Connect with us

ព័ត៌មានអន្ដរជាតិ

WHO ប្រាប់ឲ្យប្រើថ្នាំ ២ប្រភេទ ព្យាបាល អូមីក្រុង

បានផុស

នៅ

ក្រុមប្រឹក្សារបស់អង្គការសុខភាពពិភពលោក (WHO) បានផ្តល់អនុសាសន៍ឲ្យប្រើប្រាស់ថ្នាំពីរប្រភេទរបស់ក្រុមហ៊ុន Eli Lilly, និង GlaxoSmithKline និង Vir Biotechnology សម្រាប់ព្យាបាលអ្នកជំងឺកូវីដ១៩ ដោយនេះបានបន្ថែមជម្រើសនៃការព្យាបាល ស្របពេលវីរុសបំប្លែងខ្លួន អូមីក្រុង កំពុងរីករាលដាលយ៉ាងឆាប់រហ័ស។

ទិន្នន័យរបស់ WHO បង្ហាញថា អូមីក្រុង មានសមត្ថភាពគេចផុតពីការការពារដែលផ្តល់ដោយវ៉ាក់សាំង និងការព្យាបាលជាច្រើន ហើយបច្ចុប្បន្ន វីរុសនេះបានរីករាលដាលនៅក្នុងប្រទេសចំនួន១៤៩រួចទៅហើយ។ វាវ៉ាដាច់ Delta ក្នុងនាមជាវីរុសបំប្លែងថ្មីលេចធ្លោខ្លាំងបំផុត នៅក្នុងប្រទេសជាច្រើន ដោយបង្ខំឲ្យរដ្ឋាភិបាល និងអ្នកវិទ្យាសាស្ត្រនានា ពង្រឹងការការពារជាមួយនឹងការធ្វើតេស្ត ការចាក់វ៉ាក់សាំង និងការព្យាបាល។

កាលពីថ្ងៃព្រហស្បតិ៍ទី១៣ខែមករា ក្រុមរបស់ WHO បានផ្តល់អនុសាសន៍យ៉ាងមុតមាំឲ្យប្រើថ្នាំ Baricitinib របស់ក្រុមហ៊ុន Lilly ដែលលក់លើទីផ្សារក្រោមម៉ាកយីហោ Olumiant ផ្សំជាមួយថ្នាំ Corticosteroid សម្រាប់ការព្យាបាលអ្នកជំងឺកូវីដធ្ងន់ធ្ងរ ហើយអនុម័តការព្យាបាលដោយប្រើថ្នាំអង់ទីគ័ររបស់ក្រុមហ៊ុន GSK-Vir សម្រាប់អ្នកជំងឺដែលមិនធ្ងន់ធ្ងរ ប៉ុន្តែមានហានិភ័យខ្ពស់ក្នុងការចូលមន្ទីរពេទ្យ។ .

រហូតមកដល់ពេលនេះ ការព្យាបាលដោយប្រើថ្នាំអង់ទីគ័រ monoclonal របស់ក្រុមហ៊ុន GSK-Vir គឺជាវិធីតែមួយគត់ដែលបានបង្ហាញប្រសិទ្ធភាពប្រឆាំងនឹងវីរុសបំប្លែងខ្លួន អូមីក្រុង ក្នុងការធ្វើតេស្តមន្ទីរពិសោធន៍។

គោលការណ៍ណែនាំរបស់ WHO ដែលបោះពុម្ពផ្សាយនៅក្នុងទស្សនាវដ្តីវេជ្ជសាស្ត្រអង់គ្លេស ក៏បានកត់សម្គាល់ផងដែរថា ភ័ស្តុតាងបង្ហាញថា ថ្នាំ Baricitinib បានធ្វើឲ្យប្រសើរឡើងនូវអត្រារស់រានមានជីវិត និងកាត់បន្ថយតម្រូវការដាក់ឧបករណ៍ជំនួយខ្យល់ដកដង្ហើម ហើយមិនសង្កេតឃើញមានការកើនឡើងនូវផលប៉ះពាល់អ្វីនោះទេ៕

ប្រែសម្រួល៖ Vann Vann

ប្រភព៖ CNA

ចុចអាន៖ UNICEF៖ ការបិទសាលារៀន ត្រូវតែជាជម្រើសចុងក្រោយក្នុងការប្រយុទ្ធជាមួយ អូមីក្រុង

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៥ ថ្ងៃ មុន

ក្មេងស្រីហ្វីលីពីន-កូរ៉េ ដែលត្រូវសេដ្ឋីឌូបៃយកទៅចិញ្ចឹម ពេលនេះមានស្ថានភាពបែបណាហើយ?

ចរាចរណ៍៥ ថ្ងៃ មុន

ករណី​បុករះ​ស្លាប់​៤នាក់​នៅ​ស្ពាន​អាកាស​ឫស្សី​កែវ​ មាន​ម្នាក់​ជា​និស្សិត​ពូកែ​ជំនាញ​ស្ថាបត្យកម្ម និង​នគរូបនីយវិទ្យា

ជីវិតកម្សាន្ដ៣ ថ្ងៃ មុន

លេចមុខតួឯកប្រុសក្នុងរឿង “កងដៃចាំស្នេហ៍” ស្នាងភ្នួស​ សុំឲ្យគ្រប់គ្នាអហោសិកម្ម

ព័ត៌មានអន្ដរជាតិ៣ ថ្ងៃ មុន

យន្តហោះក្រុមហ៊ុនអាកាសចរណ៍ Jetstar មួយគ្រឿង បុកគ្នាជាមួយរថយន្តសន្តិសុខអាកាសយាដ្ឋាន

ព័ត៌មានជាតិ៥ ថ្ងៃ មុន

គម្រោង​ទឹកស្អាត​ធំបំផុត​ចាយ​ទុនជាង ១០០ លាន​​ដុល្លារ​នៅ​បាក់ខែង ​គ្រោង​​ចាប់ផ្តើម​សាងសង់​

Sokha Hotels

ព័ត៌មានពេញនិយម