មេចុងភៅដ៏ល្បីវ័យ៥៨ឆ្នាំ បានសរសេររ៉ាយរ៉ាប់នៅលើបណ្ដាញសង្គម Instagram ផ្ទាល់ខ្លួន ដោយបញ្ចាក់ប្រាប់អ្នកគាំទ្រថា គាត់មានជំងឺមហារីកកោសិកា basal ដែលជាទម្រង់មិនមែនជាជំងឺមហារីកស្បែកពេកនោះទេ។ ជាមួយគ្នានោះដែរ លោកក៏បានអរគុណ និងកោតសរសើរយ៉ាងខ្លាំងដល់គ្រូពេទ្យដែលបានជួយព្យាបាល និងកម្ចាត់កោសិកាមហារីក Basal Cell Carcinoma នេះបានយ៉ាងរហ័ស។

ទន្ទឹមគ្នានោះដែរ លោក Gordon Ramsey ក៏មិនភ្លេចជំរុញដល់អ្នកគាំទ្រ កុំភ្លេចលាបឡេការពារកំដៅថ្ងៃ មុនពេលចេញក្រៅផ្ទះ ចៀសវាងនាំឲ្យស្បែកប្រតិកម្មកើតជំងឺមហារីក។

ដោយឡែក សេវាសុខភាពជាតិ (NHS) និយាយថា មហារីកកោសិកា basal គឺជាទម្រង់មិនមែនជាដុំសាច់នៃមហារីកស្បែក ដែលចាប់ផ្តើមពីស្រទាប់ខាងលើនៃស្បែក ហើយភាគច្រើនបណ្តាលមកពីពន្លឺអ៊ុលត្រាវីយូឡេដែលមកពីព្រះអាទិត្យ ហើយត្រូវបានគេប្រើនៅលើគ្រែគេង។ រោគសញ្ញាចម្បងនៃជំងឺនេះ គឺជាការលូតលាស់ ឬបំណះមិនធម្មតានៅលើស្បែក ដែលអាចមានទំហំ និងរូបរាងខុសៗគ្នា។ ជាពិសេស វាច្រើនកើតមាននៅតំបន់ក្បាល ក និងស្មា ខ្នង ដៃ និងជើងខាងក្រោម។

គួរបញ្ចាក់ដែរថា Ramsay ត្រូវបានគេយ៉ាងច្បាស់ថា ជាមេចុងភៅ នៅក្នុងកម្មវិធី Ramsay’s Kitchen Nightmares និងបង្ហាញខ្លួននៅក្នុងស៊េរីដំណើរកម្សាន្តតាមផ្លូវរបស់ ITV’s Gordon, Gino And Fred ដែលក្នុងនោះគាត់ធ្វើដំណើរជាមួយចុងភៅ Gino D’Acampo និង First Dates maître d’hôtel Fred Sirieix ។ មេចុងភៅរូបនេះ ក៏បើកភោជនីយដ្ឋានដ៏ល្បីឈ្មោះ Gordon Ramsay ដែលកន្លែងរបស់ពួកគេបានទទួលផ្កាយ ចំនួន ១៧ សរុប ហើយបច្ចុប្បន្នមានប្រាំបីឯណោះ៕

អត្ថបទ៖ សាង ស្រីល័ក្ខ

ចុចអាន៖ចង់ទាក់ទាញ​អ្នកទស្សនា ស្ត្រី​ វៀតណាម​ ម្នាក់ បង្ហោះ​រូបរន្ធត់ ដោយទាំងប៉ូលិសកោះហៅទៅសាកសួរ

The post ចុងភៅលំដាប់ពិភពលោក Gordon ទម្លាយជំងឺមហារីកស្បែក ព្រោះធ្វេសប្រហែស appeared first on Kampuchea Thmey Daily.

