ពិធីចែកវិញ្ញាបនបត្រសម្គាល់ម្ចាស់អចលនវត្ថុជូនប្រជាពលរដ្ឋមានចំនួន ១៣ភូមិ រួមមាន៖ ភូមិពោធិ៍មៀវ ភូមិគគីរធំ ភូមិគគីរធំ២ ភូមិរាំងដេក ភូមិរាំងដេក២ ស្ថិតក្នុងឃុំគគីធំ និងភូមិចន្លក់ ភូមិចន្លក់ក្រៅ ភូមិទួលក្របៅ ភូមិទួលត្នោត ភូមិគគីរ ភូមិដូនស ភូមិទួលដួង ភូមិតារាបជូនស ស្ថិតឃុំគគី ស្រុកកៀនស្វាយ ខេត្តកណ្តាលកាលពីថ្ងៃទី២០ ខែឧសភា ឆ្នាំ២០២៦។

លោក ឈឿន ប៊ុណ្ណារ័ត្ន រដ្ឋលេខាធិការ ក្រសួងរៀបចំដែនដី នគរូបនីយកម្ម និងសំណង់

លោក គួច ចំរើន អភិបាលខេត្តកណ្តាល បានមានប្រសាសន៍ថា ស្រុកកៀស្វាយបានបញ្ចប់ការចុះបញ្ជីដីធ្លីលក្ខណៈជាប្រព័ន្ធរួចរាល់ហើយ តែការចែកបណ្ណប្រជាពលរដ្ឋមិនទាន់មកយកបានគ្រប់គ្នានៅឡើយទេ ដូច្នេះមន្ត្រីជំនាញ និងអាជ្ញាធរស្រុកត្រូវបន្តខិតខំរកកវិធីសាស្ត្រ ដើម្បីឱ្យម្ចាស់កម្មសិទ្ធិដីធ្លី រួសរាន់មកទទួលយកបណ្ណកម្មសិទ្ធិដីធ្លីរបស់ខ្លួន សម្រាប់ប្រើប្រាស់ស្របទៅតាមច្បាប់ឱ្យបានគ្រប់ៗគ្នា។ បន្ថែមពីលើនេះ ឯកឧត្តមអភិបាលខេត្ត បានអំពាវនាវដល់ប្រជាពលរដ្ឋដែលមានបានកម្មសិទ្ធិដីធ្លីទាំងអស់ សូមអញ្ជើញមកទទួលយកប័ណ្ណពីមន្ត្រីសូរិយោដី និងមន្ត្រីច្រកចេញចូលតែមួយ ស្ថិតក្នុងស្រុកកៀនស្វាយ ជាពិសេសសូមបងប្អូនប្រជាពលរដ្ឋដែលចូលរួមក្នុងពិធីនាថ្ងៃនេះ មេត្តាជួយផ្សព្វផ្សាយ និងផ្ដាំផ្ញើដល់បងប្អូនប្រជាពលរដ្ឋផ្សេងៗទៀតឱ្យអញ្ជើញមកទទួលបានប័ណ្ណកម្មសិទ្ធិពីការិយាល័យច្រកចេញតែមួយស្រុកឱ្យបានគ្រប់ៗគ្នាផងដែរ។

លោក គួច ចំរើន អភិបាល នៃគណៈអភិបាលខេត្តកណ្តាល

ដោយឡែក ចំពោះអាជ្ញាធរស្រុក និងមន្ត្រីពាក់ព័ន្ធទាំងអស់ លោក គូច ចំរើន បានក្រើនរំលឹក ដាច់ខាតមិនត្រូវចុះហត្ថលេខាបញ្ជាក់ឯកសារផ្សេងៗពាក់ព័ន្ធនិងរឿងដីធ្លីជូនប្រជាពលរដ្ឋ ក្រៅពីប័ណ្ណកម្មសិទ្ធិដីធ្លីដែលបានចុះបញ្ជីរួចហើយនោះទេ អាជ្ញាធរត្រូវទទួលស្គាល់តែបណ្ណកម្មសិទ្ធតែមួយគត់ប៉ុណ្ណោះ ជៀសវាងបង្កភាពស្មុគស្មាញ និងបង្កើតបញ្ហាផ្សេងៗ ពាក់ព័ន្ធនិងរឿងដីធ្លីតទៅទៀត បើមន្ត្រីណានៅតែបន្តចុះហត្ថលេខាទៀត ត្រូវទទួលខុសត្រូវចំពោះមុខច្បាប់។

