ថ្លែង​ចូលរួម​ក្នុង​ពិធី​សម្ពោធដាក់ឱ្យប្រើប្រាស់ជាផ្លូវការអគារទីស្នាក់ការកណ្តាលនៃអគ្គនាយកដ្ឋានពន្ធដារ នៃក្រសួងសេដ្ឋកិច្ចនិងហិរញ្ញវត្ថុ សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា​បាន​ថ្លែង​ថា ក្នុងអាណត្តិនេះវិធានគន្លឹះមួយសំខាន់គឺ ការកំណែទម្រង់រដ្ឋបាល​សាធារណៈដោយធ្វើការវិភាគមុខងារនិងកំណែទម្រង់បណ្ដាស្ថាប័នមួយចំនួន។

សម្តេច​បាន​បញ្ជាក់ថា តាំងពីដើមអាណត្តិមក រាជរដ្ឋាភិបាលបានកែទម្រង់ ១៦ ក្រសួង ស្ថាប័ន ហើយគ្រោងកាត់ ៣ អគ្គនាយកដ្ឋាន និង ៣០ នាយកដ្ឋាន នៅតាមបណ្ដាក្រសួងផ្សេងៗ និងនៅបន្តធ្វើបន្តទៀត។

ទោះបីជារាជរដ្ឋាភិបាលបានដាក់ចេញអភិក្រម «ពង្រឹងជាជាងពង្រីក» ប៉ុន្ដែកន្លែងខ្លះចាំបាច់ត្រូវតែបង្កើតថ្មីដើម្បីដើរឱ្យទាន់សភាពការណ៍ និងមានយន្ដការច្បាស់លាស់ក្នុងការកែសម្រួល ដោយយើងមានយន្ដការវាយតម្លៃច្បាស់លាស់ដើម្បីធ្វើយ៉ាងណាឱ្យការងារនេះ មានភាពសុក្រឹត្យ។

សម្តេច​បាន​បញ្ជាក់ថា មានមូលដ្ឋានច្បាស់លាស់ក្នុងការសម្រេចចិត្តនេះ គឺរដ្ឋាភិបាល​មិនកាត់ជើងតម្រូវស្បែកជើងទេ គឺកាត់ស្បែកជើងតម្រូវជើង ពោលគឺមិនយកមនុស្សជាគោលទេ គឺ​កែសម្រួលរចនាសម្ព័ន្ធ កែសម្រួលស្ថាប័ន តួនាទីភារកិច្ចផ្អែកលើលទ្ធផលជាគោល ដើម្បីយកមករៀបចំរចនាសម្ព័ន្ធ និងប្រព័ន្ធការងារ ទើបយើងរៀបចំដាក់មនុស្សតាមក្រោយ ។

សម្តេចធិបតីបានលើកឡើងអំពីការកែទម្រង់ស្ថាប័ន តាម​ពាក្យស្លោកសម្ដេចតេជោដែលធ្លាប់បានលើកឡើងថា “កែទម្រង់-រស់ មិនកែទម្រង់-ស្លាប់” ដែលពាក្យនេះមានអត្ថន័យនិងត្រឹមត្រូវគ្រប់កាលៈ​ទេសៈ​ទាំងអស់ និងគ្រប់ក្រសួង-ស្ថាប័ន។

សម្តេច​ធិបតី​បាន​បញ្ជាក់​ថា ការកែទម្រង់ដែលល្អ គឺត្រូវមានមូលដ្ឋានច្បាស់លាស់ ដោយត្រូវកំណត់គោលដៅ និងលទ្ធផលជាគោល ហើយការកំណែ​ទម្រង់រចនាសម្ព័ន្ធ ឬប្រព័ន្ធការងារនេះ មិនមែនផ្អែកទៅលើការស្រលាញ់ ឬស្អប់មនុស្សនោះទេ ប៉ុន្តែគឺដើម្បីបង្កើនប្រសិទ្ធភាព និងប្រសិទ្ធផលការងារ ព្រមទាំងកែសម្រួលឱ្យស្របតាមស្ថានភាព នៃការប្រែប្រួលពិភពលោក បច្ចេកវិទ្យា ដោយរៀបចំប្រព័ន្ធការងារមុននឹងរៀបចំមនុស្ស។

