ពីឡុតអាមេរិកមិនសប្បាយចិត្តចង់ទម្លាក់យន្ដហោះសម្លាប់ខ្លួនទាំងមានដំណើរជិះពេញ

យោងតាមមន្ត្រីក្នុងតំបន់ និងសាក្សីបានឲ្យដឹងថា ពីឡុតរបស់ក្រុមហ៊ុនអាកាសចរណ៍ Alaska ម្នាក់បានព្យាយាមទម្លាក់យន្ដហោះពាក់កណ្ដាលផ្លូវទាំងដែលមានអ្នកដំណើរជិះពេញ ដោយសារតែពិបាកចិត្តខ្លាំងពេក ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជើងហោះហើរដែលមានបញ្ហាគឺធ្វើដំណើរពីទីក្រុង Washington ទៅ San Francisco រដ្ឋ California បើកដោយអាកាសយានិកវ័យ ៤៤ ឆ្នាំ ឈ្មោះ Joseph David Emerson ។

ពេលនោះគាត់ព្យាយាមភ្ជាប់ប្រព័ន្ធពន្លត់អគ្គិភ័យរបស់យន្តហោះ ដែលបណ្ដាលឲ្យសាំងឈប់ហូរទៅកាន់ម៉ាស៊ីន រួចគាំងធ្លាក់តែម្ដង ប៉ុន្តែបំណងនេះមិនបានសម្រេចឡើយ ព្រោះភាពរហ័សរហួនរបស់អាកាសយានិកផ្សេងទៀតជួយដោះស្រាយទាន់ពេល ។

ការិយាល័យមេធាវីស្រុក Multnomah បានបញ្ជាក់ថា លោក Joseph David Emerson កំពុងប្រឈមមុខនឹងការចោទប្រកាន់ឧក្រិដ្ឋកម្មធ្ងន់ធ្ងរ រួមទាំងការប៉ុនប៉ងមនុស្សឃាតកម្រិតទី ១ ចំនួន ៨៣ ករណី ។ ហើយ FBI នឹងស៊ើបអង្កេតពីស្ថានភាពសុខភាពរបស់ Emerson ដោយឆែកទាំងទូរស័ព្ទ កុំព្យូទ័រ និងបណ្ដាញសង្គម ដើម្បីរកដើមចមនៃបញ្ហាផ្លូវចិត្តរបស់គាត់ ៕

ប្រែសម្រួល៖ វារី

ប្រភព៖ RT

ចុចអាន៖ វេជ្ជបណ្ឌិតមហារីកល្បីឈ្មោះនៅអាមេរិក ​សម្លាប់កូន និងខ្លួនឯង ក្នុងផ្ទះតម្លៃ ១ លានដុល្លារ