ក្នុងនោះផងដែរលោក អភិបាល បានលើកទឹកចិត្ត ដល់រដ្ឋបាលស្រុកកៀនស្វាយ គណៈបញ្ជាការឯកភាពរដ្ឋបាលស្រុក សូមបន្តយកចិត្តទុកដាក់រៀបចំសណ្តាប់ធ្នាប់ សាធារណៈ ដីចំណីផ្លូវ ដើម្បីបង្ការនូវគ្រោះថ្នាក់ចរាចរណ៍ និងលើកសោភ័ណភាពតាមដងផ្លូវ។ ជាងនេះទៅទៀត អាជ្ញាធរមូលដ្ឋាន គណៈកម្មាធិការទទួលបន្ទុកកិច្ចការនារី និងកុមារស្រុក និងសហគមន៍ក្នុងមូលដ្ឋានទាំងមូល សូមផ្តល់ការចាប់អារម្មណ៍ រួមគ្នាកាត់បន្ថយ លុបបំបាត់អំពើហិង្សាក្នុងគ្រួសារ ដោយត្រូវចេះក្តាប់កំណត់មុខសញ្ញាគ្រួសារងាយរងគ្រោះ រួមគ្នាការពារ បញ្ចៀសអំពើហិង្សាក្នុងគ្រួសារ បញ្ចៀសនូវសោកនាដកម្មដែលអាចកើតមានក្នុងសង្គម៕

The post អាជ្ញាធរខេត្តកណ្ដាល ចែកវិញ្ញាបនបត្រសម្គាល់ម្ចាស់អចលនវត្ថុជូនពលរដ្ឋ ជាង១មុឺនបណ្ណ ក្នុងស្រុកកៀនស្វាយ appeared first on Kampuchea Thmey Daily.

បើយោងតាមរយៈសាររប​ស់ជនដៃដល់ ដែលបានផ្ញើទៅឪពុកម្តាយកុមារីរងគ្រោះ ដោយបានបង្ខំឲ្យពួកគេផ្ញើលុយចំនួន ១ម៉ឺនដុល្លារ តាមវីងជូន ដោយទុកពេលត្រឹម១ម៉ោង បើលើសម៉ោងកំណត់សូមរង់ចាំសពកូនស្រីចុះ ជាមួយសារព្រមានថា កុំប្រាប់រឿងនេះដល់នគរបាល និងអ្នកជិតខាង។

ក្រោយជួបហេតុការណ៍ដ៏រន្ធត់នេះ ឪពុកម្តាយក្មេងស្រីរងគ្រោះបានប្តឹងទៅនគរបាលភ្លាមៗ ហើយកម្លាំងនគរបាលជំនាញព្រហ្មទណ្ឌ សហការជាមួយនគរបាលមូលដ្ឋានបើកប្រតិបត្តិការ និងឈានដល់ការចាប់ខ្លួនជនដៃដល់ តែអកុសលក្មេងស្រីរងគ្រោះបានស្លាប់ទៅហើយ។ 

បច្ចុប្បន្នសមត្ថកិច្ចជំនាញនៃស្នងការដ្ឋាននគរបាលខេត្តកណ្ដាលកំពុងសួរនាំបន្តទៀត ដើម្បីចាត់ការតាមនីតិវីច្បាប់៕

The post ជនដៃដល់ចាប់ជំរិតក្មេងស្រីអាយុ ៥ ឆ្នាំ ទុកពេលឲ្យឪពុកម្តាយ ១ ម៉ោង ជាថ្នូរដូរយកលុយ ១ ម៉ឺនដុល្លារ  តែអកុសលក្មេងរងគ្រោះបានស្លាប់ appeared first on Kampuchea Thmey Daily.

