សម្តេចតេជោ ហ៊ុន សែន ប្រធានព្រឹទ្ធសភា បង្ហោះសារនៅលើបណ្តាញសង្គម ថ្ងៃទី ១៣ ខែមិថុនា ឆ្នាំ ២០២៦ ថា បច្ចុប្បន្ននៅមានឈ្មួញមួយចំនួនលបលួចនាំទំនិញពីថៃចូលតាមព្រំដែនគោក មកចែកចាយលក់នៅទីផ្សារកម្ពុជា ដែលអាចពាក់ព័ន្ធនឹងការយល់ច្រឡំ ការធ្វើមិនដឹង ឬអំពើពុករលួយរបស់មន្ត្រីខិលខូច និងឈ្មួញទុច្ចរិត ទើបទំនិញថៃថ្មីៗបាននាំចូលមកប្រើប្រាស់នៅកម្ពុជា។

ដើម្បីបានជាពន្លឺនិងឈប់ល្ងង់តទៅទៀត សម្តេចតេជោ បានចង្អុលប្រាប់ចំណុចសំខាន់មួយគឺថា ៖«ពេលណាព្រំដែនគោករវាងកម្ពុជា-ថៃនៅតែបន្តបិទ)គ្រប់មុខទំនិញទាំងអស់ដែលនាំចូលឆ្លងកាត់ព្រំដែនគោកគឺទំនិញខុសច្បាប់ជាទំនិញរត់ពន្ធជាទំនិញបំផ្លាញជាតិនិងប្រមាថជាតិ»។ សម្តេចពន្យល់ថា ពេលដែលព្រំដែនគោកត្រូវបានបិទមនុស្សក៏មិនអាចឆ្លងបានទំនិញក៏មិនអាចឆ្លងបាន។

សម្រាប់មនុស្សនិងទំនិញដែលឆ្លងកាត់តាមផ្លូវទឹកនិងផ្លូវអាកាស ពិសេសទំនិញគឺជាសមត្ថកិច្ចរបស់គយដែលជា
អ្នកកំណត់ថាខុសច្បាប់ឬត្រូវច្បាប់ព្រោះផ្លូវទឹកតាមកំពង់ផែសមុទ្រនិងផ្លូវ អាកាសតាម(ព្រលានយន្តហោះ)ភាគីទាំង២កម្ពុជា-ថៃនៅដំណើរការជាធម្មតា។

សម្តេចតេជោ ក៏បានណែនាំឲ្យមានការចាត់វិធានការតឹងរឹងលើទំនិញដែលឆ្លងកាត់ព្រំដែនគោក ដោយបញ្ជាក់ថា មិនអាចអះអាងថាជាទំនិញស្តុកចាស់ដែលនៅសល់លក់មិនទាន់អស់បានទេ ព្រោះមានទំនិញខ្លះផលិតនៅឆ្នាំ ២០២៦ ខណៈព្រំដែនគោកត្រូវបានភាគីថៃបិទ១ឆ្នាំមុនមកម្លេះហេតុអ្វីមានលើទីផ្សារកម្ពុជា។ ម្យ៉ាងទៀតប្រសិនបើទំនិញនោះវាសល់ពិតមែនក៏ល្មមផុតកំណត់រយៈពេលប្រើប្រាស់ហើយ។

ជាចុងក្រោយ សម្តេចបានអំពាវនាវឲ្យប្រជាពលរដ្ឋប្រើប្រាស់សិទ្ធិជាអ្នកប្រើប្រាស់ដោយប្រុងប្រយ័ត្ន និងកុំឲ្យការប្រើប្រាស់ទំនិញខុសច្បាប់នាំឲ្យមានការមើលងាយទាំងខ្លួនឯង និងជាតិសាសន៍។

ការបញ្ជាក់ជាថ្មីនេះ ធ្វើឡើងស្របពេលដែលនៅមានឈ្មួញមួយចំនួនបន្តលបលួចនាំចូលទំនិញពីថៃតាមព្រំដែនគោក មកចែកចាយលក់នៅលើទីផ្សារកម្ពុជា។ ជាពិសេស ក្នុងបរិបទដែលមន្ត្រីថៃមួយចំនួន រួមទាំងប្រជាពលរដ្ឋថៃខ្លះ បានលើកឡើងក្នុងន័យមើលងាយថា កម្ពុជាមិនអាចរស់នៅដោយគ្មានទំនិញថៃបាន៕

The post សម្តេចតេជោផ្ញើសារព្រមាន៖ ដរាបណាព្រំដែនគោកបិទ ទំនិញថៃនាំចូលកម្ពុជាតាមច្រកនេះ គឺជាទំនិញខុសច្បាប់ និងទំនិញប្រមាថជាតិ appeared first on Kampuchea Thmey Daily.

