តាមរយៈការផ្សព្វផ្សាយ ក្រសួងការងារបានឱ្យដឹងថា គិតត្រឹមថ្ងៃទី១១ ខែកក្កដា ឆ្នាំ២០២៦ មានឱកាសការងារចំនួន ៩៣,៤៩៣ កន្លែងនៅ​តាមណ្ដា​រាជធានី-ខេត្តនៅទូទាំងប្រទេស កំពុងរង់ចាំអតីតពលករត្រឡប់មកពីប្រទេសថៃ និងអ្នកកំពុងស្វែងរកការងារធ្វើ។ ឱកាសការងារទាំងនោះ ស្ថិតនៅក្នុងវិស័យសំខាន់ៗ ដូចជា វិស័យកសិកម្ម ឧស្សាហកម្ម និងវិស័យសេវាកម្ម។

ដើម្បីទទួលបានឱកាសការងារទាំងនោះ អតីតពលករត្រឡប់មកពីប្រទេសថៃ និងអ្នកកំពុងស្វែងរកការងារធ្វើ អាចស្វែងរកលេខ​ទំនាក់​ទំនង ឈ្មោះរោងចក្រ និងវិស័យដែលខ្លួនពេញ​ចិត្តបាន​តាមរយៈខិត្ត​ប័ណ្ណការ​ងាររបស់​ក្រសួងដែលបានផ្សព្វផ្សាយយ៉ាងលម្អិត។

ជាមួយគ្នានេះ ក្រៅពីទំនាក់ទំនងផ្ទាល់​ជាមួយក្រុមហ៊ុន រោងចក្រ សហគ្រាស អ្នកស្វែងរកការងារទាំងអស់ ជាពិសេសអតីតពលករ ក៏អាចទាក់ទ​ងមកប្រព័ន្ធទំនាក់ទំនងបន្ទាន់ ១២៩៧ ដើម្បីឱ្យក្រសួងកា​រ​ងារជួយ​សម្រប​សម្រួល​ស្វែង​រក​ការងារជូន​ផងដែរ។ នេះបើតាម​ក្រសួងការងារដដែល៕

The post ក្រសួងការងារ៖ ប្រទេសកម្ពុជាមានឱកាសការងារជាង ៩ម៉ឺនកន្លែងកំពុងរង់ចាំអតីតពលករ និងអ្នកកំពុងស្វែងរកការងារធ្វើ appeared first on Kampuchea Thmey Daily.

លោក សំ​ សឿន ប្រធាន​សហភាពពលកម្មជាតិកម្ពុជាបានថ្លែងប្រាប់អ្នកសារព័ត៌មាននៅវិទ្យាស្ថានជាតិបណ្តុះបណ្តាលបច្ចេកទេស(NTTI)​ ថា លោកគាំទ្រចំពោះចំណាត់ការរបស់រាជរដ្ឋាភិបាល ដែលមានក្រសួងការងារ និងបណ្ដុះបណ្ដាលវិជ្ជាជីវៈជាសេនាធិកា បានដាក់ចេញនូវកម្មវិធី RPL នេះ ដើម្បីជួយអតីតពលករខ្មែរដែលបានវិលត្រឡប់មកពីប្រទេសថៃ។

លោកបន្តថា កម្មវិធីនេះ ពិតជាមានសារៈសំខាន់ដែលបានចេញវិញ្ញាបនបត្របញ្ជាក់ជំនាញ តាមរយៈការវាយតម្លៃផ្អែកលើសមត្ថភាព ទទួលស្គាល់ការសិក្សាដែលមានពីមុន ផ្តល់នូវឱកាសដល់អតីតពលករខ្មែរ ដែលបាននិងកំពុងបម្រើការងារ និងអ្នកមានជំនាញដែលមិនទាន់មានការងារឱ្យទទួលបានការទទួលស្គាល់ជំនាញជាផ្លូវការ សមត្ថភាព ឬគុណវុឌ្ឍិរបស់ពួកគាត់។

ថ្នាក់ដឹកនាំសហជីពរូបនេះបញ្ជាក់ថា «​កម្មវិធី RPLនេះ គឺពិតជាមានសារៈសំខាន់មែនទែនសម្រាប់បងប្អូនអតីតពលករខ្មែរយើង ព្រោះកន្លងមកពួកគាត់ធ្លាប់ធ្វើការងារជាក់ស្ដែង ធ្លាប់មានបទពិសោធ និងមានជំនាញច្បាស់លាស់ ប៉ុន្ដែជំនាញរបស់ពួកគាត់មិនទាន់មានការទទួលស្គាល់ទេ។ អីចឹង ដើម្បីឱ្យជំនាញ និងបទពិសោធន៍ពួកគាត់ ក្លាយជាជំនាញផ្លូវការ គឺពួកគាត់ត្រូវមកធ្វើតេស្ត ហើយបងប្អូនយើងដែលមានបំណង សូមមកធ្វើតេស្តមក ដើម្បីទទួលបានវិញ្ញាបនបត្រដែលទទួលស្គាល់ពីក្រសួងការងារ»។

ចំណែកលោក គង់ អាទិត្យ ​ប្រធានសហភាពការងារកម្ពុជា(CLC)​ បានថ្លែងថា លោកពេញចិត្តចំពោះកម្មវិធីនេះ ដោយចាត់ទុកកម្មវិធី RPL មានភាពបត់បែន​ ងាយស្រួលក្នុងការពង្រឹង ឬផ្លាស់ប្តូរជំនាញឱ្យស្របតាមតម្រូវការ​ជាក់ស្តែងនៃទីផ្សារការងារបច្ចុប្បន្ននេះ។