លោកគួច ចំរើន អភិបាលខេត្តកណ្ដាល បានអញ្ជើញដឹកនាំក្រុមការងារ កងកម្លាំងមានសមត្ថកិច្ច មន្ទីរអង្គភាព និងស្ថាប័នពាក់ព័ន្ធ ដោយមានការចូលរួមពី គណៈកម្មការគ្រប់គ្រងល្បែងពាណិជ្ជកម្មកម្ពុជាចុះពិនិត្យទីតាំងដែលបានបិទសៀល ពាក់ព័ន្ធនិងករណីបទល្មើស Online Scams ចំនួន ០៣ទីតាំង ស្ថិតនៅស្រុកលើកដែក ខេត្តកណ្តាល កាលពីរសៀលថ្ងៃទី២៧ ខែមេសា ឆ្នាំ២០២៦។

ក្នុងការចុះពិនិត្យនេះដែរ លោកអភិបាលខេត្តកណ្ដាល បានអំពាវនាវដល់ប្រជាពលរដ្ឋទាំងអស់ សូមមានការប្រុងប្រយ័ត្នខ្ពស់ចំពោះការជួលអគារ ផ្ទះ កន្លែងស្នាក់នៅផ្សេងៗពីសំណាក់ជនបរទេស ជាពិសេសត្រូវពិនិត្យឯកសារនានា ធ្វើកិច្ចសន្យាឱ្យបានត្រឹមត្រូវមុនពេលជួលឱ្យ ជៀសវាងមានការជាប់ពាក់ព័ន្ធ និងបទល្មើស Scam Online និងត្រូវសង្កេតចាប់អារម្មណ៍ចំពោះអ្នកស្នាក់នៅជាក្រុម មានភ្ជាប់ Internet ទំហំធំៗ គួរឱ្យសង្ស័យ សូមបងប្អូនប្រជាពលរដ្ឋចូលរួមសហការផ្ដល់ព័ត៌មានមកកាន់សមត្ថកិច្ចជាបន្ទាន់ ដើម្បីមានវិធានការចុះត្រួតពិនិត្យ និងបង្ក្រាបបានទាន់ពេលវេលា។

សូមជម្រាបថា ការបោកប្រាស់តាមប្រព័ន្ធInternet (Scam Online) បាននឹងកំពុងរីករាលដាលយ៉ាងខ្លាំង និងបានគំរាមកំហែងដល់បណ្តាប្រទេសនានាលើសកលលោកលោក មិនមែនមានតែនៅក្នុងប្រទេសកម្ពុជាមួយប៉ុណ្ណោះទេ។ Scam Online គឺជាការក្លែងបន្លំតាមសេវាInternet ដែលប្រើប្រាស់ល្បិចបោកបញ្ឆោត បន្លំលួចយកប្រាក់ លួចយកព័ត៌មានផ្ទាល់ខ្លួន ឬធនធានសំខាន់ផ្សេងៗ របស់យើងទាំងឡាយ។ សរុបមកបញ្ហា Online Scam អាចបង្កផលវិបាកយ៉ាងធ្ងន់ធ្ងរដល់ប្រទេសមួយ ទាំងលើវិស័យសេដ្ឋកិច្ច សង្គម និងកេរ្តិ៍ឈ្មោះអន្តរជាតិ៕ ដោយ៖ អុឹងម៉េង

The post អភិបាលខេត្តកណ្តាល ណែនាំអាជ្ញាធរស្រុកលើកដែក ត្រូវការពារតាមបណ្តាទីតាំង «បិទសៀល» ពាក់ព័ន្ធបទល្មើស Scam Online ឱ្យបានល្អ appeared first on Kampuchea Thmey Daily.

លោកឧត្តមសេនីយ៍ត្រី សោម សីហាក់ ស្នងការរងទទួលដឹកនាំការិយាល័យព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តកណ្តាល បានឱ្យដឹងថា៖ ដោយអនុវត្តតាមបទបញ្ជាដឹកនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងឯកឧត្តម គួច ចំរើន អភិបាល នៃគណៈអភិបាលខេត្តកណ្តាល លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានបញ្ជាដល់កម្លាំងជំនាញរបស់ស្នងការដ្ឋានរួមជាមួយកម្លាំងអធិការដ្ឋាននគរបាលក្រុងតាខ្មៅ ស្រុកស្អាង និងស្រុកកណ្តាលស្ទឹង បានធ្វើការស្រាវជ្រាវបង្ក្រាបមុខសញ្ញា ករណីលួ.ចមានស្ថានទ.ម្ងន់.ទោ ស (ធា.ក់ប្ល.ន់.យកម៉ូតូ) ចំនួន៣ករណី រួមមាន៖ករណីទី១៖ កើតហេតុនៅថ្ងៃទី១៧ ខែសីហា ឆ្នាំ២០២៥ វេលាម៉ោង០១:៣០នាទី នៅចំណុចផ្លូវជាតិលេខ២១ ស្ថិតនៅក្នុងភូមិស្វាយជួរ ឃុំកោះខែល ស្រុកស្អាង ខេត្តកណ្តាល, ករណីទី២៖ កើតហេតុនៅថ្ងៃទី១៣ ខែធ្នូ ឆ្នាំ២០២៥ ម៉ោង០៥:០០នាទី នៅចំណុចជិតគណបក្សប្រជាជនកម្ពុជាភូមិទួលក្រសាំង សង្កាត់រកាខ្ពស់ ក្រុងតាខ្មៅ ខេត្តកណ្តាល, ករណីទី៣៖ កើតហេតុនៅថ្ងៃទី៣០ ខែមករា ឆ្នាំ២០២៦ វេលាម៉ោង ០៣:៥៧នាទី នៅចំណុចបណ្ដោយផ្លូវជាតិលេខ២ ស្ថិតក្នុងភូមិព្រែកស្លែង ឃុំព្រែកស្លែង ស្រុកកណ្តាលស្ទឹង ខេត្តកណ្ដាល។

