គិតត្រឹមម៉ោង៨៖០០នាទីយប់ថ្ងៃទី១៨ ខែមេសា និង ក្រុមក្មេងទំនើងដែលធ្វើសកម្មភាពវាយនិងគប់រថយន្ត១គ្រឿងម៉ាកអាវតា០៧ស៊េរីឆ្នាំ២០២៥ពណ៌ខ្មៅ បណ្តាលឲ្យរងការខូចខាតក្នុងករណីគ្រោះថ្នាក់ចរាចរណ៍ជាមួយនឹងម៉ូតូ១គ្រឿង នៅសង្កាត់ស្រះចក ខណ្ឌដូនពេញ ត្រូវបាននគរបាលជំនាញព្រហ្មទណ្ឌឃាត់ខ្លួនបានចំនួន៩នាក់ហើយ។ នេះបើតាមអគ្គស្នងការរង និងជាស្នងការនគរបាលរាជធានីភ្នំពេញ ឧត្តមសេនីយ៍ឯក ជួន ណារិន្ទ បង្ហោះលើទំព័រហ្វេសប៊ុកផ្លូវការ និងឱ្យក្មេងទំនើងដែលពាក់ព័ន្ធ ក៏ដូចជាក្មេងទំនើងដែលគប់រថយន្តហើយកំពុងរត់គេចទៅពួននៅខេត្ត ត្រូវចូលខ្លួនសារភាពជាបន្ទាន់ត្រឹមម៉ោង៧៖០០នាទីព្រឹក។

ឧត្តមសេនីយ៍ឯក ជួន ណារិន្ទ សរសេរលើទំព័រហ្វេសប៊ុកផ្លូវការដូច្នេះ ៖[ខ្ញុំបាទសូមផ្ដាំទៅយុវជនដែលរួមគ្នាវាយបំផ្លាញរថយន្តនោះ(ខ្ញុំទុករយៈពេលឱ្យចូលសារភាពត្រឹមព្រឹកស្អែកវេលាម៉ោង ៧៖០០នាទីថ្ងៃទី១៩ ខែមេសា ឆ្នាំ២០២៦។ គិតមកដល់ម៉ោង ២០ ៖០០នាទីថ្ងៃទី១៨ ខែមេសា នេះ កំលាំងជំនាញយើងខ្ញុំតាមឃាត់ខ្លួនសរុបបាន០៩ នាក់ហើយ។ ករណីខាងលើជាបទល្មើសព្រហ្មទណ្ឌ(អ្នកមិនអាចរត់គេចខ្លួនមួយជីវិតបានទេ គឺសមត្ថកិច្ចជំនាញ តាមគ្រប់ពេលវេលា) សូមចេញពីខេត្តមកទាំងយប់មក។]។

ឧត្តមសេនីយ៍ឯក ជួន ណារិន្ទ កាលពីថ្ងៃទី១៧ ខែមេសា បានឱ្យដឹងថា មុខសញ្ញាក្មេងទំនើងដែលវាយនឹងគប់រថយន្ត ត្រូវបានសមត្ថកិច្ចជំនាញកំណត់មុខសញ្ញាបានអស់ហើយ។ លោកអំពាវនាវទៅកាន់អាណាព្យាបាលថា បើដឹងថាកូនក្មួយខ្លួនពាក់ព័ន្ធករណីនេះ ត្រូវបញ្ជូនមកសារភាពបន្ទាន់។

គួរឱ្យដឹងថា ហេតុការណ៍ពលរដ្ឋដេញគប់រថយន្ត១គ្រឿង ម៉ាកអាវតា០៧ ពណ៌ខ្មៅ ស៊េរីឆ្នាំ២០២៥ បានកើតឡើង គឺនៅវេលាម៉ោង៧៖៣០នាទីយប់ថ្ងៃទី១៦ខែមេសាឆ្នាំ២០២៦ នៅលើកំណាត់ផ្លូវ៩០ សង្កាត់ស្រះចក ខណ្ឌដូនពេញ។