លោកបញ្ជាក់ថា «យើងបានដឹងទាំងអស់គ្នាថា កន្លងមកយើងមិនធ្លាប់មានកម្មវិធីទទួលស្គាល់ជំនាញដូចដែលក្រសួងការងារកំពុងអនុវត្តនោះទេ ប៉ុន្ដែពេលនេះ រាជររដ្ឋាភិបាល ក៏ដូចជាក្រសួងការងារ បានយកចិត្តទុកដាក់បង្កើតកម្មវិធី RPL នេះឡើង។ ខ្ញុំយល់ថា កម្មវិធីនេះ គឺយើងដាក់ចំគោលដៅល្អណាស់ ព្រោះអតីតពលករយើងដែលមកពីថៃភាគច្រើន គឺពួកគាត់មានតែចំណេះ ជំនាញ និងបទពិសោធន៍ជាប់ខ្លួនមកទេ ប៉ុន្ដែមិនមានវិញ្ញាបនបត្របញ្ជាក់ទេ។ អីចឹង ក្នុងកាលៈទេសៈនេះ គឺជាឱកាសមាសសម្រាប់បងប្អូនយើងហើយ»។

លោក គង់ អាទិត្យ បានអំពាវនាវដល់អតីតពលករខ្មែរបានវិលត្រឡប់មកពីប្រទេសថៃ​ គួរតែមកធ្វើតេស្តជាមួយកម្មវិធី RPLនេះឱ្យបានច្រើនថែមទៀត ដើម្បីផ្ដល់ភាពងាយស្រួលក្នុងការស្វែងរកការងារធ្វើ អាចទទួលបានប្រាក់ខែខ្ពស់ ហើយសម្រាប់អ្នកដែលមានការងារធ្វើស្រាប់អាចមានឱកាសបានឡើងតួនាទីថែមទៀតផង។

អតីតពលករខ្មែរដែលបានមកធ្វើតេស្ត RPL គឺលោក សុខ ហាច បាននិយាយថា លោកបានធ្វើការងារជាកម្មករ​សំណង់ជាជាងអគ្គិស​នីនៅប្រទេសថៃចំនួន ៣ឆ្នាំមកហើយ ដោយលោកបានធ្វើការងារជាមួយអ្នកជំនាញបរទេសជាច្រើន និងបានសិក្សាស្វែង​យល់ពីការងារដំឡើងប្រព័ន្ធអគ្គិសនីនៅតាមអាគារ រោងចក្រ និងទីតាំងសំណង់ផ្សេងៗទៀត។

លោកបន្តថា ជំនាញដែលលោកនាំមកដល់កម្ពុជាវិញនេះ គឺមិនមានឯកសារបញ្ជាក់ទទួលស្គាល់នោះទេ ដែលធ្វើឱ្យលោកមានការពិបាកក្នុងការស្វែងរកការងារធ្វើនៅក្នុងស្រុក។ លោកបានទទួលដំណឹងនេះពីមិត្តភក្ដិម្នាក់ដែល​ទទួលបានវិញ្ញាបនបត្របញ្ជាក់ជំនាញពី RPL ហើយបានណែនាំលោកឱ្យមកចុះឈ្មោះធ្វើតេស្ត RPL ដែរ ព្រោះមិនមានបង់ប្រាក់នោះទេ។

លោកបញ្ជាក់ថា «ធ្វើការងារនៅស្រុកថៃ៣ឆ្នាំហើយ ប៉ុន្ដែការងារមិនងាយស្រួលដូចធ្វើការងារនៅក្នុងស្រុកយើងទេ ហើយប្រាក់ចំណូលក៏មិនលើសពីការងារក្នុងស្រុកយើងដែរ។ ឥឡូវនេះ ខ្ញុំទទួលបានវិញ្ញាបនបត្រថែមមួយទៀត គឺនឹងធ្វើឱ្យខ្ញុំមានភាពងាយស្រួលក្នុងការស្វែករកការងារថ្មី និងអាចមានប្រាក់ចំណូលខ្ពស់ដែរ»។

យោងតាមអនុសាសន៍ណែនាំដ៏ខ្ពង់ខ្ពស់របស់ សម្តេចធិបតី ហ៊ុន ម៉ាណែត និងដើម្បីចូលរួមអភិវឌ្ឍជំនាញ ក៏ដូចជា លើកទឹកចិត្តដល់អតីតពលករខ្មែរមកពីប្រទេសថៃ ឱ្យទទួលបានការទទួលស្គាល់ជំនាញជាផ្លូវការ ក្រសួងការងារ និងបណ្តុះបណ្តាលវិជ្ជាជីវៈបានរៀបចំការវាយតម្លៃទទួលស្គាល់ជំនាញពីមុន ដោយឥតគិតថ្លៃ លើ ៨មុខជំនាញក្នុងវិស័យសំណង់ ចាប់ពីខែមេសា ឆ្នាំ២០២៦នេះ៕

The post សហជីពធំៗនៅកម្ពុជា គាំទ្រពេញទំហឹងចំពោះកម្មវិធី RPL ព្រោះជួយអតីតពលករ​ខ្មែរដែលមកពីថៃ​ឱ្យមានវិញ្ញា​បនបត្រ​បញ្ជាក់ជំនាញ និងប្រាក់ចំណូលខ្ពស់ appeared first on Kampuchea Thmey Daily.