ជាក់ស្ដែង នាព្រឹកថ្ងៃទី ១២ ខែឧសភា ឆ្នាំ ២០២៦ នេះ ក្នុងពិធីសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ-សង្កាត់ និងថ្នាក់ដឹកនាំនៃមន្ទីរ អង្គភាពនានា ជុំវិញខេត្តបាត់ដំបង និងខេត្តប៉ៃលិន សម្ដេចតេជោ ហ៊ុន សែន ប្រធានព្រឹទ្ធសភា និងជាប្រធានសមាគមអតីតយុទ្ធជន និងនិវត្តជនកម្ពុជា បានណែនាំដល់ថ្នាក់ដឹកនាំនៃខេត្តជាប់ព្រំដែនទាំងពីរនេះ ឱ្យបន្តយកចិត្តទុកដាក់ឱ្យបានខ្ពស់ចំពោះសុខទុក្ខ និងជីវភាពរស់នៅរបស់អតីតយុទ្ធជន យុទ្ធជនពលី និងគ្រួសារយុទ្ធជនពលីនៅសមរភូមិ ជាពិសេសយុទ្ធជនពលីក្នុងជម្លោះព្រំដែនកម្ពុជា-ថៃ កាលពីពេលថ្មីៗកន្លងទៅនេះ។ ព្រមទាំងគិតគូរចំពោះ កូនចៅ អតីតយុទ្ធជន ឱ្យទទួលបានការរៀនសូត្រត្រឹមត្រូវ ផ្ដល់ឱកាសការងារដល់ពួកគេ ដែលជាការរួមចំណែកកសាងអនាគតយូរអង្វែងសម្រាប់ក្រុមគ្រួសារ ក្រោយពេលស្វាមី និងឱពុករបស់គេ បានពលីកម្មដើម្បីបុព្វហេតុជាតិ។

សម្ដេចតេជោ បានលើកឡើងចំពោះមុខមន្រ្តីក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំនៃមន្ទីរអង្គភាពនានាជុំវិញខេត្ត ប្រមាណជាង ២០០០នាក់ នៅព្រឹកនោះថា៖«ត្រូវឧស្សាហ៍ចុះសួរសុខទុក អតីតយុទ្ធជន និងអ្នកចូលនិវត្តក្នុងមូលដ្ឋានទាំងអស់ ដោយមិនត្រូវបំភ្លេចពួកគាត់ចោល ធ្វើយ៉ាងណាអញ្ជើញពួកគាត់មកចូលរួមក្នុងកម្មវិធីជួបជុំនានា ព្រមទាំងសួរនាំពីជីវភាព ខ្វាយខ្វល់ពីសុខទុក្ខ និងផ្ដល់ភាពកក់ក្ដៅដល់ពួកគាត់ ហើយត្រូវតាំងខ្លួនជាកូនកតញ្ញូរបស់ពួកគាត់» ។

ចំពោះនិវត្តជនដែលជាអតីតគ្រូបង្រៀន ជាពិសេសអតីតគ្រូបង្រៀនចាស់ៗ តាំងពីថ្នាក់បឋម សម្ដេចក៏បានផ្ដល់ការណែនាំឱ្យគិតគូរចំពោះពួកគាត់ដែលជាចាស់ទុំ ជាអ្នកដែលបានដឹកដៃយើងតាំងពីក្មេងមក មិនត្រូវមើលស្រាលពួកគាត់ទេ បើគ្មានគ្រូបឋមទេ យើងក៏គ្មានថ្ងៃនេះដែរ។
 
ជាមួយគ្នានេះដែរ សម្ដេចប្រធានសមាគមក៏បានផ្ដល់អនុសាសន៍ណែនាំដល់គណៈបញ្ជាការឯកភាពនៃខេត្តទាំង២ ដែលជាប្រធានគណៈកម្មាធិការសមាគមអតីតយុទ្ធជន និងនិវត្តជនកម្ពុជា ត្រូវពិនិត្យលទ្ធភាពលើគ្រួសារដែលមានភាពខ្វះខាត ជួយលើកកម្ពស់ជីវភាពរស់នៅឱ្យបានល្អប្រសើរ ចំពោះអ្នកគ្មានដី គ្មានផ្ទះ ត្រូវរៀបចំដីសម្បទានសង្គមកិច្ច និងសាងសង់ផ្ទះជូនពួកគាត់។  

យោងតាមរបាយការណ៍របស់ លោកស្រី បាន ស្រីមុំ អភិបាលខេត្តប៉ៃលិន បានឱ្យដឹងថា ខេត្តនេះ មានអតីតយុទ្ធជនសរុបចំនួន ១,៧៣៤ នាក់ ។ ក្នុងនោះអតីតយុទ្ធជន ចូលជាសមាជិកសមាគម មានចំនួន  ១,៤៤៥ នាក់ ។ ជាមួយគ្នានេះ ខេត្តប៉ៃលិន ក៏បានកំណត់មុខសញ្ញានិវត្តជន ជាអតីតមន្រ្តីរាជការស៊ីវិល សរុបចំនួន ២៧៧ នាក់ ស្រី៤៦នាក់។ អំពីការជ្រើសរើសគ្រួសារបង្កើតរបស់អតីតយុទ្ធជនឱ្យចូលបម្រើការក្នុងជួរកងទ័ព គឺបានស្ម័គ្រចិត្តដាក់ពាក្យចូលបម្រើក្នុងជួរកងទ័ពមានសរុបចំនួន  ២២៩នាក់ ក្នុងនោះជាប់ជាស្ថាពរ ១១៨នាក់ (ស្រី ២០នាក់) ជាប់បម្រុង ៣៦នាក់ (ស្រី ១៤នាក់)។

