សង្រ្គាម Archives - Kampuchea Thmey Daily

រដ្ឋមន្ត្រីអង់គ្លេស ប្រាប់ពលរដ្ឋខ្លួនឲ្យទិញសម្ភារៈបង្ការសម្រាប់សង្គ្រាមលោកលើកទី៣

Minea Neu — Tue, 03 Mar 2026 10:42:32 +0000

ក្រសួងចក្រភពអង់គ្លេសប្រាប់គ្រួសារនីមួយៗទិញសម្ភារៈប្រើប្រាស់ប្រភេទណាដែលប្រើបានយូរ ដើម្បីត្រៀមខ្លួនសម្រាប់ការផ្ទុះឡើងនៃសង្គ្រាមលោកលើកទី៣ ឬការរំខានធំៗផ្សេងទៀតដូចជាជំងឺរាតត្បាត ការដាច់អ៊ីនធឺណិត និងស្ថានភាពអាកាសធាតុធ្ងន់ធ្ងរ។

លោកស្រី Rachel Reeves រដ្ឋមន្រ្តីក្រសួងហិរញ្ញវត្ថុអង់គ្លេស។ រូបភាព៖ Reuters

បើយោងតាម JOE News, ចុះផ្សាយថ្ងៃទី០២ ខែមីនា ឆ្នាំ២០២៦ ក្នុងយុទ្ធសាស្ត្រសន្តិសុខក្នុងឆ្នាំ២០២៥ រដ្ឋមន្ត្រីរដ្ឋាភិបាល បាននិយាយថា ចក្រភពអង់គ្លេសឥឡូវនេះរកឃើញខ្លួនឯងនៅក្នុងយុគសម័យមួយប្រឈមមុខនឹងការគំរាមកំហែងដល់សន្តិសុខប្រទេសនេះ។

លើសពីនេះ រដ្ឋមន្ត្រីកំពុងអំពាវនាវឱ្យប្រជាជនមានភាពធន់ជាងមុន ហើយមានគម្រោងឱ្យពលរដ្ឋអនុវត្តភាពស៊ាំនេះ ជាមួយបញ្ហាជាសកល។

ក្នុងយុទ្ធសាស្ត្រលើកឡើងថា៖ «សត្រូវមួយចំនួនកំពុងដាំគ្រឹះសម្រាប់ជម្លោះនាពេលអនាគត ដោយដាក់ខ្លួនឱ្យធ្វើសកម្មភាពយ៉ាងឆាប់រហ័ស។ បង្កឱ្យមានការរំខានយ៉ាងខ្លាំងដល់ខ្សែសង្វាក់ថាមពល និងខ្សែសង្វាក់ផ្គត់ផ្គង់របស់យើងផ្ទាល់ ក្នុងការរារាំងយើងពីការទប់ទល់នឹងការឈ្លានពានរបស់ពួកគេ»។

ចំណែករបាយការណ៍ Express ថា៖ «ជាលើកដំបូងក្នុងរយៈពេលជាច្រើនឆ្នាំមកនេះ យើងត្រូវត្រៀមខ្លួនយ៉ាងសកម្មសម្រាប់លទ្ធភាពសម្រាប់មាតុភូមិចក្រភពអង់គ្លេសនឹងស្ថិតនៅក្រោមការគំរាមកំហែងដោយផ្ទាល់ ដែលអាចកើតមានក្នុងសេណារីយ៉ូសម័យសង្គ្រាម»។

យ៉ាងណាមិញ រដ្ឋាភិបាលបើកដំណើរការគេហទំព័រមួយ ដើម្បីរៀបចំឱ្យសាធារណជនចូលប្រើប្រាស់បាន រួមទាំងសង្គ្រាម អាកាសធាតុអាក្រក់ និងការវាយប្រហារតាមអ៊ីនធឺណិត។

លើសពីនេះរដ្ឋាភិបាលបញ្ជាឱ្យប្រជាជនទិញរបស់សំខាន់មួយគឺវិទ្យុប្រើខ្យល់។ ដោយសារតែវិទ្យុប្រភេទនេះមិនត្រូវការថាមពលពីបណ្តាញជាតិ ដែលអាចរំខានអំឡុងពេលមានវិបត្តិនោះទេ។

ដូច្នេះគ្រួសារនីមួយៗអាចប្រើប្រាស់វិទ្យុនេះ ដើម្បីទទួលបានព័ត៌មានបន្ទាន់ពីរដ្ឋាភិបាលពេលមានហានិភ័យអ្វីមួយកើតឡើង។

មិនតែប៉ុណ្ណោះរបស់របរផ្សេងទៀតដែលរដ្ឋាភិបាលអង់គ្លេសណែនាំនៅលើគេហទំព័រ UK Prepare រួមមាន ភ្លើងពិលដំណើរការដោយថ្ម ឬភ្លើងអាចបង្វិលបាន ថ្មបម្រុង ទឹកលាងដៃសម្លាប់មេរោគ ក្រដាសជូតសើម ដបទឹក អាហារស្ងួត និងសម្ភារៈទារកជាដើម៕

ប្រែសម្រួល៖ ណឺ មិនា

The post រដ្ឋមន្ត្រីអង់គ្លេស ប្រាប់ពលរដ្ឋខ្លួនឲ្យទិញសម្ភារៈបង្ការសម្រាប់សង្គ្រាមលោកលើកទី៣ appeared first on Kampuchea Thmey Daily.