វិទ្យាស្ថានពហុបច្ចេកទេសព្រះកុសុមៈ (PPI) ជាទីតាំងមួយ ដែលយុវជន ទុយ វិទូ អតីតពលករធ្លាប់ធ្វើការងារនៅប្រទេសថៃ បានចូលធ្វើតេស្តទទួលស្គាល់ជំនាញពីមុន លើជំនាញការដំឡើងបណ្តាញបំពង់ទឹក ដោយមានអ្នកវាយតម្លៃមកពីក្រុមហ៊ុនឯកជនចាំតាមដាន និងដាក់ពិន្ទុ។  វិទូ រៀបរាប់ថា កន្លងទៅរូបបំពេញការងារជាជាងតប្រព័ន្ធទឹកតាមតែអ្វីដែលចេះបន្តពីជាងដទៃប៉ុណ្ណោះ គ្មានស្តង់ដារឡើង ប៉ុន្តែ ឆ្លងកាត់ការចង្អុលបង្ហាញ ការធ្វើតេស្ត រូបគេទទួលបានចំណេះជំនាញច្បាស់ជាងមុន។ អតីតពលករចូលធ្វើតេស្តទទួលស្គាល់ជំនាញរូបនេះ រំពឹងថា ក្រោយទទួលបានវិញ្ញាបនបត្រ រូបគេអាចទទួលបានឱកាសការងារល្អប្រសើរ និងទទួលបានកម្រៃគួរសមជាងមុន។

​វិទូ អះអាងថា ៖«បន្ទាប់ពីការធ្វើតេស្ត យើងអាចអភិវឌ្ឍន៍ខ្លួនឯងបានច្រើន អ៊ីចឹងបើយើងទៅសម្ភាសន៍ការងារថ្មី យើងអាចទទួលបានការងារដែលល្អជាងមុន ពីព្រោះថាពីមុននិយាយឱ្យខ្លីទៅយើងបែបកូនជាង អ៊ីចឹងមក(ធ្វើតេស្ត)ទៅយើងដឹងរាងច្បាស់ទៅ យើងអាចមានឱកាសមួយកម្រិតទៀតសម្រាប់ការងារថ្មី»។

អតីតពលកររូបនេះ បានអរគុណរាជរដ្ឋាភិបាលកម្ពុជា បង្កើតកម្មវិធីធ្វើតេស្តទទួលស្គាល់ជំនាញនេះឡើង ដែលកម្មវិធីនេះ ជួយឱ្យអតីតពលករគ្រប់រូបបានដឹងពីសមត្ថភាពផ្ទាល់ខ្លួនផង និងមានការទទួលស្គាល់កម្រិតសមត្ថភាពផ្លូវការ។

ក្រឡេកទៅមើលយុវជន សួន វណ្ណា វិញម្ដង អតីតពលករធ្លាប់ធ្វើការរយៈ៦ឆ្នាំ លើទឹកដីថៃរូបនេះ ក៏បានចូលធ្វើតេស្តទទួលស្គាល់ជំនាញដំឡើងបណ្តាញអគ្គិសនីក្នុងអគារដូចបេក្ខជនដទៃទៀតដែរ។ វណ្ណា ចូលធ្វើតេស្តទទួលស្គាល់ជំនាញពីមុន ព្រោះតែគិតថា វិញ្ញាបនបត្រទទួលស្គាល់ជំនាញពីមុន មានតម្លៃ និងអាចផ្ដល់ឱកាសការងារល្អដល់ខ្លួន។  

អតីតពលករសួន វណ្ណា រៀបរាប់ពីមូលហេតុដែលជំរុញឱ្យខ្លួនចូលធ្វើតេស្តទទួលស្គាល់ជំនាញពីមុនដូច្នេះ៖«ខ្ញុំគិតថា វាមានតម្លៃ ដោយសារ បើយើងមានសញ្ញាបត្រ យើងអាចដាក់ពាក្យចូលធ្វើការក្នុងសហគ្រាសទាំងដែលគេមិនសួរនាំវែងឆ្ងាយ ដោយសារតែយើងមានសញ្ញាបត្រដែលចេញដោយក្រសួងការងារ និងបណ្ដុះបណ្ដាលវិជ្ជាជីវៈរៀបចំជូនអតីតពលករដូចជារូបខ្ញុំប្រឡង។

វណ្ណា​ អំពាវនាវទៅកាន់អតីតពលករទាំងអស់ដែលវិលពីថៃ បើសិនជាមានជំនាញស្រាប់សូមមកធ្វើតេស្តទទួលស្គាល់ជំនាញ ដើម្បីទទួលបានឱកាសការងារថ្មី មានប្រាក់ចំណូលសមរម្យជាងមុន។ វណ្ណា បានថ្លែងអំណរគុណរាជរដ្ឋាភិបាលកម្ពុជា ចំពោះការរៀបចំកម្មវិធីធ្វើតេស្តទទួលស្គាល់ជំនាញពីមុននេះឡើង ពីព្រោះកម្មវិធីនេះ ជួយដល់អតីតពលករធ្លាប់មានជំនាញធ្វើការ ប៉ុន្តែមិនទាន់មានវិញ្ញាបនបត្រទទួលស្គាល់សមត្ថភាព ឱ្យមានការទទួលស្គាល់សមត្ថភាពជាផ្លូវការ ងាយស្រួលរកការងារធ្វើ និងទទួលបានចំណូលបន្ថែម។

អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ លោក ស៊ុន មេសា  ឱ្យដឹងថា  បច្ចុប្បន្ននេះ មានអតីតពលករជិត៦ពាន់នាក់ បានដាក់ពាក្យស្នើសុំធ្វើតេស្តទទួលស្គាល់ជំនាញ ក្នុងនោះបេក្ខជនប្រមាណ៥ពាន់៤រយនាក់ បានធ្វើតេស្តរួចរាល់ និងទទួលបានវិញ្ញាបនបត្រទទួលស្គាល់ជំនាញ។ លោក ស៊ុន មេសា ចាត់ទុកអតីតពលករធ្លាប់ធ្វើការនៅប្រទេសថៃ ហើយបច្ចុប្បន្នបានវិលត្រឡប់ពីមកកម្ពុជាវិញ ថាប្រៀបបាននឹងដុំពេជ្រ ពីព្រោះអតីតពលករទាំងនោះសុទ្ធតែមានជំនាញស្រាប់។ លោក គោលបំណងរបស់រាជរដ្ឋាភិបាលកម្ពុជា រៀបចំការបញ្ជាក់ជំនាញពីមុនជូនអតីតពលករ គឺដើម្បីផ្ដល់ជំនាញច្បាស់លាស់តាមស្ដង់ដារ និងផ្ដល់ឱកាសការងារដែលមានប្រាក់ចំណូលខ្ពស់ជាងមុន។

អ្នកនាំពាក្យលើកឡើងថា ៖«ជាធម្មតាទេ ពេលយើងដាក់ពាក្យចូលធ្វើការ គេនឹងសួរយើងថា យើងចេះអ្វី ហើយមានសញ្ញាបត្រឬអត់ អ៊ីចឹងបងប្អូនយើង (អតីតពលករ)ប្រឈម ព្រោះគាត់មានជំនាញ ប៉ុន្តែជំនាញមួយដែលមិនផ្លូវការ អ៊ីចឹងជំនាញដែលមិនផ្លូវការនេះ ត្រូវបានរាជរដ្ឋាភិបាលយកមកបង្កើតឱ្យទៅជាជំនាញមួយដែលផ្លូវការ ឱ្យពួកគាត់មានវិញ្ញាបនបត្រជាក់លាក់ ទទួលបានប្រាក់ចំណូលកាន់តែខ្ពស់។ ជាក់ស្ដែងខ្ញុំបានសួរទៅកាន់អ្នកវាយតម្លៃមកពីវិស័យឯកជន ពួកគាត់ថា ប្រសិនបើបងប្អូនកម្មករសំណង់ម្នាក់ មានវិញ្ញាបនបត្រនេះហើយ ជាមធ្យមក៏គាត់អាចទទួលបានប្រាក់ចំណូលចាប់ពី១៥ដុល្លារឡើងដែរ មានន័យថាជាកម្មករ ជំនាញតែម្ដង ខុសពីបងប្អូនផ្សេងទៀតដែលមកធ្វើការ ប៉ុន្តែមិនមានវិញ្ញាបនបត្របញ្ជាក់ជំនាញ។»។

លោក បន្ថែមថា៖«អ្វីដែលរាជរដ្ឋាភិបាលបានដាក់ចេញនេះ គឺជារបស់មួយដែលយើងអាចនិយាយយ៉ាងសាមញ្ញថា អេះចំកន្លែងរមាស់ ឬ ដាក់ថ្នាំចំត្រូវនឹងជំងឺ! អតីតពលករ ពួកគាត់មានជំនាញ គាត់ខ្វះដែលក្រដាសមួយសន្លឹកបញ្ជាក់ថា ពួកគាត់ពិតជាមានគុណភាព សមត្ថភាពក្នុងការលើវិស័យសំណង់មែន។ …(ការវាយតម្លៃនេះ គឺមានការចូលរួមពីវិស័យ​ឯកជន) អ៊ីចឹង ការចេញវិញ្ញាបនបត្ររបស់យើង មិនមែនមានន័យថាគ្រាន់តែជាការចេញក្រដាសមួយសន្លឹក ដើម្បីបង្គ្រប់កិច្ចទេ ប៉ុន្តែ(វិញ្ញាបនបត្រទទួលស្គាល់ជំនាញនេះ)គឺជាក្រដាសមួយសន្លឹក ដើម្បីប​ញ្ជាក់ពីសមត្ថភាពពិតប្រាកដ ដែលវិស័យឯកជនចង់បាន ដែលវិស័យឯកជនទទួលយក។»។

អ្នកនាំពាក្យក្រសួងការងារ អំពាវនាវឱ្យអតីតពលករដែលធ្លាប់ធ្វើការងារនៅថៃ ចូលរួមធ្វើតេស្តទទួលស្គាល់ជំនាញពីមុន ដើម្បីទទួលបានអត្ថប្រយោជន៍កាន់តែច្រើន ហើយការធ្វើតេស្តនេះ គឺដោយគិតថ្លៃ មានសម្ភារៈគ្រប់គ្រាន់ និងមានអ្នកជំនាញមកពីវិស័យឯកជនមានបទពិសោធន៍ច្រើនឆ្នាំជាអ្នកវាយតម្លៃ។ 

លោក ស៊ុន មេសា បន្ថែមថា ៖«…សម្ភារៈរបស់យើងមិនឱ្យខ្វះទេ គ្រូវាយតម្លៃសុទ្ធតែមកពីវិស័យ​ឯកជន អ៊ឹចឹងពីភាគីរាជរដ្ឋាភិបាលបានត្រៀមខ្លួនរួចជាស្រេចហើយ នៅឡើងរងចាំតែបងប្អូនអតីតពលករផ្នែកសំណង់មកពីប្រទេសថៃទេ។ សូមបងប្អូនអញ្ជើញមកធ្វើតេស្តទាំងអស់គ្នាអត់យកលុយទេ។»។