បើតាមសមត្ថកិច្ចជំនាញ ហេតុការណ៍នេះ  កើតឡើង ក្រោយករណីគ្រោះថ្នាក់ចរាចរណ៍រវាងរថយន្ត ជាមួយនឹងម៉ូតូ១គ្រឿង។ក្រោយកើតហេតុនគរបាលខណ្ឌដូនពេញ នាំយករថយន្តនិងអ្នកបើករថយន្តមកកាន់មកប៉ុស្តិ៍នគរបាលរដ្ឋបាលស្រះចក ដើម្បីសួរនាំ។ អ្នកបើករថយន្ត បានឲ្យនគរបាលដឹងថា មុនពេលកើតហេតុខ្លួនបានធ្វើដំណើរលើផ្លូវ៩០កែងនិងផ្លូវស៊ីសុវត្ថិ ហើយបត់ចូលផ្លូវ៩០ ក្នុងទិសដៅពីកើតទៅលិច ហើយក៏ស្ទះចរាចរណ៍ ខណៈនោះក៏មានម៉ូតូ១គ្រឿងម៉ាកហុងដាសេ១២៥បានបើកប៉ះរថយន្តខ្លួនពីក្រោយ។ ភ្លាមៗខ្លួនក៏ចុះទៅមើលរថយន្ត ដើម្បីសួរនាំប៉ុន្តែពេលនោះម្ចាស់ម៉ូតូមិនឆ្លើយតបឡើយ ឃើញបែបនេះ អ្នកបើករថយន្តខឹងក៏រុញម៉ូតូផ្តួល រួចឡើងរថយន្តបើកចេញពីកន្លែងកើតហេតុគ្រោះថ្នាក់ចរាចរណ៍។ក្រោយពីម្ចាស់រថយន្តរុញម៉ូតូខ្លួនផ្ដួល និងបើកចេញ ម្ចាស់ម៉ូតូក៏ស្រែករត់ដេញតាមពីក្រោយ បណ្ដាលឱ្យប្រជាពលរដ្ឋមានការយល់ច្រឡំស្មានថារថយន្តបុកម៉ូតូ ហើយបើករត់ ក៏នាំគ្នាដេញតាម និងយកដុំថ្មគប់រថយន្ត បង្កឲ្យខូចខាតផ្នែកខាងមុខ និងក្រោយ។ ក្នុងហេតុការណ៍ ពលរដ្ឋដែលគប់រថយន្ត សមត្ថកិច្ច ក៏បាបចុះអន្តរាគមន៍ នាំយករថយន្ត និងអ្នកបើកបរចេញពីកន្លែងកើតហេតុ ដើម្បីបញ្ចៀសការកើតមានអំពើហិង្សា៕

ដោយ៖ ង៉ិល ណារ៉ាត់

The post ចាប់បាន៩នាក់ហើយ! មេប៉ូលីសភ្នំពេញព្រមានក្មេងទំនើងគប់បំផ្លាញឡានរួចគេចខ្លួនទៅពួនតាមខេត្តថា «អ្នកមិនអាចគេចខ្លួនមួយជីវិតបានទេ» appeared first on Kampuchea Thmey Daily.

បើតាមក្រុមការងារព័ត៌មាន និងប្រតិកម្មរហ័ស នៃស្នងការនគរបាលរាជធានី ការចាប់ខ្លួននេះ ធ្វើឡើងកាលពីព្រឹកថ្ងៃទី១៥ ខែមេសា ឆ្នាំ២០២៦ នៅក្នុងកម្មវិធីនគរសង្រ្កាន ទួលទំពូង ផ្លូវ១៥៥ សង្កាត់ទួលទំពូង១ ខណ្ឌចំការមន រាជធានីភ្នំពេញ ។

បើតាមប្រភពដដែល ជនសង្ស័យដែលសមត្ថកិច្ចឃាត់ខ្លួនទី១/ឈ្មោះ CHU THI CHIEN វ័យ៦៩ឆ្នាំ,  ទី២/ឈ្មោះ NGUYEN THI HOA អាយុ៥៩ឆ្នាំ, ទី៣/ឈ្មោះ TRAN THI THAO អាយុ ៥៣ឆ្នាំ និងទី៤/ឈ្មោះ KIM THI LIEU អាយុ ៦០ឆ្នាំ។ ស្រ្តីទាំង៤នាក់នេះ ជាជនជាតិវៀតណាម ស្នាក់នៅផ្ទះជួល មិនស្គាល់ទីតាំង គ្មានមុខរបរ។ ក្រោយឃាត់ខ្លួន សមត្ថកិច្ចបានត្រួតពិនិត្យរកសារធាតុញៀន ប៉ុន្តែលទ្ធផលបង្ហាញថា គ្មានសារធាតុញៀនឡើយ។

ក្នុងពេលចាប់ខ្លួន សមត្ថកិច្ចបានចាប់យកវត្ថុតាងដូចជាកាបូបស្ពាយពីក្រោយចំនួន០១ពណ៌ខ្មៅ។ទូរស័ព្ទដៃចម្រុះម៉ាកចំនួន១៧គ្រឿង និងក្រដាសអាលុយម៉ីញ៉ូមមួយចំនួន។

បច្ចុប្បន្នសមត្ថកិច្ចជំនាញកំពុងកសាងសំណុំរឿងលើជនសង្ស័យខាងលើ ដើម្បីចាត់ការតាមនីតិវិធី៕

The post ស្ត្រីជនជាតិវៀតណាម៤នាក់វ័យចន្លោះពី៥៣-៧០ឆ្នាំ ត្រូវឃាត់ខ្លួនក្នុងករណីលួចទូរស័ព្ទជិត២០គ្រឿងនៅនគរសង្ក្រាន្តទួលទំពូង appeared first on Kampuchea Thmey Daily.

ស្នងការនគរបាលរាជធានី ឧត្ដមសេនីយ៍ឯក ជូន ណារិន្ទ អះអាងដូច្នេះ៖«ចំពោះបាតុភាពព្រលប់ថ្ងៃទី១៦ ខែមេសា ឆ្នាំ២០២៦ ក្រុមក្មេងៗបានគ​ប់ និងវាយបំផ្លាញរថយន្តនោះ សូមចូលខ្លួនដោះស្រាយនៅអធិការដ្ឋានខណ្ឌដូនពេញឱ្យទាន់ពេលវេលា (តែបើជំនាញតាមចាប់ខ្លួនគឺអនុវត្តនីតិវិធីច្បាប់អត់លើកលែងទេ ព្រោះមុខសញ្ញាខាងជំនាញក្ដាប់បានហើយ)។ ខ្ញុំអត់ដែលនិយាយលេងទេ សូមអាណាព្យាបាល បើដឹងថាកូនក្មួយខ្លួនពាក់ព័ន្ធបញ្ជូនមកសារភាពបន្ទាន់។ »។

