តាមការផ្សាយរបស់ Amarin TV, ហេតុការណ៍នេះ កើតឡើងនៅឯសួនសត្វមួយ (មិនបញ្ចេញឈ្មោះ) ស្ថិតក្នុងតំបន់ Ram Intra នាវេលាម៉ោង១១ព្រឹក ថ្ងៃទី១០ខែកញ្ញាឆ្នាំ២០២៥ ។

យោងតាមរបាយការណ៍ពីប្រភពក្នុងស្រុក, ដំបូងឡើយបុគ្គលិកសួនសត្វជិះរថយន្ត Jeep ដើម្បីពិនិត្យសួន ប៉ុន្តែមិនដឹងមូលហេតុអ្វីឡើយស្រាប់តែបុគ្គលិកម្នាក់នោះចុះពីរថយន្ត រួចក៏ត្រូវសត្វតោមួយក្បាលលបវាយប្រហារពីខាងក្រោយ។ 

ភ្លាមៗនោះ មានសត្វតោចំនួន៤ក្បាលទៀត បានចូលមកបន្ថែម ចាប់ហែកស៊ីបុគ្គលិកម្នាក់នោះ ស្លាប់នៅហ្នឹងកន្លែងទាំងដែល ទេសចរណ៍ជាតិនិងអន្តរជាតិ ឃើញហេតុការណ៍ដ៏រន្ធត់នេះផ្ទាល់ភ្នែក។

មន្ត្រីម្នាក់ទៀតនៅសួនសត្វខាងលើបានប្រាប់ប៉ូលិសថា មូលហេតុដែលបុគ្គលិកត្រូវតោចាប់ហែកស៊ីនោះ ចុះពីរថយន្តព្រោះរូបគេ ចុះទៅរើសអ្វីម្យ៉ាងនៅលើដី ប៉ុន្តែមិនដឹងថាជារបស់អ្វីនោះទេ។

ទោះបីជាយ៉ាងណាក៏ដោយ ប៉ូលិសថៃ កំពុងបើកការស៊ើបអង្កេតហេតុការណ៍នេះ៕ 

អត្ថបទ៖ សុខ សុវណ្ណ

ចុចអាន៖ ក្មេងស្រីអាយុ១៤ឆ្នាំម្នាក់​​ ត្រូវ​សត្វតោ​វាយប្រហារ​ស្លាប់ នៅ​ប្រទេស​កេនយ៉ា

The post តោ៥ក្បាល ចាប់ហែកស៊ីបុគ្គលិកសួនសត្វថៃ នៅចំពោះមុខទេសចរ appeared first on Kampuchea Thmey Daily.

ភ្នាក់ងារសត្វព្រៃ Kenya (KWS) បានឲ្យដឹងថា ក្មេងស្រី​នេះត្រូវបានសត្វតោចាប់បានពីបរិវេណលំនៅដ្ឋាននៅជាប់នឹងឧទ្យានជាតិ Nairobi។ ក្រុមមន្រ្តីបានដឹងដំណឹងនេះ ដោយសារតែមានការជូនដំណឹងពីក្មេងជំទង់ម្នាក់ទៀត ហើយមន្ត្រីអនុរក្ស KWS បានដើរតាមគន្លងទៅកាន់ទន្លេ Mbagathi ក្បែរនោះ ទើបពួកគេបានរកឃើញសាកសពក្មេងស្រី។

សត្វតោ​មិន​ត្រូវ​បាន​រក​ឃើញ​ទេ ប៉ុន្តែ KWS ​បាន​ដាក់​អន្ទាក់ ហើយ​បាន​ដាក់​ពង្រាយ​ក្រុម​ស្វែងរក​ដើម្បី​ស្វែងរក​សត្វតោមួយក្បាលនេះ។ ទីភ្នាក់ងារនេះបានបន្ថែមថា វិធានការសន្តិសុខបន្ថែមត្រូវបាន​ដាក់​ចេញ​ដើម្បីការពារការវាយប្រហារបន្ថែមទៀត។

គួរបញ្ជាក់ថាឧទ្យានជាតិ Nairobi ស្ថិតនៅចម្ងាយត្រឹមតែ១០គីឡូម៉ែត្រ ពីកណ្តាលទីក្រុងប៉ុណ្ណោះ ហើយជាជម្រករបស់សត្វដូចជា តោ ក្របី ហ្សីរ៉ាហ្វ ខ្លារខិន និង ខ្លាដំបង។

