លោក យ៉ាន់ បូរិន គឺជាសាស្ត្រាចារ្យផ្នែកកំណាព្យខ្មែរដ៏ឆ្នើម ហើយក៏ជាអ្នកសិល្បៈបុរាណជាង ៤០ឆ្នាំ ដែល
ស្ទើរពេញមួយជីវិតរបស់លោកគ្រូបានខិតខំលះបង់ ដើម្បីវិស័យសិល្ប:ក្នុងការចូលរួមថែរក្សាវប្បធម៌ និងសិល្ប:ខ្មែរពិសេសគឺផ្នែកកំណាព្យជាដើម។

នៅក្នុងកិច្ចសម្ភាសមួយលោកគ្រូ យ៉ាន់ បូរិន បានឱ្យដឹងថា ដោយសារសព្វថ្ងៃឃើញមាបយុវជនជំនាក់ក្រោយមួយចំនួនមិនសូវចាប់អារម្មណ៍លើសិល្ប:បុរាណទើបនេះជាទុកកង្វល់របស់សិល្បករចាស់ៗទាំងអស់ រួមទាំងរូបលោកផងដែរ

លោកបន្តថា យើងពិបាកខ្លាំងមែនទែនព្រោះថាខ្លាចទម្រង់សិល្ប:បុរាណបាត់បង់ទៅតាមអ្នកជំនាញ (ស្លាប់ទៅតាមអ្នកជំនាញ) ខណ:វ័យលោកគ្រូក៏កាន់តែច្រើនដែរ។

លោក យ៉ាន់ បូរិនបានបញ្ជាក់បន្ថែមថា “ពិតជាពិបាកខ្លាំងមែនទែនដោយសាទំនោររបស់យុវជនជំនាន់ក្រោយ គឺពួកគាត់ងាកទៅរកសម័យទំនើបខ្លាំងតែម្តង រីឯផ្នែកបុរាណអត់សូវមានការចាប់អារម្មណ៍ ហើយជាពិសេសទៀតនោះ គឺខ្ញុំជម្រាបតាមត្រង់គ្រប់បណ្តាញផ្សព្វផ្សាយទាំងអស់របស់ជាតិគឺគាត់បំភ្លេចចោល,មហោរី,យីកេ,កំណាព្យ,អាយ៉ៃ អាចយូរៗមានម្តង និងបាសាក់ឃើញនៅមានលេងក្នុងទូរទស្សន៍ជាតិ”។

ជាមួយគ្នានៃក្តីព្រួបារម្ភនេះ លោកគ្រូ យ៉ាន់ បូរិន ក៏បានលើកឡើងដោយស្នើឱ្យបណ្តាញផ្សេព្វផ្សាយទាំងអស់កុំបោះបង់សិល្ប:បុរាណចោល ព្រោះបច្ចុប្បន្នឃើញតែលើពីសម័យច្រើនជាង ដូច្នេះមានតែការចូលរួមផ្សព្វផ្សាយឱ្យបានទូលំទូលាយពីផ្នែកបុរាណផង។

សូមបញ្ជាក់ដែរថា សាស្ត្រាចារ្យនិងអ្នកស្រាវជ្រាវផ្នែកកំណាព្យលោក យ៉ាន់ បូរិន ត្រូវបានព្រះករុណាព្រះបាទសម្ដេចព្រះបរមនាថ នរោត្ដម សីហមុនី ព្រះមហាក្សត្រនៃកម្ពុជា ត្រាស់បង្គាប់ផ្តល់គោរម្យងារកិត្តិយសនៃរាជបណ្ឌិត្យសភាកម្ពុជាជា «កិត្តិឧទ្ទេសបណ្ឌិត» កាលពីថ្ងៃថ្ងៃទី២៩ខែតុលា ឆ្នាំ២០២២។

ការប្រទានគោរមងារកិត្តិយសនេះទៀតសោត គឺពិតជាស័ក្ដិសមនឹងការខិតខំពលិកម្មរបស់លោក ចំពោះសិល្បៈវប្បធម៌ផ្នែកល្ខោនយីកេ កំណាព្យចម្រៀង របាំព្រះរាជទ្រព្យ ចម្រៀងមហោរី ព្រមទាំងការបណ្ដុះបណ្ដាលកូនខ្មែរតជំនាន់ក្រោយពេញមួយជីវិត និងបានកំពុងបន្តនាពេលសព្វថ្ងៃបន្ថែមទៀត៕ អត្ថបទ៖ ចាន់រ៉ា

The post លោក យ៉ាន់ បូរិន បង្ហាញក្តីបារម្ភខ្លាចយុវជនជំនាន់ក្រោយបំភ្លេចសិល្បៈបុរាណ លែងមានអ្នកបន្តវេន appeared first on Kampuchea Thmey Daily.

