KPT+
មកដឹងកាន់តែច្បាស់ ពីប្រភេទឡេការពារម្ដៅថ្ងៃ ឲ្យត្រូវនឹងផ្ទៃមុខ
ឡេការពារកម្ដៅថ្ងៃ មាននាទីការពារស្បែកពីកាំរស្មីយូវី ដែលបានមកពីព្រះអាទិត្យ និងពន្លឺសប្បនិម្មិតចេញពីបច្ចេកវិទ្យា។ ឡេការពារមានតែពីរប្រភេទប៉ុណ្ណោះ គឺ ឡេការពារកម្ដៅថ្ងៃគីមី (Chemical sunscreen) និង ឡេការពារកម្ដៅថ្ងៃលោហធាតុ (Physical sunscreen) ឥលូវនេះគេបានបង្កើតឡេការពារកម្ដៅថ្ងៃកូនកា ត់រវាងឡេការពារកម្ដៅថ្ងៃទាំងពីរប្រភេទគឺ Hybrid Sunscreen។
ឡេការពារកម្ដៅថ្ងៃគីមី ឬ Chemical Sunscreen
ឡេការពារប្រភេទនេះ មានលក្ខណៈងាយស្រួលក្នុងការលាប ដោយមិនធ្វើឲ្យឃើញសៗនៅលើមុខ មិនស្អិតជាប់ស្បែកមុខ មិនកករន្ធរោម មានសភាពជាគ្រីម ជួនកាលជាជែលដែលយើងលាបភ្លាមចូលមុខភ្លាម ងាយស្រួលក្នុងការប្រើម្សៅទ្រនាប់ពីលើ។ ប៉ុន្តែបើជាស្ត្រីមានគភ៌ ឬបំបៅដោះកូន អ្នកមិនគួរប្រើប្រាស់ឡេការពារកម្ដៅថ្ងៃប្រភេទនេះឡើយ ព្រោះថាវាមានធាតុផ្សំខ្លះជ្រៀតចូលក្នុងសរសៃឈាមបន្តិចបន្តួច។
ឡេការពារកម្ដៅថ្ងៃលោហធាតុ ឬ Physical Sunscreen
ឡេការពារកម្ដៅថ្ងៃនេះ ផ្សំពីលោហៈធាតុសំខាន់ៗពីរគឺ ស័ង្កអុកស៊ីត (Zinc Oxide) និង ទីតាញ៉ូមឌីអុកស៊ីត (Titanium Dioxide) ។ នៅពេលដែលអ្នកប្រើប្រាស់ វាបន្សល់នូវម្សៅសៗនៅលើស្បែក ចំណែកឯគុណសម្បត្តិវិញគឺមានសុវត្ថិភាពចំពោះកូនក្មេង (អាយុ ៦ខែឡើង) ស្ត្រីមានគត៌ ស្ត្រីបំបៅដោះកូន និងអ្នកមានស្បែកមុខខ្សោយ។ ម៉្យាងវិញទៀតពពួកឡេការពារកម្ដៅលោហៈធាតុពិបាកក្នុងការសម្អាត វាទាមទារឲ្យអ្នកប្រើប្រាស់សម្អាតមុខពីរតង់ ដោយប្រើប្រាស់ជាប្រភេទក្រមួន ឬប្រេងលាងមុខមុនហ្វូម។
ឡេការពារកម្ដៅថ្ងៃកូនកាត់ ឬ Hybrid Sunscreen
ដើម្បីបំពេញតម្រូវការស្បែក គេបានវិវត្តជាឡេការពារកម្ដៅថ្ងៃកូនកាត់ដែលឡេនេះលាបភ្លាមមានលក្ខណៈសដំបូងតែជ្រាបចូលមុខបាត់ម្សៅអស់ បន្ទាប់ពីបានមួយសន្ទុះក្រោយមក។ គោលបំណងចម្បងក្នុងការលាយចូលគ្នានោះគឺ ដើម្បីឲ្យឡេនោះមានសមត្ថភាពក្នុងការការពារបានកាន់តែខ្ពស់។
សូមជ្រើសរើសឡេការពារដែលអ្នកចូលចិត្ត ហើយកុំភ្លេចលាបវារៀងរាល់ ៤ម៉ោងម្ដងផង ព្រោះថាសមត្ថភាពក្នុងការការពាររបស់វា នឹងថយចុះពេលវាប្រតិកម្មជាមួយពន្លឺ។ ត្រូវចងចាំថា ឡេការពារកម្ដៅថ្ងៃ ជាផលិតផលសំខាន់បំផុត បើអ្នកប្រើប្រាស់តែផលិតផលថ្លៃ ហើយល្អ តែមិនបានលាបឡេការពារ នោះវានឹងគ្មានប្រសិទ្ធិភាពសោះតែម្ដង៕
អត្ថបទ៖ វារី
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៧ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៧ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា៣ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត