កាលពីថ្ងៃទី ២៦ ខែកុម្ភៈ ឆ្នាំ២០២៦នេះ ស៊ីម៉ាក់ ក៏បានទទួលគ្រឿងចក្រកម្ទេចមីនថ្មីទំនើប ប្រភេទ KOMATSU ដើម្បីចូលរួមកម្ទេចសំណល់យុទ្ធភណ្ឌសង្គ្រាម ដែលនោះគឺជាសម្ភារបច្ចេកទេសសម្រាប់ពង្រឹងសន្តិភាពមនុស្សជាតិ។ គ្រឿងចក្រកម្ទេចមីនធុនធ្ងន់ប្រភេទ KOMATSUនេះ មានទម្ងន់ជាង៤០តោន ត្រូវបានប្រើប្រាស់និងអភិវឌ្ឍន៍បច្ចេកទេសនៅកម្ពុជារវាងអង្គភាពCMACនិងក្រុមហ៊ុនKOMATSUនៅចុងទសវត្សឆ្នាំ១៩៩៨ និងបានដាក់ឱ្យដំណើរការក្នុងអង្គភាពCMAC តាំងពីកំឡុងឆ្នាំ២០០៥មកម្លេះ។

លោក ហេង រតនា បានថ្លែងអំណរគុណចំពោះរដ្ឋាភិបាលជប៉ុនដែលបានផ្តល់គ្រឿងចក្រកម្ទេចមីនធុនធ្ងន់ទាំងនេះជូនរាជរដ្ឋាភិបាលដើម្បីគាំទ្រអង្គភាព CMAC ក្នុងការពន្លឿនល្បឿនការបោសសម្អាតមីននិងសំណល់យុទ្ធភណ្ឌសង្គ្រាមមនុស្សធម៌នៅកម្ពុជា។ ជាពិសេសសំណល់យុទ្ធភណ្ឌសង្គ្រាមថៃឈ្លានពាន ដើម្បីជាប្រយោជន៍ផ្តល់នូវសុខសុវត្ថិភាពជូនប្រជាពលរដ្ឋខ្មែរវិលត្រឡប់ទៅភូមិឋាន និងប្រើប្រាស់ដីធ្លីក្នុងការកសាងជីវភាពជាថ្មីឡើងវិញ ប្រកបដោយសុខសុវត្ថិភាព និងកសាងជីវិតដោយសន្តិភាព។ លោក ហេង រតនា គូសបញ្ជាក់ថា៖«ដំណើររឆ្ពោះទៅមុខក្នុងការរំដោះទឹកដីនៃព្រះរាជាណាចក្រនេះ ឱ្យមានសុខសុវតិ្ថភាពនិងលាចាកផុត ពីការគំរាមកំហែងដោយសារសំណល់យុទ្ធភណ្ឌមិនទាន់ផ្ទុះរបស់សៀមឈ្លានពាន»។

បច្ចុប្បន្ននេះ អង្គភាពស៊ីម៉ាក់ បានបញ្ជូនកម្លាំងជំនាញដោះមីនជាច្រើននាក់ដាក់នៅតាមតំបន់ដែលរងផលប៉ះពាល់ពីសង្គ្រាម ជាពិសេសនៅតាមភូមិឋានពលរដ្ឋដែលយោធាថៃបានទម្លាក់គ្រាប់។

គួរជម្រាបថា ក្នុងសង្គ្រាមឈ្លានពានទឹកដី យោធាថៃបានប្រើប្រាស់គ្រាប់ទម្លាក់ពីលើអាកាស ព្រមទាំងគ្រាប់បែកចង្កោមដែលច្បាប់អន្តរជាតិបានហាមប្រាម។ តាមរបាយការណ៍របស់អង្គភាពស៊ីម៉ាក់ គ្រាប់បែក MK-84 ដែលត្រូវបានរកឃើញនៅផ្ទះពលរដ្ឋ មានទម្ងន់ជិត១តោន (១,០០០គីឡូក្រាម) មានប្រវែងសរុបប្រមាណ៣.៥ម៉ែត្រ មានជាតិផ្ទុះជាង៥០០គីឡូក្រាម ជាគ្រាប់បែកមានទំហំធំជាងគេបំផុតក្នុងចំណោមប្រភេទគ្រាប់បែក MK (MK-81, MK82, MK-83 និងMK-84) ដែលបានទម្លាក់ដោយកងទ័ពអាកាសថៃអំឡុងផ្ទុះសង្គ្រាមជាមួយកម្ពុជា៕

The post ស៊ីម៉ាក់ ដាក់ពង្រាយម៉ាស៊ីនបោសសម្អាតមីនយន្ត(Robot) ពន្លឿនការបោសសម្អាតសំណល់ពីសង្គ្រាមថៃឈ្លានពាន appeared first on Kampuchea Thmey Daily.