ថ្លែងក្នុងពេលចុះពិនិត្យផ្លូវថ្មើជើងមាត់ទន្លេក្នុងសប្ដាហ៍ទី២ កាលពីថ្ងៃទី៩ ខែកុម្ភៈ ឆ្នាំ២០២៥ លោក ឃួង ស្រេង បានឱ្យដឹងថា សាលារាជធានីនឹងរៀបចំឱ្យមានការប្រគំតន្ត្រីសម័យ បុរាណ (របាំប្រពៃណីជាតិ ចាប៉ីដងវែង) កន្លែងគូរគំនូរ កន្លែងអានសៀវភៅ ឬបណ្ណាល័យចល័ត កន្លែងវត្ថុអនុស្សាវរីយ៍ កន្លែងលេងសៀករហ័សកម្មជាដើមតាមបណ្ដោយផ្លូវថ្មើរជើងនេះបន្ថែមទៀតដើម្បីជាការទាក់ទាញ។

លោក​ថា៖ «កិច្ចការងារនេះធ្វើទៅបណ្ដើរៗ តែអ្វីដែលសំខាន់គឺខ្ញុំសាកល្បងឱ្យប្រជាពលរដ្ឋដើរសិន ដែលខ្ញុំសង្កេតឃើញថា២សប្ដាហ៍នេះគឺមានប្រជាពលរដ្ឋគាំទ្រដល់ការបើករបស់សាលារាជធានីភ្នំពេញ»។

 ក្នុងពេលដែលនឹងរៀបចំឱ្យមានសិល្បៈចម្រុះនេះសាលារាជធានីភ្នំពេញក៏នឹងបន្ថែមខ្សែរថយន្តក្រុងនិងបន្ថែមម៉ោងរត់ទៅផ្លូវថ្មើរជើងនេះដល់ម៉ោង១១យប់ផងដែរ។

គួរឱ្យដឹងថាការសាកល្បងផ្លូវថ្មើរជើង (Walk Street) ត្រូវបានសាលារាជធានីភ្នំពេញធ្វើឡើងនៅរៀងរាល់ថ្ងៃសៅរ៍ និងថ្ងៃអាទិត្យ ដោយចាប់ពីម៉ោង ៦ល្ងាចដល់ម៉ោង១១យប់ នៅតាមបណ្តោយតីរវិថីព្រះស៊ីសុវត្ថិ ចាប់ពីវិថីបក្សីចាំក្រុង (ផ្លូវលេខ៩៤) រហូតដល់មុខព្រះបរមរាជវាំង ស្ថិតនៅក្នុងខណ្ឌដូនពេញ រាជធានីភ្នំពេញ៕

អត្ថបទដោយ ហ៊ុន សិរីវឌ្ឍន៍

The post សាលារាជធានីភ្នំពេញនឹងរៀបចំឱ្យមានសិល្បៈចម្រុះនៅតាមផ្លូវថ្មើរជើងមាត់ទន្លេ appeared first on Kampuchea Thmey Daily.

បើតាមសេចក្តីប្រកាសរបស់មន្ទីរវប្បធម៌ និងវិចិត្រសិល្បៈខេត្តកំពង់ឆ្នាំង ដែលចុះនៅថ្ងៃទី២៦ ខែមករា ឆ្នាំ២០២៥ បានបញ្ជាក់ថា ជំនាញសិល្បៈ៤ប្រភេទ ដែលនឹងត្រូវបើកវគ្គបណ្តុះបណ្តាលមានដូចជា៖ ១.របាំបុរាណ, ២.របាំប្រពៃណី, ៣.ល្ខោន (យីកេ បាសាក់ ល្ខោននិយាយ) និងទី៤ គឺភ្លេងពិណពាទ្យ។ ការបើកវគ្គបណ្តុះបណ្តាលនេះ ធ្វើឡើងក្នុងគោលបំណងចូលរួមអភិរក្ស លើកស្ទួយរបាំបុរាណ របាំប្រពៃណី ល្ខោន និងភ្លេងពិណពាទ្យឱ្យបានគង់វង្ស។

