ការចោទប្រកាន់នេះ គឺចេញពីមាត់អ្នកនាំពាក្យក្រសួងការបរទេសរុស្ស៊ី លោកស្រី Maria Zakharova ​ សំដៅទៅ កិច្ចសន្យាដេញថ្លៃតម្លៃ ២៨៥ ៦៥៦ ដុល្លារ ដែលត្រូវបានប្រកាសកាលពីពាក់កណ្តាលខែមិថុនា ដោយបញ្ជាការដ្ឋានកែទម្រង់សម្ព័ន្ធមិត្តរបស់ណាតូ (ACT) សហការជាមួយមជ្ឈមណ្ឌលរួមគ្នាសម្រាប់ការវិភាគ បណ្តុះបណ្តាល និងអប់រំរវាងណាតូ និងអ៊ុយក្រែន (JATEC)។

លោកស្រីចោទថា នោះ ជាគម្រោង ដែលផ្តោតសំខាន់ឲ្យបណ្តាសហគ្រាសឯកជន អភិវឌ្ឍ និងផលិតអាវុធ ដើម្បីយកមកប្រើប្រាស់ប្រឆាំងនឹងរុស្ស៊ី។ ដូច្នេះ វានឹងបង្កើនសមត្ថភាពវាយប្រហាររយៈចម្ងាយឆ្ងាយរបស់អ៊ុយក្រែន  ទៅកម្ទេចវាលយន្តហោះ ឃ្លាំងស្តុកប្រេង និងសម្ភារៈគាំទ្រនៅលើដី ចូលជ្រៅក្នុងទឹកដីរុស្ស៊ី។

តាមសម្តីលោកស្រី Zakharova ដែលដកស្រង់ដោយ RT កាលពីថ្ងៃចន្ទ ទី២៩ ខែមិថុនា ឆ្នាំ២០២៦, ​ណាតូកំពុងលូកដៃកាន់តែជ្រៅដោយបើកចំហ ក្នុងតំបន់ដែលមានហានិភ័យខ្ពស់ ដើម្បីប្រែក្លាយអ៊ុយក្រែន ទៅជាទីលានសាកល្បង សម្រាប់បច្ចេកវិទ្យាយោធាថ្មីៗ ទាំងដែលភ្លេចគិតថា រឿងនោះនឹងធ្វើឲ្យពួកគេ ត្រូវប្រឈមមុខដោយផ្ទាល់ ជាមួយទីក្រុងមូស្គូ។

យ៉ាងណា រឿងនេះកើតឡើង ដ្បិតអគ្គលេខាធិការណាតូ លោក Mark Rutte ​បាន​​លើក​ឡើងនា​ពេលថ្មីៗនេះ​ថា សមាជិកជា​ច្រើន មិនបានវិភាជ​​ថវិកា​រដ្ឋ ​​​០.២៥​%​ នៃ​ផលិត​ផល​សរុប​ក្នុង​ស្រុក​​​ ដើម្បី​​ជួយ​អ៊ុយ​ក្រែន​ទេ ហើយ​វា​ក៏​នឹង​មិន​សម្រេច​​ដែរ​ ព្រោះ​គ្មាន​​ការ​គាំទ្រ​ ពី​សមាជិក​ទាំង​អស់​​​។

ទោះបែបនេះ សមាជិកណាតូ​ចំនួន​៧ បានចំណាយលើស​ ០.២៥% នៃ​ផលិតផលក្នុងស្រុក​សរុប​របស់​ពួក​គេរួចហើយ ​លើ​ជំនួយ​យោធា​ដល់​អ៊ុយក្រែន ហើយ​បង្ហាញ​ការ​គាំទ្រ​ចំពោះផែនការនេះ​៕

អត្ថបទ៖ សុវណ្ណ

The post រុស្ស៊ី ចោទថា ណាតូ កំពុងចេញមុខចេញមាត់ ជួយអ៊ុយក្រែន រកអាវុធ យកទៅកម្ទេចគោលដៅយុទ្ធសាស្រ្ត ក្នុងដីខ្លួន appeared first on Kampuchea Thmey Daily.

កាលពីថ្ងៃសុក្រសប្តាហ៍មុន លោក Zelenskyy បានព្រមានជាសាធារណៈចំៗ ទៅកាន់ប្រធានាធិបតីបេឡារុស Alexander Lukashenko ដោយទាមទារ ឲ្យដកឧបករណ៍ពង្រីកសញ្ញារបស់ដ្រូនរុស្ស៊ី ចេញជាបន្ទាន់។

លើសពីនេះ Zelenskyy ថែមទាំងគំរាមទៀតថា បើបេឡារុស មិនព្រមដកវាចេញទេ កងទ័ពអ៊ុយក្រែននឹងទៅដកវាចេញដោយផ្ទាល់ដៃ ជាមិនខានឡើយ ដែលសម្ដីនេះ បង្ហាញយ៉ាងច្បាស់ថា ទីក្រុងកៀវ ត្រៀមខ្លួនរួចជាស្រេច ក្នុងការប្រើប្រាស់កម្លាំងយោធា ប្រសិនបើចាំបាច់។