គួរឱ្យដឹងថា ហេតុការណ៍ពលរដ្ឋដេញគប់រថយន្ត១គ្រឿង ម៉ាកអាវតា០៧ ពណ៌ខ្មៅ ស៊េរីឆ្នាំ២០២៥ បានកើតឡើង គឺនៅវេលាម៉ោង៧៖៣០នាទីយប់ថ្ងៃទី១៦ខែមេសាឆ្នាំ២០២៦ នៅលើកំណាត់ផ្លូវ៩០ សង្កាត់ស្រះចក ខណ្ឌដូនពេញ។ បើតាមសមត្ថកិច្ចជំនាញ ហេតុការណ៍នេះ  កើតឡើង ក្រោយករណីគ្រោះថ្នាក់ចរាចរណ៍រវាងរថយន្ត ជាមួយនឹងម៉ូតូ១គ្រឿង។

 ក្រោយកើតហេតុនគរបាលខណ្ឌដូនពេញ នាំយករថយន្តនិងអ្នកបើករថយន្តមកកាន់មកប៉ុស្តិ៍នគរបាលរដ្ឋបាលស្រះចក ដើម្បីសួរនាំ។ អ្នកបើករថយន្ត បានឲ្យនគរបាលដឹងថា មុនពេលកើតហេតុខ្លួនបានធ្វើដំណើរលើផ្លូវ៩០កែងនិងផ្លូវស៊ីសុវត្ថិ ហើយបត់ចូលផ្លូវ៩០ ក្នុងទិសដៅពីកើតទៅលិច ហើយក៏ស្ទះចរាចរណ៍ ខណៈនោះក៏មានម៉ូតូ១គ្រឿងម៉ាកហុងដាសេ១២៥បានបើកប៉ះរថយន្តខ្លួនពីក្រោយ។ ភ្លាមៗខ្លួនក៏ចុះទៅមើលរថយន្ត ដើម្បីសួរនាំប៉ុន្តែពេលនោះម្ចាស់ម៉ូតូមិនឆ្លើយតបឡើយ ឃើញបែបនេះ អ្នកបើករថយន្តខឹងក៏រុញម៉ូតូផ្តួល រួចឡើងរថយន្តបើកចេញពីកន្លែងកើតហេតុគ្រោះថ្នាក់ចរាចរណ៍។

ក្រោយពីម្ចាស់រថយន្តរុញម៉ូតូខ្លួនផ្ដួល និងបើកចេញ ម្ចាស់ម៉ូតូក៏ស្រែករត់ដេញតាមពីក្រោយ បណ្ដាលឱ្យប្រជាពលរដ្ឋមានការយល់ច្រឡំស្មានថារថយន្តបុកម៉ូតូ ហើយបើករត់ ក៏នាំគ្នាដេញតាម និងយកដុំថ្មគប់រថយន្ត បង្កឲ្យខូចខាតផ្នែកខាងមុខ និងក្រោយ។ ក្នុងហេតុការណ៍ ពលរដ្ឋដែលគប់រថយន្ត សមត្ថកិច្ច ក៏បាបចុះអន្តរាគមន៍ នាំយករថយន្ត និងអ្នកបើកបរចេញពីកន្លែងកើតហេតុ ដើម្បីបញ្ចៀសការកើតមានអំពើហិង្សា៕

ដោយ​៖ ង៉ិល ណារ៉ាត់  

The post មេប៉ូលិសភ្នំពេញឱ្យជនគប់រថយន្តនៅម្ដុំវត្តភ្នំ ចូលខ្លួនសារភាព បើមិនចង់ជាប់ទោសធ្ងន់ ព្រោះសមត្ថកិច្ចកំណត់មុខសញ្ញាបានអស់ហើយ appeared first on Kampuchea Thmey Daily.

ក្រុមការងារព័ត៌មាន  និងប្រតិកម្មរហ័ស នៃស្នងការនគរបាលរាជធានីភ្នំពេញ ឱ្យដឹងថា សមត្ថកិច្ចបានចុះទៅចាប់ខ្លួនម្ចាស់គណនីហ្វេសប៊ុកឈ្មោះ Kim Ya An ពីបទញុះញង់ឲ្យប្រព្រឹត្តបទល្មើសឧក្រិដ្ឋជាអាទិ៍ និងបទប្រើប្រាស់ឯកសារសារធារណៈក្លែង (ក្លែងអត្តសញ្ញាណបណ្ណសញ្ជាតិខ្មែរ ឈ្មោះ ប៉ែនភ័ក្រ សុរីធន់ លេខ០១១០៦ ៥៤៩៩៩) នៅវេលាម៉ោង២៖៣០នាទីថ្ងៃទី៣១ ខែមីនា ។