លោកស្រីបញ្ជាក់ថា ខេត្តប៉ៃលិន ពុំមានដីសម្បទានសង្គមកិច្ចនោះទេ ប៉ុន្តែបានដោះស្រាយការលំបាកជូនអតីតយុទ្ធជនដែលមានស្ថានភាពក្រីក្រ ដោយបានសាងសង់ផ្ទះជូន ២៣ ខ្នង សម្រាប់២៣ គ្រួសារ ជាអំណោយរបស់សម្ដេចតេជោ ហ៊ុន សែន និងសម្ដេចធិបតី ហ៊ុន ម៉ាណែត ។

ចំណែក វិស័យអតីតយុទ្ធជន និងនិវត្តជន ក្នុងខេត្តបាត់ដំបង ក៏មានវឌ្ឍនភាពគួរឱ្យកត់សម្គាល់ចំពោះការយកគ្រប់គ្រងអតីតយុទ្ធជន និងនិវត្តជន។ តាមរបាយការណ៍ លោក សុខ លូ អភិបាលខេត្ត បានបញ្ជាក់ថា គិតត្រឹម ខែឧសភា ឆ្នាំ២០២៦ មានអតីតយុទ្ធជនក្នុងខេត្តបាត់ដំបង សរុបមាន ១៤,៤៦១ នាក់ ក្នុងនោះអតីតយុទ្ធជន ចូលជាសមាជិកសមាគម មានចំនួន  ១១,៨២៥ នាក់ ។ ចំណែកមុខសញ្ញានិវត្តជន ជាអតីតមន្រ្តីរាជការស៊ីវិល សរុបចំនួន ៣,៦៥៧ នាក់។  ចំពោះ កូន ចៅ និងបងប្អូនបង្កើត របស់អតីតយុទ្ធជន បានស្ម័គ្រចិត្តដាក់ពាក្យចូលបម្រើក្នុងជួរកងទ័ពមានសរុបចំនួន ១២៧នាក់ ។

ក្នុងខេត្តបាត់ដំបង ជាការគួរកត់សម្គាល់ តាមរយៈលោក គន់ គីម អនុប្រធាន និងជាអគ្គលេខាធិការសមាគម ក្នុងនាមសម្ដេចតេជោប្រធាន និងសម្ដេចធិបតី ហ៊ុន ម៉ាណែត អនុប្រធានទី១ សមាគម តែងបានយកចិត្តទុកដាក់ខ្ពស់ចំពោះអតីតយុទ្ធជន និងនិវត្តជន ដោយក្នុងនោះបានរៀបចំកសាងភូមិដ្ឋានអតីតយុទ្ធជន និងនិវត្តជន លើដីសម្បទានសង្គមកិច្ចចំនួន ២ ទីតាំងរួមមាន។

ទីតាំងនោះរួមមាន ១ ភូមិគោករកា ឃុំដូនបា ស្រុកគាត់ក្រឡ មានទំហំ ២៧៥.៥៦ហិតា បានសាងសង់ និងបែងចែកផ្ទះមានចំនួន ១៨៤ ខ្នង ជាអំណោយដ៏ថ្លៃថ្លៃ សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ។  ២  ភូមិព្រៃសិន និងភូមិសំរោង ឃុំឆ្នាល់មាន់ ស្រុកគាស់ក្រឡ មានទំហំ ១,៦៣០.៤៨ ហិតា បានសាងសង់ និងបែងចែកផ្ទះមានចំនួន ៣០០ ខ្នង ជាអំណោយដ៏ថ្លៃថ្លៃ សម្ដេចអគ្គមហាសេនាបតីតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ៕

The post សម្ដេចតេជោ ណែនាំអភិបាលខេត្តជាប់ព្រំដែនបន្តយកចិត្តទុកដាក់គ្រួសារយុទ្ធជនពលីនិងអតីតយុទ្ធជន appeared first on Kampuchea Thmey Daily.

អ្នកនាំពាក្យរូបនេះ បានបញ្ជាក់ថា កម្រិតទី១ អ្នកដែលជាប់ពាក់ព័ន្ធមិនត្រឹមតែដកតំណែងនោះទេ ត្រូវចោទប្រកាន់ចំពោះមុខ តុលាការ ថែមទៀត។ សម្រាប់កម្រិតទី១ សម្តេចតេជោ ណែនាំឱ្យចោទប្រកាន់តាមផ្លូវតុលាការ និងបង្កកទ្រព្យសម្បត្តិរបស់ពួកគេថែមទៀត។ ចំណែក កម្រិតទី២ ដកចេញពីតំណែង ហើយយកមកកន្លែងថ្មី ដោយសង្កត់ធ្ងន់ថា​ «បើចៅហ្វាយខេត្ត ចៅហ្វាយស្រុកណា មិនអើពើ មិនព្រមធ្វើការ គឺដកចេញទៅ»។

