មុននឹងឈានចូលដល់ពិធីបុណ្យចូលឆ្នាំខ្មែរប្រពៃណីជាតិ សហភាពសហព័ន្ធយុវជនកម្ពុជា ដែលហៅថា ស.ស.យ.ក. បានសហការជាមួយអាជ្ញាធរខេត្ត រៀបចំសង្ក្រាន្តឆ្នាំថ្មីជូនដល់ពលរដ្ឋភៀសសឹកនៅជំរំភៀសសឹកតាមបន្ទាត់ព្រំដែន ដែលពួកគាត់មិនអាចវិលត្រឡប់ទៅផ្ទះសម្បែងខ្លួនវិញព្រោះតែការឈ្លានពានរបស់ថៃ។ ក្នុងកម្មវិធីនោះ ឃើញមានការរៀបចំបែបប្រពៃណី ការទទួលទានអាហារសាមគ្គី ការលេងល្បែងប្រជាប្រិយខ្មែរ រួមទាំងមើលល្ខោនជុំគ្នា បង្កភាពសប្បាយរីករាយ ស្នាមញញឹម ដល់ពួកគាត់ទាំងចាស់ ទាំងក្មេង។

បណ្ឌិត ឈត ប៊ុនថង បានប្រាប់ កម្ពុជាថ្មី ថាក្នុងឱកាសដែល ស.ស.យ.ក. និងអាជ្ញាធររៀបចំសង្ក្រាន្តជូនជនភៀសសឹក នៅជំរំភៀសសឹកនេះ គឺជាការរួមចំណែកមួយដែលបង្ហាញឱ្យឃើញថា ពួកគាត់មិនត្រូវបានគេទុកចោល បោះបង់ចោល ឬទុកនៅឯកោនោះទេ។ បន្ថែមពីនេះ លោកបណ្ឌិត យល់ថា ការបង្កើតបរិយាកាសបែបនេះ ក៏ជាចំណែកជួយឱ្យពួកគាត់បំភ្លេចនូវទុក្ខកង្វល់មួយរយៈពេលក្នុងអំឡុងពេលដែលពួកគាត់មានទុក្ខ បាត់បង់ផ្ទះសម្បែង សាច់ញាតិ បងប្អូន ដោយសារតែការឈ្លានពានរបស់ថៃ។

បណ្ឌិត ឈត ប៊ុនថង មានប្រសាសន៍ថា៖ “មានការរៀបចំពិធីហ្នឹងក៏ជួយសម្រាលដល់ភាពស្ត្រេស ដល់ភាពសោកសៅនៅក្នុងផ្លូវចិត្ត”។

សម្រាប់លោកបណ្ឌិត ក្នុងនាមជាប្រជាពលរដ្ឋ ត្រូវមានការសាមគ្គីភាពរវាងពលរដ្ឋដូចគ្នា។ ក្រៅពីនេះ គឺសាមគ្គីភាពរវាងពលរដ្ឋ និងអាជ្ញាធរ និងថ្នាក់ដឹកនាំ ឬជាមួយកងទ័ព ធ្វើយ៉ាងណាឱ្យមានការរួមគ្នាជាធ្លុងមួយដើម្បីជាកម្លាំងរួមគ្នា ដើម្បីឱ្យជាតិសាសន៍កម្ពុជា មានសាមគ្គីភាព ទោះសត្រូវចង់ធ្វើបាបក៏មិនបានដែរ។ លោកបញ្ជាក់ថា ប្រសិនជាមានភាពបែកបាក់គ្នា គិតតែពីប្រយោជន៍រៀងខ្លួនជាធំ មិនគិតប្រយោជន៍រួម នោះនឹងធ្វើឱ្យសត្រូវវាយប្រហារកាន់តែងាយស្រួល៕

The post បណ្ឌិត ឈត ប៊ុនថង៖ ការរៀបចំសង្ក្រាន្ត ជូនជនភៀសសឹក បង្ហាញឱ្យឃើញថាពួកគាត់មិនត្រូវបានទុកចោលនោះទេ appeared first on Kampuchea Thmey Daily.

