ប្រាកដណាស់កន្លងមកលោកលៀក លីដា ធ្លាប់បានអះអាងពីការផលិតរឿង​ “សោកនាដកម្មភ្នំខ្មោច” ថា លោកសម្រេចបោះទុនក្នុងការធ្វើរឿងនេះឡើង គឺក្នុងគោលបំណងដើម្បីបង្ហាញពិភពលោកឲ្យបានដឹងនូវទង្វើរដ៏អាក្រក់របស់ទាហ៊ានថៃមកលើជនភៀសសឹកកម្ពុជា”។

ដោយឡែក កាលពីថ្ងៃទី០៦ ខែមីនាឆ្នាំ២០២៦ ឱ្យដឹងថា លោកនិងក្រុមការងារផលិតរឿង “សោកនាដកម្មភ្នំខ្មោច ពិតសូមគោរពថ្លែងអំណរគុណយ៉ាងជ្រាលជ្រៅបំផុតដល់ឯកឧត្តម ឧត្តមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស និងជាមេបញ្ជាការកងរាជអាវុធហត្ថរាជធានីភ្នំពេញ ដែលបានផ្តល់ជាកាំភ្លើងក៏ដូចជាសម្ភារៈផ្សេងៗទៀត និងក្រុមការងារជំនាញដើម្បីជួយសម្រួលក្នុងការថតខ្សែភាពយន្តបែបប្រវត្តិសាស្ត្រ របស់ផលិតកម្មដែលមានចំ ណងជើងថា សោកនាដកម្មភ្នំខ្មោច”។

ថៅកែផលិតកម្ម LD រូបនេះបន្ថែមទៀតថា កិច្ចសហការនេះគឺជាកាយវិការវិជ្ជមានរបស់លោក ក្នុងការចូលរួមចំណែកលើកកម្ពស់វិស័យភាពយន្តកម្ពុជា ឱ្យកាន់តែមានភាពរីកចម្រើន។

គួរបញ្ជាក់ថា “សោកនាដកម្មភ្នំខ្មោច”គឺជារឿងប្រវត្តិសាស្រ្តដែលបានកើតរួចមកហើយ​​ ហើយជាប្រវត្តិសាស្រ្តពិតដែលគ្រប់គ្នាត្រូវទទួលស្គាល់។

គួររំលឹកដែរថា មុននឹងចាប់ផ្តើមគម្រោងផលិតរឿងរបស់ផលិតកម្មភាពយន្តខ្មែរមួយនេះ ផលិតកម្មបានប្រកាសស្វែងរកអ្នកដែលធ្លាប់ឆ្លងកាត់នូវហេតុការណ៍នោះផ្ទាល់ ដើម្បីរួមគ្នាបើកបង្ហាញការពិតទាំងស្រុង ពីទង្វើអមនុស្សធម៌របស់យោធាថៃកាលពីអតីតកាល ក្នុងន័យចងក្រងនូវការពិត ជូនខ្មែរជំនាន់ក្រោយមើល ក៏ដូចជាប្រាប់ការពិតទៅកាន់ពិភពលោក តាមរយៈវណ្ណកម្មភាពយន្តនេះផងដែរ។

តួយ៉ាង មានសាក្សីរស់ជាច្រើន បានអះអាងថា «ភ្នំខ្មោច» ជាភូមិសាស្ត្រព្រំដែនរបស់កម្ពុជា ដែលលាក់ទុកនូវសោកនាដកម្មដ៏ឃោរឃៅពីសំណាក់យោធាថៃមកលើរាស្ត្រខ្មែររាប់ពាន់នាក់ ពោលគឺអំឡុងពេលដែលកម្ពុជាកំពុងវឹកវរក្រោមរបបខ្មែរក្រហម ខណៈក្នុងចំណោមនោះ ក៏មានគ្រួសាររបស់អ្នកឧកញ៉ា វេជ្ជបណ្ឌិត គួច ម៉េងលី ផងដែរ បើផ្អែកតាមសៀវភៅ «ភ្នំដងរែក ទីពុំអាចភ្លេច» ស្នាដៃនិពន្ធផ្ទាល់របស់អ្នកឧកញ៉ាវេជ្ជបណ្ឌិត គួច ម៉េងលី ដែលបានរៀបរាប់ពីបទពិសោធជីវិតពិតរបស់លោកក្នុងឆ្នាំ១៩៧៩ និងការរស់រានមានជីវិតពីរបបខ្មែរក្រហម។

ផ្អែកលើព្រឹត្តិការណ៍ពិតតាមរយៈសៀវភៅ ផលិតកម្មភាពយន្ត LD ក៏បានសម្រេចចិត្តផលិតនូវភាពយន្តប្រវត្តិសាស្ត្រនេះឡើង ដោយឆ្លុះបង្ហាញអំពីសោកនាដកម្មនៅភ្នំខ្មោច ដោយគ្រោងចំណាយដើមទុនយ៉ាងសន្ធឹកសន្ធាប់ ខណៈទើបតែសម្ពោធ និងចាប់ផ្តើមសកម្មភាពនៃការថតភាពយន្តនេះថ្មីៗ ខណៈក្នុងនោះ មានការចូលរួមពីសិល្បករសិល្បការិនីជាច្រើនរូបចូលរួមសម្តែងផងដែរ។ តួយ៉ាង នៅថ្ងៃទី១នៃការចាប់ផ្តើមដំណើរការការថត ផលិតកម្មបានចំណាយថវិកាខ្ទង់មុឺនដុល្លារបាត់ទៅហើយ៕ ដោយ: ចាន់រ៉ា

The post ថៅកែ LD ចាត់ទុកកិច្ចសហការលោក រ័ត្ន ស្រ៊ាង ក្នុងការផ្តល់អាវុធ និងសម្ភារៈដើម្បីថតរឿង បានរួមចំណែកលើកកម្ពស់វិស័យភាពយន្តនៅកម្ពុជា appeared first on Kampuchea Thmey Daily.