លោក ជា ធីរិទ្ធ បានដកស្រង់ប្រសាសន៍ដើមរបស់សម្តេច តេជោ ហ៊ុន សែន ក្នុងពិធីសំណេះសំណាលជាមួយថ្នាក់ដឹកនាំព្រឹទ្ធសភា រដ្ឋសភា រាជរដ្ឋាភិបាល ក្រសួង និងក្រុមប្រឹក្សារាជធានី ខណ្ឌ សង្កាត់ និងប្រធានមន្ទីរ អង្គភាពនានាជាង ៤ពាន់នាក់ នាព្រឹកថ្ងៃអាទិត្យ ទី២៤ ខែឧសភា ឆ្នាំ២០២៦ មកបញ្ជាក់ដូច្នេះថា៖ «អ្នកមិនអាចទទួលជោគ ជ័យ បានទេ បើអ្នកដើរទៅវាយអ្នកឆបោកតាមប្រព័ន្ធបច្ចេកវិទ្យា ហើយមិនទៅវាយមន្ត្រី និងអ្នកពាក់ព័ន្ធ»។

បន្ថែមពីនេះ លោកក៏បានដកស្រង់ប្រសាសន៍ដើមរបស់សម្តេចថា៖ «គ្មានការយោគយល់ ណា មួយអាចទៅរួច នៅពេលដែលអ្នកមិនព្រមធ្វើ ឬពាក់ព័ន្ធ។ កុំនិយាយថា អ្នកជាកូនមេដឹកនាំមាន គុណសម្បត្តិចំពោះជាតិ កុំនិយាយថា បានប្រឹងប្រែងធ្វើការ និងកសាងស្នាដៃចំពោះជាតិមាតុភូមិ»៕

The post លោក ជា ធីរិទ្ធ៖ សម្តេចតេជោ ដាក់ចេញវិធានការ ២កម្រិត ចំពោះមន្ត្រីពាក់ព័ន្ធបទល្មើសឆបោកតាមបច្ចេកវិទ្យា appeared first on Kampuchea Thmey Daily.

ក្នុងសារនោះ សម្តេចតេជោ បានប្រសិទ្ធនាម សម្តេចកិត្តិព្រឹទ្ធបណ្ឌិត ថា «ចុងភៅម្ហូបឆ្ងាញ់» ដោយបង្ហាញពីភាពកក់ក្តៅ និង ការថែទាំគ្នាយ៉ាងយូរអង្វែងក្នុងជីវិតគ្រួសារ។

សម្តេចតេជោ បានភ្ជាប់ជាមួយរូបភាព សម្តេចកិត្តិព្រឹទ្ធបណ្ឌិត កំពុងធ្វើម្ហូប និង រៀបរាប់ ថា កាលពី ៣ សប្តាហ៍មុន សម្តេច បាននិពន្ធបទចម្រៀងមួយមានចំណងជើងថា «បាយម្ហូបស្រីដាំ» ដើម្បីរំលឹកដល់អនុស្សាវរីយ៍កាលពី ៥១ ឆ្នាំមុន នៅពេលគ្រូពេទ្យក្រមុំម្នាក់ បានដាំស្លផ្ទាល់ដៃជូនយុវជនយោធាម្នាក់ ដែលពេលនោះបានបាត់បង់ភ្នែកខាងឆ្វេង។

សម្តេច បានបញ្ជាក់ថា នៅខែសីហា ឆ្នាំ ១៩៧៥ សម្តេច បានស្នាក់នៅមន្ទីរពេទ្យមួយក្នុងឃុំឈូក ស្រុកក្រូចឆ្មារ ដែល សម្តេចកិត្តិព្រឹទ្ធបណ្ឌិត ជាអ្នកទទួលខុសត្រូវ។ ទោះ សម្តេច មិនមែនជាអ្នកជំងឺក៏ដោយ ក៏ សម្តេចកិត្តិព្រឹទ្ធបណ្ឌិត នៅតែទទួលឲ្យស្នាក់នៅ និង ចម្អិនម្ហូបផ្ទាល់ដៃជូនទទួលទាន។

សម្តេចតេជោ ក៏បានរំលឹកផងដែរថា រូបថតដែលទើបទទួលបានថ្មីៗ នេះ គឺជារូបភាព សម្តេចកិត្តិព្រឹទ្ធបណ្ឌិត ធ្វើម្ហូបកាលពីឆ្នាំ ២០០១ អំឡុងពេលទស្សនាវដ្តីបរទេសមួយចុះសម្ភាសន៍។ ក្មេងស្រីដែលនៅក្នុងរូប គឺជាចៅស្រីទី ១ របស់ សម្តេច ដែលពេលនោះទើបមានអាយុជាងមួយឆ្នាំ។

សម្តេចតេជោ បានបញ្ចប់សារដោយបង្ហាញក្តីស្រឡាញ់ និង ការដឹងគុណចំពោះភរិយា ដោយថ្លែងអំណរគុណទៅកាន់ «ចុងភៅម្ហូបឆ្ងាញ់» ដែលបានរៀបចំបាយម្ហូបជូន សម្តេច ជានិច្ច រហូតមកដល់សព្វថ្ងៃ៕

The post សម្តេចតេជោ ប្រសិទ្ធនាម សម្តេចកិត្តិព្រឹទ្ធបណ្ឌិត ជា «ចុងភៅម្ហូបឆ្ងាញ់» ក្រោយរៀបចំបាយម្ហូបជូនតាំងពីឆ្នាំ ១៩៧៥ appeared first on Kampuchea Thmey Daily.

