សម្លាប់ខ្លួន Archives - Kampuchea Thmey Daily

ករណីបាញ់សម្លាប់ខ្លួននៅជិតផ្លូវ ៦០ ម៉ែត្រ ជនរងគ្រោះជាអតីតមន្ត្រីនគរបាល និង មានជំងឺបាក់ទឹកចិត្ត

អ៊ិន ពិសី — Mon, 18 May 2026 03:34:39 +0000

អតីតមន្រ្តីនគរបាលម្នាក់ មានជំងឺបាក់ទឹកចិត្ត និង ជំងឺប្រចាំកាយ បានសម្រេចចិត្តយកកាំភ្លើងបាញ់បញ្ចប់ជីវិតខ្លួនឯង ស្លាប់ក្រោយផ្សាររាត្រី ៦០ ម៉ែត្រ។

ហេតុការណ៍នេះបានបង្កឲ្យមានការភ្ញាក់ផ្អើលកាលពីវេលាម៉ោង ៥ និង ២០ នាទីព្រឹក ថ្ងៃទី ១៨ ខែឧសភា ឆ្នាំ ២០២៦ ស្ថិតក្បែរផ្លូវ ៦០ ម៉ែត្រ (ក្រោយផ្សាររាត្រី ៦០ ម៉ែត្រ) សង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ។

ប្រភពពីសាច់ញាតិបានលើកឡើងថា បុរសវ័យចំណាស់ខាងលើនេះ មានជំងឺប្រចាំកាយ ក៏ដូចមានជំងឺបាក់ទឹកចិត្តថែមទៀត។ មុនពេលជនរងគ្រោះជិះម៉ូតូអាគុយចេញមកក្រៅ គាត់បានសរសេរសំបុត្រផ្ដាំផ្ញើ ឲ្យអ្នកផ្ទះចាំយកសពរបស់គាត់ធ្វើបុណ្យឲ្យផង រួចក៏ជិះចេញមកក្រៅបាត់តែម្តង។ រហូតទាល់តែមានសមត្ថកិច្ចទាក់ទងមក ទើបគាត់មកដល់ឃើញឪពុករបស់ខ្លួនស្លាប់ក្នុងថ្លុកឈាមបាត់ទៅហើយ។

បច្ចុប្បន្ន សមត្ថកិច្ចជំនាញកោសល្យវិច័យបានចុះមកធ្វើការត្រួតពិនិត្យ និង ធ្វើលិខិតប្រគល់សពជូនសាច់ញាតិយកទៅធ្វើបុណ្យតាមប្រពៃណី៕
អត្ថបទ ៖ រដ្ឋា

The post ករណីបាញ់សម្លាប់ខ្លួននៅជិតផ្លូវ ៦០ ម៉ែត្រ ជនរងគ្រោះជាអតីតមន្ត្រីនគរបាល និង មានជំងឺបាក់ទឹកចិត្ត appeared first on Kampuchea Thmey Daily.

ជនបរទេសម្នាក់ លោតសម្លាប់ខ្លួនពីលើអគារជួល ១ កន្លែង ក្នុងមូលដ្ឋានបឹងកេងកង

អ៊ិន ពិសី — Wed, 25 Mar 2026 08:03:07 +0000

ប្រទះឃើញសពបុរសជនជាតិបរទេសម្នាក់ លោតសម្លាប់ខ្លួនពីលើអគារអាផាតមិន យីហោ «Bellavita» ១ កន្លែង ស្លាប់ក្បែរម៉ាស៊ីនភ្លើង ក្នុងមូលដ្ឋានបឹងកេងកង។

ករណីលោតសម្លាប់ខ្លួននេះបង្កការភ្ញាក់ផ្អើលកាលពីវេលាម៉ោង ៩ ព្រឹក ថ្ងៃទី ២៥ ខែមីនា ឆ្នាំ ២០២៦ នៅចំណុចអាផាតមិន យីហោ «Bellavita» លើបណ្តោយផ្លូវលេខ ៥៧ កែងផ្លូវ ២៧៨ ក្នុងសង្កាត់បឹងកេងកងទី ១ ខណ្ឌបឹងកេងកង រាជធានីភ្នំពេញ។

