កម្មវិធី​ប្រគល់​ថវិកា​នេះ​ធ្វើ​ឡើង​នៅ​ទីស្នាក់ការ​កាក​បាទ​ក្រហម​កម្ពុជា​ក្នុង​រាជធានី​ភ្នំពេញ ព្រឹក​ថ្ងៃ​សុក្រ ទី​២៩ ខែ​ឧសភា នេះ​ដោយ​ ប្រធាន​កាកបាទ​ក្រហម​កម្ពុជា​ សម្ដេច​កិត្តិ​ព្រឹទ្ធបណ្ឌិត ប៊ុន រ៉ានី ហ៊ុនសែន បាន​ប្រគល់​ដោយ​ផ្ទាល់​ និង​បាន​ប្រកាស​ការ​គាំទ្រ​ឧបត្ថម្ភ​តាម​លទ្ធភាព​នៅ​ឆ្នាំ​បន្តបន្ទាប់​ទៀត​ផងដែរ​។ ជាមួយ​គ្នា​នេះ​សម្ដេច​ក៏​បាន​ថ្លែងអំណរគុណ កោតសរសើរដល់ការរីកចម្រើននៃវិស័យសុខាភិបាល និងបានផ្ដាំផ្ញើដល់ថ្នាក់ដឹកនាំ ក៏ដូចជាគ្រូពេទ្យ និងបុគ្គលិកទាំងអស់ សូមបន្តយកចិត្តទុកដាក់ខ្ពស់បន្ថែមទៀតក្នុងការពិនិត្យព្យាបាលអ្នកជំងឺ ដោយប្រកាន់ខ្ជាប់នូវក្រមសីលធម៌វិជ្ជាជីវៈគ្រូពេទ្យឱ្យបានល្អប្រសើរ។

រដ្ឋមន្ត្រី​សុខាភិបាល​លោក ឈាង រ៉ា បានថ្លែងអំណរគុណយ៉ាងជ្រាលជ្រៅចំពោះ សម្តេច​កិត្តិព្រឹទ្ធ​បណ្ឌិត ប៊ុន​ រ៉ានី​ ហ៊ុនសែន​ ដែលតែងតែឧបត្ថម្ភ គាំទ្រ និងជាថ្នាក់ដឹកនាំគំរូក្នុងការកៀរគរមូលនិធិ ធ្វើឱ្យមន្ទីរពេទ្យមានធនធានគ្រប់គ្រាន់សម្រាប់ពិនិត្យ និងព្យាបាលជំងឺជូនកុមារដោយឥតគិតថ្លៃ។

ដោយ​ឡែកក្នុង​ឱកាស​នោះ​​អគ្គនាយកមូលនិធិគន្ធបុប្ផាស្វីសលោកវេជ្ជបណ្ឌិត Denis Laurent ក៏បានបញ្ជាក់ពីការប្តេជ្ញាចិត្តរបស់ មូលនិធិគន្ធបុប្ផាស្វីស ផង​ដែរ​ថានឹងបន្តរួមចំណែកគាំទ្របន្ថែមទៀតនៅឆ្នាំ២០២៧ ខាងមុខ។

នេះ​ជា​ការ​ផ្ដល់​ជំនួយ​លើក​ទី​១៥​ហើយ​ដែល​កាកបាទ​ក្រហម​កម្ពុជា​បាន​ផ្ដល់​ទៅ​មន្ទីរពេទ្យ​គន្ធបុប្ផាកម្ពុជា​។ 

គួរឱ្យ​ដឹង​ផងដែរ​មន្ទីរពេទ្យ​គន្ធ​បុប្ផា​មាន​៤​ទីតាំង​នៅ​កម្ពុជា​ ក្នុង​នោះ​រាជធានី​ភ្នំពេញ​មាន​៣​ទីតាំង​ និង​ខេត្ត​សៀមរាប​មាន​១​ទីតាំង​ មន្ទីរពេទ្យ​នេះ​បាន​ពិនិត្យ​និង​ព្យាបាល​កុមារ​កម្ពុជា​ដោយ​ឥតគិតថ្លៃ​ជាង​៣៣​ឆ្នាំ​ហើយ​ ដែល​ចំណាយ​ថវិកា​ប្រមាណ​៤៥លានដុល្លារ​ក្នុង​មួយ​ឆ្នាំ។ មាន​កុមារ​ប្រមាណ​២៧,៥លាននាក់​បានមក​ទទួល​សេវាព្យាបាល​ពី​មន្ទីរពេទ្យ​មនុស្ស​ធម៌​មួយ​នេះ​៕

អត្ថបទដោយ ហ៊ុន សិរីវឌ្ឍន៍

The post កាកបាទក្រហមកម្ពុជា ឧបត្ថម្ភថវិកា ១លានដុល្លារ លើកទី៩ ជូនមូលនិធិគន្ធបុប្ផាកម្ពុជា appeared first on Kampuchea Thmey Daily.