ក្រុមការងារព័ត៌មាន  និងប្រតិកម្មរហ័ស រម្លឹកឱ្យដឹងថា​  នគរបាលចរាចរណ៍ ដែលចុះអនុវត្តច្បាប់ចរាចរណ៍ផ្លូវគោកនិងត្រួតពិនិត្យជាតិស្រវឹងពេលយប់លើផ្លូវ៥៩៨ ក្នុងសង្កាត់ទឹកល្អក់១ ខណ្ឌទួលគោក  នាម៉ោង០០:៣០នាទីឈានចូលថ្ងៃទី ៣១ ខែមីនា  បានឃាត់រថយន្ត១គ្រឿងម៉ាក បើកបរដោយម្ចាស់គណនីហ្វេសប៊ុកឈ្មោះ Kim Ya An ដើម្បីវាស់ជាតិអាល់កុល ខណៈនោះអ្នកបើកបរបានសហការផ្លុំ ប៉ុន្តែផ្លុំលើកទី១និងទី២ ខុសបច្ចេកទេស លុះផ្លុំលើកទី៣ តាមការពន្យល់ពីបច្ចេកទេសផ្លុំ សមត្ថកិច្ចរកឃើញថា មានអត្រាជាតិអាល់កុល 0,55 Mg/l ។ លទ្ធផលបែបនេះ សមត្ថកិច្ចបានផាកពិន័យ និងចេញប័ណ្ណពិន័យត្រឹមត្រូវតាមច្បាប់ជូនទៅអ្នកបើកបរ ខណៈនោះអ្នកបើកបរមិនឬតវ៉ាឡើយ ដោយព្រមផ្តិតមេដៃទទួលការផាកពិន័យ។ ក្រោយពិន័យរួច សមត្ថកិច្ចមិនឱ្យបើកបរភ្លាមឡើយ ដោយរងចាំស្វាងស្រាសិនទើបឱ្យបន្តដំណើរទៅមុខ។

តាមការកត់សម្គាល់ ក្រោយសមត្ថកិច្ចពិន័យព្រោះបើកបរទាំងស្រវឹងឈ្មោះ ប៉ែនភ័ក្រ សុរីធន់ បានសរសេរបង្ហោះគណនីហ្វេសប៊ុកឈ្មោះ Kim Ya An ថា សមត្ថកិច្ចបានបង្ខំខ្លួនឱ្យផ្លុំម៉ាស៊ីនពិនិត្យជាតិអាល់កុលចំនួន៥ទៅ៦ដង ផ្លុំរហូតដល់អស់៥០០ដុល្លារ (អរគុណសន្តិភាព សម្លាប់ប្រជាជនទាំងរស់) សមត្ថភាពយកដីមកឱ្យប្រជាជនវិញមិនមានទេ ប៉ុន្តែបើរឿងធ្វើបាបប្រជារាស្ត្រ និងកិបកេងប្រជារាស្ត្របាន (ពុករលួយថ្នាក់ក្រោម)។

ក្រុមការងារព័ត៌មាន និងប្រតិកម្មរហ័ស អះអាងថា ការបង្ហោះរបស់ជនសង្ស័យម្នាក់នេះ មិនឆ្លុះបញ្ចាំងពីការខិតខំប្រឹងប្រែងរបស់សមត្ថកិច្ចដែលបំពេញភារកិច្ច ដើម្បីកាត់បន្ថយបញ្ហាគ្រោះថ្នាក់ចរាចរណ៍ ធានាការពារអាយុជីវិត ការខូចខាតទ្រព្យសម្បត្តិរបស់ប្រជាពលរដ្ឋ ដែលគ្រោះថ្នាក់ចរាចរណ៍ភាគច្រើនផ្តើមចេញពីការទទួលទានគ្រឿងស្រវឹង កើតឡើងញឹកញាប់នៅពេលយប់ បណ្តាលឱ្យបាត់បង់អាយុជីវិតប្រជាពលរដ្ឋគួរឱ្យបារម្ភ។

ក្រោយសមត្ថកិច្ចឃាត់ខ្លួនបញ្ជូនមកដល់ការិយាល័យព្រហ្មទណ្ឌ ជនសង្ស័យឈ្មោះ ប៉ែនភ័ក្រ សុរីធន់ ភេទប្រុសក្លែងភេទស្រីមានមុខរបរ បុគ្គលិកខារ៉ាអូខេ  សារភាពថា នៅយប់ថ្ងៃទី៣០ ខែមីនា  រូបគេបានផឹកស្រាបៀរជាមួយមិត្តភក្តិ៣នាក់រហូតដល់ស្រវឹងនៅផ្ទះរបស់ខ្លួន ក្នុងតំបន់ស្ទឹងមានជ័យ បន្ទាប់មកក៏ធ្វើដំណើរទៅផ្ទះមួយទៀតនៅបុរី ប៉េង ហួត ផ្លូវម៉ុង ប្ញទ្ធី។ ជនសង្ស័យ ប៉ែនភ័ក្រ សុរីធន់ សារភាពថាខ្លួនបានក្រញី រួចបោះចោលវិក័យបត្រចុងសន្លឹកផាកពិន័យ ដែលសមត្ថកិច្ចចេញជូន ក្រោយបើករថយន្តចេញពីកន្លែងសមត្ថកិច្ចផាក។

បច្ចុប្បន្នជនសង្ស័យខាងលើ កំពុងឃាត់ខ្លួននៅការិយាល័យនគរបាលព្រហ្មទណ្ឌ ដើម្បីសាកសួរចាត់ការតាមនីតិវិធី។