ទន្ទឹមនឹងការបណ្ដុះបណ្ដាលឡើងវិញ (retrain) និងការប្រើប្រាស់មន្ត្រីដែលមានស្រាប់ឱ្យអស់សក្តានុពល សម្តេច​ធិបតី​ក៏​បាន​លើកឡើងពី​ការ​ដាក់ឱ្យអនុវត្តជ្រើសរើសមន្ត្រីកិច្ចសន្យាជំនាញ (មន្ត្រីកុងត្រាបច្ចេកទេស) ដើម្បីយកធន​ធាន​ពីក្រៅរាជរដ្ឋាភិបាល ឱ្យចូលទៅបំពេញការងារក្នុងក្រសួង-ស្ថាប័ន ក្នុងតួនាទីដែលចាំបាច់ ដើម្បី​ធានាប្រសិទ្ធភាពក្នុងការបម្រើសេវាជូនពលរដ្ឋឱ្យកាន់តែប្រសើរឡើង។

ពាក់ព័ន្ធ​សមិទ្ធផលអគារការិយាល័យកណ្តាល​ថ្មី​នៃ​អគ្គនាយកដ្ឋាន​ពន្ធដារ ដែលបាន​ដាក់​សម្ពោធ​ប្រើប្រាស់​ជា​ផ្លូវការ​​ សម្តេច​បានបញ្ជាក់​ថា នេះ​ស្ដែងឱ្យឃើញពីវឌ្ឍនភាពជាបន្តបន្ទាប់ និងឥតឈប់ឈរនៃការអភិវឌ្ឍស្ថាប័នរដ្ឋរបស់ព្រះ​រាជាណាចក្រកម្ពុជា និងជាការឆ្លុះបញ្ចាំងពីការ​ប្តេជ្ញាចិត្តយ៉ាងមុតមាំរបស់រាជរដ្ឋាភិបាល ក្នុងការធ្វើទំនើបកម្មរដ្ឋបាល​សាធារណៈ ដើម្បីបម្រើប្រជាពលរដ្ឋ និងសេដ្ឋកិច្ចជាតិ ឱ្យកាន់តែមានប្រសិទ្ធភាព។

សមិទ្ធផលដ៏ធំធេងនេះ គឺបានកើតឡើងពីការខិតខំប្រឹងប្រែងនិងយកចិត្តទុកដាក់ពីគ្រប់ភាគីពាក់ព័ន្ធទាំងអស់ រួមនឹងក្រុមហ៊ុនសាងសង់ក្នុងស្រុកដែលមានវិស្វករ និងស្ថាបត្យករភាគច្រើនសុទ្ធតែជាកូនខ្មែរ ដោយបានគិតគូរគ្រប់ជ្រុងជ្រោយទាំងសោភ័ណ្ឌភាព បច្ចេកវិទ្យាទំនើប និងមានសេវាកម្មជាច្រើនអាចបម្រើជូនដល់អតិថិជន។

បន្ថែមពីនេះ​សម្ដេចធិបតីនាយករដ្ឋមន្ត្រីបានលើកឡើង​​ពីការបង្កើតអង្គភាពសវនកម្មពិសេស ដែលជាកម្មវិធីសាកល្បងមួយ​ចំណុះ​ឱ្យអគ្គនាយកដ្ឋានពន្ធដារ ដើម្បីបង្កើនប្រសិទ្ធភាព និងបង្កើនទំនុកទុកចិត្តរវាងអ្នកប្រមូលពន្ធ និងអ្នកបង់ពន្ធ ដោយប្រែក្លាយផ្នត់គំនិតអ្នកជាប់ពន្ធកុំឱ្យគិតថា “អ្នកបង់ពន្ធគឺជាអ្នកជាប់ទោស ឬជាអ្នកមានកំហុស ហើយអ្នកប្រមូលពន្ធគឺជាអ្នកចាប់កំហុស”៕

The post ១៦ ក្រសួង​-ស្ថាប័នជាតិ​ គ្រោង​កាត់​បន្ថយ​ ៣ អគ្គនាយកដ្ឋាន និង ៣០ នាយកដ្ឋាន ​ដើម្បី​បង្កើន​ប្រសិទ្ធភាពការងារ appeared first on Kampuchea Thmey Daily.

ក្នុងកិច្ចសម្ភាសផ្តាច់មុខជាមួយ Fox News ផ្សាយកាលពីថ្ងៃព្រហស្បតិ៍ទី១៩ខែកុម្ភៈ សម្តេចធិបតីប្រាប់ថា កងកម្លាំងថៃបានរុលចូលមកក្នុងទឹកដីដែលកម្ពុជាកាន់កាប់ជាយូរមកហើយ ពោលគឺលើសពីខ្សែបន្ទាត់នៃតំបន់វិវាទទៅទៀត។ មិនត្រឹមប៉ុណ្ណឹង ទាហានថៃបានបិទខ្ទប់ភូមិឋាននានា ដោយប្រើរបងលួ​សបន្លានិងទូកុងតឺន័រ ធ្វើឲ្យពលរដ្ឋកម្ពុជា ៨០ ០០០ នាក់ មិនអាចវិលត្រឡប់ទៅផ្ទះសម្បែងវិញបាន។ ​វាគឺផ្ទុយពីសេចក្តីថ្លែងការណ៍រួមរវាងប្រទេសទាំងពីរ ដែលអនុញ្ញាតឲ្យជនស៊ីវិលទាំងសងខាង វិលត្រឡប់ទៅផ្ទះពួកគេវិញ ហើយទាហាននៅទីតាំងណាត្រូវឈរជើងនៅទីតាំងនោះ មិនអនុញ្ញាតឲ្យចល័តចេញឡើយ។

