​ក្រុមការងារអន្តរក្រសួងមានសមាសភាព ១៤ រូប ដឹកនាំដោយលោក ឈាង វណ្ណារិទ្ធិ ​រដ្ឋលេខាធិការ នៃទីស្ដីការគណៈរដ្ឋមន្ត្រី ជា​ប្រធាន និងអនុប្រធាន ២ រូប គឺលោក ជា អូន រដ្ឋលេខាធិការ នៃរដ្ឋលេខាធិការដ្ឋាន​អាកាសចរស៊ីវិល និងលោក ផាន់ ផល្លារ រដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ ​ព្រមទាំងសមាជិក ១១ រូប។​

​សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា មានប្រសាសន៍នៅក្នុងពិធី​សម្ពោធ​អា​កាស​យាន​ដ្ឋានអន្តរជាតិតេជោ ​នៅថ្ងៃទី ២០ ខែតុលា ឆ្នាំ ២០២៥នេះ​ថា ​រាជរដ្ឋាភិបាលគ្មាន​គម្រោង​លក់អាកាសយានដ្ឋាន​អន្តរជាតិភ្នំពេញនោះទេ ពោលគឺមានគោលការណ៍ចំនួន ២ ​គឺទី១ បម្រុងទុក​សម្រាប់​ការចុះចតយន្តហោះពេលមានអាសន្ន និងគ្រោងរៀបចំ​ទៅជាសួនសាធារណៈ សម្រាប់​​ប្រជាពលរដ្ឋ។ ​

​សម្ដេច ​ហ៊ុន ម៉ាណែត បន្ថែមថា៖ «​យើង​កំពុងគិតគូ​ថា ដាំដើមឈើមួយចំនួន ​កុំឱ្យប៉ះពាល់​ផ្លូវ​ហោះ​ហើរ ​ហើយពេលទៅថ្ងៃមុខ​យើងអាចបើក​ ដាំដើមឈើរដើម្បីឱ្យ​បងប្អូនទៅលេង ​រត់កីឡា អីនៅនុង ​រៀបចំតាមស្រះៗ ស្រះមានស្រាប់ហើយ ​មិនបាច់ជីកស្រះលម្អទៀតទេ ព្រោះវាមាន​កន្លែង​ស្តុកទឹក​ស្រាប់​ហើយ ប្រើវាទៅ»​។ ​

​ដោយឡែក ​នៅខាងអាគារ​ដែលមានស្រាប់ ​យើងអាចគិតគូសកម្មភាពសេដ្ឋកិច្ច​ពាណិជ្ជកម្ម​មួយ​ចំនួន ​ដើម្បីយកចំណូលទៅថែទាំ ​ចិញ្ចឹមព្រលានយន្តហោះទាំងមូល​ តែមិនលក់ឱ្យឯកជនទេ។ កន្លែងខ្លះ​ត្រូវរៀបចំជាសារមន្ទី ​ព្រោះព្រលានយន្តហោះអន្តរជាតិភ្នំពេញជា ​ព្រលាន​ប្រវត្តិសាស្ត្រ ​តាំង​ពីស្នាមព្រហស្ដរបស់សម្ដេចតា។

​អាកាសយានដ្ឋានអន្តរជាតិភ្នំពេញ ​ត្រូវបានកសាងឡើង​នៅឆ្នាំ ​១៩៥៤ ​លើផ្ទៃដី ​៣៨៦ ​ហិកតា ស្ថិតនៅខណ្ឌពោធិ៍សែនជ័យ ​រាជធានីភ្នំពេញ៕

អត្ថបទ៖ ឡេង ដេត

The post ​រដ្ឋាភិបាល​តែងតាំង​គណៈកម្មការ​ អភិវឌ្ឍ​ព្រលានយន្តហោះភ្នំពេញ ​ទៅជាសួនសាធារណៈ​ appeared first on Kampuchea Thmey Daily.