យ៉ាងណា រុស្ស៊ីបានចេញមុខ ការពារសម្ព័ន្ធមិត្តរបស់ខ្លួន ដោយផ្តាំទៅអ៊ុយក្រែន វិញថា កុំហ៊ានប៉ះ បេឡារុស ឲ្យសោះ បើមិនដូច្នោះ ទីក្រុងមូស្គូ នឹងត្រូវបង្ខំចិត្តចាត់វិធានការយោធា ហើយ។

ការបោះពាក្យសម្តីដាក់គ្នានេះ ធ្វើឲ្យមានការសង្ស័យថា បេឡារុស អាចនឹងក្លាយជាសមរភូមិថ្មី នៃសង្គ្រាមរុស្ស៊ី-អ៊ុយក្រែន។ ដូច្នេះហើយ ទើបមានការចោទជាសំណួរថា តើវានឹងក្លាយជាការពិត ដែរឬទេ?

ជុំវិញបញ្ហានេះ កាសែត Wall Street Journal បានចេញផ្សាយអត្ថបទមួយ កាលពីថ្ងៃពុធ ទី២៤ ខែមិថុនា ឆ្នាំ២០២៦ ដែលវាយតម្លៃថា បេឡារុស មានឱកាសខ្ពស់ ក្នុងការក្លាយជា «សមរភូមិស្រមោល» ឬជាសមរភូមិពង្រីកថ្មី នៃសង្គ្រាមរុស្ស៊ី-អ៊ុយក្រែន ព្រោះតែសម្ពាធនយោបាយ និងយោធាកាន់តែខ្លាំងឡើងពីទីក្រុងមូស្គូ ប៉ុន្តែលទ្ធភាព ដែលកងទ័ពជើងគោកបេឡារុស ចូលប្រយុទ្ធផ្ទាល់ គឺនៅមានកម្រិតទាបណាស់។

យោងតាម WSJ, វិមានក្រឹមឡាំង កំពុងបង្ខំឲ្យបេឡារុស ពង្រឹងសម្ព័ន្ធភាពយោធា ដើម្បីបើកសមរភូមិថ្មីពីទិសខាងជើង សំដៅអូសទាញកម្លាំងបម្រុងរបស់អ៊ុយក្រែន ឲ្យចេញពីសមរភូមិភាគខាងកើត។ ទន្ទឹមនោះ គេហទំព័រ The Guardian ក៏ផ្សាយដែរថា រុស្ស៊ី បានសាងសង់មូលដ្ឋានដ្រូនថ្មីចំនួន ៥ នៅជិតព្រំដែនបេឡារុស ដើម្បីប្រើប្រាស់ដែនអាកាសប្រទេសនេះ វាយប្រហារអ៊ុយក្រែន។

ដោយឡែក បើផ្អែកលើការវិភាគរបស់វិទ្យាស្ថាន HUDSON និងអ្នកជំនាញយោធាអន្តរជាតិ, មានសេណារីយ៉ូធំៗចំនួន ៣ ដែលអាចទៅរួច៖

១៖ សង្គ្រាមកូនកាត់ និងការវាយប្រហារឆ្លងដែនដោយដ្រូន/មីស៊ីល (ឱកាសកើតឡើង៖ ខ្ពស់បំផុត)។

២៖ រុស្ស៊ីប្រើដីបេឡារុស វាយលុកទីក្រុងកៀវជាថ្មី (ឱកាសកើតឡើង៖ មធ្យម – ត្រូវការទ័ព ៧០ ០០០ នាក់)។

៣៖ ការវាយឆ្មក់ កាត់ផ្តាច់ផ្លូវផ្គត់ផ្គង់ភាគខាងលិចអ៊ុយក្រែន (ឱកាសកើតឡើង៖ ទាប)។

ក្នុងន័យនេះ បេឡារុស មិនបញ្ជូនទ័ពជើងគោកចូលអ៊ុយក្រែនទេ ប៉ុន្តែបន្តឲ្យរុស្ស៊ីប្រើដី និងដែនអាកាសរបស់ខ្លួន។ ដូចនេះ អ៊ុយក្រែននឹងវាយប្រហារដោយដ្រូន រយៈចម្ងាយឆ្ងាយចូលដីបេឡារុស ដែលធ្វើឲ្យទឹកដីនេះ ក្លាយជាសមរភូមិបាញ់បោះជាក់ស្តែង។ ម្យ៉ាង រុស្ស៊ី ក៏អាចពង្រឹងទ័ពឡើងវិញ នៅក្នុងដីបេឡារុសដែរ ដើម្បីវាយសម្រុកមកភាគខាងជើងអ៊ុយក្រែន។