អ្នកវាយតម្លៃមកពីក្រុមហ៊ុន 61 Design and Build   បានឱ្យដឹងថា បេក្ខជនដែលដាក់ពាក្យចូលធ្វើតេស្ត ត្រូវមកបង្ហាញសមត្ថភាព ជំនាញដែលមានពីមុនដោយផ្ទាល់នៅទីតាំងមជ្ឈមណ្ឌលវាយតម្លៃសមត្ថភាព។

​អ្នកវាយតម្លៃសង្កត់ធ្ងន់ថា ៖« ទាក់ទងជាមួយការវាយតម្លៃនេះដែរ គឺបង្ហាញថាអតីតពលករពិតជាមានសមត្ថភាពធ្វើការងារទាំងហ្នឹង ឱ្យបានត្រឹមត្រូវទៅតាមប្លង់បច្ចេកទេស មានន័យថាតាំងពីការងារប្រតិបត្តិរហូតដល់បញ្ចប់ការងារចងសរសៃដែក។ ទាក់ទងជាមួយគុណសម្ប​ត្តិការដែលគាត់មកធ្វើតេស្តទទួលស្គាល់គុណភាពជំនាញនេះ គឺមានន័យថាគាត់អាចធ្វើការងារត្រូវទៅតាមប្លង់បច្ចេកទេស ឬមជ្ឈមណ្ឌលវាយតម្លៃដាក់ឱ្យពួកគាត់។» ។

អ្នកវាយតម្លៃរូបនេះ អះអាងថា វិញ្ញាបនបត្រដែលអតីតពលករទទួលបានពីការវាយតម្លៃនេះ គឺមានសារសំខាន់ខ្លាំងណាស់ សម្រា​ប់ប្រើប្រាស់ ដើម្បីទទួលបានឱកាសការងារទាំងនៅក្នុងប្រទេស នៅក្រៅប្រទេស។

លោក ថា៖«បើសម្រាប់បេក្ខជនដែលគាត់ទៅធ្វើការងារនៅក្រៅប្រទេស គឺគាត់អាចមានការទទួលស្គាល់ពីរាជរដ្ឋាភិបាលថាគាត់ពិតជាមានសមត្ថភាព អាចធ្វើការងារ​ឬប្រកបអាជីវកម្មហ្នឹងបាន។ »។

លោក គង់ អាទិត្យ ប្រធានសហភាពការងារកម្ពុជា (CLC)  មើលឃើញថា ការតេស្តទទួលស្គាល់ជំនាញ គឺជាគិតគូរមួយដ៏ត្រឹមត្រូវរបស់រាជរដ្ឋាភិបាលកម្ពុជា ព្រោះកន្លងទៅវិស័យឯកជនធ្លាប់ត្អូញត្អែរអំពីបញ្ហាខ្វះការធ្វើតេស្តទទួលស្គាល់ជំនាញ។

ប្រធានសហភាពការងារកម្ពុជា  ថ្លែងថា​៖«យើងបានឮអំពីបញ្ហាខ្វះការទទួលស្គាល់ជំនាញនេះ វាយូរដែរហើយ អ៊ីចឹងនៅកម្មវិធីថ្មីរបស់រាជរដ្ឋាភិបាលគឺយើងឃើញថា កម្មវិធីទទួលស្គាល់ជំនាញរបស់កម្មករ គឺជាការបំពេញមួយដ៏ត្រូវ ហើយចាំបាច់ចំពោះបងប្អូនកម្មករ ជាពិសេសបងប្អូនកម្មករវិលត្រឡប់ពីប្រទេសថៃដែលចំណាកស្រុកមកកម្ពុជាយើងតែម្ដង។»។

លោក គង់ អាទិត្យ បន្តថា៖«យើងដឹងហើយថា នៅកន្លែងជ្រើសរើសបុគ្គលិក គេត្រូវការគុណភាពហើយស្តង់ដារ ហើយបើសិនជាគាត់អត់មានវិញ្ញាបនបត្រទទួលស្គាល់គុណភាពជំនាញហ្នឹងទេ គាត់ទៅដាក់ពាក្យ និយោជកអត់ដឹងថាកំណត់គាត់យ៉ាងម៉េច ហើយកម្រិតប្រាក់ឈ្នួលគាត់ក៏ទាប។ អ៊ីចឹងនៅពេលដែលគាត់មានការទទួលស្គាល់ស្តង់ដារសមត្ថភាព បូករួមជាមួយជំនាញដែលគាត់រៀនពីក្រៅប្រទេស គាត់អាចទទួលបានចំណូលខ្ពស់ លក្ខខណ្ឌការងារល្អ។»។

