ខាងក្រោមនេះ គឺជាការបកស្រាយនូវក្ដីសុបិនទាំង១០ដែលលោកអ្នកគួរពិចារណាតាមការគួរ៖

១ សុបិនថាបានចាប់លាមក

ប្រសិនបើអ្នកសុបិនឃើញចង់ចាប់លាមក អ្នកទំនងជាមានសំណាងអាក្រក់ ឬនឹងមានគ្រោះមហន្តរាយកេរ្តិ៍ឈ្មោះដែលត្រៀមនឹងកើតឡើង ឬត្រូវបានបង្កាច់បង្ខូចដោយមនុស្សដែលនិយាយដើម និងរិះគន់។ ម្យ៉ាងវិញទៀត នៅសម័យបុរាណ គេនិយាយថា មនុស្សម្នាក់នឹងស្វែងរកមិត្តរួមព្រលឹង ឬមានលាភសំណាងពីចាស់ទុំឆ្ងាយ ប្រសិនបើអ្នកព្រួយបារម្ភអំពីអ្វីមួយ អ្នកគួរតែទៅរកមនុស្សពេញវ័យ ដើម្បីសុំដំបូន្មាន នឹងទទួលបានជំនួយ និងការគាំទ្រដ៏ល្អមួយ។

២ សុបិនចង់រៀបការ

ប្រសិនបើសុបិនចង់រៀបការ វាមាន​លក្ខណៈ​វិនិច្ឆ័យ​ថា អ្នកនឹងទទួល​រង​គ្រោះ​អាក្រក់​យ៉ាង​ធ្ងន់ធ្ងរ ឬឈឺរហូតដល់ដេកលើគ្រែ ប៉ុន្តែកុំបារម្ភអី។ ព្រោះ​បើ​អ្នក​រួច​ផុត​ពី​សំណាង​អាក្រក់​នេះ អ្នក​នឹង​មាន​សំណាង​នៅ​ពេល​ក្រោយ។ សំណាងនឹងកើតចេញពីមនុស្សដែលមានស្បែកពីរពណ៌។ ដោយឡែក សម្រាប់​អ្នក​នៅ​លីវ ពេលនេះជាពេលមួយដែលមានឱកាសក្នុង​ការ​ស្វែងរក​មនុស្ស​ដែល​អ្នក​ចូលចិត្ត។ ប៉ុន្តែ​អាច​នឹង​មាន​រឿង​ស្នេហា​ជាន់​គ្នា​ដែល​រំខាន​និង​បង្ក​ឲ្យមាន​ការ​យល់​ច្រឡំ។ ចំពោះការងារ អ្នកអាចមាន​សំណាង​បាន​លាភតិចតួចប៉ុណ្ណោះ។

៣ សុបិនឃើញព្រះសង្ឃ

បើអ្នកឃើញព្រះសង្ឃ តាមជំនឿវាមានលក្ខណៈវិនិច្ឆ័យដែលទទួលបានសំណាងពីអ្វីមួយ។ ប្រសិនបើបុរសដែលមានគ្រួសារ នឹងបានប្រពន្ធថ្មីម្នាក់ទៀត។ បើ​អ្នក​ជា​ស្ត្រី​មាន​ផ្ទៃពោះ នោះ​គេ​ទាយ​ថា​អ្នក​នឹង​មានកូន​ស្រី​គួរ​ឲ្យស្រលាញ់​ម្នាក់។

៤ សុបិនមានផ្ទៃពោះ

បើសុបិនថាឃើញថាមានផ្ទៃពោះ វាអាចទាក់ទិននឹងហិរញ្ញវត្ថុ ឬការវិនិយោគដែលអ្នកនឹងជួបមាន​ឧបសគ្គ​ ​ធ្វើ​ឲ្យមិន​រលូន ដូច្នេះ​បើ​ធ្វើ​អ្វី​ក៏​ត្រូវ​ប្រយ័ត្ន ហើយពិចារណាឲ្យបានហ្មត់ចត់មុនពេលវិនិយោគដែរ។

៥ សុបិនឃើញពស់ចឹក

បើអ្នកសុបិនថាពស់ចឹក សូមប្រយ័ត្នសត្រូវនៃភេទផ្ទុយ ឬទទួលបានសំណាងអាក្រក់ពីអ្នកជិតខាង ហើយប្រហែលជាត្រូវផ្លាស់ប្តូរភារកិច្ច ឬការងារថ្មី។ ដើម្បីឲ្យមានសំណាងកាន់តែច្រើនសូមធ្វើបុណ្យឲ្យបានច្រើន។