តាមសេចក្តីជូនដំណឹងស្តីពីការរៀបចំព្រឹត្តិការណ៍ “នគរសង្ក្រាន្ត” នៅរាជធានីភ្នំពេញ រយៈពេល ៦ ថ្ងៃ ចាប់ពីថ្ងៃទី ១៤ ខែមេសា ដល់ថ្ងៃទី ១៩ ខែមេសា ឆ្នាំ ២០២៦ បានឲ្យដឹងថា រដ្ឋបាលរាជធានីភ្នំពេញ សូមជម្រាបជូនដំណឹងដល់ប្រជាពលរដ្ឋទាំងអស់មេត្តាជ្រាបថា ដើម្បីចូលរួមអបអរសាទរក្នុងឱកាសពិធីបុណ្យចូលឆ្នាំថ្មី ប្រពៃណីជាតិ ឆ្នាំមមី អដ្ឋស័ក ព.ស.២៥៧០ គ.ស ២០២៦ និងចូលរួម ថែរក្សាការពារទំនៀមទម្លាប់ប្រពៃណី វប្បធម៌ដ៏ល្អផូរផង់របស់ជាតិ ទាក់ទាញភ្ញៀវទេសចរជាតិ-អន្តរជាតិ ជាពិសេសបង្ហាញពីការដឹងគុណយ៉ាងជ្រាលជ្រៅ និងផ្សារភ្ជាប់ពិធីបុណ្យចូលឆ្នាំជាមួយវីរកងកម្លាំងជួរមុខ និងជនភៀសសឹក ក្រោមស្មារតីការរួបរួមសាមគ្គី នៃមហាគ្រួសារខ្មែរតែមួយ រដ្ឋបាលរាជធានីភ្នំពេញ បានសហការជាមួយសហភាពសហព័ន្ធយុវជនកម្ពុជា (ស.ស.យ.ក) រៀបចំព្រឹត្តិការណ៍ “នគរសង្ក្រាន្ត” រយៈពេល ៦ ថ្ងៃ ចាប់ពីថ្ងៃទី ១៤ ខែមេសា ដល់ថ្ងៃទី ១៩ ខែមេសា ឆ្នាំ ២០២៦ នៅរមណីយដ្ឋានវប្បធម៌ប្រវត្តិសាស្ត្រវត្តភ្នំ តំបន់ជុំវិញវត្តភ្នំ បរិវេណសួនច្បារវឌ្ឍនៈ សួនច្បារអតីតទីលានប្រជាធិបតេយ្យ ស្ពាននាគភ្លោះរមណីយដ្ឋានវត្តភ្នំ រហូតដល់ផ្សាររាត្រី ផ្លូវថ្មើរជើងចតុមុខរាជធានី ភ្នំពេញ (Walk Street) និងកម្មវិធីអមនៅបរិវេណបាសាក់លែន (Bassac Lane) និងបរិវេណផ្សារទួលទំពូង។

ព្រឹត្តិការណ៍ “នគរសង្ក្រាន្ត” មានការរៀបចំកម្មវិធីប្រពៃណីសាសនា និងកម្មវិធីមួយចំនួន ដូចជា ពិធីទទួលទេវតាឆ្នាំថ្មី ដង្ហែក្បួននគរសង្ក្រាន្ត ដង្ហែព្រះពុទ្ធរូប ពូនភ្នំខ្សាច់ ស្រង់ព្រះ សម្តែងទស្សនីយភាពសិល្បៈវប្បធម៌ជាច្រើនទម្រង់ លេងល្បែងប្រជាប្រិយជាតិ និងការតាំងពិព័រណ៍ផលិតផលក្នុងស្រុក។ ជាមួយគ្នានេះ រដ្ឋបាលរាជធានីភ្នំពេញ នឹង បើកដំណើរការផ្លូវថ្មើរជើងចតុមុខរាជធានីភ្នំពេញ (Walk Street) រយៈពេល ៦ ថ្ងៃ ចាប់ពីថ្ងៃទី ១៤ ខែមេសា ដល់ថ្ងៃទី ១៩ ខែមេសា ឆ្នាំ ២០២៦ ផងដែរ។