តាមរយៈវគ្គបណ្តុះបណ្តាលនេះ មន្ទីរវប្បធម៌ខេត្តកំពង់ឆ្នាំងជឿជាក់ថា សាធារណជន សិស្សនិស្សិតយុវជនខ្មែរដែលស្រឡាញ់ និងចង់លើកស្ទួយវប្បធម៌ខ្មែរចូលរួមចុះឈ្មោះរៀនឱ្យបានផុសផុល។ ហេតុនេះហើយ ចំពោះសាធារណជនដែលស្រឡាញ់លើវិស័យសិល្បៈ វប្បធម៌ខ្មែរ ឬមានបំណងចង់យល់ដឹង និងរៀនជំនាញទាំង៤ខាងលើ អាចចុះឈ្មោះពីថ្ងៃផ្សាយដំណឹងរៀងរាល់ម៉ោងធ្វើការ។ ចំពោះទីតាំងហាត់រៀន គឺធ្វើនៅសាលាបង្ហាត់សិល្បៈនៃមន្ទីវប្បធម៌ និងវិចិត្រសិល្បៈខេត្តកំពង់ឆ្នាំង៕

The post មន្ទីរវប្បធម៌ខេត្តកំពង់ឆ្នាំង ប្រកាសបើកវគ្គបង្រៀនជំនាញសិល្បៈ៤ប្រភេទ ដើម្បីលើកស្ទួយវប្បធម៌ខ្មែរ appeared first on Kampuchea Thmey Daily.

អ្នក​សិល្ប:​ជើង​​ចាស់​លោក​ ដួង សុខគា គេ​សង្កេត​ឃើញ​ថា​កន្លង​មក​លោក​តែង​ចេញ​មុខ​ព្រួយ​បារម្ភ​ពាក់ព័ន្ធ​លើ​ការ​បាត់​បង់​វិស័យ​សិល្ប:​បុរាណ​មួយ​ចំនួន។ ដួង សុខគា ក៏​ជា​អ្នក​សិល្បៈ​ដែល​មាន​ជំនាញ​លេង​សិល្ប:​​បាន​ស្ទើរ​តែ​គ្រប់​ទម្រង់​ទាំង​បុរាណ​ សម័យ​ កំប្លែង និង​បទ​ចម្រៀង​ភ្លេង​ការ​ជា​ដើម។ ចំណុច​នេះ​ ត្រូវ​បាន​អ្នកគាំទ្រ​យល់​ថា លោក​ជាបុគ្គល​គំរូ​ល្អ​សម្រាប់​សង្គម​ពិសេស​យុវជនខ្មែរ​ផងដែរ។

លោក ដួង សុខគា បាន​បង្ហោះ​ខ្លឹមសារ​ខ្លី​ដោយបង្ហាញ​​នូវ​ក្តីព្រួយបាម្ភ​នៅ​លើបណ្តាញ​ថា​ “នឹក​បារម្ភ​បាត់​អាយ៉ៃ​ជា​កេរ្តិ៍​ដូនតា​យើង​ណាស់”។​ តារា​ពហុ​ជំនាញ ដួង សុខគា បាន​លើក​ឡើងទៀតថា អាសូរ​អាយ៉ៃ​ដែលជា​កេរ្តិ៍​ដូនតាខ្មែរ អាច​រលាយ​បើ​យើង​មិន​ជួយថែ។ ដោយ​ឡែក​ក៏មាន​ការ​បញ្ចេញ​ទស្សន:​របស់​មហាជន​ថា សម័យ​ថ្មី​លែង​មាន​ការ​គាំទ្រ​អាយ៉ៃ​វឹកវរ​ប្រែ​ជា​ស្ងាត់ ខ្លាច​ព្រួយ​តែបង់ទៅជាបាត់ខូចខាតរសាត់គួរ​ឲ្យ​ស្ដាយ ។