៦ សុបិនអំពីអតីតមិត្តប្រុស

ប្រសិនបើអ្នកសុបិនអំពីអតីតរបស់អ្នក រាល់គំនិតរបស់អ្នកនឹងក្លាយជាការពិត ឬប្រសិនបើអ្នកមានកូន កុមារនេះនឹងក្លាយជាក្មេងស្រីដ៏ឆ្លាត។

៧ សុបិន្តឃើញដំរី

ប្រសិនបើអ្នកសុបិនឃើញសត្វដំរី អាចបកស្រាយបានថា រាល់សំណាងអាក្រក់ និង​ទុក្ខព្រួយនឹងបញ្ចប់ឆាប់ៗនេះ។ ជំងឺដែលមានស្រាប់នឹងធូរស្រាលបន្តិចម្តងៗ ហើយអ្នកនឹងទទួលបានលាភសំណាងពីមនុស្សចាស់ក្នុងពេលឆាប់ៗនេះដូចគ្នា។

៨ សុបិនឃើញធ្មេញជ្រុះ

បើអ្នកសុបិនថាធ្មេញរបស់អ្នកជ្រុះ ឬធ្មេញទាំងអស់ធ្លាក់ចេញពីមាត់ អាចទស្សន៍ទាយបានថា អ្នកមាន​សក្ដានុពល​ក្នុង​ការ​ទទួល​បាន​ទ្រព្យ​សម្បត្តិ​ពី​ការ​ធ្វើ​ពាណិជ្ជកម្ម ឬ​ការ​វិនិយោគអ្វីមួយ។

៩ សុបិនឃើញមឈូស

សុបិនឃើញមឈូស ប៉ុន្តែ​មិន​បាន​ឃើញ​សព​នៅ​ខាង​ក្នុង​ទេ។ វាអាចត្រូវបានបកស្រាយនៅក្នុងសុបិនថា អ្នកមានឱកាសទទួលបានដំណឹងល្អ។ ក្នុងអំឡុងពេលនេះជីវិតនឹងរលូន អ្នកនឹងទទួលបានលាភសំណាងពីចម្ងាយ នឹងមានការផ្លាស់ប្តូរភារកិច្ចការងារក្នុងទិសដៅល្អប្រសើរ។ ការសម្រេចចិត្តរបស់អ្នកនឹងត្រូវបានទទួលយកដោយអ្នកនៅជុំវិញ។ ចំពោះ អ្នក​នៅលីវ​ អាចលួច​ស្រលាញ់​អ្នក​មាន​ម្ចាស់ ហើយធ្វើឲ្យដៃគូគេមិនពេញចិត្តដល់ថ្នាក់បង្ក​ជា​ជម្លោះ។

១០ សុបិនឃើញឈាម

បើសុបិនឃើញឈាម អាចទស្សន៍ទាយបានថា អ្នកមានឱកាស​ទទួលបាន​លាភ​សំណាងពីរឿងអ្វីមួយដែលកំពុងផ្សងសំណាង។ យ៉ាងណា ឈាមតំណាងឲ្យលាភសំណាងនិងលុយកាក់ ដូច្នេះសូមកុំបារម្ភពេកអី៕

គ្រូ ណុប

ចុចអាន៖គួរ​តុបតែងផ្ទះបង្កើនសំណាង តាមរយៈរូបភាព​​ទាក់ទាញ​ទ្រព្យសម្បត្តិ​​ និងលាភសុខសប្បាយ

The post កត់ចំណាំទុក បើគេងយល់សប្តិឃើញ ១០ ប្រភេទនេះ គួរពិចារណា appeared first on Kampuchea Thmey Daily.

ដោយឡែក ការបកស្រាយនានាពីសុបិនខាងអប្បិយជំនឿ មិនមែនមានតែតាមពាក្យចាស់ៗផ្ដាំទុកនោះទេ វាក៏មានចារក្នុងក្បួនតម្រា ខណៈអត្ថន័យរបស់វា នឹងបកស្រាយតាមរូបភាពដែលម្ចាស់សុបិនបានឃើញ។

មិនថា អ្នកមានជំនឿឬអត់ ៣ចំណុចខាងក្រោមនេះ​ ជាការពិតមិនអាចប្រកែក ផ្អែកតាមតម្រាសុបិន ដែលមនុស្សជឿតាមតាំងពីបុរាណ តរហូតមកទល់បច្ចុប្បន្ន។