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន មានចិត្តសប្បាយរីករាយក្រោយឃើញ ភូមិប៊ុនរ៉ានីសែនជ័យដំណាក់ទ្រយឹង មានការអភិវឌ្ឍផ្លាស់ប្តូរច្រើនក្រោយខកខានមកទីនេះជាង ៥ឆ្នាំ ទៅហើយ។ នេះជាប្រសាសន៍របស់ សម្តេចកិត្តិព្រឹទ្ធបណ្ឌិត ថ្លែងក្នុងពិធីសំណេះសំណាល ចែកអំណោយមនុស្សធម៌១,១៦៩ គ្រួសារ និងប្រគល់ផ្ទះចំនួន១០០ខ្នង-អណ្តូងទឹក ១២៥ អណ្តូង ជូនអតីតយុទ្ធជន និងនិវត្តជន នៅភូមិប៊ុនរ៉ានីសែនជ័យដំណាក់ទ្រយឹង ឃុំព្រងិល ស្រុកភ្នំក្រវាញ ខេត្តពោធិសាត់ នៅព្រឹកថ្ងៃទី ២១ ខែឧសភា ឆ្នាំ២០២៦។

សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា បានអញ្ជើញមានប្រសាសាន៍សំណេះសំណាលជាមួយអតីតយុទ្ធជន និងនិវត្តជនចំនួន ១,១៦៩ គ្រួសារថា គិតត្រឹមពេលនេះ គឺមានរយៈពេល ៥ ឆ្នាំ ៣ខែហើយ ដែលសម្តេចមិនបានចុះសាក​សួរសុខទុក្ខ និងសំណេះសំណាលជាមួយ​បងប្អូនអតីតយុទ្ធជន និងនិវត្តជន​ដែលរស់នៅ​​​ទីនេះ។ ពេលសម្តេចធ្វើដំណើរមកដល់ទីនេះ គឺសម្តេចមានចិត្តសប្បាយរីករាយណាស់ដែលបងប្អូនប្រជាពលរដ្ឋរស់នៅភូមិនេះ មិនទុកដីចោលឱ្យទំនេរ មើលទៅឃើញដំណាំដាំដុះសឹងគ្រប់ផ្ទះមានពណ៍បៃតងស្រស់ស្អាត។

ឆ្លៀតក្នុងឱកាសនេះ សម្តេចកិត្តិព្រឹទ្ធបណ្ឌិត បានមានប្រសាសន៍កោតសរសើរដល់លោក គន់គីម និងថ្នាក់ដឹកនាំសមាគមអតីតយុទ្ធជន និងនិវត្តជន និងឯកឧត្តម ខូយ រីដា អភិបាលខេត្ត និងថ្នាក់ដឹកនាំខេត្ត-ក្រសួង-មន្ទីរពាក់ព័ន្ធ និងសប្បុរសជននានាដែលបានចូលរួមសហការអភិវឌ្ឍន៍កែប្រែតំបន់នេះឱ្យមានរចនាសម្ព័ន្ធរស់នៅល្អ មានផ្ទះ សាលារៀន មន្ទីរពេទ្យ ផ្លូវថ្នល់ ប្រព័ន្ធទឹក ភ្លើង ដែលពិតជាបានបង្កបរិយាកាសអំណោយផលដល់ការរស់នៅប្រចាំថ្ងៃរបស់បងប្អូនអតីតយុទ្ធជន និងនិវត្តជន កាន់តែល្អប្រសើរ។

ជាមួយគ្នានេះ​ សម្តេចកិត្តិព្រឹទ្ធបណ្ឌិត ប្រធានកាកបាទក្រហមកម្ពុជា ក៏បានមានប្រសាសន៍ថ្លែងអំណរគុណដល់ឯកឧត្តម អ្នកឧកញ៉ា ម៉ម វណ្ណឌី ដែលជានិច្ចជាកាលបានចូលរួមចំណែកជាមួយរាជរដ្ឋាភិបាល ក្នុងការលើកកម្ពស់វិស័យអតីតយុទ្ធជន និងនិវត្តជន និងជាពិសេសបានជួយកសាងទាំងហេដ្ឋារចនាសម្ព័ន្ធសម្រាប់សមាគម ព្រមទាំងចូលរួមអភិវឌ្ឍន៍វិស័យកសិកម្មផ្សាភ្ជាប់និងអតីតយុទ្ធជន តាមរយៈគម្រោងចិញ្ចឹមគោ ចិញ្ចឹមជ្រូក និងដាំស្មៅ ដែលជាមុខរបរបន្ថែមសម្រាប់បងប្អូនអតីតយុទ្ធជន និងនិវត្តជនក្នុងភូមិចូលរួមចិញ្ចឹម និងដាំដុះ ដើម្បីបង្កើនប្រាក់ចំណូលធ្វើឱ្យសេដ្ឋកិច្ចពួកគាត់មានជីវភាពកាន់តែប្រសើរឡើង។

ក្នុងឱកាសនោះដែរ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ក៏បានណែនាំដល់ថ្នាក់ដឹកនាំសមាគម ព្រមទាំងរដ្ឋបាលខេត្ត ត្រូវធ្វើការពិនិត្យ និងដោះស្រាយបញ្ហាខ្វះអណ្តូងទឹក និងបញ្ហាប្រឈមនានា សម្រាប់គ្រួសារអតីតយុទ្ធជន និងនិវត្តជនមួយចំនួនដែលនៅសេសសល់ ជាពិសេសបងប្អូនយុទ្ធជនពិការ ដែលមិនទាន់ដោះស្រាយ ដើម្បីផ្តល់ភាពងាយស្រួលដល់ការរស់នៅរបស់ពួកគាត់។