ការលើកឡើងរបស់ប្រមុខរដ្ឋស្តីទីកម្ពុជា បានធ្វើឡើងក្នុងឱកាសអញ្ជើញជួបសំណេះសំណាលជាមួយក្រុមប្រឹក្សាខេត្ត ក្រុង ស្រុក ឃុំ សង្កាត់ និងថ្នាក់ដឹកនាំមន្ទីរ-អង្គភាពនានានៃខេត្តតាកែវ នាថ្ងៃទី៧ ខែឧសភា ឆ្នាំ២០២៦។ នៅចំពោះមុខមន្រ្តីរាប់រយនាក់ សម្តេចតេជោ បានណែនាំជាថ្មីដល់មន្ត្រីទាំងអស់ត្រូវបន្តរក្សានូវស្ថិរភាពជាតិ និងយកចិត្តទុកដាក់រក្សាសន្តិសុខសណ្ដាប់ធ្នាប់សង្គម ដោយបន្តអនុវត្តគោលនយោបាយភូមិ ឃុំ មានសុវត្ថិភាព រួមមាន ការបង្ក្រាបនូវបទល្មើសផ្សេងៗ ដូចជា ចោរឆក់ ចោរប្លន់ ការជួញដូរគ្រឿងញៀន។

សម្ដេចតេជោ ក៏បានក្រើនរំឭកដល់មន្ត្រីទាំងអស់ថា៖« ចៀសវាងភាពអសកម្ម ឬការគាបសង្កត់ណាមួយ និងត្រូវចាំថា «មន្ត្រីមិនមែនជាចៅហ្វាយរបស់ប្រជាជននោះទេ គឺជាអ្នកបម្រើដ៏ស្មោះត្រង់របស់ប្រជាជន» និងបម្រើប្រជាជនប្រកប​ដោយភាពស្មោះត្រង់»។ទន្ទឹមនេះ សម្ដេចតេជោ ក៏តម្រង់ទិសឱ្យអាជ្ញាធរត្រូវយកចិត្តទុកដាក់ដោះស្រាយជម្លោះដីធ្លីជូនប្រជាពលរដ្ឋឱ្យបានរហ័ស និងមានប្រសិទ្ធភាព ជាពិសេសការដោះស្រាយក្រៅប្រព័ន្ធតុលាការ ដោយមិនត្រូវលម្អៀងខាងភាគីណានោះទេ។

ក្នុងឆ្នាំ២០២៥ បទល្មើសព្រហ្មទណ្ឌគ្រប់ប្រភេទ បានថយចុះ១៧% បើប្រៀបធៀបនឹងឆ្នាំ២០២៤ ដែលជាលទ្ធផលសម្រេចបានខ្ពស់រហូតដល់ ៩៦%។ លទ្ធផលដែលសមត្ថកិច្ចបង្ក្រាបបាននោះ រួមមាន បទល្មើសគ្រឿងញៀន អំពើជួញដូរមនុស្ស ជួញដូរពលកម្ម អាជីវកម្មផ្លូវភេទ ល្បែងស៊ីសងខុសច្បាប់គ្រប់ប្រភេទ ករណីក្មេងទំនើង ព្រមទាំងអំពើឆបោកតាមប្រព័ន្ធបច្ចេកវិទ្យា។ នេះបើតាមការអះអាងរដ្ឋមន្រ្តីក្រសួងមហាផ្ទៃ លោក ស សុខា នៅក្នុងពិធីបិទសន្និបាតប្រចាំឆ្នាំរបស់ក្រសួងមហាផ្ទៃ កាលពី ខែកុម្ភៈ ឆ្នាំ២០២៦។

គួរជម្រាបថា គោលដៅនៃការចុះជួបសំណេះសំណាលជាមួយមន្ត្រីរាជការរបស់សម្តេចតេជោនាពេលនេះ គឺជាការអនុវត្ត ក៏ដូចជាពង្រឹងគណនេយ្យភាពរវាងព្រឹទ្ធសភាជាមួយអង្គបោះឆ្នោត ដើម្បីឱ្យមានតម្លាភាព ក៏ដូចជាជំរុញឱ្យការងារមូលដ្ឋានកាន់តែមានប្រសិទ្ធភាព។ ម្យ៉ាងវិញទៀតក៏ដើម្បីផ្សារភ្ជាប់ទំនាក់ទំនងឱ្យកាន់តែជិតស្និទ្ធជាមួយអាជ្ញាធរមូលដ្ឋាន និងធ្វើការក្រើនរំឭកដល់មន្ត្រីនៅមូលដ្ឋានឱ្យបង្កើនការយកចិត្តទុកដាក់លើភារកិច្ចរបស់ខ្លួន និងការផ្តល់សេវាសាធារណៈជូនប្រជាពលរដ្ឋឱ្យបានល្អប្រសើរ។

តាកែវ គឺជាខេត្តទី៤ហើយ ដែលសម្ដេចតេជោ ហ៊ុន សែន បានកំណត់ជាគោលដៅក្នុងការចុះជួបមន្ត្រីរាជការតាមបណ្ដាខេត្តនានា បន្ទាប់ពីខេត្តកំពង់ចាម ត្បូងឃ្មុំ និងកំពង់ស្ពឺ និងកំពុងឆ្ពោះទៅបណ្ដាខេត្តផ្សេងៗទៀត៕

The post សម្តេចតេជោ ក្រើនរំឭកជាថ្មីឱ្យបង្ក្រាបបទល្មើសចោរឆក់ ប្លន់ និងគ្រឿងញៀនក្នុងមូលដ្ឋាន appeared first on Kampuchea Thmey Daily.