១. សីតុណ្ហភាពក្នុងបន្ទប់គេងកាន់តែត្រជាក់ អ្នកនឹងសុបិនកាន់តែអាក្រក់។ ជឿមិនជឿ ចាំសង្កេតមើលខ្លួនឯង អ្នកអាចនឹងភ្ញាក់ផ្អើល។

២. ប្រសិនបើយប់ណាមួយ អ្នកគេងមិនលក់សោះ នោះមានន័យថា អ្នកកំពុងស្ថិតក្នុងសុបិនរបស់នរណាម្នាក់។ អ្នកប្រហែលធ្លាប់ឮថា បើសុបិនឃើញគេញឹក គឺមានន័យថា យើងនឹកគិតពីគេខ្លាំង ខណៈបើគេងមិនលក់ រសាប់រសល់ពេញមួយយប់ អ្នកប្រាកដជានៅក្នុងសុបិនរបស់នរណាមិនខាន។

៣. មនុស្សពិការភ្នែកពីកំណើត ទោះបីសុបិនក៏នៅតែមិនអាចមើលឃើញដែរ។ ផ្ទុយពីមនុស្សមិនពិការពីកំណើត​ ពួកគេអាចសុបិនឃើញរូបភាពធម្មតា ដូចមនុស្សទូទៅ ​ ទោះមិនអាចមើលឃើញក្នុងជីវិតពិតក៏ដោយ៕

អត្ថបទ៖ សន្យា

ចុចអាន៖ ៦ យ៉ាង ​បកស្រាយសុបិន រួមភេទ របស់បុរស

ចុចអាន៖ យល់សប្ដិឃើញសត្វក្របី ប្រយ័ត្នមានគ្រោះអាក្រក់​ ចូលមកយាយីក្នុងជីវិត

The post ការពិត ៣យ៉ាងនៃសុបិន​ មនុស្សភាគច្រើនមិនធ្លាប់ដឹងសោះ appeared first on Kampuchea Thmey Daily.

ប្រុសស្រីឯណាសុបិន​ឃើញមនុស្សស្រីស្លៀកពាក់មានពណ៌ខ្មៅ ហើយដើរមករកខ្លួនជាហេតុឱ្យអ្នកសុបិន​ឃើញដឹងថានឹងមានមនុស្សមកគិតនឹងប្រទុសរាយជាមួយអ្នក ឬត្រូវបានអ្នកដទៃចោទប្រកាន់ឱ្យមានរឿងកង្វល់ណាមួយមិនខាន​គួរ​ប្រុង​ប្រយ័ត្នខ្លួន។

បើប្រុស​ស្រីណាសុបិន​ឃើញស្ត្រីណាប្លែកមុខមិនធ្លាប់ស្គាល់ពីមុនមកដើរមករក សុបិន​នេះបង្ហាញហេតុឱ្យដឹងថាមុខរបរ របស់អ្នកនឹងមានមនុស្សស្រីចូលហ៊ុនចំណែកជាមួយ នឹងជួយទាក់ទងអតិថិជនហើយមុខរបរនឹងបានសម្រេចផលល្អ។

បើប្រុស​ស្រីណាសុបិន​ឃើញស្ត្រីស្លៀកពាក់ពណ៌ក្រហមដើរមករកខ្លួន សុបិន​នេះ​ប្រាប់ហេតុឱ្យដឹងថា អ្នកនឹងទទួលនូវសេចក្តីក្តៅក្រហាយក្នុងរឿងលុយកាក់មិនខានគួរប្រយ័ត្នផង។ ក្នុងសុបិននេះដែរ បើសិនជាអ្នកសុបិនឃើញ​ស្ត្រីស្លៀកពាក់ឈុតពណ៌សមករក អ្នកសុបិននឹង​ប្រាកដដោយសេចក្តីសុខត្រជាក់ត្រជុំក្នុងគ្រួសារមិនខាន។

បើប្រុសស្រីណាសុបិន​ឃើញស្ត្រីខ្លួនទទេ ដើរមករកអ្នកជាហេតុឱ្យដឹងថា អ្នកនឹងបានលាភអណ្តែតមិនខាន ដែលលាភនេះបានកើតចេញពីការភ្នាល់ណាមួយ។