តាមការបញ្ជាក់ពីពលរដ្ឋ បានឲ្យដឹងថា កាលពីវេលាម៉ោង ៥ ទៀបភ្លឺ គាត់បានមករៀបចំ ដើម្បីបើកតូបលក់កាហ្វេដូចសព្វមួយដង។ លុះគាត់រៀបចំតូបរួចរាល់ ដល់វេលាម៉ោងប្រហែលជាង ៦ ព្រឹក ក៏បានដើរយកកាហ្វេឲ្យភ្ញៀវដែលកុម្ម៉ង់ ដោយបានឆ្លងកាត់នៅចំណុចកើតហេតុ។ ភ្លាមៗ នោះ ស្រាប់តែប្រទះឃើញជនជាតិបរទេសម្នាក់ ស្លៀកកន្សែង ស្លាប់ក្បែរម៉ាស៊ីនភ្លើងរបស់អគារអាផាតមិនខាងលើ។ ខណៈនោះ ប្រជាពលរដ្ឋ ក៏បានទំនាក់ទំនងទៅកាន់មន្រ្តីមូលដ្ឋាន ដើម្បីចុះមកទីតាំងកើតហេតុអន្តរាគមន៍តែម្តង។

ដោយឡែកបើតាមប្រភពពីនគរបាល បានឲ្យដឹងថា យោងតាមកាមេរ៉ាសុវត្ថិភាព គឺជនជាតិបរទេសខាងលើ បានលោតសម្លាប់ខ្លួន តាំងពីវេលាម៉ោង ៣ ទៀបភ្លឺ មកម្ល៉េះ។

ក្រោយកើតហេតុ សមត្ថកិច្ចមូលដ្ឋាន រួមជាមួយមន្រ្តីជំនាញចក្ខុកោសល្យវិច័យ បានចុះត្រួតពិនិត្យ រួចយកសពទៅតម្កល់នៅវត្តទឹកថ្លា រង់ចាំសាច់ញាតិមកទទួលធ្វើបុណ្យតាមប្រពៃណី៕
អត្ថបទ ៖ រដ្ឋា

The post ជនបរទេសម្នាក់ លោតសម្លាប់ខ្លួនពីលើអគារជួល ១ កន្លែង ក្នុងមូលដ្ឋានបឹងកេងកង appeared first on Kampuchea Thmey Daily.

នារីវ័យ ២៥ ឆ្នាំ លោតសម្លាប់ខ្លួនលើស្ពានកោះនរា យប់មិញ ពេលនេះសពអណ្ដែតហើយ

អ៊ិន ពិសី — Thu, 05 Jun 2025 08:41:25 +0000

សពនារីរងគ្រោះ វ័យ ២៥ ឆ្នាំ ដែលលោតទឹកសម្លាប់ខ្លួន កាលពីយប់ថ្ងៃទី ៤ ខែមិថុនា ឆ្នាំ ២០២៥ ម្សិលមិញ ពេលនេះបានអណ្ដែតហើយ ដោយប្រជាពលរដ្ឋប្រទះឃើញតាមដងទន្លេ ក្បែរកោះពេជ្រ។

ករណីនេះបានបង្កការភ្ញាក់ផ្អើល កាលពីវេលាម៉ោង ១១ និង ៣០ នាទីព្រឹក ថ្ងៃទី ៥ ខែមិថុនា ឆ្នាំ ២០២៥ នេះ នៅចំណុចក្រោមស្ពានព្រះមុន្នីវង្សថ្មី សង្កាត់ច្បារអំពៅទី ២ ខណ្ឌច្បារអំពៅ រាជធានីភ្នំពេញ។ សពមានឈ្មោះ ស្រី រ៉ាត់ អាយុ ២៥ ឆ្នាំ ស្រុកកំណើតនៅភូមិព្រះដាក់ ស្រុកបន្ទាយស្រី ខេត្តសៀមរាប។

