ការដំឡើងបង្គោលភ្លើងសូឡានេះ គឺជាផ្នែកមួយនៃការអភិវឌ្ឍហេដ្ឋារចនាសម្ព័ន្ធនៅមូលដ្ឋាន ដែលមានគោលបំណងបង្កើនប្រព័ន្ធភ្លើងបំភ្លឺតាមដងផ្លូវ សម្រួលដល់ការធ្វើដំណើររបស់ប្រជាពលរដ្ឋនៅពេលយប់ កាត់បន្ថយហានិភ័យគ្រោះថ្នាក់ចរាចរណ៍ និងរួមចំណែកពង្រឹងសន្តិសុខ សណ្តាប់ធ្នាប់សាធារណៈ ស្របតាមគោលនយោបាយភូមិ-ឃុំមានសុវត្ថិភាព។

ក្រៅពីការលើកកម្ពស់សុវត្ថិភាព ការដំឡើងភ្លើងបំភ្លឺសូឡាក៏ជួយបង្កើនសោភ័ណភាពនៅតាមដងផ្លូវ និងបរិស្ថានក្នុងមូលដ្ឋាន ព្រមទាំងជំរុញការប្រើប្រាស់ថាមពលស្អាត ដែលជួយកាត់បន្ថយការចំណាយលើអគ្គិសនី និងគាំទ្រការអភិវឌ្ឍប្រកបដោយចីរភាព។

ក្នុងឱកាសនោះ លោក សាយ វណ្ណៈ បានថ្លែងអំណរគុណដល់អាជ្ញាធរមូលដ្ឋាន មេភូមិ និងកម្លាំងប្រជាការពារទាំងអស់ ដែលបានចូលរួមយ៉ាងសកម្ម ដោយលះបង់ពេលវេលា និងកម្លាំងកាយចិត្ត ក្នុងការអនុវត្តការងាររហូតទទួលបានលទ្ធផលល្អ ដើម្បីបម្រើផលប្រយោជន៍រួម និងលើកកម្ពស់គុណភាពជីវិតរបស់ប្រជាពលរដ្ឋនៅក្នុងសហគមន៍៕​ដោយ៖ វីរៈ

The post ស្រុកបាទី បន្តដំឡើងបង្គោលភ្លើងសូឡា ២២ដើម បំភ្លឺផ្លូវសាធារណៈ ពង្រឹងសុវត្ថិភាព និងលើកសោភ័ណភាពមូលដ្ឋាន appeared first on Kampuchea Thmey Daily.

សកម្មភាពចុះត្រួតពិនិត្យនេះ ធ្វើឡើងក្នុងគោលបំណងដើម្បីស្វែងយល់អំពីស្ថានភាពរស់នៅជាក់ស្តែង ព្រមទាំងពង្រឹងការគ្រប់គ្រងសន្តិសុខ សណ្ដាប់ធ្នាប់សាធារណៈ ឲ្យកាន់តែមានភាពរឹងមាំនៅក្នុងមូលដ្ឋាន។

ក្នុងឱកាសចុះបេសកកម្មនោះដែរ លោក សាយ វណ្ណៈ ប្រធានគណៈបញ្ជាការឯកភាពរដ្ឋបាលស្រុកបាទី បានថ្លែងអំណរគុណយ៉ាងជ្រាលជ្រៅចំពោះម្ចាស់ទីតាំងអគារ ឃ្លាំង រោងចក្រ និងបន្ទប់ជួលទាំងអស់ ដែលបានផ្តល់កិច្ចសហការយ៉ាងល្អប្រសើរជាមួយអាជ្ញាធរមានសមត្ថកិច្ច នាពេលកន្លងមក ក្នុងការអនុវត្តតាមច្បាប់ និងបទប្បញ្ញត្តិពាក់ព័ន្ធនានារបស់រាជរដ្ឋាភិបាល។ លោកអភិបាលស្រុក ក៏បានធ្វើការផ្សព្វផ្សាយ និងជម្រាបជូនដល់ម្ចាស់ទីតាំងទាំងអស់អំពីខ្លឹមសារច្បាប់ ព្រមទាំងវិធានការនានាពាក់ព័ន្ធនឹងការគ្រប់គ្រងជនបរទេសអន្តោប្រវេសន៍ឱ្យបានច្បាស់លាស់។