ជាចុងក្រោយនៃការសុបិន​ឃើញស្ត្រីទាំង៦ចំណុច បើអ្នកសុបិនឃើញថាខ្លួនបានរួមដំណេកជាមួយស្ត្រីម្នាក់ឬបុរសម្នាក់ដែលជាគូវាសនារបស់អ្នក ជាហេតុឱ្យដឹងថាអ្នកនឹង​មានមនុស្សប្រុសឬស្រីស្រឡាញ់ផ្សេងទៀត។ បើជាការងាររាជការអ្នកធំ​នឹង​មានសេចក្តីអាណិតអាសូរដល់អ្នកមិនខាន។

នេះជាអត្ថន័យនៃការបកស្រាយក្នុងសុបិន​​ពាក់ព័ន្ធ​មនុស្សស្រីទាំង៦ប្រភេទដែលកម្ពុជាថ្មីបានស្រាវជ្រាវចេញពីតម្រាទស្សទាយបុរាណ​ដែលបានបន្សល់ទុក សម្រាប់ការយល់ដឹង​ជាប្រយោជន៍ដល់អ្នកអាន​ស្វែង​យល់​តាម​ការ​ពិចារណា៕

អត្ថបទ៖ សៅ សារិទ្ធ

The post សុបិន​​ឃើញ​មនុ​ស្ស​ស្រី​ ៦ ប្រភេទ ក្បួនហោរ៉ា​ប្រាប់​ប្រផ្នូលឲ្យ​ដឹង​មុន​ appeared first on Kampuchea Thmey Daily.

កត្តា​ផ្សេង​ទៀត​ដូចជា​ស្ត្រេស​ ឬ​ការ​ប៉ះ​ទង្គិច​ផ្លូវ​ចិត្ត​ ក៏​អាច​បណ្ដាល​ឱ្យ​មនុស្ស​មាន​សុបិន​អាក្រក់ ​ដែល​ធ្វើ​ឲ្យ​ពួកគេ​មិន​ចង់ចង​ចាំ​នៅ​ថ្ងៃ​បន្ទាប់ដែរ។ ឧទាហរណ៍​មនុស្ស​ម្នាក់​ដែល​មាន​ទុក្ខ​ព្រួយ​ បន្ទាប់ពី​បាត់បង់​មនុស្ស​ជា​ទី​ស្រឡាញ់​ ក៏​អាច​សុបិន​អំពី​ការ​ស្លាប់ ​និង​ចងចាំ​នៅ​រឿង​អាក្រក់ៗ​ដូចគ្នា។ ដូច្នេះការ​ចងចាំ​សុបិន​នៅ​ថ្ងៃ​បន្ទាប់​ អាច​ប៉ះពាល់​ដល់​អារម្មណ៍​និង​បណ្ដាល​ឱ្យ​មាន​ភាព​តានតឹង​ឬ​ការ​ថប់​បារម្ភ​កាន់​តែ​ខ្លាំង ​ទើបពួកគេ​មិនចង់ចងចាំ​វាឡើយ។

លោក Andrillon មានប្រសាសន៍ថា “អំឡុង​ពេល​នៃ​ដំណេក​ទិន្នន័យ​មួយចំនួនបានបញ្ជូន​ព័ត៌មាន​ទៅ​ក្នុង​ខួរក្បាល​ ប៉ុន្តែ​ខួរក្បាលមិន​ទទួល​បាននោះទេ។ លុះនៅ​ពេល​ភ្ញាក់​ដឹង​ខ្លួន ​ខួរក្បាល​ប្រហែល​ជា​ត្រូវ​ការ​ពេល​វេលា​យ៉ាងតិច ២ នាទី ​ដើម្បី​ចាប់ផ្ដើម​បង្កើត​​សមត្ថភាព​នៃ​ការ​ចងចាំនោះឡើង។”

នៅ​ក្នុង​ការ​សិក្សា​ឆ្នាំ ២០១៧ ដែល​បាន​ចុះផ្សាយ​នៅ​ក្នុង​ទស្សនាវដ្ដី Frontiers in Human Neuroscience ក្រុម​អ្នក​ស្រាវជ្រាវ​នៅ​ប្រទេស​បារាំង​បាន​តាមដាន​លំនាំ​ដំណេក​របស់​មនុស្ស ១៨ នាក់ ​ដែល​រាយការណ៍​ពី​ការ​ចងចាំ​សុបិន​របស់​ពួកគេ​តែ​រាល់ថ្ងៃ​។