តាមរយៈរឿងជាប្រវត្តិសាស្ត្រនេះ លោក លៀក លីដា ធ្លាប់បានអះអាងពីគោលបំណងនៃការផលិតដែរថា លោកសម្រេចបោះទុនក្នុងការធ្វើរឿងនេះឡើង គឺក្នុងគោលបំណងបង្កើតយុទ្ធនាការបណ្តុះគំនិតស្រលាញ់ជាតិតាមគ្រប់វិធី​ ឱ្យវាក្លាយទៅជាតួនាទីរបស់ខ្មែរទាំងអស់គ្នា ​តែមិនញុះញ៉ង់ឱ្យមានការរើសអើងពូជសាសន៍ទេ។ មួយទៀត គឺដើម្បីបង្ហាញពិភពលោកឱ្យបានដឹងនូវការពិត នៃទង្វើដ៏យង់ឃ្នងរបស់ទាហ៊ានថៃ មកលើជនភៀសសឹកកម្ពុជា។

គួររំលឹកដែរថា មុននឹងចាប់ផ្តើមគម្រោងផលិតរឿងរបស់ផលិតកម្មភាពយន្តខ្មែរមួយនេះ ផលិតកម្មបានប្រកាសស្វែងរកអ្នកដែលធ្លាប់ឆ្លងកាត់នូវហេតុការណ៍នោះផ្ទាល់ ដើម្បីរួមគ្នាបើកបង្ហាញការពិតទាំងស្រុង ពីទង្វើអមនុស្សធម៌របស់យោធាថៃកាលពីអតីតកាល ក្នុងន័យចងក្រងនូវការពិត ជូនខ្មែរជំនាន់ក្រោយមើល ក៏ដូចជាប្រាប់ការពិតទៅកាន់ពិភពលោក តាមរយៈវណ្ណកម្មភាពយន្តនេះផងដែរ។

តួយ៉ាង មានសាក្សីរស់ជាច្រើន បានអះអាងថា «ភ្នំខ្មោច» ជាភូមិសាស្ត្រព្រំដែនរបស់កម្ពុជា ដែលលាក់ទុកនូវសោកនាដកម្មដ៏ឃោរឃៅពីសំណាក់យោធាថៃមកលើរាស្ត្រខ្មែររាប់ពាន់នាក់ ពោលគឺអំឡុងពេលដែលកម្ពុជាកំពុងវឹកវរក្រោមរបបខ្មែរក្រហម ខណៈក្នុងចំណោមនោះ ក៏មានគ្រួសាររបស់អ្នកឧកញ៉ា វេជ្ជបណ្ឌិត គួច ម៉េងលី ផងដែរ បើផ្អែកតាមសៀវភៅ «ភ្នំដងរែក ទីពុំអាចភ្លេច» ស្នាដៃនិពន្ធផ្ទាល់របស់អ្នកឧកញ៉ាវេជ្ជបណ្ឌិត គួច ម៉េងលី ដែលបានរៀបរាប់ពីបទពិសោធជីវិតពិតរបស់លោកក្នុងឆ្នាំ១៩៧៩ និងការរស់រានមានជីវិតពីរបបខ្មែរក្រហម។

ផ្អែកលើព្រឹត្តិការណ៍ពិតតាមរយៈសៀវភៅ ផលិតកម្មភាពយន្ត LD ក៏បានសម្រេចចិត្តផលិតនូវភាពយន្តប្រវត្តិសាស្ត្រនេះឡើង ដោយឆ្លុះបង្ហាញអំពីសោកនាដកម្មនៅភ្នំខ្មោច ដោយគ្រោងចំណាយដើមទុនយ៉ាងសន្ធឹកសន្ធាប់ ខណៈទើបតែសម្ពោធ និងចាប់ផ្តើមសកម្មភាពនៃការថតភាពយន្តនេះថ្មីៗ ខណៈក្នុងនោះ មានការចូលរួមពីសិល្បករសិល្បការិនីជាច្រើនរូបចូលរួមសម្តែងផងដែរ។ តួយ៉ាង នៅថ្ងៃទី១នៃការចាប់ផ្តើមដំណើរការការថត ផលិតកម្មបានចំណាយថវិកាខ្ទង់មុឺនដុល្លារបាត់ទៅហើយ៕

The post LD ប្រកាសរកជនភៀសខ្លួនកម្ពុជា នៅជំរំព្រំដែនសៀម ចុងឆ្នាំ១៩៧៩-១៩៨២ ដើម្បីធ្វើបទសម្ភាសក្នុងរឿង «សោកនាដកម្មភ្នំខ្មោច» appeared first on Kampuchea Thmey Daily.

សម្រាប់ការចាយទុនរាប់សែនដុល្លារ ដើម្បីផលិតរឿងប្រវត្តិសាស្ត្រ “សោកនាសកម្មភ្នំខ្មោច” នេះឡើងគឺក្នុងគោលបំណង ដើម្បីបង្ហាញពិភពលោកឱ្យបានដឹងនូវទង្វើដ៏អាក្រក់របស់ទាហ៊ានថៃមកលើជនភៀសសឹកកម្ពុជាយ៉ាងព្រៃផ្សៃបំផុត។ នេះបើតាមការលើកឡើងរបស់លោក លៀក លីដា ដែលជាថៅកែផលិតកម្ម LD កាលពីថ្មីៗកន្លងទៅ។

ស្របពេលជាមួយគ្នានេះដែរ ផលិតករភាពយន្តរូបនេះ បានអះអាងថា រឿងប្រវត្តិសាស្រ្ត” សោកនាសកម្មភ្នំខ្មោចមិនមែនគ្រាន់តែជារឿងដែលនិយាយអំពីសាច់រឿងរបស់គ្រួសារលោកគ្រូ គួច ម៉េងលី តែម្នាក់ឯងប៉ុណ្ណោះទេ។ វាជារឿងប្រវត្តិសាស្ត្រដែលលោកផលិតឡើងពីការផ្គុំសាច់រឿងរបស់គ្រួសារជនរងគ្រោះផ្សេងៗដែលមានច្រើនសកម្មភាពច្រើនគ្រួសារខុសៗគ្នា។

ដោយឡែកកាលពីថ្ងៃទី២៣ ខែមករា ឆ្នាំ២០២៦ អ្នកឧកញ៉ា វេជ្ជបណ្ឌិត គួច ម៉េងលី ក៏បានអញ្ជើញចុះសួរសុខទុក្ខនិងទស្សនាសកម្មភាពនៃការថតភាពយន្តរឿង”សោកនាដកម្មភ្នំខ្មោច”ផងដែរ ដោយក្នុងសកម្មភាពនោះ អ្នកឧកញ៉ាក៏បានឧបត្ថម្ភថវិកាចំនួន ២ពាន់ដុល្លារ ដល់ក្រុមការងារផលិតនិងតួសម្តែងដែរ។

គួរឱ្យដឹងដែរថា ជាជំហរថៅកែផលិតកម្ម LD និងជាអ្នកដឹកនាំភាពយន្តដ៏ឆ្នើមរបស់ខ្មែរលោក លៀក លីដា បានអះអាងនិងប្តេជ្ញាឆន្ទ:របស់ខ្លួនថាទោះបីជាការថតរឿងប្រវត្តិសាស្ត្រ “សោកនាដកម្មភ្នំខ្មោច” មានការជួបភាពលំបាកយ៉ាងក៏ដោយក៏លោកនៅតែបន្តការថតរឿងប្រវត្តិសាស្ត្រមួយនេះរហូតដល់ចប់៕ ដោយ ៖ ចាន់រ៉ា

The post “សោកនាដកម្មភ្នំខ្មោច” មិនត្រឹមជាសាច់រឿងគ្រួសារបណ្ឌិត គួច ម៉េងលីទេ ជាការផ្គុំសាច់រឿងជនរងគ្រោះផ្សេងទៀត appeared first on Kampuchea Thmey Daily.