អតីតពលករអាចចុះឈ្មោះធ្វើតេស្ត RPL ចុះឈ្មោះតាមប្រព័ន្ធអនឡាញតាមអាសយដ្ឋាន https://erpl.mlvt.gov.kh ឬចុះឈ្មោះដោយផ្ទាល់នៅមជ្ឈមណ្ឌលវាយតម្លៃសមត្ថភាពទាំង ៩ កន្លែង ក្នុងនោះសម្រាប់រាជធានីភ្នំពេញអាចចុះឈ្មោះនៅវិទ្យាស្ថានជាតិពហុបច្ចេកទេសកម្ពុជា (NPIC) វិទ្យាស្ថានជាតិបណ្តុះបណ្តាលបច្ចេកទេស (NTTI) វិទ្យាស្ថានពហុបច្ចេកទេសព្រះកុសុមៈ (PPI) វិទ្យាស្ថានបច្ចេកទេសឧស្សាហកម្ម (ITI) ចំណែកតាមបណ្ដាខេត្តអាចចុះឈ្មោះនៅវិទ្យាស្ថានជាតិពហុបច្ចេកទេសអង្គរ (NPIA) នៅខេត្តសៀមរាប វិទ្យាស្ថានពហុបច្ចេកទេសភូមិភាគតេជោសែនស្វាយរៀង វិទ្យាស្ថានបច្ចេកវិទ្យាបាត់ដំបង (BIT) វិទ្យាស្ថានពហុបច្ចេកទេសខេត្តបន្ទាយមានជ័យ និងមាននៅវិទ្យាស្ថានពហុបច្ចេកទេសភូមិភាគតេជោសែនតាកែវ៕

The post កម្មវិធីធ្វើតេស្តទទួលស្គាល់ជំនាញដែលមានពីមុន អាចជួយអតីតពលករទទួលបានឱកាសការងារមានប្រាក់ចំណូលសមរម្យ appeared first on Kampuchea Thmey Daily.

តាមរយៈការផ្សព្វផ្សាយក្រសួងការងារ បានឱ្យដឹងថា គិតត្រឹមថ្ងៃ ២៦ ខែមិថុនា ឆ្នាំ ២០២៦ នេះ ខេត្តស្វាយរៀង មានឱកាសការងារចំនួន ៤,៣១៨ កន្លែង កំពុងរង់ចាំអតីតពលករត្រឡប់មកពីប្រទេសថៃ និង អ្នកកំពុងស្វែងរកការងារធ្វើ។ ឱកាសការងារទាំងនោះ ស្ថិតក្នុងវិស័យឧស្សាហកម្ម និង សេវាកម្ម។

ដើម្បីទទួលបានឱកាសការងារទាំងនោះ អតីតពលករត្រឡប់មកពីប្រទេសថៃ និង អ្នកកំពុងស្វែងរកការងារធ្វើ អាចស្វែងរកលេខទំនាក់ទំនង ឈ្មោះរោងចក្រ និង វិស័យដែលខ្លួនពេញចិត្តបានតាមរយៈខិតប័ណ្ណការងាររបស់ក្រសួងដែលបានផ្សព្វផ្សាយយ៉ាងលម្អិត។

ជាមួយគ្នានេះ ក្រៅពីទំនាក់ទំនងផ្ទាល់ជាមួយក្រុមហ៊ុន រោងចក្រ សហគ្រាស អ្នកស្វែងរកការងារទាំងអស់ ជាពិសេសអតីតពលករ ក៏អាចទាក់ទងមកប្រព័ន្ធទំនាក់ទំនងបន្ទាន់ ១២៩៧ ដើម្បីឱ្យក្រសួងការងារជួយសម្របសម្រួលស្វែងរកការងារជូនផងដែរ។ នេះបើតាមក្រសួងការងារដដែល៕

The post ក្រសួងការងារ ៖ ខេត្តស្វាយរៀង មានឱកាសការងារជាង ៤ ពាន់កន្លែង រង់ចាំអតីតពលករមកពីថៃ និង អ្នកកំពុងស្វែងរកការងារធ្វើ appeared first on Kampuchea Thmey Daily.

តាមរយៈការផ្សព្វផ្សាយក្រសួងការងារបានឱ្យដឹងថា គិតត្រឹមថ្ងៃទី២៦ ខែមិថុនា ឆ្នាំ២០២៦នេះ ខេត្តកំពង់ចាម កំពង់ឆ្នាំង និងខេត្តកំពង់ធំមានឱកាសការងារសរុបចំនួន ៨,៩២៨កន្លែង កំពុងរង់ចាំអតីតពលករត្រឡប់មកពីប្រទេសថៃ និងអ្នកកំពុងស្វែងរកការងារធ្វើនៅក្នុងវិស័យកសិកម្ម ឧស្សាហកម្ម និងវិស័យសេវាកម្ម។

ដើម្បីទទួលបានឱកាសការងារទាំងនោះ អតីតពលករត្រឡប់មកពីប្រទេសថៃ និងអ្នកកំពុងស្វែងរកការងារធ្វើ អាចស្វែងរកលេខទំនាក់ទំនង ឈ្មោះរោងចក្រ និងវិស័យដែលខ្លួនពេញចិត្តបានតាមរយៈខិតប័ណ្ណការងាររបស់ក្រសួងដែលបានផ្សព្វផ្សាយយ៉ាងលម្អិត។

ជាមួយគ្នានេះ ក្រៅពីទំនាក់ទំនងផ្ទាល់ជាមួយរោងចក្រ សហគ្រាស និងរោងចក្រផ្ទាល់ អ្នកស្វែងរកការងារទាំងអស់ ជាពិសេសអតីតពលករ ក៏អាចទាក់ទងមកប្រព័ន្ធទំនាក់ទំនងបន្ទាន់ ១២៩៧ ដើម្បីឱ្យក្រសួងការងារជួយសម្របសម្រួលស្វែងរកការងារជូនផងដែរ នេះបើតាមក្រសួងការងារដដែល៕

The post ឱកាសល្អ! ខេត្តក្នុងតំបន់ទំនាបកណ្ដាលចំនួន៣ មានឱកាសការងារជិត ៩ពាន់កន្លែង រង់ចាំអតីតពលករត្រឡប់ពីថៃ និងអ្នកស្វែងរកការងារធ្វើ appeared first on Kampuchea Thmey Daily.