គួររំលឹកផងដែលថា កាលពីថ្ងៃទី៣០ ខែមករា ឆ្នាំ២០២៦ វេលាម៉ោង ០៣:៥៧នាទី (ទៀបភ្លឺ) នៅចំណុច តាបណ្ដោយ ផ្លូវជាតិលេខ២ ស្ថិតក្នុងភូមិព្រែកស្លែង ឃុំព្រែកស្លែង ស្រុកកណ្តាលស្ទឹង ខេត្តកណ្ដាល ជនសង្ស័យ២នាក់ ជិះម៉ូតូមួយគ្រឿងបានធើ្វសកម្មភាពប្លន់យកម៉ូតូមួយគ្រឿងម៉ាក Honda Dream C125 ពណ៌ខ្មៅ ស៊េរីឆ្នាំ២០១៧ បិតតែមឆ្នាំ២០២២ ពាក់ផ្លាកលេខ ព្រះវិហារ 1B-4654  ពីស្រី្ដជាអ្នកលក់បន្លែបានសម្រេចរួចជិះគេចខ្លួនបាត់ស្រមោល។

បច្ចុប្បន្នកម្លាំងជំនាញបានធ្វើការឃាត់ខ្លួនជនសង្ស័យចំនួន០៣នាក់ និងកំពុងកសាងសំណុំរឿងចាត់ការតាមនីតិវិធី។ ដោយឡែកចំពោះមុខសញ្ញាដែលនៅសេសសល់កម្លាំងជំនាញកំពុងស្រាវជ្រាវបន្ត ដើម្បីឃាត់ខ្លួនចាត់ការតាមនីតិវធី៕ ដោយ ៖ អុឹងម៉េង

The post កម្លាំងសមត្ថកិច្ចខេត្តកណ្ដាល ស្រាវជ្រាវឃាត់ខ្លួនជនសង្ស័យធាក់ប្លន់យកម៉ូតូស្ត្រីលក់បន្លែបាន០១នាក់ក្នុងចំណោមបក្សពួកម្នាក់រត់គេចខ្លួន appeared first on Kampuchea Thmey Daily.

លោកអភិបាលខេត្តបានលើកឡើងថា នៅពេលមានបញ្ហាអគ្គីភ័យណាមួយកើតឡើងនៅក្នុងមូលដ្ឋាន បើទោះបីជាមានរថយន្តពន្លត់អគ្គីភ័យក៏ដោយ ប៉ុន្តែនៅពេលដែលរថយន្តបាញ់ទឹកអស់ ហើយក្បាលប៊ូសបូមទឹកនៅឆ្ងាយ នោះការជួយពន្លត់អគ្គីភ័យកាន់តែពិបាក និងមានភាពយឺតយ៉ាវក្នុងការជួយពន្លត់អគ្គីភ័យ ដែលបង្កឱ្យមានផលប៉ះពាល់កាន់តែធ្ងន់ធ្ងរផងដែរ។ លោកបានបន្ថែមទៀតថា៖ ការដាក់ក្បាលប៊ូសបូមទឹក ត្រូវដាក់តាមស្តង់ដា ដើម្បីមានភាពងាយស្រួលនៅពេលរថយន្តពន្លត់អគ្គីភ័យ មានតម្រូវការប្រើប្រាស់បានលឿន និងទាន់ពេលវេលា។