លោក ហេង រតនា អគ្គនាយក​នៃមជ្ឈមណ្ឌល​សកម្មភាព​កំចាត់មីន​កម្ពុជា (CMAC) និងតំណាងJICA ក៏ដូចជាក្រុមប្រឹក្សាផ្តល់យោបល់ជប៉ុន កាលពីថ្ងៃទី ២៧-២៨ ខែមករា ឆ្នាំ២០២៦ បានជួបពិភាក្សាគ្នាដើម្បីបន្តពង្រឹងកិច្ចសហប្រតិបតិ្តការរវាងមណ្ឌលសុនក និងដៃគូនានា ដើម្បីហ្វឹកហ្វឺនអ្នកកាន់សុនខអន្តរជាតិនៅកម្ពុជា និងនាំយកសុនខជំនាញពីកម្ពុជាទៅប្រតិបត្តិការនៅបណ្តាប្រទេសនានាដែលរងផលប៉ះពាល់ដោយសំណល់យុទ្ធភណ្ឌសង្គ្រាម។

សូមបញ្ជាក់ថា កាលពីជាង២០ឆ្នាំមុននេះ កម្មវិធីសុនកបានពឹងផ្អែកលើបរទេសជួយគាំទ្របច្ចេកទេសទាំងស្រុង១០០% ប៉ុន្តែបច្ចុប្បន្នកាលនេះកម្ពុជា(អង្គភាពCMAC) អាចម្ចាស់ការទាំងស្រុង១០០% លើការងារបច្ចេកទេសទាំងការងារបង្កាត់ពូជ ការហ្វឹកហ្វឺនជំនាញផ្សេងៗ និងអាចចែករំលែកដល់អន្តរជាតិទៀតផងដែរ។

បើតាម លោក ហេង រតនា គិតត្រឹមឆ្នាំ២០២៥ អង្គភាពស៊ីម៉ាក់មានសុនកជំនាញហិតមីនប្រមាណ ៣០០ ក្បាល ដែលកំពុងស្ថិតក្នុងការប្រើប្រាស់ ការហ្វឹកហ្វឺន និងការចេញប្រតិបត្តិការ។ ក្រៅពីជំនាញហិតគ្រឿងផ្ទុះ សុនកមួយចំនួនក៏មានជំនាញហិតគ្រឿងញៀន ហើយត្រូវបានបង្វឹកបន្ថែមឱ្យអាចបំពេញភារកិច្ចការពារសន្តិសុខ និងយាមល្បាតផងដែរ។
កន្លងមក កម្ពុជា តាមរយៈអង្គភាពមជ្ឈមណ្ឌលសកម្មភាពកម្ចាត់មីនកម្ពុជា បានបញ្ជូនសុនកជាច្រើនក្បាលទៅកាន់បរទេស ដើម្បីចូលរួមប្រតិបត្តិការបោសសម្អាតមីននៅក្នុងប្រទេសមួយចំនួនដែលរងផលប៉ះពាល់ពីសង្គ្រាម ដូចជា ប្រទេសអ៊ុយក្រែន ជាដើម។

គួរជម្រាបថា ក្នុងអំឡុងពេលការរាតត្បាតជំងឺកូវីដ-១៩ សុនកនៅកម្ពុជា មិនត្រឹមតែបម្រើការងារហិតមីនប៉ុណ្ណោះទេ ប៉ុន្តែអ្នកជំនាញអង្គភាពស៊ីម៉ាក់ ក៏បានបង្វឹកសុនកឱ្យអាចហិតរកវីរុសកូវីដ-១៩ ផងដែរ ក្រោមកិច្ចសហការជាមួយក្រសួង សុខាភិបាល។

