភ្ញៀវទេសចរជាតិ ជាទូទៅមកជិះកាណូតទេសចរ នៅថ្ងៃបុណ្យផ្សេងៗ ដូចជា៖ បុណ្យចូលឆ្នាំ បុណ្យភ្ជុំបិណ្ឌ គឺថាមានចំនួនច្រើនជាងថ្ងៃធម្មតា សម្រាប់តំបន់សមាគមកំពង់ឃ្លាំងទាំងមូល។ លោក កែវ សុផុន ក៏បានសំណូមពរដល់ភ្ញៀវជាតិ អញ្ជើញមកជិះកាណូត​ទេសចរកម្សាន្តឲ្យបានគ្រប់ៗគ្នា ដើម្បីលើកស្ទួយសហគមន៍ និងទេសចរណ៍ក្នុងស្រុក៕

អត្ថបទ៖ សួស សិត

The post សេវាកម្មកាណូតដឹកភ្ញៀវទេសចរ នៅខេត្តសៀមរាប ទទួលបានភ្ញៀវអន្តរជាតិច្រើនជាងភ្ញៀវជាតិ appeared first on Kampuchea Thmey Daily.

លោក ថេង បញ្ញាធន បានមានប្រសាសន៍ថា នៅថ្ងៃទី ១១ និងទី ១២ ខែសីហាខាងមុខនេះ យើងនឹងធ្វើពិធីកំណត់អត្តសញ្ញាណកម្មគ្រួសារក្រីក្រ ដែលជាបុគ្គលិកបម្រើការងារ ក្នុងវិស័យសេវាកម្ម ទេសចរណ៍ សេដ្ឋកិច្ចក្រៅប្រព័ន្ធដែលមានការលំបាកក្នុងជីវភាពគ្រួសារ ដើម្បីទទួលបាននូវប័ណ្ណសមធម៌ ដោយនឹងប្រារព្ធធ្វើឡើងនៅរមណីយដ្ឋានវត្តភ្នំ ដោយជ្រើសរើសយកពីសង្កាត់ចំនួន ២ គឺសង្កាត់វត្តភ្នំ និងសង្កាត់ស្រះចក ខណ្ឌដូនពេញ។

ក្នុងពិធីនោះ ក្រមការងារនឹងធ្វើតេស្តរកជម្ងឺអេដស៍ដោយការស្ម័គ្រចិត្ត ហើយបើពួកគាត់មានជំងឺអេដស៍ ក្រុមការងារនឹងផ្ដល់បណ្ណសមធម៌ឲ្យពួកគាត់តែម្ដង។ ដោយឡែកចំពោះអ្នកដែលមិនមានជំងឺអេដស៍ទេ ក្រុមការងារនឹងធ្វើការពិនិត្យលទ្ធភាព នៃការផ្ដល់បណ្ណសមធម៌ឲ្យពួកគាត់ទៅតាមការវិនិច្ឆ័យ។

លោក អ៊ីមរ៉ន ហាស្សាន់ ក៏បានបញ្ជាក់ផងដែរថា នៅរាជធានីភ្នំពេញ មានប្រជាពលរដ្ឋក្រីក្រប្រមាណជាង ៣ម៉ឺននាក់។ ក្នុងនោះ ក្រប្រភេ ទ១ មានចំនួនជាង ១ម៉ឺននាក់ និងក្រប្រភេទ ២ មានប្រមាណជាង ២ម៉ឺននាក់ ហើយនៅក្នុងខែសីហាខាងមុខនេះ រដ្ឋបាលរាជធានីភ្នំពេញ សហការជាមួយនឹងស្ថាប័នពាក់ព័ន្ធមួយចំនួនទៀត នឹងធ្វើធ្វើតេស្តរកជំងឺអេដស៍ដោយការស្ម័គ្រចិត្ត ជាមួយនឹងការធ្វើតេស្តដើម្បីផ្ដល់នូវប័ណ្ណសន្និធម៌ ទៅឲ្យប្រជាពលរដ្ឋក្រីក្រ ដែលគ្រោងនឹងធ្វើឡើងនៅរមណីយដ្ឋានវត្តភ្នំ ហើយចំពោះកិច្ចការងារខាងលើនេះ គឺបានទទួលការឯកភាពពីលោក ឃួង ស្រេង អភិបាលរាជធានីភ្នំពេញរួចហើយ៕

អត្ថបទ៖ ស្រីរ័ត្ន

The post ពាក់កណ្តាលខែសីហានេះ នឹងមានការធ្វើតេស្តផ្តល់បណ្ណសមធម៌ជូនបុគ្គលបម្រើការងារ ក្នុងវិស័យសេវាកម្សាន្តទេសចរណ៍ appeared first on Kampuchea Thmey Daily.