១. អុកស៊ីបេនហ្សូន (Oxybenzone)

អុកស៊ីបេនហ្សូនគឺជាសមាសធាតុគីមីដែលអាចពន្យឺតការស្រូបយកកាំរស្មី UVA និង UVB ប៉ុន្តែមានជាតិពុលដល់ផ្កាថ្ម និងសត្វសមុទ្រដទៃទៀត ។ ​គេ​ចាត់​ទុកវា​ថា​ជា​ការ​រំខាន​ដល់​ប្រព័ន្ធ​អ៊ីនដូគ្រីននៃ​គ្រោងឆ្អឹង ហើយ​អាច​បណ្តាល​ឱ្យ​ខូច DNA ដល់​​ផ្កាថ្ម។

២. អុកទីនណូសេត (Octinoxate)

អុកទីនណូសេតគឺជាសារធាតុផ្សំឡេការពារកម្ដៅថ្ងៃដែលពេញនិយមបំផុតនៅសហរដ្ឋអាមេរិក សារធាតុគីមីនេះផ្តល់នូវការការពារពីកាំរស្មី UVB ប៉ុន្តែមិនរារាំងកាំរស្មី UVA ទេ ចំណែកផលប៉ះពាល់វិញគឺដូចគ្នាទៅនឹងអុកស៊ីបេនហ្សូន ។

៣. អាវ៉ូបេនហ្សូន (Avobenzone)

អាវ៉ូបេនហ្សូនការពារ UVA I, UVA II និង UVB យោងតាមការសិក្សាបានបង្ហាញថា វាជាសារធាតុរំខានដល់ប្រព័ន្ធអ៊ីនដូគ្រីនដែលអាចបង្កគ្រោះថ្នាក់ដល់ជីវិតក្នុងសមុទ្រ និងធ្វើឱ្យផ្កាថ្មមិនសូវធន់នឹងសីតុណ្ហភាពខ្ពស់ ។ បច្ចុប្បន្នគ្រឿងផ្សំខាងលើមិនទាន់ដាក់ហាមឃាត់នៅឡើយទេ ប៉ុន្តែឆ្នាំ ២០២៣ នេះអាចនឹងចេញសេចក្ដីហាមឃាត់ជាផ្លូវការហើយ ។

៤. អុកតូក្រាយលីន (Octocrylene)

អុកតូក្រាយលីនគឺជាភ្នាក់ងារការពារកម្តៅថ្ងៃគីមីដែលផ្តល់នូវការការពារកាំរស្មី UVB និង UVA មានកម្រិត ។ ការសិក្សាថ្មីៗបានរកឃើញថា អុកតូក្រាយលីន អាចបំប្លែងទៅជា បេនហ្សូហ្វីណន (benzophenone)  ដែលជាសារធាតុបង្កមហារីក និងថ្នាំសំលាប់ស្មៅបំពុលដល់ភាវរស់ក្នុងទឹក ។ ស្រដៀងទៅនឹងអាវ៉ូបេនហ្សូនដែរ ការរារាំងការលក់ និងចែកចាយផលិតផលផ្ទុកអុកតូក្រាយលីនអាចចេញជាផ្លូវការក្នុងឆ្នាំ ២០២៣ នេះ ។

ក្រៅពីហាវ៉ៃកន្លែងដែលហាមឃាត់គ្រឿងផ្សំទាំង ៤ ប្រភេទមានច្រើនទៀតដូចជា ម៉ិចស៊ិក អារូបា និង សហរដ្ឋអាមេរិក ៕

ប្រែសម្រួល ៖ វារី

ចុចអាន ៖ ផលប៉ះពាល់នៃផលិតផលការពារកម្ដៅថ្ងៃ ៦​ចំណុច​ អ្នកគួរប្រុងប្រយ័ត្ន

The post មកដឹងពីគ្រឿងផ្សំ ៤ ប្រភេទក្នុងឡេការពារកម្ដៅថ្ងៃហាមប្រើនៅ កោះហាវ៉ៃ appeared first on Kampuchea Thmey Daily.

ផលប៉ះពាល់នៃឡេការពារកម្ដៅថ្ងៃ

១. ប្រតិកម្មអាឡ័កស៊ី

ឡេការពារកម្តៅថ្ងៃមានផ្ទុកសារធាតុគីមីមួយចំនួន​​ ដែលអាចបណ្តាលឱ្យអ្នកខ្លះរលាកស្បែក ហើម រលាក និងរមាស់ដូចជាសារធាតុរក្សាទុក និងសារធាតុក្រអូបជាដើម។ អ្នកអាចងាកមកប្រើឡេការពារកម្ដៅថ្ងៃសរីរាង្គមានម្សៅសៗវិញវាសុវត្ថិភាពជាងសម្រាប់អ្នកមានមុខមុនឬខ្សោយ។