ក្រុម​នេះ​បាន​រក​ឃើញ​ថា​ ក្រុម​ដែលចងចាំ​​សុបិន ជាក្រុមដែលបាន​ភ្ញាក់​​ពី​ដំណេក​ញឹកញាប់​នៅ​ពេល​យប់។ ការ​ភ្ញាក់​ពី​កណ្ដាល​យប់​មាន​រយៈពេល​ជា​មធ្យម ២ នាទីអាចធ្វើឲ្យពួកគេ​ប្រមូល​មកការចងចាំនៅ​សុបិន​ឡើងមកបាននៅពេលព្រឹក។

ប៉ុន្តែ​អ្នក​ខ្លះ​បាន​លើក​ឡើង​ថា បញ្ហា​​ប្រព័ន្ធ​សរសៃ​ប្រសាទ​មនុស្សម្នាក់ៗ ក៏អាច​ជា​ហេតុផល​ដែល​បណ្ដាលឲ្យភ្លេច​សុបិន​៕

ប្រែសម្រួល ៖ សាង ស្រីល័ក្ខ

ចុចអាន៖ អត្ថន័យ​ក្នុង​សុបិន ​៦យ៉ាង​បញ្ជាក់​ហេតុការណ៍​ក្នុង​ជីវិត​ពិត​ ដែល​អ្នក​មិន​គួរ​ព្រងើយ​កន្តើយ

ចុចអាន៖ រឿង​អស្ចារ្យ​ទាំង ៧ ដែល​យើង​មិន​ធ្លាប់​បាន​ដឹង​ពី​សុបិន

The post ហេតុអ្វីពេលខ្លះ ក្រោក​ពីគេងមិនចងចាំសុបិនសោះ? appeared first on Kampuchea Thmey Daily.

ប្រសិនបើអ្នកសុបិន្តអំពីនរណាម្នាក់ដែលអ្នកមិនបានឃើញជាយូរមកហើយពួកគេក្នុងជីវិតពិត ទំនងជាបានគិតអំពីអ្នក នឹកអ្នក និយាយអំពីអ្នក ឬអាចនឹងលេចមុខនៅក្នុងជីវិតរបស់អ្នកឆាប់ៗនេះ។

ម៉្យាងវិញទៀតនៅពេលដែលអ្នកសុបិន្តអំពីមិត្តភក្តិអ្នករួមការងារ ឬសង្សាអតីត រឿងអ្វីមួយថ្មី​ទាក់ទិននឹងពួកគេ​មុខជាកើតមាន​ឆាប់ៗមិនខាន។ គេអាចកំពុងតែគិតអំពីអ្នក សន្និវាសនឹងនាំគេឱ្យមកទាក់ទាមអ្វីមួយនឹងអ្នកឡើងវិញ។ នៅពេលអ្នកឃើញពួកគេក្នុងសុបិន សូមយកចិត្តទុកដាក់ចំពោះសកម្មភាពឬភាសាកាយវិការរបស់ពួកគេ។ អ្នកនឹងកាត់យល់បានយ៉ាងឆាប់រហ័សថាតើពួកគេមានគំនិតវិជ្ជមានឬអវិជ្ជមានមកលើអ្នក។

ប្រសិនបើអ្នកមិនចង់បានមនុស្សនេះមកទាក់ទិនក្នុងជីវិតទេកុំនិយាយពីក្តីសុបិននេះទៅកាន់ពួកគេ។ ផ្ទុយទៅវិញប្រសិនបើការប្រាប់ពួកគេអំពីក្តីសុបិននោះអាចជួយបង្កើតនិស្ស័យចក្រវាលតភ្ជាប់គ្នា​ដែលអ្នកកំពុងស្វែងរក។

នៅពេលដែលអ្នកមានក្តីសុបិនអំពីនរណាម្នាក់ ជាការសំខាន់ក្នុងការចងចាំក្តីសុបិន្តឱ្យបានច្បាស់ ថាមានដំណើរ​ដូចម្តេចខ្លះ ដើម្បីយល់ច្បាស់ពីអត្ថន័យរបស់វា។

ខណៈពេលដែលអ្នកវិទ្យាសាស្រ្តមិនដឹងថា ហេតុអ្វីបានជាយើងមាន​សុបិនកើតមុនអ្វីមួយបម្រុងកើតក្នុងជីវិត​យើង វិជ្ជាភព និងតារាសាស្ត្រដឹងអត្ថន័យរបស់សុបិន​បើយើង​នៅមិននៅ ទៅយល់ប្តិឃើញគេម្នាក់នោះ៖