សម្តេចធិបតីមានប្រសាសន៍ថា៖ «ជំហររបស់យើងគឺប្រកាន់ខ្ជាប់ជានិច្ចនូវការដោះស្រាយដោយសន្តិវិធី។ យើងមិនជឿថាការប្រើប្រាស់សង្រ្គាម ដើម្បីបញ្ឈប់សង្រ្គាម គឺជាមធ្យោបាយដែលមាននិរន្តរភាព ឬអាចយកមកអនុវត្តបាននោះទេ។ នេះជាមូលហេតុដែលយើងស្នើឲ្យភាគីថៃវិលត្រឡប់មកគោរពតាមកិច្ចព្រមព្រៀងសន្តិភាពវិញ រួមទាំងកិច្ចព្រមព្រៀងសន្តិភាពទីក្រុងគូឡាឡាំពួរ ដែលមានលោកប្រធានាធិបតី ត្រាំ ធ្វើជាសាក្សីផងដែរ»។

កិច្ចសម្ភាសនេះកើតឡើងបន្ទាប់ពីសម្តេចធិបតី បញ្ចេញសំឡេងយ៉ាងខ្ទរខ្ទារពេញពិភពលោក តាមរយៈការសម្ភាសជាមួយ Reuters ដែលបកស្បែកមុខថៃ បង្ហាញពីចេតនាដ៏អាក្រក់របស់ទាហានថៃ។

​នៅ​ក្នុង​បទសម្ពាស​ផ្តាច់មុខកាលពីថ្ងៃទី១៧ខែកុម្ភៈ ​សម្តេច​​​ធិបតី លើក​ឡើង​ថា កងកម្លាំង​ថៃកំពុងកាន់កាប់ទឹកដីកម្ពុជា ​បើ​ទោះបីជាមានកិច្ចព្រមព្រៀងសន្តិភាពដែលសម្របសម្រួលដោយលោកត្រាំ និង នាយករដ្ឋមន្ត្រី​​​ម៉ាឡេស៊ី លោក អាន់វ៉ា អ៊ីប្រាហ៊ីម ដែល​ជា​ប្រធាន​អាស៊ាន​​ឆ្នាំ២០២៥ ក៏ដោយ។

សម្តេចប្រាប់ថា៖ «យើងនៅ​តែ​ឃើញមាន​កងកម្លាំង​ថៃកាន់កាប់​ចូល​ជ្រៅក្នុងទឹកដីកម្ពុជានៅតំបន់ជាច្រើន។ ការ​កាន់​កាប់របស់​ថៃ​គឺហួសពី​ផែន​ទី​សូម្បី​​​កំណត់​ដោយ​ឯកតោភាគីរបស់ភាគី​ថៃ​​។ កងទ័ពថៃបានដាក់កុងតឺន័រ និងរាយ​លួសបន្លានៅខាងក្នុងអ្វីដែលថៃបានទទួលស្គាល់ជាយូរមកហើយថាជាទឹកដីកម្ពុជា ហើយប្រជាជនមិនអាចត្រឡប់ទៅផ្ទះវិញបានទេ»​។

​នៅ​ក្នុង​បទ​សម្ភាសនោះដែរ សម្តេចបានអំពាវនាវឲ្យថៃ អនុញ្ញាតឲ្យគណៈកម្មការព្រំដែនរួម (JBC) ចាប់ផ្តើមធ្វើការលើព្រំដែនដែលមានជម្លោះ។

តាមរយៈកិច្ចខិតខំប្រឹងប្រែងរបស់រដ្ឋាភិបាល ពេលនេះកម្ពុជាកំពុងមានប្រៀបលើថៃផ្នែកការទូត ហើយក៏ជាការបកអាក្រាតទង្វើអាក្រក់របស់ថៃឲ្យពិភពលោកបានឃើញផងដែរ៕

អត្ថបទ៖ សុខ សុវណ្ណ

The post សម្តេច ហ៊ុន ម៉ាណែត អះអាងថា ថៃរំលោភកិច្ចព្រមព្រៀងសន្តិភាព ក្នុងបទសម្ភាសជាមួយ Fox News appeared first on Kampuchea Thmey Daily.