តាមប្រភពព័ត៌មានប្រជាពលរដ្ឋបានឲ្យដឹងថា គេឃើញសាកសពអណ្ដែតតាមមាត់ទន្លេក្បែរច្រាំង កៀកតំបន់កោះពេជ្រ ខណៈនោះ ពលរដ្ឋប្រញាប់រាយការណ៍ជូនសមត្ថកិច្ច។ នៅពេលកម្លាំងជំនាញមកដល់ បានហៅទូកប្រជានេសាទចេញទូក ដើម្បីអូសទៅក្រោមស្ពានព្រះមុន្នីវង្សថ្មី រួចស្រង់ឡើងមកលើគោក។ បច្ចុប្បន្ន សព ត្រូវបានប្រគល់ជូនសាច់ញាតិយកទៅធ្វើបុណ្យតាមប្រពៃណីនៅឯស្រុកកំណើត៕

អត្ថបទ ៖ រដ្ឋា

The post នារីវ័យ ២៥ ឆ្នាំ លោតសម្លាប់ខ្លួនលើស្ពានកោះនរា យប់មិញ ពេលនេះសពអណ្ដែតហើយ appeared first on Kampuchea Thmey Daily.

ផ្ទុះកំហឹងពីមហាជន ក្រោយជនសង្ស័យ៣រូបដែលធ្វើបាបមិត្តរួមការងារ នៅតែបង្ហាញមុខធម្មតា

សាង ស្រីល័ក្ខ — Mon, 10 Feb 2025 02:45:25 +0000

ទោះបីជាមានភាពចម្រូងចម្រាសក៏ដោយ ក៏អ្នកដែលត្រូវបានចោទប្រកាន់ថា ជាប់ពាក់ព័ន្ធនឹងការគំរាមកំហែងនៅកន្លែងធ្វើការរបស់ពិធីករ Oh Yoanna នៅតែបង្ហាញមុខតាមកញ្ចក់ទូរទស្សន៍។ នេះបានធ្វើឲ្យមានការផ្ទុះកំហឹងពីទស្សនិកជន។ តាមរយៈ Dispatch ម្តាយរបស់ពិធីករបាននិយាយអំពីភាពអយុត្តិធម៌ ដែលកូនស្រីរបស់គាត់ ត្រូវស៊ូទ្រាំ។

ពីធីការនី៣រូបដែលមានឈ្មោះថា Park Ha Myung, Choi Ah Ri, និង Lee Hyun Seung បានបង្ហាញខ្លួននៅលើការព្យាករណ៍របស់ប៉ុស្តិ៍ទូរទស្សន៍ MBC កាលពីថ្ងៃទី ០៥ និង ០៦ ខែកុម្ភៈ។ មនុស្សបីនាក់នេះសុទ្ធតែត្រូវបានចោទប្រកាន់ពីបទសម្លុតនិងដាក់សំពាធដល់ Oh Yoanna។

ពីឆ្វេងទៅស្តាំ៖ Lee Hyun Seung, Park Ha Myung, Choi Ah Ri ត្រូវគេសង្ស័យថា បានធ្វើបាបពិធីការនី Oh Yoanna

មិនតែប៉ុណ្ណោះ សាធារណជនកំពុងថ្កោលទោសយ៉ាងខ្លាំងចំពោះទូរទស្សន៍ MBC ដោយចោទជាសំណួរថា ហេតុអ្វីបានជាអ្នកផ្សាយអនុញ្ញាតឲ្យបុគ្គលជាប់ចោទបន្តចាក់ផ្សាយ ខណៈដែលក្រុមគ្រួសារជនរងគ្រោះបាននិយាយជាសាធារណៈ។ មហាជនជាច្រើនបានចាត់ទុកការប្រមាថនេះចំពោះទស្សនិកជន និងបង្កការឈឺចាប់ដល់គ្រួសារជនរងគ្រោះ។