អ្នកជំនាញបានពន្យល់ថា សុនកមួយក្បាលអាចចេញប្រតិបត្តិការហិតមីនបានរយៈពេលចន្លោះពី ៨ ដល់ ១០ ឆ្នាំ ប៉ុន្តែនៅក្នុងការអនុវត្តជាក់ស្តែង ជាទូទៅមានរយៈពេលប្រហែល ៨ ដល់ ៩ ឆ្នាំ ប៉ុណ្ណោះ មុនពេលត្រូវដាក់ឱ្យចូលនិវត្តន៍ ឬបញ្ចប់ភារកិច្ចដោយសារមូលហេតុសុខភាព ឬការស្លាប់ជាដើម៕

The post អង្គភាព CMAC និងអង្គការ JICA រួមគ្នាហ្វឹកហ្វឺនសមត្ថភាពសុនកហិតមីននៅកម្ពុជា appeared first on Kampuchea Thmey Daily.

អនុស្សរណៈយោគយល់គ្នានេះ ត្រូវបានហត្ថលេខានៅថ្ងៃទី៤ ខែធ្នូ ឆ្នាំ២០២៥នេះ ដោយលោក ហេង រតនា ប្រតិភូរាជរដ្ឋាភិបាល ទទួលបន្ទុកជាអគ្គនាយកស៊ីម៉ាក់ និងលោក Michael Raine ប្រធានកម្មវិធីអង្គការអាប៉ូប៉ូ ប្រចាំកម្ពុជា។

បើតាមលោក ហេង រតនា គម្រោងខាងលើ មានទំហំទឹកប្រាក់ចំនួន ២៨១.៤៩០,៣៥ដុល្លារអាមេរិក ដែលនឹងអនុវត្តក្នុងរយៈពេល១ឆ្នាំ គិតចាប់ផ្តើមពីថ្ងៃទី១ ខែមករា ឆ្នាំ២០២៦ ដល់ថ្ងៃទី៣១ ខែធ្នូ ឆ្នាំ២០២៦។

តាមរយៈគម្រោងនេះ មានផែនការបោសសម្អាតផ្ទៃដីចំនួន៧.៥៦០.០០០ម៉ែត្រក្រឡា ដែលប្រតិបត្តិការនៅកងឯកភាពកំចាត់មីនទី៤ខេត្តសៀមរាប និងកងឯភភាពកំចាត់មីនទី៦ ខេត្តព្រះវិហារ។ ជាមួយជំនួយនេះ អង្គភាពស៊ីម៉ាក់នឹងពង្រាយកម្លាំងបោសសម្អាតមីន សុនខហិតមីន និងកណ្តុរហិតមីន ទៅតាមតំបន់គោលដៅក្នុងផែនការបោសសម្អាតមីនសម្រាប់ឆ្នាំ២០២៦៕

The post ស៊ីម៉ាក់ និងអង្គការអាប៉ូប៉ូ ចាប់ដៃគ្នាលើគម្រោងបោសសម្អាតមីន ដោយប្រើកណ្តុរហិតមីន និងសុនខ appeared first on Kampuchea Thmey Daily.

ការលើកឡើងនេះ ធ្វើនៅព្រឹកថ្ងៃទី១៧ ខែតុលា ឆ្នាំ២០២៥ នៅទីបញ្ជាការស៊ីម៉ាក់ភ្នំពេញ ក្នុងឱកាសលោក ហេង រតនា ទទួលស្វាគមន៍ដំណើរទស្សនកិច្ចរបស់ថ្នាក់ដឹកនាំនៃអង្គភាពផ្តល់សេវាកម្មរដ្ឋក្នុងគ្រាអាសន្នសម្រាប់ប្រទេសអ៊ុយក្រែន (SESU) ដឹកនាំដោយលោក Reva Serhii ប្រធាននាយកដ្ឋានសកម្មភាពមីន SESU។ នៅក្នុងជំនួបពិភាក្សាការងារនេះ ក៏មានការអញ្ជើញចូលរួមពីសំណាក់ លោក HIJIKAWA Kento លេខាទី២ ស្ថានទូតជប៉ុនប្រចាំកម្ពុជា និងតំណាងទីភ្នាក់ងារសហប្រតិបត្តិការអន្តរជាតិជប៉ុន(JICA) ប្រចាំកម្ពុជាផងដែរ។