បើតាមលោកបណ្ឌិត ការប្រតិកម្មនឹងការផលិតភាពយន្តនេះ មិនមែនជាបញ្ហាសិល្បៈប៉ុណ្ណោះទេ ប៉ុន្តែជាចំណុចប្រសព្វរវាងប្រវត្តិសាស្ត្រ នយោបាយ សិទ្ធិមនុស្ស និងការគ្រប់គ្រងអនុស្សាវរីយ៍សង្គម ខណៈដែលថៃចង់បន្តរក្សាដំណើររឿងពីអតីតកាលទាំងស្រុង ថាខ្លួនជា “អ្នកផ្តល់ជំនួយ” មិនមែនជា “ភាគីពាក់ព័ន្ធ” ក្នុងវិបត្តិ។

តាមរយៈសារពីគណនីហ្វេសប៊ុក ថ្ងៃទី១៩ ខែមករា ឆ្នាំ២០២៦ លោក ជា ច័ន្ទបរិបូណ៌ រដ្ឋលេខាធិការក្រសួងព័ត៌មាន បានលើកឡើងកត្តាមួយចំនួន ដែលឆ្លុះបញ្ចាំងពីហេតុផលដែលអាចទៅរួច ចំពោះប្រតិកម្មរបស់ថៃលើគម្រោងខ្សែភាពយន្ត Ghost Mountain – The Second Killing Fields of Cambodia in Thailand ដូចតទៅ៖

១. ន័យនៃឈ្មោះ «ភ្នំខ្មោច»
ភ្នំខ្មោច គឺជាឈ្មោះដែលប្រជាជនខ្មែរ និងអ្នករស់នៅតំបន់ព្រំដែន បានហៅតំបន់ភ្នំមួយស្ថិតនៅជិតព្រំដែន កម្ពុជា–ថៃ ក្បែរ ប្រាសាទព្រះវិហារ ។ លោកគូសបញ្ជាក់ទៀតថា ឈ្មោះនេះ កើតឡើងពីការសម្លាប់យ៉ាងសាហាវលើជនស៊ីវិលខ្មែរ ដែលរត់គេចពីសង្គ្រាម និងរបបខ្មែរក្រហម នៅចុងទសវត្សរ៍ឆ្នាំ១៩៧០ និងដើមទសវត្សរ៍ឆ្នាំ១៩៨០ ។

២. បរិបទប្រវត្តិសាស្ត្រ
បន្ទាប់ពីរបបខ្មែរក្រហមដួលរលំក្នុងឆ្នាំ១៩៧៩ ប្រជាជនខ្មែររាប់សែននាក់បានរត់គេចខ្លួនចេញពីប្រទេស ដោយសង្ឃឹមថានឹងទៅរកសុវត្ថិភាពនៅប្រទេសថៃ។ ផ្លូវរត់គេចមួយចំនួនបានឆ្លងកាត់តំបន់ភ្នំ និងព្រៃជិតប្រាសាទព្រះវិហារ ដែលជាតំបន់មានគ្រោះថ្នាក់ខ្លាំង។

៣. មូលហេតុដែលហៅថា «វាលពិឃាតទី២»
ពាក្យ «វាលពិឃាតទី២» ត្រូវបានប្រើដើម្បីប្រៀបធៀបនឹងវាលពិឃាតក្នុងប្រទេសកម្ពុជា ក្រោមរបបខ្មែរក្រហម។
នៅភ្នំខ្មោច មានប្រជាជនខ្មែរជាច្រើន ស្លាប់ដោយអត់អាហារ និងទឹក, ស្លាប់ដោយជំងឺ, ស្លាប់ដោយគ្រាប់មីន, ស្លាប់ដោយការបាញ់ប្រហារ និងការប្រយុទ្ធតាមព្រំដែន, ស្លាប់ដោយការបណ្តេញត្រឡប់ (push back) នៅពេលព្យាយាមឆ្លងចូលដែនថៃ។ សពជាច្រើនមិនត្រូវបានបញ្ចុះត្រឹមត្រូវ បណ្តាលឲ្យតំបន់នេះ ត្រូវបានគេជឿថា មានខ្មោច និងវិញ្ញាណអ្នកស្លាប់ច្រើន។

៤. តួនាទីប្រាសាទព្រះវិហារ
តំបន់ជុំវិញ ប្រាសាទព្រះវិហារ មិនត្រឹមតែជាសម្បត្តិបេតិកភណ្ឌវប្បធម៌ទេ ប៉ុន្តែថែមទាំងជាតំបន់យុទ្ធសាស្ត្រសំខាន់ក្នុងសង្គ្រាម។ ការប្រយុទ្ធរវាងកងទ័ព ក្រុមប្រដាប់អាវុធ និងការគ្រប់គ្រងព្រំដែន បានធ្វើឱ្យជនស៊ីវិលជាច្រើនជាប់គាំង និងស្លាប់នៅតំបន់ភ្នំនេះ។

៥. ភ្នំខ្មោចក្នុងការចងចាំសង្គម
សម្រាប់ជនភៀសខ្លួន និងអ្នករស់រានមានជីវិត «ភ្នំខ្មោច» ជានិមិត្តរូបនៃទុក្ខវេទនា, ជាសាក្សីនៃការបាត់បង់ជីវិតពលរដ្ឋខ្មែរ និងជាប្រវត្តិសាស្ត្រដែលមិនគួរភ្លេច។ លោកថា សម្រាប់អ្នកស្រាវជ្រាវ និងអ្នកផលិតឯកសារ ប្រធានបទនេះត្រូវបានហៅថា “Ghost Mountain – The Second Killing Fields of Cambodia in Thailand” ដើម្បីឱ្យពិភពលោកយល់ថា ទុក្ខវេទនារបស់ជនជាតិខ្មែរ មិនបានបញ្ចប់ត្រឹមក្នុងព្រំដែនប្រទេសកម្ពុជានោះទេ។

៦. សារៈសំខាន់ប្រវត្តិសាស្ត្រ
ភ្នំខ្មោច គឺជាផ្នែកមួយនៃប្រវត្តិសាស្ត្រឈឺចាប់របស់ជាតិខ្មែរ ដែលបង្ហាញថា៖
• សង្គ្រាម និងនយោបាយអាចសម្លាប់ជីវិតជនស៊ីវិលដោយអមនុស្សធម៌។
• ជនភៀសខ្លួន គឺជាជនរងគ្រោះ មិនមែនជាអ្នកបង្កសង្គ្រាម។
• ប្រវត្តិសាស្ត្រត្រូវតែត្រូវបានរំលឹក ដើម្បីមិនឲ្យកើតឡើងម្ដងទៀត។