២. ឡេការពារកម្ដៅថ្ងៃអាចធ្វើឲ្យមុនកាន់តែលើសដើម

ក្នុងករណីអ្នកមានស្បែកប្រភេទងាយឡើងមុន អ្នកមិនគួរប្រើឡេការពារកម្ដៅថ្ងៃគីមីឡើយព្រោះវានឹងធ្វើឲ្យសភាពស្បែកកំពុងឡើងមុនកាន់តែយ៉ាប់លើសដើម។

៣. ក្រហាយភ្នែក

ឡេការពារកម្ដៅថ្ងៃគីមីអាចធ្វើឲ្យខ្វាក់ភ្នែកយ៉ាងងាយពេលអ្នកប្រើខ្វះការប្រុងប្រយ័ត្ន។ ប្រសិនបើអ្នកធ្វើឲ្យវាចូលភ្នែកចូរលាងទឹកចេះជាប្រញ៉ាប់និងពិគ្រោះជាមួយគ្រូពេទ្យក្នុងករណីធ្ងន់ធ្ងរ។

៤. បង្កើនហានិភ័យមហារីកសុដន់

ឡេការពារកម្តៅថ្ងៃរួមមានធាតុផ្សំដែលអាចមានឥទ្ធិពលអេស្ត្រូសែនិកលើកោសិកាមហារីកសុដន់ ឡេការពារកម្តៅថ្ងៃខ្លះអាចមានឥទ្ធិពលលើកម្រិតអ័រម៉ូនអេស្ត្រូសែនក្នុងឈាម។ ដូច្នេះហើយអ្នកគប្បីគួរជៀសវាងប្រើប្រាស់ឡេការពារកម្ដៅថ្ងៃគីមីលើកូនៗលោកអ្នកព្រោះស្បែករបស់ក្មេងងាយនឹងស្រូបជាតិគីមីទាំងនោះលឿនណាស់។

៥. បង្កការឈឺចាប់នៅតំបន់រោមច្រើន

ឡេការពារកម្ដៅថ្ងៃសាច់ជែលគឺជាជម្រើសល្អបំផុតសម្រាប់តំបន់រោមច្រើនដូចជាដើមទ្រូងបុរស វាពិតជាសំខាន់ណាស់ក្នុងការជ្រើសរើសមិនដូច្នោះទេឡេការពារដែលបានជ្រើសរើសខុសអាចធ្វើឲ្យស្បែកតឹងស្ងួត និងឈឺចាប់ខ្លាំង។

៦. រលាកគល់រោម

នេះគឺករណីកម្រ ណាមួយមិនមែនសុទ្ធតែមកពីឡេការពារទាំងអស់នោះទេ ប៉ុន្តែអ្នកត្រូវតែពិគ្រោះជាមួយគ្រូពេទ្យជំនាញប្រសិនបើមានបញ្ហានេះកើតឡើង។

សន្មត់ថាឡេការពារកម្ដៅថ្ងៃដែលមានសុវត្ថិភាពបំផុតគឺឡេការពារកម្ដៅថ្ងៃប្រភេទសរីរាង្គ វាមានលក្ខណៈសពេលលាបដំបូងដោយសារតែសារធាតុលោហៈដែលមាននៅក្នុងគ្រឿងផ្សំ យ៉ាងណាក្ដីឡេការពារប្រភេទសរីរាង្គជាឡេតែមួយគត់ដែលគេយកមកប្រើលើកូនក្មេង ស្ត្រីមានផ្ទៃពោះ និងអ្នកមានស្បែកខ្សោយងាយប្រតិកម្ម៕

 ប្រែសម្រួល៖ វារី

ចុចអាន៖មកដឹងកាន់តែច្បាស់ ពីប្រភេទឡេការពារម្ដៅថ្ងៃ ឲ្យត្រូវនឹងផ្ទៃមុខ

The post ផលប៉ះពាល់នៃផលិតផលការពារកម្ដៅថ្ងៃ ៦​ចំណុច​ អ្នកគួរប្រុងប្រយ័ត្ន appeared first on Kampuchea Thmey Daily.