លោកប្រធានគណៈបញ្ជាការឯកភាពរដ្ឋបាលស្រុក ក៏បានសង្កត់ធ្ងន់ និងជំរុញដល់ម្ចាស់ទីតាំងទាំងអស់ត្រូវបង្កើនការយកចិត្តទុកដាក់ និងចូលរួមសហការជាមួយអាជ្ញាធរ ក្នុងការទប់ស្កាត់ បង្ការ និងការពារ នូវរាល់បទល្មើសឆបោកតាមប្រព័ន្ធអនឡាញ (Online Scam) គ្រប់ទម្រង់ ដើម្បីរួមចំណែកថែរក្សាសន្តិសុខស្ថិរភាព សណ្ដាប់ធ្នាប់សាធារណៈ និងសុវត្ថិភាពសង្គម នៅក្នុងមូលដ្ឋានស្រុកបាទី ឱ្យកាន់តែមានប្រសិទ្ធភាពខ្ពស់ និងកាន់តែប្រសើរឡើងថែមទៀត៕

The post អាជ្ញាធរស្រុកបាទី ចុះពិនិត្យទីតាំងស្នាក់នៅរបស់ជនបរទេស និងផ្សព្វផ្សាយវិធានការបង្ការបទល្មើស Online Scam appeared first on Kampuchea Thmey Daily.

ការចេញមកបញ្ជាក់នេះ ក្រោយពីមានគណនីហ្វេសប៊ុកឈ្មោះ CHOUE SOKHENG បានបង្ហោះចែកចាយថា “មានករណីល្បួងលួងលោមក្មេងស្រីជាសិស្សនៅសាលាបឋមសិក្សាចំបក់ ស្រុកបាទី” នៅពេលថ្មីៗកន្លងទៅនេះ។

តាមរយៈសេចក្ដីបំភ្លឺព័ត៌មានកាលពីថ្ងៃទី២៧ ខែឧសភា ឆ្នាំ២០២៦ រដ្ឋបាលស្រុកបញ្ជាក់ថា បន្ទាប់ពីទទួលបានព័ត៌មានខាងលើ រដ្ឋបាលស្រុក បានណែនាំដល់អធិការដ្ឋាននគរបាលស្រុក រដ្ឋបាលឃុំចំបក់ និងប៉ុស្តិ៍នគរបាលរដ្ឋបាលឃុំចំបក់ឱ្យចុះពិនិត្យស្រាវជ្រាវករណីខាងលើ តាមរយៈការឆែកកាមេរ៉ាសុវត្ថិភាពតាមដងផ្លូវត្រង់ចំណុចកើតហេតុ និងតាមការសាកសួរលោកនាយកសាលា លោកគ្រូ អ្នកគ្រូនៅសាលាបឋមសិក្សាចំបក់ ព្រមទាំងការផ្ទៀងផ្ទាត់ចម្លើយរបស់អាណាព្យាបាលសិស្ស និងកុមារផ្ទាល់ សមត្ថកិច្ចបានធ្វើការសន្និដ្ឋានជារួមចំពោះករណីខាងលើ គឺពុំមានករណីការល្បួងលួងលោមក្មេងស្រី ដូចករណីបង្ហោះរបស់គណនីហ្វេសប៊ុក ខាងលើនេះទេ។