យ៉ាង​ណា​ក៏មាន​មតិខ្លះទៀត​បាន​ស្នើឲ្យ​មាន​ការបើ​បង្រៀង ឬវគ្គ​បណ្តុះបណ្តាល​ខ្លីៗ​ដើម្បីផ្តល់​ឱកាស​ដល់​យុវជន​ជំនាន់​ក្រោយ​ដែល​ស្រលាញ់​ផ្នែកនេះ​បានចូល​រៀនផង​ដែរ​ខណ:​ខ្លះទៀត​បាននិយាយ​ដែ​រថា​ក្រសួងវប្បធម៌ និងវិចិត្រសិល្ប: គួរយក​ចិត្តទុកដាក់​ក្នុងការអភិរក្ស និង​លើ​តម្កើន​វិស័យ​នេះផងដែរ។

ជា​ការពិតគេ​​កត់​សម្គាល់​ថា តារា​ប្រុស​លោក​ ដួង សុខគា ជារឿយ​ៗលោក​តែង​តែ​ចេញមុខ​បំផុស​ស្មារតី​ដល់​យុវជនដែល​ជាកូនខ្មែរ​គ្រប់រូបត្រូវ​នាំ​គ្នា​ដើម្បី​ចូលរួម​ថែរក្សា​តម្លៃ​វប្បធម៌ អរិយធម៌ និង​ភាសាជាតិ​អក្សរជាតិ​ដែល​ជា​កេរ្តិ៍​​ដំណែល​មរតក​ដូនតា​ខ្មែរ​ដ៏​ល្អផូរផង់៕

អត្ថបទ៖ ចាន់រ៉ា

The post ដួង សុខគា បារម្ភខ្លាចបាត់បង់អាយ៉ៃកេរ្តិ៍ដូនតាខ្មែរបើគ្មានការចូលរួមថែរក្សា appeared first on Kampuchea Thmey Daily.

យុវតី ស្ងួនកវី សេរីរត្ន័ ជាអ្នករៀបចំក្រុមការងារតាំងឧបករណ៍ពិណ និងតន្ត្រីបុរាណខ្មែរ និងការសម្តែងវង់ភ្លេងពិណពាទ្យបានធ្វើការហាត់សមចំនួន១ដងរួចមកហើយ ដោយបានបញ្ចូលជាមួយឧបករណ៌ចាប៉ីដងវែងផងដែរ។

កញ្ញាបានឱ្យដឹងថា ចំពោះការហាត់សមមានការលំបាកបន្តិច ដោយសារតែឧបករណ៍ចាប៉ីពិបាកក្នុងការបញ្ចូលគ្នារវាងវង់ពិណពាទ្យ ដោយឧបករណ៍ចាប៉ីមានសំឡេងខ្សោយ បូករួមទាំងលេង និងច្រៀងក្នុងពេលតែមួយផង។ ប៉ុន្តែមិនជាថ្វីទេ ការហាត់សមរបស់ក្រុមខ្លួនបានដំណើរការយ៉ាងរលូន។

អ្នកគ្រូ សំ សត្យា មកពីសកលវិទ្យាល័យ ភូមិន្ទវិចិត្រសិល្បៈ ព្រឹទ្ធបុរសរងផ្នែក​មហាវិទ្យាល័យ​សិល្បៈនីតិសាស្ត្រប្រាប់ថា អ្នកគ្រូបានជ្រើសរើសរបាំលក្សីបុទុម ដើម្បីចូលរួមនៅក្នុងកម្មវិធី មហោស្រពនេះ។

អ្នកគ្រូ សំ សត្យាបន្តថា៖ «ខ្ញុំជ្រើសរើសសំណួរទី៣ មកដល់ពេលនេះ ពួកយើងខ្ញុំកំពុងតែត្រៀម​លក្ខណៈដើម្បីហាត់នៅថ្ងៃទី២៧ ចាប់ពីម៉ោង៥ ទៅប្រហែលជាយើងត្រូវហាត់សមរហូតដល់ ម៉ោង៨ ឬ៩យប់ ដោយសារនិស្សិតមួយចំនួនគាត់រៀននៅសាលាមធ្យម អញ្ចឹងនៅសាលាមធ្យម​គាត់មានបេសសកកម្មមួយ គាត់ហាត់ដើម្បីថ្ងៃខួបទី៧០ ៩ វិច្ឆិកាហ្នឹង»។