ការត្អូញត្អែរជាបន្តបន្ទាប់បានលេចឡើងនៅលើវេទិការបស់ MBC ថា MBC ក៏ជាអ្នកសមគំនិតដែរ តើ MBC ខ្វះបុគ្គលិកជំនួសមែនទេ? ស្របពេលដែលមនុស្សជាច្រើនបានស្នើភាគីខាងទូរទស្សន៍ឲ្យដកអ្នកទាំងនោះចេញពីការផ្សាយព៌ត័មានថែមទៀតផង។

ឧបទ្ទវហេតុនេះកាន់តែធ្ងន់ធ្ងរនៅពេលដែលមានសេចក្តីរាយការណ៍ថា Oh Yoanna ដែលទទួលបន្ទុកការព្យាករណ៍អាកាសធាតុប្រចាំសប្តាហ៍ និងចុងសប្តាហ៍នៅ MBC បានទទួលមរណភាពក្នុងខែកញ្ញា ឆ្នាំ ២០២៤ ។ នាងបានបន្សល់ទុកសំបុត្រអត្តឃាតប្រវែង ១៧ ទំព័រនៅក្នុងកម្មវិធីកត់ចំណាំនៅលើទូរស័ព្ទរបស់នាង ដោយរៀបរាប់លម្អិតពីការគំរាមកំហែងនៅកន្លែងធ្វើការ បង្កឲ្យមានការខឹងសម្បារជាសាធារណៈ។

ស្ថានភាពកាន់តែតានតឹងនៅពេលដែលខ្លឹមសារនៃការសន្ទនាក្នុងបន្ទប់ជជែករវាងពិធីករអាកាសធាតុ MBC Park Ha Myung, Kim Ga Young, Choi Ah Ri និង Lee Hyun Seung ត្រូវបានលាតត្រដាង។ ក្នុងនោះគេបានប្រើពាក្យមើលងាយមកកាន់នាងនិងធ្វើបាបផ្លូវចិត្តដល់ជនរងគ្រោះជាខ្លាំង។ បន្ទាប់ពីព័ត៌មានត្រូវបានលាតត្រដាង គ្រប់គ្នាបានបិទការបញ្ចេញមតិលើគណនីប្រព័ន្ធផ្សព្វផ្សាយសង្គមរបស់ពួកគេ ហើយនៅស្ងៀម។

នៅក្នុងបទសម្ភាសន៍ជាមួយ Dispatch កាលពីថ្ងៃទី០៦ ខែកុម្ភៈ ម្តាយរបស់ Yoanna បានបង្ហាញថា កូនស្រីរបស់គាត់បាននិយាយម្តងហើយម្តងទៀតអំពីការត្រូវបានមិត្តរួមការងារដែលហៅថា A អស់រយៈពេល ៣ ឆ្នាំ។ Dispatch ទទួលបានកំណត់ត្រាការប្រឹក្សាផ្លូវចិត្តរបស់ជនរងគ្រោះ ដែលកត់ត្រាពីអារម្មណ៍ យំនៅកន្លែងធ្វើការ និងអយុត្តិធម៌នៅកន្លែងធ្វើការ ព្រមទាំងត្រូវសុំទោសជាប្រចាំពេញមួយថ្ងៃថែមទៀតផង៕

ម្តាយរបស់ Yoanna

អត្ថបទ៖ សាង ស្រីល័ក្ខ

ចុចអាន៖Jang Sung-kyu តបការរិះគន់ ទាក់ទិនករណី Oh Yoanna ត្រូវមិត្តរួមការងារដាក់សម្ពាធ រហូតដល់ស្លាប់

The post ផ្ទុះកំហឹងពីមហាជន ក្រោយជនសង្ស័យ៣រូបដែលធ្វើបាបមិត្តរួមការងារ នៅតែបង្ហាញមុខធម្មតា appeared first on Kampuchea Thmey Daily.