១ អ្នកចង់ឱ្យមនុស្សនោះមកចូលចិត្តឬស្រលាញ់ខ្លួន
នៅពេលអ្នកសុបិនអំពីនរណាម្នាក់ ជាសញ្ញាមួយថា ជីវិត​ពិតយើង​ចង់បានការយល់ព្រមចិត្តកាយ ឬការយកចិត្តទុកដាក់ពីពួកគេ។ នេះទំនងជាបណ្តាលមកពីការពិតដែលថាពួកគេបានព្រងើយកន្តើយនឹងអ្នក ឬមិនចូលរួមជាមួយគំនិតពិសេស​ក្នុងបេះដូងអ្នក។

២ អាចថា ម្នាក់នោះនឹងទទួលបានអត្ថប្រយោជន៍ពីអ្នក
ការមានក្តីសុបិនអំពីនរណាម្នាក់អាចជាសញ្ញាមួយទៀត ដែលប្រផ្នូលថា ពួកគេនឹងមកទាញយកប្រយោជន៍ពីអ្នកឬបណ្តាលឱ្យអ្នកឈឺចាប់ខាងផ្លូវចិត្ត។ ក្តីសុបិននេះអាចជាការព្រមានដែលអ្នកថែរក្សា ប្រាប់យើងឱ្យសង្ស័យចំពោះមនុស្សនេះនិងបំណងរបស់ពួកគេ ខ្លាចថា ទំនាក់ទំនងជាមួយមនុស្សនេះធ្វើឱ្យអ្នកងាយរងគ្រោះទាំងខាងផ្លូវចិត្តនិងហិរញ្ញវត្ថុ។

៣ ឃើញមនុស្សដដែលៗជាប់គ្នាច្រើនថ្ងៃអាចគេមានបំណងជួបយើង

រូបរាងរបស់មនុស្សជាក់លាក់ណាម្នាក់ កើតឡើងជាប់រដឹកនៅក្នុងក្តីសុបិន្តរបស់អ្នកមានន័យថា មានគេប្រាប់មុនអំពីអ្វីដែលជីវិតអ្នកអាចមានជាមួយពួកគេឆាប់ៗនេះ​អាចជា ការសហការ ការរកស៊ី ឬជួបចៃដន្យ​ឬស្រលាញ់គ្នាបាន។

៤ សុបិនអំពីនរណាកំពុងមានអារម្មណ៍ឯកកោសោកសៅ

អាចប្រាប់ថា​គេនោះក្នុងជីវិត​ពិតកំពុងនឹកមកដល់អ្នកយ៉ាងខ្លាំងហើយចង់ជួបអ្នក។

៥ បើឃើញគេនោះមកញ៉ែប៉ប្រែ

វាមិនពិបាកកាត់ន័យទេ​សុបិននេះត្រង់ណាស់ គឺគេកំពុងស្រលាញ់អ្នកពិតមែន​ចង់តែឱ្យអ្នកដទៃដឹងថា​អ្នកជាកម្មសិទ្ធិរបស់គេ​ជាឯកសិទ្ធិ​ដែលគេមិនចង់រំលែកជាមួយអ្នកណាទាំងអស់។

ដំណឹងល្អគឺថាពួកគេទំនងជាគិតអំពីអ្នកផងដែររាល់ពេល​អ្នកយល់សប្តិឃើញគេម្តងៗ ពិសេស​ពេលដែលឃើញគេមកនិយាយល្អៗ ស្និទ្ធស្នាលនឹងអ្នក៕

គ្រូ ឯម

ប្រភព៖ ryanhart

ចុចអាន៖ បើឃើញមានគេមកអង្អែលសក់ក្នុងសុបិន អាចថាដល់គូហើយ

ចុចអាន៖ ស្ករគ្រាប់ក្នុងសុបិន មានន័យថាអ្នកនឹងធ្លាក់ក្នុងអន្លង់ស្នេហ៍

The post ពិតទេថា យើងគេងសុបិនឃើញគេព្រោះគេនឹកយើង? appeared first on Kampuchea Thmey Daily.

ប៉ុន្តែ​ទាំង​នោះមិនសុទ្ធ​តែ​​ដូច​ក្នុង​សុបិន​ទាំង​អស់នោះ​ទេ​ ពេល​ខ្លះអ្វី​ដែល​យើង​ឃើញ​ក្នុង​សុបិន​ ជា​រឿយៗ​អាច​ជាប់​ទាក់ទង​នឹង​ជីវិត​ប្រចាំថ្ងៃ​របស់​យើង​ជាង​អ្វី​ដែល​កំពុង​កើត​ឡើង​នៅ​ក្នុង​ក្ដី​សុបិន។ ខួរក្បាល​របស់​យើង​កំពុង​ព្យាយាម​ប្រាប់​​ថា​មាន​អ្វីមួយ​ខុស​ប្រក្រតី​ហើយ​ចាប់ផ្ដើម​ភ័យ​ខ្លាច​ ទោះ​បី​ជា​យើង​មាន​អារម្មណ៍​ល្អ​នៅ​ក្នុង​ជីវិត​ពិត​ក៏​ដោយ។ Kpt plus នឹង​បកស្រាយ​អត្ថន័យ​នៃ​សុបិន​ដែល​តែង​តែ​កើត​មាន​ក្នុង​ជីវិត​របស់​យើង។