ទោះបីសត្វតោតែងតែមានជម្លោះជាមួយមនុស្សនៅក្នុងប្រទេសកេនយ៉ា ប៉ុត្តែវាមិនមែនជារឿងធម្មតាទេដែលមនុស្សត្រូវបានតោសម្លាប់។ កាល​ពី​ឆ្នាំ​មុន វីដេអូ CCTV ក៏​ថតបាន​ពេល​ដែល​សត្វ​តោ​ចាប់​ឆ្កែមួយក្បាលពី​ផ្ទះ​មួយ​នៅ​ជិត​ឧទ្យានជាតិ Nairobi នេះដែរ៕

អត្ថបទ៖ ប៊ុន សុភាព

The post ក្មេងស្រីអាយុ១៤ឆ្នាំម្នាក់​​ ត្រូវ​សត្វតោ​វាយប្រហារ​ស្លាប់ នៅ​ប្រទេស​កេនយ៉ា appeared first on Kampuchea Thmey Daily.

វាបានរួចពីរោងសៀក កាលពីថ្ងៃសៅរ៍ ទី១១ ខែវិច្ឆិកា ហើយដើរតាមដងផ្លូវនៃទីក្រុង Ladispoli ដែលមានមនុស្សរស់នៅប្រហែល ៤០,០០០ នាក់ ។

មនុស្សមួយចំនួនសំងំក្នុងផ្ទះ និងខ្លះទៀតសំងំក្នុងរថយន្ដ ព្រោះអាជ្ញាធរ​បានផ្ដល់ដំណឹងពីការតាមចាប់ខ្លួនតោឈ្មោលខាងលើ ។ តោនោះមានឈ្មោះថា Kimba ទម្រាំចាប់វាបាន គេចំណាយពេលប្រហែល ៧ ម៉ោង និងថ្នាំសណ្ដំ ២ ដងឯណោះ ។

ដោយសារបញ្ហានេះ លោក Alessandro Grando អភិបាលក្រុង Ladispoli ត្រូវបានទទួលរងនូវការត្អូញត្អែរពីអ្នកស្រុកពេញទំហឹងតែម្ដង ៕

ប្រែសម្រួល៖ វារី

ប្រភព៖ Dailymail

ចុចអាន៖ ខ្លាឃ្មុំមួយក្បាល ហែកសម្លាប់ប្ដីប្រពន្ធ ២ នាក់នៅ កាណាដា

The post សត្វតោមួយក្បាល រួចពីរោងសៀក បង្កភាពភ័យខ្លាចនៅ អ៊ីតាលី appeared first on Kampuchea Thmey Daily.

សត្វតោបានខ្ញាំ និងខាំ គ្រូសៀក Alexey Makarenko អាយុ៤២ឆ្នាំ អំឡុងពេលសម្តែងនៅចំពោះមុខកុមារ និងឪពុកម្តាយរបស់ពួកគេ។

ប្រពន្ធរបស់គាត់ឈ្មោះ Olga Borisova អាយុ៤៣ឆ្នាំ ដែលក៏ជាគ្រូបង្វឹកតោផងដែរនោះ បានជួយសង្គ្រោះជីវិតគាត់ ដោយដេញសត្វតោចេញ នៅពេលវាព្យាយាមចាប់សង្គ្រុបគាត់ ក្នុងរោងសៀក Sochi State Circus នៅទីក្រុង Sochi នៃរមណីយដ្ឋានសមុទ្រខ្មៅ។

រឿង​នេះ​បាន​ចាប់​ផ្ដើម ​នៅ​ពេល​សត្វ​តោ​ឈ្មោល​ពីរ​ក្បាល​ បើកការ​ប្រយុទ្ធគ្នា​អំឡុង​ពេល​សម្ដែង​ក្នុងរោងសៀក ដែលផ្ទុកអ្នកទស្សនាបាន ១២០០នាក់។

លោក Makarenko បានធ្វើអន្តរាគមន៍ដើម្បីបញ្ឈប់កុំឲ្យសត្វតោខាំគ្នា ជាហេតុធ្វើឲ្យសត្វទី៣ ខឹងសម្បា ហើយក៏ស្រាប់តែហក់មកវាយប្រហារគាត់តែម្តង។

ភរិយាបានប្រញាប់ប្រញាល់ទៅជួយ ដោយប្រើរំពាត់ដើម្បីបន្លាចសត្វតោ។ ក្រោយមក អ្នកទាំងពីរនៅតែបង្ហាញសកម្មភាពធម្មតា នៅ​មុខ​ទស្សនិកជន​ដូច​ជា​មិន​មាន​អ្វី​កើត​ឡើងអ៊ីចឹង។