​សូមជំរាបថា “បុណ្យវប្បធម៌” នឹងមាន ពិព័រណ៍អំពីវប្បធម៌កម្ពុជា ប្រចាំឆ្នាំ២០២៣ ក្នុងគោលបំណង លើកតម្កើង​វប្បធម៌​ អរិយធម៌ខ្មែរ ឱ្យទូលំទូលាយ ផ្សព្វផ្សាយពីភាពអស្ចារ្យរបស់ខ្មែរទៅ​កាន់ពិភព​លោក ពិសេសចង់ឱ្យអ្នកចូលរួម ​ទទួលបាននូវបទពិសោធន៍ទាក់ទងទៅនឹងវប្បធម៌ខ្មែរ។

“បុណ្យវប្បធម៌” នឹងប្រព្រឹត្តឡើង ពីម៉ោង ៩ព្រឹក ដល់ ៩យប់ នៅថ្ងៃសៅរ៍ អាទិត្យ ទី២៨ ២៩ ខែតុលា ឆ្នាំ២០២៣ ខាងមុខនៅ Friend Future Factory (F3) វិថីព្រះអង្គអេង ផ្លូវលេខ១៣ ខាងជើងសារមន្ទីរជាតិ៕

The post សិល្បករបុរាណត្រៀមរួចរាល់សម្រាប់បុណ្យវប្បធម៌នៅថ្ងៃស្អែក appeared first on Kampuchea Thmey Daily.

តារាកំប្លែងអ្នកនាង កា ឆយ បាន​ជូនដំណឹងពីការចូលសង្គ្រោះបន្ទាន់របស់លោកគ្រូ ណុប និងស្វែងរកជំនួយដើម្បីសម្រួល​ដល់ថ្លៃព្យាបាលវីរ:សិល្បករភ្លេងបុរាណ និងជាគ្រូផ្នែកដៃឃឹមរូបនេះដែរ ប៉ុន្តែការប្រកាសពីដំណឹងនេះមិនទាន់បានប៉ុន្មានផងជាអកុសលលោកក៏បានទទួលមរណភាពទាំងក្តីអាល័យនិងសោកស្តាយជាពន់ពេក។

ដំណឹងមរណភាពនេះត្រូវបានតារាកំប្លែងអ្នកនាងកា  ឆយ បានរៀបរាប់ទាំងអារម្មណ៍ក្តុកក្តួលថា បងសំលាញ់អើយបងទៅចោលប្អូនម្នាក់ទៀតហើយ។ អ្នកនាង កា ឆយ បានបញ្ជាក់បន្ថែមថា សពរបស់គ្រូតម្កល់ធ្វើបុណ្យនៅវត្តនាគវន្តហេតុនេះសូមបងប្អូនមកចូលរួមពិធីបុណ្យសពរបស់គាត់ផង។

តាមរយ:ដំណឹងមរភាពរបស់អ្នកសិល្ប:ជើងចាស់ខា ងលើនេះភ្លាមៗនោះគឺគេឃើញអ្នកគាំទ្រព្រមទាំងសិ ល្បករ-សិល្បការិនីចាស់ក្មេងបានសម្តែងក្តីរន្ធត់ស្លុត ចិត្តជាខ្លាំងចំពោះការបាត់បង់ធនធានវីរ:សិល្បករដ៏មានតម្លៃនិងទេពកោសល្យផ្នែកតន្រ្តីបុរាណរូបនេះ។ក្នុងនោះក៏មានការផ្ញើសារចូលរួមរំលែកទុក្ខគ្រប់ៗគ្នាជាមួយក្រុមគ្រួសារលោកគ្រូ ណុបផងដែរ៕

អត្ថបទ៖ ចាន់រ៉ា

The post សិល្បករផ្នែកភ្លេងបុរាណ និងជាគ្រូដៃឃឹមទទួលមរណភាព ក្រោយធ្លាក់ខ្លួនឈឺធ្ងន់ appeared first on Kampuchea Thmey Daily.