ការបញ្ជាក់ជាថ្មីនេះ ធ្វើឡើងបន្ទាប់ពីមានសេចក្តីថ្លែងការណ៍ថ្មីៗពីមន្ត្រីថៃ រួមទាំងនាយករដ្ឋមន្ត្រី និងរដ្ឋមន្ត្រីក្រសួងការពារជាតិ ដែលតែងតែលើកឡើងនៃការបើកច្រកព្រំដែនឡើងវិញ។ មន្ត្រីថៃមួយចំនួនថែមទាំងបានបំផ្លើសថា កម្ពុជាបានស្នើសុំបើកព្រំដែន។ ជាពិសេស រដ្ឋមន្ត្រីក្រសួងការពារជាតិថៃ បានប្រកាសថា ក្នុងមួយជីវិតនេះមិនចរចាដាច់ខាតលើរឿងបើកព្រំដែន។

ជាការឆ្លើយតប សម្តេចតេជោ ហ៊ុន សែន បានបញ្ជាក់ប្រឆាំងដាច់ខាតរាល់សំណើរបើកច្រកព្រំដែនឡើងវិញ។ ក្នុងពិធីអនុសំវច្ឆរមហាសន្និបាតមន្ត្រីសង្ឃទូទាំងប្រទេស លើកទី៣៣ ឆ្នាំ២០២៥ នៅថ្ងៃទី ១៧ ខែវិច្ឆិកាឆ្នាំ ២០២៥ សម្តេចសង្កត់ធ្ងន់ថា៖«ព្រោះគេអ្នកបិទយើងកុំទៅសុំបើក (កុំធ្វើថោក)។ ព្រោះរឿងនេះ យើងបានដឹងទាំងអស់គ្នាហើយ យើងមិនមែនអ្នកបិទទេ គេអ្នកបិទ កូនសោរនៅលើគេ ហេតុអីបានយើងទៅអង្វរសុំគេ»។ នេះជាសាររបស់សម្តេចតេជោ ផ្ញើជូនទៅថ្នាក់ដឹកនាំថៃ មិនថាស៊ីវិល ឬកងទ័ព ដោយអះអាងថាកម្ពុជាមិនធ្វើថោកទៅសុំឱ្យថៃបើកច្រកព្រំដែនទេ។

ទន្ទឹមនេះ កម្ពុជាត្រូវពង្រឹងសមត្ថភាពនៃការផលិតទំនិញ សម្រាប់ផ្តត់ផ្គង់ហើយត្រូវរកទីផ្សារផ្សេងផ្គត់ផ្គង់ជំនួសឱ្យទំនិញថៃ។ យ៉ាងណាមិញ សម្តេចបានក្រើនរំលឹកដល់ប្រជាពលរដ្ឋកម្ពុជាកុំធ្វើពហិកាជ្រុលហួស។ ជ្រុលក្នុងន័យនេះ បើសិនជាអ្នកវិនិយោគថៃ មកផលិតនៅកម្ពុជាចាត់ទុកជាទំនិញរបស់កម្ពុជា។ «ចាបតាំងពីថៃបិទព្រំដែនមក កម្ពុជាមិនដែលសុំបើកច្រកវិញទេ ហើយបើសិនជាថៃបិទ ១០០ឆ្នាំ ឬ៥០០ឆ្នាំទៀត ក៏ខ្មែរមិនងាប់ដែរ»។ នេះជាការអះអាងរបស់សម្តេចតេជោ។

បើយោងតាមតួរលេខក្រៅផ្លូវការ ទំហំពាណិជ្ជកម្មរវាងប្រទេសកម្ពុជា និងថៃ មានជាង ១០ពាន់លានដុល្លារ ប៉ុន្តែទំហំពាណិជ្ជកម្មដែលកត់ត្រាដោយជើងលេខគយកម្ពុជាឆ្នាំ ២០២៤ មានជាង ៦ ពាន់លានដុល្លារ។ ក្នុងនោះកម្ពុជានាំចេញទៅថៃ ១ ១០០ លានដុល្លារ រីឯថៃនាំមកកម្ពុជា ៥ ៤០០ លានដុល្លារ ដូច្នេះថៃមានអធិរាជពាណិជ្ជកម្ម ជាង ៤ ពាន់លានដុល្លារ។

សូមជម្រាបថា ថៃបានប្រកាសបិទព្រំដែនគោកជាឯកតោភាគី ជាមួយកម្ពុជា ចាប់ពីថ្ងៃទី ៧ ខែមិថុនា ឆ្នាំ ២០២៥ ក្រោយមករាជរដ្ឋាភិបាលកម្ពុជា បានប្រកាសបិទច្រកព្រំដែនវិញជាការឆ្លើយតប៕

The post រឿងបើកច្រកព្រំដែនកម្ពុជា-ថៃ សម្តេចតេជោ៖ព្រោះគេអ្នកបិទយើងកុំទៅសុំបើក (កុំធ្វើថោក) appeared first on Kampuchea Thmey Daily.