លោក Edgard Zapashny ប្រធានអគារសៀក Great Moscow State Circus បាននិយាយថា តាមពិត លោកស្រី Borisova បានជួយសង្គ្រោះប្តីគាត់ពីសេចក្តីស្លាប់៕

ចង់ដឹងថា វីដេអូនោះយ៉ាងណា តស់ទៅទស្សនាទាំងអស់គ្នា

ប្រែសម្រួល៖ Vann Vann

ប្រភព៖ Daily Mail

ចុចអាន៖ សត្វតោ ៥ ក្បាល នៅសិង្ហបុរីឆ្លងកូវីដ ចេញរោគសញ្ញាប្រហែលមនុស្ស

The post គ្រូសៀករុស្ស៊ីល្បីឈ្មោះ ត្រូវសត្វតោ​ដែលខ្លួនបង្ហាត់ ហក់ខាំ ពេលកំពុងសម្តែង appeared first on Kampuchea Thmey Daily.

បន្ទាប់ពីកើតចេញមកកូនតោញី នឹងរស់នៅជាមួយហ្វូងនោះតាមធម្មតា ចំណែកឯកូនតោឈ្មោលនៅក្នុងហ្វូងតែ ២-៤ឆ្នាំប៉ុណ្ណោះ ក្រោយមកពួកវានឹងចាកចេញពីហ្វូងឬត្រូវពួកឈ្មោលបណ្ដេញចេញ។ ក្នុងករណីមានតោឈ្មោលថ្មីឡើងកាន់អំណាច វានឹងកម្ចាត់កូនតោឈ្មោលទាំងអស់ដើម្បីប្រាកដថាកូនក្រោយៗមកជាកូនរបស់ខ្លួនសុទ្ធមិនមានឈាមអ្នកដទៃ។ និយាយពីតួនាទីតោឈ្មោលវិញគឺការពារទឹកដី រៀងរាល់ថ្ងៃលិចតោឈ្មោលនឹងបញ្ចេញសម្រែកដ៏មានអំណាចយ៉ាងខ្លាំងឮដល់ទៅ៨គីឡូម៉ែត្រឯណោះ វាធ្វើបែបនេះដើម្បីព្រមានអ្នកមានបំណងអាក្រក់លើទឹកដីរបស់វា។

ជាទូទៅការប្រមាញ់ធ្វើឡើងនៅពេលយប់ដោយតោញីពីរបីក្បាល ជាក់ស្ដែងតោញីមិនសូវពូកែប្រមាញ់ទេគេឃើញថាពួកវាព្យាយាមចាប់សត្វច្រើនដងទើបបានមួយក្បាលធ្វើជាចំណីហើយចំណីនោះគឺត្រូវឲ្យតោឈ្មោលស៊ីមុនតោញីសល់ប៉ុន្មានទើបកូនតោស៊ីតាមក្រោម។ តោទាំងអស់ស្រលាញ់ការពារហ្វូងរបស់វាខ្លាំងណាស់ ទាំងញីទាំងឈ្មោលពួកវាមិនអនុញ្ញាតឲ្យតោផ្សេងមកចូលជាសមាជិកហ្វូងសោះឡើយដើម្បីការពារក្រុមពីតោមិនល្អ៕

ប្រែសម្រួល៖ វារី

ចុចអាន៖បុរសគគ្រិចជាងគេបំផុតលើពិភពលោក មិនងូតទឹកមកជាង ៦០ ឆ្នាំ

The post មកដឹងកាន់តែច្បាស់ អំពីរបៀបរស់នៅរបស់ក្រុមតោក្នុងព្រៃ appeared first on Kampuchea Thmey Daily.

ស្ត្រី​អ្នក​នាំ​ពាក្យ​ឈ្មោះ Malgorzata Chodyla បាន​ឲ្យ​ដឹង​ថា រថយន្ត​​បាន​ដឹក​សត្វ​​​តោ ខ្លា​​ ព្រម​ទាំង​មាន​ឆ្មា​ព្រៃ​២​ក្បាល និង​ឆ្កែ​ព្រៃ​មួយ​​ក្បាល​​ចម្ងាយ​ជិត១០០០​គីឡូម៉ែត្រ​ដើម្បី​ទៅ​ព្រំ​ដែន​ប៉ូឡូញ ខណៈ​ការ​ធ្វើ​ដំណើរ​ត្រូវ​ជៀស​តំបន់ Zhytomyr ដែល​កំពុង​វាយ​ប្រហារ​ដោយ​កម្លាំង​ទ័ព​រុស្ស៊ី។