​បើតាមក្រសួង​​ការ​ងារបានឱ្យដឹងថា វេទិកាការងា​រនេះ នឹង​​ត្រូ​វរៀប​ចំ​នៅថ្ងៃទី២៦ ខែមិថុនា នៅក្នុង​បរិវេណវត្តអ​ម្ពវនារាម ហៅ​វត្តស្វា​​យមីង និងនៅថ្ងៃទី២៧ មិ​ថុនា នៅក្នុង​បរិវេណ​វត្តសិរី​មង្គល ហៅវត្ត​ចុង​ជាច ខេត្ដ​ត្បូងឃ្មុំ។​ ប្រជាពលរដ្ឋ​ដែលចូលរួ​មនឹង​មាន​ឱកាស​ស្វែង​យល់ដោយ​ផ្ទាល់អំ​ពីឱ​កាស​ការងារ​រាប់​ម៉ឺន​កន្លែងពីក្រុមហ៊ុន និងរោងចក្រធំៗជា​ច្រើន ក៏​ដូចជា​​អាចដាក់ពាក្យ​សម្ភាស​ការ​ងារភ្លាម​ៗនៅទីតាំងក​ម្មវិ​ធីផងដែរ។

ក្រៅពីឱកាសកា​រងារ អ្នកចូល​រួមក៏នឹងទទួ​លបានព័​ត៌មានលម្អិតអំពីអត្ថប្រ​យោជន៍នៃរ​បបសន្តិ​សុខសង្គម ដែលផ្ដល់ដោយ ​ប.ស.ស. និងព័ត៌មាន​អំពី​វគ្គ​សិក្សាជំ​នាញដោយ​ឥតគិតថ្លៃ ក្រោ​មកម្មវិធីរប​​ស់រាជរដ្ឋា​ភិបាល ដែលអាចជួយ​ឱ្យយុវជន និងប្រជា​ពលរដ្ឋបង្កើន​ជំនាញ​វិជ្ជាជីវៈ និងបង្កើន​ឱកាស​ទទួល​​បានការងារល្អនៅក្នុងប្រទេស។ បន្ថែម​ពី​លើនេះ អ្នកចូលរួមនឹងទ​ទួលបាននូវអាហារ ភេសជ្ជៈ ការដឹកជញ្ជូ​នទៅចូ​ល​រួម​វេទិកា​ដោយ​ឥត​គិត​ថ្លៃថែមទៀត​ផង​។

លោក ស៊ុន មេសា អ្នកនាំពាក្យក្រសួងការងារ និងបណ្ដុះបណ្ដាលវិជ្ជាជីវៈ នៅតែបន្តអំពា​វនា​វសា​ជាថ្មីម្តងទៀ​តទៅដល់​អតីតពល​ករ​ដែ​លមកពីប្រ​ទេសថៃ និងប្រជាពលរដ្ឋនៅ​មូលដ្ឋាន​ជាពិសេសខេត្ត​ជាប់ព្រំដែនដែល​មានបំណងស្វែងរកការងារធ្វើ សូម​ទាក់ទងមក​លេខ ១២៩៧ ដើម្បី​ទ​​ទួលបាន​ឱកា​សការងារក្នុងស្រុកដែលមានប្រាក់ឈ្នួល​ប្រហាក់ប្រហែលគ្នា អត្ថប្រយោជន៍សង្គមច្រើន​ជាង សុវត្ថិភាព និងចូលរួមក្នុង​ការ​អភិវឌ្ឍ​សេដ្ឋកិច្ច​ជាតិរ​បស់ខ្លួន៕

The post ក្រសួងការងារ នឹងនាំយកឱកាសកា​រងារជូ​ន​ដល់អតីតពលករ និងពលរដ្ឋក្នុងខេត្តត្បូងឃ្មុំនៅចុងសប្ដាហ៍នេះ appeared first on Kampuchea Thmey Daily.

នេះបើតាមលោក ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ ដែលបានថ្លែងក្នុងទិវាជាតិ​អប់រំបណ្តុះបណ្តាលបច្ចេ​កទេស​ និង​វិជ្ជាជីវៈ លើកទី៩ ឆ្នាំ២០២៦ ក្រោមប្រធានបទ «TVET ផ្តល់ជំនាញ ការងារ និងប្រាក់ចំណូល» នៅមជ្ឈមណ្ឌលសន្និបាត និងពិព័រណ៍កោះពេជ្រ ថ្ងៃទី​១៥ ខែមិថុនា ឆ្នាំ២០២៦ ក្រោមអធិបតីភាពដ៏​ខ្ពស់ខ្ពស់ សម្តេចមហា​បវរធិបតី ហ៊ុន ម៉ាណែត នាយករដ្ឋមន្ត្រី នៃព្រះ​រាជាណាចក្រកម្ពុជា។

លោករដ្ឋមន្ត្រីបានប​ញ្ជាក់ថា «គិតត្រឹមថ្ងៃទី១៣ ខែមិថុនា​ ឆ្នាំ២០២៦ បងប្អូនអតីតពលករត្រឡប់មកពី​ប្រទេស​ថៃចំនួន ៤,៩១២នាក់ បានចុះឈ្មោះចូលរួម​កម្មវិធីទទួលស្គាល់ជំនាញមានពីមុន ​(Recognition of Prior Learning – RPL) ខណៈ​បងប្អូន​អតីតព​លករចំនួន ៣,៨៨០​នាក់ បានឆ្លងកា​ត់ការធ្វើតេស្តរួចរា​ល់លើមុ​ខជំនាញចំនួន ៨ ក្នុងវិស័យ​សំណង់»។