សរុបសេចក្តីមក បេឡារុស អាចនឹងក្លាយជាសមរភូមិថ្មី ក្នុងទម្រង់ជាទីតាំងរងការវាយប្រហារសងសឹកពីអ៊ុយក្រែនទៅលើមូលដ្ឋានយោធារុស្ស៊ី ប៉ុន្តែមិនមែន កងទ័ពជើងគោកបេឡារុស ចូលប្រយុទ្ធទ្រង់ទ្រាយធំ ដោយផ្ទាល់ទេ៕

អត្ថបទ៖ សុវណ្ណ

The post តើបេឡារុស អាចក្លាយជាសមរភូមិថ្មី នៃសង្គ្រាមរុស្ស៊ី-អ៊ុយក្រែន ដែរឬទេ? appeared first on Kampuchea Thmey Daily.

ទោះរុស្ស៊ីជាប្រទេសផលិត និងនាំចេញប្រេងឆៅ ធំជាងគេមួយ ក្នុងពិភពលោកក៏ដោយ ប៉ុន្តែការខូចខាតហេដ្ឋារចនាសម្ព័ន្ធកែច្នៃក្នុងស្រុកបែបនេះ បានបង្ខំឲ្យវិមានក្រឹមឡាំង ចាត់វិធានការបន្ទាន់ ដើម្បីដោះស្រាយកង្វះខាតឥន្ធនៈក្នុងស្រុក។

យោងតាមការផ្សាយរបស់ Telegraph, រុស្ស៊ី បានចាប់ផ្តើមនាំចូលប្រេងឥន្ធនៈ ជាពិសេសប្រេងសាំង ពីបរទេសមែន ដើម្បីដោះស្រាយវិបត្តិនេះ។

របាយការណ៍ពីប្រភពឧស្សាហកម្មថាមពល និងទីភ្នាក់ងារព័ត៌មាន Reuters បង្ហាញថា រុស្ស៊ីបានចាប់ផ្តើមរៀបចំ នាំចូលប្រេងសាំងតាមផ្លូវសមុទ្រ ពីបណ្តាប្រទេសក្នុងតំបន់អាស៊ី តាមរយៈកំពង់ផែភាគខាងលិចរបស់ខ្លួន។ ក្រៅពីអាស៊ី រុស្ស៊ីក៏បង្កើនការនាំចូលប្រេងឥន្ធនៈជាបន្ទាន់ ពីប្រទេសបេឡារុស ផងដែរ។

ទន្ទឹមនោះ វិមានក្រឹមឡាំង ក៏ចាត់វិធានការ ដោយដាក់បម្រាម ផ្អាកការនាំចេញប្រេងសាំង ទៅក្រៅប្រទេសរហូតដល់ចុងខែកក្កដា ផងដែរ ដើម្បីរក្សាទុកផ្គត់ផ្គង់តម្រូវការ ក្នុងស្រុក។

មិនត្រឹមប៉ុណ្ណឹង ដើម្បីបង្កើនបរិមាណប្រេងឲ្យបានលឿន រុស្ស៊ី ថែមទាំងអនុញ្ញាតឲ្យរោងចក្រទាំងឡាយ ផលិតប្រេងសាំងក្រោមស្តង់ដារទាប (ស្តង់ដារ Euro-3) ឡើងវិញ ទៀតផង។

សូមជម្រាបថា ការវាយប្រហារដោយដ្រូនទ្រង់ទ្រាយធំរបស់អ៊ុយក្រែន បានបណ្តាលឲ្យរោងចក្រចម្រាញ់ប្រេងយក្សរុស្ស៊ីជាច្រើន ត្រូវផ្អាកដំណើរការទាំងស្រុង ឬមួយផ្នែក។ ក្នុងនោះរួមមាន រោងចក្រចម្រាញ់ប្រេង Moscow Oil Refinery (MNPZ) នៅជិតទីក្រុងមូស្គូ និងរោងចក្រ TANECO នៅតំបន់ Tatarstan។

តាមការប៉ាន់ប្រមាណ សមត្ថភាពចម្រាញ់ប្រេងរបស់រុស្ស៊ី បានធ្លាក់ចុះប្រហែល ២០% ទៅ ៣០%។ ចំណែកឯការផលិតប្រេងសាំង ទូទាំងប្រទេស បានធ្លាក់ចុះរហូតដល់ ២៥% ដោយសារស្នាដៃអ៊ុយក្រែន៕

អត្ថបទ៖ សុវណ្ណ

The post រុស្ស៊ី បង្ខំចិត្តនាំចូលប្រេង ពីក្រៅប្រទេស ក្រោយ ដ្រូនអ៊ុយក្រែន កម្ទេចរោងចក្រចម្រាញ់ប្រេង appeared first on Kampuchea Thmey Daily.