បន្ទាប់ពីមានប្រសាសន៍សំណេះសំណាលរួច សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា បានអញ្ជើញចែកអំណោយជូនអតីតយុទ្ធជន និងនិវត្តជនចំនួន ១,១៦៩គ្រួសារ និងអញ្ជើញកាត់ខ្សែបូរសម្ពោធ ប្រគល់-ទទួលផ្ទះថ្មីចំនួន ១០០ខ្នង និងអណ្តូងទឹកចំនួន ១២៥ អណ្តូង និងបន្តចុះសំណេះសំណាលផ្ទាល់ជាមួយគ្រួសារអតីតយុទ្ធជន និងនិវត្តជនគំរូ ដែលបានរៀបចំផ្ទះ និងដាំដុះដំណាំហូបផ្លែ ចិញ្ចឹមសត្វ ទទួលបានទិន្នផលល្អប្រសើរ នៅក្នុងភូមិប៊ុនរ៉ានីសែនជ័យដំណាក់ទ្រយឹងផងដែរ។

យោងតាមរបាយការណ៍ លោក ខូយ រីដា អភិបាលនៃគណៈអភិបាលខេត្តពោធិ៍សាត់ បានបញ្ជាក់ថា ភូមិប៊ុនរ៉ានីសែនជ័យដំណាក់ទ្រយឹង ត្រូវបានរៀបចំបង្កើតឡើងកាលពីឆ្នាំ ២០២០ ក្រោមគំនិតផ្ដួចផ្ដើម ប្រកបដោយចក្ខុវិស័យវែងឆ្ងាយ និងឈ្លាសវៃរបស់ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា និងចាប់ផ្តើមឈូសឆាយដីរៀបចំបង្កើតឡើងនៅក្នុងខែកុម្ភៈ ឆ្នាំ២០២១។ ភូមិប៊ុនរ៉ានីសែនជ័យដំណាក់ទ្រយឹង គឺជាភូមិថ្មីមួយដែលបំបែកចេញពីភូមិសាយ នៃឃុំព្រងិល ស្រុកភ្នំក្រវាញ ខេត្តពោធិ៍សាត់ នឹងត្រូវបានក្រសួងមហាផ្ទៃប្រកាសទទួលស្គាល់ជាផ្លូវការកាលពីខែវិច្ឆិកា ឆ្នាំ២០២៤ និងសម្ពោធជាផ្លូវការក្រោមអធីបតីសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៅថ្ងៃទី២០ ខែមករា ឆ្នាំ២០២៥។

ជាមួយគ្នានេះដែរ លោកកិត្តិសង្គហបណ្ឌិត គន់ គីម អនុប្រធាន និងជាអគ្គលេខាធិការសមាគមអតីតយុទ្ធជន និងនិវត្តជនកម្ពុជា ជានិច្ចជាកាលតែងបានយកចិត្តទុកដាក់ខ្ពស់ ដោយចុះពិនិត្យ តាមដានជាប់ជាប្រចាំចំពោះការរស់នៅរបស់បងប្អូន និងតែងតែចូលរួមស្វែងរកដំណោះស្រាយភ្លាមៗ ចំពោះបញ្ហាប្រឈមជូនពួកគាត់ ដែលជារួមគឺបានដើរតួនាទីប្រៀបដូចជាអាណាព្យាបាលមើលការខុសត្រូវសព្វបែបយ៉ាង ជំនួសមុខឱ្យសម្ដេចតេជោ ហ៊ុន សែន ប្រធានសមាគមអតីតយុទ្ធជន និងនិវត្តជនកម្ពុជា ដែលសម្ដេចតែងតែចាត់ទុកអតីតយុទ្ធជន និងនិវត្តជន អ្នកដែលធ្លាប់មានគុណបំណាច់ចំពោះជាតិ មាតុភូមិ។

គួរជម្រាបជូនថា បច្ចុប្បន្នភូមិប៊ុនរ៉ានីសែនជ័យដំណាក់ទ្រយឹង មានការវិវត្តគួរកត់សម្គាល់ ហេដ្ឋារចនាសម្ព័ន្ធដែលជាតម្រូវការចាំបាច់ប្រើប្រាស់នៅក្នុងភូមិត្រូវបានកសាងរួចរាល់ទាំងអស់ រួមមាន៖ ផ្លូវថ្នល់ខ្វែងខ្វាត់ សាលារៀន មណ្ឌលសុខភាព វត្តអារាម អណ្ដូងទឹក ការតបណ្ដាញអគ្គិសនីដាក់ប្រព័ន្ធសូឡា ទំនប់ស្ទាក់ទឹក និងទំបន់បង្ហៀរទឹក ដែលជាប្រព័ន្ធធារាសាស្រ្តដ៏សំខាន់សម្រាប់ការធ្វើកសិកម្មដាំដុះបង្កបង្កើនផល ចិញ្ចឹមសត្វ ដើម្បីលើកស្ទួយជីវភាពគ្រួសារ៕

The post សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ពេញចិត្តចំពោះការអភិវឌ្ឍន៍ភូមិ ប៊ុនរ៉ានីសែនជ័យដំណាក់ទ្រយឹង និងសរសើរគ្រប់ផ្ទះមានពណ៍បៃតងស្រស់ពោរពេញដោយដំណាំចម្រុះ appeared first on Kampuchea Thmey Daily.