នេះបើតាមសាររបស់សម្តេចធិបតី ហ៊ុន ម៉ាណែត នាយករដ្ឋមន្រ្តី​កម្ពុជា ដែល​បាន​បង្ហោះមុន​នេះបន្តិច​នៅ​លើ​បណ្តាញ​សង្គម​​ហ្វេសបុក​របស់​សម្តេច។

សម្តេច​បានលើកឡើងថា បើថៃពិតជាស្រលាញ់សន្តិភាព និងស្រលាញ់ទឹកដីដូចកម្ពុជា គួររាជរដ្ឋាភិបាលនិងកងទ័ពថៃ ប្រកាន់​យកការដោះស្រាយបញ្ហាព្រំដែនតាមសន្តិវិធី ដោយប្រើប្រាស់យន្តការដែលបានឯកភាពគ្នានិងបានកំពុងអនុវត្តជាមួយគ្នា។

សម្តេច​ថ្លែង​ដូច្នេះ​ថា «បើថៃពិតជាគោរពច្បាប់អន្តរជាតិមែន គឺមិនត្រូវប្រើប្រាស់កម្លាំងយោធាធ្វើការវាយប្រហារលើភូមិប្រជាជនស៊ីវីលទេ ក្រោមហេតុផលដណ្ដើមយកដែនអធិបតេយ្យរបស់ខ្លួនមកវិញនោះទេ។ កម្ពុជាបានប្រកាន់ខ្ជាប់ជាប្រចាំនូវគោលការណ៍គោរពអធិបតេយ្យ និងបូរណភាពទឹកដីរបស់ប្រទេសជិតខាង ប៉ុន្តែក៏មិនអនុញ្ញាត​ឲ្យ​ប្រទេស​ណារំលោភលើដែនអធិបតេយ្យ និងបូរណភាពទឹកដីរបស់ខ្លួនដែរ។ ខ្ញុំក៏បានឮថ្នាក់ដឹកនាំថៃប្រកាសដូចគ្នា»។

មូលហេតុនេះហើយ បានជាប្រទេសទាំងពីរបានបង្កើតគណៈកម្មការចម្រុះខណ្ឌសីមាព្រំដែនគោកកម្ពុជា-ថៃ (JBC) ដែលបានដំណើរការជាង ២០ឆ្នាំ ដោយផ្អែកលើមូលដ្ឋាននៃឯកសារគតិយុត្តដែលបន្សល់ទុកពីអាណាព្យាបាលបារាំង ជាពិសេសកំណត់ហេតុ (Procès Verbaux) បោះបង្គោលរបស់គណៈកម្មការកំណត់ព្រំដែនរវាងឥណ្ឌូចិន-សៀម ឆ្នាំ១៩០៨-១៩០៩ និងគណៈកម្មការបោះបង្គោលព្រំដែនរវាងឥណ្ឌូចិន-សៀម ឆ្នាំ១៩១៩-១៩២០។

សម្តេចបន្ត​ថា ថ្មីៗនេះ ស្របតាមស្មារតីដែលបានឯកភាពគ្នារវាងគណៈកម្មការចម្រុះខណ្ឌសីមាព្រំដែនគោកកម្ពុជា-ថៃ (JBC) ភាគីកម្ពុជា និងភាគីថៃបានឯកភាពគ្នាបញ្ជូនក្រុមវាស់វែងចម្រុះចុះអនុវត្តការងារវាស់វែងនិងបោះបង្គោលព្រំដែន​បណ្តោះអាសន្ននៅកំណាត់ខ្សែព្រំដែនចន្លោះបង្គោលព្រំដែនលេខ ៤២-៤៧ នៅខេត្តបន្ទាយមានជ័យ និង លេខ​៥២-៥៩ នៅខេត្តបាត់ដំបង។

ការងារនេះបានប្រព្រឹត្តទៅដោយរលូនដោយមានការសហការគ្នាល្អរវាងក្រុមការងារបច្ចេកទេសព្រំដែននៃប្រទេសទាំងពីរ។ ជាលទ្ធផល ការងារវាស់វែងនិងបោះបង្គោលព្រំដែនបណ្តោះអាសន្ននៅកំណាត់ខ្សែព្រំដែនចន្លោះបង្គោលព្រំដែន​លេខ ៥២-៥៩ នៅខេត្តបាត់ដំបងបានដំណើរការស្ទើរតែបញ្ចប់ ១០០% និងនៅកំណាត់ខ្សែព្រំដែនចន្លោះបង្គោលព្រំដែន​លេខ ៤២-៤៧ ក៏បានកំពុងដំណើរការទៅដោយរលូនតាមលក្ខណៈបច្ចេកទេស និងស្របតាមសន្ធិសញ្ញា អនុសញ្ញា កិច្ចព្រមព្រៀងនានាជាធរមាន និងឯកសារគតិយុត្តដែលបន្សល់ទុកពីអតីតកាលដែលភាគីទាំងពីរបានឯកភាពគ្នា។