លោក ស៊ីន ចាន់សិរីវុត្ថា អ្នកនាំពាក្យរបស់រដ្ឋលេខាធិការដ្ឋានអាកាសចរណ៍ស៊ីវិល បានបញ្ជាក់ឱ្យដឹងថា ទិវាអាកាសចរណ៍ស៊ីវិលកម្ពុជា លើកទី១ នឹងមានការរៀបចំពិធីអបអរសារទររួមមាន៖

ទី១៖ កម្មវិធី រត់ប្រណាំងលើផ្លូវយន្តហោះ (Runway Fun Run 5km) ទីតាំង៖ ផ្លូវយន្តហោះ នៃអតីតអាកាសយានដ្ឋានអន្តរជាតិភ្នំពេញ ពេលវេលា៖ ចាប់ពីម៉ោង០៥៖៣០ព្រឹក ដល់ម៉ោង ៧៖៣០ព្រឹក។

ទី២៖ កម្មវិធីពិព័រណ៍ទិវាអាកាសចរណ៍ស៊ីវិលកម្ពុជា ទីតាំងអតីតអាកាសយានដ្ឋានអន្តរជាតិភ្នំពេញ (VIP Terminal) ពេលវេលា៖ ចាប់ពីម៉ោង១០៖៣០ព្រឹក ដល់ម៉ោង០៩៖០០យប់។

សកម្មភាព តាំងពិព័រណ៍បង្ហាញផលិតផលសេវាកម្មអាកាសចរណ៍, ទស្សនាការដាក់តាំងយន្តហោះ ធន់តូច និងការបង្ហោះដ្រូន, ម្ហូបអាហារផលិតផលខ្មែរ (ផ្គត់ផ្គង់តាមអាកាសយានដ្ឋាន និងអាកាសយាន), ការប្រគុំតន្ត្រី និងការផ្តល់ជូនកាដូអនុស្សាវរីយ៍ជាច្រើន ពីក្រុមហ៊ុនអាកាសចរណ៍នានា៕

The post កម្ពុជានឹងរៀបចំទិវាអាកាសចរណ៍លើកដំបូង នៅចុងសប្ដាហ៍នេះ appeared first on Kampuchea Thmey Daily.

ការរអាក់រអួលបានប៉ះពាល់ដល់ដំណើរការពិនិត្យចូល និងទម្លាក់ឥវ៉ាន់តាមប្រព័ន្ធអេឡិចត្រូនិក ដោយបង្ខំឱ្យអាកាសយានដ្ឋានពឹងផ្អែកលើប្រតិបត្តិការដោយដៃ។ អាកាសយានដ្ឋាន Heathrow ជិតទីក្រុងឡុងដ៍ បានជួបប្រទះការពន្យាពេលចេញដំណើរជាមធ្យម៣៤ នាទី ដោយជើងហោះហើរចំនួន ៤៤៥ ត្រូវបានពន្យារពេល និង ១៨ ត្រូវបានលុបចោល ខណៈដែលទីក្រុងព្រុចសែលបានលុបចោលពាក់កណ្តាលនៃជើងហោះហើរចេញដំណើររបស់ខ្លួនរហូតដល់ព្រឹកថ្ងៃចន្ទ។

បញ្ហានេះបណ្ដាលមកពីកម្មវិធី MUSE របស់ Collins Aerospace ដែលគ្រប់គ្រងការ Check-In អ្នកដំណើរសម្រាប់ក្រុមហ៊ុនអាកាសចរណ៍ប្រហែល ៣០០ នៅអាកាសយានដ្ឋានចំនួន ១០០។ អាកាសយានដ្ឋាននានាសង្កត់ធ្ងន់ថាការគ្រប់គ្រងចរាចរណ៍ផ្លូវអាកាសមិនត្រូវបានប៉ះពាល់ទេ ប៉ុន្តែអ្នកដំណើរនៅតែប្រឈមមុខនឹងការរង់ចាំយូរ និងការភ័ន្តច្រឡំ ដោយបុគ្គលិកបានប្រើឧបករណ៍បន្លឺសំឡេងដោយដៃដើម្បីប្រាប់អ្នកដំណើរជំនួស។