ដោយឡែក ពាក់ព័ន្ធនឹងមូលហេតុ ថាហេតុអ្វីបានជា ថៃ ប្រតិកម្មនឹងការផលិតភាពយន្ត ស្តីអំពី Ghost Mountain – The Second Killing Fields of Cambodia in Thailand នោះ លោក ជា ច័ន្ទបរិបូណ៌ បានគូសបញ្ជាក់ថា ៥ ចំណុច៖

១. បរិបទប្រវត្តិសាស្ត្រ និងនយោបាយឆ្លងដែន
ភាពយន្តនេះពាក់ព័ន្ធដោយផ្ទាល់នឹងអតីតកាលដ៏ឈឺរបស់ប្រជាជនកម្ពុជា ក្នុងសម័យខ្មែរក្រហម និងការរត់ភៀសខ្លួនរបស់ជនភៀសខ្លួនចូលទៅក្នុងទឹកដីថៃ។ ការរំលឹក និងបង្ហាញព្រឹត្តិការណ៍ហិង្សា ការសម្លាប់ និងការរំលោភសិទ្ធិមនុស្សលើដែនដីថៃ បង្កើតសំណួរធ្ងន់ធ្ងរចំពោះតួនាទីរបស់រដ្ឋថៃ និងអាជ្ញាធរពាក់ព័ន្ធក្នុងអតីតកាល។ ដូច្នេះ ប្រតិកម្មរបស់ថៃមិនមែនជាបញ្ហាវប្បធម៌សាមញ្ញទេ ប៉ុន្តែជាបញ្ហានយោបាយប្រវត្តិសាស្ត្រដែលអាចប៉ះពាល់ដល់អធិបតេយ្យភាព និងភាពស្របច្បាប់របស់រដ្ឋ។

២. សិទ្ធិសម្របសម្រួលអំណាចលើអនុស្សាវរីយ៍ប្រវត្តិសាស្ត្រ (Historical Memory)
តាមទ្រឹស្តីអាកាដេមិក សង្គម និងរដ្ឋមាននិន្នាការត្រួតពិនិត្យ “អនុស្សាវរីយ៍សាធារណៈ” (collective memory) ដើម្បីរក្សាស្ថិរភាពនយោបាយ និងអត្តសញ្ញាណជាតិ។ ភាពយន្តនេះអាចត្រូវបានមើលឃើញថា បញ្ចេញនូវនារាទិវ (narrative) ផ្សេងពីនារាទិវផ្លូវការរបស់រដ្ឋថៃ ដែលធ្វើឱ្យមានការប៉ះទង្គិចអំពី “អ្នកណាមានសិទ្ធិប្រាប់អតីតកាល”។ ដោយហេតុនេះ ការប្រតិកម្ម ឬការគ្រប់គ្រងការបង្ហាញភាពយន្ត គឺជាមធ្យោបាយមួយក្នុងការការពារនារាទិវផ្លូវការនោះ។

៣. ការព្រួយបារម្ភអំពីសិទ្ធិមនុស្ស និងភាពទទួលខុសត្រូវ
ភាពយន្តបានលើកឡើងអំពីការរំលោភសិទ្ធិមនុស្ស ការស្លាប់ និងការបាត់ខ្លួនរបស់ជនភៀសខ្លួនខ្មែរ លើទឹកដីថៃ។ ពីទស្សនៈអន្តរជាតិ ប្រធានបទទាំងនេះអាចនាំឱ្យមានការត្រួតពិនិត្យឡើងវិញអំពីភាពទទួលខុសត្រូវរបស់រដ្ឋថៃ ក្នុងសម័យសង្គ្រាមត្រជាក់ និងបរិបទភូមិសាស្ត្រនយោបាយតំបន់។ ដូច្នេះ ប្រតិកម្មរបស់ថៃអាចត្រូវបានយល់ថា ជាការការពារពីសម្ពាធសិទ្ធិមនុស្ស និងការរិះគន់អន្តរជាតិ។

៤. តួនាទីភាពយន្តជាឧបករណ៍នយោបាយ និងវប្បធម៌
ភាពយន្តមិនត្រឹមជាសិល្បៈប៉ុណ្ណោះទេ ប៉ុន្តែជាឧបករណ៍ “អំណាចទន់” (soft power) ដែលអាចបង្កើត ឬបំផ្លាញការយល់ឃើញសាធារណៈ។ ការផលិត ឬការឆ្លើយតបរបស់ថៃចំពោះភាពយន្តនេះ បង្ហាញថា រដ្ឋយល់ដឹងពីសមត្ថភាពរបស់មេឌៀក្នុងការបង្កើតវប្បធម៌នយោបាយ និងការពិភាក្សាសាធារណៈអំពីអតីតកាល។

៥. សេចក្តីសន្និដ្ឋាន
ជាមួយគ្នានេះ លោកក៏បានធ្វើសេចក្តីសន្និដ្ឋានសរុបដូច្នេះថា ប្រតិកម្ម និងការផលិតភាពយន្តខាងលើ មិនមែនជាបញ្ហាសិល្បៈប៉ុណ្ណោះទេ ប៉ុន្តែជាចំណុចប្រសព្វរវាងប្រវត្តិសាស្ត្រ នយោបាយ សិទ្ធិមនុស្ស និងការគ្រប់គ្រងអនុស្សាវរីយ៍សង្គម។ ពីទស្សនៈសិក្សា វាបង្ហាញពីរបៀបដែលរដ្ឋមួយព្យាយាមចាត់ចែងអតីតកាលដ៏ឈឺចាប់ ដើម្បីរក្សាភាពស្ថិតស្ថេរ និងអត្តសញ្ញាណជាតិរបស់ខ្លួន។

លោក ជា ច័ន្ទបរិបូណ៌ ក៏បានលើកឡើងពីផលប្រយោជន៍ដែល ថៃ ទទួលបានពីការយល់ព្រមជួលដី ឬអនុញ្ញាតឱ្យ UNHCR បើកជំរុំជនភៀសខ្លួនលើទឹកដីខ្លួនផងដែររួមមាន៖

១. បរិបទទ្រឹស្តី (Analytical Context)
ការយល់ព្រមរបស់រដ្ឋមួយចំពោះការបើកជំរុំជនភៀសខ្លួន មិនមែនជាការសម្រេចចិត្តមនុស្សធម៌សុទ្ធសាធទេ ប៉ុន្តែជាការគណនាផ្នែក នយោបាយ–សេដ្ឋកិច្ច–អន្តរជាតិ (political–economic–international calculus)។ ក្នុងករណីថៃ វាអាចត្រូវបានវិភាគតាមទ្រឹស្តី Political Economy of Refugees, International Relations (IR) និង Humanitarian Governance។