ក្នុងន័យនេះ រដ្ឋបាលរាជធានីភ្នំពេញ សូមអំពាវនាវដល់ប្រជាពលរដ្ឋពីគ្រប់មជ្ឈដ្ឋាន សូមអញ្ជើញមកចូលរួមទស្សនាកម្សាន្តក្នុងព្រឹត្តិការណ៍ “នគរសង្ក្រាន្ត” នៅតាមទីតាំងខាងលើ ឲ្យបានច្រើនកុះករ ក្រោមម្លប់សន្តិភាព ដ៏ត្រជាក់ត្រជំ និងក្រោមស្មារតីសាមគ្គីភាព ឯកភាព និងភាពធន់។

ទន្ទឹមនេះ ដើម្បីឲ្យការរៀបចំព្រឹត្តិការណ៍ខាងលើប្រព្រឹត្តទៅដោយរលូន រក្សាបាននូវសន្តិសុខ សុវត្ថិភាព សណ្តាប់ធ្នាប់ និងរបៀបរៀបរយសាធារណៈល្អប្រសើរ ព្រមទាំងបញ្ចៀសបាននូវការកកស្ទះចរាចរណ៍នៅជុំវិញទីតាំង រៀបចំព្រឹត្តិការណ៍ អាជ្ញាធរមានសមត្ថកិច្ច នឹងរៀបចំចំណតយានយន្តសម្រាប់ប្រជាពលរដ្ឋដែលមកចូលរួមកម្សាន្តក្នុងព្រឹត្តិការណ៍នគរសង្ក្រាន្ត ហើយសូមលើកទឹកចិត្តដល់ពលរដ្ឋដែលពុំមានការចាំបាច់ សូមធ្វើការពង្វាងការធ្វើដំណើរឆ្លងកាត់បរិវេណទីតាំងខាងលើ។ អាស្រ័យហេតុនេះ សូមប្រជាពលរដ្ឋមេត្តាយោគយល់ អធ្យាស្រ័យខ្ពស់៕
អត្ថបទ ៖ ស្រីរ័ត្ន

The post ព្រឹត្តិការណ៍ “នគរសង្ក្រាន្ត” អបអរសាទរក្នុងឱកាសពិធីបុណ្យចូលឆ្នាំថ្មី ឆ្នាំមមី នៅភ្នំពេញ នឹងរៀបចំឡើងរយៈពេល ៦ ថ្ងៃ ចាប់ពីថ្ងៃទី ១៤ ដល់ថ្ងៃទី ១៩ ខែមេសា appeared first on Kampuchea Thmey Daily.

លោកបណ្ឌិត បានឱ្យដឹងថា ទន្ទឹមនឹងការរៀបចំសង្ក្រាន្តផុសផុលនេះ គួរមានការរៀបចំឱ្យកាន់តែប្រសើរថែមទៀតដែលមានលក្ខណៈជាប្រពៃណីខ្មែរ និងជំរុញឱ្យមានការលេងល្បែងប្រជាប្រិយឱ្យបានច្រើន ជាពិសេស គឺល្បែងប្រជាប្រិយ របាំខ្មែរ ដែលប្រទេសជិតខាងដែលមានវប្បធម៌ស្រដៀងនឹងកម្ពុជាមិនមាន។

បណ្ឌិត ឈត ប៊ុនថង មានប្រសាសន៍ថា៖ “ក្នុងឱកាសរៀបចំសង្ក្រាន្តនេះ បើសិនជាគណៈកម្មារៀបចំបានល្អ យុវជនបានទៅចូលរួមលេងសប្បាយ អនុវត្តជាក់ស្តែងនូវអ្វីជាប្រពៃណីទំនៀមទម្លាប់ ឬក៏ចូលលេងល្បែងប្រជាប្រិយហ្នឹង ហើយគាត់បានលេងសប្បាយ គាត់យល់ដឹង គាត់ចេះ គាត់ចងចាំ និងក៏ស្រឡាញ់ប្រពៃណីទំនៀមទម្លាប់របស់យើងដែរ”។ លោក បន្តថា ប្រសិនជាបានរៀបចំសង្ក្រាន្តជាបន្តបន្ទាប់ ក្មេងជំនាន់ក្រោយ បានចូលរួម បានលេងកម្សាន្ត នាំពួកគេចងចាំពីប្រពៃណីទាំងអស់នោះ។