ក្នុងជំនួបនោះ លោក ហេង រតនា មានប្រសាសន៍បន្ថែមថា រូបលោកសង្ឃឹមថាប្រទេសអ៊ុយក្រែន នឹងទទួលបានសន្តិភាពឆាប់ៗនៅពេលខាងមុខដ៏ខ្លីនេះ ដែលជាគ្រឹះសំខាន់ក្នុងការអភិវឌ្ឍប្រទេសឡើងវិញក្រោយសង្រ្គាម។ លោកសង្កត់ធ្ងន់ថា សន្តិភាពមិនអាចកើតមានឡើងតាមរយៈការប្រើប្រាស់អាវុធ ឬកម្លាំងទេ ប៉ុន្តែ សន្តិភាពត្រូវកើតឡើងដោយការយោគយល់ ការអត់ធ្មត់ និងការចរចារវាងដៃគូជម្លោះទាំងកម្រិតទ្វេភាគី និងអន្តរជាតិ។

មានមតិក្នុងឱកាសជំនួបពិភាក្សាការងារ លោក Reva Serhii បានជម្រាបជូន លោក ហេង រតនា ថាបច្ចុប្បន្ននេះនៅប្រទេសអ៊ុយក្រែនមានតំបន់ប្រហែល ១៧០,០០០គីឡូម៉ែត្រក្រឡាដែលជាតំបន់រងផលប៉ះពាល់ដោយសារសំណល់យុទ្ធភណ្ឌសង្រ្គាម។ លោកក៏បានថ្លែងអរគុណចំពោះរដ្ឋាភិបាលជប៉ុន និងទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន ដែលគាំទ្រអ៊ុយក្រែនក្នុងការសហការជាមួយអង្គភាពស៊ីម៉ាក់ ដែលជាស្ថាប័នជាតិបោសសម្អាតមីនឈានមុខគេនៅកម្ពុជា និងកម្រិតអន្តរជាតិ ដែលបាននិងកំពុងផ្តល់ការបណ្តុះបណ្តាលដល់សិក្ខាកាមអ៊ុយក្រែនដែលនឹងពាំនាំបទពិសោធនេះទៅបម្រើក្នុងបោសសម្អាតសំណល់យុទ្ធភណ្ឌសង្រ្គាមមនុស្សធម៌នៅក្នុងប្រទេសអ៊ុយក្រែនដែលកំពុងញ៉ាំញីដោយសង្រ្គាម។

ដំណើរទស្សនកិច្ចនេះគាំទ្រដោយរដ្ឋាភិបាលជប៉ុនតាមរយៈទីភ្នាក់ងារសហប្រតិបត្តិការអន្តរជាតិនៃប្រទេសជប៉ុន (JICA) ស្របពេលដែលអង្គភាពស៊ីម៉ាក់កំពុងផ្តល់ការហ្វឹកហ្វឺនដល់សិក្ខាកាមអ៊ុយក្រែននូវជំនាញប្រតិបត្តិការគ្រឿងចក្រវាយកម្ទេចមីន ដើម្បីបង្កើនសុវត្ថិភាព ប្រសិទ្ធភាព និងប្រសិទ្ធផលក្នុងការរំដោះផ្ទៃដីដែលទទួលរងការគំរាមកំហែងដោយសារគ្រាប់មីននិងសំណល់យុទ្ធភណ្ឌសង្គ្រាម។

គួររំលឹកផងដែរថា អង្គភាពស៊ីម៉ាក់បានផ្តល់ការបណ្តុះបណ្តាលដល់សិក្ខាកាមនៃអង្គភាពផ្តល់សេវាកម្មរដ្ឋក្នុងគ្រាអាសន្នសម្រាប់ប្រទេសអ៊ុយក្រែន (SESU) តាំងពីឆ្នាំ២០២៣ ហើយគិតមកត្រឹមខែតុលាឆ្នាំ២០២៥នេះ សិក្ខាកាមសរុបទាំងអស់មានចំនួន ៣២នាក់ ដែលបានទទួលការបណ្តុះបណ្តាល។ បន្ថែមពីនេះអង្គភាពស៊ីម៉ាក់ក៏បានបញ្ជូនមន្រ្តីជំនាញទៅជួយបណ្តុះបណ្តាលដោយផ្ទាល់បន្ថែមទៀតនៅប្រទេសប៉ូឡូញ ក្រោមកិច្ចសហប្រតិបត្តិការជាមួយមូលនិធិសាមគ្គីភាពប៉ូឡូញ ដល់សិក្ខាកាម SESU មួយចំនួនទៀតផងដែរ។

មុនជំនួបនៅថ្ងៃនេះគណៈប្រតិភូអ៊ុយក្រែនក៏បានធ្វើទស្សនកិច្ចទៅកាន់ទីលានហ្វឹនហ្វឺនសិក្ខាកាមអ៊ុយក្រែន នៅឃុំពពេល និងសារមន្ទីរតេជោសន្តិភាព នៅខេត្តសៀមរាប ចម្ការមីន និងរោងជាងកណ្តាល នៅខេត្តបាត់ដំបង វិទ្យាស្ថានបច្ចេកទេសសកម្មភាពកំចាត់មីន និងមណ្ឌលសុនខ ខេត្តកំពង់ឆ្នាំង ដើម្បីសិក្សាស្វែងយល់បន្ថែមទៀតពីកិច្ចប្រតិបត្តិការបោសសម្អាតមីន និងសំណល់យុទ្ធភណ្ឌសង្គ្រាមរបស់អង្គភាពCMAC។

សូមគូសបញ្ជាក់ថា វគ្គបណ្តុះបណ្តាលជូនអ្នកជំនាញអ៊ុយក្រែនលើកិច្ចប្រតិបត្តិការបោសសម្អាតមីនមនុស្សធម៌នេះ អាចប្រព្រឹត្តិទៅបានដោយមានកិច្ចសហការយ៉ាងជិតសិ្នទ្ធរវាងរដ្ឋាភិបាលជប៉ុននិងរាជរដ្ឋាភិបាលកម្ពុជា គាំទ្រឱ្យអង្គភាពស៊ីម៉ាក់អនុវត្តគម្រោងហ្វឹកហ្វឺននេះក្រោយហេតុផលសកម្មភាពមនុស្សធម៌សុទ្ធសាធដែលរងការគំរាមកំហែងដោយសារគ្រាប់មីននិងសំណល់យុទ្ធភណ្ឌសង្គ្រាម៕

The post លោក ហេង រតនា៖ ស៊ីម៉ាក់ រីករាយចែករំលែកបទពិសោធសម្អាតមីនដល់អ៊ុយក្រែន ដើម្បីជួយដល់ជនស៊ីវិល appeared first on Kampuchea Thmey Daily.

ជាការឆ្លើយតប មជ្ឈមណ្ឌលសកម្មភាពកំចាត់មីនកម្ពុជា បានធ្វើការពន្យល់នៅក្នុងវីដេអូនោះដោយលាតត្រដាងពីការពិត។ ភស្តុតាងនោះដូចជា ម៉ូតូក្នុងវីដេអូនេះមានផ្លាកលេខថៃ ហើយទាហាននោះនិយាយភាសាថៃផងដែរ។ ការបន្លំខ្លួននេះត្រូវបាន CMAC ចំអកថា ៖«បោកបានតែជនជាតិថៃគ្នាឯងដែលចង់បង្កសង្រ្គាមជាមួយប្រទេសជិតខាងបាន តែមិនអាចបំភ្លៃការពិតបានទេ។ កាន់តែប្រឹងសម្តែង កាន់តែបង្ហាញភាពអាម៉ាស់ដល់ពិភពលោក»។

ពាក់ព័ន្ធថៃខំបង្កើតព័ត៌មានប្រឌិតនេះ ត្រូវបានអគ្គនាយកនៃមជ្ឈមណ្ឌលសកម្មភាពកំចាត់មីនកម្ពុជា លោក ហេង រតនា​ បកអាក្រាត្រថា ថៃកំពុងកែច្នៃក្រឡៃសត្វដំរីមកជាសត្វស្រមោច និងរីឯសត្វស្រមោចឱ្យក្លាយជាសត្វដំរី។ លោកសង្កត់​ធ្ងន់ថា បញ្ហាគ្រាប់មីន​ សៀមខិតខំបង្ហាញថា​ ខ្លួនជាជនរងគ្រោះព្រោះខែ្មរប្រើគ្រាប់មីនPMN-2ថ្មី​ ក្នុងទឹកដីថៃ​! ។ លោកចោទជាសំណួរថា តើយកទៅដាក់ក្នុងទឹកដីសៀមរបៀបម៉េច ទឹកដីស្ថិតនៅទល់មុខគ្នានោះ​ជាដីមានជម្លោះ។

