ព័ត៌មានអន្ដរជាតិ

ថៃឃុំខ្លួនស្ត្រីប៉ូឡូញដែលបង្កភាពស្លន់ស្លោដោយការគំរាមមានគ្រាប់បែកលើយន្តហោះ

បានផុស

២ years មុន

នៅ

ថ្ងៃសុក្រ ២៧ កញ្ញា ២០២៤

ដោយ

អាជ្ញាធរថៃបានចាប់ខ្លួនស្ត្រីជនជាតិប៉ូឡូញម្នាក់ រួចឃុំខ្លួននៅអាកាសយានដ្ឋានអន្តរជាតិសុវណ្ណភូមិក្នុងទីក្រុងបាងកកប្រទេសថៃ ដោយរងការចោទថា បានបង្កភាពស្លន់ស្លោដោយសារមានគ្រាប់បែកនៅលើយន្តហោះ នៃក្រុមហ៊ុន Thai Vietjet នៅថ្ងៃទី២៦ខែកញ្ញា ដែលហោះហើរពីទីក្រុងដាណាំងស្ថិតនៅភូមិភាគកណ្តាលប្រទេសវៀតណាមទៅកាន់ប្រទេសថៃ។

មន្ត្រីចុះប្រតិបត្តិការត្រួតពិនិត្យនៅយន្តហោះក្រុមហ៊ុន Thai Vietjet។ Thai PBS World

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សារព័ត៌មានថៃ Thai PBS World បានចុះផ្សាយមុនគេអំពីការចាប់ខ្លួនស្ត្រីជនជាតិប៉ូឡូញនោះ និង បានផ្សាយបន្តដោយ សារព័ត៌មានវៀតណាម VNS និង សារព័ត៌មានថៃ The Nation បានលើកឡើងថា មានការគំរាមបំផ្ទុះគ្រាប់បែកនៅលើយន្តហោះនោះកើតនៅ ជើងហោះហើរ VZ961 ដែលផ្ទុកអ្នកដំណើរ ១២១នាក់ រួមទាំងទារកម្នាក់ និងសមាជិកក្រុមនាវិកចំនួននាក់។

តាមការផ្សាយខាងលើ ដោយដកស្រង់សម្តី លោក Kittipong Kittikachorn អ្នកគ្រប់គ្រងទូទៅនៃអាកាសយានដ្ឋានបានរាយការណ៍ ដែលអះអាងថា មជ្ឈមណ្ឌលសន្តិសុខរបស់អាកាសយានដ្ឋានត្រូវបានជូនដំណឹងនៅម៉ោង២និង១៨នាទីរសៀល ថ្ងៃទី២៦ខែកញ្ញាអំពីការគំរាមកំហែងដែលបានកើតឡើងនៅលើយន្តហោះ។

មន្ត្រីសន្តិសុខបានធ្វើការស្រាវជ្រាវយ៉ាងម៉ត់ចត់នូវអ្នកដំណើរ និងឥវ៉ាន់ដៃរបស់ពួកគេ ខណៈដែលក្រុមកម្ចាត់អាវុធជាតិផ្ទុះ (EOD) បានត្រួតពិនិត្យឥវ៉ាន់ និងយន្តហោះទាំងអស់ រកមិនឃើញវត្ថុសង្ស័យ ឬជាតិផ្ទុះទេ។

យោងតាមច្បាប់របស់ប្រទេសថៃ ស្តីពីបទល្មើសដែលបានប្រព្រឹត្តប្រឆាំងនឹងការហោះហើរតាមផ្លូវអាកាស ជនណាដែលដឹងព័ត៌មានមិនពិត បង្កការភ័យស្លន់ស្លោលើយន្តហោះដែលកំពុងហោះហើរ ត្រូវផ្តន្ទាទោសដាក់ពន្ធនាគាររហូតដល់៥ ឆ្នាំ ឬពិន័យជាប្រាក់ចំនួន ៦១៥០ដុល្លារអាមេរិក៕

ដោយ រ៉ាន់ រើយ