ច្បាប់ចរាចរណ៍ផ្លូវគោក មាត្រា៧៧ ចែងថា ជនណាបើករថយន្តនៅពេលដែលខ្លួនស្ថិតក្នុងស្ថានភាពស្រវឹងដោយមានជាតិអាល់កុលចាប់ពី០,៤០មីលីក្រាមក្នុងមួយលីត្រខ្យល់ ឬ០,៨០មីលីក្រាមក្នុងមួយលីត្រឈាមឡើងទៅត្រូវផ្ដន្ទាទោសដាក់ពន្ធនាគារចាប់ពី១ខែទៅ៦ខែ និងពិន័យជាប្រាក់ពី៨០ម៉ឺនរៀលទៅ៤លានរៀល៕

The post ស្រវឹងស្រាបើកបរប៉ូលិសផាក៥០០ដុល្លារមិនទទួលកំហុស យកទៅបង្ហោះហ្វេសប៊ុកលក្ខណៈញុះញង់ ត្រូវសមត្ថកិច្ចឃាត់ខ្លួន appeared first on Kampuchea Thmey Daily.

ដោយអនុវត្តតាមអនុសាសន៍ដ៏ខ្ពង់ខ្ពស់របស់ លោកនាយឧត្តមសេនីយ៍ ស ថេត អគ្គស្នងការ នគរបាលជាតិ និងអនុវត្តន៍តាមបទបញ្ជាពីលោក ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ និងដឹកនាំដោយលោកឧត្តសេនីយ៍ត្រី ប៊ុត សត្យា ស្នងការរងទទួលផែនការងារ នគរបាលព្រហ្មទណ្ឌ និងបញ្ហារដោយផ្ទាល់ពីលោកឧត្តសេនីយ៍ទោ លី ប៊ុនអេង ស្នងការរងទទួលការិយាល័យ នគរបាលព្រហ្មទណ្ឌកំរិតស្រាល និងអនុវត្តន៍ដោយផ្ទាល់ពីលោកវរសេនីយ៍ឯក ម៉ម សាវន នាយការិយាល័យ នគរបាលព្រហ្មទណ្ឌកំរិតស្រាលរាជធានីភ្នំពេញ បើកការស្រាវជ្រាវកាលពីថ្ងៃទី១៩ និង ថ្ងៃទី២១ ខែមិនា ឆ្នាំ២០២៦ រហូតឈានដល់ឃាត់ខ្លួនជនសង្ស័យចំនួន៩នាក់។

ក្នុងរង្វង់ប្រតិបត្តិការនេះកម្លាំងជំនាញបានធើ្វការស្រាវជ្រាវចំនួយ៣ករណី០១ ៖ អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា (យកដៃព្រួតគ្នាវាយប្លន់យកម៉ូតូម៉ាកហុង ដាស្កូបពី ពណ៌ ចម្រុះ សេរីឆ្នាំ២០២៥ គ្មានផ្លាកលេខ ចំនួន០១គ្រឿង និងទូរសព្ទ័ដៃម៉ាកហ៊ីណូចំនួន ០១ គ្រឿង) ប្រព្រឹត្ត នៅចំណុចដីវាល ភូមិកាកាប សង្កាត់កាកាប២ ខណ្ឌពោធិ៍សែនជ័យ រាជធានីភ្នំពេញ កាលពីថ្ងៃទី១៧ ខែមីនា ឆ្នាំ២០២៦ វេលាម៉ោង ០២ និង ២០ នាទី, រក្សាទុក ដឹកញ្ជូន ឬជួញដូរដោយខុសច្បាប់នូវសារធាតុញៀន,កាន់កាប់អាវុធដោយគ្មាន ការអនុញ្ញាត និងប្រើប្រាស់ដោយខុសច្បាប់ នូវសារធាតុញៀន ប្រព្រឹត្តនៅចំណុចបន្ទប់ជួលលេខ៩ សហគមន៍អណ្តូង៦ ផ្លូវបេតុង ភូមិអណ្តូង៦ សង្កាត់គោករកា ខណ្ឌព្រែកព្នៅ រាជធានីភ្នំពេញ កាលពីថ្ងៃទី២០ ខែមីនា ឆ្នាំ២០២៦ វេលាម៉ោង១៥ និង ៤០ នាទី,

ករណីទី០២ ៖ អំពើលួចមានស្ថានទម្ងន់ទោសដោយសារការប្រព្រឹត្តអំពើហិង្សា (យកដៃព្រួតគ្នាវាយប្លន់យកម៉ូតូម៉ាកហុង ដាំស្កុបពី ពណ៌ចម្រុះ សេរីឆ្នាំ២០២៥ គ្មានផ្លាកលេខ ចំនួន០១គ្រឿង និងទូរសព្ទ័ដៃម៉ាកហូណូចំនួន ០១ គ្រឿង) ប្រព្រឹត្តនៅចំណុច និងប្រើប្រាស់ដោយខុសច្បាប់នូវសារធាតុញៀន ប្រព្រឹត្តនៅចំណុចផ្ទះជួល ផ្លូវលេខ៣៧១ ភូមិទ្រា៤ សង្កាត់ស្ទឹងមានជ័យ៣ រាជធានីភ្នំពេញ កាលពីថ្ងៃទី១៧ ខែមីនាំ ឆ្នាំ២០២៦ វេលាម៉ោងប្រហែល០១ និង៤៥ នាទី និង ករណីទី០៣ ៖ ចាប់ ឃុំឃាំង និងបង្ខាំងដោយខុសច្បាប់ ហិង្សាដោយចេតនាមានស្ថានទម្ងន់ទោស ,ជំរិតទារប្រាក់(ពុំបាន សម្រេច) និងអំពើលួចមានស្ថានទម្ងន់ទោស ប្រព្រឹត្តនៅចំណុចក្នុងបុរី មុខផ្ទះលេខ០២A ផ្លូវលេខ៣ ភូមិទួលកី សង្កាត់ភ្លើ ងឆេះរទេះ ខណ្ឌកំបូល រាជធានីភ្នំពេញ កាលពីថ្ងៃទី១៩ ខែមីនា ឆ្នាំ២០២៦ វេលាម៉ោងប្រហែល ២២ និង ០០ នាទី។