១.ឃើញ​គេ​បោះបង់​​ចោល

នេះ​គឺ​ជា​អារម្មណ៍​ដ៏​មាន​ឥទ្ធិពល​នៅ​ក្នុង​ក្ដី​សុបិន​មនុស្ស​ដែល​អ្នក​ស្រលាញ់​បាន​ចាកចេញ​ពី​អ្នក​ ហើយ​អ្នក​ពិត​ជា​មិន​អាច​ធ្វើអ្វី​បាន​ទេ។ ពេលភ្ញាក់​ឡើង​ពី​អារម្មណ៍​ដែល​ត្រូវ​គេ​បោះបង់​ចោល​និង​ឯកោ​សុបិន​នេះ​ច្រើន​តែ​មាន​ន័យ​ថា ​អ្នក​ខ្លាច​នរណា​ម្នាក់​នៅ​ក្នុង​ជីវិត​របស់​អ្នក​រសាត់​ទៅ​ឆ្ងាយ។ វា​ក៏​អាច​មាន​ន័យ​ថា​អ្នក​នឹង​ត្រូវ​ឃ្លាតឆ្ងាយ​ពី​អ្នក​ដែល​នៅ​ក្បែរ​ខ្លួន​ឬ​ក៏​មក​ពី​អារម្មណ៍​របស់​យើង​បារម្ភ​ហួសហេតុ​ពី​ម្នាក់​នោះ។

២.កំហឹង

ក្នុង​សុបិន​អ្នក​ខឹង​មិន​សម​ហេតុផល​ច្រើន​តែ​ទាក់ទង​នឹង​រឿង​ដែល​ធ្វើ​ឱ្យ​អ្នក​ខកចិត្ត​ក្នុង​ជីវិត​ពិត។ ភាគ​ច្រើន​អ្នក​កំពុង​ដោះស្រាយ​នូវ​ស្ថានភាព​មិន​ពិត​ ហើយ​មិន​អាច​មាន​ប្រតិកម្ម​ចំពោះ​ពួកគេ​ទេ។ សុបិន​អំពី​ការ​ខឹង​អាច​មាន​ន័យ​ថា ​អ្នក​ត្រូវ​ទុក​ឱ្យ​ភាព​តានតឹង​របស់​អ្នក​ចេញ​ ហើយ​ដោះស្រាយ​រឿង​ដែល​ធ្វើ​ឱ្យ​អ្នក​ខក​ចិត្ត។

៣.អំពើ​ហឹង្សា

តើ​អ្នក​ធ្លាប់​សុបិន​ឃើញ​កន្លែង​ដែល​អ្នក​ប្រើ​អំពើ​ហិង្សា​យ៉ាង​ខ្លាំង​ចំពោះ​មនុស្ស? ​មិន​ជា​រឿង​ចម្លែក​ទេ​សម្រាប់​មនុស្ស​ដែល​មាន​សុជីវធម៌​បំផុត​តែ​សុបិន​អាក្រក់​នៅ​កន្លែង​ដែល​ពួកគេ​ធ្វើ​បាប​នរណា​ម្នាក់​ ឬ​ថែម​ទាំង​សម្លាប់​ពួកគេ​ទៀត​ផង។ជា​ធម្មតា​នេះ​គឺ​ជា​សញ្ញា​សំខាន់​មួយ​ដែល​ថា​អ្វី​មួយ​កំពុង​មាន​ឥទ្ធិពល​លើ​អ្នក​យ៉ាង​ខ្លាំង​នៅ​ក្នុង​ពិភព​ពិត។ នេះ​អាច​មាន​ន័យ​ថា ​អ្នក​នឹង​បាត់បង់​ការ​គ្រប់គ្រង​ក្នុងជីវិត​ឬ​ក៏​មាន​នរណា​ម្នាក់​ធ្វើ​ឲ្យអាក់​អន់​ចិត្ត​យ៉ាង​ខ្លាំង​ ដូច្នេះ​អ្នក​ត្រូវ​ដោះ​លែង​វា​ចេញ។