២. ផលចំណេញផ្នែកនយោបាយអន្តរជាតិ (International Political Gains)
– ការកែលម្អភាពស្របច្បាប់ និងភាពស្មោះត្រង់អន្តរជាតិ (International Legitimacy) ដោយអនុញ្ញាតឱ្យ UNHCR បើកជំរុំជនភៀសខ្លួន ថៃអាចបង្ហាញខ្លួនជា “រដ្ឋទទួលខុសត្រូវ” (responsible state) ក្នុងប្រព័ន្ធអន្តរជាតិ។ បើទោះបីថៃមិនមែនជាសមាជិកពេញលេញ នៃអនុសញ្ញាជនភៀសខ្លួនឆ្នាំ១៩៥១ ក៏ដោយ តែការសហការជាមួយ UNHCR បានជួយកាត់បន្ថយការរិះគន់ពីសហគមន៍អន្តរជាតិ និងអង្គការសិទ្ធិមនុស្ស។
ពីទស្សនៈ constructivist IR theory ការអនុវត្តអាកប្បកិរិយាមនុស្សធម៌បែបនេះ ជួយបង្កើតអត្តសញ្ញាណរដ្ឋ (state identity) ដែលអាចបម្លែងការយល់ឃើញរបស់អន្តរជាតិចំពោះថៃ។

– អំណាចទន់ (Soft Power) និង ការទូត (Diplomatic Capital)
ការធ្វើជាប្រទេសម្ចាស់ផ្ទះ (host state) សម្រាប់ប្រតិបត្តិការមនុស្សធម៌អន្តរជាតិ អនុញ្ញាតឱ្យថៃប្រមូលអំណាច់ទន់ និងចំណងការទូត ដោយអាចប្រើប្រាស់ជាឧបករណ៍ចរចានយោបាយ ជាពិសេសក្នុងបរិបទសង្គ្រាមត្រជាក់ និងក្រោយសង្គ្រាមត្រជាក់ ដែលថៃចង់រក្សាទំនាក់ទំនងល្អជាមួយអង្គការអន្តរជាតិ និងប្រទេសបរិច្ចាគ។

៣. ផលចំណេញផ្នែកសេដ្ឋកិច្ច (Economic Gains)
– ថៃបានចំណូលផ្ទាល់ និងផលប្រយោជន៍តំបន់ ៖ ការជួលដី ឬការអនុញ្ញាតប្រើប្រាស់ដីរដ្ឋ បានបង្កើតចំណូលផ្ទាល់ ឬអត្ថប្រយោជន៍មិនផ្ទាល់ដល់រដ្ឋ និងអាជ្ញាធរមូលដ្ឋាន។ លើសពីនេះ ការចូលមករបស់ UNHCR និងអង្គការអភិវឌ្ឍន៍ (NGOs) បង្កើតសេដ្ឋកិច្ចជំរុំ (camp economy) ដូចជា ការងារសម្រាប់ប្រជាជនក្នុងស្រុក, ការប្រើប្រាស់សេវាកម្ម និងទំនិញមូលដ្ឋាន ក៏ដូចជា ការវិនិយោគហេដ្ឋារចនាសម្ព័ន្ធ (ផ្លូវ ទឹក ភ្លើង) ជាដើម។ បើតាមទ្រឹស្តី development-security nexus ជំនួយមនុស្សធម៌អាចក្លាយជាឧបករណ៍អភិវឌ្ឍន៍តំបន់ព្រំដែនដែលធ្លាប់ត្រូវបានមើលរំលង។

– ការផ្ទេរបន្ទុកហិរញ្ញវត្ថុ (Cost Externalization) ៖ ដោយឱ្យ UNHCR និងអ្នកបរិច្ចាគអន្តរជាតិគ្រប់គ្រងជំរុំ ថៃអាចផ្ទេរបន្ទុកចំណាយលើអាហារ សុខាភិបាល និងសន្តិសុខមនុស្ស ទៅឱ្យប្រព័ន្ធអន្តរជាតិ។ នេះជាគោលការណ៍ burden-sharing ដែលអនុញ្ញាតឱ្យរដ្ឋម្ចាស់ផ្ទះរក្សាទុនសាធារណៈរបស់ខ្លួន។

៤. ផលចំណេញផ្នែកសន្តិសុខ (Security Gains)
– ការគ្រប់គ្រងចលនាប្រជាជន (Population Management) ៖ ពីទស្សនៈ security studies ជំរុំជនភៀសខ្លួនជួយឱ្យរដ្ឋថៃ គ្រប់គ្រងចលនាជនភៀសខ្លួន, កំណត់ទីតាំង និងការចល័ត និង បំបែកជនស៊ីវិលចេញពីក្រុមយុទ្ធជន។ នេះជួយកាត់បន្ថយហានិភ័យសន្តិសុខនៅតំបន់ព្រំដែន និងការលាយឡំជាមួយសង្គមក្នុងស្រុក។

– Buffer Zone នយោបាយ ៖ ជំរុំជនភៀសខ្លួនអាចដើរតួនាទីជាប្រភេទ buffer zone រវាងថៃ និងវិបត្តិនយោបាយពីប្រទេសជិតខាង (ជាពិសេសកម្ពុជា)។ វាជួយឱ្យថៃរក្សាចម្ងាយនយោបាយពីជម្លោះ ខណៈនៅតែអាចគ្រប់គ្រងផលប៉ះពាល់របស់វា។

៥. ផលចំណេញផ្នែកអំណាចអនុស្សាវរីយ៍ និងនារាទិវ (Narrative Control)
ដោយអនុញ្ញាតឱ្យ UNHCR គ្រប់គ្រងជំរុំ ជំនួសឱ្យការបញ្ចូលជនភៀសខ្លួនចូលសង្គមថៃដោយផ្ទាល់ រដ្ឋថៃអាចរក្សាដំណើរព្រឹត្តិការណ៍ទាំងស្រុង ថាខ្លួនជា “អ្នកផ្តល់ជំនួយ” (humanitarian host) មិនមែនជា “ភាគីពាក់ព័ន្ធ” ក្នុងវិបត្តិនោះទេ ដែលនេះស្របនឹងទ្រឹស្តី memory politics និង state responsibility avoidance។

