អាជ្ញាធរបាននិយាយថា ការឆ្លងវីរុសក្លាយពូជ អូមីក្រុង ប្រភេទ BA.2 ចំនួន ៤២៦ករណីត្រូវបានបញ្ជាក់ដោយការធ្វើតេស្តហ្សែននៅក្នុងប្រទេសអង់គ្លេស។

តំបន់ដែលមានចំនួនករណីឆ្លងច្រើនជាងគេនៅក្នុងប្រទេសអង់គ្លេស គឺទីក្រុងឡុងដ៍ដែលមាន ១៤៦ករណី និងតំបន់ South East ៩៧ករណី។

ការស្រាវជ្រាវដំបូងបានបង្ហាញថា វីរុសក្លាយពូជនេះ អាចឆ្លងរីករាលដាលលឿនជាងប្រភេទ អូមីក្រុង តែគេមិនដឹងថាតើ BA.2 មានប្រភពចេញពីណានោះទេ។ រហូតមកដល់ពេលនេះ មានប្រទេសចំនួន៤០ហើយ បានរាយការណ៍ករណីឆ្លង BA.2 សរុប ៨,០៤០ករណី ចាប់តាំងពីពាក់កណ្តាលខែវិច្ឆិកាមក។

ទោះបីជាយ៉ាងណាក៏ដោយ ករណីទីមួយ ត្រូវបានរាយការណ៍ពីប្រទេសហ្វីលីពីន ហើយការឆ្លងច្រើនបំផុតគឺនៅក្នុងប្រទេសដាណឺម៉ាក ដែលមាន ៦,៤១១ករណី។

ប្រទេសផ្សេងទៀតដែលមានការឆ្លងលើស១០០ករណីគឺឥណ្ឌា (៥៣០ករណី) ស៊ុយអែត (១៨១ករណី) និងសិង្ហបុរី (១២៧ករណី)៕

ប្រែសម្រួល៖ Vann Vann

ប្រភព៖ Mirror

ចុចអាន៖ ពេលនេះ អូមីក្រុង មាននៅគ្រប់ខេត្តទាំងអស់ក្នុងប្រទេស ថៃ

The post ផ្ទុះចេញវីរុសក្លាយពូជមួយទៀត ឆ្លងខ្លាំងជាងអូមីក្រុង កំពុងអុកឡុកពិភពលោក appeared first on Kampuchea Thmey Daily.

វីរុសបំប្លែងខ្លួនក្លាយពូជថ្មី ដែលគេស្គាល់ថា BA2 ត្រូវបានរកឃើញអំឡុងការធ្វើតេស្តហ្សែនសំណាកអ្នកជំងឺ។ វាមានផ្ទុកបម្រែបម្រួលច្រើនជាង អូមីក្រុង ទម្រង់ដើមហើយអាចសាហាវជាង។

BA2 ត្រូវបានគេឃើញជាលើកដំបូងនៅក្នុងប្រទេសចិនកាលពីប៉ុន្មានសប្តាហ៍មុន ហើយគេសង្ស័យថា វាមានប្រភពចេញមកពីប្រទេសឥណ្ឌា។ វីរុសបំប្លែងខ្លួនក្លាយពូជថ្មីនេះ ក៏ត្រូវបានគេរកឃើញផងដែរនៅក្នុងប្រទេសដាណឺម៉ាក អូស្ត្រាលី កាណាដា និងសិង្ហបុរី។

​ក្នុង​របាយការណ៍​របស់ KAN ក្រុមអ្នក​វិទ្យាសាស្ត្របាន​និយាយ​ថា ​ពួកគេ​មាន​ក្តី​ព្រួយ​បារម្ភ​អំពី​ការ​វិវត្ត​ថ្មី​នេះ។

ក្នុងរយៈពេល១០ថ្ងៃកន្លងមកនេះ ប្រទេសអ៊ីស្រាអែលមានអ្នកឆ្លងកូវីដក្នុងកម្រិតបំបែកកំណត់ត្រាថ្មី ដោយកើនឡើងពី១២,០០០ករណីក្នុងមួយថ្ងៃ ដល់៤៨,០០០ករណី ប៉ុន្តែក្រុមអ្នកជំនាញជឿថា ចំនួនអ្នកឆ្លងពិតប្រាកដ ទំនងជាខ្ពស់ជាងនេះឆ្ងាយណាស់។

ចំនួន​អ្នក​ជំងឺ​ធ្ងន់ធ្ងរ​ក៏​បាន​ចាប់​ផ្តើម​កើន​ឡើង​ដែរ។ មានអ្នកជំងឺ២៨៣នាក់កាលពីថ្ងៃព្រហស្បតិ៍ បើធៀបនឹង១៣៦នាក់កាលពីមួយសប្តាហ៍មុន។

លើសពីនេះ អ្នកជំងឺថ្មីចំនួន២៨៤នាក់ត្រូវបានចាត់ទុកថា ធ្ងន់ធ្ងរពោលគឺកើនឡើង ១៨៩% បើធៀបនឹងសប្តាហ៍មុន៕

ប្រែសម្រួល៖ Vann Vann

ប្រភព៖ JP

ចុចអាន៖ WHO ប្រាប់ឲ្យប្រើថ្នាំ ២ប្រភេទ ព្យាបាល អូមីក្រុង

The post ផ្ទុះវីរុសក្លាយពូជពី អូមីក្រុង កាន់តែសាហាវ រាលដាលមកដល់ អាស៊ីអាគ្នេយ៍ហើយ appeared first on Kampuchea Thmey Daily.