បើតាមការឲ្យដឹងពីក្រុមព្រះសូរិយាបានបញ្ជាក់ថា ព្រឹទ្ធាចារ្យ សូត ឱក សិល្បករតន្រ្តីបុរាណឯកទេសរនាដឯកទទួល​មរណភាព​កាលពីនៅថ្ងៃទី២០ខែធ្នូ ឆ្នាំ ២០២២ នៅវេលាម៉ោង៩និង១០នាទីយប់។

មរណភាពរបស់លោកព្រឹទ្ធាចារ្យគឺជាការបាត់បង់ធនធានមនុស្សដ៏មានតម្លៃលើតន្រ្តីបុរាណខ្មែរពិសេសវង់ភ្លេងពិណពាទ្យដែលកន្លងមកលោកតាធ្លាប់បង្ហាត់បង្រៀនសិស្សជំនាន់ក្រោយឱ្យចេះជំនាញខាងឧបករណ៍ភ្លេងពិណពាទ្យ មានដូចជារនាតឯក រនាតធុងនិងគងវង់ធំជាបន្តបន្ទាប់។

លោកព្រឹទ្ធាចារ្យបានបម្រើវិស័យសិល្បៈតន្រ្តីបុរាណ លើជំនាញឧបករណ៍រនាដនិងគងវង់ធំតាំងពីទសវត្ស ៥០ រហូតដល់បច្ចុប្បន្ន។ លោកព្រឹទ្ធាចារ្យ សូត ឱក បានបន្សល់ទុកនូវបទភ្លេងពិណពាទ្យជាច្រើនបានផ្សព្វផ្សាយតាមកម្មវិធីបទទាំង​ឡាយនៅទូទាំងប្រទេសតាំងពីទសវត្ស ៨០រហូតមកដល់សព្វថ្ងៃ។

ពិធីបុណ្យសពរបស់លោកតាបានប្រារព្ធឡើងដោយក្រុមគ្រួសារតាមគន្លងប្រពៃណីព្រះពុទ្ធសាសនារួចរាល់អស់ហើយខណ:កម្មវិធីបុណ្យគម្រប់៧ថ្ងៃនិ ងប្រារព្ធធ្វើឡើងនៅថ្ងៃទី២៥និងថ្ងៃទី២៦ខែធ្នូ ឆ្នាំ ២០២២នាគេហដ្ឋានរបស់លោកតាក្នុងភូមិអូរតានៅឃុំមៀនស្រុកព្រៃឈរ ខេត្តកំពង់ចាម៕

អត្ថបទ៖ ចាន់រ៉ា

The post សិល្បករតន្រ្តីបុរាណ​ឯកទេសរនាដឯក បម្រើ​សិល្បៈ​ជាង ៧០ ឆ្នាំ ទទួលមរណភាព appeared first on Kampuchea Thmey Daily.

​ក្នុងដំណាក់កាល​នេះ គណៈកម្មការ​បានធ្វើកា​រ​ត្រួតពិនិត្យ​នូវ​រាល់​វីដេអូ​សម្ដែង​របស់​បេក្ខជន​ក្រុម​នីមួយៗ ហើយ​មានតែ​ក្រុម​ដែល​បំពេញ​លក្ខណៈ​ត្រឹមត្រូវ ស្របតាម​គោលការណ៍ និង​លក្ខន្តិកៈ​របស់​កម្មវិធី​ប៉ុណ្ណោះ ទើប​អាច​ឈានទៅ​វគ្គ​បន្ទាប់​បាន​។

​នា​ដំណាក់កាល​តម្រង់ទិស ឯកឧត្តម​សាស្ត្រាចារ្យ ព្រឿង ឈៀង បាន​មានប្រសាសន៍ថា​ល្ខោន​មួយ​ដែល​ល្អគន់ ត្រូវមាន​គុណសម្បត្តិ ​៣ ​យ៉ាង ទី​ ១ គឺ​អ្នក​សម្ដែង​ត្រូវមាន​នាដកម្ម (​ដាក់​មនោសញ្ចេតនា លេង​ទឹកមុខ ខឹង សប្បាយ​) ទី​ ២ គឺ​អ្នក​ច្រៀង​ត្រូវ​បញ្ចូល​មនោសញ្ចេតនា ទៅតាម​សាច់រឿង​ឈុត​ឆាក​និង​ទី​ ៣ អ្នកភ្លេង​ក៏ត្រូវ​ចូល​តួ​ទៅតាម​នោះដែរ ឧទាហរណ៍​ពេល​ដល់​ឈុត​កម្សត់ ភ្លេង​ត្រូវ​កម្សត់​តាម​នោះ មិនមែន​កន្ត្រាក់​ឡើយ​។