ក្នុងសេចក្តីសន្និដ្ឋានរបស់លោក បញ្ជាក់ដែរថា ការយល់ព្រមរបស់ថៃ ដែលឱ្យ UNHCR ជួល ឬប្រើប្រាស់ដីបើកជំរុំជនភៀសខ្លួន អាចត្រូវបានយល់ថា ជាការសម្រេចចិត្តមានហេតុផលយុទ្ធសាស្ត្រ មិនមែនសេចក្តីមេត្តាករុណាសុទ្ធសាធ។ តួយ៉ាង ថៃទទួលបានដូចជា ភាពស្របច្បាប់ និងអំណាចទន់អន្តរជាតិ, ផលប្រយោជន៍សេដ្ឋកិច្ច និងការអភិវឌ្ឍតំបន់, ការគ្រប់គ្រងសន្តិសុខ និងចលនាប្រជាជន ព្រមនិងសមត្ថភាពគ្រប់គ្រងដំណើរព្រឹត្តិការណ៍ជាក់ស្តែង និងអតីតកាលនយោបាយ។

គួររំលឹកថា មជ្ឈមណ្ឌលព័ត៌មានថៃ បានបង្ហាញក្តីព្រួយបារម្ភជុំវិញការផលិតភាពយន្តជាប្រវត្តិសាស្ត្ររបស់ផលិតកម្ម LD ចំណងជើងថា «សោកនាដកម្មភ្នំខ្មោច» ដោយយល់ថា ភាពយន្តនេះ មិនឆ្លុះបញ្ចាំងការពិត ហើយអាចញុះញ៉ង់ឱ្យមានការស្ពប់ខ្ពើមរវាងប្រជាជននៃប្រទេសទាំងពីរ ក៏ដូចជាអាចប៉ះពាល់ដល់ទំនាក់ទំនងទ្វេភាគី និងកិច្ចខិតខំប្រឹងប្រែងបន្ធូរបន្ថយភាពតានតឹងតាមតំបន់ព្រំដែន រវាងប្រទេសទាំងពីរកន្លងមក។ យ៉ាងណា ជុំវិញប្រតិកម្មនេះ លោក លៀក លីដា ម្ចាស់ផលិតកម្ម និងជាអ្នកដឹកនាំផ្ទាល់ បានបញ្ជាក់ទៅវិញដែរថា ភាពយន្តនេះគឺផ្អែកលើរឿងពិតទាំងស្រុង៕

The post លោកបណ្ឌិត ជា ច័ន្ទបរិបូណ៌ ៖ « ភ្នំខ្មោច វាលពិឃាតទី២ » appeared first on Kampuchea Thmey Daily.

ការឆ្លើយតបនេះ ធ្វើឡើងក្រោយសារព័ត៌មាន Khoasod English នៅថ្ងៃអាទិត្យ ទី១៨ ខែមករា ឆ្នាំ២០២៦ បានដកស្រង់ខ្លឹមសារពីសេចក្តីថ្លែងការណ៍ មជ្ឈមណ្ឌលព័ត៌មាន ស្តីពីស្ថានភាពថៃ-កម្ពុជា និងចេញផ្សាយដោយដាក់ចំណងជើងធំៗថា “ថៃ សម្តែងក្តីព្រួយបារម្ភលើការផលិតភាពយន្តខ្មែរ «ភ្នំខ្មោច» ដែលពណ៌នាថា ប្រទេសថៃជាវាលពិឃាតទីពីររបស់កម្ពុជា”។

យោងតាមសារព័ត៌មាន Khoasod English មជ្ឈមណ្ឌលព័ត៌មាន ស្តីពីស្ថានភាពថៃ-កម្ពុជា បានបង្ហាញក្តីព្រួយបារម្ភពីការពណ៌នាក្នុងខ្សែភាពយន្តខាងលើ ដោយយល់ថា ខ្លឹមសារនៃចំណងជើងរឿង មិនគួរប្រើនោះទេ ខណៈថៃបានចាត់ទុកថា រឿងនេះផលិតដើម្បីបង្ខូចប្រវត្តិសាស្ត្រ ឬញុះញង់ការស្អប់ខ្ពើម។

ជាមួយគ្នានេះ មជ្ឈមណ្ឌលព័ត៌មានស្តីពីស្ថានភាពថៃ-កម្ពុជា ក៏ជំរុញឱ្យគ្រប់ភាគីទាំងអស់ ប្រើប្រាស់ពាក្យពេចន៍ដែលមានលក្ខណៈស្ថាបនា មិនញុះញង់ និងមិនវិនិច្ឆ័យ ដោយសង្កត់ធ្ងន់ថា ការប្រើពាក្យពេចន៍ធ្ងន់ៗ ឬការដាក់កំហុស អាចធ្វើឱ្យស្ថានការណ៍ស្មុគស្មាញ និងធ្វើឱ្យខូចដល់កិច្ចខិតខំប្រឹងប្រែងដើម្បីបន្ធូរបន្ថយភាពតានតឹង។

ប្រភពដដែល គូសបញ្ជាក់ទៀតថា ការពណ៌នាអំពីជម្លោះ គួរតែផ្អែកលើការពិតដែលអាចផ្ទៀងផ្ទាត់បាន ហើយគួរតែគិតគូរពីផលប៉ះពាល់ដែលអាចកើតមានលើទំនាក់ទំនងរវាងប្រជាជន នៃប្រទេសទាំងពីរ។ ឯការបង្ហាញរឿងរ៉ាវអំពីជម្លោះ គួរតែផ្អែកលើការពិតដែលអាចផ្ទៀងផ្ទាត់បាន ហើយគួរតែពិចារណាពីផលវិបាកសម្រាប់ទំនាក់ទំនងទ្វេភាគី និងប្រើប្រាស់ភាសាដែលឆ្លុះបញ្ចាំងពីការពិត និងលើកកម្ពស់ឱ្យមានដំណោះស្រាយតាមរយៈការសន្ទនា។

ជាការឆ្លើយតប លោកក៏បានបញ្ជាក់តាមរយៈសារពីទំព័រហ្វេសប៊ុករបស់លោក កុំបារម្ភឱ្យភាគីថៃព្រួយបារម្ភ។ តួយ៉ាង ក្នុងរឿង លោកនិយាយតែការពិតប៉ុណ្ណោះ ហើយលោកក៏ជាច្បាស់ពីក្រមសីលធម៌វិជ្ជាជីវៈអ្នកដឹកនាំរឿងផងដែរ។ ទន្ទឹមនេះ លោកប្រាប់ឱ្យពលរដ្ឋខ្មែរ បន្តបង្ហាញមោទនៈរបស់ខ្លួន និងធ្វើអ្វីដែលគួរធ្វើដើម្បីជាតិ និងសេចក្តីថ្លៃថ្នូរបស់ជាតិ។