វីរុសក្លាយពូជថ្មីឈ្មោះ AY.43 ត្រូវបានគេប្រទះឃើញ ៨,១៣៨ ដងរួចមកហើយនៅក្នុងប្រទេសអង់គ្លេស។ នេះបើយោងតាមទិន្នន័យចុងក្រោយពីមជ្ឈមណ្ឌលឃ្លាំមើលដ៏ធំបំផុតមួយរបស់ប្រទេស។

វារួមចំណែកប្រហែលមួយករណីក្នុងចំណោម២៤ករណីនៅក្នុងប្រទេស បន្ទាប់ពីត្រូវបានរកឃើញជាលើកដំបូងនៅពាក់កណ្តាលខែកក្កដា ហើយបានកើនឡើងជាបន្តបន្ទាប់ចាប់តាំងពីពេលនោះមក។

ទោះបីជាយ៉ាងណាក៏ដោយ អ្នកវិទ្យាសាស្ត្របានទទូចថា ពេលនេះ គ្មានអ្វីត្រូវព្រួយបារម្ភអំពីមេរោគនេះឡើយ ដោយនិយាយថា មិនទាន់មានភស្តុតាងណាមួយដែលបង្ហាញថា វាឆ្លងខ្លាំងជាង ឬអាចគេចផុតពីវ៉ាក់សាំងនោះទេ។

ប៉ុន្តែវាបានលេចឡើង បន្ទាប់ពីការកើនឡើងយ៉ាងឆាប់រហ័សនៃករណីវីរុសក្លាយពូជពី Delta មួយទៀតឈ្មោះ AY.4.2 ដែលកំពុងស្ថិតក្រោមការត្រួតពិនិត្យយ៉ាងដិតដល់ពីសំណាក់អ្នកវិទ្យាសាស្ត្រអង់គ្លេសនិងអន្តរជាតិ។

គួរបញ្ជាក់ថា មានត្រកូល AY ច្រើនជាងមួយរយផ្សេងគ្នា ដែលជាពូជពង្សរបស់វីរុសបំប្លែងខ្លួន Delta ហើយភាគច្រើនមិនមានអ្វីត្រូវព្រួយបារម្ភទេ។

AY.43 ត្រូវបានគេប្រទះឃើញជាលើកដំបូងនៅក្នុងខែកក្កដា បន្ទាប់ពី Delta បានរីករាលដាលនៅជុំវិញពិភពលោក ហើយឥឡូវនេះមានករណីចំនួន ៨៤,០០០ ត្រូវបានរកឃើញនៅក្នុង១០៨ប្រទេស៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Daily Mail

ចុចអាន៖ វីរុសកូវីដបំប្លែងខ្លួន ធន់នឹងវ៉ាក់សាំងបន្ថែមទៀត នឹងលេចចេញក្នុងពេលឆាប់ៗ

The post លេចចេញវីរុសបំប្លែងខ្លួនក្លាយពូជថ្មីមួយទៀត ជាប់សែស្រឡាយ Delta (មានវីដេអូ) appeared first on Kampuchea Thmey Daily.

លោកវេជ្ជបណ្ឌិត Kittipan Chalom ជំនួយការមន្ត្រីសុខាភិបាលសាធារណៈ បាននិយាយថា អ្នកជំងឺម្នាក់ បានលាប់ជំងឺកូវីដ-១៩ ខណៈម្នាក់ទៀតជាអ្នកជិតស្និទ្ធនិងបានមើលថែគាត់។ អ្នកជំងឺដំបូង ដែលក៏មានផ្ទុកមេរោគអេដស៍ផងដែរនោះ បានឆ្លងមេរោគកូវីដក្នុងខែឧសភា នៅពេលដែលវីរុសបំប្លែងខ្លួន Alpha វាយលុកខ្លាំងនៅក្នុងប្រទេសថៃ។

អ្នកជំងឺមិនមានប្រវត្តិធ្វើដំណើរ ឬទាក់ទងជាមួយអ្នកដទៃទេ។ ទោះបីជាយ៉ាងណាក៏ដោយ អ្នកដែលមានប្រព័ន្ធការពាររាងកាយចុះខ្សោយ អាចផ្ទុកមេរោគក្នុងរយៈពេលយូរ ដូច្នេះវាអនុញ្ញាតឲ្យវីរុសបំប្លែងខ្លួនបាន។

លោកបន្តថា ការធ្វើតេស្តកំពុងត្រូវបានអនុវត្តជាប្រចាំ ស្របតាមការណែនាំរបស់ក្រសួងសុខាភិបាលសាធារណៈ ហើយពេលនេះ វីរុសកូវីដបំប្លែងខ្លួន Delta នៅតែជាប្រភេទមេរោគលេចធ្លោជាងគេ។