លោកអនុសេនីយ៍ឯក មាន វុត្ថា នាយប៉ុស្ដិ៍នគរបាលរដ្ឋបាលឃុំចំបក់ បានឲ្យដឹងនៅព្រឹកថ្ងៃទី២៨ ខែឧសភា ឆ្នាំ២០២៦នេះថា ក្រោយពីចុះសាកសួរលោកគ្រូ អ្នកគ្រូ ក្មេងស្រីជាសិស្សសាលា និងអាណាព្យាបាល គឺពុំមានករណីល្បូងលួងលោមចង់ចាប់ក្មេងស្រីនោះទេ តែអាចជាករណីលួងលោមចង់ដោះយកគ្រឿងអលង្ការមានតម្លៃ ដូចជា ក្រវិលជាដើម។

លោកនាយប៉ុស្ដិ៍ក៏បានណែនាំដល់សិស្សាអនុសិស្សតូចៗ ក៏ដូចជាលោកគ្រូអ្នកគ្រូ បើសិនបានឃើញមានជនសង្ស័យមានភិនភាគចម្លែក ឬមានការសង្ស័យសូមជួយផ្ដល់ព័ត៌មានដល់សមត្ថកិច្ចឲ្យទាន់ពេលវេលាដើម្បីអន្តរាគមន៍៕

អត្ថបទ៖ សុខុម

The post ករណីបង្ហោះចែកចាយថា​មានការចាប់ក្មេងនៅស្រុកបាទី រដ្ឋបាលស្រុកបញ្ជាក់ថា ពុំមាននោះទេ appeared first on Kampuchea Thmey Daily.

ក្នុងឱកាសចុះពិនិត្យការដ្ឋានដោយផ្ទាល់ លោកប្រធានមន្ទីរ បានណែនាំដល់ក្រុមការងារបច្ចេកទេស និងក្រុមហ៊ុនទទួលបន្ទុកសាងសង់ឱ្យយកចិត្តទុកដាក់ខ្ពស់លើការអនុវត្តតាមបទដ្ឋានបច្ចេកទេស ដើម្បីធានាគុណភាពសំណង់ផ្លូវឱ្យមានភាពរឹងមាំ ប្រើប្រាស់បានយូរអង្វែង និងឆ្លើយតបទៅនឹងតម្រូវការធ្វើដំណើររបស់ប្រជាពលរដ្ឋប្រកបដោយសុវត្ថិភាព។

លោក លីវ សំណាង បញ្ជាក់ថា ខ្សែផ្លូវនេះមានសារៈសំខាន់យ៉ាងខ្លាំង សម្រាប់បម្រើផលប្រយោជន៍ជូនប្រជាពលរដ្ឋរាប់ពាន់គ្រួសារ ដែលរស់នៅតាមបណ្តោយផ្លូវ និងតំបន់ជុំវិញ ក្នុងការធ្វើដំណើរ ការដឹកជញ្ជូន និងការប្រកបរបរប្រចាំថ្ងៃ។ ជាពិសេស គម្រោងនេះនឹងជួយសម្រួលដល់ការដឹកជញ្ជូនកសិផលពីតំបន់ជនបទទៅកាន់ទីផ្សារបានកាន់តែងាយស្រួល រហ័ស និងចំណាយថវិកាតិចជាងមុន។

លោកប្រធានមន្ទីរ ក៏បានលើកឡើងផងដែរថា ការអភិវឌ្ឍហេដ្ឋារចនាសម្ព័ន្ធផ្លូវថ្នល់នៅតំបន់ជនបទ គឺជាកត្តាស្នូលមួយ ក្នុងការជំរុញកំណើនសេដ្ឋកិច្ចមូលដ្ឋាន កាត់បន្ថយភាពក្រីក្រ និងលើកកម្ពស់ជីវភាពរស់នៅរបស់ប្រជាពលរដ្ឋ ឱ្យកាន់តែប្រសើរឡើង ស្របតាមគោលនយោបាយអភិវឌ្ឍន៍ជនបទរបស់រាជរដ្ឋាភិបាលកម្ពុជា។