ក្នុងនោះដែរថាលោកអភិបាលខេត្តបានបន្ថែមទៀតថា បញ្ហាបង្ការ និងពន្លត់អគ្គីភ័យ គឺជាកិច្ចការរបស់យើងទាំងអស់គ្នាក្នុងការអនុវត្តគោលនយោបាយភូមិ ឃុំ-សង្កាត់ មានសុវត្ថិភាព សូមកុំទុកបញ្ហាអគ្គីភ័យនេះគឺជាបញ្ហារបស់នគរបាលតែម្នាក់ឯង ត្រូវផ្ដល់កិច្ចសហការគាំទ្រដល់នគរបាលរបស់យើងដែលមានភារកិច្ចក្នុងការបង្ការ និងពន្លត់អគ្គីភ័យ។

ជាមួយគ្នាផងដែលលោកអភិបាលខេត្តបានកោតសរសីរ  កិច្ចការងារជោគជ័យដែលយើងសម្រេចបាននាពេលកន្លងមកនេះ ពិតជាមិនអាចកាត់ផ្ដាច់បានពីកិច្ចសហការជាមួយកងអង្គភាពដទៃផ្សេងៗទៀត បញ្ជាការដ្ឋានអង្គរក្ស អាកាសយានដ្ឋាន កងរាជអាវុធហត្ថ និងប្រជាការពារនៅក្នុងមូលដ្ឋាន ដូច្នេះសូមនគរបាលរបស់យើងបន្តកិច្ចសហការនេះឱ្យកាន់តែល្អ ជិតស្និទ្ធ និងក្លាយទៅជាប្រព័ន្ធទំនាក់ទំនងគ្នាមួយដ៏ច្បាស់លាស់ ដើម្បីនៅពេលដែលមានគ្រោះអគ្គីភ័យកើតមានឡើងនៅក្នុងមូលដ្ឋានណាមួយ យើងសហការគ្នាក្នុងការអន្តរាគមន៍ ទប់ស្កាត់ និងពន្លត់អគ្គីភ័យបានទាន់ពេលវេលា៕ដោយ ៖ អុឹងម៉េង

The post អភិបាលខេត្តកណ្ដាល ណែនាំអភិបាលក្រុង-ស្រុកទាំងអស់យកចិត្តទុកដាក់សម្របសម្រួលជាមួយរដ្ឋាករទឹកមានក្បាលប៊ូសបូមទឹក ១យ៉ាងតិចនៅក្នុងឃុំ-សង្កាត់ appeared first on Kampuchea Thmey Daily.

ដោយមានការចង្អុលបង្ហាញពី លោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល បានបញ្ជាឱ្យលោកវរសេនីយ៍ទោ រស់ បាលីន អធិការនគរបាលក្រុងអរិយក្សត្រ ដឹកនាំកម្លាំងជំនាញពាក់ព័ន្ធចុះស្រាវជ្រាវរហូតឈានដល់ការឃាត់ខ្លួនជនសង្ស័យចំនួន០២នាក់ឈ្មោះ សុខ សម្បត្តិលក្ខណា ហៅបាត់ ភេទប្រុស និង ជនសង្ស័យឈ្មោះ អ៉ឹម ថា ហៅយូរ ឬ វុធ នៅចំណុចផ្ទះជួលមួយកន្លែងក្នុងសង្កាត់ព្រែកប្រា ខណ្ឌច្បារអំពៅ រាជធានីភ្នំពេញ យកមកសាកសួរនាំ។