ទាហានថៃប្រើជំពាមបាញ់ជាង១០០គ្រាប់នៅប្រាសាទតាមាន់ តែទាហានកម្ពុជាមិនបានតបតទេ

កម្ពុជាថ្មី — Sun, 10 Aug 2025 10:14:43 +0000

ទាហានថៃបានប្រើជំពាមកៅស៊ូបាញ់មកលើទាហានកម្ពុជាជាង១០០គ្រាប់នៅប្រាសាទតាមាន់ ប៉ុន្តែភាគីកម្ពុជាមិនបានតបតទេ ព្យាយាមអត់ធ្មត់ដើម្បីបង្ហាញពីការគោរពតាមកិច្ចព្រមព្រៀមនៃបទឈប់បាញ់។ នេះបើតាមការបញ្ជាក់របស់ ឧត្តមសេនីយ៍ត្រី នាក់ វង្ស មេបញ្ជាការកងពលតូចថ្មើរជើងលេខ៤២។

មេបញ្ជាការ នាក់ វង្ស បានថ្លែងបែបនេះនៅថ្ងៃទី១០ ខែសីហា ឆ្នាំ២០២៥ ទៅកាន់អនុព័ន្ធយោធាបរទេសប្រចាំកម្ពុជា នៅពេលពួកគាត់ចុះទៅស្រុកបន្ទាយអំពិល ខេត្តឧត្តរមានជ័យ ដើម្បីពិនិត្យស្ថានភាពជាក់ស្តែងនៅព្រំដែន និងជនភៀសសឹក ក្រោយកម្ពុជាអនុវត្តយ៉ាងពេញលេញលើបទឈប់បាញ់។ អនុព័ន្ធយោធាទាំងនោះ មកពី៩ប្រទេស៖ អូស្រ្តាលី អង់គ្លេស កាណាដា ចិន បារាំង ជប៉ុន កូរ៉េខាងត្បូង ឡាវ និងវៀតណាម។

សម្តេចតេជោ ហ៊ុន សែន ប្រធានព្រឹទ្ធសភាកម្ពុជាកាលពីថ្ងៃទី៨ ខែកក្កដា ឆ្នាំ២០២៥ តាមរយៈបណ្តាញសង្គមហ្វេសបុកបានកត់សម្គាល់ថា ជម្លោះព្រំដែនកម្ពុជា-ថៃបានផ្ទេរពីការប្រើប្រាស់អាវុធមកប្រើប្រាស់ជំពាមកៅស៊ូ ដោយប្រើគ្រាប់ឃ្លី និងកូនដុំដែក ហើយសង្ឃឹមថា មេដឹកនាំថៃនឹងចេញបញ្ជាទៅកងទ័ពបញ្ឈប់ទង្វើបែបនេះ។ រឿងនេះបើមើលមួយភ្លែតដូចជារឿងកំប្លែង ឬរឿងតូចតាច តែបើពិនិត្យឲ្យស៊ីជម្រៅវាជារឿងធំ ប្រសិនបើយើងមិនទប់ស្កាត់វានោះទេ។

សម្តេចបានបន្ថែមថា វានឹងប្រែក្លាយពីការប្រើជំពាមកៅស៊ូ ទៅជាការប្រើអាវុធគ្រប់ប្រភេទ ដែលនឹងបំផ្លាញចោលនូវកិច្ចព្រមព្រៀងឈប់បាញ់ដែលថ្នាក់ដឹកនាំកម្ពុជា-ថៃ ដោយមានការជួយយ៉ាងសកម្មពីនាយករដ្ឋមន្ត្រីម៉ាឡេស៊ី និងការចូលរួមពីចិន អាមេរិក ស្វែងរកបានយ៉ាងលំបាក។

សម្រាប់កម្ពុជាប្រសិនមានប្រើ សម្តេចបានស្នើឲ្យរាជរដ្ឋាភិបាលចេញបទបញ្ជាទៅកងទ័ពឲ្យបញ្ឈប់ការប្រើប្រាស់ជាបន្ទាន់។ សម្តេចសង្ឃឹមថា មេដឹកនាំថៃនឹងចេញបញ្ជាទៅកងទ័ពឲ្យបញ្ឈប់ការប្រើអាវុធ ដូចដែលមានក្នុងរូបភាពដែលខ្ញុំសូមភ្ជាប់ទៅជាមួយនេះ៕

The post ទាហានថៃប្រើជំពាមបាញ់ជាង១០០គ្រាប់នៅប្រាសាទតាមាន់ តែទាហានកម្ពុជាមិនបានតបតទេ appeared first on Kampuchea Thmey Daily.