លើសពីនេះ លោកបណ្ឌិត យល់ថា ការរៀបចំសង្ក្រាន្តជារៀងរាល់ឆ្នាំគឺជារឿងដ៏ល្អ ក្រៅពីអាចឱ្យយុវជនបានចូលរួម ក៏ជាឱកាសឱ្យយុវជនចេះធ្វើការរួមគ្នា រៀនចាត់ចែងការងារជាក្រុម និងការគ្រប់គ្រងបានល្អផងដែរ។

បច្ចុប្បន្ន ដោយសារតែសង្គ្រាមនៅមជ្ឈិមបូព៌ា នាំឱ្យប្រេងឡើងថ្លៃ បណ្ឌិត ឈត ប៊ុនថង ថា មិនអាចជាបញ្ហាធ្វើឱ្យកម្ពុជាបោះបង់វប្បធម៌ ឬមិនរៀបចំកម្មវិធីបុណ្យប្រពៃណីឡើយ ពោល គឺលោកយល់ស្របចំពោះការរៀបចំសង្ក្រាន្ត និងកម្មវិធីប្រពៃណីផ្សេងៗ ក្នុងរូបភាពសមស្របណាមួយតាមសហគមន៍រៀងៗខ្លួន ចៀសវាងការរៀបចំនៅកន្លែងដែលឆ្ងាយពិបាកដល់ការធ្វើដំណើររបស់ប្រជាជន៕

The post បណ្ឌិត ឈត ប៊ុនថង៖ ការរៀបចំសង្ក្រាន្តធ្វើឱ្យយុវជនបានស្គាល់ពីវប្បធម៌ខ្មែរ ជាពិសេស ល្បែងប្រជាប្រិយ appeared first on Kampuchea Thmey Daily.

សកម្មភាពរៀបចំ «សង្ក្រាន្តជំរំបាត់ថ្កៅ» នៅថ្ងៃនេះ រួមមានការតុបតែងសោភ័ណភាព រៀបចំដាក់ទង់ជាតិ ទង់ជ្វាលា ចងផ្ទាំងបដា «សង្ក្រាន្តជំរំបាត់ថ្កៅ សូមស្វាគមន៍» និងបំពាក់ភ្លើងលម្អតាមដើមឈើឱ្យមានភាពស្រស់ស្អាត និងមានពន្លឺចម្រុះពណ៌ ដើម្បីឱ្យការប្រារព្ធពិធីមានភាពអធិកអធម។

ការរៀបចំទីតាំងកម្សាន្ត កំណត់ទីតាំងសម្រាប់លេងល្បែងប្រជាប្រិយខ្មែរ រៀបចំវេទិកាប្រគំតន្ត្រី និងតំបន់សប្បាយភាពនានា ដើម្បីត្រៀមទទួលស្វាគមន៍ប្រជាពលរដ្ឋ ឱ្យមកចូលរួមបានច្រើនកុះករ។

​រដ្ឋបាលក្រុងសំរោង ក្រោមការដឹកនាំរបស់លោក ផុន ចាន់និល អភិបាលក្រុង នឹងខិតខំប្រឹងប្រែងឱ្យអស់ពីសមត្ថភាព ដើម្បីធ្វើឱ្យព្រឹត្តិការណ៍នេះក្លាយជាការចងចាំដ៏សប្បាយរីករាយ និងមានអត្ថន័យជ្រាលជ្រៅ ស្របតាមគោលការណ៍ដឹកនាំរបស់ថ្នាក់ដឹកនាំខេត្ត និងរាជរដ្ឋាភិបាលកម្ពុជា ក្នុងការបង្កបរិយាកាសប្រពៃណីជូនដល់ប្រជាពលរដ្ឋភៀសសឹក៕

The post រដ្ឋបាលក្រុងសំរោង ត្រៀមរៀបចំសង្ក្រាន្ត នៅជំរំភៀសសឹក នៅដើមខែមេសា appeared first on Kampuchea Thmey Daily.