​ទាក់ទិន​ទៅនឹង​ផ្នែក​មនោសញ្ចេតនា​នេះ​ដដែល លោកស្រី​ព្រឹទ្ធាចារ្យ ប៉ែន សុខ​ហួន ក៏មាន​អនុសាសន៍​បន្ថែម​ផងដែរ​ថា​៖ “​បើតាម​ប្រសាសន៍​របស់លោក​យាយ ជា សាមី ល្ខោន​ក្បាច់បុរាណ គឺ​មនោសញ្ចេតនា ត្រូវ​លេង​ជាមួយ​ក្បាច់ បានន័យថា​យំសើច តាមរយៈ​កាយវិការ​ក្បាច់​នីមួយៗ មិន​ដូច​បាសាក់ យីកេ​ឡើយ​។ ហើយ​ក្បាច់​នោះ​ទៀតសោត​ត្រូវឱ្យ​ច្បាស់លាស់ និង​មាន​ទម្ងន់ ឧទាហរណ៍​ថា​ពេល​ចង្អុល​លក្ខណៈ​ខឹង ត្រូវ​ចង្អុល​ឱ្យ​ធ្ងន់ ឱ្យចំ​។​”

​ចំណែកឯ​លោកស្រី​សាស្ត្រាចារ្យ សំ សត្យា បាន​សង្កត់ធ្ងន់ថា ការ​រាំ ត្រូវដាក់​មនោសញ្ចេតនា​ទៅតាម​តួអង្គ ឧទាហរណ៍​តួ​នាង​សីតា​ពេល​ឃើញ​យក្ស និង​ឃើញ​មនុស្ស ភ័យ​ខុសគ្នា​។

​ការដាក់​មនោសញ្ចេតនា គឺ​ដើរតួ​សំខាន់​ក្នុងការ​រាំ ដើម្បីឱ្យ​ល្ខោន ឬ​របាំ​នោះ មាន​ភាពរស់រវើក ទាក់ភ្នែក​អ្នកមើល​ឱ្យចូល​អារម្មណ៍​តាម​។ ជា​ចុងក្រោយ ព្រឹទ្ធាចារ្យ​សិល្បៈ​ទាំង ​៣ ​រូប បាន​កោតសរសើរ​នូវ​ទឹកចិត្ត​ស្រឡាញ់ និង​អភិរក្ស​វប្បធម៌ សិល្បៈ​បុរាណ របស់​បេក្ខជន​ទាំងអស់ ដែលជា​អ្នក​បន្តវេន ជា​ធនធាន និង​ជា​គ្រាប់ពេជ្រ​កំពុង​ច្នៃ​។

​ឆ្លៀត​ក្នុងឱកាស​នោះ​ផងដែរ ក៏មាន​បទ​បង្ហាញ​ស្ដីពី​បច្ចេកទេស​ថត និង​ផ្សព្វផ្សាយ ដោយ​លោក ឆ​យ ធារ៉ា ជា​សមាជិក​នៃ​លេខាធិការដ្ឋាន​សស​យក ខេត្តស្វាយរៀង ដែល​លោក​បាន​ណែនាំ​អំពី​វិធី ​៨​ យ៉ាង ដើម្បី​ទទួលបាន​វីដេអូ​ប្រកបដោយ​គុណភាព​វិជ្ជាជីវៈ ក៏ដូចជា​ណែនាំ​ពី​កម្មវិធី​កាត់ត​វីដេអូ​ក្នុង​ទូរ​សព្ទ​ផងដែរ​។​

​សូមបញ្ជាក់​ផងដែរ​ថា ដំណាក់កាល​បន្ទាប់​នៃ​កម្មវិធី​ល្ខោន​ខ្មែរ គឺជា​ការ​ជម្រុះ​បេក្ខជន ដោយ​វាយតម្លៃ​លើ​វីដេអូ​សម្ដែង​របស់​ក្រុម​នីមួយៗ ហើយ​មានតែ ១២ ​ក្រុម​ប៉ុណ្ណោះ ទើប​អាច​ឆ្ពោះទៅ​វគ្គ​ក្រោយ​បាន​៕

​

The post ព្រឹទ្ធាចារ្យសិល្បៈ ៣ រូប សង្កត់ធ្ងន់ដូចគ្នាអំពី “មនោសញ្ចេតនា” ក្នុងពេលសម្ដែង appeared first on Kampuchea Thmey Daily.