ព័ត៌មានជាតិ

សម្ដេចកិត្តិព្រឹទ្ធិបណ្ឌិតបន្តចុះសួរសុខទុក្ខកងទ័ពដែលសម្រាកព្យាបាលមន្ទីរពេទ្យ

បានផុស

៧ ខែ មុន

នៅ

ថ្ងៃសៅរ៍ ២០ ធ្នូ ២០២៥

ដោយ

ប្រធានកាកបាទក្រហមកម្ពុជា សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានបន្តចុះសួរសុខទុក្ខទាហានដែលរងរបួស និងផ្សែងពុលក្នុងសមរភូមិ កំពុងព្យាបាលនៅតាមមន្ទីរពេទ្យចំនួន៥ ក្នុងរាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងការអញ្ជើញចុះសំណេះសំណាលសួរសុខទុក្ខនាថ្ងៃទី២០ ខែធ្នូនេះ សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន បានបង្ហាញនូវក្ដីអាណិតអាសូរដល់កងទ័ពកម្ពុជាដែលបានលះបង់កម្លាំងកាយចិត្ត បំពេញការងារដោយបេះដូង និងឆន្ទៈខ្ពស់ការពារបូរណភាពទឹកដីកម្ពុជា។ សម្ដេចក៏បាននាំនូវព្រះរាជបណ្ដាំពីសម្ដេចព្រះមហាក្សត្រី ព្រះរវរាជមាតាជាតិខ្មែរកោតស្ងប់ស្ងែងចំពោះពលិកម្មរបស់ទាហានកម្ពុជា និងជូនពរដល់វីរយុទ្ធជនគ្រប់រូប សូមឆាប់បានជាសះស្បើយឡើងវិញ។

ក្នុងឱកាសនោះយុទ្ធជនដែលកំពុងសម្រាកព្យាបាលនៅមន្ទីរពេទ្យបានបង្ហាញនូវអារម្មណ៍ចេញពីភាពកក់ក្ដៅ និងកម្លាំងចិត្តមួយដ៏ធំចំពោះការអញ្ជើញចុះមកដោយផ្ទាក់របស់សម្ដេចកិត្តិព្រឹទ្ធបណ្ឌិត។

សូមបញ្ជាក់ថា វីរយុទ្ធជនដែលរងរបួស និងផ្សែងពុលក្នុងសមរភូមិ ទទួលបាននូវការឧបត្ថម្ភពីសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា រួមមានគ្រឿងឧបភោគបរិភោគ សម្ភារប្រើប្រាស់ និងថវិកាមួយចំនួនផងដែរ។ នេះជាការចុះសួរសុខទុក្ខជាលើកទី២ របស់សម្ដេចកិត្តិព្រឹទ្ធបណ្ឌិត ដើម្បីលើកទឹកចិត្ត និងផ្តល់ភាពកក់ក្តៅ ដល់វីរយុទ្ធជនដ៏អង់អាចក្លាហានរបស់យើងបន្ទាប់ពីការចុះលើកទី១ កាលពីថ្ងៃទី១៥-១៦ ខែធ្នូ កន្លងទៅ៕