លោក សុខ ណារ៉េត អភិបាលស្រុកក្រឡាញ់ បានឲ្យដឹងថា ការរៀបចំនេះមានកម្មវិធីជាច្រើន ដូចជា ៖ ពិធីក្រុងពាលី ពិធីសំណេះសំណាល ពិធីសូត្រមន្ត រាប់បាត្រ និងប្រគេនចង្ហាន់ព្រះសង្ឃដើម្បីឧទ្ទិសកុសលជូនវីរកងទ័ព ការលេងល្បែងប្រជាប្រិយ មានចោលឈូង លាក់កន្លែង វាយក្អម ទាញព្រ័ត្រ និងលោតបាវ ដល់ពេលថ្ងៃត្រង់ គឺមានអាហារសាមគ្គី ពិសានំបញ្ចុកជួបជុំគ្នា។

លោក ហេង សុខណាង សមាជិកអចិន្ត្រៃយ៍សហភាពសហព័ន្ធយុវជនកម្ពុជា មានប្រសាសន៍ថា ការរៀបចំសង្ក្រាន្តជាមួយគ្រួសារភៀសសឹកកំពុងស្នាក់នៅមណ្ឌលសុវត្ថិភាព មានគោលបំណងសំខាន់បំផុតនោះ គឺដើម្បីរក្សាវប្បធម៌ ទំនៀមទម្លាប់ដ៏ល្អផូផង់របស់ជាតិខ្មែរ។ កម្មវិធីនេះក៏ជាការយកចិត្តទុកដាក់ ការលើកទឹកចិត្ត ការផ្ដល់កម្លាំងចិត្ត និងអាចធ្វើឲ្យរសាយទុក្ខកង្វល់របស់ពលរដ្ឋភៀសសឹក តាមរយៈការបង្កើតបរិយាកាសសប្បាយរីករាយតាមបែបប្រពៃណី ដូចជា ការលេងល្បែងប្រជាប្រិយ ការធ្វើបុណ្យទានរួមគ្នា បង្ហាញពីការសាមគ្គីភាព និងការគោរពស្រឡាញ់រវាងថ្នាក់ដឹកនាំ មន្ត្រីរាជការ កងកម្លាំង ព្រះសង្ឃ អាជ្ញាធរ ក៏ដូចជាប្រជាពលរដ្ឋក្នុងមូលដ្ឋានជាមួយជនភៀសសឹក។

ក្នុងនាមរដ្ឋបាលខេត្តសៀមរាប លោក ឌី រ៉ាដូ អភិបាលរងខេត្ត បានមានប្រសាសន៍ថា ដោយបានការយកចិត្តទុកដាក់ខ្លាំងពីសុខទុក្ខ ការលំបាក និងការរស់នៅរបស់ជនភៀសសឹក ដែលកំពុងបន្តការស្នាក់នៅក្នុងមណ្ឌលសុវត្ថិភាពនានាក្នុងខេត្ត ដោយមិនទាន់អាចត្រឡប់ទៅកាន់លំនៅឋានវិញបាន ក្នុងឱកាសបុណ្យចូលឆ្នាំថ្មី ប្រពៃណីជាតិខ្មែរ ខាងមុខនេះ លោក លី សំរិទ្ធ ប្រធានក្រុមប្រឹក្សាខេត្ត និង លោក ប្រាក់ សោភ័ណ អភិបាលខេត្ត បានអនុញ្ញាតឲ្យរដ្ឋបាលស្រុកក្រឡាញ់ និងសហភាពសហព័ន្ធយុវជនកម្ពុជាស្រុកក្រឡាញ់ សហការជាមួយអង្គភាពពាក់ព័ន្ធ អង្គការ សមាគម និងសប្បុរសជននានា រៀបចំអបអរសាទរពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំ ២០២៦ ជាមួយគ្រួសារភៀសសឹកកំពុងស្នាក់នៅមណ្ឌលសុវត្ថិភាពក្នុងស្រុកក្រឡាញ់ ឲ្យមានភាពសប្បាយរីករាយ និងល្អប្រសើរ៕
អត្ថបទ ៖ គឿនវេត

The post ស.ស.យ.ក សហការជាមួយ រដ្ឋបាលខេត្តសៀមរាប រៀបចំសង្ក្រាន្តវត្តបូណ៌ខ្នារតេជោ ផ្ដល់ភាពរីករាយ និងលើកទឹកចិត្តគ្រួសារភៀសសឹក appeared first on Kampuchea Thmey Daily.