បុរសម្នាក់ លោតពីលើផ្ទះជាន់ទី ២ សម្លាប់ខ្លួន សង្ស័យតូចចិត្តមានជំងឺប្រចាំកាយ

អ៊ិន ពិសី — Thu, 31 Oct 2024 03:13:06 +0000

បុរសម្នាក់ សម្រេចចិត្តលោតពីលើផ្ទះជាន់ទី ២ ធ្លាក់មកបាក់.ក ស្លាប់ភ្លាមៗ នៅនឹងកន្លែងកើតហេតុ សង្ស័យតូចចិត្តខ្លួនឯងមានជំងឺប្រចាំកាយ។

ហេតុការណ៍នេះបង្កឲ្យមានការភ្ញាក់ផ្អើលនៅវេលាម៉ោង ៨ ព្រឹក ថ្ងៃទី ៣១ ខែតុលា ឆ្នាំ ២០២៤ ស្ថិតតាមបណ្ដោយផ្លូវបេតុង ភូមិដំណាក់ សង្កាត់គោកឃ្លាង ខណ្ឌសែនសុខ រាជធានីភ្នំពេញ។

បើតាមប្រភពពីក្រុមគ្រួសារបានឲ្យដឹងថា ជនរងគ្រោះឈ្មោះ សំ ឈន អាយុ ៤២ ឆ្នាំ មានជំងឺប្រចាំកាយ ធ្លាប់លោតសម្លាប់ខ្លួនម្ដងរួចទៅហើយ គ្រាន់តែបាក់ដៃ បាក់ជើង ដឹកយកទៅសង្គ្រោះនៅមន្ទីរពេទ្យទាន់ពេលវេលា តែលើកនេះ គាត់បានលោតជាលើកទី ២ ដោយឡើងលើដំបូលផ្ទះម្ដងទៀត នៅជាន់ទី ២ ក៏លោតចុះមកក្រោម បណ្ដាលឲ្យបែកក្បាលស្លាប់ភ្លាមៗ នៅនឹងកន្លែងកើតហេតុតែម្ដង។

ក្រោយពេលកើតហេតុសមត្ថកិច្ចមូលដ្ឋានបានចុះមកដល់ទាក់ទងទៅកាន់សមត្ថកិច្ចជំនាញកោសល្យវិច័យ នៃស្នងការដ្ឋាននគរបាលរាជធានីភ្នំពេញ មកពិនិត្យសព រួចធ្វើកំណត់ហេតុប្រគល់សពជូនក្រុមគ្រួសារសាច់ញាតិចាត់ចែងធ្វើបុណ្យតាមប្រពៃណី៕

អត្ថបទ ៖ ម៉េង

The post បុរសម្នាក់ លោតពីលើផ្ទះជាន់ទី ២ សម្លាប់ខ្លួន សង្ស័យតូចចិត្តមានជំងឺប្រចាំកាយ appeared first on Kampuchea Thmey Daily.

ហេតុអ្វីបានជាមនុស្សបច្ចុប្បន្នឆាប់គិតខ្លី និងសម្លាប់ខ្លួនច្រើនម្ល៉េះ?

អុន ស្រីមាន — Mon, 01 Jul 2024 03:09:53 +0000

តាមការសង្កេតនៅក្នុងសង្គមខ្មែរបច្ចុប្បន្ន មានករណីគិតខ្លី សម្លាប់ខ្លួនជាច្រើន ហើយកើតមានច្រើនបំផុតលើយុវជនតែម្តង។ តើកត្តាអ្វីខ្លះ បានជាធ្វើឱ្យពួកគេឆាប់គិតខ្លី អស់សង្ឃឹមក្នុងជីវិតបែបនេះ?

ពាក់ព័ន្ធនឹងបញ្ហានេះ លោកបណ្ឌិត ឈត ប៊ុនថង អ្នកជំនាញផ្នែកទស្សនវិជ្ជា និងកិច្ចការសង្គមនៅរាជបណ្ឌិត្យសភាកម្ពុជា បានឱ្យកម្ពុជាថ្មី ដឹងថា សម្រាប់ការសង្កេតរបស់លោកផ្ទាល់ កាលដែលធ្វើឱ្យមនុស្សគិតខ្លី ឈានដល់ការសម្លាប់ខ្លួនក៏ព្រោះតែពួកគេមានវិបត្តិច្រើន ព្រោះយុវជនឆាប់ប្រឡូកនៅក្នុងសង្គមច្រើន ទាំងរឿងជីវិត រឿងស្នេហា ហើយក៏ឆាប់ប្រឡូកក្នុងគ្រឿងស្រវឹង គ្រឿងញៀន និងទទួលរងឥទ្ធិពលកត្តាសម្ភារៈនិយមផងដែរ។ លោកថា កាលណាមនុស្សឆាប់ប្រឡូកចូលទៅក្នុងបញ្ហា គាត់នឹងមានបញ្ហា ទន្ទឹមនោះ ពួកគេជាយុវជនគឺមិនទាន់អាចធ្វើការសម្រេចចិត្តបានត្រឹមត្រូវ និងគ្រប់គ្រងជីវិតបានល្អនោះទេ។