​ក្នុង​​ការ​អញ្ជើញចុះសំណេះសំណាលសួរសុខទុក្ខនាថ្ងៃទី​២០ ខែធ្នូនេះ សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន បាន​បង្ហាញ​នូវ​ក្ដី​អាណិត​អាសូរ​ដល់​កង​ទ័ព​កម្ពុជា​ដែល​បាន​លះ​បង់​កម្លាំង​កាយចិត្ត ​បំពេញ​ការងារ​ដោយ​បេះ​ដូង​ និង​ឆន្ទៈ​ខ្ពស់​ការពារ​បូរណភាព​ទឹកដី​កម្ពុជា​។ សម្ដេច​ក៏​បាន​នាំ​នូវ​ព្រះរាជបណ្ដាំ​ពី​សម្ដេច​ព្រះមហាក្សត្រី ព្រះ​រវរាជមាតា​ជាតិ​ខ្មែរ​កោត​ស្ងប់ស្ងែង​ចំពោះ​ពលិកម្ម​របស់​ទាហាន​កម្ពុជា និង​ជូន​ពរដល់វីរយុទ្ធជនគ្រប់រូប សូមឆាប់បានជាសះស្បើយឡើងវិញ​។

​ក្នុង​ឱកាស​នោះ​យុទ្ធជន​ដែល​កំពុង​សម្រាក​ព្យាបាល​នៅ​មន្ទីរពេទ្យ​បាន​បង្ហាញ​នូវ​អារម្មណ៍​ចេញ​ពី​ភាព​កក់​ក្ដៅ​ និង​កម្លាំង​ចិត្ត​មួយ​ដ៏​ធំ​ចំពោះ​ការ​អញ្ជើញ​ចុះ​មក​ដោយ​ផ្ទាក់​របស់​សម្ដេច​កិត្តិ​ព្រឹទ្ធបណ្ឌិត។

សូមបញ្ជាក់ថា វីរយុទ្ធជនដែលរងរបួស និងផ្សែងពុលក្នុងសមរភូមិ ទទួល​បាន​នូវការ​ឧបត្ថម្ភ​ពីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា រួមមាន​គ្រឿង​ឧបភោគ​បរិភោគ សម្ភារប្រើប្រាស់ និងថវិកាមួយចំនួនផងដែរ។ នេះជាការចុះសួរសុខទុក្ខ​ជា​លើក​ទី២ ​របស់​សម្ដេច​កិត្តិ​ព្រឹទ្ធបណ្ឌិត ដើម្បីលើកទឹកចិត្ត និងផ្តល់ភាពកក់ក្តៅ ដល់​វីរយុទ្ធជន​ដ៏អង់អាចក្លាហានរបស់យើងបន្ទាប់ពី​ការចុះលើកទី១ កាលពីថ្ងៃទី១៥-១៦ ខែធ្នូ កន្លងទៅ៕

អត្ថបទដោយ ហ៊ុន សិរីវឌ្ឍន៍

The post សម្ដេច​កិត្តិព្រឹទ្ធិ​បណ្ឌិត​បន្ត​ចុះ​សួរ​សុខទុក្ខ​កង​ទ័ព​ដែល​សម្រាក​ព្យាបាល​មន្ទីរពេទ្យ appeared first on Kampuchea Thmey Daily.

ពិធីចែកអំណោយនេះ នឹងប្រព្រឹត្តទៅរយៈពេល ៣ថ្ងៃ ចាប់ពីថ្ងៃទី១០ ដល់ថ្ងៃទី១២ ខែវិច្ឆិកា ឆ្នាំ២០២៥ ដែល​មន្ត្រី​ទីស្នាក់ការ​កណ្តាល ដឹកនាំដោយ លោក យូ ឡាណា អគ្គលេខាធិការរងទី២ នឹងអញ្ជើញចុះចែកអំណោយជូនប្រជាជនងាយរងគ្រោះបំផុត រស់នៅខេត្តរតនគិរី ចំនួន ៨៥០គ្រួសារ (ក្នុងនោះក្រុងបានលុង ៤៦០គ្រួសារ និងស្រុកអូរជុំ ៣៩០គ្រួសារ)។ ដោយឡែក ប្រជាជនងាយរងគ្រោះបំផុតនៅខេត្តមណ្ឌលគិរីចំនួន ៩៣៣គ្រួសារ (ក្នុងនោះក្រុងសែនមនោរម្យ ៣២៧គ្រួសារ, ស្រុកកោះញែក ២០៣គ្រួសារ, ស្រុកកែវសីមា ១៨៩គ្រួសារ, ស្រុកអូររាំង ៨៦គ្រួសារ, និងស្រុកពេជ្រាដា ១២៨គ្រួសារ។