អនុព័ន្ធយោធា៩ប្រទេស ចុះពិនិត្យទីតាំងគ្រាប់ផ្លោង និងជំរុំភៀសសឹកខេត្តឧត្តរមានជ័យ

កម្ពុជាថ្មី — Sun, 10 Aug 2025 09:54:59 +0000

នៅព្រឹកថ្ងៃទី១០ ខែសីហា ក្រុមអនុព័ន្ធយោធាបរទេសប្រចាំកម្ពុជា (MACPP) ដែលមាននិវេសនដ្ឋានស្ថិតក្នុង និងក្រៅប្រទេសកម្ពុជា សរុបចំនួន៩ប្រទេស ស្មើនឹង១៤រូប បានចុះមកដល់ខេត្តឧត្តរមានជ័យ ដើម្បីពិនិត្យស្ថានភាពជាក់ស្ដែង ដែលទាហានថៃបានផ្លោងគ្រាប់ចូល និងជំរុំភៀសសឹក ស្ថិតក្នុងភូមិសាស្រ្តស្រុកបន្ទាយអំពិល ខេត្តឧត្តរមានជ័យ។

ក្រុមអនុព័ន្ធយោធាចុះពិនិត្យនៅវត្តតាមាន់សែនជ័យ សាលារៀន មណ្ឌលសុខភាព និងទីតាំងគ្រាប់មិនទាន់ផ្ទុះ MK 84 និងជំរុំភៀសសឹកវត្តភ្នំថ្មកំបោរជាដើម។

ក្រុមអនុព័ន្ធទាំង៩ប្រទេស រួមមានប្រទេស អូស្ត្រាលី ចក្រភពអង់គ្លេស កាណាដា ចិន បារាំង ជប៉ុន កូរ៉េខាងត្បូង ឡាវ និងវៀតណាម៕

ដោយ៖ចាន់ ធី

The post អនុព័ន្ធយោធា៩ប្រទេស ចុះពិនិត្យទីតាំងគ្រាប់ផ្លោង និងជំរុំភៀសសឹកខេត្តឧត្តរមានជ័យ appeared first on Kampuchea Thmey Daily.

អង្គការស្បៀងអាហារពិភពលោក ៖ អ៊ីស្រាអែល រាំងខ្ទប់ជំនួយមនុស្សធម៌មិនឲ្យដល់ដៃពលរដ្ឋនៅ ហ្គាហ្សា

Mean Ratana — Wed, 06 Mar 2024 10:20:06 +0000

អង្គការកម្មវិធីស្បៀងអាហារពិភពលោក (WFP) បានឲ្យដឹងថា ទិសដៅដឹកជញ្ជូនជំនួយស្បៀងអាហារលើកដំបូងរបស់ខ្លួនក្នុងរយៈពេល ២ សប្តាហ៍នេះទៅភាគខាងជើងនៃតំបន់ហ្គាហ្សា ត្រូវកងកម្លាំងអ៊ីស្រាអែលរារាំងមិនឲ្យយកចូលទៅបានឡើយ ។ នេះបើតាមការចុះផ្សាយរបស់សារព័ត៌មានអង់គ្លេស BBC នាថ្ងៃទី០៦ ខែមីនា ។

ទីភ្នាក់ងារនៃអង្គការសហប្រជាជាតិខាងលើបានឲ្យដឹងបន្ថែមថា ក្បួនរថយន្តដឹកជញ្ជូនស្បៀងធុនធំៗ ១៤ គ្រឿងបានបរវិលត្រឡប់មកវិញនៅឯចំណុចត្រួតពិនិត្យក្នុងតំបន់សង្គ្រាមមួយនេះ ដោយសារការរារាំងពីទ័ពអ៊ីស្រាអែល ប៉ុន្តែក្រោយមកគេឃើញក្រុមប្រជាជនក្នុងតំបន់សង្គ្រាមរត់ឈូរឆរមកព័ទ្ធដណ្តើមយកស្បៀងអាហារ ។

ទោះយ៉ាងណាតាមសេចក្តីថ្លែងការណ៍របស់អង្គការកម្មវិធីស្បៀងខាងលើបានឲ្យដឹងថា ការព្យាយាមយកជំនួយស្បៀងសប្បុរសធម៌ទៅឲ្យតំបន់ជួបទុរ្ភិក្ស និងសង្រ្គាមហ្គាហ្សាខាងលើ គឺតាំងតែពីថ្ងៃអង្គារមកម្ល៉េះ ប៉ុន្តែជំនួយស្ទើរទាំងអស់មិនបានជោគជ័យដល់ដៃនោះទេ ដោយសារការរារាំងពីសំណាក់ទ័ពអ៊ីស្រាអែលនៅតំបន់ត្រួតពិនិត្យ Wadi Gaza ទោះបីខាងឡានជំនួយនៅរង់ចាំប្រមាណ ៣ ម៉ោងក្តី ។