ហេតុដូច្នេះ នៅពេលដែលកងទ័ពយោធភូមិភាគទី ១ ថៃ បានប្រកាសថានឹងប្រើប្រាស់កម្លាំងយោធាដើម្បីដោះស្រាយបញ្ហាព្រំដែនកម្ពុជា-ថៃនៅតំបន់ក្នុងព្រំប្រទល់ខេត្តបន្ទាយមានជ័យ (កម្ពុជា) និងខេត្តស្រះកែវ (ថៃ) ដែលរួមទាំងនៅកំណាត់ខ្សែព្រំដែនចន្លោះបង្គោលព្រំដែនលេខ ៤២-៤៧ ផងនោះ គឺផ្ទុយទៅនឹងស្មារតីនៃការដោះស្រាយបញ្ហាព្រំដែនដោយសន្តិវិធី តាមរយៈការវាស់វែងនិងបោះបង្គោលព្រំដែនស្របតាមច្បាប់អន្តរជាតិ។

នាយករដ្ឋមន្រ្តី​កម្ពុជា​សង្ឃឹមថា ភាគីថៃដែលតែងតែប្រកាសថាជាប្រទេសស្រលាញ់សន្តិភាព និងគោរពច្បាប់អន្តរជាតិ នឹងបន្តប្រើប្រាស់មធ្យោបាយសន្តិវិធី ស្របតាមគោលការណ៍ច្បាប់ ក្នុងការធ្វើការវាស់វែងនិងបោះបង្គោលព្រំដែន ដើម្បីកំណត់ដែនអធិបតេយ្យភាពរបស់ប្រទេសនីមួយៗ។ នេះជាវិធីសាស្ត្រងាយបំផុត តម្លាភាពបំផុត និងយុត្តិធម៌បំផុត ព្រោះកម្ពុជាគ្មានគោលបំណងរំលោភលើដែនអធិបតេយ្យភាពស្របច្បាប់របស់ប្រទេសជិតខាងទេ។ ការវាស់វែងបានលទ្ធផលយ៉ាងណា កម្ពុជានឹងគោរពតាម។

ជាមួយ​គ្នា​នេះ​សម្តេច​ក៏​សង្ឃឹមដែរ​ថា «ប្រទេសថៃនឹងមានភាពស្មោះត្រង់ ក្នុងការទទួលយកលទ្ធផលដូចគ្នា»៕

The post នាយករដ្ឋមន្រ្តីកម្ពុជា៖ បើ​មេដឹកនាំ​ថៃ​ស្មោះត្រង់ស្រលាញ់​សន្តិភាព ការ​​ដោះស្រាយ​បញ្ហា​ព្រំដែន​ងាយបំផុត គឺ​ផ្អែក​តាម​ផ្លូវ​ច្បាប់ ព្រម​ទទួលលទ្ធផល​​ដូច​គ្នា​ appeared first on Kampuchea Thmey Daily.

សម្ដេចធិបតី ហ៊ុន ម៉ាណែត ថ្លែងដូច្នេះ៖«ខែកក្កដា បានក្លាយជាពេលវេលាមួយដែលមានអត្ថន័យសំខាន់ធំធេងសម្រាប់ជាតិយើង​ ដោយហេតុថាក្នុងខែនេះ សម្បត្តិបេតិកភណ្ឌជាតិចំនួនបីត្រូវបានទទួលស្គាល់​​ និងចុះបញ្ជីបេតិកភណ្ឌពិភពលោក។ »។