អាជ្ញាធរ រួមទាំងមជ្ឈមណ្ឌលសន្តិសុខអ៊ីនធឺណិតជាតិរបស់ចក្រភពអង់គ្លេស និងមន្ត្រីដឹកជញ្ជូន កំពុងសម្របសម្រួលជាមួយក្រុមហ៊ុន Collins Aerospace ដើម្បីស្ដារប្រព័ន្ធឡើងវិញ។

គួរបញ្ជាក់ថាឧបទ្ទវហេតុនេះគឺជាផ្នែកមួយការកើនឡើងនៃការវាយប្រហារតាមអ៊ីនធឺណិតលើការដឹកជញ្ជូន និងប្រព័ន្ធស្ថាប័ន បន្ទាប់ពីការវាយប្រហារពីមុនមកលើក្រុមហ៊ុនអាកាសចរណ៍ជប៉ុន សាកលវិទ្យាល័យColumbia និងទីក្រុងនានារបស់សហរដ្ឋអាមេរិក ដោយបង្ហាញពីភាពងាយរងគ្រោះនៅក្នុងហេដ្ឋារចនាសម្ព័ន្ធសំខាន់ៗ៕

អត្ថបទ៖ ប៊ុន សុភាព

The post អាកាសយានដ្ឋានជាច្រើននៅអឺរ៉ុបជួបចលាចល​បន្ទាប់​ពី​រងការ​វាយ​ប្រហារ​តាម​អ៊ីនធឺណេត​លើ​ប្រព័ន្ធ Check-In appeared first on Kampuchea Thmey Daily.

អាកាស​យាន​ដ្ឋាន​អន្តរជាតិតេជោ ត្រូវបានជាប់ ឈ្មោះ ជា សំណង់ស្ថាបត្យកម្មដ៏អស្ចារ្យបំផុតមួយក្នុងចំណោម ១១-ស្ថាបត្យកម្មដ៏អស្ចារ្យបំផុតនៅ លើពិភពលោក ដោយដាក់ទីតាំងព្រលានយន្តហោះតេជោ​នៅ​ជួរ​មុខនៃការរចនាប្រកប ដោយភាពច្នៃប្រឌិត និងនិរន្តរភាព។

អាកាសយានដ្ឋានអន្តរជាតិតេជោ នឹងមកជំនួយអាកាសយានដ្ឋាន​អន្តរជាតិភ្នំពេញបច្ចុប្បន្ន ដែលមានសមត្ថភាពបម្រើសេវាកម្មដឹកភ្ញៀវទេសចរណ៍បានរហូតដល់ទៅ ៦ដងលើសព្រលាន​បច្ចុប្បន្ន។

អាកាសយានដ្ឋានអន្តរជាតិតេជោមាន៣ដំណាក់កាល គឺដំណាក់កាលទី១ សាងសង់​រួចរាល់​នៅ​ឆ្នាំ ២០២៥ អាចទទួលអ្នកដំណើរបានប្រមាណ ១៣ លាននាក់ក្នុងមួយឆ្នាំ ដំណាក់​កាល​ទី២ នឹងបញ្ចប់នៅឆ្នាំ ២០៣០ ដែលអាចទទួលបានអ្នកដំណើរប្រមាណជា ៣០ លាន​នាក់​ក្នុងមួយឆ្នាំ និងដំណាក់កាលចុងក្រោយ នឹងបញ្ចប់នៅឆ្នាំ ២០៥០ អាចនឹងទទួល​បានអ្នក​ដំណើរ​រហូត​ដល់ ៥០ លាននាក់ក្នុងមួយឆ្នាំ៕

អត្ថបទ៖ ឡេង ដេត

The post អាកាសយានដ្ឋានអន្តរជាតិតេជោ លើកពេលបើកដំណើរការទៅដើមខែកញ្ញា appeared first on Kampuchea Thmey Daily.