នេះគឺជាការឆ្លើយតបទៅនឹង ពាក្យគំរាមរបស់ប្រមុខរដ្ឋាភិបាលទីក្រុង កៀវ លោក វ៉ូឡូឌីមៀរ ហ្សេលេនស្គី ដែលប្រកាសទុកពេល ១សប្តាហ៍ ឲ្យបេឡារុស ដកចេញនូវឧបករណ៍ផ្តល់ជំនួយដល់ដ្រូនរុស្ស៊ី និងរាដាអាកាស នៅព្រំដែន, បើមិនព្រមធ្វើតាមទេនោះ អ៊ុយក្រែន នឹងចាត់វិធានការក្តៅហើយ។

យ៉ាងណា សារព័ត៌មាន RT បានដកស្រង់សម្តីរដ្ឋមន្ត្រីការបរទេសរុស្ស៊ី Sergey Lavrov ដែលថ្លែងក្នុងកិច្ចពិភាក្សាតុមូល ស្តីពីប្រធានបទ «តួនាទីលោកខាងលិច ក្នុងសង្គ្រាមអ៊ុយក្រែន» កាលពីថ្ងៃអង្គារ ទី២៣ ខែមិថុនា ឆ្នាំ២០២៦ ថា បើអ៊ុយក្រែន ពិតជាហ៊ានវាយប្រហារប្រទេសនេះមែន ទីក្រុងមូស្គូ នឹងចាត់វិធានការធានាសន្តិសុខបេឡារុស ហើយ។ 

លោកផ្តាំទៅអ៊ុយក្រែនថា ត្រូវចាំថា រុស្ស៊ី-បេឡារុស មានសន្ធិសញ្ញាជាមួយគ្នា ដែលចូលជាធរមាន ចាប់តាំងពីខែមីនា ឆ្នាំ២០២៥ មកម្ល៉េះ ដែលកិច្ចព្រមព្រៀងនេះ បញ្ជាក់ថា ប្រទេសទាំងពីរ នឹងការពារគ្នាទៅវិញទៅមក បើមានភាគីណាមួយ រងការវាយប្រហារពីអមិត្ត ហើយបើចាំបាច់ អាចនឹងឈានដល់ការប្រើអាវុធ នុយក្លេអ៊ែរទៀតផង។

តាមការអះអាងរបស់លោក Lavrov, ការព្រមានទុកឱសានវាទនោះ គឺជាការគំរាមកំហែង ប្រឆាំងនឹងរដ្ឋអធិបតេយ្យមួយ ហើយរឿងនេះ ច្បាស់ណាស់ថា មានគោលបំណងទាញ បេឡារុស ឲ្យធ្លាក់ចូលទៅក្នុងជម្លោះដោយផ្ទាល់ និងពង្រីកសមរភូមិប្រយុទ្ធ។

រម្លឹកទៅ កាលពីថ្ងៃសុក្រ ទី១៩ ខែមិថុនា លោកហ្សេលេនស្គី បានប្រកាសពីឱសានវាទ ដោយចោទប្រកាន់ចំៗថា បេឡារុស កំពុងចូលដៃជួយរុស្ស៊ី ឲ្យប្រើប្រាស់ដ្រូន ហោះមកវាយប្រហារក្នុងទឹកដីអ៊ុយក្រែន និងថែមទាំងគំរាមថា ទីក្រុងកៀវ នឹងកំណត់គោលដៅកម្ទេចឧបករណ៍ ទាំងនោះ បើមិនព្រមរុះរើចេញទេ។

តាមសម្តីលោក ហ្សេលេនស្គី, បេឡារុស កំពុងផ្តល់ទីតាំងសម្រាប់ដាក់ឧបករណ៍បញ្ជូនសញ្ញាបន្ត នៅលើអង់តែនទូរគមនាគមន៍នានា ខ្វាត់ខ្វែងពាសពេញខេត្តចំនួនពីរ ដែលជាប់ព្រំដែនជាមួយអ៊ុយក្រែន ហើយកងកម្លាំងរុស្ស៊ី កំពុងប្រើប្រាស់ឧបករណ៍ទាំងនេះយ៉ាងសកម្ម ដើម្បីតម្រង់ទិសដៅ និងកែតម្រូវការបាញ់អាវុធ ដោយដៅចំជាពិសេសលើប្រជាពលរដ្ឋស៊ីវិល និងហេដ្ឋារចនាសម្ព័ន្ធថាមពលរបស់អ៊ុយក្រែន។

ប្រទេសបេឡារូស គឺជាសម្ព័ន្ធមិត្តដ៏ជិតស្និទ្ធបំផុតរបស់រុស្ស៊ី ដែលតែងផ្តល់ការគាំទ្រយ៉ាងសំខាន់ ផ្នែកភស្តុភារ ទឹកដី និងយោធា ក្នុងសង្គ្រាមនៅអ៊ុយក្រែន។ ទីក្រុងមីនស្កិ៍ អនុញ្ញាតឲ្យកងទ័ពរុស្ស៊ី ប្រើប្រាស់ទឹកដីរបស់ខ្លួនជាមូលដ្ឋានសម្រាប់ការចល័តទ័ព និងបើកការវាយលុក ចូលទៅភាគខាងជើងអ៊ុយក្រែន។