បណ្ឌិត ឈត ប៊ុនថង

លោកបណ្ឌិតនិយាយថា៖ “ធម្មតាមនុស្សត្រូវវិវត្ត ត្រូវរស់នៅតាមវ័យ ប៉ុន្តែ នៅពេលដែលគាត់វិវត្តមុនវ័យ គាត់ចូលប្រឡូកបញ្ហាមុនវ័យដែលគាត់ត្រូវប្រឡូក ចឹងគាត់ជួបនូវវិបត្តិផ្សេងៗ ជួបនូវការទាល់ច្រកអីផ្សេងៗ ចឹងគាត់ជ្រើសរើសការសម្លាប់ខ្លួនជាដើម”។ បន្ថែមពីនេះ លោកបណ្ឌិតបន្តថា ក្រៅពីការប្រឡូកខុសវ័យ ក៏មានចំណែកឥទ្ធិពលគ្រឿងញៀន គ្រឿងស្រវឹងផង ឥទ្ធិពលពីគម្រូក្នុងសង្គមជាក់ស្តែងផង។ ត្រង់ចំណុចសង្គមជាក់ស្តែង លោកបណ្ឌិតសំដៅដល់បុគ្គលមួយចំនួនដែលបម្រីការជាមន្ត្រីរាជការ នៅពេលមានបញ្ហាពិបាកដោះស្រាយ ក៏សម្រេចចិត្តបញ្ចប់ជីវិតខ្លួនឯងតាមវិធីសាស្ត្រផ្សេង ។ ក្រៅពីនេះ ក៏មាននៅក្នុងបណ្តាញសង្គមដូចគ្នា ពោលគឺ អ្នកដែលមានរឿងរ៉ាវត្រូវបញ្ចប់ជីវិត បានយករឿងនោះមកបង្ហោះក្នុងបណ្តាញសង្គមដែរ ដូច្នេះអ្នកដទៃដែលមានបញ្ហាក៏យកគម្រូតាមហ្នឹងបន្តគ្នា។

លោកបណ្ឌិតបញ្ជាក់ថា ចំណុចមួយទៀតដែលជាកត្តារួមចំណែក គឺកង្វះខាតនៃការយកចិត្តទុកដាក់របស់ម្តាយឪពុកចំពោះកូន ការខ្វះខាតរបស់សហគមន៍ ឬក៏អាជ្ញាធរពាក់ព័ន្ធ ព្រោះជាទូទៅនៅក្នុងសង្គមមួយតែងមានមនុស្សខ្លាំង ខ្សោយ អ្នកជួយខ្លួនឯងបាន និងមិនបាន។ ដូចនេះហើយ បុគ្គលដែលខ្សោយ និងមានបញ្ហា គឺជាបុគ្គលដែលត្រូវការជំនួយ ការយកចិត្តទុកដាក់ និងការប្រឹក្សាពីភាគីពាក់ព័ន្ធ ដូចជាសង្គម ស្ថាប័នរដ្ឋ អង្គការសង្គមស៊ីវិល ជាដើម។ ដូច្នេះ ប្រសិនជាភាគីពាក់ព័ន្ធទាំងនេះខ្សោយ ក៏ធ្វើឱ្យពួកគេងាយនឹងសម្រេចចិត្តគិតខ្លីដែរ។