យ៉ាងណាក្តីដោយសារភាពអត់ឃ្លាន ធ្វើឲ្យក្រុមប្រជាជនដែលរងគ្រោះដោយសង្រ្គាមនៅតំបន់នោះ ជាច្រើននាក់សម្រុករត់មកដណ្តើមយកអាហារពីឡានបានប្រមាណ ២០០ តោននៃជំនួយស្បៀង។

កាលពីថ្ងៃទី២០ កុម្ភៈកន្លងទៅ កម្មវិធីស្បៀងអាហារក៏បានរាយការណ៍មកផងដែរថា មានការរារាំងមិនឲ្យយកជំនួយពីខាងសប្បុរសធម៌ពីខាងឯកជនផ្សេងៗផងដែរ រហូតមានកើតមានហិង្សាទៅលើប្រជាជនសុំជំនួយផងដែរពីសំណាក់ទ័ពអ៊ីស្រាអែល ដោយមានហេតុផលថាជាការបង្កចលាចលក្នុងតំបន់ ។

បើតាមមន្ត្រីពេទ្យប៉ាឡេស្ទីនបានឲ្យដឹងថា ប្រជាជនប៉ាឡេស្ទីនប្រមាណជិត ១០០ នាក់ ត្រូវកងទ័ពអ៊ីស្រាអែលបើកការបាញ់ប្រហារ នៅពេលព្យាយាមរត់ទៅយកជំនួយ ។ ដោយឡែកខាងទ័ពអ៊ីស្រាអែលក៏បានបង្ហាញដែរថា ប្រជាពលរដ្ឋប៉ាឡេស្ទីនពិតជាស្លាប់មែន ប៉ុន្តែដោយសារហេតុផលការរត់ជាន់គ្នា ប្រជ្រៀតគ្នា ក៏ដូចជាការបាញ់តបទៅពួកគេ នៅពេលដែលរត់សំដៅមកដោយចេតនាហិង្សា ដែលក្រុមទាហានអ៊ីស្រាអែលត្រូវបាញ់ការពារខ្លួន ៕

ដោយ៖ មាន រតនា

The post អង្គការស្បៀងអាហារពិភពលោក ៖ អ៊ីស្រាអែល រាំងខ្ទប់ជំនួយមនុស្សធម៌មិនឲ្យដល់ដៃពលរដ្ឋនៅ ហ្គាហ្សា appeared first on Kampuchea Thmey Daily.

ព្រឹត្តិការណ៍សំខាន់ៗចំនួន ៣ នៃសង្រ្គាមអ៊ីស្រាអែល-ប៉ាឡេស្ទីន នៅថ្ងៃទី៥៥

Sonya — Thu, 30 Nov 2023 11:55:00 +0000

១. ការដោះលែងអ្នកទោស និងចំណាប់ខ្មាំង

-ប៉ុន្មាននាទីមុនពេលបទឈប់បាញ់រយៈពេលប្រាំមួយថ្ងៃហៀបនឹងផុតកំណត់ អ៊ីស្រាអែល និងក្រុមហាម៉ាសបានព្រមព្រៀងគ្នា ដើម្បីបន្តបទឈប់បាញ់មួយថ្ងៃបន្ថែមទៀត។

-រដ្ឋាភិបាលអ៊ីស្រាអែលនិយាយថា ខ្លួនបានទទួលបញ្ជីឈ្មោះថ្មីនៃអ្នកចាប់ខ្លួននៅហ្គាហ្សាដែលត្រូវដោះលែងនៅថ្ងៃព្រហស្បតិ៍ ប៉ុន្តែមិនបានបញ្ជាក់ពីចំនួនឈ្លើយសឹកដែលត្រូវដោះលែងនោះទេ។

-ក្រុមហាម៉ាសបានដោះលែងអ្នកទោស ១៦នាក់ជាថ្នូរនឹងការដោះលែងអ្នកទោសប៉ាឡេស្ទីន ៣០នាក់ដោយអ៊ីស្រាអែលកាលពីថ្ងៃពុធ។ រហូតមកដល់ពេលនេះ អ្នកទោសប៉ាឡេស្ទីន ២១០នាក់ និងចំណាប់ខ្មាំងជនជាតិអ៊ីស្រាអែល ៩៧នាក់ត្រូវបានដោះលែង។

-Ruqayah Amro ម្នាក់ក្នុងចំណោមអ្នកទោសប៉ាឡេស្ទីនដែលត្រូវបានដោះលែងបានប្រាប់កាសែត Al Jazeera ថា អ្នកទោសស្ត្រីត្រូវបានគំរាមកំហែងដោយឆ្មាំអ៊ីស្រាអែលដោយការរំលោភផ្លូវភេទ។

២. ការអភិវឌ្ឍន៍ចុងក្រោយ

-យោងតាមទីភ្នាក់ងារសារព័ត៌មាន Wafa បានឱ្យដឹងថា កងកម្លាំងអ៊ីស្រាអែលបានឡោមព័ទ្ធមន្ទីរពេទ្យ Thabet Thabet នៅតំបន់ West Bank ដែលកាន់កាប់នៅពេលព្រលឹមថ្ងៃព្រហស្បត្តិ៍។ ពួកគេក៏បានរារាំងរថយន្តសង្គ្រោះបន្ទាន់ និងសួរចម្លើយបុគ្គលិកពេទ្យសង្គ្រោះបន្ទាន់ផងដែរ។