ក្នុង​ចំណោម​ភ្ញៀវទេសចរ​ជិត​២​លាននាក់ ដែល​មក​ទស្សនា​ខេត្ត​តាកែវ ក្រុង​ដូនកែវ​ ដែល​រដ្ឋបាល​ខេត្តតាកែវ​បាន​រៀបចំ​តាកែវ​សង្ក្រាន្តឆ្នាំ២០២៥ នៅ​សួនច្បារ​មាត់​បឹងតាកែវ មាន​ភ្ញៀវទេសចរជាតិ និង អន្តរជាតិ​បាន​មក​ចូល​រួម​កម្សាន្ត​ចំនួនជាង ៨០ ម៉ឺននាក់។

ដោយ​ឡែក​ពាក់ព័ន្ធ​ទៅ​នឹង​សន្តិសុខ​សុវត្ថិភាពនៅក្នុងពិធីបុណ្យចូលឆ្នាំរយៈពេល៣ថ្ងៃនេះ ត្រូវបានលោកឧត្តមសេនីយត្រី សេង មហា មេបញ្ជាការ​កងរាជអាវុធហត្ថខេត្តតាកែវ​បាន​ថ្លែង​ឱ្យ​ដឹង​ថា បញ្ហាសន្តិសុខនិងសុវត្ថិភាពជូនបងប្អូនប្រជាពលរដ្ឋនៅក្នុងពិធីបុណ្យចូលឆ្នាំរយៈពេល ៣ ថ្ងៃនេះ គឺកម្លាំងសមត្ថកិច្ចបានខិតខំប្រឹងប្រែងថែរក្សាបានយ៉ាងល្អ​ប្រសើរ ​ទោះ​បី​ជា​យ៉ាង​ណាក៏​ដោយ​នៅ​មាន​បញ្ហា​តិចតួច​បាន​កើត​ឡើង​ដូច​ជាការ​បាត់​ទូរសព្ទ​ការ​វង្វេងក្មេង​ក៏​ប៉ុន្តែសមត្ថកិច្ចយើងបានជួយស្វែងរក​ឪពុកម្ដាយបានទាន់ពេលវេលា៕

ដោយ ៖ វីរ:

The post សង្ក្រាន្តខេត្តតាកែវ​ មាន​ភ្ញៀវទេសចរណ៍ជាតិ-អន្តរមកកម្សាន្ត១លាន៧សែននាក់ appeared first on Kampuchea Thmey Daily.

ការរៀបចំព្រឹត្តការរណ៏សង្ក្រាន្តឆ្នាំ២០២៥ គឺជាទំនៀមទំលាប់ប្រពៃណីជាតិខ្មែរដ៏ល្អឯកតាំងពី បុរាណកាលមកដែលប្រពលរដ្ឋខ្មែរគ្រប់ៗរូបប្រារព្ធធ្វើឡើងក្នុងគោលបំណងអបអរសាទរក្នុងឱកាសបុណ្យ ចូលឆ្នាំថ្មី សិរីសួស្តី ជ័យមង្គល និងជាឱកាសដ៏ល្អសម្រាប់ប្រជាពលរដ្ឋទូទៅបានជួបជុំក្រុមគ្រួសារ និងញាត្ត មិត្តជិតឆ្ងាយ។ ព្រឹត្តិការណ៏សង្ក្រាន្តវើនសៃឆ្នាំ២០២៥នេះ មានការរាំលេង មានល្បែងប្រជាប្រិយរបស់ជាតិ មានដូចជា៖ ចោលឈូង វាយក្អម លាក់កន្សែង រាំរបាំគងសិល្បៈភូមិកាចូន ដើម្បីបង្កបរិយាកាសសប្បាយ រីករាយផងដែរ។