ការបិទនេះធ្វើឲ្យប៉ះពាល់ខ្លាំងបំផុត ដោយបណ្តាលឲ្យជើងហោះហើរ ១ ៣៥១ជើងត្រូវលុបចោល និងប៉ះពាល់ដល់អ្នកដំណើររាប់សែននាក់នៅទូទាំងពិភពលោក។

ជើងហោះហើរដែលធ្វើដំណើរទៅព្រលាន Heathrow ត្រូវបានបង្វែរទៅអាកាសយានដ្ឋាននានាជំនួសវិញ រួមទាំង Gatwick, Charles de Gaulle និង Shannon ផងដែរ។

លើសពីនេះ ក្រុមហ៊ុនអាកាសចរណ៍ដូចជា British Airways និង Virgin Atlantic បានលុបចោលជើងហោះហើរជាច្រើន ហើយយន្តហោះមួយចំនួនដែលលើផ្លូវឆ្ពោះទៅសហរដ្ឋអាមេរិក ត្រូវបង្ខំចិត្តហោះបកទៅកន្លែងចេញដំណើរវិញ ទោះហោះបានពាក់កណ្តាលទីហើយក៏ដោយ។

អគ្គិភ័យបានចាប់ផ្តើមនៅតំបន់ Hayes ភាគខាងលិចទីក្រុងឡុងដ៍ ហើយអ្នកពន្លត់អគ្គិភ័យប្រមាណ៧០នាក់និងរថយន្តពន្លត់ចំនួន១០គ្រឿង ត្រូវបានបញ្ជូនទៅដើម្បីគ្រប់គ្រងស្ថានការណ៍។

ស្របពេលជាមួយគ្នានោះ មនុស្សប្រមាណ១៥០នាក់ ក៏ត្រូវបានជម្លៀសចេញពីតំបន់នោះផងដែរ ខណៈមកទល់ពេលនេះ គេនៅមិនទាន់អំពីមូលហេតុបង្កជាអគ្គិភ័យនេះនៅឡើយទេ។

បន្ថែមពីលើការបិទអាកាសយានដ្ឋាន អគ្គិភ័យបានបណ្តាលឲ្យដាច់ចរន្តអគ្គិសនី ប៉ះពាល់ដល់ផ្ទះជាង ១៦ ៣០០ ខ្នងនៅក្នុងតំបន់ Hayes។

អាជ្ញាធរអាកាសយានដ្ឋាន Heathrow បានណែនាំអ្នកដំណើរ កុំធ្វើដំណើរទៅព្រលានឲ្យសោះ ទោះក្នុងលក្ខខណ្ឌណាក៏ដោយ រហូតដល់ប្រតិបត្តិការចាប់ផ្តើមឡើងវិញ៕

អត្ថបទ៖ សុខ សុវណ្ណ

ចុចអាន៖ ​ជើងហោះហើរតាមផ្លូវអាកាសនៅកម្ពុជាមានកំណើនខ្ពស់នៅដើមឆ្នាំនេះ

The post អង់គ្លេស បិទអាកាសយានដ្ឋាន Heathrow ដោយសារអគ្គិភ័យ បង្កផលប៉ះពាល់ដល់ការធ្វើដំណើរទូទាំងពិភពលោក appeared first on Kampuchea Thmey Daily.

ក្រុមហ៊ុន Cambodia Airports ជាសាខា​មួយ​របស់ក្រុមហ៊ុន VINCI Airports ដែលស្ថិត​ក្នុង​ចំណោម​ក្រុមហ៊ុន ​ធំ​ៗ​លំដាប់ពិភពលោក​ចំនួន​៥​នៅក្នុងវិស័យអាកាសយានដ្ឋាន។​​ ជាមួយ​នឹង​វត្ត​មាន​ធ្វើ​ប្រតិបត្តិការ​អស់​ជាង​២០ឆ្នាំ​នៅ​ក្នុង​ប្រទេសកម្ពុជា និង​ការ​វិនិយោគ​មាន​តម្លៃទឹក​ប្រាក់​៥០០លាន​ដុល្លារ​អាមេរិក កន្លងមក បច្ចុប្បន្ននេះក្រុមហ៊ុន VINCI Airports កំពុង​ប្រតិបត្តិការ​គ្រប់​គ្រង​អាកាសយាន​ដ្ឋាន​នៅ​ភ្នំពេញ សៀមរាប និង​ក្រុង​ព្រះសីហនុ។