លោករដ្ឋលេខាធិការថ្លែងឱ្យដឹងបែបនេះ នៅក្នុងសិក្ខាសាលាថ្នាក់ជាតិស្តីពី “ការចរចាពាណិជ្ជកម្មសេវាកម្មក្រោម​ក្របខ័ណ្ឌអង្គការពាណិជ្ជកម្មពិភពលោក(WTO)៖ ផ្នែកសំខាន់ៗ និងវឌ្ឍនភាពថ្មីៗ កាលពីថ្ងៃទី ២៨ មីនា។

ថ្លែងក្នុងពិធីនេះ លោកលើកឡើងថា ដោយទទួលស្គាល់អំពីតួនាទីសំខាន់នៃ “សេរីភាវូបនីយកម្មពាណិជ្ជកម្ម” ក្នុងការជំរុញការអភិវឌ្ឍសេដ្ឋកិច្ច កម្ពុជាបានសម្រួលរបបពាណិជ្ជកម្មក្រៅប្រទេសរបស់ខ្លួនឱ្យកាន់​តែមានប្រសិទ្ធិភាព ដោយបានធ្វើសមាហរណកម្មសេដ្ឋកិច្ចក្នុងតំបន់ និងសកល តាមរយៈការចូលជាសមាជិកអាស៊ាន ១៩៩៩ និងអង្គការពាណិជ្ជកម្មពិភពលោក នៅឆ្នាំ ២០០៤។

បើតាមលោក ស៊ីម សុខខេង ចំពោះសេរីភាវូបនីយកម្មពាណិជ្ជកម្មសេវាកម្ម កម្ពុជាបានចុះហត្ថលេខាលើកិច្ចព្រមព្រៀង​ក្របខ័ណ្ឌអាស៊ានស្តីពីសេវាកម្មនៅពេលចូលជាសមាជិកអាស៊ានក្នុងឆ្នាំ ១៩៩៩។ បន្ទាប់មកទៀតការចូល​ជាសមាជិក​ពាណិជ្ជកម្មពិភពលោក នៅឆ្នាំ ២០០៤ កម្ពុជាបានធ្វើសេរីភាវូបនីយកម្មអនុវិស័យចំនួន ៩៤ លើវិស័យសំខាន់ៗចំនួន ១១ ដូចជា (១) សេវាកម្មអាជីវកម្ម (២) សេវាទំនាក់ទំនង (៣) សេវាកម្មសំណង់ និងវិស្វកម្មពាក់ព័ន្ធ (៤) សេវាចែកចាយ (៥) សេវាអប់រំ (៦) សេវាបរិស្ថាន (៧) សេវាហិរញ្ញវត្ថុ (៨) សេវាសុខភាព និងសង្គម (៩) សេវាកម្ម​ទាក់ទងនឹងទេសចរណ៍ និងការធ្វើដំណើរ (១០) សេវាកម្សាន្ត វប្បធម៌ និងកីឡា និង (១១) សេវាកម្មដឹក​ជញ្ជូន។

លោកបន្ថែមថា ដើម្បីបង្កើនលំហូរសេរីនៃសេវាកម្មក្នុងអាស៊ាន កម្ពុជាបានចុះហត្ថលេខាលើកញ្ចប់ទី ១០ នៃកិច្ចព្រមព្រៀងក្របខណ្ឌអាស៊ានស្តីពីសេវាកម្មក្នុងឆ្នាំ ២០១៨ ដែលបានពង្រីកសេរីភាវូបនីយកម្មពាណិជ្ជកម្ម​របស់ខ្លួនកាន់តែស៊ីជម្រៅជាងអង្គការពាណិជ្ជកម្មពិភពលោក (WTO) ទាក់ទងនឹងវិសាលភាព ការគ្របដណ្តប់ និងកម្រិតនៃការប្តេជ្ញាចិត្តនៃកិច្ចព្រមព្រៀង។ នៅក្រោមកិច្ចព្រមព្រៀងពាណិជ្ជកម្មសេរីអាស៊ានបូក១ កម្ពុជាមិនបាន​ធ្វើសេរីភាវូបនីយកម្មពាណិជ្ជកម្មសេវាកម្មលើសពីកម្រិតអង្គការពាណិជ្ជកម្មរបស់ខ្លួនទេ ខណៈពេល​ដែលមាន​តែអនុវិស័យ​ថ្មីមួយចំនួនប៉ុណ្ណោះដែលត្រូវបានបើកដោយមានកម្រិតនៃការប្តេជ្ញាចិត្តក្រោមកិច្ចព្រមព្រៀងតំបន់អាសិប និងកិច្ចព្រមព្រៀងពាណិជ្ជកម្មសេរីទ្វេភាគីកម្ពុជា-ចិន៕