ខេត្តរតនគិរី ជាខេត្តមួយ ដែលមានជនជាតិដើមភាគតិចរស់នៅ ហើយនៅពេលមានកម្មបុណ្យជាតិម្តងៗ តែងតែមានការសែន បែបប្រពៃណីម្ចាស់ស្រុក ហើយមិនដែលចោលនៅ ការរាំរបាំវាយគងដើម្បី កម្សាន្តសប្បាយរបស់ខ្លួនផង ពីព្រោះរបាំល្បែងទាំងនេះ បានកប់ជ្រៅទៅក្នុងផ្នត់គំនិត ហើយក៏មិនចោលល្បែងជាប្រប្រិយខ្មែរដែរ។ នៅពេលកម្មវិធីនេះចាប់ផ្តើម មនុស្សចម្រុះជាតិសាសន៍ មកចូលរួមមានជនជាតិខ្មែរ ជនជាតិដើមភាគតិច និងជនដើមភាគតិចជាតិឡាវ ក៏មកដែរ៕

ដោយ៖ ចាប ខៀវ

The post ស្រុកវើនសៃ នឹងរៀបចំសង្ក្រាន្តដោយមានល្បែងប្រជាប្រិយខ្មែរ និងរបាំរបស់ជនជាតិដើមភាគតិចទំពួន appeared first on Kampuchea Thmey Daily.

ជាមួយសេចក្តីប្រកាសនៅថ្ងៃអាទិត្យទី៣០ខែមីនាឆ្នាំ២០២៥ TAT បញ្ជាក់ថា ពិធីបុណ្យសង្ក្រាន្តនឹងរៀបចំឡើងទូទាំងប្រទេសតាមការគ្រោងទុក ហើយធានាដល់ទេសចរថា រញ្ជួយដីមិនប៉ះពាល់ដល់ការធ្វើដំណើរ ការដឹកជញ្ជូននិងសណ្ឋាគារទេ។ 

មិនត្រឹមប៉ុណ្ណឹង បើយោងតាម TAT, ស្ថានភាពនៅទីក្រុងបាងកកនិងផ្នែកផ្សេងទៀតនៃប្រទេសថៃ បានវិលមករកភាពប្រក្រតីវិញហើយ ចំណែកអាកាសយានដ្ឋានអន្តរជាតិ Don Mueang និង Suvarnabhumi ក៏ដំណើរការឡើងវិញហើយផងដែរ ខណៈប្រព័ន្ធទូរគមនាគមន៍នៅតាមបណ្តាខេត្ត មិនប៉ះពាល់អ្វីឡើយ។

សូមជម្រាបជាថ្មី កាលពីថ្ងៃសុក្រទី២៨ខែមីនាឆ្នាំ២០២៥ គ្រោះរញ្ជួយដីកម្រិត ៧.៧រ៉ិចទ័រ បានវាយប្រហារប្រទេសមីយ៉ាន់ម៉ា ដោយទីក្រុង Mandalay រងគ្រោះខ្លាំងជាងគេ ហើយឥទ្ធិពលរបស់វា​ក៏ជះដល់រាជធានី​បាងកកនៃប្រទេសថៃ ដែលបង្កឲ្យមានការបំផ្លិចបំផ្លាញធ្ងន់ធ្ងរផងដែរ។

គិតត្រឹមព្រឹកថ្ងៃអាទិត្យ តួលេខមនុស្សស្លាប់នៅមីយ៉ាន់ម៉ា ​ បានកើនឡើងដល់ ១ ៦៤៤នាក់និងជាង ៣ ៤០០នាក់រងរបួស ចំណែកនៅថៃឯណោះ មនុស្សស្លាប់កើនដល់១៧នាក់និងរបួស៣២នាក់៕

អត្ថបទ៖ សុខ សុវណ្ណ

ចុចអាន៖ កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី

The post ថៃ នៅតែរៀបចំពិធីបុណ្យសង្ក្រាន្ត ទូទាំងប្រទេសតាមគម្រោង ទោះរងគ្រោះរញ្ជួយដី appeared first on Kampuchea Thmey Daily.