បើតាមលោក ហេង រតនា ​ថៃខិតខំប្រែក្លាយខ្លួនជាជនរងគ្រោះ ហើយចោទថា​កម្ពុជាខូចរកស៊ីលាបពណ៌​ថៃ​ ដោយយកគ្រាប់បែកMK-84 សំណល់សង្គ្រាមឆ្នាំ១៩៧០-១៩៧៣​ មកដាក់តាំងបង្ហាញ។​ ប៉ុន្តែលោកថាជាក់ស្តែង​គ្រាប់បែកMK-84 ស្ថិតនៅភូមិថ្មដូន​ ឃុំគោកមននេះ​ ផលិតឆ្នាំ១៩៩៦​ ហើយគ្រាប់បែកMK-82ទម្លាក់នៅវត្តតាមន្តសែនជ័យផលិតនៅឆ្នាំ២០២៣។

តើគ្រាប់បែកផលិតនៅឆ្នាំ១៩៩៦ និង២០២៣​ អាចជាសំណល់សង្គ្រាមឆ្នាំពី១៩៧០-១៩៧៣ កើតដែរឬ? ទីតាំងគ្រាប់បែកទម្លាក់នេះនៅសល់៥គ្រាប់ទៀ​តនៅកប់ដីនៅឡើយ ហើយមនុស្សម្នាលើលោកអាចមកឃើញគ្រាប់បែកទាំងនេះបាន​ និងអាចចុះមកពិនិត្យបាននៅពេលមន្ត្រីជំនាញCMACដោះបន្សាបនាពេលខាងមុខ។ 

បើតាមអគ្គនាយកស៊ីម៉ាក់ ប្រាសាទព្រះវិហារ ក៏ត្រូវរងគ្រោះដោយសារគ្រាប់ផ្លោង១៥៥មម​ គ្រាប់បែកចង្កោម​ និងគ្រាប់ជាច្រើនប្រភេទ​ ហើយនៅពេលឃើញរណ្តៅគ្រាប់និងការបែកបាក់ប្រាសាទទាំងនោះ ពួកសៀមបែរជាចោទខ្មែរ​ថា រណ្តៅគ្រាប់ទាំងនោះ​ខែ្មររៀបចំជីករណ្តៅបង្ហាញ​ដើម្បីលាបពណ៌បង្ខូចឈ្មោះថៃ​ ហើយថៃជាជនរងគ្រោះទៅវិញ។ លោកថា៖«មនុស្សក្នុងពិភពលោកក្នុងយុគសម័យបដិវត្តន៍បច្ចេកវិទ្យាAIនេះ​ ពិតជាមិនខ្វះប្រាជ្ញាពិចារណាលើបញ្ហានេះទាំងនេះ​ ដូចជាគ្រាប់បែក​MK-82 MK-84 និងគ្រាប់បែកចង្កោម​ មានប្រភពច្បាស់លាស់ណាស់ទាំងអ្នកផលិត​ អ្នកលក់ដូរ​ អ្នកដឹកជញ្ជូន​ និងអ្នកប្រើប្រាស់»៕

The post ស៊ីម៉ាក់កម្ពុជា៖ ថៃបន្លំខ្លួនជាទាហានខ្មែរសម្តែងដាក់មីន PMN-2 និងដើរតួជាជនរងគ្រោះ appeared first on Kampuchea Thmey Daily.