មន្ទីរពេទ្យ និងហេដ្ឋារចនាសម្ព័ន្ធវេជ្ជសាស្ត្រនៅបេឡារូស ក៏ត្រូវបានប្រើប្រាស់ សម្រាប់សង្គ្រោះ និងព្យាបាលទាហានរុស្ស៊ី ដែលរងរបួសពីសមរភូមិ ផងដែរ៕

អត្ថបទ៖ សុខ សុវណ្ណ

The post រុស្ស៊ី ផ្តាំទៅអ៊ុយក្រែន ថា កុំហ៊ានប៉ះ បេឡារុស ឲ្យសោះ! appeared first on Kampuchea Thmey Daily.

ថ្លែងក្នុងសន្និសីទកាសែតនៅទីក្រុងកៀវ កាលពីថ្ងៃសុក្រ ទី១៩ ខែមិថុនា ឆ្នាំ២០២៦ លោកហ្សេលេនស្គី បានប្រកាសពីឱសានវាទនេះ ហើយចោទប្រកាន់ចំៗថា បេឡារុស កំពុងចូលដៃជួយរុស្ស៊ី ឲ្យប្រើប្រាស់ដ្រូន ហោះមកវាយប្រហារក្នុងទឹកដីអ៊ុយក្រែន និងថែមទាំងគំរាមថា ទីក្រុងកៀវ នឹងកំណត់គោលដៅកម្ទេចឧបករណ៍ ទាំងនោះ បើមិនព្រមរុះរើចេញទេ។

តាមសម្តីលោក ហ្សេលេនស្គី, បេឡារុស កំពុងផ្តល់ទីតាំងសម្រាប់ដាក់ឧបករណ៍បញ្ជូនសញ្ញាបន្ត នៅលើអង់តែនទូរគមនាគមន៍នានា ខ្វាត់ខ្វែងពាសពេញខេត្តចំនួនពីរ ដែលជាប់ព្រំដែនជាមួយអ៊ុយក្រែន ហើយកងកម្លាំងរុស្ស៊ី កំពុងប្រើប្រាស់ឧបករណ៍ទាំងនេះយ៉ាងសកម្ម ដើម្បីតម្រង់ទិសដៅ និងកែតម្រូវការបាញ់អាវុធ ដោយដៅចំជាពិសេសលើប្រជាពលរដ្ឋស៊ីវិល និងហេដ្ឋារចនាសម្ព័ន្ធថាមពលរបស់អ៊ុយក្រែន។

ដោយសំដៅទៅ ប្រធានាធិបតីបេឡារុស Alexander Lukashenko, លោក ហ្សេឡេនស្គី ថ្លែងយ៉ាងច្បាស់ថា៖ «ខ្ញុំគិតថា មួយសប្តាហ៍ គឺគ្រប់គ្រាន់ហើយ សម្រាប់គាត់ក្នុងការធ្វើកិច្ចការនោះ។ ប្រសិនបើគាត់មិនធ្វើវាទេ យើងនឹងធ្វើវា»។

ប្រទេសបេឡារូស គឺជាសម្ព័ន្ធមិត្តដ៏ជិតស្និទ្ធបំផុតរបស់រុស្ស៊ី ដែលតែងផ្តល់ការគាំទ្រយ៉ាងសំខាន់ ផ្នែកភស្តុភារ ទឹកដី និងយោធា ក្នុងសង្គ្រាមនៅអ៊ុយក្រែន។ ទីក្រុងមីនស្កិ៍ អនុញ្ញាតឲ្យកងទ័ពរុស្ស៊ី ប្រើប្រាស់ទឹកដីរបស់ខ្លួនជាមូលដ្ឋានសម្រាប់ការចល័តទ័ព និងបើកការវាយលុក ចូលទៅភាគខាងជើងអ៊ុយក្រែន។

មន្ទីរពេទ្យ និងហេដ្ឋារចនាសម្ព័ន្ធវេជ្ជសាស្ត្រនៅបេឡារូស ក៏ត្រូវបានប្រើប្រាស់ សម្រាប់សង្គ្រោះ និងព្យាបាលទាហានរុស្ស៊ី ដែលរងរបួសពីសមរភូមិ ផងដែរ៕

អត្ថបទ៖ សុខ សុវណ្ណ

The post ហ្សេលេនស្គី ទុកពេល ១សប្តាហ៍ឲ្យបេឡារុស ធ្វើតាមការទាមទាររបស់ខ្លួន បើមិនធ្វើ អ៊ុយក្រែន នឹងវាយប្រហារ appeared first on Kampuchea Thmey Daily.