គួររំលឹកផងដែរថា កាលអំឡុងឆ្នាំ២០២៣ ជនរងគ្រោះបានទិញផ្ទះល្វែងមួយខ្នងស្ថិតនៅក្នុងបុរីទួលសង្កែ ស្ថិតនៅភូមិស្វាយជ្រំ សង្កាត់ស្វាយជ្រំ ក្រុងអរិយក្សត្រ ខេត្តកណ្តាល ដើម្បីស្នាក់នៅ រហូតដល់ដើមឆ្នាំ២០២៥ ជនរងគ្រោះបានចាក់សោរទុកផ្ទះខាងលើចោល រួចទៅស្នាក់នៅជាមួយកូននៅរាជធានីភ្នំពេញ រៀងរាល់ថ្ងៃចុងសប្តាហ៍ទើបជនរងគ្រោះមកមើលម្តង លុះថ្ងៃទី២៣.១១.២០២៥ វេលាម៉ោង ០៩.០០នាទី ជនរងគ្រោះបានមកមើលផ្ទះនៅចំណុចខាងលើដូចសព្វដងក៏ឃើញសភាពនៅក្នុងផ្ទះរបស់ខ្លួន មានភាពរញ៉េរញ៉ៃ ដោយសង្ស័យថាមានចោរចូលផ្ទះ ទើបដើរត្រួតពិនិត្យមើលតាមបន្ទប់ឃើញទ្វារខូចរបើកចេញទាំងអស់ ទើបដឹងថាបាត់លុយចំនួន ៣៥,០០០ដុល្លារអាមេរិក និងខ្សែកមាសចំនួន ០២ខ្សែ ទម្ងន់សរុប ០៥តម្លឹង បន្ទាប់មកជនរងគ្រោះមកដាក់ពាក្យបណ្តឹងនៅសមត្ថកិច្ច។

ក្រោយពីទទួលបានបណ្តឹងកម្លាំងជំនាញខេត្ត ក្រុងអរិយក្សត្រ បានសហការណ៍ជាមួយកម្លាំងប៉ុស្តិ៍នគរបាលរដ្ឋបាលស្វាយជ្រំ ចុះត្រួតពិនិត្យផ្ទះកើតហេតុ ស៊ើបអង្កេតស្រាវជ្រាវ ពិនិត្យតាមកាមេរ៉ាសុវត្ថិភាព ក៏បានឃើញបុរសម្នាក់មានសកម្មភាពដើរក្នុងបរិវេណបុរីគួរឲ្យសង្ស័យ។ នៅថ្ងៃទី២៩.១១.២០២៥ វេលាម៉ោង ១៣.០០នាទី កម្លាំងជំនាញបានហៅឈ្មោះ សុខ សម្បត្តិលក្ខណា ហៅ បាត់ ដែលជាអ្នករស់នៅជិតខាងក្បែរផ្ទះកើតហេតុ មកសាកសួរ និងបានបង្ហាញរូបភាពភិនភាគបុរសម្នាក់ដែលមាននៅក្នុងកាមេរ៉ាសុវត្ថិភាពឲ្យមើល ទើបឈ្មោះ សុខ សម្បត្តិលក្ខណា ហៅ បាត់ ប្រាប់មកសមត្ថកិច្ចថា រូបគេពិតជាបានស្គាល់បុរសម្នាក់នោះ និងធ្លាប់មានទំនាក់ទំនងជាមួយគ្នាហៅមកឲ្យជួយសម្អាតផ្ទះរបស់បងខ្លួនផងដែរ បន្ទាប់មកទើបសមត្ថកិច្ចបានសហការណ៍ជាមួយកម្លាំងនៃអធិការដ្ឋាននគរបាលខណ្ឌច្បារអំពៅ ឈានដល់ការឃាត់ជនសង្ស័យឈ្មោះ អ៉ឹម ថា ហៅ យូរ ឬ វុធ នៅចំណុចផ្ទះជួលមួយកន្លែងក្នុងសង្កាត់ព្រែកប្រា ខណ្ឌច្បារអំពៅ រាជធានីភ្នំពេញ យកមកសាកសួរ។