ស្របពេលជាមួយគ្នានោះដែរ អគ្គនាយកនៃនាយកដ្ឋានវិទ្យាសាស្ត្រវេជ្ជសាស្ត្រ លោកវេជ្ជបណ្ឌិត Supakit Sirilak បានពន្យល់ថា Alpha Plus គឺជាវីរុសបំប្លែងខ្លួនក្លាយពូជពីប្រភេទ Alpha ហើយមានសមត្ថភាពគេចផុតពីការឆ្លើយតបប្រព័ន្ធភាពស៊ាំ។ ដូច្នេះវាអាចបណ្តាលឲ្យមានរោគសញ្ញាបន្ថែម។

រីឯ រដ្ឋមន្ត្រីក្រសួងសុខាភិបាលសាធារណៈថៃ លោក Anutin Charnvirakul បានបង្ហាញទំនុកចិត្តថា ការកើនឡើងនៃមេរោគនៅ ឈៀងម៉ៃ នឹងអាចគ្រប់គ្រងបាន៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ ខេត្ត ថៃ ចំនួន២ ជាប់ កម្ពុជា រកឃើញអ្នកឆ្លងកូវីដបំប្លែងខ្លួន មិនខ្លាចវ៉ាក់សាំង

The post ថៃ បញ្ជាក់ អ្នកទោសនៅ ឈៀងម៉ៃ ឆ្លងវីរុសកូវីដក្លាយពូជ​ មិនខ្លាចវ៉ាក់សាំង appeared first on Kampuchea Thmey Daily.

WHO ក៏កំពុងពិនិត្យមើលផងដែរថាតើ វ៉ាក់សាំងមានប្រសិទ្ធភាពអាចយកឈ្នះវីរុសក្លាយពូជ AY. 4.2 ដែរឬទេ ខណៈគិតមកត្រឹមពេលនេះ វាត្រូវបានគេរកឃើញនៅក្នុងប្រទេសយ៉ាងតិច ៤២ហើយរួមទាំងប្រទេស ថៃ ផងដែរ។

WHO បាននិយាយនៅក្នុងការធ្វើបច្ចុប្បន្នភាពរោគរាតត្បាតប្រចាំសប្តាហ៍របស់ខ្លួនថា “ការកើនឡើងនៃករណីឆ្លងវីរុសក្លាយពូជ AY. 4.2 ត្រូវបានសង្កេតមើលចាប់តាំងខែកក្កដា មកម្ល៉េះ។ ការសិក្សាអំពីរោគរាតត្បាត និងមន្ទីរពិសោធន៍កំពុងបន្តដើម្បីពិនិត្យមើលថាតើ វីរុសក្លាយពូជនេះ អាចផ្លាស់ប្តូរការចម្លង ឬមានសមត្ថភាពធ្វើឲ្យអង់ទីគ័ររបសមនុស្ស ធ្លាក់ចុះដែរឬក៏អត់”។

វីរុសបំប្លែងខ្លួនក្លាយពូជដែលអ្នកខ្លះហៅថា “Delta Plus” ត្រូវបានកំណត់ថាជា វីរុសបំប្លែងខ្លួនស្ថិតក្រោមការស៊ើបអង្កេត ដោយទីភ្នាក់ងារសន្តិសុខសុខភាពចក្រភពអង់គ្លេស។

យ៉ាងណាក្តី មិនទាន់មានភស្តុតាងបង្ហាញថា វាបណ្តាលឲ្យអ្នកជំងឺធ្លាក់ខ្លួនឈឺធ្ងន់ធ្ងរ ឬធ្វើឲ្យវ៉ាក់សាំងមិនមានប្រសិទ្ធភាពនោះទេ។

ដោយសារតែវាមិនមែនជា វីរុសគួរឲ្យចាប់អារម្មណ៍ឬព្រួយបារម្ភ, វាមិនទាន់ត្រូវបានគេដាក់ឈ្មោះតាមអក្សរនៃអក្ខរក្រមក្រិកឡើយខណៈ ទីភ្នាក់ងារសន្តិសុខសុខភាពចក្រភពអង់គ្លេស កំពុងតាមដានធាតុបំប្លែងចំនួន២០នៃវីរុសបំប្លែងខ្លួន Delta។

គួរបញ្ជាក់ថា ពូជវីរុស AY. 4.2 មានធាតុបំប្លែងចំនួនបីបន្ថែមទៀត បើប្រៀបធៀបទៅនឹងវីរុសបំប្លែងខ្លួនដើម Delta៕

ប្រែសម្រួល៖ Vann Vann

ប្រភព៖ SCMP

ចុចអាន៖ ខេត្ត ថៃ ចំនួន២ ជាប់ កម្ពុជា រកឃើញអ្នកឆ្លងកូវីដបំប្លែងខ្លួន មិនខ្លាចវ៉ាក់សាំង

The post វីរុសក្លាយពូជឆ្លងខ្លាំងជាង Delta រាលដាលដល់ ៤២ប្រទេសហើយ រួមទាំងក្បែរ កម្ពុជា ផងដែរ appeared first on Kampuchea Thmey Daily.