-Wafa បានរាយការណ៍កាលពីថ្ងៃពុធថា នៅឯមន្ទីរពេទ្យកុមារ al-Nasr នៅភាគខាងជើងហ្គាហ្សា ក្រុមគ្រូពេទ្យបានរកឃើញសាកសពទារកមិនគ្រប់ខែចំនួន ៥នាក់ដែលបានរលួយខ្លះទៅហើយ។

-Wafa បានរាយការណ៍ថា កងកម្លាំងអ៊ីស្រាអែលបានបាញ់សម្លាប់ជនជាតិប៉ាឡេស្ទីនអាយុ ២១ឆ្នាំម្នាក់នៅខាងក្រៅពន្ធនាគារ Ofer ភាគខាងលិចនៃទីក្រុង Ramallah ក្នុងតំបន់ West Bank ដែលកាន់កាប់នៅព្រឹកព្រលឹមថ្ងៃព្រហស្បតិ៍។

-កងកម្លាំងអ៊ីស្រាអែលកាលពីថ្ងៃពុធបានសម្លាប់កុមារប៉ាឡេស្ទីនពីរនាក់គឺ Adam Samer al-Ghoul អាយុ ៨ឆ្នាំ និង Basil Suleiman Abu al-Wafa អាយុ ១៥ឆ្នាំ ក្នុងអំឡុងពេលវាយឆ្មក់នៅភាគខាងជើងនៃតំបន់ West Bank ។ ការសម្លាប់អនីតិជនទាំងពីររូបត្រូវអង្គការសហប្រជាជាតិស្តីថ្កោលទោស ដោយចាត់ទុកវាជាការប្រហារជីវិតដោយឈាមត្រជាក់។

-ទីបញ្ជាការកណ្តាលរបស់យោធាអាមេរិកបាននិយាយថា ខ្លួនបានបាញ់ទម្លាក់យន្តហោះគ្មានមនុស្សបើកចេញពីផ្នែកដែលគ្រប់គ្រងដោយពួកហ៊ូធីនៃប្រទេសយេម៉ែន កាលពីថ្ងៃពុធ។

-កាលពីថ្ងៃពុធ ក្រុមហាម៉ាសបានអញ្ជើញនាយកប្រតិបត្តិបច្ចេកវិទ្យាលោក Elon Musk ឱ្យធ្វើជាសាក្សីអំពីការបំផ្លិចបំផ្លាញនៅតំបន់ហ្គាហ្សា បន្ទាប់ពីលោកបានបំពេញទស្សនកិច្ចនៅអ៊ីស្រាអែល។

៣. ការទូត

-លោកស្រី Rashida Tlaib សមាជិកអាមេរិកាំង-ប៉ាឡេស្ទីនតែម្នាក់គត់នៃសភាអាមេរិកបានអំពាវនាវឲ្យមានបទឈប់បាញ់យូរអង្វែង ដោយលោកស្រីបន្ថែមថា ការផ្អាកបណ្ដោះអាសន្នក្នុងការប្រយុទ្ធមិនគ្រប់គ្រាន់ដើម្បីបញ្ចប់ទុក្ខលំបាករបស់ប៉ាឡេស្ទីនឡើយ។

-ក្នុងដំណើរទស្សនកិច្ចជាលើកទីបីទៅកាន់តំបន់ ចាប់តាំងពីថ្ងៃទី៧ ខែតុលា រដ្ឋមន្ត្រីការបរទេសអាមេរិកលោក Antony Blinken និយាយថា រដ្ឋបាលលោក បៃដិន ចង់ពន្យារពេលបន្ថែមទៀតដដើម្បីផ្អាកក្នុងការប្រយុទ្ធគ្នារវាងអ៊ីស្រាអែល និងក្រុមហាម៉ាស។

-មេដឹកនាំអ៊ីស្រាអែលត្រូវបានគេរាយការណ៍ថា ខ្លួនកំពុងរក្សាជំហរលើការបន្តប្រតិបត្តិការយោធានៅក្នុងតំបន់ហ្គាហ្សាដើម្បីកម្ចាត់ក្រុមហាម៉ាស។ នៅក្នុងការហៅទូរសព្ទចុងក្រោយបំផុតរបស់លោកជាមួយប្រធានាធិបតីអាមេរិក ចូ បៃដិន នាយករដ្ឋមន្ត្រីអ៊ីស្រាអែល Benjamin Netanyahu បាននិយាយថា សកម្មភាពយោធានៅភាគខាងត្បូងនៃឧបទ្វីបនេះគឺជារឿងចាំបាច់។ នេះបើយោងតាមគេហទំព័រ Axios ដែលមានមូលដ្ឋាននៅសហរដ្ឋអាមេរិក។