នៅចំពោះមុខសមត្ថកិច្ចជនសង្ស័យឈ្មោះ អ៉ឹម ថា បានសារភាពថា ខ្លួនពិតជាបានធ្វើសកម្មភាពលួចទ្រព្យសម្បត្តិរបស់ប្រជាពលរដ្ឋនៅក្នុងបុរីទួលសង្កែចំនួន០២ដង ប្រាកដមែន៖ លើកទី០១ នៅថ្ងៃទីមិនចាំ ខែកញ្ញា ឆ្នាំ២០២៥ វេលាម៉ោង ១៧.០០នាទី ខ្លួនបានធ្វើសកម្មភាពយកទួណឺវីសទៅបុកបំបែកមេសោររួចចូលលួចសម្ភារនៅក្នុងផ្ទះរបស់ជនរងគ្រោះបានដូចជា ទូរស័ព្ទដៃម៉ាក Iphone 16 ពណ៌ទឹកប្រាក់ ០១គ្រឿង, លុយវៀតណាម ជាង២លានដុង,លុយចិន ជិត១ពាន់យ៉េន,ខ្សែដៃអង្កាំ០១ខ្សែ និងម៉ូតូម៉ាក់ Pcx ០១គ្រឿង។ លើកទី០២ នៅថ្ងៃទី១២.១១.២០២៥ វេលាម៉ោង ១៥.០០នាទី ធ្វើសកម្មភាពផ្លោះរបង និងទាញជំរឹងបង្អួចខាងក្រោយនោះបំបាក់ដើម្បីលូនចូលលួចទ្រព្យសម្បត្តិនៅក្នុងផ្ទះនោះ ដោយយកទួណឺវីសទៅគាស់មេសោរចូលរុះរើនៅក្នុងបន្ទប់ តែមិនឃើញមានទ្រព្យសម្បត្តិអ្វីមានតម្លៃនោះទេ ពេលនោះខ្លួនបានលើកកង់ហាត់ប្រាណមួយឡើងទៅជាន់ខាងលើ តែដោយសារហែកជញ្ចាំងសង័្កសីដែលម្ចាស់គេធ្វើបាំងខណ្ឌជញ្ចាំងផ្ទះមានទំហំតូចមិនអាចយកកង់ចេញបាន ទើបទុកចោលរួចប្រមូលកម្រាលពូកចំនួន ០៣ឈុត និងម៉ាស៊ីនផ្លុំសក់ ចេញតាមបង្អួចខាងក្រោយមកក្រៅ ក៏ត្រូវសន្តិសុខ ឃាត់សួរ តែខ្លួនប្រាប់ថាជាអ្នកស៊ីឈ្នួលសម្អាតផ្ទះឲ្យគេ បន្ទាប់មកខ្លួនបានទូរស័ព្ទហៅឈ្មោះ សុខ សម្បត្តិលក្ខណា ហៅ បាត់ ជួបខាងសន្តិសុខ ដោយគាត់បានបញ្ជាក់ប្រាប់ទៅខាងសន្តិសុខថា ខ្លួនជាអ្នកសម្អាតនៅផ្ទះបងរបស់គាត់ ទើបសន្តិសុខអនុញ្ញាតិឲ្យចេញ ភ្លាមនោះឈ្មោះ បាត់ បានឌុបខ្លួនយកទៅទម្លាក់នៅត្រឹមណាហ្គា រាជធានីភ្នំពេញ រហូតដល់ថ្ងៃទី២៩.១១.២០២៥ ទើបសមត្ថកិច្ចធ្វើការឃាត់ខ្លួនតែម្តង។

បច្ចុប្បន្នជនសង្ស័យទាំងពីរនាក់ រួមទាំងវត្ថុតាងត្រូវបានកម្លាំងសមត្ថកិច្ចកំពុងកសាងសំណុំរឿង ចាត់ការតាមនីតិវិធី៕

The post កម្លាំងនរគបាលខេត្តកណ្ដាលធើ្វការស្រាវជ្រាវករណីចោរកម្មគាស់ផ្ទះយ៉ាងសកម្មឃាត់ខ្លួនជនសង្ស័យ០២នាក់ appeared first on Kampuchea Thmey Daily.

តាមការស្រាវជ្រាវ និងបំភ្លឺរបស់ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តកណ្ដាល ក្រុមជនសង្ស័យមានបក្ខពួកសរុប៥នាក់ និងត្រូវបានឃាត់ខ្លួន៤នាក់ ខណៈលោកនគរបាលផ្កាយ១ សុខ ស៊ីថា ដែលជាជនដៃដល់ មានទីលំនៅបច្ចុប្បន្នភូមិបឹងក្រចាប់ជើង ឃុំព្រែកតាមាក់ ស្រុកខ្សាច់កណ្តាល កំពុងគេចខ្លួន។