តាមរយៈទំព័រហ្វេសប៊ុកផ្ទាល់ខ្លួននារសៀលថ្ងៃទី២៩កក្កដានេះ លោក ហេង រតនា ក៏បានបញ្ជាក់ដែរថា នៅពេលណាសភាពការណ៍នៃសង្គ្រាមបានបញ្ឈប់ កម្លាំងអង្គភាពCMAC ត្រៀមធ្វើការពង្រាយកម្លាំងជំនាញ​ ដើម្បីដំណើរការស្រាវជ្រាវ និងដាក់ស្លាកសញ្ញាកំណត់តំបន់រងផលប៉ះពាល់ដោយសារគ្រាប់បែកចង្កោម​ គ្រាប់មីនទាន់ផ្ទុះ​ និងដំណើរការបោសសម្អាតជូនប្រជាពលរដ្ឋ​ ក្រុមហ៊ុន​ និងអាជ្ញាធរមូលដ្ឋាន​ ស្របតាមតម្រូវការជាក់ស្តែងជាអាទិភាព។

តាមរយៈនេះ អគ្គនាយកស៊ីម៉ាក់ក៏បានផ្ដល់លេខទំនាក់ទំនងរបស់មន្ត្រីជំនាញលោកឧត្តមសេនីយ៍ត្រី​ អ៊ាន​ សុធា​ 097 222 2735​ សម្រាប់ទិសខេត្តប្រាសាទព្រះវិហារ លោកឧត្តមសេនីយ៍ត្រី​ នេត​ រដ្ឋា​​ 097 200 1141​ សម្រាប់ទិសខេត្តឧត្តរមានជ័យ សម្រាប់ជំនួយបន្ថែមផ្សេងៗ​ សូមទាក់ទងឧត្តមសេនីយ៍ត្រី​ កែវ​ សារ៉ាត់​ 097 200 1406៕

The post អគ្គនាយកស៊ីម៉ាក់ អំពាវនាវឲ្យពលរដ្ឋនៅខេត្តបន្ទាយមានជ័យ និងខេត្តឧត្ដរមានជ័យ ទាក់ទងមន្ត្រីជំនាញក្នុងករណីមានគ្រាប់មិនផ្ទុះនៅតាមមូលដ្ឋាន appeared first on Kampuchea Thmey Daily.

បើតាម CMAC ប្រជាពលរដ្ឋពេលកំពុងភ្ជួរស្រែរាយការណ៍ថា ប្រទះឃើញគ្រាប់មិនទាន់ផ្ទុះចំនួន ១គ្រាប់​ ប៉ុន្តែពេល​កម្លាំងជំនាញចុះទៅរាវឃើញ ២ រណ្តៅចំនួន ៤៥ គ្រាប់ ក្នុងនោះមានគ្រាប់ B40 ចំនួន៣០គ្រាប់ និងគ្រាប់រ៉ុកកែតB62​ចំនួន១៥គ្រាប់បន្ថែមទៀត។

បន្ទាប់មក នៅថ្ងៃទី២៨​ ខែឧសភា​ ឆ្នាំ២០២៥​ គ្រាប់យុទ្ធភណ្ឌសំណល់សង្គ្រាមទាំងនេះ​ ត្រូវបានកម្លាំងជំនាញអង្គភាពស៊ីម៉ាក់​ធ្វើ ការបោសសម្អាត និងកម្ទេចចោលប្រកបដោយសុវត្ថិភាព​ ព្រមទាំងសហការជាមួយកម្លាំងនគរបាលនិងអាជ្ញាធរមូលដ្ឋានធ្វើការផ្សព្វផ្សាយជូនប្រជាពលរដ្ឋក្នុងការរួមស្មារតីគ្នាបង្ការការពារគ្រោះថ្នាក់ដោយសារគ្រាប់មីន និងសំណល់យុទ្ធភណ្ឌសង្គ្រាមឱ្យកាន់តែសកម្មថែមទៀត។

ពាក់ព័ន្ធសកម្មភាពមីននេះដែរ លោកទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន នៅបន្តស្វះស្វែងរកការគាំទ្រការបោសសម្អាតមីននៅកម្ពុជា ពីអង្គទូត តំណាងស្ថានបេសកកម្ម អង្គការជាតិ-អន្តរជាតិ និងស្ថាប័នអង្គការ សហប្រជាជាតិ។