សូម​បញ្ជាក់​ថា គ្រួសាររងគ្រោះនីមួយៗនឹងទទួលបានអំណោយរួមមាន អង្ករ ៣០គីឡូក្រាម, មី ១កេស, ត្រីខ ១០កំប៉ុង, ទឹកស៊ីអ៊ីវ ៦ដប និងឃីត (មុង ភួយ សារុង ក្រមា) ១កញ្ចប់៕

The post សម្តេច​កិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ​ផ្តល់​អំណោយ​មនុស្សធម៌​ជូន​ពលរដ្ឋ​ងាយ​រងគ្រោះ​១.៧៨៣គ្រួសារ នៅខេត្តរតនគិរី និង​ខេត្តមណ្ឌលគិរី appeared first on Kampuchea Thmey Daily.

ក្នុងឱកាសនោះ លោក យូ ឡាណា អគ្គលេខាធិការរងទី២ កាកបាទក្រហមកម្ពុជា បាននាំយកនូវព្រះរាជបន្ទូល សម្ដេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាព្រះប្រធានកិត្តិយស និង ប្រសាសន៍ផ្ដាំផ្ញើសួរសុខទុក្ខ និងការលើកទឹកចិត្តពីសំណាក់ សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលតែងតែគិតគូរពីសុខទុក្ខរបស់បងប្អូនប្រជាពលរដ្ឋជានិច្ច និងសូមថែទាំសុខភាពឱ្យបានល្អ។

អគ្គលេខាធិការរងទី២ បានបញ្ជាក់ថា អនុលោមតាមអនុសញ្ញាហ្សឺណែវទី៣ ឆ្នាំ១៩២៩ ក្រុមគ្រួសាររបស់យុទ្ធជនរងគ្រោះខាងលើ ក៏បានសរសេរព័ត៌មានគ្រួសារសម្រាប់បញ្ជូនទៅកាន់យុទ្ធជនដែលកំពុងឃុំខ្លួននៅប្រទេសថៃ ដែលការបញ្ជូនសារនេះ គឺធ្វើឡើងតាមរយៈគណៈកម្មាធិការអន្តរជាតិនៃកាកបាទក្រហម (ICRC)។

សូមបញ្ជាក់ថា ដើម្បីជួយសម្រាលការលំបាកដល់ជីវភាពរស់នៅរបស់ក្រុមគ្រួសារវីរៈយុទ្ធជនទាំង៦រូប កាកបាទក្រហមកម្ពុជា បាននាំយកអំណោយមួយចំនួនផ្ដល់ជូនរួមមាន៖ គ្រឿងឧបភោគបរិភោគ សម្ភារប្រើប្រាស់ និងថវិកាមួយចំនួន។ ជាមួយគ្នានេះ ក៏មានការអញ្ជើញចូលរួមពីសំណាក់ លោក ប្រាក់ សោភ័ណ ប្រធានគណៈកម្មាធិការសាខាកាកបាទក្រហមកម្ពុជា ខេត្តសៀមរាប និងសហការីជាច្រើនរូបផងដែរ៕

ដោយ៖ គឿនវេត

The post សម្ដេច ប៊ុន រ៉ានី ចាត់មន្ត្រីចុះសួរសុខទុក្ខ និងផ្ដល់អំណោយដល់ក្រុមគ្រួសាររបស់កងទ័ព ៦រូបដែលថៃចាប់ខ្លួន appeared first on Kampuchea Thmey Daily.

ក្នុងពេលទូរសព្ទ ទៅកាន់ម្ដាយយោធិនម្នាក់ ក្នុងចំណោមយោធិនដែលថៃកំពុងឃុំខ្លួន សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន មានប្រសាសន៍ប្រាប់ម្ដាយយោធិនដូច្នេះ៖«កុំបារម្ភអីទាំងអស់! រដ្ឋាភិបាលមិនមែនព្រងើយកន្តើយទេ រដ្ឋាភិបាលប្រឹងប្រែងធ្វើការជាមួយអន្តរជាតិផង អាស៊ានផង ដើម្បីឱ្យថៃដោះលែងមកវិញ មិនបាច់មានការព្រួយបារម្ភអីទេ។»។

សូមរម្លឹកថា នៅវេលាម៉ោង០៧៖៥០នាទីព្រឹកថ្ងៃទី២៩ ខែកក្កដា ទាហានថៃបានប្រើល្បិចបក់ដៃហៅទាហានកម្ពុជាទៅចាប់ដៃ និងថតរូបជាមួយគ្នា ក៏ប៉ុន្តែនៅពេលដែលទាហានកម្ពុជាចូលទៅ ថៃបានយកកាំភ្លើងភ្ជង់ពីក្រោយ និងឃាត់ខ្លួនទាហានកម្ពុជាជាង២០រូបទៅដោយខុសច្បាប់ ក្រោយបទឈប់បាញ់ចូលជាធរមាន។ ចាប់តាំងពីចាប់ខ្លួនយោធិនកម្ពុជាដោយខុសច្បាប់ ថៃ បានបញ្ជូនយោធិនកម្ពុជាមកវិញត្រឹមតែ៣រូបប៉ុណ្ណោះ ក្នុងនោះ១រូបជាសាកសព ចំណែក២រូបទៀត បញ្ជូនមកវិញក្នុងសភាពពិការដើរមិនរួច មានបញ្ហារបួសធ្ងន់ធ្ងរ និងម្នាក់ទៀតបាត់បង់ស្មារតី។