តាមការបំភ្លឺរបស់ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តកណ្ដាល កាលពីថ្ងៃទី១៧ ខែវិច្ឆិកា ឆ្នាំ២០២៥ វេលាម៉ោង០៩និង០០នាទី ក្រុមជនសង្ស័យបានធ្វើសកម្មភាពប្រើអំពើហិង្សា(កាប់ប្រហារ)លើជនរងគ្រោះពីរនាក់នៅចំណុចភូមិព្រែកតាកូវ សង្កាត់ព្រែកតាកូវ ក្រុងអរិយក្សត្រ បណ្ដាលឲ្យឈ្មោះ ជឹម ធឿន ភេទប្រុស អាយុ៦១ឆ្នាំ ជនជាតិខ្មែរ មុខរបរកសិករ រងរបួសហូរឈាមក្រោមសាច់ដុំដៃខាងឆ្វេង និងម្នាក់ទៀតឈ្មោះ ជឹម ស៊ីថា ភេទប្រុស អាយុ៥៨ឆ្នាំ ជនជាតិខ្មែរ មុខរបរកសិករ។

បន្ទាប់ពីស្រាវជ្រាវ កម្លាំងសមត្ថកិច្ចបានឃាត់ខ្លួនក្រុមបក្ខពួកជនសង្ស័យចំនួន៤នាក់ និងរកឃើញកាំបិតផ្គាក់ផ្លែដែក​ ដងឬស្សី​ ០១​ បន្សល់ទុកកន្លែងកើតហេតុ និងបញ្ជូនកសាងសំណុំរឿងដើម្បីអនុវត្តតាមនិតិវិធីច្បាប់។

តាមប្រភពមួយចំនួនលើកឡើងថា ករណីឈានដល់ការកាប់ប្រហារលើពលរដ្ឋពីសំណាក់មន្ត្រីនគរបាលផ្កាយ១នេះ កើតឡើងដោយសាររឿងទំនាស់ព្រំដី៕

អត្ថបទ៖ សុខុម

The post ស្នងការខេត្តកណ្ដាល កំពុងតាមចាប់ខ្លួនលោកផ្កាយ១ សុខ ​ស៊ីថា ពាក់ព័ន្ធករណីកាប់ប្រហារពលរដ្ឋម្នាក់របួសធ្ងន់ appeared first on Kampuchea Thmey Daily.

ការស្នើឲ្យម្ចាស់គេហទំព័រសារព័ត៌មាន ស៊ីអេចអ ធីវីអនឡាញ ចេញមុខបកស្រាយបំភ្លឺនេះ ធ្វើឡើងបន្ទាប់ពីស្នងការដ្ឋានខេត្តបានឃើញគេហទំព័រមួយនេះចុះផ្សាយមានខ្លឹមសារថា «បែកធ្លាយការធ្វើទារុណកម្មទៅលើជនជាតិចិន យ៉ាងព្រៃផ្សៃអគារអនឡាញខុសច្បាប់ នៅក្រុងសំពៅពូន ខេត្តកណ្តាល នៅចំណុចស្អាន៧២។

បើតាមក្រុមការងារព័ត៌មាន និងប្រត្តិកម្មរហ័សនៃស្នងការដ្ឋាននគរបាលខេត្តកណ្តាល បានឲ្យដឹងថា ក្រោយពីទទួលព័ត៌មាននេះភ្លាម កម្លាំងជំនាញបានចុះស្រាវជ្រាវជុំវិញការចុះផ្សាយខាងលើ និងបានបញ្ជាក់ថា ចំពោះជនរងគ្រោះនៅក្នុងរូបភាពនេះ គឺមិនមាននៅក្នុងអគារនៅចំណុចស្ពានលេខ៧២ ស្ថិតក្នុងក្រុងសំពៅពូនដូចការចុះផ្សាយនោះទេ។ រហូតមកដល់ពេលនេះសមត្ថកិច្ចជំនាញមិនទាន់ទទួលបានបណ្តឹង ឬព័ត៌មានណាមួយថាមានការប្រើហិង្សានៅក្នុងទីតាំងអគារនោះដែរ។

ក្រុមការងារព័ត៌មាន និងប្រត្តិកម្មរហ័សនៃស្នងការដ្ឋាននគរបាលខេត្តកណ្តាល ក៏សូមឲ្យសាធារណជន និងបណ្តាញសារព័ត៌មានជ្រាប និងកុំមានការភាន់ច្រឡំ៕

The post ស្នងការខេត្តកណ្ដាល ស្នើឲ្យចាងហ្វាងសារព័ត៌មានមួយរូបចេញមុខបំភ្លឺពីការចុះផ្សាយករណីធ្វើទារុណកម្មលើជនជាតិចិននៅក្រុងសំពៅពូន appeared first on Kampuchea Thmey Daily.