យោងតាមរបាយការណ៍របស់ក្រុមហ៊ុន VINCI ចេញផ្សាយកាលពីថ្ងៃទី១៨ ខែកុម្ភៈ​  ចំនួនអ្នកដំណើរនៅតាមអាកាសយានដ្ឋានអន្តរជាតិរបស់ក្រុមហ៊ុន Cambodia Airports ​កើនឡើង ២៥%នៅក្នុងខែមករាឆ្នាំ២០២៥នេះធៀបនឹងរយៈពេលដូចគ្នាឆ្នាំមុន។​សម្រាប់ការដឹកជញ្ជូនទំនិញតាមផ្លូវអាកាសនៅអាកាសដ្ឋានអន្តរជាតិកម្ពុជា​ក៏កើនឡើង ២៣%ផងដែរនៅក្នុងខែមករាឆ្នាំនេះធៀបនឹងរយៈពេលដូចគ្នាក្នុងឆ្នាំមុន។​

ក្រុមហ៊ុន VINCI បានលើកឡើងថា៖«សម្រាប់ចំនួនអ្នកដំណើរនៅអាកាសយានដ្ឋានអន្តរជាតិនានានៅលើពិភពលោកដែលគ្រប់គ្រងដោយក្រុមហ៊ុន VINCI កំពុងចាប់ផ្តើមយ៉ាងស្វាហាប់រហូតដល់ដំណាច់ឆ្នាំ ២០២៥។ បើតាមតួរលេខគឺកើនឡើងស្ទើរតែគ្រប់ប្រទេសទាំង១៤ នៃបណ្តាញរបស់យើង»។

លោកបណ្ឌិត ធួន ស៊ីណាន ​ប្រធាន​សមាគម​ទេសចរណ៍​អាស៊ី​ប៉ាស៊ីហ្វិក​កម្ពុជា (PATACC) បានថ្លែងប្រាប់កម្ពុជាថ្មីនៅរសៀលថ្ងៃទី១៩ ខែកុម្ភៈ​នេះថាចំនួនភ្ញៀវទេចរអន្តរជាតិមកទស្សនាកម្ពុជាបានបន្តកើនឡើងចាប់តាំងពីចុងឆ្នាំមុនរហូតមកដល់បច្ចុប្បន្ន ជាពិសេសកំណើនភ្ញៀវមកពីប៉ែកអឺរ៉ុប។ ប៉ុន្តែលោកថា ស្របពេលដែលវិស័យទេសចរណ៍ទាំងមូលកំពុងមានកំណើន កម្ពុជាគួររៀបចំនូវព្រឹត្តិការណ៍ទេចរណ៍នានាដើម្បីបន្តទាក់ទាញភ្ញៀវឱ្យមកកាន់តែច្រើន។

លោកបានថ្លែងថា៖«វាជាសញ្ញាល្អនៃការវិវត្តន៍វិស័យទេចរណ៍  សម្រាប់កំណើនតាមផ្លូវអាកាសនាដើមឆ្នាំនេះឆ្លុះបញ្ចាំងពីភាពប្រសើរឡើងនៃវិស័យនេះ ដូច្នេះនៅពេលរដូវក្សត់ភ្ញៀវនាពេលខាងមុខ ទាំងវិស័យឯកជន និងរដ្ឋត្រូវសហការគ្នារៀបចំនូវយន្តការ ឬព្រឹត្តិការណ៍នានាដើម្បីរក្សានូវកំណើននេះ»។​

​យោងតាមក្រសួងទេសចរណ៍ នៅក្នុងឆ្នាំ២០២៤ កម្ពុជា​បានស្វាគមន៍ភ្ញៀវទេសចរណ៍​អន្តរជាតិ​ជាង ៦,៧ លាន​នាក់ ​កើន​ឡើងជិត ២៣ ភាគរយ បើធៀបនឹងឆ្នាំ ២០២៣ ដែលមានចំនួន ៥,៤៥ លាននាក់។ ជាមួយនឹងចំនួនភ្ញៀវទេចរណ៍នេះ បានបង្កើត​ ចំណូល​សរុបជាង ៣,៦៣ ពាន់លានដុល្លារដល់សេដ្ឋកិច្ច​ កើនឡើងប្រមាណជាង ១៧% ធៀបនឹងឆ្នាំ ២០២៣៕

The post ​ជើងហោះហើរតាមផ្លូវអាកាសនៅកម្ពុជាមានកំណើនខ្ពស់នៅដើមឆ្នាំនេះ appeared first on Kampuchea Thmey Daily.