សម្តេចបញ្ជាក់ថា ព្រះរាជពិធីបុណ្យអុំទូក នៅខេត្តសៀមរាប នាថ្ងៃទី ៤ វិច្ឆិកា (ថ្ងៃអុំទូកទី ១) បាននាំមកនូវភាពសប្បាយរីករាយ និងបរិយាកាសអធិកអធមដល់ប្រជាពលរដ្ឋ ក៏ដូចជាភ្ញៀវទេសចរជាតិ និងអន្តរជាតិ។ នៅពេលថ្ងៃ នៅតាមដងស្ទឹងសៀមរាប មានប្រជាពលរដ្ឋកម្ពុជាជាច្រើនកុះករបានមកជួបជុំគ្នា ដើម្បីទស្សនាការប្រណាំងទូកងដ៏ជក់ចិត្តរបស់ក្រុមចំណុះទូកដែលតំណាងឲ្យសាមគ្គីភាព និងកម្លាំង។ នៅពេលរាត្រី ដងស្ទឹងត្រូវបានបំភ្លឺដោយពន្លឺ ប្រទីបចម្រុះពណ៌​ដែលអណ្តែតតាមផ្ទៃទឹក ខណៈប្រជាពលរដ្ឋធ្វើពិធីសំពះព្រះខែ និងរីករាយនឹងការអកអំបុកតាមប្រពៃណី។

សូមជម្រាបថា រាជរដ្ឋាភិបាលតែងតែប្រារព្ធព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ជារៀងរាល់ឆ្នាំចំនួន៣ថ្ងៃ នៅថ្ងៃ១៤កើត ១៥កើត និង១រោច ខែកត្តិក ដើម្បីអបអរសាទរព្រះរាជពិធីបុណ្យប្រពៃណីជាតិ និងបន្តរក្សាទំនៀមទម្លាប់ដ៏ប្រពៃរបស់ខ្មែរដែលមានតាំងពីយូរលង់មកហើយ ដោយមានរៀបចំពិធីប្រណាំងទូកង បណ្តែតប្រទីប និងសំពះព្រះខែ អកអំបុក នៅតាមដងទន្លេសាប មុខព្រះបរមរាជវាំង រាជធានីភ្នំពេញ និងដោយឡែកនៅតាមបណ្តាខេត្តមួយចំនួនក៏បានរៀបចំពិធីនេះផងដែរ។ 

ប៉ុន្តែ ផ្អែកលើបរិបទបច្ចុប្បន្នកម្ពុជាបាននិងកំពុងបន្តអនុវត្តបទឈប់បាញ់ដោយពេញលេញនិងម៉ឺងម៉ាត់បំផុត ក្នុងជម្លោះព្រំដែនរវាងកម្ពុជា និងថៃ រដ្ឋាភិបាលសម្រេចផ្អាកការប្រារព្ធព្រះរាជពិធីបុណ្យអុំទូកនៅតាមដងទន្លេសាប មុខព្រះបរមរាជវាំង រាជធានីភ្នំពេញ ដែលគ្រោងនឹងប្រព្រឹត្តទៅនៅថ្ងៃទី៤ ទី៥ និងទី៦ ខែវិច្ឆិកា ឆ្នាំ ២០២៥។ យ៉ាងណាមិញ ការរៀបចំពិធីបុណ្យអុំទូក នៅតាមបណ្តារាជធានី-ខេត្តនានា អាចប្រព្រឹត្តទៅជាធម្មតាតាមទំនៀមទម្លាប់ប្រពៃណី និងតាមលទ្ធភាពជាក់ស្តែងរបស់អាជ្ញាធរ និងប្រជាពលរដ្ឋ៕

The post សម្តេចតេជោ៖ ពិធីបុណ្យអុំទូកមិនត្រឹមតែជាការកម្សាន្ត ប៉ុន្តែការបង្ហាញវប្បធម៌ដ៏សម្បូរបែបរបស់ខ្មែរ appeared first on Kampuchea Thmey Daily.

ការលើកឡើងរបស់ឯកឧត្តម ហ៊ុន ម៉ានី បែបនេះ បន្ទាប់ពីកាលពីថ្ងៃទី៦ ខែតុលា មានវីដេអូមួយបានផ្សព្វផ្សាយលើបណ្តាញសង្គម ពីសកម្មភាពរបស់ជនជាតិថៃម្នាក់ កំពុងឈរបាញ់លើរូបរបស់សម្តេចតេជោហ៊ុនសែន ប្រធានព្រឹទ្ធសភាកម្ពុជា ដើម្បីយករង្វាន់ ក្នុងអំឡុងពេលកម្ពុជា និងថៃ កំពុងមានបញ្ហាព្រំដែនជាមួយគ្នាមិនទាន់ដោះស្រាយបាននៅឡើយ។