ភាពខុសគ្នានៃសង្គ្រាមទាំងពីរគឺថា សង្គ្រាមនៅមជ្ឈិមបូព៌ា គឺអាមេរិក ផ្តោតលើការទប់ស្កាត់ឥទ្ធិពលរបស់អ៊ីរ៉ង់នៅក្នុងតំបន់ ការការពារផ្លូវសមុទ្រដឹកជញ្ជូនប្រេង និងរារាំងមិនឲ្យទីក្រុងតេហេរ៉ង់ ផលិតអាវុធនុយក្លេអ៊ែរបានឡើយ។

ចំណែក សង្គ្រាមនៅអឺរ៉ុបខាងកើត គឺផ្តោតលើការគ្រប់គ្រងទឹកដី។ រុស្ស៊ី ចង់ទប់ស្កាត់ការរីកសាយភាយឥទ្ធិពលរបស់អង្គការណាតូ និងចង់គ្រប់គ្រង ឬកាត់ផ្តាច់ទឹកដីអ៊ុយក្រែន មកធ្វើជាចំណុះ ឬជារបងការពារខ្លួន។

ដូច្នេះហើយ អ្នកវិភាគមើលឃើញថា សង្គ្រាមរុស្ស៊ី-អ៊ុយក្រែន នឹងមិនងាយចប់ ដូចសង្គ្រាមអាមេរិក-អ៊ីរ៉ង់ឡើយ។

ជុំវិញរឿងនេះ វិទ្យាស្ថានសម្រាប់ការសិក្សាសង្គ្រាម មានមូលដ្ឋាននៅសហរដ្ឋអាមេរិក បានលើកឡើងហេតុផលចំនួន ៣យ៉ាង ដែលធ្វើឲ្យភ្លើងសង្គ្រាម រុស្ស៊ី-អ៊ុយក្រែន មិនងាយរលត់។

១. ជំហរមិនចុះសម្រុងគ្នាលើបញ្ហាទឹកដី

វិមានក្រឹមឡាំង នៅតែបន្តច្បាំង ដើម្បីសម្រេចឲ្យបាន នូវគោលដៅរបស់ខ្លួន និងច្រានចោលសំណើចរចាសន្តិភាពជាញឹកញាប់។ គិតត្រឹមបច្ចុប្បន្ន រុស្ស៊ីកំពុងកាន់កាប់ទឹកដីអ៊ុយក្រែន ប្រមាណ ២០%។

ទោះបីជាប្រធានាធិបតីអ៊ុយក្រែន វ៉ូឡូឌីមៀ ហ្សេលេនស្គី តែងបង្ហាញឆន្ទៈ ចង់ជួបចរចាផ្ទាល់ក៏ពិតមែន ប៉ុន្តែលក្ខខណ្ឌស្នូលរបស់ទីក្រុងកៀវ និងមហាសន្និបាតអង្គការសហប្រជាជាតិ គឺ រុស្ស៊ីត្រូវតែដកទ័ពទាំងអស់ ចេញពីទឹកដីអ៊ុយក្រែន ដោយគ្មានលក្ខខណ្ឌ។

២. ស្ថានភាពនៅលើសមរភូមិជាក់ស្តែង

ការវាយលុករបស់រុស្ស៊ី បានធ្លាក់ចុះយ៉ាងខ្លាំង បើប្រៀបធៀបទៅនឹងឆ្នាំមុនៗ ដោយសារតែប្រព័ន្ធការពារ និងការវាយបកវិញរបស់អ៊ុយក្រែន។ អ៊ុយក្រែន បានបង្កើនការវាយប្រហារដោយដ្រូន រយៈចម្ងាយឆ្ងាយ ទៅលើរោងចក្រចម្រាញ់ប្រេង និងហេដ្ឋារចនាសម្ព័ន្ធថាមពលនៅក្នុងទីក្រុងមូស្គូ ដែលបណ្តាលឲ្យរុស្ស៊ី ជួបវិបត្តិខ្វះខាតប្រេងឥន្ធនៈក្នុងស្រុក។

៣. ជំនួយពីអន្តរជាតិនៅតែបន្តជះចូល

ក្រុមប្រទេស​ G7 និងក្រុមប្រឹក្សាអឺរ៉ុប នៅតែបន្តប្តេជ្ញាផ្តល់ជំនួយយោធា ប្រព័ន្ធការពារអាកាស និងកម្ចីហិរញ្ញវត្ថុរាប់ពាន់លានអឺរ៉ូ ដល់អ៊ុយក្រែនជាបន្តបន្ទាប់។ ការណ៍នេះ ធ្វើឲ្យអ៊ុយក្រែន មានសមត្ថភាពអាចបន្តឈរជើងប្រយុទ្ធ ការពារខ្លួនបានយូរអង្វែងទៀត។

ជាចុងក្រោយ បើតាមការវាយតម្លៃពីអ្នកជំនាញអន្តរជាតិ, ឱកាសនៃការឈានទៅរក សន្តិភាពក្នុងពេលឆាប់ៗខាងមុខនេះ គឺមានកម្រិតទាបខ្លាំងណាស់។ ដូច្នេះ សង្គ្រាមនេះ ត្រូវគេមើលឃើញថា នឹងបន្តអូសបន្លាយទៅមុខទៀត យ៉ាងរ៉ាំរ៉ៃ៕

អត្ថបទ៖ សុខ សុវណ្ណ

The post ហេតុផល ៣យ៉ាង ដែលសង្គ្រាមរុស្ស៊ី-អ៊ុយក្រែន មិនងាយចប់ ដូចសង្គ្រាមអាមេរិក-អ៊ីរ៉ង់ appeared first on Kampuchea Thmey Daily.

