ជំនឿ

អត្ថន័យក្នុងសុបិន ៦យ៉ាងបញ្ជាក់ហេតុការណ៍ក្នុងជីវិតពិត ដែលអ្នកមិនគួរព្រងើយកន្តើយ

Published

2 months ago

December 30, 2020

ជាញឹកញាប់ សុបិនតែងកើតមានក្នុងពេលដែលអ្នកគេងលក់ ហើយវាតែងតែបង្ហាញជាសញ្ញាដែលចង់បញ្ជាក់ន័យអ្វីមួយដល់អ្នក។
ខាងក្រោមនេះ គឺជាអត្ថន័យទូទៅ ៦ យ៉ាង ដែលអ្នកត្រូវតែដឹង៖

១. សុបិនឃើញបាត់បង់ឬជាប់ក្នុងកន្លែងណាមួយ

ការវង្វេងបាត់ ឬជាប់អន្ទាក់ ជាធម្មតាមានន័យថា អ្នកមិនប្រាកដអំពីអ្វីដែលត្រូវធ្វើជាក់លាក់ នៅក្នុងជីវិតពិត។ មនុស្សដែលសុបិនអំពីការបាត់ខ្លួននៅក្នុងព្រៃ អាគារធំៗ ឬរចនាសម្ព័ន្ធដូចផ្ទាំងគំនូរ ជាទូទៅតែងឆ្លុះបញ្ចាំងពីបន្ទុកផ្លូវចិត្ត រាងកាយ ហិរញ្ញវត្ថុ ឬអារម្មណ៍ដែលពួកគេកំពុងជួបប្រទះនៅក្នុងជីវិតពិត។

២. ខកខានឱកាសណាមួយ

តើអ្នកធ្លាប់សុបិនអំពីការដឹកជញ្ជូនសាធារណៈ ហើយបាត់របស់ ឬក៏ត្រូវឡានក្រុង រថភ្លើង ឬតាក់ស៊ីចេញចោលដែរទេ? ជារឿយៗមនុស្សដែលសុបិនអំពីរូបភាពបែបនេះ គឺតែងតែងផ្សារភ្ជាប់នឹងទំនោរទៅរកជីវិតពិតរបស់ពួកគេ។ សុបិននេះ អាចឆ្លុះបញ្ចាំងពីការសោកស្ដាយ ដែលពួកគេមាន ហើយមិនបានដើរតាមអ្វីដែលអ្នកចង់បាន។

៣. ឃើញរថយន្ត

មនុស្សដែលសុបិនអំពីហេតុការណ៍ទាំងនេះ ជាធម្មតាតែងឃើញខ្លួនឯងនៅក្នុងឬក្បែររថយន្ត។ ពួកគេអាចជាអ្នកបើកបរ ឬជាអ្នកដំណើរនៅពេលដែលពួកគេជួបប្រទះនូវការជាន់ហ្វ្រាំង កង់ឡាន ឬក៏ត្រូវបានបុកដោយឡានផ្សេងទៀត។ នៅក្នុងជីវិតពិត ជាធម្មតាមានន័យថា ពួកគេមិនបានគ្រប់គ្រងលើស្ថានភាពណាមួយ ឬអ្នកអាចឈានទៅរកបញ្ហានាពេលអនាគតមើលមិនឃើញ។

៤. បរាជ័យតេស្តអ្វីមួយ

ហេតុការណ៍នៃសុបិន ទូទៅរួមមានមានបញ្ហាក្នុងការស្វែងរកបន្ទប់ប្រឡង ដោយមិនបានត្រៀមទុកមុន ពីកង្វះការសិក្សាឬបាត់ឧបករណ៍ដើម្បីបញ្ចប់វា។ នេះចង់បញ្ជាក់ថា អ្នកកំពុងមានអារម្មណ៍ដូចត្រូវបានគេសាកល្បងនៅក្នុងជីវិតពិត ដែលធ្វើឱ្យអ្នកព្រួយបារម្ភអំពីអនាគតរបស់អ្នក។

៥. ត្រូវបានគេដេញ

នេះគឺជាសុបិនទូទៅ ដែលមនុស្សមានការថប់បារម្ភតែងតែសុបិនញឹកជាងគេ។ ជាធម្មតាពួកគេសុបិនឃើញត្រូវបានដេញ ដោយសត្វ មនុស្សឬអ្វីមួយដែលអ្នកមិនស្គាល់ ហើយធ្វើឲ្យអ្នកភ័យ។ នៅក្នុងជីវិតពិតវាមានន័យថា អ្នកកំពុងព្យាយាមរត់ចេញពីស្ថានភាពជាក់លាក់មួយ ឬវាអាចជាអារម្មណ៍ដែលអ្នកត្រៀមខ្លួន ប្រឈមមុខនឹងបញ្ហានេះ មិនថាវាជាការសោកសៅឬការបែកបាក់គ្នា។

៦. ធ្លាក់ឬលិចចូលទៅកន្លែងណាមួយ

មនុស្សដែលសុបិនពីហេតុការណ៍ដូចជា ពួកគេធ្លាក់ពីអាគារខ្ពស់ ឬលិចចូលក្នុងមហាសមុទ្រ នោះមានន័យថា ពួកគេមានអារម្មណ៍អស់សង្ឃឹមនិងធុញទ្រាន់ ឬមិនពេញចិត្តនឹងកន្លែងដែលអ្នកកំពុងរស់នៅ៕

អត្ថបទ៖ សាង ស្រីល័ក្ខ

ចុចអាន៖ សុបិនឃើញសាកសព មិនអាក្រក់ដូចស្មានទេ កុំភ័យ!

ចុចអាន៖ យល់សប្តិឃើញស្វាយ ប្រផ្នូលវិជ្ជមានអំពីស្នេហា និងលុយកាក់