លោក ស៉ីន ចាន់សិរីវុត្ថា​ រដ្ឋលេខាធិការ និងអ្នកនាំពាក្យអាកាសចរណ៍ស៊ីវិល​បានថ្លែងប្រាប់​កម្ពុជាថ្មីនៅព្រឹកថ្ងៃទី២០ ខែធ្នូនេះថា អាកាសយានដ្ឋាននឹងបើកការហោះហើរសាកល្បងជាលក្ខណៈសាមញ្ញសម្រាប់កិច្ចស្វាគមន៍ជើងហោះហើរជួល ឆាតទើរ  ក្នុងស្រុកដំបូងតែប៉ុណ្ណោះ។

លោកបានថ្លែងបញ្ជាក់ថា​បើគ្មានអ្វីប្រែប្រួលទេនោះអាកាសយានដ្ឋានតារាសាគរ ខេត្តកោះកុង គ្រោងនឹងដាក់សម្រាប់ការស្វាគមន៍ការជើងហោះហើរជួល « ឆាតទើរ»  (ឆាតទើរ គឺជាជើងហោះហើរជួលក្រៅកម្មវិធីហោះហើរ) ក្នុងស្រុកជំហានដំបូង នៅថ្ងៃទី២៦ ខែធ្នូ ឆ្នាំ២០២៤ នេះ ក្រោមអធិបតីភាពដ៏ខ្ពង់ខ្ពស់របស់ ឯកឧត្តមបណ្ឌិត ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរណ៍ស៊ីវិល ដោយមានការចូលរួមពីថ្នាក់ដឹកនាំ-មន្ត្រីជំនាញ ថ្នាក់ដឹកនាំ-មន្ត្រីក្រុមហ៊ុន ថ្នាក់ដឹកនាំ-មន្ត្រីសមត្ថកិច្ច និងអាជ្ញាធរពាក់ព័ន្ធ​ប្រមាណ១៥០នាក់។

លោកថា ព្រលាននេះក៏នឹង មានគម្រោងនឹងបើកជើងហោះ ឆាតទើរ ក្នុងស្រុក (Domestic Charter Flight) ពេញលេញ ស្របតាមអនុលោមភាព លក្ខខណ្ឌតម្រូវ និងបទដ្ឋានបច្ចេកទេសនាពេលខាមុខ។

លោកបានថ្លែងថា៖«នៅពេលដែលមានតម្រូវការទីផ្សារហោះហើរ ឆាតទើរ អន្តរជាតិ ទើបអាកាសយានដ្ឋានតារាសាគរនឹងឈានទៅបើកជើងហោះហើរ ឆាតទើរ ជាលក្ខណៈ អន្តរជាតិ (International Charter Flight) បន្ថែមទៀត»។

តាមការអះអាងរបស់ក្រុមហ៊ុនវិនិយោគ និងប្រតិបត្តិករ ​(ក្រុមហ៊ុនខូសថល អ៊ែរផត អ៊ិន វេសមិន ​(CAI) អាកាសយានដ្ឋានដែលមានទីតាំងស្ថិតនៅស្រុកគិរីសាគរ និងបុទុមសាគរ ខេត្តកោះកុង ​។​ ​អាកាសយានដ្ឋាននេះត្រូវបានអភិវឌ្ឍន៍​ក្នុងដំណាក់កាលទី១ ​លើផ្ទៃដី២១៨ហិកតា និងមានដីបម្រុងសម្រាប់ការអភិវឌ្ឍបន្តចំនួន១ពាន់ហិកតា ដោយចំណាយថវិកាប្រមាណ២០០លានដុល្លារ (ពីរយលានដុល្លារ)។