គិតត្រឹមថ្ងៃទី១៤ ខែសីហា នេះ គឺមានរយៈពេល១៦ថ្ងៃហើយ ដែលថៃ ចាប់ឃុំខ្លួនយោធិនកម្ពុជា ដោយខុសច្បាប់មនុស្សធម៌អន្តរជាតិ។ រដ្ឋាភិបាលកម្ពុជាចាត់ទុកសុខទុក្ខរបស់យោធិនកម្ពុជា គឺជាអាទិភាពចម្បងបំផុត និងបានបញញ្ជាក់ថា មិនបានបំភ្លេចចោលយោធិនណាម្នាក់សូម្បីមួយវិនាទីណាឡើយ។ កម្ពុជា បានប្រឹងប្រែងចរចា និងធ្វើការជាមួយស្ថាប័នជាច្រើនទាំងនៅថៃផ្ទាល់ផង ជាមួយប្រធានអាស៊ាន និងនៅកម្រិតអាស៊ានផង អង្គការសហប្រជាជាតិផង និងជាពិសេសបានធ្វើការជាមួយកាកបាទក្រហមអន្តរជាតិ។

នៅចំពោះមុខស្ថានការណ៍ដ៏តានតឹង និងអាក្រក់ ដែលថៃមិនទាន់ដោះលែងយោធិនមកវិញ ក៏ដូចជាបង្ហាញពីលក្ខខណ្ឌជាថ្នូរនឹងការដោះលែង,  កម្ពុជា បានបន្តអំពាវនាវដោយទទូច ឱ្យថៃ បំពេញកាតព្វកិច្ចរបស់ខ្លួន គឺដោះលែងយោធិនកម្ពុជាទាំង១៨រូបមកវិញជាបន្ទាន់ ស្របតាមច្បាប់អន្តរជាតិ និងការអំពាវនាវរបស់ប្រទេសជាដៃគូរ និងស្ថាប័នអន្តរជាតិជាច្រើន។ កម្ពុជា អះអាងថា នឹងនៅតែអំពាវនាវម្ដងហើយម្ដងទៀត លុះត្រាតែថៃបំពេញកាតព្វកិច្ចស្របតាមច្បាប់អន្តរជាតិ បញ្ជូនយោធិនមកវិញ៕

The post សម្ដេច ប៊ុន រ៉ានី ទូរសព្ទទៅម្ដាយយោធិនម្នាក់ដែលថៃចាប់ឃុំខ្លួន និងប្រាប់កុំឱ្យបារម្ភខ្លាំង ព្រោះរដ្ឋបានធ្វើការជាមួយអន្តរជាតិឱ្យថៃដោះលែងបន្ទាន់ appeared first on Kampuchea Thmey Daily.

ប្រភពដដែលបញ្ជាក់ថា សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ឧបត្ថម្ភថវិកា ១០០លានរៀល ទៅសាខាកាកបាទក្រហមកម្ពុជា ខេត្តប៉ៃលិន ឆ្លើយតបតាមសំណើរបស់សាខាកាកបាទក្រហមកម្ពុជា ខេត្តប៉ៃលិន ដើម្បីជីកអណ្តូងទឹកស្អាតជូនគ្រួសារសមរភូមិមុខ និងប្រជាពលរដ្ឋនៅតាមព្រំដែន ដែលប្រឈមនឹងការខ្វះខាតទឹកប្រើប្រាស់។

នៅថ្ងៃ ខែដដែលនេះ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ក៏បានឧបត្ថម្ភជាលើកទី២ នូវថវិកា ៥០លានរៀលទៀត ជូនសាខាកាកបាទក្រហមកម្ពុជា ខេត្តព្រះវិហារ និងអំណោយមនុស្សធម៌ ១ពាន់គ្រួសារទៀត សម្រាប់ចែកជូនប្រជាពលរដ្ឋរងគ្រោះបំផុត ផងដែរ។ សូមជម្រាបថា ការឧបត្ថម្ភលើកទី១ ធ្វើឡើងកាលពីថ្ងៃទី២២ ខែមេសា ឆ្នាំ២០២៥កន្លងទៅ ដោយសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានឧបត្ថម្ភថវិកា ៥០លានរៀល និងស្បៀង-សម្ភារចំនួន ៥០០គ្រួសារ។