សូមបញ្ជាក់ថា គម្រោងផ្លូវអភិវឌ្ឍន៍ជនបទនេះ ជាប្រភេទផ្លូវកៅស៊ូពីរជាន់ (DBST) មានប្រវែងសរុប ១២,២០០ម៉ែត្រ ឬជាង១២គីឡូម៉ែត្រ និងមានទទឹង ៦ម៉ែត្រ។ ខ្សែផ្លូវនេះ តភ្ជាប់ពីតំបន់អង្គរុន-ច្បារមន ដោយឆ្លងកាត់ឃុំចំនួន៤ ក្នុងស្រុកបាទី រួមមាន ឃុំចំបក់ ឃុំត្រពាំងក្រសាំង ឃុំក្រាំងលាវ និងឃុំកុមារាជា៕

​អត្ថបទ៖ វីរៈ

The post ផ្លូវប្រវែងជាង១២​គីឡូម៉ែត្រ តភ្ជាប់ឃុំចំនួន៤ក្នុងស្រុកបាទី កំពុងត្រូវបានជួសជុលជាផ្លូវកៅស៊ូ​DBST ដើម្បីបម្រើផលប្រយោជន៍សាធារណៈ appeared first on Kampuchea Thmey Daily.

កិច្ចប្រជុំនេះ បានផ្តោតសំខាន់លើការពង្រឹងវិធានការបង្ការ និងបង្រ្កាបរាល់បទល្មើសនានា ដែលកំពុងបង្កការព្រួយបារម្ភដល់ប្រជាពលរដ្ឋ រួមមាន បទល្មើសគ្រឿងញៀន សកម្មភាពក្មេងទំនើង ការលួចឆក់ អំពើហិង្សា និងល្បែងស៊ីសងខុសច្បាប់គ្រប់ប្រភេទ។

លោក​អភិបាល​ស្រុក បានណែនាំឱ្យកម្លាំងមានសមត្ថកិច្ចគ្រប់ផ្នែក ត្រូវបន្តចុះល្បាតតាមដាន និងអនុវត្តច្បាប់ឲ្យបានម៉ឺងម៉ាត់ ដើម្បីធានាបាននូវសុវត្ថិភាពជូនប្រជាពលរដ្ឋក្នុងការរស់នៅប្រចាំថ្ងៃ។ ជាមួយគ្នានេះដែរ ត្រូវ​យកចិត្តទុកដាក់ខ្ពស់លើបទល្មើសឆបោកតាមប្រព័ន្ធបច្ចេកវិទ្យា ឬ Scam Online ដែលកំពុងកើតមានកាន់តែស្មុគស្មាញ។ ក្នុងនោះ អាជ្ញាធរបានណែនាំដល់គ្រប់បណ្តាឃុំទាំងអស់ ត្រូវបន្តសហការជិតស្និទ្ធជាមួយប៉ុស្តិ៍រដ្ឋបាលឃុំ និងកម្លាំងពាក់ព័ន្ធ ដើម្បីពង្រឹងការងារផ្សព្វផ្សាយ អប់រំ និងទប់ស្កាត់រាល់សកម្មភាពឆបោកតាមអនឡាញឱ្យបានទាន់ពេលវេលា និងមានប្រសិទ្ធភាពខ្ពស់បំផុត។

លោក សាយ វណ្ណៈ អភិបាល​ស្រុក ក៏បានជំរុញឲ្យអាជ្ញាធរមូលដ្ឋានគ្រប់លំដាប់ថ្នាក់ បន្តបង្កើនការផ្សព្វផ្សាយច្បាប់ និងការអប់រំប្រជាពលរដ្ឋ ជាពិសេសយុវជន ឱ្យយល់ដឹងពីផលប៉ះពាល់នៃគ្រឿងញៀន ការប្រព្រឹត្តបទល្មើស និងការចាញ់បោកតាមប្រព័ន្ធអនឡាញ ដើម្បីចូលរួមសហការជាមួយអាជ្ញាធរក្នុងការកសាងមូលដ្ឋានឱ្យក្លាយជាតំបន់មានសុវត្ថិភាព និងសុខសាន្តសម្រាប់ប្រជាពលរដ្ឋ៕

អត្ថបទ៖ វីរៈ

The post ស្រុកបាទី បន្តរឹតបន្តឹងសន្តិសុខសង្គមដោយដាក់ផែនការបង្ក្រាបគ្រឿងញៀន ក្មេងទំនើង និង Online Scam ឱ្យកាន់តែមានប្រសិទ្ធភាព appeared first on Kampuchea Thmey Daily.