 យោងតាមផែនការមេ ស្តីពីការអភិវឌ្ឍន៍អាកាសយានដ្ឋានតារាសាគររយៈពេលខ្លី និងមធ្យម ​(ក្នុងករណីមានការបើកការហោះហើរជាលក្ខណៈពាណិជ្ជកម្ម ក្នុងស្រុក និងអន្តរជាតិពេញលេញ) អាកាសយានដ្ឋាននេះរំពឹងទទួលបានអ្នកដំណើរ៧លាននាក់ និងទំនិញ១ម៉ឺនតោន ក្នុង១ឆ្នាំ និងបន្តកើនអ្នកដំណើរដល់២០លាននាក់ និងទំនិញ៦ម៉ឺនតោន ក្នុង១ឆ្នាំ ចាប់ពីឆ្នាំ២០៣០-២០៥០៕

The post អាកាសយានដ្ឋានតារាសាគរនឹងបើកការហោះហើរសាកល្បងជាមួយនិង ការស្វាគមជើងហោះហើរ ឆាតទើរដំបូងនៅថ្ងៃទី២៦ខែធ្នូ​ appeared first on Kampuchea Thmey Daily.

សារព័ត៌មានថៃ Thai PBS World  ​បាន​ចុះ​ផ្សាយ​មុន​គេ​អំពី​ការ​ចាប់ខ្លួន​ស្ត្រី​ជន​ជាតិប៉ូឡូញនោះ និង បាន​ផ្សាយ​បន្ត​​ដោយ​ សារព័ត៌មាន​វៀតណាម VNS និង សារ​ព័ត៌មាន​ថៃ​ The Nation ​បានលើក​ឡើង​ថា មាន​ការ​គំរាម​​​បំផ្ទុះ​គ្រាប់​បែក​​នៅ​លើ​យន្តហោះ​នោះ​កើត​នៅ​​ ជើងហោះហើរ VZ961 ដែល​ផ្ទុក​អ្នកដំណើរ ១២១នាក់ រួមទាំងទារកម្នាក់ និងសមាជិក​​ក្រុម​នាវិក​​ចំនួន​នាក់។

តាម​ការផ្សា​យ​ខាងលើ ដោយ​ដកស្រង់សម្តី​ លោក Kittipong Kittikachorn អ្នកគ្រប់គ្រងទូទៅនៃអាកាសយានដ្ឋានបានរាយការណ៍ ដែល​អះអាង​ថា មជ្ឈមណ្ឌលសន្តិសុខរបស់អាកាសយានដ្ឋានត្រូវបានជូនដំណឹងនៅម៉ោង២​និង១៨​នាទីរសៀល ថ្ងៃទី២៦​ខែកញ្ញាអំពីការ​គំរាមកំហែងដែល​បានកើតឡើងនៅលើយន្តហោះ។

មន្ត្រីសន្តិសុខបានធ្វើការស្រាវជ្រាវយ៉ាងម៉ត់ចត់នូវអ្នកដំណើរ និងឥវ៉ាន់ដៃរបស់ពួកគេ ខណៈដែលក្រុមកម្ចាត់អាវុធជាតិផ្ទុះ (EOD) បានត្រួតពិនិត្យឥវ៉ាន់ និងយន្តហោះទាំងអស់ រកមិនឃើញវត្ថុសង្ស័យ ឬជាតិផ្ទុះទេ។

យោងតាមច្បាប់របស់ប្រទេសថៃ ស្តីពីបទល្មើសដែលបានប្រព្រឹត្តប្រឆាំងនឹងការហោះហើរតាមផ្លូវអាកាស ជនណាដែលដឹងព័ត៌មានមិនពិត បង្កការភ័យស្លន់ស្លោលើយន្តហោះដែលកំពុងហោះហើរ ត្រូវផ្តន្ទាទោសដាក់ពន្ធនាគាររហូតដល់​៥ ឆ្នាំ ឬពិន័យជាប្រាក់ចំនួន ៦១៥០​ដុល្លារអាមេរិក៕​

ដោយ រ៉ាន់ រើយ​

The post ​ថៃ​ឃុំខ្លួន​ស្ត្រី​ប៉ូឡូញ​​ដែល​បង្ក​ភាពស្លន់ស្លោដោយ​ការ​គំរាម​​មានគ្រាប់​បែក​លើ​យន្តហោះ​ appeared first on Kampuchea Thmey Daily.