បើតាមកាកបាទក្រហមកម្ពុជា បញ្ជាក់ថា អំណោយជាស្បៀងនិងសម្ភារៈរបស់សម្តេច ប៊ុន រ៉ានី ហ៊ុនសែន នាំយកទៅចែកជូនប្រជាពលរដ្ឋលើកទី២ ទាំង១ពាន់គ្រួសារ នៅថ្ងៃទី១២-១៣ ខែមិថុនា ឆ្នាំ២០២៥ ដែលក្នុងនោះមាន ស្រុកជាំក្សាន្តចំនួន ៤០៩គ្រួសារ, ស្រុកគូលែន ២៩៩គ្រួសារ និងស្រុកសង្គមថ្មី ២៩២គ្រួសារ ហើយក្នុងគ្រួសារនីមួយៗទទួលបាន៖ អង្ករ ៣០គីឡូក្រាម, មី ១កេស, ត្រីខ ១០កំប៉ុង, ឃីត (មុង ភួយ សារុង ក្រមា) ១កញ្ចប់ និងទឹកស៊ីអ៊ីវ ៦ដប៕

The post សម្តេច ប៊ុន រ៉ានី ឧបត្ថម្ភប្រាក់១០០លានរៀល ដើម្បីជីកអណ្តូងទឹកស្អាតជូនគ្រួសារសមរភូមិមុខ និងពលរដ្ឋនៅតាមព្រំដែន appeared first on Kampuchea Thmey Daily.

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត  ថ្លែងដូច្នេះ៖«ចាប់តាំងពីឆ្នាំ១៩៩៨ រៀងមក ក្រោមការដឹកនាំរបស់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន កាកបាទក្រហមកម្ពុជា  សម្រេចបាននូវលទ្ធផលជាច្រើនគួរជាទីមោទនៈ ដោយបានប្រែក្លាយខ្លួនជាស្ថាប័នមានភាពម្ចាស់ការហិរញ្ញវត្ថុ អនុវត្តការងារស្របតាមលក្ខន្តិកៈ នៃស្តង់ដារអន្តរជាតិ និងផែនការយុទ្ធសាស្ត្រ ជាសមាគមជាតិដែលមានអភិបាលកិច្ចល្អ ការដឹកនាំ និងការគ្រប់គ្រងប្រកបដោយតម្លាភាព និងគណនេយ្យភាព។ »។

លោកជំទាវបណ្ឌិត អនុប្រធានអចិន្រ្តៃយ៍ កាកបាទក្រហមកម្ពុជា អះអាងថា រយៈពេល៧ទស្សវត្សរ៍កន្លងមកនេះ កាកបាទក្រហមកម្ពុជា ក្នុងនាមជាស្ថាប័នមនុស្សធម៌ដ៏ធំបំផុតនៅកម្ពុជា បានបំពេញតួនាទីជាជំនួយការជូនអាជ្ញាធរសាធារណៈក្នុងវិស័យមនុស្សធម៌ឆ្លើយតបនៅនឹងបញ្ហាប្រឈមនានាព នៅក្នុងគ្រប់ស្ថានភាព នៃការផ្លាស់ប្ដូរថ្មីៗរបស់ប្រទេសជាតិ និងពិភពលោកមានជាអាទិ៍ ការកសាង និងអភិវឌ្ឍប្រទេស ក្រោយទទួលបានឯករាជ្យ ការផ្លាស់ប្ដូររបបនយោបាយ សង្គ្រាមស៊ីវិល ជម្លោះប្រដាប់អាវុធ  គ្រោះមហន្តរាយ គ្រោះនៃជំងឺឆ្លងរាតត្បាត  ផលប៉ះពាល់នៃវិបត្តសកលនានា។

លោកជំទាវបណ្ឌិត ពេជ ចន្ទមន្នី ហ៊ុន ម៉ាណែត ឱ្យដឹងថា អស់រយៈពេលប្រមាណជាង៧០ឆ្នាំមកនេះ អ្នកដែលទទួលផងជាមុខសញ្ញាជនរងគ្រោះ និងងាយរងគ្រោះ ជារួមមានរហូតដល់២,៦៨២,៦០៤ គ្រួសារ។ បើតាមលោកជំទាវ  ចំនួនអ្នកទទួលផលនេះ ប្រាកដជាមានទំហំធំជាងនេះ ប្រសិនបើរាប់បញ្ជូលក្រុមគ្រួសារដែលរងហានិភ័យក្នុងប្រភេទផ្សេងៗទៀត។

លោកជំទាវបណ្ឌិត ថ្លែងបន្តថា ជាមួយនឹងសមត្ថភាពស្ថាប័នរឹងមាំ កាកបាទក្រហមកម្ពុជា អនុវត្តបានយ៉ាងខ្ជាប់ខ្ជួនក្នុងប្រតិបត្តិការមនុស្សធម៌គ្របដណ្ដប់លើវិស័យអាទិភាពចំនួន៤ នៃយុទ្ធសាស្ត្ររបស់ខ្លួន រួមមានទី១/ ការគ្រប់គ្រងគ្រោះមហន្តរាយ វិបត្តិភ័យ និងការប្រែប្រួលអាកាសធាតុ។ ទី២/ សុខភាព និងការថែទាំសុខភាពតាមសហគមន៍។ ទី៣/ ការលើកកម្ពស់គោលការណ៍គ្រឹះតម្លៃមនុស្សធម៌ និងសុខមាលភាពសង្គម និងទី៤/ ការអភិវឌ្ឍស្ថាប័ន។

