សិល្បករផ្នែកភ្លេងបុរាណ និងជាគ្រូដៃឃឹមទទួលមរណភាព ក្រោយធ្លាក់ខ្លួនឈឺធ្ងន់

នេះជាដំណឹងមរណ:ទុក្ខដ៏ក្រៀមក្រំនិងសោកបំផុតសម្រាប់ក្រុម​គ្រួសារ ព្រមទាំងសិល្បករ-សិល្បការីនី ខណ:លោកគ្រូ ណុប ដែលជាវីរ:សិល្បករផ្នែកភ្លេងបុរាណ និងជាគ្រូដៃឃឹមបានទទួលមរណភាពក្រោយឈឺធ្ងន់ចូលសង្គ្រោះបន្ទាន់។

តារាកំប្លែងអ្នកនាង កា ឆយ បាន​ជូនដំណឹងពីការចូលសង្គ្រោះបន្ទាន់របស់លោកគ្រូ ណុប និងស្វែងរកជំនួយដើម្បីសម្រួល​ដល់ថ្លៃព្យាបាលវីរ:សិល្បករភ្លេងបុរាណ និងជាគ្រូផ្នែកដៃឃឹមរូបនេះដែរ ប៉ុន្តែការប្រកាសពីដំណឹងនេះមិនទាន់បានប៉ុន្មានផងជាអកុសលលោកក៏បានទទួលមរណភាពទាំងក្តីអាល័យនិងសោកស្តាយជាពន់ពេក។

ដំណឹងមរណភាពនេះត្រូវបានតារាកំប្លែងអ្នកនាងកា  ឆយ បានរៀបរាប់ទាំងអារម្មណ៍ក្តុកក្តួលថា បងសំលាញ់អើយបងទៅចោលប្អូនម្នាក់ទៀតហើយ។ អ្នកនាង កា ឆយ បានបញ្ជាក់បន្ថែមថា សពរបស់គ្រូតម្កល់ធ្វើបុណ្យនៅវត្តនាគវន្តហេតុនេះសូមបងប្អូនមកចូលរួមពិធីបុណ្យសពរបស់គាត់ផង។

តាមរយ:ដំណឹងមរភាពរបស់អ្នកសិល្ប:ជើងចាស់ខា ងលើនេះភ្លាមៗនោះគឺគេឃើញអ្នកគាំទ្រព្រមទាំងសិ ល្បករ-សិល្បការិនីចាស់ក្មេងបានសម្តែងក្តីរន្ធត់ស្លុត ចិត្តជាខ្លាំងចំពោះការបាត់បង់ធនធានវីរ:សិល្បករដ៏មានតម្លៃនិងទេពកោសល្យផ្នែកតន្រ្តីបុរាណរូបនេះ។ក្នុងនោះក៏មានការផ្ញើសារចូលរួមរំលែកទុក្ខគ្រប់ៗគ្នាជាមួយក្រុមគ្រួសារលោកគ្រូ ណុបផងដែរ៕

អត្ថបទ៖ ចាន់រ៉ា