អ្នក​នាំ​ពាក្យ​បន្ត​ថា នៅ​យប់​មួយ​រថយន្ត​ដឹក​បាន​ឈប់​​សម្រាក​​ទល់​មុខ​នឹង​រថក្រោះ​របស់​រុស្ស៊ី។ អ្នក​បើក​បរ​ដេក​​នៅ​ក្រោម​រថយន្ត ខណៈ​ម្ចាស់​ផ្ទះ​ដែល​ឲ្យ​សម្រាក​ជា​អ្នក​​​​ផ្តល់​ចំណី​ដល់​សត្វ​ ពី​ព្រោះ​ក្រុមដឹក​នាំជញ្ជូន​មិន​ដឹង​ពី​របៀប​ផ្តល់​ចំណី។

នៅ​ព្រំ​ដែន សត្វ​ទាំង​អស់​ត្រូវ​បាន​ប្តូរ​ចូល​រថយន្ត​ដឹក​របស់​ប្រទេស​ប៉ូឡូញ ហើយ​អ្នក​បើក​បរ​ជន​ជាតិ​អ៊ុយក្រែន​បាន​វិល​ត្រឡប់​ទៅ​ផ្ទះ​វិញ។ ឥឡូវ​នេះ សត្វ​ទាំង​អស់​​ត្រូវ​​មើល​ថែ​នៅ​​សួន​សត្វ​ Poznan ។

ប្រធាន​សួន​សត្វ អ្នក​ស្រី  Ewa Zgrabczynska ដែល​បាន​ជួយ​សម្រួល​ក្នុង​ការ​ជម្លៀស​នេះ​​បាន​និយាយ​ថា អ្នក​ស្រី​បាន​ទាក់​ទង​រួច​ហើយ​ទៅ​អង្គការ​នៅ​ប្រទេស​លោក​ខាង​លិច​ជា​ច្រើន​ដែល​​ចង់​បាន​សត្វ​ទាំង​នេះ៕

ប្រែ​សម្រួល៖ វីរបុត្រ
ប្រភព៖​ freshheadline​

The post សូម្បី​​សត្វ​​តោ និង​​ខ្លា​ក៏​​ត្រូវ​​បាន​​​ជម្លៀស​​ចេញ​​ពី​អ៊ុយក្រែន​​ទៅ​ប៉ូឡូញ appeared first on Kampuchea Thmey Daily.

នៅលើគណនីហ្វេសប៊ុកឈ្មោះ «Qi Xiao»​ ដែល​ត្រូវបាន​គេ​ស្គាល់​ថា​ ជា​របស់លោក​TOM MU បានលើក​ឡើង​ថា ​រយ​:​ពេល​២​ថ្ងៃនេះ ​មាន​បងប្អូន​ជា​ច្រើន​បាន​មកលេង ​ហ៊ីម៉ា​ ។​ ប៉ុន្តែ​ខ្ញុំ​សង្ឃឹមថា ​បងប្អូន​នៅតែ​បន្ត​ការពារ​ និង​អនុវត្ត​វិធានការ​៣​ការពារ​៣​កុំ ​អោយ​បាន​ភ្ជាប់​ជានិច្ច​ ចៀសវាង​ជំងឺ​នេះ​រីក​រាលដាល់​កាន់តែខ្លាំង​ធ្វើអោយ​ថ្នាក់ដឹកនាំ​ពិបាក​។​

លោក​និយាយ​បន្តថា​ ហើយ​សង្ឃឹមថា​ ពេលដែល​បង​ប្អូន​មកលេង​ ហ៊ីម៉ា ​ត្រឹម​មើល​និង​ថត​បាន​ហើយ​ កុំ​លេង​ស្និត​ស្នាល​ពេក ​ចៀសវាង​ការពារ​ខ្លាច​មនុស្ស​ច្រើន​ធ្វើអោយ​វា​ភ័យ​ អាចមាន​បញ្ហា​ផ្សេងៗ​ដែល​យើង​មើលមិនឃើញ​​កើតឡើង​។​

ការអំពាវនាវ​របស់​បុរសជនជាតិចិនដែលជាម្ចាស់​សត្វ​តោ​ឈ្មោល​«​ហ៊ី​ម៉ា​»​ខាងលើនេះ ​គឺ​បន្ទាប់ពី​មានបង​ប្អូនប្រជាពលរដ្ឋខ្មែរមួយចំនួន​បាននាំគ្នា​ចូល​ទៅ​មើល​សត្វ​តោ​​ក្នុងផ្ទះ​វីឡា​របស់ខ្លួន​ ស្ថិត​នៅផ្ទះ​លេខ​២២​ផ្លូវ​៣០៦​ ភូមិ​៧​សង្កាត់បឹងកេង​កង​១​ ខណ្ឌ​បឹង​កេងកង ។​