-កាលពីថ្ងៃពុធ ក្រុមប្រឹក្សាសន្តិសុខអង្គការសហប្រជាជាតិបានពិភាក្សាអំពីអ៊ីស្រាអែល-ប៉ាឡេស្ទីន និងដំណោះស្រាយរដ្ឋទាំងពីរ។

-ខណៈដែលកិច្ចពិភាក្សារបស់សហភាពអឺរ៉ុបស្តីពីការដាក់ទណ្ឌកម្មលើក្រុមហាម៉ាសមានដំណើរការ ប្រទេសបារាំងបាននិយាយកាលពីថ្ងៃពុធថា គណៈកម្មការអឺរ៉ុបគួរតែពិចារណាលើការដាក់ទណ្ឌកម្មលើអ្នកតាំងលំនៅអ៊ីស្រាអែលដែលបានកំណត់គោលដៅលើជនជាតិប៉ាឡេស្ទីននៅតំបន់ West Bank ៕

ប្រែសម្រួល៖ សន្យា

ប្រភព៖ Aljazeera

ចុចអាន៖ លោក Stoltenberg ថា ជ័យជម្នះរបស់ អ៊ុយក្រែន លើ រុស្ស៊ី ជាផលប្រយោជន៍របស់ ណាតូ

The post ព្រឹត្តិការណ៍សំខាន់ៗចំនួន ៣ នៃសង្រ្គាមអ៊ីស្រាអែល-ប៉ាឡេស្ទីន នៅថ្ងៃទី៥៥ appeared first on Kampuchea Thmey Daily.

ពលរដ្ឋអ៊ុយក្រែនរាប់ម៉ឺននាក់រងទុក្ខទ្វេដង ក្រោយអ៊ីស្រាអែលទម្លាក់គ្រាប់បែកនៅហ្គាហ្សា

Sonya — Wed, 22 Nov 2023 13:54:00 +0000

យោងតាមរបាយការណ៍របស់ប្រព័ន្ធផ្សព្វផ្សាយ Politico បានឱ្យដឹងថា ក្នុងចំណោមប្រជាជនអ៊ុយក្រែនប្រមាណ ៤៥,០០០នាក់ ដែលបានភៀសខ្លួនចេញពីប្រទេសរបស់ពួកគេទៅកាន់ប្រទេសអ៊ីស្រាអែល ចាប់តាំងពីជម្លោះជាមួយរុស្ស៊ីកាលពីដើមឆ្នាំមុន ពេលនេះកំពុងទទួលរងទុក្ខទ្វេដង ក្រោយការបាញ់ផ្លោងរបស់អ៊ីស្រាអែល។

ជនភៀសខ្លួនទាំងនោះកំពុងជួបការលំបាកក្នុងការទទួលជំនួយហិរញ្ញវត្ថុ និងតម្រូវការអាហាររបស់ពួកគេ ខណៈសហគមន៍ដែលពួកគេជ្រកកោនត្រូវបង្ខំឱ្យផ្លាស់ទីមិនឈប់។ មិនតែប៉ុណ្ណោះមនុស្សជាច្រើនកំពុងទទួលរងនូវជំងឺធ្លាក់ទឹកចិត្ត និងការថប់បារម្ភផងដែរ។ នេះបើយោងតាមអ្នកឯកទេសសុខភាពផ្លូវចិត្ត។

ជាមួយគ្នានោះ គ្រួសារខ្លះត្រូវព្រាត់ប្រាស់គ្នាម្ដងជាពីរដង ខណៈខ្លះទៀតបែរជាលែងចង់ភៀសខ្លួនបន្តទៅទៀត៕

ប្រែសម្រួល៖ សន្យា

ប្រភព៖ Politico

ចុចអាន៖ ពលរដ្ឋហ្វីលីពីន ១៧នាក់ ត្រូវក្រុមឧទ្ទាមហ៊ូធីចាប់ជាចំណាប់ខ្មាំង

The post ពលរដ្ឋអ៊ុយក្រែនរាប់ម៉ឺននាក់រងទុក្ខទ្វេដង ក្រោយអ៊ីស្រាអែលទម្លាក់គ្រាប់បែកនៅហ្គាហ្សា appeared first on Kampuchea Thmey Daily.

អ៊ីស្រាអែល ព្រមាន អង្គការសហប្រជាជាតិពីសង្រ្គាមមជ្ឈិមបូព៌ា

Sonya — Wed, 22 Nov 2023 12:37:00 +0000

ប្រព័ន្ធផ្សព្វផ្សាយក្នុងស្រុកបានរាយការណ៍ថា រដ្ឋមន្ត្រីការបរទេសអ៊ីស្រាអែល លោក Eli Cohen បានព្រមានអង្គការសហប្រជាជាតិថា មជ្ឈិមបូព៌ាអាចធ្លាក់ចូលទៅក្នុងសង្គ្រាមទ្រង់ទ្រាយធំ ប្រសិនបើពួកសកម្មប្រយុទ្ធហេសបូឡា នៅតែស្ថិតនៅភាគខាងត្បូងប្រទេសលីបង់ ក្បែរព្រំដែនប្រទេសអ៊ីស្រាអែល។