បច្ចុប្បន្នជនសង្ស័យទាំង៩នាក់ ត្រូវបានកម្លាំងសមត្ថកិច្ចជំនាញយកមកបង្ហាញមុខជាសាធារណៈ រួចបញ្ជូនខ្លួនទៅកាន់តុលាការដើម្បីអនុវត្តតាមនីតិវិធីច្បាប់៕

The post បញ្ជូនជនសង្ស័យ៩នាក់ទៅកាន់តុលាការ ពាក់ព័ន្ធករណីប្លន់និងចាប់ឃុំឃាំងដោយខុសច្បាប់ ដកហូតវត្ថុតាងគ្រឿង ញៀនមួយចំនួនធំ appeared first on Kampuchea Thmey Daily.

ដោយទទួលបានការអនុញ្ញាតពី លោកឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានដាក់បទបញ្ជាកាលពីថ្ងៃទី១៥ ខែមីនា ឆ្នាំ២០២៦ ទៅកាន់លោកឧត្តមសេនីយ៍ទោ ហេង រតនា ស្នងការរង ទទួលផែនការងារនគរបាលចរាចរណ៍ និងលោកវរសេនីយ៍ឯក មួន សុខា ស្នងការរងទទួលដឹកនាំការិយាល័យនគរបាលចរាចរណ៍ផ្លូវគោក លើការដឹកនាំកិច្ចប្រជុំផ្សព្វផ្សាយផែនការ ការងារបន្ត។ ជាពិសេសផែនការចុះអនុវត្ត រឹតបន្តឹងច្បាប់ចរាចរណ៍ តាមរយៈការពិនិត្យជាតិស្រវឹងនាពេលរាត្រី ក្នុងភូមិសាស្ត្ររាជធានីភ្នំពេញ ដែលនឹងចាប់ផ្តើមអនុវត្តពេញលេញ ពីថ្ងៃទី១៧ ខែមីនា ឆ្នាំ២០២៦តទៅ។

ក្នុងកិច្ចប្រជុំនេះ ក៏មានការចូលរួមពីលោកនាយ-នាយរងការិយាល័យ លោកនាយផ្នែក លោកអធិការរងទទួលការងារចរាចរណ៍ទាំង១៤ខណ្ឌ និងមន្ត្រីជំនាញពាក់ព័ន្ធផងដែរ។

គួររំលឹកផងដែរ កាលពីថ្ងៃទី៣ ខែកុម្ភៈ អគ្គស្នងការដ្ឋាននគរបាលជាតិ ប្រកាសចាប់ផ្តើមរឹតបន្តឹងការអនុវត្តច្បាប់ស្តីពី ចរាចរណ៍ផ្លូវគោកឡើងវិញ បន្ទាប់ពីអត្រាគ្រោះថ្នាក់ចរាចរណ៍ បានកើនឡើងខ្ពស់ នៅអំឡុងពេលនគរបាលចរាចរណ៍ បន្ធូរបន្ថយការអនុវត្តច្បាប់។ ក្នុងរយៈពេល ១៦០ថ្ងៃ គិតចាប់ពីថ្ងៃទី២៥ ខែកក្កដា ដល់ដំណាច់ឆ្នាំ២០២៥ ក្នុងអំឡុងពេលមានជម្លោះប្រដាប់អាវុធនៅតំបន់ព្រំដែនកម្ពុជា-ថៃ ការត្រួតពិនិត្យការអនុវត្តច្បាប់ត្រូវបានបន្ធូរបន្ថយមួយរយៈ។

មូលហេតុចម្បងបង្កឱ្យមានគ្រោះថ្នាក់ រួមមាន ការបើកបរល្មើស មិនគោរពសិទ្ធិ មិនប្រកាន់ស្តាំ ប្រជែងគ្រោះថ្នាក់ បត់គ្រោះថ្នាក់ ស្រវឹង, សញ្ញាចរាចរណ៍ខណៈកត្តាយានយន្ត ងងុយ និងកត្តាផ្លូវ។

អគ្គស្នងការដ្ឋាននគរបាលជាតិ បានពន្យល់ថា ជុំវិញការរឹតបន្តឹងច្បាប់ចរាចរណ៍ឡើងវិញនេះ គឺ ដើម្បីបន្តរួមចំណែកក្នុងការអនុវត្តយុទ្ធសាស្ត្របញ្ចាកោណ របស់រាជរដ្ឋាភិបាលកម្ពុជា ក្នុងនីតិកាល ទី៧នៃរដ្ឋសភា និងផែនការទស្សវត្សរ៍សុវត្ថិភាពចរាចរណ៍ផ្លូវគោក ឆ្នាំ២០២០-២០៣០ ឱ្យសម្រេចបានជោគជ័យ។