ក្នុងខែកក្កដា គឺនៅថ្ងៃទី០៧ ខែកក្កដា ឆ្នាំ២០០៨ ប្រាសាទព្រះវិហាររបស់កម្ពុជា ដែលស្ថិតនៅលើភ្នំដងរែក កៀកនឹងព្រំដែនថៃ ត្រូវបានដាក់បញ្ជូលទៅក្នុងបញ្ជីបេតិកភណ្ឌពិភពលោក។ប្រាសាទព្រះវិហារ បានលាតសន្ធឹងយ៉ាងធំស្កឹមស្កៃ​ ប្រៀបដូចជាសំពៅនៅមហាសមុទ្រ​ ឈរបង្អួតសម្រស់ដ៏ល្អល្អះនៅលើកំពូលភ្នំ ។ ប្រាសាទនេះបានកសាងនៅក្នុងភូមិសាស្រ្តភ្នំដងរែក​ ខេត្តព្រះវិហារ​ ភាគខាងជេីងនៃប្រទេសកម្ពុជា ​ដោយឧទ្ទិសថ្វាយដល់ព្រះអាទិទេពភ្នំ គឺ “សិខរិស្វរ និងភទ្រស្វរ” ដោយព្រះអង្គម្ចាស់ ឥន្ទ្រាយុទ្ធ ដែលជាបុត្ររបស់ព្រះបាទជ័យវរ្ម័នទី២ បាននាំសិវសិង្គ ស្រីសិខរិស្វរ ពីលិង្គបុរី (វត្តភូ) មកតម្កល់លើភ្នំព្រះវិហារ ហើយប្រាសាទត្រូវបានសាងសង់ដោយបុព្វបុរសខ្មែរ​ ជាអតីតក្សត្រ ចំនួន ៨ព្រះអង្គ។

កាលពីថ្ងៃ​ទី៨ ខែកក្កដា ឆ្នាំ២០១៧ តំបន់​ប្រាសាទ​សំបូរ​ព្រៃ​គុក ត្រូវ​បាន​សម្រេច​ចុះ​ក្នុង​បញ្ជី​បេតិកភណ្ឌ​ពិភព​លោក នៅ​ក្នុង​កិច្ច​ប្រជុំ​គណៈកម្មាធិការ​បេតិក​ភណ្ឌ​ពិភព​លោក នៅ​ទីក្រុងក្រាកូវ ប្រទេស​ប៉ូឡូញ ។ តំបន់​ប្រាសាទ​សំបូរ​ព្រៃ​គុក គឺជាទីតាំងអតីតរាជធានីខ្មែរសម័យចេនឡា និងមានឈ្មោះដើមថា “ឦសានបុរៈ” ​សព្វថ្ងៃស្ថិតនៅក្នុងភូមិសាស្ត្រស្រុកប្រាសាទសំបូរ ខេត្តកំពង់ធំ ។ តំបន់ប្រាសាទសំបូរព្រៃគុក ត្រូវបានកសាងឡើង​នៅ​ចុងសតវត្សរ៍​ទី​៦ ដល់សតវត្សរ៍ទី៨ ក្នុង​រជ្ជកាល​ស្តេចឥសាន​វរ្ម័ន ដោយបែង​ចែក​ជា​បី​ក្រុម​សំខាន់ៗ រួមមាន៖ ​ទី១. ក្រុម​ប្រាសាទសំបូរ(ខាងជើង) ទី២​. ក្រុម​ប្រាសាទកណ្តាល​(ប្រាសាទតោ) និងទី៣. ​ក្រុម​ប្រាសាទ​ខាងត្បូង (ប្រាសាទយាយព័ន្ធ ឬនាគព័ន្ធ) ។

​នៅថ្ងៃទី១១ ខែកក្កដា ឆ្នាំ២០២៥ បញ្ជីបូជនីយដ្ឋាន​​ចង​ចាំនៃកម្ពុជា៖ ពីទីតាំងឧក្រិដ្ឋកម្មមកជាមណ្ឌលផ្សះផ្សា និង សន្តិភាព ត្រូវបានចុះទៅក្នុងបញ្ជីបេតិកភណ្ឌពិភពលោក។  សម្ដេច ហ៊ុន ម៉ាណែត ចាត់ទុកការចុះបញ្ជីបូជនីយដ្ឋាន​​ចង​ចាំនៃកម្ពុជា មានគោលបំណងការពារបូជនីយដ្ឋានចងចាំនៃកម្ពុជា និងគាំទ្រដល់ដំណើរការរៀបចំដាក់ទីតាំងចំនួនបី ទៅក្នុងបញ្ជីបេតិកភណ្ឌពិភពលោករបស់អង្គការយូណេស្កូ រួមមាន អតីតមន្ទីរឃុំឃាំង១៣ (ខេត្តកំពង់ស្ពឺ) សារមន្ទីរឧក្រិដ្ឋកម្មប្រល័យពូជសាសន៍ទួលស្លែង និងមជ្ឈមណ្ឌលឧក្រិដ្ឋកម្មប្រល័យពូជសាសន៍ជើងឯក (ស្ថិតនៅរាជធានីភ្នំពេញ)៕

ដោយ៖ ង៉ិល ណារ៉ាត់

The post «កក្កដា»ជាខែដ៏ពិសិដ្ឋ មានអត្ថន័យធំធេងចំពោះកម្ពុជា ព្រោះសម្បត្តិបេតិកភណ្ឌជាតិចំនួន៣ បានចុះក្នុងបញ្ជីបេតិកភណ្ឌពិភពលោក appeared first on Kampuchea Thmey Daily.