គួររំលឹកដែរថា មុននឹងចាប់ផ្តើមគម្រោងផលិតរឿងរបស់ផលិតកម្មភាពយន្តខ្មែរមួយនេះ ផលិតកម្មបានប្រកាសស្វែងរកអ្នកដែលធ្លាប់ឆ្លងកាត់នូវហេតុការណ៍នោះផ្ទាល់ ដើម្បីរួមគ្នាបើកបង្ហាញការពិតទាំងស្រុង ពីទង្វើអមនុស្សធម៌របស់យោធាថៃកាលពីអតីតកាល ក្នុងន័យចងក្រងនូវការពិត ជូនខ្មែរជំនាន់ក្រោយមើល ក៏ដូចជាប្រាប់ការពិតទៅកាន់ពិភពលោក តាមរយៈវណ្ណកម្មភាពយន្តនេះផងដែរ។

តួយ៉ាង មានសាក្សីរស់ជាច្រើន បានអះអាងថា ភ្នំខ្មោច ជាភូមិសាស្ត្រព្រំដែនរបស់កម្ពុជា ដែលលាក់ទុកនូវសោកនាដកម្មដ៏ឃោរឃៅពីសំណាក់យោធាថៃមកលើរាស្ត្រខ្មែររាប់ពាន់នាក់ ពោលគឺអំឡុងពេលដែលកម្ពុជាកំពុងវឹកវរក្រោមរបបខ្មែរក្រហម ខណៈក្នុងចំណោមនោះ ក៏មានគ្រួសាររបស់អ្នកឧកញ៉ា វេជ្ជបណ្ឌិត គួច ម៉េងលី ផងដែរ បើផ្អែកតាមសៀវភៅ «ភ្នំដងរែក ទីពុំអាចភ្លេច» ស្នាដៃនិពន្ធផ្ទាល់របស់អ្នកឧកញ៉ាវេជ្ជបណ្ឌិត គួច ម៉េងលី ដែលបានរៀបរាប់ពីបទពិសោធជីវិតពិតរបស់លោកក្នុងឆ្នាំ១៩៧៩ និងការរស់រានមានជីវិតពីរបបខ្មែរក្រហម។

ផ្អែកលើព្រឹត្តិការណ៍ពិតតាមរយៈសៀវភៅ ផលិតកម្មភាពយន្ត LD ក៏បានសម្រេចចិត្តផលិតនូវភាពយន្តប្រវត្តិសាស្ត្រនេះឡើង ដោយឆ្លុះបង្ហាញអំពីសោកនាដកម្មនៅភ្នំខ្មោច ដោយគ្រោងចំណាយដើមទុនយ៉ាងសន្ធឹកសន្ធាប់ ខណៈទើបតែសម្ពោធ និងចាប់ផ្តើមសកម្មភាពនៃការថតភាពយន្តនេះថ្មីៗ ខណៈក្នុងនោះ មានការចូលរួមពីសិល្បករសិល្បការិនីជាច្រើនរូបចូលរួមសម្តែងផងដែរ។ តួយ៉ាង នៅថ្ងៃទី១នៃការចាប់ផ្តើមដំណើរការការថត ផលិតកម្មបានចំណាយថវិកាខ្ទង់មុឺនដុល្លារបាត់ទៅហើយ៕

The post អ្នកដឹកនាំរឿង «សោកនាដកម្មភ្នំខ្មោច» ផ្តាំទៅសារព័ត៌មានថៃថា កុំបារម្ភ ភាពយន្តខ្មែរមួយនេះ ផ្អែកលើការពិតទាំងស្រុង appeared first on Kampuchea Thmey Daily.

កាលពីថ្ងៃទី ០៤ ខែមករា ឆ្នាំ២០២៦ កន្លងទៅ ផលិតកម្ម LD បានរៀបចំពិធីបើកកាមេរ៉ារឿង «សោកនាដកម្មភ្នំខ្មោច» និង បានចាប់ផ្តើមថតភាពយន្តខាងលើនេះជាផ្លូវការហើយដែរ ខណៈក្នុងចំណោមនោះ ក៏មានការចូលរួមសម្តែងដោយតារាសម្តែងថ្មីចាស់ប្រុសស្រីជាច្រើនរូប ដែលសុទ្ធសឹងតែមានទេពកោសល្យក្នុងវិស័យសិល្បៈ និងមានវត្តមានចូលរួមសម្តែងពីអតីតតារាសម្តែង នៅ សុនិតា ដូចគ្នា ក្រោយការខកខានសម្តែងអស់ជាច្រើនឆ្នាំ បន្ទាប់ពីតារាស្រីរូបនេះ បានចាប់ដៃសាងគ្រួសារនឹង។

អ្នកនាង នៅ សូនិតា បានរៀបរាប់ថា រូបភាពខ្លះៗនាពិធីបើក camera និង សកម្មភាពថតខ្សែភាពយន្តខ្នាតធំរបស់ផលិតកម្ម LD ដែលបង្ហាញអំពីសោកនាដកម្មមួយដែលបានកើតឡើងនៅភ្នំខ្មោចជួរភ្នំដងរែក សម័យឆ្នាំ១៩៧៨-១៩៨០ ។

អ្នកនាងគូសបញ្ចាក់ថា នេះគឺជារឿងពិតនៃប្រវត្តិសាស្ត្រដ៏សែនឈឺចាប់ចំពោះប្រជាជនខ្មែរជាច្រើនមុឺននាក់ ដែលបានរត់ភៀសខ្លួនទៅកាន់ទីកន្លែងមួយដែលសង្ឃឹមថា គេនឹងមានចិត្តមនុស្សធម៌ សប្បុរសធម៌ អាចពឹងពាក់បាន ប៉ុន្តែមិនដូចការរំពឹង ប្រជាជនជាច្រើនត្រូវបានគេដឹកមកទម្លាក់ និងរុញទម្លាក់ភ្នំបន្ថែមដើម្បីសម្លាប់នៅក្នុងចំការមីននាទល់ដែនកម្ពុជាថៃទីនោះ គឺ « ភ្នំខ្មោច » ភ្នំដែលមានមនុស្សស្លាប់ជាច្រើនមុឺននាក់ ។

អ្នកនាង នៅ សូនិតា បញ្ជាក់ទៀតថា ស្ទើរតែគ្មាននរណាដឹងសោះថា “ប្រជាជនខ្មែរធ្លាប់ទទួលរងគ្រោះដោយការសម្លាប់រង្គាលម្តងទៀត បន្ទាប់ពីរបបប្រល័យពូជសាសន៍ ប៉ុល ពត ។ សូមជូនពរឱ្យស្នាដៃរបស់ផលិតកម្ម LD ដំណើរការទទួលបានជោគជ័យ ហើយសង្ឃឹមថា ខ្សែរឿងមួយនេះ នឹងក្លាយជាឯក សារប្រវត្តិសាស្ត្រសម្រាប់រំលឹក នៃសេចក្តីឈឺចាប់ដល់រាស្ត្រខ្មែរគ្រប់ជំនាន់ត្រូវចងចាំ ខ្មែរខ្សោយខ្មែរស្លាប់ ខ្មែរបែកបាក់ ខ្មែរអន្តរាយ“។