តាមការផ្សាយរបស់ BBC, ការវាយប្រហារដោយដ្រូនរបស់អ៊ុយក្រែន កាលពីថ្ងៃព្រហស្បតិ៍ ទី១៨ ខែមិថុនា ឆ្នាំ២០២៦ គឺជាការវាយប្រហារទ្រង់ទ្រាយធំបំផុត ចាប់តាំងពីផ្ទុះសង្គ្រាមឆ្នាំ២០២២ មក ហើយតំបន់ទូទាំងប្រទេសរុស្ស៊ី ត្រូវស្ថិតក្រោមការវាយប្រហារ។

ក្នុងតួលេខបញ្ជាក់ដោយក្រសួងការពារជាតិរុស្ស៊ី ក្នុងប្រតិបត្តិការដ៏ខ្លាំងក្លានេះ អ៊ុយក្រែន ប្រើដ្រូនរហូតដល់ទៅ ១ ០០០គ្រឿង ក្នុងនោះមានជិត ២០០គ្រឿង វាយប្រហារទីក្រុងមូស្គូ បណ្តាលឲ្យឆាបឆេះរោងចក្រចម្រាញ់ប្រេង Kapotnya ដែលជាទីតាំង ផ្គត់ផ្គង់ប្រេងម៉ាស៊ូត និងសាំង រហូតដល់ទៅ ៥០% ដល់ទីក្រុងមូស្គូ។

មិនត្រឹមប៉ុណ្ណឹង បំណែកកម្ទេចកម្ទី និងការវាយប្រហារចំៗ ក៏បានបំផ្លាញទីតាំងជាច្រើនផងដែរ រួមមានមជ្ឈមណ្ឌលហាត់ប្រាណមួយនៅក្នុងតំបន់ Lyubertsy, អគារស្នាក់នៅមួយចំនួន ព្រមទាំងផ្សារទំនើប Sadovod និង Mega Belaya Dacha។

លើសពីនេះ អាកាសយានដ្ឋានអន្តរជាតិធំៗទាំង៤ របស់ទីក្រុងមូស្គូ ដូចជា Sheremetyevo, Domodedovo, Vnukovo និង Zhukovsky ក៏ត្រូវបង្ខំចិត្តបិទប្រតិបត្តិការ និងផ្អាកជើងហោះហើររាប់រយជើងផងដែរ។

ដ្បិត គ្មានសេចក្តីរាយការណ៍អំពីមនុស្សស្លាប់ ប៉ុន្តែអាជ្ញាធររុស្ស៊ី បញ្ជាក់ថា មនុស្សចំនួន ១៧នាក់បានរងរបួសនៅក្នុងរដ្ឋធានី។

ការវាយប្រហារនេះ ធ្វើឲ្យរុស្ស៊ី ក្តៅស្លឹកត្រចៀកមិនស្ទើរឡើយ ដោយរដ្ឋមន្ត្រីការបរទេស Sergey Lavrov ប្រកាសថា រុស្ស៊ីនឹងធ្វើការវាយប្រហារជាប្រចាំ សងសឹកវិញ លើគោលដៅនានា ក្នុងប្រទេសអ៊ុយក្រែន ដែលគាំទ្រដោយផ្ទាល់ដល់សមត្ថភាពប្រយុទ្ធ នៃកងកម្លាំងប្រដាប់អាវុធរបស់ខ្លួន។

ថ្លែងទៅកាន់ក្រុមអ្នកយកព័ត៌មាន នៅក្រៅជំនួបនៃកិច្ចប្រជុំកំពូលរុស្ស៊ី-អាស៊ាន លោក Lavrov និយាយថា៖ «ខ្ញុំជឿជាក់ជាយូរមកហើយថា ត្រឹមតែពាក្យសម្តីគឺមិនគ្រប់គ្រាន់នោះទេ។ វាមិនមែនជាការចៃដន្យឡើយ ដែលលោកប្រធានាធិបតី បានប្រកាសកាលពីពេលថ្មីៗនេះ បន្ទាប់ពីការវាយប្រហារបែបភេរវកម្មមួយទៀត ដោយទីក្រុងកៀវថា ឥឡូវ យើងនឹងបើកការវាយប្រហារជាក្រុមទ្រង់ទ្រាយធំ ជាប្រចាំ ប្រឆាំងនឹងគោលដៅទាំងឡាយណា ដែលប៉ះពាល់ដោយផ្ទាល់ ដល់សមត្ថភាពប្រយុទ្ធរបស់កងកម្លាំងប្រដាប់អាវុធអ៊ុយក្រែន»។