១. គ្រីម​ការពារ​កម្ដៅ​ថ្ងៃ

សម្រាប់​ការ​ការពារ​កម្ដៅ​ថ្ងៃ​ដែល​ប្រើប្រាស់​ជា​ផលិតផល​ដូចជា ឡេ ឬ​គ្រីម​ការពារ​កម្ដៅ​ថ្ងៃ យើង​អាចប្រើប្រាស់​បាន​តាំង​ពីអាយុ ៦ខែមកម្ល៉េះ។ ប៉ាម៉ាក់​អាច​រក​ទិញឡេ​ការពារ​កម្ដៅ​ថ្ងៃ​នៅ​តាម​កន្លែង​លក់​សម្ភារៈ​ទារក​បាន។

២. ហ្វូម​លាងមុខ

នៅពេលកូន​ក្មេងមានអាយុ ១២ឆ្នាំឡើងទៅ គួរ​ជ្រើសរើស​ហ្វូម​លាងមុខ​ដែល​មាន​សភាពទន់ គ្មាន​ជាតិ​កាត់ មាន​ស្តង់ដារ​ត្រឹមត្រូវ​មក​ប្រើប្រាស់។

៣. គ្រីម​ផ្ដល់​សំណើម

ការ​ចាប់ផ្ដើម​ផ្ដល់​សំណើម​ ​អាច​ប្រើប្រាស់បានតាំងពីក្មេងអាយុមួយខួបមកបាន។ ប៉ុន្តែ​សូម​ប្រើ​ជា​គ្រីម​ស្រាល​សម្រាប់​ទារក​តែ​ម្ដង ចៀសវាង​ការ​ប្រើប្រាស់​ម្សៅ​ហ៊ុយ​លើ​ទារក។ អ្នក​អាច​ប្ដូរ​ផលិតផល​ផ្ដល់​សំណើម ​តាម​អាយុ​បាន​ដូចជា​ពេល​ប្រើប្រាស់​ពពួកការពារភាពចាស់ anti-aging (អាយុ20ឡើង)។

៤. សេរ៉ូម

សេរ៉ូម​គ្រប់ប្រភេទ​មិនថាសេរ៉ូមវីតាមីនស៊ី ឬពពួកHA ក៏ដោយ អ្នកគួរ​ចាប់ផ្ដើម​ប្រើ​នៅអាយុ ២០ឆ្នាំឡើង។

៥. ខូឡាជែន

អ្នកគួរចាប់ផ្ដើមទទួលទានពពួកអាហារបំប៉ននៅអំឡុងអាយុ២០ឆ្នាំឡើងទៅ

៦. គ្រីមភ្នែក និងថូន័រ

ការពិត​ទៅ​ពពួក​នេះ​មិន​សំខាន់​ផង តែបើអ្នក​ចង់​ប្រើ​អាច​ចាប់ផ្ដើម​នៅ​អាយុ ២០ឆ្នាំឡើង។

តើ​អ្នកបានប្រើប្រាស់តាមអាយុត្រឹមត្រូវដែរឬទេ? ការ​ដែលប្រើផលិតផលនៅ​ក្មេងពេកអាច​សម្លាប់​កោសិកា​ស្បែកបានធ្វើឲ្យ​មុខរលាក ឬស្ងួតទៅវិញ៕

អត្ថបទ៖ វារី

ចុចអាន៖ខូឡាជែនល្អចំពោះសម្រស់ និងសុខភាព រកបានពីអាហារណាខ្លះ?

ចុចអាន៖មកដឹងកាន់តែច្បាស់ ពីប្រភេទឡេការពារម្ដៅថ្ងៃ ឲ្យត្រូវនឹងផ្ទៃមុខ

The post អាយុប៉ុន្មាន ទើបអាចលាបឡេ ផឹកខូឡាជែនបាន? appeared first on Kampuchea Thmey Daily.

ឡេ​ការពារ​កម្ដៅ​ថ្ងៃ​គីមី ឬ Chemical Sunscreen

ឡេការពារប្រភេទ​នេះ​​ មាន​លក្ខណៈ​ងាយ​ស្រួល​ក្នុង​ការលាប ដោយ​មិនធ្វើ​ឲ្យ​ឃើញ​សៗ​នៅ​លើ​មុខ មិន​ស្អិត​ជាប់​ស្បែក​មុខ មិន​កក​រន្ធរោម មានសភាពជាគ្រីម ជួនកាល​ជា​ជែល​ដែល​យើង​លាប​ភ្លាម​ចូល​មុខ​ភ្លាម​ ងាយស្រួល​ក្នុង​ការ​ប្រើ​ម្សៅ​ទ្រនាប់​ពី​លើ។ ប៉ុន្តែ​បើ​ជា​ស្ត្រី​មាន​គភ៌ ឬ​បំបៅដោះ​កូន ​អ្នក​មិនគួរ​ប្រើប្រាស់​ឡេការពារ​កម្ដៅ​ថ្ងៃប្រភេទនេះឡើយ ព្រោះ​ថា​វា​មាន​ធាតុ​ផ្សំ​ខ្លះ​ជ្រៀត​ចូល​ក្នុង​សរសៃឈាម​បន្តិចបន្តួច។