ទូរទស្សន៍ប៉ុស្តិ៍លេខ ១២ របស់អ៊ីស្រាអែលបានអះអាងថា អ្នកការទូតរូបនេះបានចេញការព្រមាន បន្ទាប់ពីប៉ុន្មានសប្តាហ៍នៃការបាញ់ផ្លោង និងការប៉ះទង្គិចគ្នានៅតាមបណ្ដោយព្រំដែនអ៊ីស្រាអែល-លីបង់។ ការប៉ះទង្គិចគ្នាកាន់តែខ្លាំងឡើងចាប់តាំងពីការលុកលុយយ៉ាងសាហាវដោយក្រុមសកម្មប្រយុទ្ធប៉ាឡេស្ទីនហាម៉ាស ចូលក្នុងប្រទេសអ៊ីស្រាអែល កាលពីថ្ងៃទី ៧ ខែតុលា។

រីឯក្រុមហេសបូឡាវិញនិយាយថា ខ្លួនបានចូលរួមជាមួយពួកសកម្មប្រយុទ្ធនៅតំបន់ហ្គាហ្សា ដើម្បីប្រឆាំងនឹងអ៊ីស្រាអែល ប៉ុន្តែរហូតមកដល់ពេលនេះមិនទាន់អាចបញ្ឈប់ការវាយលុកនៅឡើយ។

រាយការណ៍កាលពីថ្ងៃអង្គារ ប៉ុស្តិ៍លេខ ១២ បានអះអាងថា លោក Cohen បានព្រមានទៅកាន់ក្រុមប្រឹក្សាសន្តិសុខអង្គការសហប្រជាជាតិ ដោយជំរុញឱ្យអនុវត្តដំណោះស្រាយ ១៧០១ ដែលបាននាំមកនូវការបញ្ចប់ជម្លោះឆ្នាំ២០០៦ រវាងអ៊ីស្រាអែល និងក្រុមហេសបូឡា។ ដំណោះស្រាយនេះក៏បានអំពាវនាវឱ្យមានការរំសាយអាវុធ និងដកក្រុមប្រដាប់អាវុធលីបង់ រួមទាំងក្រុមហេសបូឡា ចេញពីភាគខាងត្បូងនៃទន្លេ Litani ក្បែរព្រំដែនអ៊ីស្រាអែលផងដែរ។

លោក Cohen បានព្យាករណ៍ថា ការបរាជ័យដោយកងកម្លាំងរក្សាសន្តិភាពរបស់អង្គការសហប្រជាជាតិក្នុងការអនុវត្តវិធានការណ៍បញ្ចប់ជម្លោះអាចបណ្តាលឱ្យមានសង្រ្គាមក្នុងតំបន់៕

ប្រែសម្រួល៖ សន្យា

ប្រភព៖ RT

ចុចអាន៖ ប៉េរូ រកឃើញសាកសពម៉ាំមីកុមារ មានអាយុកាល ១ពាន់ឆ្នាំ

ចុចអាន៖ អ៊ីស្រាអែល បង្កើនការទម្លាក់គ្រាប់បែកនៅហ្គាហ្សា មុនអនុវត្តបទឈប់បាញ់

The post អ៊ីស្រាអែល ព្រមាន អង្គការសហប្រជាជាតិពីសង្រ្គាមមជ្ឈិមបូព៌ា appeared first on Kampuchea Thmey Daily.

ការវាយប្រហារកំពុងបន្ត តែក្រុមហាម៉ាសថា កិច្ចព្រមព្រៀងបទឈប់បាញ់ជាមួយអ៊ីស្រាអែលជិតសម្រេចហើយ

Sonya — Tue, 21 Nov 2023 11:55:00 +0000

ប្រធានក្រុមហាម៉ាសបានប្រាប់សារព័ត៌មាន នៅថ្ងៃអង្គារ ទី២១ ខែវិច្ឆិកា ថា ក្រុមសកម្មប្រយុទ្ធប៉ាឡេស្ទីនឈានទៅជិតកិច្ចព្រមព្រៀងបទឈប់បាញ់ជាមួយអ៊ីស្រាអែលហើយ ទោះបីជាការវាយប្រហារយ៉ាងសាហាវទៅលើហ្គាហ្សានៅតែបន្ត ហើយគ្រាប់រ៉ុក្កែតកំពុងត្រូវបានបាញ់ចូលអ៊ីស្រាអែលក៏ដោយ។

លោក Ismail Haniyeh បាននិយាយនៅក្នុងសេចក្តីថ្លែងការណ៍មួយផ្ញើទៅកាន់សារព័ត៌មាន Reuters តាមរយៈជំនួយការរបស់លោកថាមន្ត្រីក្រុមហាម៉ាស «ជិតឈានដល់កិច្ចព្រមព្រៀងបទឈប់បាញ់» ជាមួយអ៊ីស្រាអែល ហើយក្រុមនេះបានឆ្លើយតបទៅនឹងអ្នកសម្របសម្រួលកាតា។