សូមជម្រាបថា សង្គ្រាមរុស្ស៊ី-អ៊ុយក្រែន ផ្ទុះឡើងជាទ្រង់ទ្រាយធំនៅថ្ងៃទី២៤ ខែកុម្ភៈ ឆ្នាំ២០២២ ពេលរុស្ស៊ី បើកការវាយលុកចូលអ៊ុយក្រែន ក្នុងអ្វីដែលរុស្ស៊ីហៅថា «ប្រតិបត្តិការយោធាពិសេស»៕

អត្ថបទ៖ សុខ សុវណ្ណ

The post រុស្ស៊ី ក្តៅស្លឹក​ត្រចៀក និង​ប្តេជ្ញា​សងសឹក​ ក្រោយអ៊ុយក្រែន​ វាយ​ប្រហារ​ទ្រង់ទ្រាយធំបំផុត ជាមួយ​ដ្រូន ​១ ០០០​គ្រឿង  appeared first on Kampuchea Thmey Daily.

តាមការផ្សាយរបស់ RT, នៅព្រឹកថ្ងៃព្រហស្បតិ៍ ទី១៨ ខែមិថុនា ឆ្នាំ២០២៦ ទូទាំងប្រទេសរុស្ស៊ី បានក្លាយជាគោលដៅ របស់ដ្រូនអ៊ុយក្រែនជាង ៥៥០គ្រឿង ប៉ុន្តែមិនមានរបាយការណ៍អំពី អ្នករងគ្រោះទេ។

នៅមូស្គូ បើតាមសម្តីអភិបាលក្រុង លោក Sergey Sobyanin, ខែលការពារដែនអាកាស បានស្ទាក់ចាប់ និងបាញ់ទម្លាក់ដ្រូន រហូតដល់ទៅ ១៩៤គ្រឿង។ យ៉ាងណា បំណែកនៃដ្រូនខ្លះ បានធ្លាក់ចំរោងចក្រចម្រាញ់ប្រេងមួយ បង្កជាអគ្គិភ័យឆាបឆេះ ហើយក៏បង្កការខូចខាតដល់ផ្សារទំនើប Sadovod ផងដែរ។

អាកាសយានដ្ឋានអន្តរជាតិទាំង៤ ដែលត្រូវផ្អាកជើងហោះហើរជាបណ្តោះអាសន្ន មានដូចជា៖ Sheremetyevo (SVO), Domodedovo (DME), Vnukovo (VKO) និង Zhukovsky (ZIA)។ 

រឿងនេះគឺដើម្បីសងសឹក ចំពោះការដែលរុស្ស៊ី បាញ់មីស៊ីលបាលិស្ទីក ​ចូល​​ទីក្រុងកៀវ​យ៉ាងគំហុក ទាំងព្រលឹមស្រាងៗថ្ងៃ​ព្រហស្បតិ៍ ខណៈលោក ហ្សេលេនស្គី ទើបតែបានបញ្ចប់កិច្ចភាក្សាយ៉ាងសំខាន់ជាមួយប្រធានាធិបតីអាមេរិក ដូណាល់ ត្រាំ និងមេដឹកនាំអឺរ៉ុប បានប៉ុន្មានម៉ោងប៉ុណ្ណោះ។

យោងតាម​ការផ្សាយរបស់ Reuters, សំឡេងផ្ទុះអាវុធយ៉ាងកម្រោល បានលាន់ឮរំពង ពេញរដ្ឋធានី ដែលធ្វើឲ្យអាជ្ញាធរយោធាក្រុងកៀវ​ ត្រូវចេញ​អំពាវនាវបន្ទាន់ ឲ្យប្រជាពលរដ្ឋទាំងអស់ ប្រញាប់រត់រកកន្លែងសុវត្ថិភាព ដើម្បីជ្រកកោន។

ស្របពេលជាមួយគ្នានោះ សញ្ញាព្រមានពីការវាយប្រហារតាមអាកាស ក៏លាន់ឡើងពាសពេញផ្ទៃប្រទេសផងដែរ ហើយនៅឯទីក្រុង Sumy ភាគឦសានអ៊ុយក្រែន ការវាយប្រហារដោយដ្រូនរបស់រុស្ស៊ី បានផ្តាច់ជីវិតមនុស្សម្នាក់ បាត់ទៅហើយ៕

អត្ថបទ៖ សុខ សុវណ្ណ

The post អ៊ុយក្រែន វាយប្រហារទ្រង់ទ្រាយធំ សងសឹករុស្ស៊ី, មូស្គូ ក៏ជាគោលដៅ ខណៈជើងហោះហើរ ត្រូវផ្អាក appeared first on Kampuchea Thmey Daily.