ឯកឧត្តម ឧបនាយករដ្ឋមន្ត្រី បានសរសេរថា៖ “ការគោរពចាស់ទុំ ជាពិសេស ឥស្សរជនដែលមានស្នាដៃជាប្រវត្តិសាស្ត្រសម្រាប់ប្រទេសជាតិ គឺជាការគោរពមិនសាបសូន្យ សម្រាប់ខ្ញុំ ក្នុងនាមជាកម្មាភិបាលជំនាន់ក្រោយរបស់គណបក្ស និងជាទស្សនៈរបស់ខ្ញុំក្នុងនាមជាប្រជាជនខែ្មរមួយរូប។ នេះជាទំនៀមទម្លាប់ប្រពៃណីដ៏អស្ចារ្យរបស់ប្រជាជាតិខ្មែរយើង”។

ឯកឧត្តម បានលើកហេតុផល ៤ចំណុច សម្រាប់ការលើកឡើងរបស់ឯកឧត្តម ដែលថា ការប្រមាថនេះជាការប្រមាថសម្រាប់ប្រជាជនកម្ពុជា។ ទី១ ជាការប្រមាថពីជនបរទេសមកលើថ្នាក់ដឹកនាំកម្ពុជា ដែលក្នុងនាម ជាជាតិសាសន៍មួយ គួរមានការកំណត់ឱ្យច្បាស់ ថាជាអ្វីមួយ ដែលមិនអាចទទួលយកបាន មិនថាក្នុងអតីតកាល បច្ចុប្បន្ន និងតទៅអនាគត។ កម្ពុជា ជាកម្ពុជា ទោះមានចំណុចណាក៏ដោយជារឿងរបស់កម្ពុជា ដូច្នេះការប្រមាថរបស់បរទេសគឺមិនអាចទទួលយកបានទេ។ ទី២ ការប្រមាថលើ សម្តេចតេជោ ដែលជាតួអង្គប្រវត្តិសាស្ត្រមួយរបស់កម្ពុជាដែលបានលះបង់គ្រប់បែបយ៉ាង ដោយបាននាំកម្ពុជា ពីប្រទេស ដែលខ្ទេចខ្ទាំដោយសង្គ្រាម ពីបាតដៃទទេ មកកម្ពុជាមួយដែលមានមោទនភាពដូចសព្វថ្ងៃនេះ។ សម្តេចតេជោ ជាឥស្សរជនដែលបានឆ្លងកាត់ ១០៥ សមរភូមិ ដាក់ជីវិត ជាដើមទុន ម្តងហើយម្តងទៀត ដើម្បីឱ្យប្រទេស និងប្រជាជនមានភាពសុខសាន្ត រហូតសព្វថ្ងៃនេះ និងជាថ្នាក់ដឹកនាំរបស់កម្ពុជាដែលមានការទទួលស្គាល់លើឆាកអន្តរជាតិសម្រាប់ភាពជាអ្នកដឹកនាំ ក្នុងកិច្ចការនយោបាយជាសាកល ដែលបានលើកស្ទួយ កិត្តិយស និងមុខមាត់របស់កម្ពុជា។

ទី៣ ឯកឧត្តមថា សម្តេចតេជោ បានឆ្លងកាត់ការប្រមាថរាប់មិនអស់ ហើយក្នុងករណីនេះ ទោះបីជនជាតិថៃប្រមាថដល់សម្តេច ក៏លោក នៅតែអំពាវនាវឱ្យពលរដ្ឋខ្មែរទាំងអស់ ថែរក្សាភាពថ្លៃថ្នូរ កុំធ្វើសកម្មភាពណាដែលជាការប្រមាថដូចអ្វីដែលប្រជាជនថៃមួយចំនួនតូចបានធ្វើកន្លងមក។ ដូច្នេះ ឯកឧត្តម ហ៊ុន ម៉ានី សូមឱ្យពលរដ្ឋគោរព និងចូលរួមតាមការអំពាវនាវរបស់សម្តេចតេជោ ហ៊ុន សែន ដើម្បីភាពថ្លៃថ្នូរនៃប្រជាជាតិកម្ពុជា។

ចំណុចទី៤ ជុំវិញបញ្ហាព្រំដែនព្រំដែន កម្ពុជា និងថៃ ឯកឧត្តម សូមឱ្យប្រជាជនកម្ពុជាទាំងអស់ បន្តគាំទ្រ និងជឿទុកចិត្តដល់ សម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា ក្នុងការដោះស្រាយបញ្ហា និងបន្តផ្តល់កម្លាំងចិត្តដល់កងទ័ពជួរមុខកម្ពុជាបន្តទៀត។ ឯកឧត្តម បន្តថា ដូចសម្តេចធិបតី បានបញ្ជាក់ជាបន្តបន្ទាប់ កម្ពុជាចង់បានសន្តិភាព ដោះស្រាយបញ្ហាព្រំដែន ដោយសន្តិវិធីផ្អែកលើការចរចា និងច្បាប់អន្តរជាតិ ជាជាងការប្រើកម្លាំង។ ហេតុនេះ ការអត់ធ្មត់ គឺជាជម្រើសយុទ្ធសាស្ត្រ និងល្អសម្រាប់កម្ពុជាដែលអ្នកចង់បានសន្តិភាព៕

The post ឯកឧត្តម ហ៊ុន ម៉ានី៖ ការប្រមាថរបស់ជនជាតិថៃ លើសម្តេចតេជោ គឺជាការប្រមាថដល់ប្រជាជនកម្ពុជា appeared first on Kampuchea Thmey Daily.