៤.មនោសញ្ចេតនា

នៅ​ក្នុង​ក្ដី​សុបិន​អ្នក​ឃើញ​ខ្លួនឯង​មាន​មនោសញ្ចេតនា​ដ៏​ជ្រាលជ្រៅ​ជាមួយ​នរណា​ម្នាក់។ ពេល​ខ្លះ​អារម្មណ៍​ទាំង​នេះ​គឺ​ជា​អារម្មណ៍​ដែល​អ្នក​មិន​អាច​បង្ហាញ​នៅ​ក្នុង​ជីវិត​ពិត​ ឬ​អ្នក​មិន​ក្លាហាន​ក្នុង​ការ​សារភាព​ទៅ​កាន់​នរណា​ម្នាក់​ផ្សេង​ទៀត។ វា​ជា​អារម្មណ៍​របស់​ខួរក្បាល​ដែល​ចង្អុល​ប្រាប់​ថា ​អ្នក​មាន​អារម្មណ៍​ជ្រាលជ្រៅ​ហើយ​ត្រូវ​ការ​ដោះលែង​វា​តាម​រយៈសុបិន។ សុបិន​រ៉ូមែនទិក​ក៏​អាច​និយាយ​អំពី​បំណង​ប្រាថ្នា​រឹងមាំ​សម្រាប់​អ្វី​មួយ​នៅ​ក្នុង​ជីវិត​ពិត។ ជួនកាល​មិន​ចាំ​បាច់​ទាល់​តែ​អ្នក​មាន​អារម្មណ៍​ចំពោះ​នរណា​ម្នាក់​នោះ​ទេ ​ប៉ុន្តែ​មាន​អ្វី​មួយ​នៅ​ក្នុង​ជីវិត​របស់​យើង​ដែល​ស្រលាញ់​ខ្លាំង​ជា​ទី​បំផុត។

៥.បរាជ័យនៅអ្វីមួយ

សុបិន​កន្លែង​ដែល​រឿង​បរាជ័យ​នៅ​អ្វី​មួយ​ ទោះ​បី​វា​ធំ​ឬ​តូច​ក៏​ដោយ​ តាម​ការ​ពិត​នោះ​វា​គ្រាន់​តែជាការបារម្ភ​ថា​យើង​អាច​មិន​ល្អ​គ្រប់គ្រាន់ប៉ុណ្ណោះ។ អ្វី​ដែល​កំពុង​កើតឡើង​នៅ​ក្នុង​ជីវិត​ប្រចាំថ្ងៃ​របស់​អ្នក​ អាច​ចង្អុល​បង្ហាញ​អ្នក​ពី​ទិសដៅ​នៃ​ការ​ព្រួយបារម្ភ​ទាំង​នេះ។

៦.កំពុងបាត់បង់

ប្រសិន​បើ​អ្នក​យល់ថា​ខ្លួន​ឯង​កំពុង​សុបិន​ថា ​បាន​បាត់បង់​ឬ​ជំពប់​ជើង​ដួល​នៅ​ក្នុង​ព្រៃ​ដែល​គ្មាន​ទិសដៅ​ នោះមាន​ន័យ​ថា​ យើង​នឹង​យល់​ច្រឡំ​អំពី​អ្វី​មួយ​នៅ​ក្នុង​ជីវិត​ពិត។ អ្នក​កំពុងតែ​ធ្វើ​ការ​សម្រេច​ចិត្ត​អ្វី​មួយ​ ប៉ុន្តែ​មិន​ប្រាកដ​ថា​ត្រូវ​ជ្រើសរើស​ឬ​អត់? ពេល​អ្នក​តស៊ូ​នឹង​ការ​សម្រេច​ចិត្ត​ក្នុង​ពិភព​ពិត​កាន់​តែ​ច្រើន​ យើង​កាន់​តែ​សុបិន​អំពី​ការ​បាត់បង់​កាន់​តែ​ច្រើន​ដូចគ្នា ៕

ប្រែសម្រួល ៖ សាង​ ស្រីល័ក្ខ

ចុចអាន៖ យល់សប្តិឃើញពស់ អត្ថន័យ​គេតាមស្រលាញ់?

The post អត្ថន័យ​ក្នុង​សុបិន​​បញ្ជាក់​ពី​អារម្មណ៍​ដែល​សេសសល់ appeared first on Kampuchea Thmey Daily.