The post ពាណិជ្ជកម្មសេវាកម្មបានរួមចំណែកផលិតផលក្នុងស្រុកសរុបច្រើនជាង ៤០% នៃសេដ្ឋកិច្ចកម្ពុជា appeared first on Kampuchea Thmey Daily.

របាយការណ៍ដដែល បង្ហាញថា ការបន្តងើបឡើងអនុវិស័យសណ្ឋាគារ និងភោជនីយដ្ឋាន ដោយសារការរំពឹងទុក​នៃភ្ញៀវទេសចរអន្តរជាតិ ស្របពេលដែលភ្ញៀវជាតិ ក៏រំពឹងថា នឹងបន្តងើបឡើងជាមួយនឹងសម្ទុះ​លឿនជាងទេស​ចរអន្តរជាតិ ក្រោយការដកចេញរបាំងធ្វើដំណើរផ្សេងៗ និងការវិលត្រឡប់រកប្រក្រតីភាពវិញនៃសង្គមសេដ្ឋកិច្ច។

ជាមួយគ្នានេះ អនុវិស័យលក់ដុំ-រាយ ក៏ត្រូវបានរំពឹងថា នឹងបន្តនិន្នាការកើនឡើង ខណៈដែលការងើបឡើងនៃចំណូល​ប្រជាជន និងសកម្មភាពចាយវាយក្នុងស្រុកគួបផ្សំនឹងការផ្លាស់ប្តូរឥរិយាបទអាជីវកម្ម ក៏ដូចជាសកម្មភាពទិញលក់​បែបប្រពៃណី ដោយជំនួសមកវិញនូវការប្រើប្រាស់ថ្នាលឌីជីថល ដែលការណ៍នេះ នឹងជំរុញបន្ថែមទៀត ដល់​សកម្មភាពប្រើប្រាស់ក្នុងស្រុក។

លើសពីនេះទៀត របាយការណ៍បានបញ្ជាក់ថា អនុវិស័យអចលនទ្រព្យ នឹងបន្តនិន្នាការកើនឡើង ប៉ុន្តែក្នុងល្បឿនយឺត ដោយសារការងើបឡើងរបស់ទុនវិនិយោគពីបរទេស មានកំណើនទាបនៃសកម្មភាពទិញលក់អចលនទ្រព្យ។

ដោយឡែកការដឹកជញ្ជូន និងគមនាគមន៍ ក៏រំពឹងថា នឹងបន្តកើនឡើង ដែលមានការគាំទ្រនៃសកម្មភាព​ដឹកជញ្ជូន​បម្រើឱ្យវិស័យ​ទេសចរណ៍ និងពាណិជ្ជកម្ម ស្របពេលដែលសកម្មភាពគមនាគមន៍ក៏នៅបន្តរក្សានិន្នាការល្អប្រសើរ ដោយសារការកើនឡើងនៃការប្រើប្រាស់ប្រព័ន្ធអ៊ីនធឺណិត និងឌីជីថលក្នុងអាជីវកម្ម។ ទន្ទឹមនេះ ការដាក់ចេញ និងអនុវត្តនូវក្របខណ្ឌគោលនយោបាយសេដ្ឋកិច្ច និងសង្គមឌីជីថលកម្ពុជា ២០២១-២០៣៥ នឹងបង្កើនការវិនិយោគ​លើហេដ្ឋារចនាសម្ព័ន្ធឌីជីថល នឹងលើកកម្ពស់ការប្រើប្រាស់ទំនិញ និងសេវាឌីជីថល នៅកម្ពុជា៕

The post វិស័យសេវាកម្មរំពឹងកំណើន ៦,៦ភាគរយ ក្នុងឆ្នាំ ២០២៣នេះ appeared first on Kampuchea Thmey Daily.