បញ្ហាទាំងអស់នេះ លោកបណ្ឌិត ឈត ប៊ុនថង មើលឃើញថា ប្រសិនជាមិនបានដោះស្រាយ ជួយសង្គ្រោះ ទាន់ពេលវេលោនោញ នឹងធ្វើឱ្យធនធានមនុស្សបាត់បង់ ជះឥទ្ធិពលមិនល្អដល់អ្នកក្រោយ ព្រោះពួកគេអាចយកគម្រូបែបនេះដើម្បីដោះស្រាយបញ្ហារបស់ពួកគេដូចគ្នា៕

ដោយ៖ អុន ស្រីមាន

The post ហេតុអ្វីបានជាមនុស្សបច្ចុប្បន្នឆាប់គិតខ្លី និងសម្លាប់ខ្លួនច្រើនម្ល៉េះ? appeared first on Kampuchea Thmey Daily.

អារកខ្លួនឯងប៉ងសម្លាប់ខ្លួន តែមិនស្លាប់ព្រោះតូចចិត្តប្រពន្ធសុំលែង

Kang Tola — Mon, 22 Jan 2024 10:51:38 +0000

ភ្នំពេញ ៖ បុរសម្នាក់បានយកកាំបិតចុងស្រួចយកទៅអារ.កខ្លួនឯង ឈាមហូរបាញ់ជោក តែមិនស្លាប់ ត្រូវបានបងប្អូនប្រជាពលរដ្ឋប្រទះឃើញ រាយការណ៍ទៅសមត្ថកិច្ច អន្តរាគមន៍ហៅរថយន្តសង្គ្រោះ ដឹកយកទៅសង្គ្រោះអាយុជីវិត ដោយសារតែតូចចិត្តប្រពន្ធសុំលែង។

ហេតុការណ៍នេះ បានកើតឡើងកាលពីវេលាម៉ោង៣និង០៥នាទីរសៀល ថ្ងៃទី២២ ខែមករា ឆ្នាំ២០២៤ នៅដីវាលមួយកន្លែងក្នុងភូមិចាក់ជ្រូក សង្កាត់សំរោងក្រោម ខណ្ឌពោធិ៍សែនជ័យ។

ជនរងគ្រោះឈ្មោះ នៅ ឡឹង ភេទប្រុស អាយុ៤២ឆ្នាំ មុខរបរកម្មករសំណង់ ស្នាក់នៅបន្ទប់ជួលក្នុងភូមិកើតហេតុ មានទូលំនៅភូមិទួលកំរៀង ឃុំថ្មី ស្រុកកណ្តាលស្ទឹង ខេត្តកណ្តាល មានស្រុកកំណើត ឃុំទួលអំពិល ស្រុកបសេដ្ឋ ខេត្តកំពង់ស្ពឺ មានកូនប្រុស១នាក់ អាយុ៦ឆ្នាំ ប្រពន្ធសុំលែងលះគ្នាហើយ។

បើតាមប្អូនស្រីរបស់ជនរងគ្រោះ បានឱ្យដឹងថា គ្រួសាររបស់គាត់ រស់នៅមិនចុះសម្រុងគ្នា ហើយខាងប្រពន្ធបានសុំលែងលះ ច្រើនខែមកហើយ ទុកកូនប្រុសម្នាក់ឱ្យនៅជាមួយ ។ ប្រភពបន្តទៀតថា តាំងពីប្រពន្ធលែងលះមក ជនរងគ្រោះ ចេះតែមានអារម្មណ៍មិនល្អ ដើរផឹក ខុសពីសព្វដង ហើយរយៈពេល៣ថ្ងៃហើយ ជនរងគ្រោះ ព្យាយាមប៉ងសម្លាប់ខ្លួន តែមិនបានសម្រេច កូនប្រុសតាមមើលរហូត ស្រាប់តែនៅរសៀលថ្ងៃនេះ មុនកើតហេតុ ខណៈដែលបងប្អូន កូនប្រុសមិននៅបន្ទប់ ស្រាប់តែជនរងគ្រោះ ដើរចេញទៅបាត់ រហូតដល់វេលាម៉ោងខាងលើ ផ្អើលពលរដ្ឋ អ្នកភូមិ ប្រទះឃើញ ជនរងគ្រោះយកកូនកាំបិតចុងស្រួចអារ.ក ខ្លួនឯង ឈាមហូរបាញ់ ស្រោចជោក តែនៅមានដង្ហើម។