សូម​បញ្ជាប់​ថា ​ក្រោយក្តាប់បាន​រឿង​សត្វ​តោ​ សម្តេចតេជោ ហ៊ុន សែន នាយករដ្ឋមន្ត្រី​កាលពី​ថ្មីៗ​នេះ​សម្រេច​ឲ្យ​បុរស​ជនជាតិ​ចិន​អាច​យក​សត្វ​តោ​ឈ្មោល​មក​ចិញ្ចឹម​នៅផ្ទះ​វិញ​។ ​ជាមួយនឹងការអនុញ្ញាត ជា ករណីពិសេសនេះ ​សម្តេចតេជោ​ ក៏បានណែនាំឲ្យម្ចាស់ធ្វើទ្រុង​ឲ្យបានត្រឹមត្រូវ ​ដើម្បីធានាសុវត្ថិភាពទាំង​មនុស្ស​ក្នុងផ្ទះ និងអ្នករស់នៅជិតខាង​ផងដែរ ៕

អត្ថបទ ៖ ចាន់​រ៉ា​

The post ម្ចាស់តោស្នើបងប្អូន​ដែល​ទៅលេង«ហ៊ីម៉ា»ត្រឹមមើល និងថតបានហើយ កុំលេងស្និទ្ធស្នាល​ពេក​ appeared first on Kampuchea Thmey Daily.

BBC បានចុះផ្សាយថា សត្វតោសត្វចិញ្ចឹមមួយក្បាល ដែលអាជ្ញាធរកម្ពុជារឹបអូសកាលពីខែមុន ត្រូវបានប្រគល់ជូនម្ចាស់វិញបន្ទាប់ពីមានអន្តរាគមន៍ដ៏គួរឲ្យភ្ញាក់ផ្អើលពីសម្តេច តេជោ។

ក្រុមមន្ត្រីបាននិយាយថា សត្វតោឈ្មោលអាយុ១៨ខែមួយក្បាលនេះ ត្រូវបានជនជាតិចិនលួចរត់ពន្ធចូលប្រទេសដោយខុសច្បាប់។

ក្រុមមន្ត្រីបានបើកការស៊ើបអង្កេតមួយកាលពីខែមេសា បន្ទាប់ពីឃើញវីឌីអូរបស់តោនៅវីឡាមួយក្នុងរាជធានីភ្នំពេញ។

សត្វតោទម្ងន់ ៧០ គីឡូក្រាមមួយក្បាលនេះ ត្រូវបានរឹបអូសកាលពីថ្ងៃទី ២៧ ខែមិថុនា ហើយត្រូវ​បញ្ជូន ​ទៅ​កាន់​មជ្ឈមណ្ឌល​សង្គ្រោះ​សត្វ​ព្រៃ​ភ្នំ​តា​ម៉ៅ។

ចាប់តាំងពីពេលនោះមក ម្ចាស់ជាបុរសជនជាតិចិនឈ្មោះ Zhai Xinjiang បានធ្វើការអំពាវនាវសុំឲ្យមានការវិលត្រឡប់របស់សត្វតោនេះវិញ។

កាលពីល្ងាចថ្ងៃអាទិត្យ សម្តេចតេជោ ហ៊ុនសែន បានឆ្លើយតបទៅនឹងការអង្វរកររបស់ម្ចាស់សត្វ នៅក្នុងការបង្ហោះលើ Facebook។

សម្តេចបានសរសេរថា សម្តេចបានលើកបញ្ហានេះជាមួយ រដ្ឋមន្រ្តីក្រសួងកសិកម្មលោក វេងសាខុន ហើយយល់ព្រមឲ្យសត្វតោ ត្រឡប់ទៅម្ចាស់វិញ ប្រសិនបើសត្វនេះត្រូវបានរក្សាទុកក្នុងទ្រុងត្រឹមត្រូវ៕

ប្រែសម្រួល៖ Vann Vann

ប្រភព៖ BBC

ចុចអាន៖ សម្ដេចតេជោ ហ៊ុន សែន អនុញ្ញាតឱ្យម្ចាស់ចិញ្ចឹមតោបាន ក្នុងលក្ខខណ្ឌបែបនេះ

The post សម្តេចតេជោ ហ៊ុន សែន អនុញ្ញាតឲ្យតោបានទៅម្ចាស់វិញ ពេលនេះកំពុងបង្កភាពល្បីល្បាញដល់បរទេស appeared first on Kampuchea Thmey Daily.