សូមបញ្ជាក់ផងដែរថា ការអនុវត្តច្បាប់ចរាចរណ៍ផ្លូវគោកនេះគឺគ្រប់បណ្ដាខណ្ឌទាំង១៤ និងត្រូវអនុវត្តតាមគោលការណ៍ចាស់ ដែលធ្លាប់អនុវត្តន៍នាពេលកន្លងទៅ ចាប់ពីម៉ោង ១១:៣០យប់ឡើងទៅ៕ ដោយ៖អុឹងម៉េង

The post នគរបាលនិងចាប់ផ្ដើមចុះត្រួតពិនិត្យជាតិស្រវឹង នាពេលរាត្រីឡើងវិញ ក្រោយមានគ្រោះថ្នាក់កើនឡើង appeared first on Kampuchea Thmey Daily.

ក្រោយពីឃើញទង្វើអង្គរក្សឯកជនបំពានសិទ្ធិអ្នកបើកបរយានយន្តក្នុងភូមិសាស្ត្ររាជធានីភ្នំពេញ ស្នងការនគរបាលរាជធានី ឧត្ដមសេនីយ៍ឯក ជួន ណារិន្ទ សរសេរលើបណ្ដាញសង្គមដូច្នេះ៖«ខ្ញុំបានដាក់បទបញ្ជាឱ្យជំនាញកោះហៅមកសួរនាំអំពីសកម្មភាពតាមដងផ្លូវសាធារណៈបែបនេះ(សូមកុំធ្វើទង្វើឱ្យមានការភ័យខ្លាចដល់អ្នកធ្វើដំណើរ)។ »។

បណ្ឌិត ឈត ប៊ុនថង អ្នកតាមដានបញ្ហាសង្គមយល់ថា អង្គរក្សឯកជនមានតួនាទីការពារសុវត្ថិភាពមេកើយរបស់ខ្លួន ប៉ុន្តែចំពោះបញ្ហាចរាចរណ៍លើដងផ្លូវបន្តិចបន្តួច មិនមានគ្រោះថ្នាក់បែបនេះ អង្គរក្សឯកជនមិនគួរកាត់សេចក្ដីដោយខ្លួនឯងជំនួសអាជ្ញាធរ ប្រើសម្ដីគ្មានសីលធម៌ បំពានដល់អ្នកដទៃ បំពានច្បាប់ឡើយ។  

លោកបណ្ឌិត គាំទ្រចំពោះសមត្ថកិច្ចដែលកោះហៅអង្គរក្សឯកជនទាំងពីរនេះមកសួរនាំ ហើយបើរកឃើញថាមានកំហុសកម្រិតស្រាល  អាជ្ញាធរត្រូវតែធ្វើកិច្ចសន្យាអប់រំ បង្គាប់ឱ្យបញ្ឈប់ទង្វើអសីលធម៌បំពានសិទ្ធិអ្នកដទៃតទៅទៀត តែបើមានកំហុសធ្ងន់ធ្ងរត្រូវតែចាត់វិធានការច្បាប់។

អ្នកតាមដានបញ្ហាសង្គមរូបនេះ ចាត់ទុកថា វិធានការរបស់អាជ្ញាធរលើអង្គរក្សឯកជនដែលមានកំហុស គឺជាការយកចិត្តទុកដាក់ចំពោះសណ្ដាប់ធ្នាប់សង្គម ការការពារពលរដ្ឋទន់ខ្សោយពីការបំពាន និងជាការព្រមានចំពោះជនប្រព្រឹត្តកំហុសផ្ទាល់ និងដោយប្រយោលទៅកាន់អង្គរក្សឯកជនដទៃទៀតកុំឱ្យប្រព្រឹត្តទង្វើបំពានអ្នកដទៃ។

លោកក៏ព្រមានទុកមុនថា បើអាជ្ញាធរមិនចាត់វិធានការច្បាប់ចំពោះអ្នកដែលប្រព្រឹត្តកំហុសធ្ងន់ធ្ងរមិនអាចលើកលែងទេ ទៅថ្ងៃក្រោយ អាចនឹងអង្គរក្សឯកជនប្រព្រឹត្តទង្វើមិនគប្បីដាក់លើពលរដ្ឋផ្សេងទៀត។

តាមការផ្សព្វផ្សាយនៅលើបណ្ដាញសង្គម អង្គរក្សឯកជនទាំងពីររូបនេះ គឺការកូនចៅរបស់ឧកញ៉ាមួយរូប ដែលរស់នៅសង្កាត់ព្រែក​ប្រា​ ខណ្ឌ​ច្បារអំពៅ​ រាជធានីភ្នំពេញ​៕

The post អគ្គស្នងការរង ជួន ណារិន្ទ បញ្ជាឱ្យហៅអង្គរក្សឯកជន២នាក់ជិះម៉ូតូកាងមេខ្លួន ជេរអ្នកបើកឡានថា«អាឆ្កួត»មកសួរនាំ appeared first on Kampuchea Thmey Daily.