ជនរងគ្រោះ ក្រោយពីពលរដ្ឋប្រទះឃើញ ប៉ុនប៉ងស្លាប់ខ្លួនឯង ដេកដួលនៅលើគម្របលូ រាយការណ៍ទៅសមត្ថកិច្ចឱ្យជួយអន្តរាគមន៍ ហៅរថយន្តសង្គ្រោះរបស់មន្ទីរពេទ្យបង្អែកពោធិ៍ចិនតុង ដឹកបញ្ជូនទៅមន្ទីរពេទ្យព្រះកុសុមៈ ជាមួយបងប្អូន ក្រុមគ្រួសារ៕

ដោយ ៖ សុខា

The post អារកខ្លួនឯងប៉ងសម្លាប់ខ្លួន តែមិនស្លាប់ព្រោះតូចចិត្តប្រពន្ធសុំលែង appeared first on Kampuchea Thmey Daily.

អភិបាលក្រុងមួយរូបនៅអាមេរិក សម្លាប់ខ្លួន ព្រោះបែកធ្លាយរូបភាពតែងខ្លួនជាស្ត្រី

Boa Sokunveary — Mon, 06 Nov 2023 09:54:48 +0000

លោកអភិបាលក្រុង Smiths Station នៃរដ្ឋ Alabama ឈ្មោះ Copeland បានសម្លាប់ខ្លួន កាលពីថ្ងៃសុក្រ ទី៣ ខែវិច្ឆិកា ក្រោយបែកធ្លាយរូបភាពតែងខ្លួនជាស្ត្រី ។

ដំបូងគាត់បានសុំមិនឲ្យគេហទំព័រផ្សព្វផ្សាយបង្ហោះរូបថតទាំងនេះដែរ ប៉ុន្តែពួកគេបដិសេធ ទើបពីរថ្ងៃក្រោយគាត់សម្លាប់ខ្លួនតែម្ដង ។

ក្រៅពីមុខតំណែងជាអភិបាលក្រុង Smiths Station លោក Copeland ក៏ជាបព្វជិតនៅព្រះវិហារក្បែរនោះផងដែរ ។ គាត់បាននិយាយថា “អ្វីដែលខ្ញុំធ្វើក្នុងជីវិតឯកជនមិនពាក់ព័ន្ធនឹងជីវិតរបស់ខ្ញុំទាំងមូលទេ ។ តើការផាត់មុខ ស្លៀករ៉ូប ប៉ះពាល់អ្វីខ្លះដល់មុខតំណែងអភិបាលក្រុងរបស់ខ្ញុំ? តើវាពាក់ព័ន្ធអ្វីនឹងធ្វើជាអភិបាលក្រុង និងបព្វជិតនោះ?”

ប្រាកដណាស់ សមាជិកព្រឹទ្ធសភាបក្សប្រជាធិបតេយ្យនៅក្នុងរដ្ឋបានថ្កោលទោសអ្នកដែលផ្សព្វផ្សាយរូបភាពទាំងគ្មានការអនុញ្ញាត ខណៈការធ្វើកោសល្យវិច័យបានធ្វើឡើងរួចហើយ ៕

ប្រែសម្រួល៖ វារី

ប្រភព៖ skynews

ចុចអាន៖ ពីឡុតអាមេរិកមិនសប្បាយចិត្តចង់ទម្លាក់យន្ដហោះសម្លាប់ខ្លួនទាំងមានដំណើរជិះពេញ

The post អភិបាលក្រុងមួយរូបនៅអាមេរិក សម្លាប់ខ្លួន ព្រោះបែកធ្លាយរូបភាពតែងខ្លួនជាស្ត្រី appeared first on Kampuchea Thmey Daily.