បច្ចុប្បន្ននេះ កម្លាំងប្រតិបត្តិករជួរមុខដ៏រឹងមាំរបស់កាកបាទក្រហមកម្ពុជា ដែលមានមន្ត្រីបុគ្គលិក៣៥៣នាក់នៅទូទាំង២៥ រាជធានីខេត្ត ជាមួយអនុសាខាចំនួន២០៩ នៅតាមខណ្ឌ/ស្រុក អ្នកស្ម័គ្រចិត្តជាង២ម៉ឺននាក់នៅតាមភូមិ និងយុវជនកាកបាទក្រហមជិត៣ម៉ឺននាក់ តាមគ្រឹះស្ថានសិក្សា កំពុងបំពេញភារកិច្ចយ៉ាងសកម្មដោយស្មារតីទទួលខុសត្រូវខ្ពស់ ក្រោមទិសស្លោកដ៏ថ្លៃថ្លា«ទីណាមានទុក្ខលំបាក ទីនោះមានកាកបាទក្រហមកម្ពុជា» និង «កាកបាទក្រហមកម្ពុជា​មានគ្រប់ទីកន្លែង សម្រាប់គ្រប់ៗគ្នា មិនទុកនរណាម្នាក់ចោល»។

ជាមួយនឹងសមិទ្ធផលសម្រចបានគួរជាទីមោទនៈរបស់កាកបាទក្រហមកម្ពុជា ក្នុងនាមសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា និងក្រុមគ្រួសារទទួលផលពីកាកបាទក្រហមកម្ពុជា លោកជំទាវបណ្ឌិត ពេជ ចន្ទមន្នី សូមក្រាបបង្គំទូលថ្វាយអំណរព្រះរាជគុណយ៉ាងជ្រាលជ្រៅបំផុត ថ្វាយ ព្រះករុណា ព្រះមាហាក្សត្រ ជាអម្ចាស់ជីវិតលើត្បូង និងសម្ដេចព្រះមហាក្សត្រី ព្រះវររាជមាតាជាតិខ្មែរ ដែលតែងតែប្រោសព្រះរាជទានព្រះរាជទ្រព្យជាប្រចាំជូនកាកបាទក្រហមកម្ពុជា។​

លោកជំទាវបណ្ឌិត អរគុណចំពោះសម្ដេច លោក លោកស្រី លោកអ្នកឧកញ៉ា អ្នកឧកញ៉ា ឧកញ៉ា និងសប្បុរសជន ដែលតែងតែស្ម័គ្រចិត្តជាប់ជាប្រចាំឧបត្ថម្ភដល់កាកបាទក្រហមកម្ពុជាទាំងហិរញ្ញវត្ថុ សម្ភារៈ និងកម្លាំង តាមស្មារតីនៃវប្បធម៌ចែករំលែក សាមគ្គីភាព និងជាការផ្សាភ្ជាប់គ្នារវាងអ្នកមានលទ្ធភាព និងអ្នកដែលកំពុងត្រូវការជំនួយជាចាំបាច់ ព្រមទាំងចូលរួមសម្រាលទុក្ខលំបាករបស់សមាគមជាតិនានាដែលជួបគ្រោះភ័យផង  និងបានចូលរួមលើកកម្ពស់ ជីវភាពប្រជាពលរដ្ឋរងគ្រោះ និងសុខមាលភាពសង្គមផង។

ឆ្លើយតបទៅនឹងការទទួលបានផលជាវិជ្ជមាន ដែលកើតឡើងពីសាមគ្គីភាព  និងភាតរភាព ដែលមជ្ឈដ្ឋានជាតិ និងអន្តរជាតិកំពុងសាទរនេះ លោកជំទាវបណ្ឌិត ពេជ ចន្ទមុន្នី គិតថា ការចូលរួមវិភាគទានដ៏បរិសុទ្ធជាប់ជាប្រ​ចាំរបស់សម្ដេច លោក លោកស្រី លោកអ្នកឧកញ៉ា អ្នកឧកញ៉ា ឧកញ៉ា និងសប្បុរសជនគ្រប់ទិសទី នឹងបន្តចូលរួមចំណែកក្នុងបុព្វហេតុមនុស្សធម៌  ជាពិសេសការចូលរួមចំណែកដល់ការអភិវឌ្ឍជាតិមាតុភូមិកម្ពុជានៃយើង ឈានដល់ទៅសម្រេចបានគោលដៅអភិវឌ្ឍន៍ប្រកបដោយចីរភាព តាមរយៈរួមគ្នាស្ម័គ្រចិត្ត ដើម្បីសហគមន៍មានសុខភាពល្អ និងមានភាពធន់ នឹងអាកាសធាតុ៕

ដោយ៖ ង៉ិល ណារ៉ាត់

The post លោកជំទាវ ពេជ ចន្ទមុន្នី៖ ក្រោមការដឹកនាំរបស់សម្ដេច ប៊ុន រ៉ានី កាកបាទក្រហម មានម្ចាស់ការហិរញវត្ថុ  និងការគ្រប់គ្រងដោយតម្លាភាព appeared first on Kampuchea Thmey Daily.