បន្ថែមពីនេះ ជនជាប់ចោទ ហ៊ុន ហេង ក៏ត្រូវបានហាមឃាត់មិនឱ្យបើកបរយានយន្តគ្រប់ប្រភេទរយៈពេល៥ឆ្នាំ បន្ទាប់ពីអនុវត្តទោសចប់នៅក្នុងពន្ធនាគារផងដែរ។

សូមរម្លឹកថា កាលពីថ្ងៃទី១៥ ខែឧសភា បុគ្គល ហ៊ុន ហេង បានបើកបររថយន្តទាំងស្រវឹងមានអត្រាជាតិអាល់កុល 0.35mg/L ក្នុងល្បឿនលឿនខ្វះការប្រុងប្រយ័ត្ន ទៅបុករះយានជំនិះដែលធ្វើដំណើរលើកំណាត់ផ្លូវព្រះនរោត្ដម  ក្នុងសង្កាត់ទន្លេបាសាក់ ខណ្ឌចំការមន បណ្ដាលឲ្យបុរសអ្នកបើកម៉ូតូកង់បីឥណ្ឌាម្នាក់បាត់បង់ជីវិតភ្លាមៗនៅនឹងកន្លែងកើតហេតុ និងចំណែកអ្នករងរបួសធ្ងន់ស្រាល ត្រូវបានបញ្ជូនទៅសង្គ្រោះនៅមន្ទីរពេទ្យ។

បន្ទាប់ពីកើតមានករណីនេះ និងមានប្រតិកម្មពីសំណាក់អ្នកប្រើប្រាស់បណ្ដាញសង្គម អគ្គស្នងការរងនគរបាលជាតិ និងស្នងការនគរបាលរាជធានីភ្នំពេញ លោក ជួន ណារិន្ទ ក៏បានបណ្ដេញបុគ្គល ហ៊ុន ហេង ចេញពីតួនាទីជានាយការិយាល័យគណនេយ្យ ចំណុះផែនការងារភស្តុភារ និងហិរញ្ញវត្ថុផងដែរ។ បុគ្គល ហ៊ុន ហេង ត្រូវបានចៅក្រមបញ្ជូនឱ្យទៅឃុំខ្លួននៅពន្ធនាគាររាជធានីភ្នំពេញ(PJ)  កាលពីថ្ងៃទី១៧ ខែឧសភា កន្លងទៅ។

សម្ដេច ហ៊ុន ម៉ាណែត នាយករដ្ឋមន្ត្រីកម្ពុជា ធ្លាប់បានអះអាងកាលពីថ្ងៃទី១៧ ខែឧសភា ថា ពាក់ព័ន្ធករណីគ្រោះថ្នាក់ចរាចរណ៍ ដែលបណ្ដាលឱ្យមានមនុស្សស្លាប់ និងរបួស គឺសម្ដេចតែងតែតាមដានជាប់ជានិច្ច។

សូមរម្លឹកថា កាលពីចុងខែកញ្ញា ឆ្នាំ២០២៤ កន្លងទៅ  សម្ដេចធិបតី ហ៊ុន ម៉ាណែត ធ្លាប់បានបញ្ជាឱ្យលោក កើត រិទ្ធ ឧបនាយករដ្ឋមន្ត្រី រដ្ឋមន្រ្តីក្រសួងយុត្តិធម៌ ចេញអធិបញ្ជាឱ្យប្ដឹងឧទ្ធរណ៍លើការសម្រេចរបស់សាលាដំបូងរាជធានីភ្នំពេញ ដែលសម្រេចស្របតាមច្បាប់ ផ្ដន្ទាទោសដាក់ពន្ធនាគាររយៈពេល៥ឆ្នាំ លើអ្នកបើករថយន្ត Ford Ranger ទាំងស្រវឹងបុករះបណ្ដាលឱ្យស្លាប់មនុស្សប្រុសស្រី៤នាក់ និងរងរបួស៤នាក់ នៅក្រោមស្ពានអាកាសឬស្សីកែវ។  កាលណោះ សម្ដេច ហ៊ុន ម៉ាណែត ធ្លាប់បានបញ្ជាក់ថា ការបញ្ជារបស់សម្ដេច គឺដើម្បីឱ្យសាលាឧទ្ធរណ៍ពិនិត្យមើល ថាតើការសម្រេចរបស់សាលាដំបូងរាជធានីភ្នំពេញ មានទម្ងន់គ្រប់គ្រាន់ តាមច្បាប់ជាធរមានឬនៅ។ បន្ទាប់មកភ្លាមៗ អគ្គព្រះរាជអាជ្ញាអមសាលាឧទ្ធរណ៍ បានសម្រេចឱ្យសភាព្រហ្មទណ្ឌរបស់សាលាឧទ្ធរណ៍ពិនិត្យសាលក្រមរបស់សាលាដំបូងរាជធានីភ្នំពេញឡើងវិញ៕

The post តុលាការផ្ដន្ទាទោសអតីតនគរបាលរាជធានី ស្រវឹងស្រាបើកបរបង្កគ្រោះថ្នាក់ចរាចរណ៍ឱ្យមនុស្សម្នាក់ស្លាប់ ៣នាក់របួស  ជាប់ក្នុងពន្ធនាគារត្រឹមតែ១ឆ្នាំ appeared first on Kampuchea Thmey Daily.