ព័ត៌មានអន្ដរជាតិ
ក្មេងស្រីអាយុ១៤ឆ្នាំម្នាក់ ត្រូវសត្វតោវាយប្រហារស្លាប់ នៅប្រទេសកេនយ៉ា
ជារឿងដ៏កម្រនិងរន្ធត់មួយបានកើតឡើង ដោយសារតែក្មេងស្រីអាយុ១៤ឆ្នាំម្នាក់ត្រូវបានសត្វតោសម្លាប់នៅជាយក្រុង Nairobi ប្រទេសកេនយ៉ា។ នេះបើយោងតាមការចេញផ្សាយរបស់សារព័ត៌មាន BBC នៅថ្ងៃទី២១ខែមេសានេះ។
ភ្នាក់ងារសត្វព្រៃ Kenya (KWS) បានឲ្យដឹងថា ក្មេងស្រីនេះត្រូវបានសត្វតោចាប់បានពីបរិវេណលំនៅដ្ឋាននៅជាប់នឹងឧទ្យានជាតិ Nairobi។ ក្រុមមន្រ្តីបានដឹងដំណឹងនេះ ដោយសារតែមានការជូនដំណឹងពីក្មេងជំទង់ម្នាក់ទៀត ហើយមន្ត្រីអនុរក្ស KWS បានដើរតាមគន្លងទៅកាន់ទន្លេ Mbagathi ក្បែរនោះ ទើបពួកគេបានរកឃើញសាកសពក្មេងស្រី។
សត្វតោមិនត្រូវបានរកឃើញទេ ប៉ុន្តែ KWS បានដាក់អន្ទាក់ ហើយបានដាក់ពង្រាយក្រុមស្វែងរកដើម្បីស្វែងរកសត្វតោមួយក្បាលនេះ។ ទីភ្នាក់ងារនេះបានបន្ថែមថា វិធានការសន្តិសុខបន្ថែមត្រូវបានដាក់ចេញដើម្បីការពារការវាយប្រហារបន្ថែមទៀត។
គួរបញ្ជាក់ថាឧទ្យានជាតិ Nairobi ស្ថិតនៅចម្ងាយត្រឹមតែ១០គីឡូម៉ែត្រ ពីកណ្តាលទីក្រុងប៉ុណ្ណោះ ហើយជាជម្រករបស់សត្វដូចជា តោ ក្របី ហ្សីរ៉ាហ្វ ខ្លារខិន និង ខ្លាដំបង។
ទោះបីសត្វតោតែងតែមានជម្លោះជាមួយមនុស្សនៅក្នុងប្រទេសកេនយ៉ា ប៉ុត្តែវាមិនមែនជារឿងធម្មតាទេដែលមនុស្សត្រូវបានតោសម្លាប់។ កាលពីឆ្នាំមុន វីដេអូ CCTV ក៏ថតបានពេលដែលសត្វតោចាប់ឆ្កែមួយក្បាលពីផ្ទះមួយនៅជិតឧទ្យានជាតិ Nairobi នេះដែរ៕
អត្ថបទ៖ ប៊ុន សុភាព
-
ព័ត៌មានជាតិ១ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៦ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៧ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៥ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ៧ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ១០ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៥ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