ពិធី​សម្ពោធ​ឲ្យ​ដំណើរការ​ប្រើប្រាស់​ជា​ផ្លូវការ​នៅ​ល្ងាច​នេះ នឹង​ធ្វើឡើង​ក្រោម​អធិបតីភាព​ដ៏​ខ្ពង់ខ្ពស់​របស់ សម្តេច​មហា​បវរ​ធិបតី ហ៊ុន ម៉ាណែត នាយករដ្ឋមន្ត្រី នៃ​ព្រះរាជាណាចក្រ​កម្ពុជា និង លោកជំទាវ​បណ្ឌិត ពេជ ចន្ទមុន្នី។

ជាក់ស្ដែង​នា​ព្រឹក​ថ្ងៃ​ទី​ ២១ មិថុនា នេះ​ដែរ គេ​សង្កេតឃើញ​មាន​វត្តមាន លោក ឃួង ស្រេង អភិបាល​រាជធានី​ភ្នំពេញ បាន​ចុះ​ត្រួតពិនិត្យ​ការ​រៀបចំ តុបតែង​លម្អ ជាស្រេច នូវ​សោភ័ណភាព​នានា​ ផ្សេងៗ រួម​ទាំង​ការ​សម្អាត​បរិស្ថាន​អនាម័យ ក៏ដូចជា​ការ​ការពារ​សន្តិសុខ សណ្ដាប់ធ្នាប់ និង​របៀបរៀបរយ​សាធារណៈ​បាន​យ៉ាង​ល្អ​ប្រសើរ​ផង​ដែរ ដើម្បី​ជា​ការ​ត្រៀម​ជាស្រេច​សម្រាប់​ពិធី​សម្ពោធ​ប្រើប្រាស់​ជា​ផ្លូវការ​ចូល​មក​ដល់។

ប្រជាពលរដ្ឋ បាន​បង្ហាញ​នូវ​ក្តីសប្បាយ រីករាយ និង​សូម​គាំទ្រ​ចំពោះ​រាជរដ្ឋាភិបាល​កម្ពុជា ដែល​បាន​បង្កើត​ផ្លូវ​ថ្មើរជើង​ថ្មី​នេះ​ឡើង​មក អាច​ឲ្យ​ពលរដ្ឋ ភ្ញៀវ​ជាតិ-អន្តរជាតិ អញ្ជើញ​ដើរលេង​កម្សាន្ត​ដោយ​សប្បាយ​រីករាយ​នៅ​រៀងរាល់​ចុង​សប្ដាហ៍។ ពួកគាត់ ក៏បាន​ត្រៀមខ្លួន​រួចរាល់​សម្រាប់​ការ​ដើរ​លេង​កម្សាន្ត​នៅ​ល្ងាច​នេះ ពិសេស​ការ​ប៉ង​ជួប សម្តេច​ប្រមុខ​ថ្នាក់ដឹកនាំ ផង​ដែរ។

សូម​បញ្ជាក់​ថា ផ្លូវ​ថ្មើរជើង​ចតុមុខ (អតីត Walk Street) បាន​ដាក់​ឲ្យ​ដំណើរការ​ប្រើប្រាស់​ជា​បណ្ដោះ​អាសន្ន តាំងពី​ថ្ងៃ​ទី ០១ ខែ​កុម្ភៈ ឆ្នាំ ២០២៥ មក​ម្ល៉េះ ដែល​គិត​មក​ត្រឹម​ពេលនេះ មាន​រយៈពេល​ជិត ០៥ ខែ មក​ហើយ ដោយ​ផ្លូវ​ថ្មើរជើង​នេះ ទទួល​បាន​ការ​គាំទ្រ​យ៉ាង​ច្រើន​កុះករ​បំផុត​ពី​ប្រជាពលរដ្ឋ​ក្នុង​ប្រទេស ក៏ដូចជា​ភ្ញៀវ​អន្តរជាតិ។ ផ្លូវ​ថ្មើរជើង​នេះ ជាប់​ចំណាត់ថ្នាក់​លេខ ០២ នៅ​ទូទាំង​ពិភព​លោក ហើយ​ក៏​ត្រូវ​បាន​សកលលោក​ទទួល​ស្គាល់​ថា​ជា​ផ្លូវ​មាន​ភាព​សប្បាយរីករាយ​ច្រើន​បំផុត​នា​ពេល​រាត្រី៕

អត្ថបទ ៖ សុភា

The post ពលរដ្ឋ បង្ហាញក្តីរីករាយចំពោះការសម្ពោធប្រើប្រាស់ជាផ្លូវការ ផ្លូវថ្មើរជើងចតុមុខ នាល្ងាចនេះ appeared first on Kampuchea Thmey Daily.