កម្ពុជាប្រែក្លាយពីប្រទេសរងគ្រោះធ្ងន់ធ្ងរដោយសារមីន និងសំណល់ជាតិផ្តុះពីសង្គ្រាម ទៅជាប្រទេសឈានមុខមួយក្នុងសកម្មភាពមីនសាកល និងបានដើរតួសំខាន់ ក្នុងការចែករំលែកចំណេះដឹង និងជំនាញទៅកាន់ប្រទេសរងគ្រោះផ្សេង ទៀត។ ទោះបីជាសម្រេចបានសមិទ្ធផលដ៏ធំធេងដូចនេះក្តី កម្ពុជា នឹងត្រូវបន្តបង្កើនកិច្ចខិតខំប្រឹងប្រែង ដោះស្រាយបញ្ហាដែលនៅសេសសល់ ជាពិសេសតំបន់ចម្ការមីនដែលមានភាពស្មុគស្មាញខ្លាំង ដើម្បីធានាថា ប្រជាជនកម្ពុជាគ្រប់រូប និងគ្រប់ទីកន្លែង មិនរស់នៅក្នុងភាពភ័យក្លាច ដោយសារមីន និងសំណល់ជាតិផ្ទុះពីសង្គ្រាម។

សូមជម្រាបថា ចាប់តាំងពីឆ្នាំ១៩៩២ មក ក្រោមកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា និងមានការគាំទ្រពីប្រទេសជាមិត្ត ដៃគូអភិវឌ្ឍ និងភាគីពាក់ព័ន្ធនានា កម្ពុជាបានរំដោះផ្ទៃដីសរុបប្រមាណជាង ៣ ០០០ គីឡូម៉ែតក្រឡា ដោយផ្ទៃដីដែលបានបោសសម្អាតរួច បានប្រគល់ជូនសហគមន៍ សម្រាប់ការរស់នៅ និងអភិវឌ្ឍ ដែលបានចូលរួមយ៉ាងសំខាន់ដល់ការកាត់បន្ថយភាពក្រីក្រ និងការអភិវឌ្ឍប្រកបដោយចីរភាព នៅកម្ពុជា៕

The post សំណល់យុទ្ធភណ្ឌសល់ពីសង្គ្រាម ៤៥គ្រាប់ ត្រូវបានកម្ទេចដោយជោគជ័យ នៅខេត្តបន្ទាយមានជ័យ appeared first on Kampuchea Thmey Daily.

ការកម្ទេចចោលនេះ ក្រោយពីបានរកឃើញក្នុងរណ្តៅនៅថ្ងៃទី១២ ខែឧសភា ឆ្នាំ២០២៥ ក្នុងភូមិកាម៉ែនធំ ឃុំសាមគ្គី ស្រុកអូរជុំ ខេត្តរតនគិរី ហើយគ្រាប់បែកខាងលើនេះមានជម្រៅកប់ដីប្រហែលមួយម៉ែត្រ។

សូមជម្រាបថា នៅក្នុងព្រះរាជាណាចក្រកម្ពុជា ត្រូវរងការទម្លាក់គ្រាប់បែកចង្កោមចំនួនជិត៣០លានគ្រាប់បែក ប្រេីពេលជាង១០ឆ្នាំ ក្នុងសម័យសង្គ្រាមចន្លោះពីដើមទសវត្សរ៍១៩៦០ដល់ពាក់កណ្តាលទសវត្សរ៍១៩៧០ មានការវាយប្រហារចំនួនជាង១០.០០០ទីតាំងក្នុងក្របខណ្ឌទូទាំងប្រទេស។

លោក ហេង រតនា ប្រតិភូរាជរដ្ឋាភិបាល ទទួលបន្ទុកជាអគ្គនាយក នៃមជ្ឈមណ្ឌលសកម្មភាពកំចាត់មីនកម្ពុជា (CMAC)បានឱ្យដឹងថា គ្រាប់បែកចង្កោមដែលនៅសេសសល់ ត្រូវបានក្រុមអ្នកជំនាញដោះនិងបន្សាប នៅនឹងកន្លែងតែម្តង ដោយសារស្ថានភាពគ្រាប់បែកចង្កោមនេះគ្មានសុវត្ថិភាពក្នុងការដោះបន្សាបនិងដឹកជញ្ជូនឡេីយ ដូចនេះមានតែវិធានការកម្ទេចចោលនៅហ្នឹងកន្លែង៕

The post ស៊ីម៉ាក់ បំផ្ទុះគ្រាប់បែកចង្កោម សេសស់​ពី​សង្គ្រាម១២០គ្រាប់ ក្រោយរកឃើញក្នុងរណ្ដៅ appeared first on Kampuchea Thmey Daily.