ឡេការពារកម្ដៅថ្ងៃ​លោហធាតុ ឬ Physical Sunscreen

ឡេ​ការពារ​កម្ដៅ​ថ្ងៃ​នេះ ផ្សំ​ពីលោហៈធាតុសំខាន់ៗពីរគឺ ស័ង្ក​អុកស៊ីត (Zinc Oxide) និង ទីតាញ៉ូម​ឌីអុកស៊ីត (Titanium Dioxide) ។ នៅពេលដែល​អ្នក​ប្រើប្រាស់ ​វា​បន្សល់​នូវ​ម្សៅសៗ​នៅលើស្បែក ចំណែក​ឯ​គុណសម្បត្តិ​វិញ​គឺ​​មាន​សុវត្ថិភាព​ចំពោះ​កូន​ក្មេង (អាយុ ៦ខែឡើង) ស្ត្រី​មាន​គត៌ ស្ត្រី​បំបៅដោះ​កូន និង​អ្នកមានស្បែកមុខខ្សោយ។ ម៉្យាងវិញ​ទៀតពពួកឡេការពារ​កម្ដៅ​លោហៈធាតុ​ពិបាក​ក្នុង​ការ​សម្អាត​ វា​ទាមទារ​ឲ្យ​អ្នក​ប្រើប្រាស់​សម្អាត​មុខ​ពីរ​តង់​ ដោយ​ប្រើប្រាស់​ជា​ប្រភេទ​ក្រមួន ឬ​ប្រេង​លាង​មុខ​មុន​ហ្វូម។

ឡេ​ការពារ​កម្ដៅ​ថ្ងៃ​កូនកាត់ ឬ Hybrid Sunscreen

ដើម្បី​បំពេញតម្រូវការស្បែក គេបានវិវត្តជា​ឡេការពារកម្ដៅ​ថ្ងៃ​កូន​កាត់​ដែល​ឡេនេះ​លាប​ភ្លាម​មាន​លក្ខណៈ​សដំបូង​តែ​ជ្រាប​ចូល​មុខ​បាត់​ម្សៅ​អស់ ​បន្ទាប់ពីបានមួយសន្ទុះក្រោយមក។ គោលបំណង​ចម្បង​ក្នុង​ការ​លាយ​ចូលគ្នា​នោះ​គឺ​ ដើម្បី​ឲ្យ​ឡេ​នោះ​មាន​សមត្ថភាព​ក្នុង​ការការពារ​បាន​កាន់​តែ​ខ្ពស់។

សូម​ជ្រើសរើស​ឡេ​ការពារ​ដែល​អ្នក​ចូលចិត្ត ហើយ​កុំភ្លេចលាបវារៀងរាល់ ៤ម៉ោង​ម្ដងផង ព្រោះ​ថា​សមត្ថភាព​ក្នុងការការពាររបស់​វា​ នឹង​ថយចុះពេលវាប្រតិកម្មជាមួយពន្លឺ។ ត្រូវចងចាំ​ថា​ ឡេ​ការពារ​កម្ដៅ​ថ្ងៃ​ ជា​ផលិតផល​សំខាន់បំផុត បើអ្នកប្រើប្រាស់តែផលិតផលថ្លៃ ហើយល្អ តែ​មិន​បាន​លាប​ឡេ​ការពារ​ នោះ​វា​នឹង​គ្មានប្រសិទ្ធិភាពសោះតែម្ដង៕

អត្ថបទ៖ វារី

ចុចអាន៖របៀបជម្រុះរោមលើរាងកាយ មួយណាល្អជាងគេ?

ចុចអាន៖៧ វិធី កម្ចាត់មុននៅក្នុងច្រមុះ បានយ៉ាងប្រសិទ្ធភាព

The post មកដឹងកាន់តែច្បាស់ ពីប្រភេទឡេការពារម្ដៅថ្ងៃ ឲ្យត្រូវនឹងផ្ទៃមុខ appeared first on Kampuchea Thmey Daily.