បើតាមលោករដ្ឋមន្ត្រី វិញ្ញាបនប​ត្រផ្លូវការ ដែលបានពីការធ្វើតេស្តវាយ​​តម្លៃសមត្ថភាពីមុននេះ នឹងក្លាយជា​ស្ពានដ៏សំ​ខាន់ក្នុង​កា​របង្កើន​ឱកាស​ការងារ ទ​ទួលបា​នប្រាក់​ឈ្នួលសម​រម្យ និងងា​យស្រួលក្នុង​ការស្វែងរកការងារទាំង​ក្នុងប្រទេស និងក្រៅ​ប្រទេសសម្រាប់​បងប្អូ​នអតីតពលករ។

សូមបញ្ជាក់ថា លទ្ធផលខាងលើ​នេះបានឆ្លុះ​បញ្ចាំងពីភាព​ជោគជ័យ​នៃគោល​នយោបាយ​អភិវឌ្ឍជំនាញរបស់រាជរដ្ឋាភិបាល ដែលមិនត្រឹម​តែ​ផ្តល់ឱកា​សប​ណ្តុះបណ្តាល​ដោយឥតគិត​ថ្លៃប៉ុណ្ណោះទេ ប៉ុន្តែថែ​មទាំងទទួ​លស្គាល់បទ​ពិសោធន៍ និងជំនាញ​ដែលពលក​រមាន​ស្រាប់ ឱ្យ​ក្លាយ​ជា​គុណវុឌ្ឍិផ្លូវការដែលមានតម្លៃក្នុងទីផ្សារការងារផងដែរ៕

The post អតីតពលករជិត ៥ពាន់នាក់ទទួលបានឱកាសបញ្ជាក់សមត្ថភាពជំនាញដោយឥតគិតថ្លៃ ដើម្បីពង្រឹងឱកាសការងារទាំងក្នុងស្រុក និងក្រៅប្រទេស appeared first on Kampuchea Thmey Daily.

វេទិកាការងារ សន្តិសុខសង្គម និង បណ្ដុះបណ្ដាលវិជ្ជាជីវៈ នេះ នឹងត្រូវរៀបចំនៅថ្ងៃទី ១២ ខែមិថុនា ក្នុងបរិវេណសាលាបឋមសិក្សា សម្តេច ហ៊ុន សែន រណសិរ្សត្រីភូមិ និង នៅថ្ងៃទី ១៣ ខែមិថុនា ក្នុងបរិវេណសាលាស្រុកជីក្រែង ស្រុកជីក្រែង ខេត្តសៀមរាប។

លោក ស៊ុន មេសា អ្នកនាំពាក្យ នៃក្រសួងការងារ និង បណ្ដុះបណ្ដាលវិជ្ជាជីវៈ បានថ្លែងថា “ការរៀបចំវេទិកាការងារនេះឡើងមកគឺដើម្បីជួយលើកកម្ពស់វិស័យការងារ សន្តិសុខសង្គម និង ការបណ្ដុះបណ្ដាលវិជ្ជាជីវៈ ដែលមាននៅក្នុងស្រុក ជាពិសេសេគឺការចូលរួមពីសំណាក់ក្រុមហ៊ុនឯកជនដែលជាដៃគូសហការរបស់ក្រសួងការងារដោយផ្ទាល់”។

លោកបានបញ្ជាក់ថា ក្នុងវេទិកាការងារនេះ នឹងមានផ្ដល់ជូននូវឱកាសការងារ ក្នុងនោះ អ្នកចូលរួមទាំងអស់ នឹងទទួលបានព័ត៌មានអំពីឱកាសការងារដ៏សម្បូរបែបសរុប ៩១,៨១៦ កន្លែង នៅទូទាំងប្រទេស វគ្គបណ្តុះបណ្តាលបច្ចេកទេសដោយឥតគិតថ្លៃ និង អត្ថប្រយោជន៍របស់បេឡាជាតិសន្តិសុខសង្គម។ បន្ថែមពីលើនេះ គឺការទទួលបាននូវអាហារ ភេសជ្ជៈ ការដឹកជញ្ជូនទៅចូលរួមវេទិកាដោយឥតគិតថ្លៃថែមទៀតផង។

ជាមួយគ្នានេះ លោក ស៊ុន មេសា នៅតែបន្តអំពាវនាវសាជាថ្មីម្តងទៀតទៅដល់អតីតពលករមកពីប្រទេសថៃ និង ប្រជាពលរដ្ឋនៅមូលដ្ឋាន ជាពិសេសខេត្តជាប់ព្រំដែន ដែលមានបំណងស្វែងរកការងារធ្វើ សូមទាក់ទងមកលេខ ១២៩៧ ដើម្បីទទួលបានឱកាសការងារក្នុងស្រុកដែលមានប្រាក់ឈ្នួលប្រហាក់ប្រហែលគ្នា អត្ថប្រយោជន៍សង្គមច្រើនជាង សុវត្ថិភាព និង ចូលរួមក្នុងការអភិវឌ្ឍសេដ្ឋកិច្ចជាតិរបស់ខ្លួន៕

The post ស្អែកនេះ ក្រសួងការងារ នឹងនាំយកឱកាសការងារជាង ៩ ម៉ឺនកន្លែង ជូនអតីតពលករត្រឡប់ពីថៃ និង ពលរដ្ឋ នៅខេត្តសៀមរាប appeared first on Kampuchea Thmey Daily.