ការណែនាំនេះ ធ្វើឡើងក្នុងពិធីប្រកាសចូលកាន់មុខតំណែងលោក សាយ វណ្ណៈ ជាអភិបាលនៃគណៈអភិបាលស្រុកបាទីថ្មី នារសៀលថ្ងៃទី៣០ ខែមេសា ឆ្នាំ២០២៦ ក្រោមវត្តមានថ្នាក់ដឹកនាំ មន្ត្រីរាជការ និងអាជ្ញាធរពាក់ព័ន្ធជាច្រើនរូប។

ក្នុងឱកាសនោះ លោកអភិបាលខេត្តបានលើកឡើងថា អាជ្ញាធរមូលដ្ឋានត្រូវរួមគ្នាការពារ និងថែរក្សាធនធានធម្មជាតិ ដែលជាសម្បត្តិសាធារណៈរបស់រដ្ឋ និងប្រជាពលរដ្ឋទាំងមូល ដោយមិនអនុញ្ញាតឲ្យមានការទន្ទ្រាន ឬកាប់បំផ្លាញដោយខុសច្បាប់ឡើយ។

ជាមួយគ្នានេះ លោកក៏បានណែនាំដល់គណៈអភិបាលស្រុកបាទីថ្មី ត្រូវបន្តពង្រឹងសន្តិសុខ សណ្ដាប់ធ្នាប់សាធារណៈ និងទប់ស្កាត់បទល្មើសផ្សេងៗក្នុងមូលដ្ឋាន ជាពិសេសបញ្ហាក្មេងទំនើង ដែលកំពុងជាក្តីបារម្ភរបស់ប្រជាពលរដ្ឋ។
អភិបាលខេត្តបានបញ្ជាក់ថា ការងារទប់ស្កាត់ និងអប់រំ ត្រូវអនុវត្តជាមុន ដើម្បីបង្ការកុំឲ្យបញ្ហាកើតឡើង ព្រោះបើរង់ចាំដល់មានហេតុការណ៍ហិង្សា ឬបទល្មើសកើតឡើងហើយទើបចាត់វិធានការ និងស្រាវជ្រាវចាប់ខ្លួន នោះអាចបង្កផលប៉ះពាល់ និងវិប្បដិសារីដល់ជនរងគ្រោះ និងសង្គមទាំងមូល។

លោកក៏បានជំរុញឲ្យអាជ្ញាធរ និងកម្លាំងសមត្ថកិច្ចគ្រប់ជាន់ថ្នាក់ បន្តសហការយ៉ាងជិតស្និទ្ធ ដើម្បីរក្សាសន្តិសុខ សុវត្ថិភាព និងផ្តល់សេវាសាធារណៈជូនប្រជាពលរដ្ឋឲ្យកាន់តែល្អប្រសើរ៕

អត្ថបទ៖ វីរៈ

The post អភិបាលខេត្តតាកែវ ណែនាំអភិបាលស្រុកបាទី ថ្មី ពង្រឹងការទប់ស្កាត់បទល្មើសធនធានធម្មជាតិ និងបញ្ហាក្មេងទំនើង appeared first on Kampuchea Thmey Daily.