ក្នុងការពិភាក្សាជាមួយ​ភាគីកម្ពុជា លោកស្រី ​ផែថងថាន បានកត់សម្គាល់ថា ​ថៃបាននិងកំពុងតាមដានយ៉ាងដិតដល់នូវការ​វិវត្តលើ​បញ្ហា​ពន្ធ ដើម្បីរៀបចំយុទ្ធសាស្ត្រ​ប្រកបដោយ​ព័ត៌មានល្អៗ សម្រាប់ការចរចានាពេលខាងមុខ។

លោកស្រី ផែថងថាន ​បាន​និយាយថា៖ «ក្នុងរយៈពេលតិចជាង ៣០ ថ្ងៃ យើងបានឃើញពីការផ្លាស់ប្តូរសំខាន់ៗរួចហើយ។ វាច្បាស់ណាស់ថា សហរដ្ឋអាមេរិកក៏កំពុងសង្កេតមើលប្រតិកម្មជាសកលយ៉ាងដិតដល់ផងដែរ ព្រោះនេះគឺជាបញ្ហាថ្មី និង​កំពុងវិវត្តទៅមុខ»។

លោកស្រីបន្តថា៖ «ប្រទេសថៃបាននិងកំពុងរៀបចំយ៉ាងហ្មត់ចត់នូវព័ត៌មាន និងស្វែងរកសកម្មភាពបន្ថែម។ ក្នុងកិច្ចពិភាក្សាជាមួយលោកនាយករដ្ឋមន្ត្រី ហ៊ុន ម៉ាណែត យើងបាននិយាយអំពីកិច្ចសហប្រតិបត្តិការកម្រិតអាស៊ាន។ អាស៊ានមានធនធានសម្បូរបែប និងចំណុចខ្លាំងពិសេស ហើយយើងជឿជាក់ថា កិច្ចសហប្រតិបត្តិការនឹងពង្រឹងអំណាចចរចារបស់យើង»។

នាយករដ្ឋមន្រ្តីថៃវ័យក្មេងដដែល​បន្ថែមថា ​ទាំងប្រទេសថៃ និងកម្ពុជា បានពិគ្រោះជាមួយមេដឹកនាំអាស៊ានផ្សេងទៀត ហើយបានឯកភាពថា កិច្ចសហប្រតិបត្តិការក្នុងតំបន់នឹងពង្រីកសំឡេង និងការចរចារបស់អាស៊ាន។ ប្រទេសទាំង​ ២ បាន​ប្តេជ្ញាធ្វើការយ៉ាងជិតស្និទ្ធ និងរឹងមាំជាមួយគ្នា ដើម្បីដោះស្រាយបញ្ហាប្រឈមនានា សំដៅទៅរកដំណោះស្រាយ «ឈ្នះ-ឈ្នះ» ខណៈប្រទេស​ថៃ ក៏​កំពុងពិគ្រោះយោបល់ជាមួយគ្រប់វិស័យ រួមទាំងវិស័យឯកជនផងដែរ ដើម្បីតាមដានស្ថានការណ៍យ៉ាងប្រុងប្រយ័ត្ន និងឆ្លើយតបទៅតាមនោះ។

គួរគូសបញ្ជាក់ថា លោកស្រី ផែថងថាន បានធ្វើដំណើរទស្សនកិច្ចផ្លូវការនៅប្រទេសកម្ពុជារយៈពេល ២ ថ្ងៃ ថ្ងៃទី ២៣-២៤ មេសា ដែលជាពេល​គំរប់ខួបលើកទី ៧៥ នៃទំនាក់ទំនងការទូតរវាង​ថៃ និងកម្ពុជា។ ក្រោមទស្សនកិច្ចដដែល ភាគីទាំង២បាន​ប្តេជ្ញាបន្តទំនាក់ទំនងទ្វេភាគីដ៏រឹងមាំ ដោយមាន​ការ​​ចុះហត្ថលេខាលើកិច្ចព្រមព្រៀងរួមចំនួន ៧ ផងដែរ​៕

The post ផែថងថាន៖ ថៃ និងកម្ពុជា បានពិភាក្សាគ្នាលើបញ្ហាពន្ធរបស់អាមេរិក appeared first on Kampuchea Thmey Daily.