ព័ត៌មានអន្ដរជាតិ

សត្វតោ៥ក្បាលនៅសិង្ហបុរីឆ្លងកូវីដចេញរោគសញ្ញាប្រហែលមនុស្ស

បានផុស

២ years មុន

នៅ

ថ្ងៃព្រហស្បតិ៍ ១១ វិច្ឆិកា ២០២១

ដោយ

កាលពីថ្ងៃពុធម្សិលមិញ មន្ត្រីបាននិយាយថា សត្វតោ៥ក្បាលនៅឧទ្យានសត្វព្រៃសិង្ហបុរីបានធ្វើតេស្តរកឃើញវិជ្ជមានកូវីដ-១៩ បន្ទាប់ពីពួកគេបាននៅជិតអ្នកថែទាំឧទ្យានដែលឆ្លងកូវីដ ហើយមានរោគសញ្ញាក្អក និងកណ្តាស់ដូចមនុស្សដែរ។

សត្វតោអាស៊ីដែលជិតផុតពូជបានចាប់ផ្តើមបង្ហាញរោគសញ្ញាឈឺកាលពីចុងសប្តាហ៍កន្លងទៅ ដូច្នេះហើយទើបបានជាមន្ត្រីឧទ្យានបានធ្វើតេស្តកូវីដ-១៩។

សេវាកម្មសត្វ និងពេទ្យសត្វរបស់រដ្ឋាភិបាលសិង្ហបុរីបាននិយាយថា សត្វឆ្មាធំដែលឆ្លងកូវីដ និងសត្វឆ្មា៥ទៀតនៅឧទ្យាន Night Safari ត្រូវបានដាក់នៅដាច់ដោយឡែកក្នុងរូងរបស់ពួកគេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Sonja Luz មន្ត្រីមកពីក្រុមសត្វព្រៃ Mandai Wildlife Group ដែលគ្រប់គ្រងឧទ្យានបាននិយាយថា ៖«សត្វតោឆ្លងទាំងអស់នោះនៅតែខ្លាំង សកម្ម និងមិនចុះខ្សោយឡើយ។ យើងរំពឹងថា ពួកវានឹងជាសះស្បើយពីកូវីដទាំងស្រុង បន្ទាប់ពីមានការព្យាបាល»។

មន្ត្រីឧទ្យាន Night Safari ៣នាក់បានឆ្លងកូវីដ-១៩។ ឧទ្យាននៅតែបើកចំហរសម្រាប់ទទួលភ្ញៀវពេលយប់ដើម្បីទស្សនាសត្វរាប់ពាន់ក្បាល។

សត្វតោអាហ្វ្រិកនៅឧទ្យាន Singapore Zoo ដែលនៅជាប់នឹងឧទ្យាន Night Safari ក៏មានអាការឈឺ ហើយមន្ត្រីបានបញ្ជាឲ្យធ្វើតេស្តរកកូវីដ។

លោក Luz បន្ថែមថា ហានិភ័យនៃការឆ្លងកូវីដពីសត្វទៅមនុស្សមានអត្រាទាបណាស់។ ឧទ្យាន Singapore Zoo និង Night Safari នៅតែបើកទ្វារទទួលអ្នកទស្សនា បើទោះជាការសម្តែងរបស់សត្វតោត្រូវបានផ្អាកជាបណ្តោះអាសន្នក៏ដោយ៕

ប្រែសម្រួល៖ វីរបុត្រ
ប្រភព៖ CNA

Related Topics:កូវីដ-១៩