អ្នកនាងក៏អំពាវនាវដល់សិល្បករសិល្បការិនី មេត្តាត្រៀមលក្ខណៈជួយគាំទ្រនូវវណ្ណកម្មមួយនេះ ជាការលើកទឹកចិត្ត និង លើកស្ទួយវិស័យភាពយន្តខ្មែរ និងសង្កត់ធ្ងន់ថា “សិល្ប:ចិញ្ចឹមសិល្ប: សិល្ប:ដើម្បីស្មារតីស្នេហាជាតិ“៕ ដោយ: ចាន់រ៉ា

The post អ្នកនាង នៅ សូនិតា វិលសម្តែងវិញក្នុងបំណង “សិល្ប:ដើម្បីស្មារតីស្នេហាជាតិ” តាមរយៈរឿង «សោកនាដកម្មភ្នំខ្មោច» និងអំពាវនាវអ្នកសិល្បៈចូលរួម appeared first on Kampuchea Thmey Daily.

ថៅកែផលិតកម្ម LD លោក លៀក លីដា ធ្លាប់បានអះអាងពីការផលិតរឿង​ “សោកនាដកម្មភ្នំខ្មោច” ថា លោកសម្រេចបោះទុនក្នុងការធ្វើរឿងនេះឡើងគឺក្នុងគោលបំណងដើម្បីបង្ហាញពិភពលោកឱ្យបានដឹងនូវទង្វើដ៏អាក្រក់របស់ទាហ៊ានថៃមកលើជនភៀសសឹកកម្ពុជា។

លោក លៀក លីដា បានបញ្ជាក់ឱ្យដឹងនៅព្រឹកថ្ងៃទី៨ ខែមករា ឆ្នាំ២០២៦នេះថា “សម្រាប់ថ្ងៃទី១ នៃការចាប់ ផ្តើមថតចាយលុយអស់ប៉ុណ្ណឹងហើយជួយមើលៗផង”។ លោកគូសបញ្ជាក់ថា លោកតែនៅទទួលការឧបត្ថម្ភនៅឡើយ និងទទួចឱ្យមានការចូលរួបពីម្ចាស់ប្រេនធំៗដែលមានធនធាន អាចជួយទិញសំបុត្រមុនម្នាក់ ៤០០-៥០០ សំបុត្រម្នាក់។

ជាមួយគ្នានេះ លោក លៀក លីដាក៏បានសម្តែងការអរគុណដល់អ្នកឧកញ៉ាបណ្ឌិត គួច ម៉េងលី ដែលបានជួយឧបត្ថម្ភថវិកាចំនួន ៥០០០ដុល្លារអាមេរិក ដើម្បីថតរឿង”សោកនាដកម្មភ្នំខ្មោច”។

ជារឿយៗលោក លៀក លីដា ថៅកែផលិតកម្ម LD បានស្នើដល់បណ្តាម្ចាស់ក្រុមហ៊ុនដែលជាកូនខ្មែរមានផលិតផលខ្មែរ brands បង្កើតឡើងដោយកូនខ្មែរគួតែចូលរួមជាមួយ LD ក្នុងយុទ្ធនាការផលិតរឿង “សោកនាដកម្មភ្នំខ្មោច”ឱ្យបានផុសផុល៕ ដោយ ៖ ចាន់រ៉ា

The post គ្រាន់តែថ្ងៃទី១ នៃការថតរឿង “សោកនាដកម្មភ្នំខ្មោច” LD ត្រូវចាយលុយខ្ទង់មុឺនដុល្លារទៅហើយ appeared first on Kampuchea Thmey Daily.

លោក លៀក លីដា បានបញ្ជាក់គោលបំណងដូច្នេះថាពួកយើងគួរតែមាន ឬក៏បង្កើតយុទ្ធនាការបណ្តុះគំនិតស្រលាញ់ជាតិតាមគ្រប់វិធី​ឱ្យវាក្លាយទៅជាតួនាទីរបស់យើងទាំងអស់គ្នា ​តែមិនញុះញ៉ង់ឱ្យមានការរើសអើងពូជសាសន៍ទេ។

លោក លៀក លីដា បាននិយាយបន្តថា រឿង​”សោកនាដកម្មភ្នំខ្មោច” នឹងជួយបង្ហាញឱ្យពិភពលោកបានដឹងកាន់តែច្បាស់នូវអំពើដ៏អាក្រក់របស់ទាហ៊ានថៃមកលើជនភៀសសឹកកម្ពុជា។ វាជារឿងប្រវត្តិសាស្រ្តដែលបានកើតរួចមកហើយ​​ ហើយវាជាប្រវត្តិសាស្រ្តពិតដែលគ្រប់គ្នាត្រូវទទួលស្គាល់។

ថៅកែផលិតកម្ម LD រូបនេះ បានបន្ថែមទៀតថា សូមបងប្អូនអាចជួយនែនាំបន្ថែមមកទៀត នៅជនរងគ្រោះ និងជាសាក្សីនៅរស់ ដើម្បីបានបញ្ចូលបន្ថែមនៅបទសម្ភាសនៅចុងវីដេអូនៃសាច់រឿង។

គួរបញ្ជាក់ដែរថា តារាខ្មែរល្បីៗជាច្រើនដួងក៏បានស្ម័គ្រចិត្តចូលរួមថតសម្តែងខ្សែភាពយន្តខ្នាតធំរឿង “សោកនាដកម្មភ្នំខ្មោច” ដោយមិនគិតលុយ។ នេះបើតាមការបញ្ជាក់ឲ្យ ដឹងពីលោក លៀក លីដា កាលពីថ្មីៗកន្លងទៅ។

ទោះបីយ៉ាងណាលោក លៀក លីដា ថៅកែផលិតកម្ម LD ថ្មីៗនេះ បានចេញមុខស្នើដល់បណ្តាម្ចាស់ក្រុមហ៊ុនដែលជាកូនខ្មែរមានផលិតផលខ្មែរ brands បង្កើតឡើងដោយកូនខ្មែរគួតែចូលរួមជាមួយ LD ក្នុងយុទ្ធនាការផលិតរឿង “សោកនាដកម្មភ្នំខ្មោច”ដែលគ្រោងនឹ ងចាប់ផ្តើមថតនាពេលឆាប់ៗនេះ៕ ចាន់រ៉ា

The post ម្ចាស់ផលិតកម្ម LD អះអាងថា ភាពយន្តរឿង ​”សោកនាដកម្មភ្នំខ្មោច” មានគោលដៅធំ២ appeared first on Kampuchea Thmey Daily.