តាមរបាយការណ៍របស់អធិការដ្ឋាននគរបាលស្រុកបាទី ជនសង្ស័យដែលឃាត់ខ្លួនមានឈ្មោះ សឿន សុខុម ភេទប្រុស អាយុ ២៩ឆ្នាំ មុខរបរមិនពិតប្រាកដ មានទីលំនៅភូមិខ្នារទង់ ឃុំកុមារាជា ស្រុកបាទី ខេត្តតាកែវ ជាមុខសញ្ញាជួញដូរ និងប្រើប្រាស់គ្រឿងញៀនខុសច្បាប់ ដកហូតបាន ម្សៅក្រាមពណ៌សថ្លាចំនួន ០៣កញ្ចប់។ ឈ្មោះ ហ៊ួន រិទ្ធ ភេទប្រុស អាយុ៣៨ឆ្នាំ មុខរបរមិនពិតប្រាកដ មានទីលំនៅភូមិខ្នារទង់ ឃុំកុមារាជា ស្រុកបាទី ខេត្តតាកែវ ជាមុខសញ្ញាជួញដូរ និងប្រើប្រាស់សារធាតុញៀនខុសច្បាប់ ដកហូតទូរស័ព្ទ ចំនួន ០១គ្រឿង។ និងម្នាក់ទៀតឈ្មោះ ញ៉ាវ វឿន ភេទប្រុស អាយុ ១៦ឆ្នាំ មានទីលំនៅភូមិខ្នារទង់ ឃុំកុមារាជា ស្រុកបាទី ខេត្តតាកែវ (រក្សាទុក និងប្រើប្រាស់គ្រឿងញៀនខុសច្បាប់) ដកហូតបានម្សៅក្រាមពណ៌សថ្លា ចំនួន ០១ កញ្ចប់។

ក្រោយឃាត់ខ្លួន និងសួរនាំរួចរាល់ កម្លាំងជំនាញនៃអធិការដ្ឋាននគរបាលស្រុកបាទី បានបញ្ជូនក្រុមជនសង្ស័យទាំង៣នាក់ទៅស្នងការដ្ឋាននគរបាលខេត្តដើម្បីអនុវត្តនិតិវិធីច្បាប់៕

The post នគរបាលស្រុកបាទី​ ឃាត់ខ្លួនជនសង្ស័យជួញដូរ និងប្រើប្រាស់គ្រឿងញៀន៣នាក់ ដកហូតវត្ថុតាងមួយចំនួន appeared first on Kampuchea Thmey Daily.

លោកអនុសេនីយ៍ឯក មាន វុត្ថា បន្ថែមថា ក្រោយពីជនរងគ្រោះមកដាក់ពាក្យបណ្ដឹងនៅប៉ុស្ដិ៍នគរបាលរួច ក៏មានពលរដ្ឋរាយការណ៍ថាបានប្រទះឃើញម៉ូតូមួយគ្រឿងម៉ាកឌ្រីមសង់ ស៊េរីឆ្នាំ២០២៥ ដោយមានស្នាមគាស់បំបែកគ្រាប់សោរ​យកមកប្លុងចោលនៅចំណុចវាលស្រែ ក្នុងភូមិត្រពាំងត្រយឹង ឃុំចំបក់។

ក្រោយទទួលបានព័ត៌មាន កម្លាំងនគរបាលប៉ុស្ដិ៍ក៏បានចុះទៅកន្លែងកើតហេតុ ដើម្បីធ្វើកំណត់ហេតុប្រគល់ម៉ូតូឲ្យជនរងគ្រោះវិញ ចំណែកជនសង្ស័យ កម្លាំងជំនាញកំពុងស្រាវជ្រាវតាមនិតិវិធីដើម្បីកំណត់មុខសញ្ញាចាប់ខ្លួនមកអនុវត្តតាមនិតិវិធីច្បាប់៕

The post ករណីប្រទះឃើញម៉ូតូប្លុងចោលនៅភូមិត្រញាំងត្រយឹង ឃុំចំបក់ សមត្ថកិច្ចថា​ ជាករណីចោរលួចហើយយកមកប្លុងចោល appeared first on Kampuchea Thmey Daily.