ព័ត៌មានអន្ដរជាតិ
UNHCR៖ សង្គ្រាម បង្ខំឲ្យមនុស្សជិត ១១៨លាននាក់ផ្លាស់ទីនៅទូទាំងសកលលោក
របាយការណ៍មួយរបស់ឧត្តមស្នងការអង្គការសហប្រជាជាតិទទួលបន្ទុកជនភៀសខ្លួន(UNHCR) ចេញផ្សាយថ្មីៗនេះ បានឲ្យដឹងថា មានមនុស្សយ៉ាងហោចណាស់ជិត ១១៨លាននាក់ (១១៧.៨លាននាក់) ឬម្នាក់ក្នុងចំណោម ៧០នាក់នៃប្រជាជនក្នុងពិភពលោក នៅតែត្រូវបានផ្លាស់ទីលំនៅដោយបង្ខំ ដោយហេតុតែសង្គ្រាម និងអំពើហិង្សា។
សារព័ត៌មាន Al Jazeera ផ្សាយនៅថ្ងៃទី១១ ខែមិថុនា ឆ្នាំ២០២៦ បានផ្សាយថា ជាលើកដំបូង ក្នុងរយៈពេល ១០ឆ្នាំ បន្លាស់ទីលំនៅដោយបង្ខំបានធ្លាក់ចុះ! ការផ្លាស់ប្តូរនេះជំរុញដោយការវិលត្រឡប់ទ្រង់ទ្រាយធំរបស់ជនភៀសខ្លួននិងជនភៀសខ្លួនផ្ទៃក្នុង(IDPs) ពីវិបត្តិផ្លាស់ទីលំនៅដ៏ធំបំផុតរបស់ពិភពលោក។
ទោះបីជាមានការថយចុះប្រហែល ៤ភាគរយនៃចំនួនជនភៀសខ្លួនក្នុងឆ្នាំ២០២៥ ក៏ដោយ វឌ្ឍនភាពនេះត្រូវបានគ្របដណ្ដប់ដោយវិបត្តិជនភៀសខ្លួនដែលកំពុងកើនឡើងយ៉ាងឆាប់រហ័សរបស់ប្រទេសលីបង់។
ចាប់តាំងពីសង្គ្រាមអាមេរិក-អ៊ីស្រាអែលលើអ៊ីរ៉ង់បានចាប់ផ្តើមនៅដើមខែមីនា ឆ្នាំ២០២៦ ការវាយប្រហាររបស់អ៊ីស្រាអែលបានបង្ខំឱ្យមនុស្សជាងមួយលាននាក់ផ្លាស់ទីលំនៅ ដោយមានជនភៀសខ្លួនក្នុងស្រុកចំនួន ៣.២លាននាក់ទៀតក្នុងប្រទេសអ៊ីរ៉ង់។
ក្នុងចំណោមជនភៀសខ្លួនចំនួន ១១៧.៣លាននាក់ មាន ៦៨.៦លាននាក់ត្រូវបានផ្លាស់ទីលំនៅ ក្នុងប្រទេសរបស់ពួកគេដោយសារតែជម្លោះ ឬវិបត្តិផ្សេងៗទៀត។
ដោយឡែក ជនភៀសខ្លួនប្រហែល ២៨.៥លាននាក់ ស្ថិតក្រោមការទទួលខុសត្រូវរបស់ UNHCR ចំណែក ៩លាននាក់ជាអ្នកស្វែងរកសិទ្ធិជ្រកកោន ជាក្រុមមនុស្សដែលកំពុងរង់ចាំការសម្រេចចិត្ត ខណៈកំពុងស្វែងរកការការពារ នៅក្នុងប្រទេសមួយផ្សេងទៀតដោយសារតែការធ្វើទុក្ខបុកម្នេញ ឬការភ័យខ្លាចនៃគ្រោះថ្នាក់ក្នុងប្រទេសកំណើតរបស់ពួកគេ។
យ៉ាងណាមិញមនុស្ស ៧.២លាននាក់ត្រូវការការការពារពីអន្តរជាតិ ហើយ ៦លាននាក់ជាជនភៀសខ្លួនប៉ាឡេស្ទីនក្រោមអាណត្តិរបស់ទីភ្នាក់ងារសង្គ្រោះ និងការងាររបស់អង្គការសហប្រជាជាតិ សម្រាប់ជនភៀសខ្លួនប៉ាឡេស្ទីននៅតំបន់មជ្ឈិមបូព៌ា(UNRWA) ៕
សម្រួល៖ ណឺ មិនា
-
សេចក្ដីជូនដំណឹង៧ ថ្ងៃ agoក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា
-
ព័ត៌មានអន្ដរជាតិ៥ ថ្ងៃ agoអស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ
-
កីឡា១ ថ្ងៃ agoល្ងាចនេះ U19 កម្ពុជា ប៉ះ ថៃ វគ្គពាក់កណ្តាលផ្តាច់ព្រ័ត្រ ខណៈជួបគ្នាចុងក្រោយ ថៃ ខកចិត្តម្តងហើយ
-
សេដ្ឋកិច្ច៧ ថ្ងៃ agoធនាគារ ARDB ចាក់បញ្ចូលទុនលើស្វាយចន្ទី និងដំឡូងមី
-
សន្តិសុខសង្គម៦ ថ្ងៃ agoចុះពិនិត្យរដ្ឋបាល អគារ The Bridge ខណ្ឌចំការមន រកឃើញជនបរទេស ៤ នាក់ ស្នាក់នៅខុសច្បាប់ និង ដកហូតគ្រឿងញៀនជាង ៦៥ គីឡូក្រាម
-
ព័ត៌មានអន្ដរជាតិ៧ ថ្ងៃ agoពូទីន គេចមិនឆ្លើយរឿងកាន់អំណាចដល់ឆ្នាំ២០៣៦ ហើយប្រាប់ថា «មានតែព្រះទេទើបដឹង»
-
ព័ត៌មានអន្ដរជាតិ១ ថ្ងៃ agoអាមេរិក បើកការវាយប្រហារទ្រង់ទ្រាយធំជាថ្មី លើអ៊ីរ៉ង់ ខណៈទីក្រុងតេហេរ៉ង់ សងសឹកវិញ ហើយបិទច្រក Hormuz ទៀត
-
ព័ត៌មានជាតិ១ សប្តាហ៍ agoផ្លូវពីព្រលានថ្មីមកក្រុងសៀមរាប ស្ថិតក្នុងដំណាក់កាលសិក្សាបឋម មុនឈានបើកការដ្ឋានសាងសង់