ទោះយ៉ាងណា មិនទាន់មានព័ត៌មានលម្អិតបន្ថែមអំពីលក្ខខណ្ឌនៃកិច្ចព្រមព្រៀងនៅឡើយទេ។

ដោយឡែកប្រធានាធិបតីសហរដ្ឋអាមេរិក លោក ចូ បៃដិន បាននិយាយកាលពីថ្ងៃចន្ទ ដោយលោកជឿជាក់ថា កិច្ចព្រមព្រៀងមួយជិតមកដល់ហើយ។ អ្នកនាំពាក្យសេតវិមានលោក John Kirby បាននិយាយអំពីកិច្ចព្រមព្រៀងមួយក្នុងគោលបំណងធានាឱ្យមានការដោះលែងចំណាប់ខ្មាំងមួយចំនួនដែលឃុំខ្លួននៅហ្គាហ្សា និងផ្អាកការប្រយុទ្ធដែលនឹងអនុញ្ញាតឱ្យមានជំនួយចាំបាច់ជាច្រើនចូលទៅក្នុងតំបន់ឡោមព័ទ្ធ៕

ប្រែសម្រួល៖ សន្យា

ប្រភព៖ Reuters

ចុចអាន៖ លោក បៃដិន ថា កិច្ចព្រមព្រៀងដោះលែងចំណាប់ខ្មាំងជាមួយក្រុមហាម៉ាស ជិតសម្រេចបានមែនទែនហើយ

ចុចអាន៖ អ៊ីស្រាអែល ទម្លាយពីកម្លាំងសរុបរបស់ក្រុមហាម៉ាសដែលហ៊ានបើកការវាយប្រហារកាលពីថ្ងៃទី៧ ខែតុលា

The post ការវាយប្រហារកំពុងបន្ត តែក្រុមហាម៉ាសថា កិច្ចព្រមព្រៀងបទឈប់បាញ់ជាមួយអ៊ីស្រាអែលជិតសម្រេចហើយ appeared first on Kampuchea Thmey Daily.

សង្រ្គាម Archives - Kampuchea Thmey Daily

​រដ្ឋមន្ត្រី​​អង់គ្លេស ប្រាប់​ពលរដ្ឋខ្លួន​ឲ្យ​​ទិញសម្ភារៈ​បង្ការ​សម្រាប់​សង្គ្រាម​លោកលើក​ទី៣​​

ទាហានថៃប្រើ​ជំពាម​បាញ់​ជាង​១០០គ្រាប់​នៅ​ប្រាសាទ​តាមាន់​​ តែទាហាន​កម្ពុជា​មិនបាន​តបត​ទេ​

អនុព័ន្ធ​យោធា​៩​ប្រទេស ​ចុះ​ពិនិត្យ​ទីតាំង​គ្រាប់​ផ្លោង ​និង​ជំរុំ​ភៀស​សឹក​ខេត្ត​ឧត្តរមានជ័យ

អង្គការស្បៀងអាហារពិភពលោក ៖ អ៊ីស្រាអែល រាំងខ្ទប់ជំនួយមនុស្សធម៌​មិនឲ្យដល់ដៃពលរដ្ឋនៅ ហ្គាហ្សា

ព្រឹត្តិការណ៍សំខាន់ៗចំនួន ៣ នៃសង្រ្គាមអ៊ីស្រាអែល-ប៉ាឡេស្ទីន នៅថ្ងៃទី៥៥

ពលរដ្ឋអ៊ុយក្រែនរាប់ម៉ឺននាក់រងទុក្ខទ្វេដង ក្រោយអ៊ីស្រាអែលទម្លាក់គ្រាប់បែកនៅហ្គាហ្សា

អ៊ីស្រាអែល ព្រមាន អង្គការសហប្រជាជាតិពីសង្រ្គាមមជ្ឈិមបូព៌ា

ការវាយប្រហារកំពុងបន្ត តែក្រុមហាម៉ាសថា កិច្ចព្រមព្រៀងបទឈប់បាញ់ជាមួយអ៊ីស្រាអែលជិតសម្រេចហើយ

រដ្ឋមន្ត្រីអង់គ្លេស ប្រាប់ពលរដ្ឋខ្លួនឲ្យទិញសម្ភារៈបង្ការសម្រាប់សង្គ្រាមលោកលើកទី៣

ទាហានថៃប្រើជំពាមបាញ់ជាង១០០គ្រាប់នៅប្រាសាទតាមាន់ តែទាហានកម្ពុជាមិនបានតបតទេ

អនុព័ន្ធយោធា៩ប្រទេស ចុះពិនិត្យទីតាំងគ្រាប់ផ្លោង និងជំរុំភៀសសឹកខេត្តឧត្តរមានជ័យ

អង្គការស្បៀងអាហារពិភពលោក ៖ អ៊ីស្រាអែល រាំងខ្ទប់ជំនួយមនុស្សធម៌មិនឲ្យដល់ដៃពលរដ្ឋនៅ ហ្គាហ្សា